سجم أمو واخواتو بدل مايجيب ليهم شنطة هدوم جاب ليهم شنطة كتب

سعاد محمد الحسن التي رافقت الدوش كمحطة هامة في حياته وتروي سعاد قصة لقائها الأول بالدوش «كنا ندرس في معهد الدراسات الاضافية بجامعة الخرطوم آنذاك، في فترة حكم مايو 1983، خرج أساتذة المعهد لاستقبال شخص ما لا نعرفه نحن الطلبة وكانوا (متكتمين) عليه، كنا ننتظر هذا القادم بشغف بعد أن عرفنا من الأساتذة أنه صديق عزيز لديهم، فجاءنا شخص أشعث أغبر يحمل كمية من الكتب لا يستهان بها، كنت أول من أصدر تعليقاً عليه وصحت (سجم أمو واخواتو بدل مايجيب ليهم شنطة هدوم جاب ليهم شنطة كتب)، درسنا تاريخ المسرح وبعد شهر على بقاء هذا الأستاذ معنا عرفنا أنه عمر الدوش»... سبتمبر 1986م تاريخ مميز في حياة الدوش فقد شهد دخوله القفص الذهبي عندما تزوج من سعاد محمد الحسن.. حيث تم الزواج دون حفلة ودون أن ترتدي سعاد ثوب الزفاف التي تحلم به كل فتاة في ليلة زفافها، وقالت سعاد عن قصة زواجهما «عند المساء اشترينا (جردل) فول وذهبنا الى بيت أخت عمر، الوحيدة التي حضرت عقد القرآن من أصدقائي هي سهير عثمان قوليب، في المساء تجمع أصدقاؤنا في بيت أختو، حسب الرسول كمال الدين شال العود وغنى وأصحابي غنوا لي ، وانا ذاتي غنيت فاصل في العرس، وناس بيتنا ذاتهم اشتروا عشاهم من الدكان».

سيره طيبه لرجل شامخ ياشمس الدين
له الخلود ولك الموده

احترامى

Quote: بناديها وبعْزِم كُلّ زول يرتاح على ضحكَة عيون فيهَا وأحْلم اني في أكوان بتْرحَل من مراسيها عصافير نبّتَت جِنْحات وطارت للغيوم بيهَا مسافرِ من فرح لس شوق ونازِل في حنان ليهاَ أغنّي مع مراكب جات وراها بلاد حتمْشيهَا واحزَن لي سُفُن جايات وما بْتلقَى البِلاقيه بنادِيــــــهَا

ملهم كردفان شكرا علي المرور

ولا الحزن القديم

إنتِ

ولا لون الفرح

إنتِ

ولا الشوق المشيتْ بيهو

وغلبْنى أقيف

وما بِنْتِ

ولا التذكار ولا كُنْتِ

بتطْلَعِى إنتِ من غابات

ومن وديان...

ومنى أنا..

ومِن صحْيَة جروف النيل

مع الموجَهْ الصباحيَّه

ومن شهقَة زهور عطشانَهْ

فوق أحزانهْا

متْكَّيهْ

بتَطْلَعى إنتِ من صوت طِفلَهْ

وسط اللمَّهْ منْسيَّهْ

تَجينى



معاكْ يجينى زمن

أمتِّع نفسى بالدهشَهْ

طبول بتْدُق

وساحات لى فرح نَوّر

وجمّل للحُزن..ممْشى

وتمشي معاي

خُطانا الإلفَهْ والوحشَهْ

وتمشى معاي... وتْرُوحى

وتمشى معاي وسط روحى



ولا البلْقاهو بِعْرِفنى

ولا بعرِف معاكْ ..روحى


رحمه الله رحمة واسعة

Quote: سيره طيبه لرجل شامخ ياشمس الدين له الخلود ولك الموده

لك التحية ملهم كردفان

توماكس سلام
المدام وصلت ولا لسسسع؟

عادل يازول انت جاي متين من بلاد العجم الوليه ا انشاءالله يوم السبت
ولك التحية

والله ترانى مصنصن فى الفندق ذى الجرو الحابسنو فى مرقون
افتش ليكورة المريخ والهلال فى المنتديات ذى الرايحه ليهو حاجة عشان الصين مافى دشات فى الفنادق فيها قنوات سودانية واليوتيوب مقفل مافى طريقة نشوفها او نسمعها فى النت
لكن هانت انا جاى جدة يوم 17 باذن الله
وحمدالله على سلامة المدام ----- مش الولية

Quote: والله ترانى مصنصن فى الفندق ذى الجرو الحابسنو فى مرقون افتش ليكورة المريخ والهلال فى المنتديات ذى الرايحه ليهو حاجة عشان الصين مافى دشات فى الفنادق فيها قنوات سودانية واليوتيوب مقفل مافى طريقة نشوفها او نسمعها فى النت لكن هانت انا جاى جدة يوم 17 باذن الله وحمدالله على سلامة المدام ----- مش الولية

ياعا دل تصل بالسلامه
والله ستر عليكم من هزيمة كبيرة

Quote: -------------------------------------------------------------------------------- ولد عمر الطيب الدوش في مدينة شندي 1948م تخرج في معهد الـموسيقي الـمسرح قسم الـمسرح - عام(1974) وهي أول دفعه تتخرج في الـمعهد ومن زملائه هاشم صديق وإسحاق الحلنقي وصلاح الدين الفاضل وناصر الشيخ . وفي قسم الـموسيقي كان محمد وردي وانس العاقب وعثمان مصطفي S

Quote: وتمشي معاي خُطانا الإلفَهْ والوحشَهْ وتمشى معاي... وتْرُوحى وتمشى معاي وسط روحى

هذا ليس قول بل تراتيل جن أحوص
كلام عجيب
وعندما تذوب روح الحبيب في دواخلك
ويبقى السؤال
أجسامنا ليه جِسمين ؟
وروحنا واحدة
وكيف إتقسمت قسمين ؟

تحياتي ومودتي شمس الدين
حديثك عن ذاك القامة المرهف روحا وحرفا ( عليه رحمة الله ) يشجي القلوب تحنان يضاهي حنانه الذي حمل

الاخ خالد علي محجوب المنسي شكر اعلي المرور ولك التحية