Post: #1
Title: نرجو من الريس بكري إزالة إعلانات تخفيض الوزن دي
Author: محمد جلال عبدالله
Date: 03-04-2013, 11:43 AM
اولا: بتفتل الصفحة
ثانيا: بتبطئ المتصفح
ثالثا: وهو الأهم مخجلة مخجلة مخجلة ونحنا قاعدين نتصفح المنبر ومعنا اطفالنا الصغار
والله اليوم بتصفح وجنبي اولادي ما عرفت اودي وشي وين
وبالذات الاعلان بتاع البت اللابسة قطعتين صغار ... مخجل ومخزي
التعديل:
كنت كاتب في العنوان التخ-سيس لكن سستم بكري فلترها بقت الانسان رخيص هههههه
|
Post: #2
Title: Re: نرجو من الريس بكري إزالة إعلانات تخفيض الوزن دي
Author: محمد جلال عبدالله
Date: 03-04-2013, 11:49 AM
Parent: #1
من يثني؟؟
|
Post: #3
Title: Re: نرجو من الريس بكري إزالة إعلانات تخفيض الوزن دي
Author: محمد أبوالعزائم أبوالريش
Date: 03-04-2013, 11:52 AM
Parent: #1
المسألة دي الناس إتكلموا فيها كتير.
بكري ما عندو سيطرة على الإعلانات (الإعلانات من غوغل) ... والإعلان الإنت بتشوفه في بلد ما بيشوفوهو الناس في بلد تانية.
يعني تكون في الكويت ... تجيك إعلانات لمصارف (بنوك) كويتية والخطوط الجوية الكويتية .... إلخ. وتكون في الأمارات، تجيك وكالات توظيف في الأمارات، وهكذا.
الشئ التاني (ده ما متأكد منو) المواقع البتزورها بتدي لمعلن غوغل عن طريق الكوكيز فكرة عن نوع إهتماماتك، وبالتالي يوجهوا ليك الإعلان البيفتكروا إنو بيهمك.
أعمل زيي ..... خليك في مواضيع الموقع وأنسى الإعلانات ...... شخصياً بنتبه ليها لما واحد يكتب زي كلامك ده ويحتج عليها.
|
Post: #4
Title: Re: نرجو من الريس بكري إزالة إعلانات تخفيض الوزن دي
Author: الصادق سيكا
Date: 03-04-2013, 12:29 PM
Parent: #3
الحبيب محمد قواسيب من الود..
اناكنت عايز أثنيك فى الله كده ..مع انى بحب اعلانات الت خ س ي س
بس وحاتك يا غالى قدر ما فتشت ما لقيتا ..
بحاول اتابعها لو ظهرت عندى بديك رأى
|
|