مليون سودانى من كل العالم يتوجهون الى الخرطوم ليومين فى جمعة السودان

Post: #1
Title: مليون سودانى من كل العالم يتوجهون الى الخرطوم ليومين فى جمعة السودان
Author: isam elzein
Date: 03-04-2013, 03:50 PM

أقترح أن تتشكل لجنه قوميه من أهل السودان الشرفاء الاحرار للتنسيق والتسهيل لوصول مليون
سودانى من جميع دول العالم فى يوم جمعه يتم تحديدها فيما بعد تسمى بجمعة عزة السودان
لمدة يومين فى الخرطوم وبعدها يعود الجميع الى اماكن اقامتهم للتعبير عن سخطهم وقلقهم
لما وصل له حال البلاد من ترد للاحوال المعيشيه والاقتصاديه والصحيه وانهيار تام لمرافق
الدوله وبوادر الحرب الشامله وتقسيم البلاد تلوح فى الافق

ستكون هذه المليونيه هى الرساله الاخيره التى سيوجهها الشعب السودانى الحر فى كل مكان
لنظام الخرطوم بانه لم يعد هناك وقت للتلاعب بمصير ومستقبل أمة كامله بايدى مجموعة من
الطغاة يحكمون البلاد بالمليشيات وقوات الامن الخاصه واللصوص وعديمى الشرف والاخلاق والذمه

ستقوم اللجنه بالاعداد والاشراف على هذ اللقاء ب :

- الاتصال بشركات الطيران للتنسيق والتسهيل
- العمل على توفير السكن المؤقت لمن يحتاج له
- توفير الماء والعلاج الاولى السريع
- اعداد مذكره بمطالب الشعب السودانى لرفعها للجهات المسؤله
محليا ودوليا
- أى شيئ آخر تراه اللجنه والمشاركين ضروريا لانجاح هذا العمل
الوطنى الهام

الرجاء وضع اقتراحاتكم هنا وأى شيئ ترونه مفيدا لانجاح هذا اللقاء
وفتح باب الحوار الهادف البناء من أجل وحدة أهل السودان
والعبور بالبلاد الى بر الامن والاستقرار والسلام

Post: #2
Title: Re: مليون سودانى من كل العالم يتوجهون الى الخرطوم ليومين فى جمعة السود
Author: isam elzein
Date: 03-04-2013, 03:58 PM
Parent: #1

Post: #4
Title: Re: مليون سودانى من كل العالم يتوجهون الى الخرطوم ليومين فى جمعة السود
Author: isam elzein
Date: 03-04-2013, 05:24 PM
Parent: #2

هناك عدة أسئله

هل تستطيع الحكومه منع مواطن سودانى من دخول البلاد؟
هل تستطيع الخرطوم أن تستقبل مليون شخص دفعه واحده
وكيف؟

Post: #3
Title: Re: مليون سودانى من كل العالم يتوجهون الى الخرطوم ليومين فى جمعة السود
Author: ناصر احمد الامين
Date: 03-04-2013, 05:21 PM
Parent: #1

يا زول انت جادي؟؟؟
اقتراح زي ده ... في امريكا ما بنجح
خلي في السودان.

Post: #5
Title: Re: مليون سودانى من كل العالم يتوجهون الى الخرطوم ليومين فى جمعة السود
Author: ود الباوقة
Date: 03-04-2013, 05:29 PM
Parent: #3

نسال الله السلامة

Post: #6
Title: Re: مليون سودانى من كل العالم يتوجهون الى الخرطوم ليومين فى جمعة السود
Author: isam elzein
Date: 03-04-2013, 05:32 PM
Parent: #3

Quote: يا زول انت جادي؟؟؟
اقتراح زي ده ... في امريكا ما بنجح
خلي في السودان.

الاخ المحترم ناصر

شكرا على المرور
لقد نجح هذا العمل فى أمريكا فى عام 1995 فيما عرف بمسيرة المليون شخص
THE MILLION MAN MARCH فى واشنطن

فقط علينا أن نحاول

Post: #7
Title: Re: مليون سودانى من كل العالم يتوجهون الى الخرطوم ليومين فى جمعة السود
Author: ود الباوقة
Date: 03-04-2013, 05:34 PM
Parent: #6

Quote: فقط علينا أن نحاول

عموما انا علي الأباريق والفتة

Post: #9
Title: Re: مليون سودانى من كل العالم يتوجهون الى الخرطوم ليومين فى جمعة السود
Author: ناصر احمد الامين
Date: 03-04-2013, 05:38 PM
Parent: #7

Quote: عموما انا علي الأباريق والفتة

طيب ما تجيب (الدراويش) معاهم مره واحده
ينوبك ثواب

Post: #8
Title: Re: مليون سودانى من كل العالم يتوجهون الى الخرطوم ليومين فى جمعة السود
Author: isam elzein
Date: 03-04-2013, 05:36 PM
Parent: #6

Quote: نسال الله السلامة

جنس الكلام ده ببوظ أعصابكم
الناس مارقه مارقه. طال الزمن أو قصر

الله يمهل ولا يهمل

Post: #10
Title: Re: مليون سودانى من كل العالم يتوجهون الى الخرطوم ليومين فى جمعة السود
Author: ود الباوقة
Date: 03-04-2013, 05:40 PM
Parent: #8

Quote: جنس الكلام ده ببوظ أعصابكم
الناس مارقه مارقه. طال الزمن أو قصر

ادونا خبر من بدري

لانو الشركة المصنعة للاباريق قالت ما بتقدر تسلمنا مليون ابريق دفعة واحدة

لو مستعجلين شديد نخلي كل ثلاثة منكم في ابريق

Post: #11
Title: Re: مليون سودانى من كل العالم يتوجهون الى الخرطوم ليومين فى جمعة السود
Author: بدرالدين الطائف
Date: 03-04-2013, 05:45 PM
Parent: #8

Quote:
الرجاء وضع اقتراحاتكم هنا وأى شيئ ترونه مفيدا لانجاح هذا اللقاء
وفتح باب الحوار الهادف البناء من أجل وحدة أهل السودان
والعبور بالبلاد الى بر الامن والاستقرار والسلام

طالما العدد ممكن يصل 2 مليون انا بقترح انه الناس تمشى تعمل وقفة احتجاجية فى سفارات السودان بالخارج تطالب بطرد السفراء ورحيل نظام الانقاذ.
ويحشدوا ليها كل وسائل الاعلام لتوصيل الرسالة لكل شعوب العالم.

ودالباوقة بطل الورجقة وجهز الكبسة لى ناس الرياض

Post: #12
Title: Re: مليون سودانى من كل العالم يتوجهون الى الخرطوم ليومين فى جمعة السود
Author: ود الباوقة
Date: 03-04-2013, 05:49 PM
Parent: #11

ارجو الافادة

Post: #13
Title: Re: مليون سودانى من كل العالم يتوجهون الى الخرطوم ليومين فى جمعة السود
Author: isam elzein
Date: 03-04-2013, 09:57 PM
Parent: #12

Quote:
طالما العدد ممكن يصل 2 مليون انا بقترح انه الناس تمشى تعمل وقفة احتجاجية فى سفارات السودان بالخارج تطالب بطرد السفراء ورحيل نظام الانقاذ.
ويحشدوا ليها كل وسائل الاعلام لتوصيل الرسالة لكل شعوب العالم.

كلام ممتاز وأى عمل يساعد على إزاحة هذا النظام ندعمه

ولكننا نريد أن يسمعها النظام فى الداخل وأمامه ليرى العالم باجمعه
كيف يكون الشعب السودانى رائدالثورات العربيه والافريقيه خلاقا ومبدعا
فى ابتكار مكان وموعد واسلوب تعبيره عن رأيه.

عاش السودان وشعب السودان

Post: #14
Title: Re: مليون سودانى من كل العالم يتوجهون الى الخرطوم ليومين فى جمعة السود
Author: ناصر احمد الامين
Date: 03-05-2013, 05:06 AM
Parent: #13

يا عصام .... تحياتي
قول كده انو الحكومة قررت اغلاق مطار الخرطوم يوم الجمعة المتفق عليه ده.
و قوووووومي يا الحكومة حولي كل الرحلات دي علي المطارات التانية (بورتسودان، الابيض، نيالا ... الخ)
و بالتالي تجمع المليون حا يروح شمار في مرقة و في نص نهار بس.
دا اذا افترضنا انو اصلا حركة الطيران في مطار الخرطوم (ذو المدرج الواحد) ممكن تستوعب مليون شخص يخشو في يوم او يومين
اذا كان مطار دبي بي زات نفسو ما ممكن يستوعب العدد ده (المصدر الموسوعة العالمية)
Quote: أهم مركز جوي على مستوى الشرق الأوسط وواحد من أفضل عشر مطارات في العالم وأسرعها نمواً، وهو يستقطب حاليا أكثر من 115 شركة طيران تغطي أكثر من 135 وجهة حول العالم، وتبلغ قدرة المطار الاستيعابية حوالي 60 مليون مسافر سنويا.

Post: #15
Title: Re: مليون سودانى من كل العالم يتوجهون الى الخرطوم ليومين فى جمعة السود
Author: ود الباوقة
Date: 03-05-2013, 05:12 AM
Parent: #14

Quote: دا اذا افترضنا انو اصلا حركة الطيران في مطار الخرطوم (ذو المدرج الواحد) ممكن تستوعب مليون شخص يخشو في يوم او يومين
اذا كان مطار دبي بي زات نفسو ما ممكن يستوعب العدد ده (المصدر الموسوعة العالمية)

يا ناصر

يعني زي الناس القراب قراب ديل ممكن يجو باللواري

وشكرا

Post: #16
Title: Re: مليون سودانى من كل العالم يتوجهون الى الخرطوم ليومين فى جمعة السود
Author: ناصر احمد الامين
Date: 03-05-2013, 05:17 AM
Parent: #15

Quote: يا ناصر

يعني زي الناس القراب قراب ديل ممكن يجو باللواري

باعتبار الحبشه و اسمرا و تشاد ؟
يجوز ذلك ... و لا غضاضة
مع مراعاة فروق الوقت

___________________________
اها عملت لينا شنو في الاباريق ؟ يا ظلامي

Post: #17
Title: Re: مليون سودانى من كل العالم يتوجهون الى الخرطوم ليومين فى جمعة السود
Author: ود الباوقة
Date: 03-05-2013, 05:19 AM
Parent: #16

Quote: اها عملت لينا شنو في الاباريق ؟ يا ظلامي

منتظرين يدونا الموافقة

حقت كل ثلاثة في ابريق

Post: #18
Title: Re: مليون سودانى من كل العالم يتوجهون الى الخرطوم ليومين فى جمعة السود
Author: ود الباوقة
Date: 03-05-2013, 05:43 AM
Parent: #17

Quote: ودالباوقة بطل الورجقة وجهز الكبسة لى ناس الرياض

بدر

يا زول الناس دا كلها ماشة هناك

حسب تعليمات اخونا ود الزين

انت ماش ولا قاعد

Post: #19
Title: Re: مليون سودانى من كل العالم يتوجهون الى الخرطوم ليومين فى جمعة السود
Author: ناصر احمد الامين
Date: 03-05-2013, 06:31 AM
Parent: #18

دي التعليقات و المشاركات المتعلقة بالموضوع في الفيسبوك
لازم ننقلها هنا برضو

Quote: Musab Sharf Aldin
ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه والله انت زول زرييييف ,, اسمعني انا جادي يااخوي انا بتكفل ليك بي حق التذكر والله العظيم والاقامه علي بس تجي انت يا عصام ,,

Quote: الفائز عبدالله · الأكثر تعليقا · دنقلا الثانوية
جزاك الله خير في ناس هنا في الغربة واعني دول الخليج بل معظم المغتربين لا يستطيعون السفر لاهلهم في الاجازات لضيق ذات اليد والمسئوليات الكبيرة التي على عاتقهم فهم رهائن في الغربة لاكثر من عشرون عاما واذا عندك مساعدة تستطيع تقديمها لاخوانك المكلومين مع جهاز المغتربين او اي جهة فجزاك الله خير والا فاترك الناس في حالها وشوف بتاعين اوربا او امريكا يمكن وضعهم كويس .. خميس وجمعة قال ..

Quote: Nazim Al-Sadiq · جامعة السودان للعلوم والتكنولوجيا
انا شايف الناس ((بدت تجري للديكور قبل ما تلقى البيت)) الحكاية هي نشر الوعي عن طريق المنابر المتاحة وان كانت معدومة وحشد الطاقات الثورية ده بالنسبة للموجودين داخل الوطن وأنتم كثوريين خارج الوطن أعزلو كل من لهو صلة بالنظام داخل السفارات وطالبو بطرد السفراء وأعملو على إيجاد منابر تعمل على توصيل الرسالة لأهل السودان وشعوب تلك المناطق وان كانو يدرون لكن كترة الدق بتفك اللحام ((لابد ينحول قصر الزمن يا زول ولا الزمن طول))

Quote: Deena Khalid · الأكثر تعليقا
يا زول انت ما بتعرف حساب ولا شنو ؟؟ يومين كيف يعنى ؟ الزاير فى حراسات المزيور وما تعدش !
ما بمنعوك من زيارة بلدك لكن من المطار ولى موقف شندى بس !! المافى شنو بجيبو مراتب من ناس بحرى او الكرين ...

Quote: Abdulrahman Khalifa · الأكثر تعليقا · Mukalla
بالعكس إقتراح رائع .. إن وصل العدد لخمسين الف يكون معارضي الخارج فيهم الخير و البركة .. أما اذا كان دون ذلك .. اتوقع حتى الفين ما بيجو تاني بس يخلوا الناس الفي البلد في حالهم .. و تيبس يكتبوا في الفنانين و الهلال و المريخ و اسعار الاراضي ..

Quote: King Lear · U.K.F College Of Engineering and Technology,parippally
يا ود البوقة،،،،.بطل سخف وأجري الراجيك

Post: #20
Title: Re: مليون سودانى من كل العالم يتوجهون الى الخرطوم ليومين فى جمعة السود
Author: محمد فضل الله المكى
Date: 03-05-2013, 09:42 AM
Parent: #19

.
.
عصام ود اخوي حبابك عشرة
قاطع أخبارك, ومغير أرقامك ..الحكاية شنو؟؟

بس الجماعة ديل ممكن يتيمموا؟
لأنو حيعملوا أزمة في البحر.

Post: #21
Title: Re: مليون سودانى من كل العالم يتوجهون الى الخرطوم ليومين فى جمعة السود
Author: معروف حمدين
Date: 03-05-2013, 09:48 AM
Parent: #19

يا صاحب
أعتبرني أول واحد
التذكرة من عندى بس الأقامة والأكل والشراب والعلاج عليك ..
بالنسبة للأبريق شيرنق مع ودالباوقة ..
ــــــــــــــــــــــــــــــــــــــــــــ
علبك الله كلامك دا جادى ؟؟؟؟

Post: #22
Title: Re: مليون سودانى من كل العالم يتوجهون الى الخرطوم ليومين فى جمعة السود
Author: الحاج حمد الحاج
Date: 03-05-2013, 10:28 AM
Parent: #21

عصام تحياتي

ياخي في السودان قال ليك حكام مباراة في دنقلا ما جو(ما عاوزين تذاكر طيارة و لا تأشيرة) و قالوا السبب مباراة برشلونة و ريال مدريد ، اتصور 3 ما قدروا يجو مليون ديل ح يجو كيف؟
أغرب سبب لتاجيل مباراة ..

Post: #23
Title: Re: مليون سودانى من كل العالم يتوجهون الى الخرطوم ليومين فى جمعة السود
Author: isam elzein
Date: 03-05-2013, 11:32 PM
Parent: #22

الاخوه الكرام الاعزاء الذين علقوا أو مروا على هذا البوست
لكم التحايا حميعا

الموضوع يا جماعه ما موضوع أباريق أو مطارات أو هوس وورجقه
ساى ذى ورجقة ود الباوقه. ينطط ذى التقول رافسه تيس.

حتى لو مشى شخص واحد فهى رساله للنظام.

ما وددت أن أقوله هو أن الوقت قد حان
ليكون هذا الشعب العملاق خلاقا ومبتكرا كما كان دائما فى وقوفه ضد الظلم والطغيان

كان خلاقا ومبتكرا عندما استخدم سلاح العصيان المدنى
فى اكتوبر وبهر أفريقيا والعالم العربى وكان تلاحم الشعب هادرا وجبارا

وكان خلاقا ومبتكرا عندمااستخدم سلاح منظمات المجتمع المدنى والنقابات فى أبريل
وبهر أفريقيا والعالم العربى وانهار نظام الطاغيه وكان تلاحم الشعب قويا وعملاقا

ليس المقصود من هذا الامرأن يصل مليون شخص الى الخرطوم ولكن فتح الحوار عن كيف يمكن أن
يصل مليون شخص أو شخص واحد نيابة عن الملايين ليرسل رسالة واضحة للنظام من الشعب
السودانى فى كل مكان ينبهه ويحذزه فيها بأن وقت الطوفان قد دنى وعيل صبر الشعب والوطن.

هذا هو القصد.

**العم المحتم ود المكى
والله ليك وحشه وشوق شديد وتيلفونى ياهو ظاتو 0014439861694
تحياتى للأسرة وخلينى أشوف أباريق ود الباوقه دى آخره شنو

Post: #24
Title: Re: مليون سودانى من كل العالم يتوجهون الى الخرطوم ليومين فى جمعة السود
Author: ود الباوقة
Date: 03-06-2013, 04:19 AM
Parent: #23

Quote: حتى لو مشى شخص واحد فهى رساله للنظام.
Quote: حتى لو مشى شخص واحد فهى رساله للنظام.

اهااا يا ود الزين

دا الكلام البدخل الراس

بعدين نحن مافي اوكازيون حتى تنزل من مليون

لي نفر واحد

عموما طالما انت صاحب الاقتراح اقترح عليك تجي الجمعة البعد الجاية

تذكرتك ذهاب فقط علي انا

مع الاقامة والاعاشة

واحتمال كبير اعزمك سمك في حوش الطائف

جزاك الله خير

Post: #25
Title: Re: مليون سودانى من كل العالم يتوجهون الى الخرطوم ليومين فى جمعة السود
Author: isam elzein
Date: 03-06-2013, 04:34 PM
Parent: #24

والله يا ود الباوقه إنته راجل نكته جدا ودمك خفيف جدا
بس مشكلتك إنو ربنا عامى بصيرتك وبعد مرات بتشوف طشاش طشاش

والمصيبه الكبيره هى إنو عمى البصيره ده علاجو صعب جدا جدا جدا.

الله يمهل ولا يهمل

Post: #26
Title: Re: مليون سودانى من كل العالم يتوجهون الى الخرطوم ليومين فى جمعة السود
Author: بشير أحمد
Date: 03-06-2013, 05:03 PM
Parent: #25

Quote: مليون سودانى من كل العالم يتوجهون الى الخرطوم ليومين فى جمعة السود

يعني بي كلامك ده الناس القاعدين جوّة السودان رميت طوبتهم تب وما فيهم امل؟

ده دليل عجز في تحريك مواطني الداخل.

_______
صراحة نكتة الموسم.

Post: #27
Title: Re: مليون سودانى من كل العالم يتوجهون الى الخرطوم ليومين فى جمعة السود
Author: ود الباوقة
Date: 03-07-2013, 06:43 AM
Parent: #26

Quote: صراحة نكتة الموسم.

ود الزين دا يا دكتور ما قاعد يكتب بوستات كثيرة

كل مشاركاته

( يمهل ولا يهمل )

فقط لا غير

عشان كدا المرة دي اسرف اسرافا بائنا في الاماني العذبة

ولكنها لم ( تتراقص ) حياله

وشكرا