Quote: نظمت شركة سجايرالوطنية مسابقة اجمل تسريحة لمحال تصفيف الشعر (الكوفيرات ) بالخرطوم وكونت لها لجنةاختيار من 5 اعضاء هم صلاح شرفي .. عباس الربعه..الطيب الوسيلة وايضا ضمت لجنة تحكيم (فتاتان ) امال عباس وفتحية دهب 1968م
المصدر :- الفيس بوك .. Old Sudan Photos
مودتــي
الرحـــال
Post: #2 Title: Re: الخرطوم قبل ضهب الضهاري والطفيليين Author: محمد محمود محمد Date: 03-04-2013, 00:43 AM Parent: #1
__________الأخ أشرف...شارع القصر ...السبعينات...المركز الثقافي الأمريكي ...المريديان ...و...بص السجانة بالنص....تحياتي
Post: #3 Title: Re: الخرطوم قبل ضهب الضهاري والطفيليين Author: محمد جبره Date: 03-04-2013, 01:41 AM Parent: #2
حكاية الطفيلين دي شنو يا ناس الخرطوم ؟
كان تقفلوها عليكم وما ترضو انها تكون عاصمة بعدين الحياة الانت متحسر عليها دي كان بوفروها ليك الطفيلين البطقو الصمغ حفاياه والبزرعوا القطن والبرعوا بالبهايم في الخلاء لانك انت ما كنت منتج كنت مستهلك مهموم باجمل تسريحة و وصلتنا للنحن فيه .
Post: #4 Title: Re: الخرطوم قبل ضهب الضهاري والطفيليين Author: Hani Arabi Mohamed Date: 03-04-2013, 02:45 AM Parent: #3
أفتخر بأنني من أبناء الأقاليم، وما زلتُ أعتقد أن وجودي في الخرطوم أمر مؤقت وأسعى للعودة لإقليمي متى ما سنحت الفرصة،
Post: #5 Title: Re: الخرطوم قبل ضهب الضهاري والطفيليين Author: abas Date: 03-04-2013, 03:44 AM Parent: #4
والله يا اخ اشرف عنوانك صادم وما فيه احترام لي ناس كتار هنا
لو انتو الخرتوم دي عاجباكم انفصلوا وريحونا منها
Post: #6 Title: Re: الخرطوم قبل ضهب الضهاري والطفيليين Author: أشرف الرحال Date: 03-04-2013, 05:34 AM Parent: #5
Quote: لا أظن الأخ أشرف يقصد الإساءة، الأمر متعلق بالبوست التالي
الاخ هاني ،،، صباح الورد
تماما هذا هو المقصد ورسالة لناس الخرطوم المضايقين من ناس الضهاري والغزاة والمطالبين بنظافتها منهم
مودتي
الرحـــال
Post: #9 Title: Re: الخرطوم قبل ضهب الضهاري والطفيليين Author: أشرف الرحال Date: 03-04-2013, 07:57 AM Parent: #5
Quote: والله يا اخ اشرف عنوانك صادم وما فيه احترام لي ناس كتار هنا
عباس المضهب في الخرطوم تحياتي ليك يا ريفي ..
صادم العنوان وللا دي من صدمة المسابقة والخرطوم بالله شفت الخرطوم دي كانت كيف قبل ما نجيها !!!!
مودتي
الرحــال
Post: #7 Title: Re: الخرطوم قبل ضهب الضهاري والطفيليين Author: أشرف الرحال Date: 03-04-2013, 05:45 AM Parent: #2
الاخ محمد محمود ،،، تحياتي
الصورة دي تعكس ليك ان المدينة في حراك وثباتها معدوم
مودتي
الرحـــال
Post: #8 Title: Re: الخرطوم قبل ضهب الضهاري والطفيليين Author: abas Date: 03-04-2013, 07:40 AM Parent: #7
شكرا اشرف للتوضيح لي هناي بس برضو نحنا ناس اهل العوض ديل نعمل شنو نلاقيها منكم ولا من محمد موسي
شلتو حالنا شيل تقيل
اها وريني بس نقول شنو
Post: #10 Title: Re: الخرطوم قبل ضهب الضهاري والطفيليين Author: الامين موسى البشاري Date: 03-04-2013, 08:00 AM Parent: #8
أشــرف الرحال
سلامي وتحياتي،، ياخ ما عصرته شديد على اهلك أهل العوض ديل ومن لفه لفهم الغريبة يا حبيب الخرطوم كانت نظيفة بدون شركات نظافة المتعافي وبدون رسوم النفايات ... .. ..
____________
Quote: شكرا اشرف للتوضيح لي هناي بس برضو نحنا ناس اهل العوض ديل نعمل شنو نلاقيها منكم ولا من محمد موسي
شلتو حالنا شيل تقيل
آآآآزول الخرتوم ذاتها شن فيها عليك الله على الطلاق تشرب الموية ب 50 قرش تجي تبولها 2 جنية
Post: #12 Title: Re: الخرطوم قبل ضهب الضهاري والطفيليين Author: abas Date: 03-04-2013, 08:07 AM Parent: #10
آآآآزول الخرتوم ذاتها شن فيها عليك الله على الطلاق تشرب الموية ب 50 قرش تجي تبولها 2 جنية
Post: #11 Title: Re: الخرطوم قبل ضهب الضهاري والطفيليين Author: أشرف الرحال Date: 03-04-2013, 08:03 AM Parent: #8
Quote: لو انتو الخرتوم دي عاجباكم انفصلوا وريحونا منها
يا عباس انفصال شنو تاني داير ترجعنا للمربع الاول وندخل في دوامة ده ما خرطومي ده عباسي وده اجنبي وده زنجي ووده جركسي تركي ارمني وده مضهب من ناس الضهاري خلينا على كده من حجوة ام ضبيبينة دي
مودتي
الرحـــال
Post: #13 Title: Re: الخرطوم قبل ضهب الضهاري والطفيليين Author: جمال ود القوز Date: 03-04-2013, 08:13 AM Parent: #8
تحية للنازحين اهل الضهاري الجوا الخرطوم .. سواء من الجيل الأول او الجيل الثاني .. أو حتى من الجيل الثالث كناس معترسين بالبندر .. ففي النهاية كلنا طلعنا ناس ضهاري وطرف مداين ..
ــــــــــــــــــــــــــــــــــــــ
واصل يارحال فمبتغاكـ جلي وواضح .. وليحيا أهل الضهاري .. الناس الحلوين .. حيث تحلو العيشه .. في معية ناس خبروا معنى الحياة .. وكيفية الاستمتاع بها الى آخر رشفه .. فالحياه الحقه هي في البساطه وخفض الجناح .. ولين العريكه .. والكلام الزين .. والوش المطروح سماحة وكرم .. والخاطر المليان موده وعشم .. ولا عزاء لسكان البنادر المتشدقين بتلكـ الحضارة .. التي هي من صنع سكان الضهاري .. جادوا علينا بعرقهم وكفاحهم .. وآخر جزاء القز علقه ... زي مابيقولوا حبيبنا أولاد بمبه ..
محبه وشوق لأهل الضهاري .. وناس الأرياف الزينين ... الذين نحبهم حباً تمتلئ منه خواطرنا .... يشهد الله ماعرفت معنى الحياة وحلاوتها .. الا حين أعود الى مسقط رأس أجدادي .. وافارق البنادر وصخبها .. وأعيد سيرة حياة أجدادي الأولى ..
Post: #14 Title: Re: الخرطوم قبل ضهب الضهاري والطفيليين Author: الامين موسى البشاري Date: 03-04-2013, 08:33 AM Parent: #13
هاك يا عباس هذا هو الرد
Post: #15 Title: Re: الخرطوم قبل ضهب الضهاري والطفيليين Author: أشرف الرحال Date: 03-04-2013, 08:47 AM Parent: #13
Quote: بعدين الحياة الانت متحسر عليها دي كان بوفروها ليك الطفيلين البطقو الصمغ حفاياه والبزرعوا القطن والبرعوا بالبهايم في الخلاء لانك انت ما كنت منتج كنت مستهلك مهموم باجمل تسريحة و وصلتنا للنحن فيه .
الاخ محمد جبرة ،، تحياتي
ياليت ومازالت تطق الصمغ وبتزرع في المزارع وبترعى في الخلا وما جيت الخرطوم جيتك للخرطوم سبب في هذه الازمة الاقتصادية والغلاء والفقر لان الحياة مبنية على تقاسم الادوار نخلي ناس الخرطوم في تسريحاتهم وكوافيرهم وتقوم انتا تدق الواضة وتطلع خيرها عشان سودانا يكبر ما يصيبه جفاف ولا تصحر .. اليك ايها القروي هذا الاهداء
لا لا الليلة يا قروية
لا لا الليلة ياقروية انت ياقروية يا السمنتك بلدية طوريتك الملوية ..زراعتك المطرية وبين بنات الناس انت بس حوريّيّة
يا الله متين اشوف الخرطوم وقالوا لي في الخرطوم البت بتمشي للكوفير
يا الله متين اشوف الكوفير
لا لا الليلة ياقروية انت ياقروية ما تغرك المدنية إنت ما منسية والله انت غنية بزراعتك المطرية وبهايمك المسقية
أحيي متين اشوف الخرطوم يا ربي متين اشوف الخرطوم
قالوا لى في الخرطوم جنينة البلدية وقالوا لي في الخرطوم الفُسحة بالعربية
يا ربي متين اشوف الخرطوم
قالو لى فى الخرطوم البت بتختار عريسه وكمان كان دارت الدبله تمشى تقيسه
عكســـة :- ده مشهد الخرطوم قبل الغزو الطفيلي ده كان حالها والان تمعن في التغيير الذي اصابها بفعل الغزاة اهل الضهاري والارياف وقس على ذلك
انت عارف مرات الواحد يقول السودان ده بدا من الآخر وراجع للاول .. صور السودان الزمان اجمل وبالذات الخرطوم كانت انضف وارقى الناس البتطلع مظاهرات ناس مرتبة ولابسين انيق ونضيف مش زي ناس عباس يااشرف خليك من الخرطوم كسلا دي في زمنكم عليك الله كانت كيف ؟!! والله يوم الاربعاء اتنين كبار من كسلا قالوا لي شوكولاتة الجلاكسي دي كانت تجي من ايطاليا عبر الحبشة وتتباع في عمارة الضيقي .
تعرف ليه ياوليد انتو نحنا ونحنا انتو ودي كرش الفيل كل شئ فيها
مودتي
الرحـــال
Post: #23 Title: Re: الخرطوم قبل ضهب الضهاري والطفيليين Author: وليد محمد المبارك Date: 03-04-2013, 02:40 PM Parent: #21
Quote: تعرف ليه ياوليد انتو نحنا ونحنا انتو ودي كرش الفيل كل شئ فيها
ماف كلام بعد كلامك ده
نعم هي كرش الفيل حاضنة الجميع
Post: #22 Title: Re: الخرطوم قبل ضهب الضهاري والطفيليين Author: abas Date: 03-04-2013, 02:38 PM Parent: #20
انت عارف مرات الواحد يقول السودان ده بدا من الآخر وراجع للاول .. صور السودان الزمان اجمل وبالذات الخرطوم كانت انضف وارقى الناس البتطلع مظاهرات ناس مرتبة ولابسين انيق ونضيف مش زي ناس عباس يااشرف خليك من الخرطوم كسلا دي في زمنكم عليك الله كانت كيف ؟!! والله يوم الاربعاء اتنين كبار من كسلا قالوا لي شوكولاتة الجلاكسي دي كانت تجي من ايطاليا عبر الحبشة وتتباع في عمارة الضيقي .
ها زول ها
ناس عباس في الرعايه بس بي حقهم ببيعو اللبن وبشربوه تاني في شنو حرم البيضاء دي زيها مافي اعل ود البوش بحكي ليك باقي هو حكاي في الامور دي
بالمناسبه انا وهو ولاد منطقه واحده علا هو ما خابر حاجه لسه
الخرطوم خرطوم الفيل .... لاحظ انا قلبت الضمائر كيف في كلامي ... لأن الخرطوم نحن نمثل السكند جنريشن فيها .. قبل نزوح عوائلنا من اقصى الشمال ... لكن الاستملاك المتخرطم .. لبعض المتخرطمين .. هو الخلانا نفلق ونداوي ..... والخرطوم حقت كل الناس والله .....
Post: #26 Title: Re: الخرطوم قبل ضهب الضهاري والطفيليين Author: جمال ود القوز Date: 03-04-2013, 03:38 PM Parent: #25
Quote: يا سلام يا يا ود القوز انداح يا رائع... وسحر الامكنة بجمال ناسا
ان طابت الانفس وتلاقت .. فالأمكنة هي محض مواعين .. تتيح أمكانية التلاقح والتمازج .. بل هي التي تستقي جمالها .. من هذا التمازج الحاصل فيها .. وبالفعال سحر الأمكنة .. يتولد من سحر ساكنيها .. ويكسب كل ذاكـ الرونق والألق .. إذن بمن نحن نزهو .. بالناس الطاعمين ساكنين الأمكنة .. أم بالأمكنة .. تلكـ المواعين .. قطعن بالناس الحلوين .. وإن اخضعت شغلة سكان البنادر والضهاري .. لي حسبة فالنتيجة بالضربة القاضية لي ناس الضهاري .. يبقى البوبار في شنو ؟؟ ... وعشان شنو ؟؟ ... ويذكرني ذلكـ بالمثل البقول .. فرح الغشيم بــــ ..... وزمان قال الشاعر .. وماحب الديار شغفن قلبي ولكن حب من سكن الديارا ..
ـــــــــــــــــــــــــــــــــــــــــ
وأموت أنا في الضهاري .. والناس السكنوا الضهاري ... وفي الضواحي وطرف المداين .. مهداه لكل متطنقع بي بندراويته .. .......
Quote: انت عارف مرات الواحد يقول السودان ده بدا من الآخر وراجع للاول .. صور السودان الزمان اجمل وبالذات الخرطوم كانت انضف وارقى الناس البتطلع مظاهرات ناس مرتبة ولابسين انيق ونضيف مش زي ناس عباس
فايز ،،، تحياتي
نظافة الخرطوم دي عشان السيستم الانجليزي والادارة النظيفة تطلع ليك مدينة نظيفة حكاية المظاهرات المنظمة لديمقراطية المستعمر بالله شوف مستعمر ويحكم بالديمقراطية تجي كيف !!! لكن هسي لازم تطلع مبهدل في لبسك عشان الجلد والبمبان وسحق وركل وكل فنون التاكندو والقدوقدو شفت الفرق كيف ؟؟
Quote: يااشرف خليك من الخرطوم كسلا دي في زمنكم عليك الله كانت كيف ؟!!
يافايز حرام عليك نحن جيل الانقاذ واديني لناسكم بتاعين مايو ليه
Quote: والله يوم الاربعاء اتنين كبار من كسلا قالوا لي شوكولاتة الجلاكسي دي كانت تجي من ايطاليا عبر الحبشة وتتباع في عمارة الضيقي
.
قلت لي شكولاتة وعمارة الضيقي معبرها الحبشة ومصدرها ايطاليا اتا الشكولاته دي سائلة وللا مجمدة
مودتي
الرحـــال
Post: #30 Title: Re: الخرطوم قبل ضهب الضهاري والطفيليين Author: Nazik Eltayeb Date: 03-04-2013, 07:35 PM Parent: #29
تحياتي اخي اشرف رحال وشكرا على الصور بالمناسبة الخرطوم حافظت على جمالها حتى العام 1991 بعدها كانت حملات يوسف عبد الفتاح التخريبية قد قضت تماماً على كل شكل جمالي فيها ثم عاثت حفر سوداتل فساداً في كل الشوارع في الصورة اعلاه صورة شارع القصر وصولاً لشارع المحطة (الامام المهدي حاليا) كانت الشوارع مرصوفة بطبقة خرصانية ناعمة فوق المجاري يوازيها بلاط اسمنتي كبير ناعم مصفوف بصورة ممتازة وكانت مضاءة تماما وقس على ذلك كل الشوارع في الخرطوم ثم جاءت سوداتل و حفرت لرمي الكيبلات ولم تقم مطلقاً باي عملية ترميم لما حفرت وتركت اكوام الاتربة كالتروس وحطمت نظم تصريف المياه فما عادت الخرطوم هي الخرطوم ابداً بل اصبحت عاصمة الغبار و القذارة ---------------- الخرطوم مدينة حبيبة لكل السودانيين انفقوا عليها ريع انتاجهم قطناً و سمسماً و صمغاً وذرة و ماشية ولم يهاجروا اليها الا مستشفين او زائرين مؤقتين او بمقدار حوجة المدينة للتوسع مع حوجة اقتصاد الوطن للنمو لكن جهل الجاهلين و طمع الطامعين الذين حكمونا اورث البلاد و العباد الفقر و الجوع و الجهل والدمار و القبح عاصمة و ريف.
اللهم عليك بكل من دمر هذه البلاد و عليك كذلك بالمتنطعين وبائسي القول و التعبير وعليك بكل من اساء لاي انسان سوداني فعلاً او قولاً فالانسان هو الكنز الباقي الذي يجب ان يحفظ ويصان في كرامته و نفسه به تعمر البلاد والمدن لايهان و لايشتم ولايوصف بالضهب و التطفل مهما حدث
Quote: اللهم عليك بكل من دمر هذه البلاد و عليك كذلك بالمتنطعين وبائسي القول و التعبير وعليك بكل من اساء لاي انسان سوداني فعلاً او قولاً فالانسان هو الكنز الباقي الذي يجب ان يحفظ ويصان في كرامته و نفسه به تعمر البلاد والمدن لايهان و لايشتم ولايوصف بالضهب و التطفل مهما حدث
الاخت نازك ،، تحياتي
الوطن للجميع وتظل العاصمة الملتقى والقاسم المشترك لشعب الوطن ولكن التعنيف اللفظي وثقافة الاقصاء والسمو الجغرافي والبشري وباء اصاب شعب هذا الوطن وكان نتاجه دمار وشتم واهانة ونحن من نكرر ان هذه الاخلاق والممارسات دخيلة على الشعب السودان اذن من صنع هذا ومن اين جاءت ؟
