مناشدة لانقاذ ابن صديق ودعة

مضت اكثر من عشرة سنوات على اعتقال ابن صديق ودعة بالامارات العربية المتحدة
وبدون الخوض في اي تفاصيل نقول ان ابن صديق ودعة اخذ بجريرة غيره
وليس له اي ذنب في ما ينسب لابيه
وكل قوانين العالم ترفض اخذ شخص رهينة لاجبار آخر على تسليم نفسه
وما دام حكومة السودان تخلت عن وابجها تجاه احدرعاياها
وما دام الوالد يراهن على اطلاق سراح ابنه بدون تسليم نفسه
اذن لماذا لا يتطوه محاميو السودان لانقاذ الابن

صراحة كنت اتوقع بعض التفاعل مع قضية الشاب السوداني الذي تخلى عنه والده كما تخلت عنه حكومة بلده
لكن ربما لان الامر لا يتعلق بمناضلين تم اعتقال اسرهم رهائن لحين تسليم زويهم انفسهم للسلطات
او ربما هو ليس من زوي اهل السلطة او له ضهر في الحكومة ايضا
لذلك لم يكن هناك تفاعل واضح
المهم ساستمر في رفع هذه القضية علها تجد من يقتنع ويسعى لحل اسر هذا الرجل فهو في الأخير سوداني قليل الحيلة
وافكر جادي في رفع الامر إلى منظمات حقوق الانسان العالمية ابتداء من هيومان رايتس ووتش
وبارك الله في الانترنت الذي جعل ذلك ممكنا

الأخ علي ميرغني....تحياتي،
ياخي عشان الناس يكونوا فاهمين انت بتقول في شنو، يُرجى التوضيح: يعني، صديق ودعة دا منو؟ وعمل شنو؟ ومشكلته شنو مع الإمارات؟ وولده دا قبضوهو متين؟ وكيف؟ وما هي التهم الموجهة له؟؟
يعني ما ممكن تكتب كلام مبهم تماماً وغير مفهوم، وتكتب عن شخص لا يعرفه الناس ولا يعرفون خلفية المسألة وكمان تطلب من المحامين أو غير المحامين يساعدوا في قضية لا يعرفون تفاصيلها.
تحياتي،

الاخ على ميرغني

لك التحيه والتقدير

ربما عدم تفاعل الناس بسبب ان الموضوع غير معروف للكثيرين

كنت قد سمعت بهذا الامر قبل سنوات , وكانت روايات متضاربه حقيقه ماطلعتا بشئ , ولا قدرت استوعب اساس المشكله

فا ينوبك ثواب اذا ذكرت تفاصيل الموضوع

كت اوت :

موضوع منظمة حقوق الانسان دا ماتشيل همو .. الناس ديل جيرانا عديل كده بنوصلوا بالدرب العديل , بس كمان حيكونوا عاوزين تفاصيل توضح الحاصل

مسنوده بادله واضحه

الاخوان عادل وخضر لك التحية والتقدير
زي ما قال خضر الروايات كثيرة في هذه القصة لكن الشئ الوحيد المؤكد ان ابن رجل الاعمال السوداني صديق ودعة معتقل الآن ومنذ قرابة العشر سنوات
في الامارات العربية كرهينة لاجبار والده لتسليم نفسو
والقصة تتعلق بمبلغ كبير ربما يصل الى 300 مليون دولار
وتم عمل كمين لابن صديق ودعة واعتقاله اثناء رحلة عادية الى شرق اسيا عبر الامارات ترانسيت
وطبعا لاتوجد أدلة او وثايق في هذه القصة لانها كلها في يد الاطراف الثلاثة في القضية حكومة الامارات وحكومة السودان ورجل الاعمال ودعة نفسو
بس يمكن لمن اراد وخاصة هيومان رايتس ووتش ان يبداء من النقطة الاخيرة وجود ابن صديق ودعة في معتقلات الامارات

Quote: والقصة تتعلق بمبلغ كبير ربما يصل الى 300 مليون دولار

المبلغ دا مالو؟ وقصته شنو؟
يا علي ميرغني ما ممكن تكتب تلغرافات غير مفهومة وتتوقع انه الناس يكونوا فاهمين حاجة؟

الاخ عادل حليني احكي ليك احد الروايات لهذه القصة
تقول الرواية ان مجموعة من ضمنهم والد الضحية تلقوا هذا المبلغ من احد افراد الاسرة الحاكمة في الامارات حتى يعملو عمل يصبح بموجبه هو وليس اخوه غير الشقيق الحاكم بعد والده
ثم تركوا الامارات وعادوا الى السودان ومعهم القروش
وبعد داك انكشفت القضية وحاولت الامارات استعادة المبلغ والمتهمين لكن بدون جدوى

طيب إنت ياتو رواية الداير الناس يصدقوها ويكونوا متأكدين منها ويتصرفوا على أساسها؟؟؟

Rights group: UAE must investigate torture claims

Posted : 2013/03/11 8:46 pm

A human rights group is calling on the United Arab Emirates to investigate allegations
of torture that are being made by defendants on trial for allegedly trying to overthrow the government.
Several of the 94 defendants told a security court last week that they had been repeatedly beaten
, kept in solitary confinement, denied medical treatment, blindfolded and forced to take unknown medications.
Human Rights Watch on Monday said the trial "raises serious questions about UAE's willingness to respect the fundamental right of all accused
." The group called on the court not to introduce evidence "obtained through ill-treatment or coercion."
The trial resumed Monday but authorities barred international media, including The Associated Press, from attending.