Post: #1
Title: لو دا حال الهلال وحال غارزيتو ... خموا وصروا
Author: وليد عبد اللطيف
Date: 03-07-2013, 08:20 AM
الفيلسوف غارزيتو يترك الاهله يضعون الايادي على القلوب قبل لقاء القمه
وليهم حق يهتفون فاشل ... فاشل غارزيتو
باي باي غارزيتو
دفاع راقد سلطه
وسط في السهله
الهجوم في عالم تاني
(بس هدف كاريكا جميل صاروخ ارض ارض رغم انه هديه من الدفاع )
مباراة امس ضد الاهلي عطبره خالية من كل شي لا طعم لا رائحة
|
Post: #2
Title: Re: لو دا حال الهلال وحال غارزيتو ... خموا وصروا
Author: الحاج حمد الحاج
Date: 03-07-2013, 08:27 AM
Parent: #1
| Quote: لو دا حال الهلال وحال غارزيتو ... خموا وصروا |
يعني يا وليد هم راجيننا نجيب ليهو أكياس عشان يخمو فيها؟ ديل مفروض يكونوا شغالين خم من امبارح! ياخي دا فريق فتة بي زيت سمسم زي بتاعت جوبي!
Quote: (بس هدف كاريكا جميل صاروخ ارض ارض رغم انه هديه من الدفاع )
|
هدف جميل جدا ، و مسئولية حارس المرمى، يا وليد ياخي دي زاوية القون و بدل يقع على الكورة في زاويتو وقع برة..يعني ما عمل تغطية للزاوية القريبة الواقف فيها.
|
Post: #3
Title: Re: لو دا حال الهلال وحال غارزيتو ... خموا وصروا
Author: وليد عبد اللطيف
Date: 03-07-2013, 08:44 AM
Parent: #2
ريسنا وكبيرنا وكبتنا .. الحاج حمد
ياخي انت زول كنت متخصص دفاعات
عليك الله الناس عارفه تقيف في الملعب اذا الناس دي بترجف قدام الاعلى عطبره اها قدام المريخ والانديه الصغيره الاخرى الشرسة التي تنتظر لقاء فرق القمه هلال ومريخ
ماذا يفعلون امامها
ماعارف فهم غارزيتو شنو لمن اخرج عمر بخيت وادخل مساوي
دفاع لم يتستطيع ان يلعب بي اربعه لاعبين
كيف يلعب بثلاثة لاعبين
الخواجه جنّ وفقد المحنه
.
.
شوف تعليق كابتن الساده امس
قال شنو ماممكن يلعب عبد اللطيف بويا وسط الدفاع ورجله يسرى قال شنو عشان الذي رجله يسرى تكون الاخرى ضعيفة
غايتو ضحكت وقطعتها في مصاريني انت ناس الكوره ديل بجيبوا الكلام دا من وين ماعارف يعني الكلام دا لو قالو زول ماشي ساكت في السهله وليس له علاقة بالكوره نقول معليش
دا كابتن الساده لعب للهلال والمنتخب وزول كان حريف عدييييل كدا
اها قبل كم يوم هنا الهلال السعودي شال الكاس من النصر وفي الفريق سبعه لاعبين يلعبون برجلهم اليسرى
ماعارف ليه الساده كل مره يكرر الكلام دا حتى على ما اذكر في مباراه طرفها المريخ وفتحت بوست هنا بهذا الخصوص
شايف دخلت في بوست قاقرين ولم ارد عليك معليش يا ود حمد برضوا قاقرين بالغ هناك بالنسبة لي كان مصنف يكون وزير شباب ورياضة لكن للاسف الانسان لم يكون مجامل
تاكد سوف يفشل ويغرق الناس معه
.
.
| Quote: هدف جميل جدا ، و مسئولية حارس المرمى، يا وليد ياخي دي زاوية القون و بدل يقع على الكورة في زاويتو وقع برة..يعني ما عمل تغطية للزاوية القريبة الواقف فيها. |
ياخي لاعب قدام الهلال يكون اكيد سارح في عالم تاني مره الهلال والرابطه امدرمان افتتاح الدوري قبل ما الناس تقيف كويس اتغلبنا سته صاحبك دا بكون ما عرف يفرز زميله من خصمه
قلت يغطي الزاوية الحارس .. الله في يا حاج
|
Post: #4
Title: Re: لو دا حال الهلال وحال غارزيتو ... خموا وصروا
Author: محمد سنى دفع الله
Date: 03-07-2013, 09:04 AM
Parent: #3
غايتو ربنا يلزمنا الصبر
تفكير كروي لامن مشاتر
تشكيلة توضح انو غارزيتو
اكبر دلقون مر على نادينا
فلسفة بدون فيلسوف
ولو ده حال الهلال
الله تعلم نكمل الدوري في الصدارة
|
Post: #5
Title: Re: لو دا حال الهلال وحال غارزيتو ... خموا وصروا
Author: محمد عبدالرحمن
Date: 03-07-2013, 09:07 AM
Parent: #2
فريق بدون روح ...مدرب سيء لم يضف للهلال شيئا منذ حضوره
مرة يشرك ثلاثة مهاجمين ...ومرات ثلاثة ارتكاز ....وفى الغالب
يترك وسط الملعب للفريق المنافس يفعل فيه مايشاء ...لاعبى هجوم
اصحاب مهارات عالية لكن بدون من يصنع اللعب لاقيمة لهم كثروا
ام قلوا ....
تحياتى ياوليد ...
|
Post: #6
Title: Re: لو دا حال الهلال وحال غارزيتو ... خموا وصروا
Author: طارق حرسي
Date: 03-07-2013, 09:52 AM
Parent: #5
الحبيب وليد
بلاي ما تخوف الصفيراب ديل
يا اخوي ... ده تمويه سااااااااااااكت من ( غُرزه) وما عايز يكشف اوراقو للقاء القمة القادم 
غُرزة ده غايتو راقدلو فوق ( صفر ) كما اخاف الكضب 
ـــــــــــــ
بالجد ... الصفيراب ديل راقدين قش
|
Post: #7
Title: Re: لو دا حال الهلال وحال غارزيتو ... خموا وصروا
Author: وليد عبد اللطيف
Date: 03-07-2013, 10:01 AM
Parent: #6
استاذ السني ...
Quote: غايتو ربنا يلزمنا الصبر
تفكير كروي لامن مشاتر
تشكيلة توضح انو غارزيتو
اكبر دلقون مر على نادينا
فلسفة بدون فيلسوف
ولو ده حال الهلال
الله تعلم نكمل الدوري في الصدارة |
على واحد من الصفوه التحت ديل كمان بطمن في نفسه قال دا تمويه من المدرب ياربي بكون فعلا بمثل
وانت راجل ليك باع كبير في التمثيل اها بعد عملتو دي المدرب انا زاتي بقيت اشك في انه حكته دي تمويه بس ليس إلا
.
.
والله كورة الهلال بقت شلّعت بس حليل زمن الهلال يهز الارض تحت اقدام الخصوم كوره كانت بالنوته الموسيقية ( صحي صحي الكلام دا كان قريب )
وكمان زمن الهلال بلعب بالطريقة الدائرية ياسلام طرب طرب
|
Post: #8
Title: Re: لو دا حال الهلال وحال غارزيتو ... خموا وصروا
Author: سيف الدين محجوب
Date: 03-07-2013, 10:32 AM
Parent: #7
والله فعلاً ورغم هلاليتي
لو دا حالنا ،،، حنخم ونصُر جنس صُرار
مستوى باهت
العجب ،،، تشجيع جماهير الهلال
واحد ماسك المكرفون ويجوعر براهو كأنو في الدلالة
مرض
|
Post: #9
Title: Re: لو دا حال الهلال وحال غارزيتو ... خموا وصروا
Author: الصادق صديق سلمان
Date: 03-07-2013, 12:06 PM
Parent: #5
لابد من ثورة لإخراج هذا العجوز المتصابي من هلال الملايين
|
Post: #10
Title: Re: لو دا حال الهلال وحال غارزيتو ... خموا وصروا
Author: نافع الكوماوي
Date: 03-07-2013, 01:18 PM
Parent: #9
الشيباني دا
من يوم جابوه أنا مامقتنع بيهو
عارفو بودي التيم في ستين
العامل لي مغصة إنو في ناس
قالوا دا أحسن مدرب في تاريخ الهلال
|
Post: #11
Title: Re: لو دا حال الهلال وحال غارزيتو ... خموا وصروا
Author: الحاج حمد الحاج
Date: 03-17-2013, 08:49 AM
Parent: #10
Quote: باي باي غارزيتو
دفاع راقد سلطه
وسط في السهله
|
صدق كابتن وليد راقدين سلطة..
|
Post: #12
Title: Re: لو دا حال الهلال وحال غارزيتو ... خموا وصروا
Author: وليد عبد اللطيف
Date: 03-17-2013, 09:46 AM
Parent: #11
Quote:
صدق كابتن وليد راقدين سلطة.. |
ياخي حال الهلال ظاهر و باين من مبارياته السابقة حتى مباراة الغُمه
المشكله في مافي غارزيتو ياحاج والله المشكله فينا نحنا الماقدرين نقتنع
فشل الكوره هو نتاج سلاسل من الفشل وهي :-
1- الصحه
2- التعليم زي مابقول ابو محمد فؤاد الفاقد التربوي
3- السياسه
الناس مفروض تمد رجلها قدر لحافها وتجيب مدرب وطني حسب ظروف البلد و الحاصل فيها
المدرب السوداني صحن بوش يكفيهو وكيس خدار للاولاد بعمل نفس العملو غارزيتو
هسه شوف جنس التباكي
قالو الماعندها حيله تعمل الحد حيله
الشماعه ( مباراة القمه )
حليل فريق الكتيبة
عز الدين الصبابي ومنقستو وعلي سيوده والمفك وعزيز وجحر وصلاح شكوكو والشيخ ادريس وعبده الشيخ
|
Post: #13
Title: Re: لو دا حال الهلال وحال غارزيتو ... خموا وصروا
Author: وليد عبد اللطيف
Date: 03-17-2013, 10:00 AM
Parent: #12
محمد عبد الرحمن .. ياطيب
Quote:
فريق بدون روح ...مدرب سيء لم يضف للهلال شيئا منذ حضوره
مرة يشرك ثلاثة مهاجمين ...ومرات ثلاثة ارتكاز ....وفى الغالب
يترك وسط الملعب للفريق المنافس يفعل فيه مايشاء ...لاعبى هجوم
اصحاب مهارات عالية لكن بدون من يصنع اللعب لاقيمة لهم كثروا
ام قلوا ....
تحياتى ياوليد ... |
قصة تلاته مدافعين اصلا ما واقعة لي في راسي حسب مواصفات اللاعب السوداني وسرحانه المستمر داخل الملعب
تعرف مرات اشاهد مباريات الهلال ما عارف غارزيتو عايز يعبر عن شنو
ولاعب باي اسلوب اي واحد هنا يقول عارف غارزيتو خطته شنو يكون كاذب
ودا طاهر في الملعب حسب حركة اللاعبين حتى 3-5-2 الحركه ليس بهذه الطريقة في حالة فقدان الكره او في حالة الهجوم
زمان كان بعجبني في المدرب القدير احمد بابكر وهو بدرب منتخب الشباب و الناشئين يوقف التمرين ويقول لهم شوفو شكلكم كيف في الملعب
البحصل في الهلال دا هرج ومرج وعبث كروي
|
Post: #14
Title: Re: لو دا حال الهلال وحال غارزيتو ... خموا وصروا
Author: جمال ود القوز
Date: 03-17-2013, 10:15 AM
Parent: #13
الحل يشيلوا المدرب الدحش ده ..
لأن الخطط البيلعب بيها مابتناسب الهلال ..
شنو يعني الاصرار على خطط الثلاثه مدافعين دي ..
أقرب ون تو بيتوديهم التوج ..
وبتخلي المهاجم رأساً أمام الشبكة ..
بعدين الدفاع السليقه ده لابد يشوفوا ليهو طريقه ..
دفاع ميت ومكشوف .. وعمق دفاع هش ..
ويشعركـ بأن الهلال فريق من الدرجة الثالثة ..
لابد من اللعب بطريقة القشاش المتأخر ..
وقطعاً سيف مساوي مابنفع قشاش ..
بل هو سبب الكثير من خيبات الهلال الأخيرة ..
وبيكرر في نفس الأخطاء التي يرتكبها في كل مره ..
ويسهل تجاوزه .. وبيجلي كتير ..
بعدين لاعب الوسط لن ينجح في أن يكون مدافع صلد ..
يشيل ليك شيلة الدفاع ..
ويغطي أخطاء باقي المدافيعين
لابد من قشاش لاتفوته لا شارده ولا وارده ..
وبالعدم لابد من قلبي دفاع يكملوا بعض ..
القشاش المتأخر الواعي لابد منه ..
ثم بعدين امامه المدافعين الثلاثه ...
مش ثلاثه مدافعين قاعدين في السهله ..
مصيبة الهلال في الدفاع السليقه ده ..
ـــــــــــــــــ
مصيبة الهلال .. الدفاااااااااااااع .....
|
Post: #15
Title: Re: لو دا حال الهلال وحال غارزيتو ... خموا وصروا
Author: وليد عبد اللطيف
Date: 03-17-2013, 10:57 AM
Parent: #14
Quote:
الحل يشيلوا المدرب الدحش ده ..
لأن الخطط البيلعب بيها مابتناسب الهلال ..
شنو يعني الاصرار على خطط الثلاثه مدافعين دي ..
أقرب ون تو بيتوديهم التوج ..
وبتخلي المهاجم رأساً أمام الشبكة ..
بعدين الدفاع السليقه ده لابد يشوفوا ليهو طريقه ..
دفاع ميت ومكشوف .. وعمق دفاع هش ..
ويشعركـ بأن الهلال فريق من الدرجة الثالثة ..
لابد من اللعب بطريقة القشاش المتأخر ..
وقطعاً سيف مساوي مابنفع قشاش ..
بل هو سبب الكثير من خيبات الهلال الأخيرة ..
وبيكرر في نفس الأخطاء التي يرتكبها في كل مره ..
ويسهل تجاوزه .. وبيجلي كتير ..
بعدين لاعب الوسط لن ينجح في أن يكون مدافع صلد ..
يشيل ليك شيلة الدفاع ..
ويغطي أخطاء باقي المدافيعين
لابد من قشاش لاتفوته لا شارده ولا وارده ..
وبالعدم لابد من قلبي دفاع يكملوا بعض ..
القشاش المتأخر الواعي لابد منه ..
ثم بعدين امامه المدافعين الثلاثه ...
مش ثلاثه مدافعين قاعدين في السهله ..
مصيبة الهلال في الدفاع السليقه ده ..
ـــــــــــــــــ
مصيبة الهلال .. الدفاااااااااااااع ..... |
دا كلام زول بعرف كوره يا ود القوز فعلا مشكله الهلال في الدفاع بداية من لاعبي الهجوم الناس دي ماعندها مروه ياخ او قلبها حار عشان تعافر وتقلع
|
|