Post: #1 Title: قطارت جديدة ومكيفة لمواصلات الخرطوم ...... Author: ود الباوقة Date: 03-06-2013, 08:08 AM Parent: #0
(6) قطارات لمواصلات الخرطوم شرعت ولاية الخرطوم في تنفيذ اولى مراحل خدمة الحلول الإستراتيجية لمشروع النقل والمواصلات بإدخال القطار كواحد من المواعين الكبيرة التي ستحدث إختراقا كبيراً في نقل المواطنين بين الأطراف والمركز .
ووقعت الولاية امس بحضور د. عبد الرحمن الخضر والي الخرطوم ووزارء المالية والتخطيط والبنى التحتية والمهندس مكاوي محمد عوض مدير عام هيئة السكة حديد ، إتفاقية مع شركة نوفلز الوطنية على ادخال (6) قطارات جديدة تعمل في خطوط السكة حديد بتكلفة قدرها (98) مليون جنيه وتبلغ سعة القطار الواحد (400) راكب ، وهو قطار سريع ومكيف تصل سرعته في اقصى حالاتها الى 100 كلم/ساعة ويربط الخط الاول بين ( بحري – قري ) والخط الثاني يربط بين ( الخرطوم – جياد ) .
وأعلن الوالي ان الترتيبات التي أعلن عنها قبل اسبوعين بخصوص تحويل المواقف الثابتة للمواصلات الى محطات ربط سيتم تنفيذها بعد انتهاء مهلة الشهر حتى يتمكن كل الذين لهم صلة بهذه المواقف من ترتيب اوضاعهم .
صحيفة الخرطوم
Post: #2 Title: Re: قطارت جديدة ومكيفة لمواصلات الخرطوم ...... Author: ود الباوقة Date: 03-06-2013, 08:09 AM Parent: #1
بالتوفيق ان شاء الله
Post: #3 Title: Re: قطارت جديدة ومكيفة لمواصلات الخرطوم ...... Author: ود الباوقة Date: 03-06-2013, 08:13 AM Parent: #2
الشغلانة شكلها حا تحلو
Post: #4 Title: Re: قطارت جديدة ومكيفة لمواصلات الخرطوم ...... Author: قرشـــو Date: 03-06-2013, 08:15 AM Parent: #2
الاخ ود الباوقه
تحية طية
هذا القطار ذكرني قطار عمل بين مدني والخرطوم فى السبعينات وكان يسمى "الوحدة" وهو قطار شبيه بهذا جدا جدا ترى اين ذهب ذلك القطار السالف الذكر ؟؟؟
Post: #9 Title: Re: قطارت جديدة ومكيفة لمواصلات الخرطوم ...... Author: ود الباوقة Date: 03-06-2013, 08:25 AM Parent: #4
Quote: هذا القطار ذكرني قطار عمل بين مدني والخرطوم فى السبعينات وكان يسمى "الوحدة" وهو قطار شبيه بهذا جدا جدا ترى اين ذهب ذلك القطار السالف الذكر ؟؟؟[/QUOTE
وبين عطبرة والخرطوم
لكن لا ادري اين هو الآن
Post: #5 Title: Re: قطارت جديدة ومكيفة لمواصلات الخرطوم ...... Author: عبد الحفيظ فخر الدين Date: 03-06-2013, 08:16 AM Parent: #2
سلام و تحية ود الباوقة
نوفلز دى شركة صينية ولا المانية ؟ نسأل الله التوفيق و السداد للجميع
Post: #6 Title: Re: قطارت جديدة ومكيفة لمواصلات الخرطوم ...... Author: ود الباوقة Date: 03-06-2013, 08:21 AM Parent: #5
الشركة سودانية
يا عبد الحفيظ
Post: #7 Title: Re: قطارت جديدة ومكيفة لمواصلات الخرطوم ...... Author: ود الباوقة Date: 03-06-2013, 08:22 AM Parent: #5
Quote: نسأل الله التوفيق و السداد للجميع
اللهم امين
Post: #8 Title: Re: قطارت جديدة ومكيفة لمواصلات الخرطوم ...... Author: زول ساكت Date: 03-06-2013, 08:23 AM Parent: #5
ان شاء الله المشروع يتم على احسن حال حتى يخفف عن المواطن ازمة المواصلات المعصلجة
Post: #10 Title: Re: قطارت جديدة ومكيفة لمواصلات الخرطوم ...... Author: حسين ديقول Date: 03-06-2013, 08:27 AM Parent: #8
Quote: هذا القطار ذكرني قطار عمل بين مدني والخرطوم فى السبعينات وكان يسمى "الوحدة" وهو قطار شبيه بهذا جدا جدا ترى اين ذهب ذلك القطار السالف الذكر ؟؟؟
قطار الوحدة بلا كتل بهايم الناس في الخلاء ما سوى حاجة
مبروك يا ود الباوقة
أها في طريقة سطوح أخوك بحب السطيح
Post: #12 Title: Re: قطارت جديدة ومكيفة لمواصلات الخرطوم ...... Author: ود الباوقة Date: 03-06-2013, 08:30 AM Parent: #10
Quote: قطار الوحدة بلا كتل بهايم الناس في الخلاء ما سوى حاجة
ديقول
انت فاطر بي كمونية ولا شنو
القطار داخل الخرطوم
غنم شنو وبهائم شنو
اركز
Post: #11 Title: Re: قطارت جديدة ومكيفة لمواصلات الخرطوم ...... Author: ود الباوقة Date: 03-06-2013, 08:27 AM Parent: #8
Quote: ن شاء الله المشروع يتم على احسن حال حتى يخفف عن المواطن ازمة المواصلات المعصلجة
باذن الله اخي عباس
كل الهم هو المواطن
ربنا يسهل
Post: #13 Title: Re: قطارت جديدة ومكيفة لمواصلات الخرطوم ...... Author: ود الباوقة Date: 03-06-2013, 08:31 AM Parent: #11
المسالة محتاجة شوية صبر بس
لكن في النهاية هذا الشعب سيعيش في رفاهية
باذن الله
Post: #14 Title: Re: قطارت جديدة ومكيفة لمواصلات الخرطوم ...... Author: قرشـــو Date: 03-06-2013, 08:41 AM Parent: #13
Quote: قطار الوحدة بلا كتل بهايم الناس في الخلاء ما سوى حاجة
الاخ حسين ديقول
انعمت صباحا يا سيدي
اضحك الله سنك اخى الكريم فقد سمعنا ذلك وقتها وكنت استغرب الا تسمع هذه البهائم صوت القطار قبل قدومه ولا تحس باهتزاز القضيب الذي يسير عليه ثم الاهم من كل ذلك لماذا لا يكون هنالك سياجا يفصل المزارع عن القضيب ...
بس الحمد لله المرة دي داخل الخرطوم اتمنى ان تكون اغنام الاشلاق فى سلام منه
هههههههههههههههههههه
Post: #15 Title: Re: قطارت جديدة ومكيفة لمواصلات الخرطوم ...... Author: ناصر حسين محمد Date: 03-06-2013, 08:43 AM Parent: #14
الشغلانة كانت مترو يا محترم مالها قلبت ؟؟؟
Post: #16 Title: Re: قطارت جديدة ومكيفة لمواصلات الخرطوم ...... Author: ود الباوقة Date: 03-06-2013, 08:45 AM Parent: #15
Quote: الشغلانة كانت مترو يا محترم مالها قلبت ؟؟؟
المترو داك براه
بطل بطبطة
Post: #17 Title: Re: قطارت جديدة ومكيفة لمواصلات الخرطوم ...... Author: محمد أبوالعزائم أبوالريش Date: 03-06-2013, 08:46 AM Parent: #15
تاااااني؟
أقعد إنت باري لي في الوالي ده .... لمن يوديك التوج.
المترو حصل فيهو شنو؟
Post: #19 Title: Re: قطارت جديدة ومكيفة لمواصلات الخرطوم ...... Author: ود الباوقة Date: 03-06-2013, 08:58 AM Parent: #17
Quote: الشغلانة كانت مترو يا محترم مالها قلبت ؟؟؟ [/QUOTE
ابو الريش
د/ عبد الرحمن الخضر اسمو الوالي ( المبروك )
Post: #18 Title: Re: قطارت جديدة ومكيفة لمواصلات الخرطوم ...... Author: سيف الدين حسن العوض Date: 03-06-2013, 08:54 AM Parent: #14
يا ود الباوقة خبرك ده بمليون ريال ده والله خبر يسعد كل زول في الخرطوم وضواحيها ويسعد كل زول في السودان والناس الح يكونوا اكثر سعادة اهلي واهلك في عطبرة لانو السكة الحديد ح تدور تاني يا جدعان شكرا جزيلاً يا اخي ود الباوقة وان شاء الله ربنا يوفق القائمين على الامر للاسراع في هذا الامر الحيوي واكيد هذا الامر سيقدم السودان خطوات وخطوات وح يخلي الناس يستفيدوا من وقتهم بالقراية في القطر المكندش بدل الزحمة والبهدلة الكانت في المواصلات وتاني يا ود الباوقة كل زول يسوق العربة حتى محطة القطار ويذهب بالقطار الي محل ماهو ماشي مودتي
Post: #20 Title: Re: قطارت جديدة ومكيفة لمواصلات الخرطوم ...... Author: ود الباوقة Date: 03-06-2013, 09:03 AM Parent: #18
Quote: وان شاء الله ربنا يوفق القائمين على الامر للاسراع في هذا الامر الحيوي واكيد هذا الامر سيقدم السودان خطوات وخطوات وح يخلي الناس يستفيدوا من وقتهم بالقراية في القطر المكندش بدل الزحمة والبهدلة الكانت في المواصلات وتاني يا ود الباوقة كل زول يسوق العربة حتى محطة القطار ويذهب بالقطار الي محل ماهو ماشي
دكتور سيف
نسال الله ان يوفق قيادتنا الرشيدة لما يحبه ويرضاه
وبالتاكيد الخبر اكثر من مفرح اذا ما شاهدنا المجهود الذي يبذله الناس
في المواصلات
بالتاكيد مجهود مقدر ويستحق الثناء والاشادة
بارك الله فيك يا دكتور
تحياتي لاسرتك
Post: #21 Title: Re: قطارت جديدة ومكيفة لمواصلات الخرطوم ...... Author: الحاج حمد الحاج Date: 03-06-2013, 09:37 AM Parent: #20
Quote: سوداني نت - وكالات: أعلن والي الخرطوم د.عبدالرحمن الخضر عن حصول الولاية على أول عرض لتمويل وتنفيذ مشروع الترام والمترو بالخرطوم عن طريق نظام البوت من شركة سامسونج الكورية. ورحب الخضر بهذه الخطوة باعتبارها فتحاً للعلاقات السودانية الكورية متوقعاً أن تحدث نقلة كبيرة في مجال النقل بالولاية خاصة مع وصول وفد شركة سامسونج خلال أسبوعين للبدء في تنفيذ المشروع. وكانت الولاية قد كلفت بيت خبرة ألماني لإستكمال دراسة الترام والمترو، فيما حصلت ولاية الخرطوم على تمويل جديد بقيمة (50) مليون دولار من بنك الصادرات الكوري لزيادة أسطول البصات وكان الخضر أجرى مفاوضات مع الجانب الكوري لدى زيارته الأسبوع الماضي للعاصمة الكورية سيول، فيما يتعلق بتجميع البصات الكورية في مصنع جياد بالسودان. ويتواجد حالياً وفد من شركة جياد للتفاوض حول هذا الموضوع وتباحث الطرفان على توفير (ميني بص) من كوريا يتم تمليكه لأصحاب الحافلات بالأقساط لتحل محل الحافلات تدريجياً. وأعلن الخضر عن دخول الشركات الصينية في مجال الإسكان الفئوي بتوفير تمويل قدره 108 ملايين دولار لهذا المشروع وتم الاتفاق في الزيارة التي سجلها الخضر للصين على توريد معدات نظافة غرضها الأساسي تطوير أداء مشروع النظافة بالولاية ووقعت الولاية اتفاقاً مع شركة شنغهاي الصينية على إنشاء منطقة صناعية جديدة بمنطقة الجيلي. فيما اتفقت الولاية مع الجانبين الكوري والصيني على زيادة سعة ومساحة تغطية مشروع الرقابة الإلكترونية ليشمل كل أرجاء الولاية
Post: #24 Title: Re: قطارت جديدة ومكيفة لمواصلات الخرطوم ...... Author: علي دفع الله Date: 03-06-2013, 09:57 AM Parent: #21
Quote: قطارت جديدة ومكيفة لمواصلات الخرطوم
تطور ملحوظ في الكوبي بيست ،، يعني البشوفك امس واول امس (نافع يفتتح مستشفى البشير في جيبوتي---- الوالي القراءني الخضر) اليوم (قطارت جديدة ومكيفة لمواصلات الخرطوم ) يعني خليك علي كدى ممكن يرجى منك بس بشرط (تطلع من خانة حريق البخور وكسير التلج)
---------- ولا اقول ليك انت اتنمط في البورد على شكل معين خليك مواصل فيه على الاقل احيانا بتسلي بيك
Post: #36 Title: Re: قطارت جديدة ومكيفة لمواصلات الخرطوم ...... Author: ود الباوقة Date: 03-07-2013, 08:23 AM Parent: #21
اخونا الحاج امسك حبل الصبر كلو جاي
Post: #22 Title: Re: قطارت جديدة ومكيفة لمواصلات الخرطوم ...... Author: محمد علي عثمان Date: 03-06-2013, 09:48 AM Parent: #20
Quote: نسال الله ان يوفق قيادتنا الرشيدة لما يحبه ويرضاه
Post: #23 Title: Re: قطارت جديدة ومكيفة لمواصلات الخرطوم ...... Author: بدرالدين الطائف Date: 03-06-2013, 09:53 AM Parent: #22
Post: #25 Title: Re: قطارت جديدة ومكيفة لمواصلات الخرطوم ...... Author: الصادق صديق سلمان Date: 03-06-2013, 10:13 AM Parent: #23
ود الباوقة حبيبي
بكل أمانة وصدق
الصحة تعبانة وكل الأطباء هجرووووا البلد التعليم تعبان تعب الموت والمعلمين هجرووووووا البلد الأسعار في السماء والمواطن البسيط ما بقدر على الكلام دا
انا شايف مافي داعي للترف دا وانا شايف انو الشركة السودانية دي ادوها مشروع القطار مجاملة ليهم عشان يستفيدوا من المال حق الدولة وانا شايف انو الوطن يحتاج إلى أكثر من ذلك بكثير ولا يحتاج إلى هذه الأشياء تحديداً
السودان ليس الخرطوم وحدها بل السودان مليون ميل مربع ناقص مساحة دولة الجنوب الإنفصلت دي ما ممكن كدا ياخ
شوفوا المواطن عاوز شنو واعملوهو اول حاجة بعد داك تعالوا للرفاهية والتكييف الحر دي اصلها ما بتعمل لينا حاجة لو اولادنا بقروا كويس وبتعالجوا كويس وماكلين وشاربين بعدين الرفاهيات دي بعملوها براهم لمن نسلمهم بلد بها بنية تحتية جيدة
Post: #26 Title: Re: قطارت جديدة ومكيفة لمواصلات الخرطوم ...... Author: Haytham Ghaly Date: 03-06-2013, 10:23 AM Parent: #13
Quote: المسالة محتاجة شوية صبر بس
لكن في النهاية هذا الشعب سيعيش في رفاهية
باذن الله
صبر لي متين 23 سنة ولسة دايرين صبر زيادة كمان يعني نتوقع سنة الفين وجلبغمية وللا شنو غايتو حكومة ما بتعرف تسوي ترتيب نهائي
انت مالك شردت من البوست داك بتاع مستشفى البشير في جبوتي
انا لو منك حا اخجل واسحبو طوالي
اسع ميزانية القطارات القلتها دي ياكلوها الجماعة الطيبين السادة المجاهدين لانو جهادكم بقى في المال العام تاكلوهو وتكبروا حا ياكلوا الميزانية زي تلات اربع خمس او ست مرات وبعد داك يشتروا ليهم قطارات منتهية الصلاحية زي باصات الوالي
ويجو يشكروا ليك الراكوبة في الخريف
الله يكون في عون الشعب السوداني المسكين
قول النصيحة يا باوقة
Post: #27 Title: Re: قطارت جديدة ومكيفة لمواصلات الخرطوم ...... Author: محمد حسن العمدة Date: 03-06-2013, 11:37 AM Parent: #26
23 سنة الخضر والبشير وود الباوقة شغالين تخدير للناس بس الكضب مهنتهم لكن المشكلة في الناس الكرور البتصدق في الوهم
شي مؤسف زول بكامل عقلو ويكون دلدول ساي
البشير استلم سكة حديد ونقل نهري وخطوط جوية ومشروع جزيرة ومشاريع قومية ضخمة اين هي الان ؟!!!
البشير وعصا بتو بياخدو موش بيدو
عالم وهم بشكل
Post: #28 Title: Re: قطارت جديدة ومكيفة لمواصلات الخرطوم ...... Author: حسين ديقول Date: 03-06-2013, 11:45 AM Parent: #27
Post: #31 Title: Re: قطارت جديدة ومكيفة لمواصلات الخرطوم ...... Author: حيدر حسن ميرغني Date: 03-06-2013, 02:45 PM Parent: #30
اكيد دي خطة عشان يضايرو بيها لحسة جديدة في السكة يشيلوا المحطات دي بحجة القطر وبعدين يوزعوها بينهم البلد ماخلو فيها ارض وإلا قشَوها قش السنين
Post: #35 Title: Re: قطارت جديدة ومكيفة لمواصلات الخرطوم ...... Author: ود الباوقة Date: 03-07-2013, 08:17 AM Parent: #31
Quote: كيد دي خطة عشان يضايرو بيها لحسة جديدة في السكة يشيلوا المحطات دي بحجة القطر وبعدين يوزعوها بينهم
محطات شنو يا حيدر
دا حا يكون خط دائري ما فيهو محطات زي الفاتت
وشكرا
قال لحس قال
Post: #32 Title: Re: قطارت جديدة ومكيفة لمواصلات الخرطوم ...... Author: عبد الحفيظ فخر الدين Date: 03-06-2013, 02:49 PM Parent: #30
Quote: الشركة سودانية
يا عبد الحفيظ
ود الباوقة
الشركة السودانية دى ما عندها آى خبرة فى مجال القطارات . كدى بالله إشتغلوها وين ؟ ، ولا دايرين يجربوا فينا ..
Post: #33 Title: Re: قطارت جديدة ومكيفة لمواصلات الخرطوم ...... Author: MOHAMMED ELSHEIKH Date: 03-06-2013, 04:24 PM Parent: #32
- ياعالم شركة نوفلز أصلا هي شركة "نوافللللللللللللللللللللللللللللل" ترجمناها ليكم بالأنقلش - مكيف يعني مليان مكيفات(تمباك -برنجي- بقنية)
ابو النسب انا ماشي الخرطوم بعد اسبوع عل وعسى نحضر قص شريط حجر الأساس بتاع افتتاح المرحلة الأولى من بداية عمل ناس " الهبرو ملو" ويمكن نقع لينا فوق هبرة.
واقول قولي هذا وأنا راكز
مع تحياتي
Post: #34 Title: Re: قطارت جديدة ومكيفة لمواصلات الخرطوم ...... Author: ود الباوقة Date: 03-07-2013, 07:45 AM Parent: #33
Quote: واقول قولي هذا وأنا راكز
ركزتك مجهجهة
يا باشمهندس
اركز كويس
Post: #37 Title: Re: قطارت جديدة ومكيفة لمواصلات الخرطوم ...... Author: ود الباوقة Date: 03-07-2013, 08:32 AM Parent: #34
Quote: وأكد مدير عام هيئة سكك حديد السودان، المهندس مكاوي محمد عوض، أن مشروع النقل السككي الداخلي سيسهم في إيجاد حلول جذرية لمشكلة النقل.
وقال مدير وحدة المشاريع الاستراتيجية بالولاية، أحمد قاسم، إن الدراسات لهذا المشروع استغرقت (5) أشهر وأن هناك خططاً جاهزة لمد خطوط السكة حديد لمناطق أمبدة والحاج يوسف.
Post: #38 Title: Re: قطارت جديدة ومكيفة لمواصلات الخرطوم ...... Author: ود الباوقة Date: 03-07-2013, 08:34 AM Parent: #37
Quote: وقال والي الخرطوم د. عبد الرحمن الخضر إن المشروع يجىء ضمن خطط الولاية الاستراتيجية طويلة المدى لحل أزمة الموصلات، مؤكداً أن التعرفة ستكون معقولة ومدعومة مقارنة بتذكرة البصات والمواصلات بالعاصمة، وأضاف لا نريد في بداية المشروع الربح بل تغطية تكاليف التشغيل بإعتبار أن المشروع يعتبر الأكبر تكلفة حتى من الكباري.
Post: #39 Title: Re: قطارت جديدة ومكيفة لمواصلات الخرطوم ...... Author: ود الباوقة Date: 03-07-2013, 08:35 AM Parent: #38
Quote: وقال مدير وحدة المشروعات بولاية الخرطوم د. أحمد قاسم إن المشروع بدأ التخطيط له منذ خمسة أشهر ، مبيناً أن القطر الواحد ينقل 400 شخص مصمم بماكنتين في الامام والخلف يربط وسط الخرطوم بشمالها وجنوبها إذ يغطي مساحة 100 كلم وأكد أن القطار السريع لن يشكل عقبة أمام حركة سير المواصلات وأضاف قائلا العقد الموقع راعى مسألة التقاطعات المرورية فيما قال مدير هيئة المواصلات بالخرطوم المهندس النعمة إن عدد القطارات في الخطين 6 قطارات تتحرك على كل رأس ساعة.
Post: #40 Title: Re: قطارت جديدة ومكيفة لمواصلات الخرطوم ...... Author: ود الباوقة Date: 03-07-2013, 08:36 AM Parent: #39
Quote: إلى ذلك قال ممثل شركة نوبلز للقطارات المنفذة والممولة للمشروع إنه يضم شقين الأول لإنشاء خطوط جديدة للسكة الحديد من محطة الشجرة سوبا إلى دار الأمان بالباقير، وتعديل بعض الخطوط القائمة حيث من المقرر أن يكتمل في خلال عام من توقيع العقد.
وفقكم الله وسدد خطاكم
الى الامام
Post: #41 Title: Re: قطارت جديدة ومكيفة لمواصلات الخرطوم ...... Author: جمال خضر Date: 03-07-2013, 08:54 AM Parent: #34
ود الباوقة
لك التحية
ستُرصد له كالعادة مبالغ خرافية تقبضها الشركة الكيزانية المسنودة من قطط المؤتمر الوطنى السمان وطبعا بدون عطاءات
وستقوم الشركة بإستيراد قطارات من زمن الحرب العالمية الثانية أكل الدهر عليها وشرب وسيحول جُل المبلغ الى
بنوك ماليزيا و دبى لينام هانئا مطمئنا فى أحضان أصحاب المشروع الحضارى صحابة القرن العشرين .
وسنهتف معهم ولهم بعد رفع السبابة الى الأعلى هى لله هى لله لا للسلطة ولا للجاه عاش البشير وسير سير
