Post: #1 Title: البت دي ظريفة .. صفقوا ليها .. Author: طلحة عبدالله Date: 03-05-2013, 11:01 AM Parent: #0
Quote: بس يا منال طولى بالك على اهل العوض ديل ما تفقدى اعصابك ... بدسو حاجاتهم فى اوضة النوم وبتسوكو بى فرشة اسنانك .. لووووووووووووب
وبنعمل شاي بى لبن كمان .. شكرا للأستاذة الفطنة دينا خالد وما عدمناك
Post: #2 Title: Re: البت دي ظريفة .. صفقوا ليها .. Author: طلحة عبدالله Date: 03-05-2013, 11:04 AM Parent: #1
وأنا برضو
Quote: لووووووووووووب
Post: #3 Title: Re: البت دي ظريفة .. صفقوا ليها .. Author: أيمن محمود Date: 03-05-2013, 11:04 AM Parent: #1
Post: #4 Title: Re: البت دي ظريفة .. صفقوا ليها .. Author: طلحة عبدالله Date: 03-05-2013, 11:08 AM Parent: #3
يا أيمن أنا كتا ماشي ناس العرس أبارك لكن لقيت العريس أهل العوض فشنو.. أكلت صحن الكوكتيل وشربت البيبسي ومشيت نمت .. أي والله نمت .. ولما صحيت إتذكرت إنو أنا أمس ما باركت فقمت خجلت لي ..
Post: #5 Title: Re: البت دي ظريفة .. صفقوا ليها .. Author: أمير محمد ادريس Date: 03-05-2013, 11:10 AM Parent: #3
اوع تكون زعلت يا طلحة ياخ يخرب بيت البرلمة ذاتو الواحد ما قادر يخت ليهو وشوش هنا
Post: #6 Title: Re: البت دي ظريفة .. صفقوا ليها .. Author: طلحة عبدالله Date: 03-05-2013, 11:14 AM Parent: #5
Quote: اوع تكون زعلت يا طلحة
أيوة زعلت يا أمير .. كيف تقول بنسوك بفرشاة الزول الجائي من مكان تاني ؟ يعني نحن ما عندنا قروش نشتري لكل واحد فرشاة ؟ ياخ أنا مرة جوني ضيوف إشتريت لكل واحد 15 فرشاة ..
Post: #7 Title: Re: البت دي ظريفة .. صفقوا ليها .. Author: زول ساكت Date: 03-05-2013, 11:16 AM Parent: #5
ونحنا اهل العوض
اشعار مخصوصه للولد الظريف ود المدن ود موسي
بدور رد السؤال لو باللغة المهموسة فينا نقيصه ولا الصورة جات معكوسة
جبته الفتنه تعلن حرب بجاسوسة والسبب الفنيله القلت فى ال###### مدسوسه
ياخ نحنا نفوسنا فى حور العفاف مغموسة مية غمسه لا عار لادنس لا سوسه
ويانا أهل العوض والعزة مابنكوسا اصحاب سمته واصحاب فرشتن موروثه
نحنا العامله بتاف ترفع المعكوسه ونحا جدودنا عاد طيعوا الجاموسة
يانا أهل العوض أهل النحاس ابرنه أهل البَدرة والمهيوف أهل الشنه أهل عزة وهل سمته وغرور ومحنه ناس البادية ناس عشرتن تتمني
ونحن أهل العوض حافظين عهود ماخنا وللجار والعشير بالشينه ماتعجلنا
بيوتنا لمس الطيور زمن العدم مابخلنا ومابصح الوليد فى اعراضنا يجاهلنا
ونحنا اهل العوض والله لاتقينا ولا تبدلنا واثبين كالاسود فى الواجبه ماتمهلنا
فى البر فى البحر تلقانا وين ماكنا فى قسم الرجال كزب البمس لحصونا
ونحنا اهل العوض فى الحالي والفات كنا فى جرك الرجال فى شينه مابعطلنا
بس بوعيك لو دقس فى اصلنا وتجاهلنا بوعيك تحسب فى الجدود 60 ومن غير إنه
ونحنا ربينا الشياخ فوق والده ماتعجلنا حافظين لللسان وحافظين كرامة اهلنا
اشبال من أسود فى ضلعه ماتهجنا دايرين سير كرام لمن نلاقي اجلنا
ونحن أمثالنا ياود موسي مابواخذوهٌ بي ويىىى بولــــد والماعندو راي حق يتعب ويقلد
الراجل مابات قوي ولا ضوق الكيك خمشة ولا جره قافات فوق حرير القامشة
أمانه تصبّح الليد والكراع منكمشه جيل الباديه جيلاً بحرجوا بالكمشه
بناتنا البقرن فى الجامعة سماهن ناس التومه : قال ديل شريحه براهن
ونحنا دفعنا فى النوق أم سنام باني نحنا ضربنا للعوق انفجار بركاني
وكان كلمنا ياود موسي بنقول الكلام حقاني وكان غنينا بنخت الشعر فى معاني
والله عزيزين فى النسب من فاقه مابنعاني تحسب فى الجدود ستين ومن غير عاني
وغبار الكبرياء المن المعالج هاجد احذر منوا لا ينسيك عن الواجب
من أمثال تراثنا من العرف والواجب مهما العين تطول مابتعلى عن الحاجب
Post: #8 Title: Re: البت دي ظريفة .. صفقوا ليها .. Author: امير طمبل Date: 03-05-2013, 11:21 AM Parent: #7
Quote: ياخ أنا مرة جوني ضيوف إشتريت لكل واحد 15 فرشاة
ههههههههههههههه بالغت يا طلحة ياخي في زول قاعد جنبي هنا قال لي قول للزول ده ال 15 فرشاة دي صناعة صينية تحياتي
Post: #9 Title: Re: البت دي ظريفة .. صفقوا ليها .. Author: رانيه محمد الشيخ Date: 03-05-2013, 11:27 AM Parent: #8
غايتو 15 لزول دى شكلها من سيد الدكان الجنبنا فرشته مع اول كرشه بتلقاها نفشت اذيالها وشعرها وقع فى خشمك :))))))))))))))))))))))))))))))
Post: #10 Title: Re: البت دي ظريفة .. صفقوا ليها .. Author: أيمن محمود Date: 03-05-2013, 11:33 AM Parent: #9
Quote: يا أيمن أنا كتا ماشي ناس العرس أبارك لكن لقيت العريس أهل العوض فشنو.. أكلت صحن الكوكتيل وشربت البيبسي ومشيت نمت .. أي والله نمت .. ولما صحيت إتذكرت إنو أنا أمس ما باركت فقمت خجلت لي
يازول البخجلك شنو ؟!! ديل اهل عوض (ساكت) !! اكل كوكتيلك واشرب ببسيك ، والفنان كان كان كارب اخد ليك جبجبة جبجبتين مع الزول الجمبك واتخارجو !
Post: #11 Title: Re: البت دي ظريفة .. صفقوا ليها .. Author: طلحة عبدالله Date: 03-05-2013, 11:34 AM Parent: #8
يا زول ساكت محمد موسي زيتنا في بيتنا وبكون أخد ليهو لقطة لقطتين* لكن الكلام الناس الما بنعرفن ديل ..
يا طمبل أيوة اشتريت خمسطاشر فرشاة لكل واحد وكمان قلتا ليهم حرم كان تشيلو باقي الفكة .. الزول الجمبك دا قايلنا بنلعب واللا بنلعب ..
* اللقطة بتاعت أهل العوض يا ناس المدن والحناكيش لا علاقة لها بالتصوير والفلاشات .. عشان تكونوا عارفين وتعملوا حسابكم .
Post: #12 Title: Re: البت دي ظريفة .. صفقوا ليها .. Author: زول ساكت Date: 03-05-2013, 11:38 AM Parent: #11
.
Post: #13 Title: Re: البت دي ظريفة .. صفقوا ليها .. Author: طلحة عبدالله Date: 03-05-2013, 11:40 AM Parent: #11
يا رانية .. الفرشات ديل كل واحدة أقوي وامتن من التانية وعليهن ضمان لمدة سنة ..
Quote: :)))))))))))))))))))))))))))))) .
Post: #14 Title: Re: البت دي ظريفة .. صفقوا ليها .. Author: رانيه محمد الشيخ Date: 03-05-2013, 11:41 AM Parent: #13
انت جادى فى زعلك ولا شنو يا فرده :) روقها
Post: #15 Title: Re: البت دي ظريفة .. صفقوا ليها .. Author: طلحة عبدالله Date: 03-05-2013, 11:46 AM Parent: #13
لكن دي بصراحة يا دينا خالد ما كتي فطنة فيها :
Quote: بدسو حاجاتهم فى اوضة النوم
ما عندنا أوض نوم .. بنوم في الحيشان والصقيعة ساي .. لا من هوام نهم ولا دواب نلم .. أنا القدامك دا ذات مرة نمت في رأس البيت عشان فحيح الدوابي * حماني النوم تحت .
* برضو للحناكيش : الدوابي جمع دابي اللي هو ثعبان أرقط أو غير أرقط .
Post: #16 Title: Re: البت دي ظريفة .. صفقوا ليها .. Author: أيمن محمود Date: 03-05-2013, 11:50 AM Parent: #15
يا طلحة ارفع يدك الملوثة بملاح اللوبة من دينا خالد
Post: #17 Title: Re: البت دي ظريفة .. صفقوا ليها .. Author: طلحة عبدالله Date: 03-05-2013, 11:51 AM Parent: #15
Quote: انت جادى فى زعلك ولا شنو يا فرده
أيوة جادي في زعلي يا رانية أنا جني وجن زول يقول لي إتا ما عندك قروش .. أنا مرة كتا عايز أعمل شاي بى لبن ما لقيت لي حاجة أولع بيها النار .. ولعتها بمليون وزدت عليهو خمشة ما عديتا .. وكل ما يبرد بسخنو بى تلتمية واللا أربعمية .. ما قاعد أعد ..
Post: #18 Title: Re: البت دي ظريفة .. صفقوا ليها .. Author: رانيه محمد الشيخ Date: 03-05-2013, 11:54 AM Parent: #17
ههههههههههههههه غايتو المره الجاى التجى تولع فيها ابقى نادينى
طيب ما كلامها صاح اتا زعلان مالك يا طلحة ؟ اسع انا القدامك دا بخت هدومي في التكل وبدس الموز تحت عنقريب النوم اها
لايعرف ممارسات اهل العوض الا اكون هو ذاتو عوض او عوضية كدا عرفنا حاجة دينا العوضية شرابة الروب بالدس ان شاء الله اعرسا العوض عشان اجيبو الخزين . . طلحة عوافي ياخ
Post: #19 Title: Re: البت دي ظريفة .. صفقوا ليها .. Author: أمير محمد ادريس Date: 03-05-2013, 12:00 PM Parent: #17
كامل التضامن مع الاخ طلحة
Post: #22 Title: Re: البت دي ظريفة .. صفقوا ليها .. Author: إدريس محمد إبراهيم Date: 03-05-2013, 12:13 PM Parent: #19
يا ود البوش أنا زعلان عشان قالت ما بندي الناس الجايين من برة فرشاة .. الناس الجايين من برة قاعدين نجيب ليهم فرش بدل فرشاة واحدة عالم الله .. لكن الناس الما جايين من برة شديد قاعدين نقطع ليهم الشجر عشان يتسوكوا لما يشبعوا ذاتو .. وبعدين تاني قالت قاعدين ننوم في أوضة النوم .. ليي؟؟؟؟؟ ما عندنا حيشان واللا ما عندنا حيشان ؟ بت عمك خالد دي غلطت فينا بى كلاما دا .. وزي ما قلتا فوق أنا ما ح أسيبا إلا هي تسيب .. بس هي تسيب وأنا ح أسيب على طول ..
Post: #24 Title: Re: البت دي ظريفة .. صفقوا ليها .. Author: أمير محمد ادريس Date: 03-05-2013, 12:21 PM Parent: #23
انا كما ن زعلان معاك يا طلحة لانو الزول ده عندنا معاهو علاقة نسب بس انا ما من ناس العوض ( وش ضاحك )
والله انا ذاتو في كلام الفرشة دا زعلت فيهو لاننا نحن في الكرم دا ما بنصاقع كلو كلو مرة جونا ضيوف لوري ملان شاقي الحلة وقفناهن قلنا ليهم لازم تنزلو تفطرو قالو والله فاطرين وايضا كذلك مستعجلين عمك الباع جملو حلف عليهم حرام رجال علي نسوان اكان انزلو استحمو وكت فاطرين حمالتك علي للعصر نملاء في الجرادل وندخل في الطشاشة في الحيران . . قالت فرشة قالت . . اصلك ما تسيبا كان سابتك ما تسيبا
Quote: الناس الجايين من برة قاعدين نجيب ليهم فرش بدل فرشاة واحدة عالم الله
ذكرتني الحتة دي يا طلحة من فترة جانا واحد من أهل العوض و بات معانا في البيت قمت من الصباح طلعت ليهو فرشاة جديدة من شنطتي الفوق راس الدولاب طبعا دي حركات المغتربين الواحد بيجهز للإجازة من بدري بدري المهم زولنا شال الفرشاة و مشي علي الحمام طبعا لقي ليهو كم صباع كده زولنا عينو ما وقعت الا علي كريم (نير) الشهير لإزالة الشعر و معط ليك الفرشاة و هاك يا سواك لما كلمني قال لي معجونكم ده مافيهو رغوة مالو قلت ليهو ياتو معجون ده رفع لي ال(نير) قلت ليهو يجازي محنك يا ود العفر سجمك راح يقوم ليك شعر جوة خشمك
Quote: يعني الباع جملو بيكون أشتري ليهو كرتونة صابون
اها ومكضبين طلحة ( اسمو دا ساهي كرم ) في الخمسطاشر فرشة العفينة دي والحالة نسى الخمسطاشر سنقل تو . . طمبل يا حبيب تحياتي وين ياخي ما طولنا ياخي بل بطنا دي عفنت عفن
Quote: طمبل يا حبيب تحياتي وين ياخي ما طولنا ياخي بل بطنا دي عفنت عفن[/QUOTE
ود البوش الزول البشوش بركه بالشوفه ...قلت ليك يا حبيبنا دق سلف و تعال لينا هنا في دوحة الخير نعمل ليك نضافة للمصافي و لو عايز تغير فلاتر برضو ما عندك مشكلة المافي شنو ...تحياتي النواضر
Quote: معط ليك الفرشاة و هاك يا سواك لما كلمني قال لي معجونكم ده مافيهو رغوة مالو قلت ليهو ياتو معجون ده رفع لي ال(نير) قلت ليهو يجازي محنك يا ود العفر سجمك راح يقوم ليك شعر جوة خشمك
يا طمبل مواقفك مع أهل العوض ظريفة برضو .. لكن كان ما أخاف من الكضب أقول قاعد تزيدا موية ..
Quote: أيوة زعلت يا أمير .. كيف تقول بنسوك بفرشاة الزول الجائي من مكان تاني ؟ يعني نحن ما عندنا قروش نشتري لكل واحد فرشاة ؟ ياخ أنا مرة جوني ضيوف إشتريت لكل واحد 15 فرشاة ..
ايام الجامعة كان احد الاصدقاء وهو من اهل اليسار يحتفظ بفرشة اسنان واحدة يسميها فرشة الضيوف....كلما زاره ضيف يخرجها من "كيسها" امامه كانها لم تستخدم من قبل وقد يسبقها بى "وحاتك ما زول استخدمها"... بعد الاستخدام قد يصارحك بانها فرشة الضيوف اذا حاولت اخذها معك
Quote: ياود البوش.. تقول لي صاحبك بيرجع .. يآخي الراجل بقى داعيــــة عديل ههههههههههههههههههههه
دا كلو هين يا حيدر الزين لكن انا خايفو اتعاون مع ناس الهيئة ههههههههههه
Post: #44 Title: Re: البت دي ظريفة .. صفقوا ليها .. Author: abas Date: 03-05-2013, 01:51 PM Parent: #41
والله مشكلتكم مشكله اهل العوض بقيتو الحيطه المايله اي زول يشتم فيك
غايتو ربنا بياخد ليكم حقكم وبتسدي ليكم من اهل البندر
غايتو يا طلحه الاكرم من اهل العوض اليجي ينط ليك هنا والاعز من اهل العوض خليه يجي ينطط هنا دي عشان نعرف شيء زاتو
Post: #46 Title: Re: البت دي ظريفة .. صفقوا ليها .. Author: Balla Musa Date: 03-05-2013, 03:21 PM Parent: #44
ياطلحة بطل حركات أهل العوض* دى وخش فى الموضوع..
* اتاريك بتعرف حركات الجيش.
Post: #48 Title: Re: البت دي ظريفة .. صفقوا ليها .. Author: أمير محي الدين محمد Date: 03-05-2013, 03:49 PM Parent: #46
طلحة من الزول دا جاء قعد جنبو مكنتو خفت ودخاخينو وصلت السماء وصوت كرنكو في السماء وبالطريقة دي شكلو ح يردف سبيكة البت دي ما أضافتني وبلكتني البت دي ظريفة وماعارف شنو دا غير العدائية الظاهرة مع الجنس الخشن وبدأ يعايرهم بحاجات عجيبة ــ دا زائد ..... موضوعك مع حبيبنا عمر عبد الخالق مس أندر ستاندنق ليس الأ أهو جمبك في الشارقة وإنت ماجايب خبرو حسي كان جكس في صقط لقط كان عرفتو :)))))))))) ـــ ود البشرى إي وشوش ولا برضو الموقف ما بستحمل غايتو تحوطيا" دا واحد تاني ( )
أستضافت الاستاذة كوثر بيومي في برنامجها الذي تبيثه القناة الفضائية السوداينه الشاعر جبر الله عوض السيد والشاعر عثمان مامان وودالشفيع ، فكان لابد من الخضوع لعمليات التلميع والمكياج قبل مواجهة الكاميرا والظهور على الشاشه فبعد تسجيل الحلقة ارسل لي عثمان مامان لجبرالله معاتباً فى خضوعهم للمكياج فكانت الحصيلة هذه الرباعيات
عثمان مامان:ـ بعد ماكنت شاد ديمة قارن الدير حاجات الميوعة مقطعة الفرفير انقلب الزمان صِحْ يا صباح الخيــر سوُّولك بُدَر ومسحوك بالفيــر
جبر الله عوض السيد سكت ود الشفيع الكان كلامو كتير قبل مايربي ريش كان عندو نيه يطير فرحان بالبقت بتردو تاني صغير في اشعار حماسنا جابلو نضماً غير
عثمان مامان : بعد ما كنت يا مامان مسمى الحاج من درب الميوعة يارفيق لجَّاج حاشوك الجماعة ودخلوك في سياج من بعد البُدَر رسـمولك المكياج
جبر الله عوض السيد خدعونا الجماعة ومالقينا مـلاج قالو وقاية من ساطع الإنارة علاج ناسي انزعجوا غاية وحسوا بالإحراج حكم أُم تكو نقبلو لا عفو لا إفراج
عثمان مامان : بعد ما كنت يا جبرالله مُر في اللوك خِلقولك جنينا من علوك دلوك جابولك مرايا وبالكِريم دهنـوك يا حليلك زمان وكتا بتاكل الشوك
جبر الله عوض السيد إنت معاي قدر فرفرت ما خلوك أنا اتقدمت شوف شيل ابكريق في اخوك ساعة الزرَّة أريت كان ناس حمد شافوك استسلمنا كلنا والجـــــــبار مفـكوك
عثمان مامان بعد الشيب هجم شال الشباب وخـتفلو سوولك فعل قلبك قبيل شنَّفـلو ما دام الكريم جسمك خلاص لطفلو يا جبر الله خايفك بكرة تتقريفلو
جبر الله عوض السيد حَرَص ود الحبيب ما فيش طريقة تجفلو موعودين عقب حلقة وأوعى تغفلو يامامان أخير خبـــر الكِريم ده تقــــفلو قبال ما يقولوا عليك بتشـــــــرفلو
عثمان مامان في آخر عمرنا ظهرت حكاية شينه للبدرة والمكياج مشينا بي كرعينا تقول خــــدرونا أصـلنا مـــا لاويــنا ربـك ستر من قـلم الحواجـب لينا
جبر الله عوض السيد عندنا هيبة وكتين في الرسبشن جينا شايلين السيوف بالقومي زينا زينة بي مسح الكريم كتلو الحماس الفينا إن بقى هادا حالنا ما بربح الراجينا
حسن احمد حسن مجبور مو خيار غصبوني للمسيح وقالو لية واجب شان هسي راكب الريح السبب الوجعني وخلاني ماني نصيح المسحني كان مصري ولسانو فصيح
Post: #50 Title: Re: البت دي ظريفة .. صفقوا ليها .. Author: حمد عبد الغفار عمر Date: 03-05-2013, 04:12 PM Parent: #49
دينا خالد دي ذاتا أهل عوض ما تطلع بيكم الجو أنا بعرفا من عمرها 5 سنوات
يمين الله قريتها بأضاني دي قالت لبدر الدين الأمير يوم عرس نجمة
أمشي شوف ليك تقنت ولا موية أمسكا
هسة أولاد الخرطوم بعرفو التقنت خلي بنات الخرطوم؟
Post: #52 Title: Re: البت دي ظريفة .. صفقوا ليها .. Author: خالد عبد الله محمود Date: 03-05-2013, 04:25 PM Parent: #50
هووووي يا أهل العوض أخير تلزموا أدبكم كلو و لا بتنا دينا خالد دي أما علمت يا تنظير أن دينا من أندينا في البلد ؟ و أنها أميرة دنقلاوية سليلة كنداكات النوبة دينا خالد تحمل جينات ملكية عمرها سبعة آلاف سنة فمن أنتم علي قول عمكـ القذافي ؟؟ دينا خالد تقول الدايراهو .. ست بلد ... دنقلاوية و هلالابية .. تاني فضل شنو ؟؟
* توضيح للناس المكنتم خفيفة : الموضوع مجرد مزاح مع حبيبنا طلحة تنظير .. لذلك مافي زول يجي يشبكنا عنصرية و حنكـ عاضي زي ده
يا أمير الأمين أهل اليسار ديل أهل العوض بتاعين الفرنجة واللا شنو .. أول مرة أشوف لي طالب جامعي بخيل وقرف ..
يا ود البوش انا عارفك كريم وطيب ولكن ما لدرجة انك تصدق كلام جرجير كمان .. معقولة ياخ ؟.
يا محمد عبدالله دينا خالد بتحب تهظر مع المشاهير دائما .. البرالمة مشاهير في المنبر .. وأهل العوض مشاهير في السودان .. لكن أنا بس زعلان منها عشان قالت ما بنشتري للزول الجائي من مكان تاني فرشاة .. وكمان قالت بنوم في أوضة النوم .
يا حيدروف يا صاحبي العزيز سلامات ومشتاقين .
يا عباس يا حبيب ياخ أهل العوض باقي ليهم شوية ويبقوا صحابة .. والبنسبوه لأهل العوض ما خلوا ليهو حاجة حرم .
يا بلة من ناحية عايز موضوع مع دينا خالد عايزو .. لكن البوست دا عاملوا عن زعل حقيقي .. لأنو قالت لينا ما بتشتروا فرش للضيوف ؟
يا أمير محي الدين المكنتو ما خفيفة مع الجكس فليشوف ليهو طريقة تإنسان رخيص ليها لأنو كدا بكون فيهو شىء ما طبيعي .. هكذا قالك الزول القاعد جمبي دا ..
يا moaz elsir يا حبيب شكرا للدعم والمساندة .. شنو من ديك وعيك ياخ ؟
Post: #53 Title: Re: البت دي ظريفة .. صفقوا ليها .. Author: Balla Musa Date: 03-05-2013, 04:43 PM Parent: #51
Quote: لكن البوست دا عاملوا عن زعل حقيقي .. لأنو قالت لينا ما بتشتروا فرش للضيوف ؟
ياطلحة دا تزوير فى هرطقات رسمية حسب نقلك لكلامها :أنكم بتجوا بدون فرش عشان كدا بتتسوكوا بفرشة صاحب البيت..
بس أنا المحيرنى الناس تفترى على أهل العوض وتقول بتسوكوا!! من وين جابوا الكلام دا؟
Post: #54 Title: Re: البت دي ظريفة .. صفقوا ليها .. Author: أيمن محمود Date: 03-05-2013, 04:48 PM Parent: #53
Quote: بس أنا المحيرنى الناس تفترى على أهل العوض وتقول بتسوكوا!! من وين جابوا الكلام دا؟
Post: #55 Title: Re: البت دي ظريفة .. صفقوا ليها .. Author: خالد عبد الله محمود Date: 03-05-2013, 04:52 PM Parent: #53
Quote: بس أنا المحيرنى الناس تفترى على أهل العوض وتقول بتسوكوا!! من وين جابوا الكلام دا؟
لوووووووول
د. بلة ده ما من أندينا لذلكـ ممكن ترشو زي ما قال الجيش
يا بلة السواك زي ما عارف حرية تصرف بيخص سيدو ومافي زول بعرف البتسوك منو والما بتسوك منو زي الصيام .. الواحد عادي ممكن ينشف ليك شلاليفو ويعدم ليك حلقو اسم الريق ويتماوت ويربط رأسو بزعم انو صايم وهو تلقاهو قبل خمسة دقائق ضارب ليهو فتة موية فول وشارب ليهو جك موية بارد .. والكلام دا يشمل أهل العوض وأهل بابكر وأهل لوي وأهل فرانشسكو توتي .. كلهم سواء .. وما تقول لي السنون بيض واللا صفر لأنو ممكن واحد يكون سنونو بيض وما بتسوك إلا في الأعياد وممكن واحد يكون سنونو صفر وبتسوك عشر مرات في اليوم . قضية البوست أنو أهل العوض ما بجيبوا الفرشاة لضيوفم ودا طعن واضح وتشكيك صريح في جود وكرم أهل العوض وهذا ما لا نرضاه بالطبع .
يا حمد عبد الغفار ما مشكلة والله إذا طلعت دينا واللا نزلت ولكن المشكلة إنو تنكر كرمنا الفياض ياخ .. معقول أهل العوض ما بجيبوا فرشاة لضيوفم .. وبنوموا في أوضة النوم كمان .. إنه لبهتان عظيم .
يا خالد عبدالله محمود ما تعمل فيها بتهظر معاي وحركات .. الزول دا رشوه ولفوه بأية حاجة قدامكم .
.....