بمناسبة موسم الإجازات...هدايا المغتربين اتطورت ولا ياها ذاتها؟

طبعا في فرق لما الواحد يسافر لقرايه و لا لعمل
لأنو سقف التوقعات و social obligations ليست مثل المغترب الشغال (بغض النظر عن دخلو و شغلو)

عشان كره عاوزين نعمل لسته جديده لمفهوم جديد للهدايا

مثلا ممكن الواحد يعمل شنو يكبر دايرة المنفعة من الهدايا؟ على الأقل على مستوى الحي
و كمان يكون عندها شيء من ال sustainability
زي ما بيقول صاحبنا ما دلاقين و لا حاجه
و كل حسب ما يتناسب مع بيئته
مثلا واحد كانت هديتو بذور محسنة لناس الحلة لأنو كلهم بيشتغلوا في الزراعة
واحد تاني كانت هديتو سجاده للجامع
و التالت هدينو كانت كمبيوترين مع غنترنت مدفوع لعام كامل لهيئة التدريس في مدرسة ابتدائية و معاها اشتراكات لمدة عام في مواقع متخصصة و مهتمة بالتعليم



أها الباب مفتوح
خشو و اعرضوا

الأخ / مالك الجاك

سلام

التطور الحاصل أن بعض الناس تركوا موضوع الهدايا ، لأن الغربة صارت أكل عيش وسترة حال .

وطائفة أخرى ما زالت تجلب الدلاقين ، والمرفهين والمرطبين يحملون اللابتوبات والجلاكسي والأي فونات .

والمغتربين خشم بيوت .