Post: #1 Title: أسير غزال فوووق القويز (حفلة للراحل/حبيبو/النادر) إهداء للكردافـــة Author: احمد محمد بشير Date: 03-09-2013, 09:28 AM
http://www.youtube.com/watch?v=nKT00Y9a2JU رحمة الله على الانسان الوفي (لمن عرفه) المثقف النادر نادر خضر اكثر فنان كان يتفاعل مع جمهوره , وبرحيله ورحيل الحوت ووردي فقد الفن السوداني قيمته تسجيل أغنية مكتول هواك من رفعي على اليوتوب - الاغنية من حفل قديم , حفلة ليلة الكريسماس مع الراحل حبيبو و العازف الماهر محمد الماحي سليمان (نجل الدكتور الموسيقار المعروف الماحي سليمان) وابن اخ عضو البورد الفنان الفنان حمزة سليمان من مؤسسي فرقة عقد الجلاد.
التحية للأحابيب الاصدقاء الظهروا في التسجيل و الاهداء للكردافة ومحبي الراحل حبيبو
تحياتي.
Post: #2 Title: Re: أسير غزال فوووق الهوين (حفلة للراحل/حبيبو/النادر) إهداء للكردافـــ Author: احمد محمد بشير Date: 03-09-2013, 09:43 AM Parent: #1
أغرك ولّ براك نسيت تسجيل من نفس الحفلة التي كانت بمناسبة ليلة الكريسماس.
و التحية من هنا للاساذ/ حيدر البورت و عبد القادر سالم.
Post: #4 Title: Re: أسير غزال فوووق القويز (حفلة للراحل/حبيبو/النادر) إهداء للكردافـــ Author: احمد محمد بشير Date: 03-09-2013, 10:13 AM Parent: #3
الاخ العزيز / سعد الدين لكل أجمل تحية, وشكراعلى التنبيه القويز تصغير , لكلمة قوز , ودي ما بيعرفوها الا الكردافة الزيّك ونحنا طبعا ساقطين في اللهجة الكردفانية تسلم يا عزيزي و سعيد بمرورك. :)
يا سلام عليك يا ابو حميد ياخ ... أول شي ندعو ربنا بالرحمة والمغفرة لحبيبنا المبدع دوما ابو النا .. تسجيل مكتول هواك يا كردفان اول مرة استمع ليه وإبداااااع كالعادة لكن تسجيل آخر مطافنا استمع إليه يومياً وأجهل من رفعه إلى اليوتيوب ياخي انت جاتك من دعوات طيبة كتيرة خلاص والله بسبب التسجيل دا وكملت لينا الكيف بأغنية مكتول هواك فالتحية ليك بقدر روعتك .. والتحية لكردفان وأهل كردفان الغرة ام خيرا جوة وبرة
Quote: أبهجت صباحي يا احمد. فليبهج الله كل صباحاتك. والف رحمة ونور على الراحل نادر النادر. محبتي
التحية لك حبيبنا المثقف الرائع في أقصى الشرق. في بلاد اليابان/الفاتح بل النادر هو الذي ابهجنا وذكراه حية فينا ما بقينا, لنخلد ونوثق فنه الراقي المتميز رحل الراقي صاحب الحجرة المدهشة التي عكست ثقافة وأماكن وأزمان له الرحمة والمغرة وأعلى الجنان
والف رحمة ونور علي الفنان نادر خضر كردفان ملهمة الكثيرين من ابناء الوطن لجمالها الطبيعي الذي تاثر به انسان المنطقة كذلك وهي ما استفزت شاعرية / عبدالجبار محمد .. الذي جاء الي كردفان بدواعي العمل كمعلم حسبما قرات ذات مرة في احدي المنابر الكردفانية
Quote: يا سلام عليك يا ابو حميد ياخ ... أول شي ندعو ربنا بالرحمة والمغفرة لحبيبنا المبدع دوما ابو النا .. تسجيل مكتول هواك يا كردفان اول مرة استمع ليه وإبداااااع كالعادة لكن تسجيل آخر مطافنا استمع إليه يومياً وأجهل من رفعه إلى اليوتيوب ياخي انت جاتك من دعوات طيبة كتيرة خلاص والله بسبب التسجيل دا وكملت لينا الكيف بأغنية مكتول هواك فالتحية ليك بقدر روعتك .. والتحية لكردفان وأهل كردفان الغرة ام خيرا جوة وبرة
يا نادر يا عزيز/ لا شكر على واجب نعم مكتول هواك يا كردفان لأول مرة تنزل في النت نعم أغنية أخر المطاف كذلك انزلتها منذ فترة. واضح جدا إنك من الاوفياء للراحل النادر محبة لاهل كردفان و الله عجبتني لمتكم الحنونة في هذا البوست وقبولكم الإهداء تحياتي لكم يا أحابيب , وهي جمع حبيبو , كما كان يرددها الراحل
Post: #13 Title: Re: أسير غزال فوووق القويز (حفلة للراحل/حبيبو/النادر) إهداء للكردافـــ Author: احمد محمد بشير Date: 03-27-2013, 06:25 AM Parent: #12
