صراحة + اندياح

اراد أن يعبر لها عن اعجابه بها ..
تأمل وجهها الطفولي ..
ومن ثم رمق جسدها النحيل الذي يتوسطه ذلك الخصر الضامر ..
فاليوم يوم هو عيد ميلادها وليس هناك اجمل من هذا اليوم لكي يعبر لها عن حبه واعجابه بها..
سحب نفساً عميقاً من سيجارته الطويلة ثم قال: أنت لوحة نادرة يا حبيبتي..
نعم فأنت لوحة نادرة زينت حياتي .. ولونت مداراتي..
قالها ثم سرح بعيدأ بخياله وهو ينظر الى دخان سيجارته الذي يتناثر امامه..
أما هي فقد انتظرت لحظة خروج المزيد من الكلمات التي لم تعتد على سماعها..
انتابتها مشاعر مختلطه مشاعر بالاقدام والاحجام ..
يا الهي انا لوحة نادرة في نظره .. وأخيراً قالها ..
انتزعتها الفرحة من مكانها وحلقت بها الاحلام بعيداً ..
فكل أنثى تسعد لمثل هذه الكلمات ولكنها ها هي تسمعها وللمرة الأولـى في حياتها ..
أنا لوحة نادره في نظره .. يا لهذا اليوم البهيج
..
..

طال انتظارها لكي تخرج المزيد من الكلمات التي تطربها ..
ادهشتها المفاجأة توقف عقلها عن التفكير ..
وحينما احست بان لا أمل في في أن يخرج المزيد من الكلمات ..
قررت أن تبادله الاندياح وفي تلك اللحظة ..
لحظة النشوة وغياب الوعي قالت له: وأنت لوح نادر يا حبيبي..
..
..

Quote:

اتلومت يا ايمن معاو......... والله صحي

لوح تلج

Quote: لوح تلج

محمد صديق

يا ريت لو كان لوح تلج ياخ!
زوله ما عندها أي اتيكيت (تقرأ زولة بيئة)
شرفت البوست

قالت ليهو أنت يا ابو فلان مالك ما بتعمل زي حسن جارنا دا؟
هو: وحسن الخيبان دا كمان قاعد يعمل شنو أنا ما قاعد اعملو؟
هي : والله كل ما يجي طالع مشوار يبوس زوجته ويودعها وبعدين يطلع
النبي كان ما عملت زيو ياخ....
..
..

هو : بصراحة حاولته أعمل زيو لكن ادتني كف .....

ايمنوف الحاجات دى بتجى من الكلشر ( الثقافة )

وانتوا ياكافى البلاء ثقافتكم امسك ليك واقطع لى خخخخخخ

هسي فى سودانى ممكن يمسك ايد زوجتوا فى محل عام

Quote: بصراحة حاولته أعمل زيو لكن ادتني كف

بذكرني وليد المبارك في عيد الفالنتين ...

Quote: ومن ثم رمق جسدها النحيل الذي يتوسطه ذلك الخصر الضامر .. فاليوم يوم هو عيد ميلادها وليس هناك اجمل من هذا اليوم لكي يعبر لها عن حبه واعجابه بها.. سحب نفساً عميقاً من سيجارته الطويلة ثم قال: أنت لوحة نادرة يا حبيبتي.. نعم فأنت لوحة نادرة زينت حياتي .. ولونت مداراتي

قمة الاندياح يادو البشاري

Quote: قمة الاندياح يادو البشاري

معتز نجم

حبابك في سوح الاندياح ..

Quote: وانتوا ياكافى البلاء ثقافتكم امسك ليك واقطع لى خخخخخخ هسي فى سودانى ممكن يمسك ايد زوجتوا فى محل عام

وضاحة

قلتي لي بالكلشـــر .. اها هسي لقيتي كلشـــري كيف باللاي
عارفه انتن بطلن نقه بس ونحن ح ننداح للطيش
والله صحي

Quote: بذكرني وليد المبارك في عيد الفالنتين ...

هبب شنو وليد يا جعفر بشـــير
غايتو شكلو انداح اندياحه خطيره ..

تحياتي

Quote: وحينما احست بان لا أمل في في أن يخرج المزيد من الكلمات .. قررت أن تبادله الاندياح وفي تلك اللحظة .. لحظة النشوة وغياب الوعي قالت له: وأنت لوح نادر يا حبيبي

البشاري يا حنين
بالغت لكن الزولة دي ما قدرت تعبر
بعد مرات خلي بالك نسوانا ديل بغلبن التعبير
ذكرتني نكتة برسلها ليك في حتة تانية ما بقدر اكتبها هنا واقفة لي في حلقي ياخي
والله صحي

Quote: البشاري يا حنين بالغت لكن الزولة دي ما قدرت تعبر بعد مرات خلي بالك نسوانا ديل بغلبن التعبير ذكرتني نكتة برسلها ليك في حتة تانية ما بقدر اكتبها هنا واقفة لي في حلقي ياخي والله صحي

اميرنا

صباحاتك ندية ياخي ..
انداح يا زول وايه الدنيا غير غير اندياحة في لحظة صفاء..
أما بالنسبة للمرفق فلم يصلني حتى كتابة هذه السطور ..

سا الفل يابشارينا

Quote: سا الفل يابشارينا

ملهم كردفان الغره

حبابك في خيط الاندياح دا ياخ ..
ولو عندك حاجة كبها طوالي ..

Quote: ايمنوف الحاجات دى بتجى من الكلشر ( الثقافة ) وانتوا ياكافى البلاء ثقافتكم امسك ليك واقطع لى خخخخخخ هسي فى سودانى ممكن يمسك ايد زوجتوا فى محل عام

هسا ايمنوف ذنبو شنو يا لوحة

Quote: هسا ايمنوف ذنبو شنو يا لوحة

غايتو انا لو محل وضاحة بجي اقول بصراحة كده
أنا ما قاصداك انت....... والله صحي ( )

بشاري بتفتح في النيران مالك؟
تحياتي لك عبرهذا الاندياااح

سلام البشارى
كتب امير طمبل
( بعد مرات خلي بالك نسوانا ديل بغلبن التعبير )

اها قبلتو علينا تانى ...والله انتو البغلبكم التعبير بالذات من نوع الحاجات البرسلوها بالماسنجر دى
احسن تعمل حسابكم :))
تحياتى ليكم يا شباب

ده شنو ده يابشاري ؟؟ .......
بعد الكلام السمح ده كان الواحد بيتوقع نهاية تانية ياخ ..
أو ربما يتم تطارح الغرام كالافلام المكسيكية ..
عارف دي زي زول يلبت ليكـ بي جردل موية باااارد ورا باب والدنيا شتا..
ويكبو ليك فوق صنقوركـ ..
يأخ راعي شوية ..
للناس الكاريهم وراكـ ديل ..

يا ود البشارى تحياتي ، شكرًا لك على هذا الإندياح الدّافئ الجميل و الذى سأقتفى أثره بحثًا عن ذاتى كلّما احمرّت سكاكين المنبر و احتَدّ النّزال ، فأنا فى هذه اللحظة أبحث عن ظل بارِد أخبّئ فيه خيباتي إذ لم أجد وطنى الذى أحلم به ، و سوف لن أجرؤ على محوِه من ذاكرتى التى شَوّه ملامِحها الضباب ، أحتاج إلى هذه ( الطّرَاوَة ) لتغفو أحزانى لحظةً تحت هذا الجدار المضئ .
قم و اسرِج جياد أقلامك و انداح كما الغمام يحتوينا و يظَلّل بالخضرة أجفان السهول .

اندياح يجبر على الحضور ..

جمال ود القوز

سلامي وتحياتي،،

Quote: عارف دي زي زول يلبت ليكـ بي جردل موية باااارد ورا باب والدنيا شتا.. ويكبو ليك فوق صنقوركـ ..

دي الصراحة يا جمال ياخ
صراحة تطفشك نوااااهي .. ودي اخير منها جردك مويتك دا

Quote: يأخ راعي شوية .. للناس الكاريهم وراكـ ديل ..

يا حاسد خلي البشرية تنداح ياخ!

الأخت زينب عبد الله

تحياتي،،

Quote: اها قبلتو علينا تانى ...

ابداً ياخ نقبل عليكم كيفن بس!
عارفه مرات كده تقولي
الدهشه ..
الفرحة ..
النشوة ..

بتخلي الواحد/ة يفلّت وبدل ما يصلح بقوم بخرب الرصة

Quote: والله انتو البغلبكم التعبير بالذات من نوع الحاجات البرسلوها بالماسنجر دى

هو وقت ما بعرف يعبر البخليهو يتشالق شنو في الماسنجر
يا زينب برضو في حاجة ويا ريت يا ريت تدينا رأيك فيها
وهي حاجة موجودة هنا في البورد ..
وهي قصة انو الواحدة تجي تفت الحصل في الماسنجر كلو هنا
اها الناس دي لو ما انداحت تعرس كيف عليك الله

Quote: احسن تعمل حسابكم :))

ديشااااك تهديد راسو عديييييييييل

Quote: بشاري بتفتح في النيران مالك؟ تحياتي لك عبرهذا الاندياااح

اوووووووووووو باسط المكي اشتياقات بالكوم يا حبيب
الاندياح تقابله صراحة عجيبه والصراحة راحة ياخ

خليك متابع

Quote: قم و اسرِج جياد أقلامك و انداح كما الغمام يحتوينا و يظَلّل بالخضرة أجفان السهول .

الرائع وليد زمبركس

ازيك يا رجل ووين اختفيت في كرش الفيل دا
حبابك في هذه الظلال الوريفه..انخ بعيرك واستجم

كن بخير

Quote: اندياح يجبر على الحضور ..

الأخت انصاف

مرحب بيك في حلة المنداحين والمنداحات دي
الله يجبر بخاطرك يا رب