الكباشي للسفير الأمريكي ( نطالب بإلغاء الجنائية والحصار الإقتصادي)

طالب الشيخ الكباشي الجيلي المهدي الكباشي حفيد الشيخ الكباشي

بإلغاء قرار المحكمة الجنائية ضد رئيس الجمهورية وعدد من المسئولين

إضافة الي رفع الحصار الاقتصادي الجائر والمضروب علي السودان منذ اوائل تسعينيات القرن الماضي

وجاءت المطالبة ابان زيارة السفير الامريكي لدي السودان اليوم الي منطقة الكباشي شمال الخرطوم

حيث لبَي دعوة الشيخ الجيلي واستمع الي مقترحات واراء بعض وجهاء المنطقة واحفاد الشيخ الكباشي

وتناول وجبة الافطار في منزل الشيخ الجيلي مع عدد من مرافقيه وسط اجراءات امنية مشددة .

طبعاً ضربة البداية واستجابة للمطالب

فقد تبرع السفير الامريكي بمركز غسيل للكلي يعتبر الاول من نوعه علي مستوي السودان

وتكونت لجنة للاشراف علي هذا المركز برئاسة النائب الاول لرئيس الجمهورية الاستاذ علي عثمان محمد طه وعضوية الشيخ الجيلي

كما نقل السفير المريكي لاهل السودان من الكباشي تحيات الرئيس اوباما

السيدح كيفك يا غالي
تصحيح
ما اتبرع باي شئ لغسيل كلي او لاي عمل اخر ..
تحدث القائم بالاعمال عن افتتاح مركز امريكي ثقافي ببورسودان
ووعد بتذليل فرص التعليم والتدريب للسودانيين ..

ان شا الله بس أدى قتلى و مشردي دارفور و المغتصبات فاتحة قوية

زيارة مباركة ومداومة التواصل مع اهل الللة

السيدح فكّ الكضبة :

Quote: طبعاً ضربة البداية واستجابة للمطالب فقد تبرع السفير الامريكي بمركز غسيل للكلي يعتبر الاول من نوعه علي مستوي السودان

العـوض لصّق ليهو حار حار :

Quote: تصحيح ما اتبرع باي شئ لغسيل كلي او لاي عمل اخر .. تحدث القائم بالاعمال عن افتتاح مركز امريكي ثقافي ببورسودان

شكراً العوض علي الحقيقة

السيدح قال

Quote: طبعاً ضربة البداية واستجابة للمطالب

و كأنما الجماعة طلبوا

Quote: فقد تبرع السفير الامريكي بمركز غسيل للكلي يعتبر الاول من نوعه علي مستوي السودان

فرد العوض :

Quote: تصحيح ما اتبرع باي شئ لغسيل كلي او لاي عمل اخر

؟؟؟؟

يا سيف سلام
مشكلة دارفور كانت حاضرة في كلمة شيخ الجيلي المهدي
وتعرض لها القائم بالاعمال الامريكي كحل لرفع السودان من قائمة الارهاب ...
ولا تسخر رجاء من طقوس الصوفية ..

عبد الله الحبيب
تحياتي
سبحان الله أثناء ما بنزل في مداخلتي إنت نزلت مداخلتك
غايتو أنا ما حبيت أسميها ( كضبة ) ، لكن صياغة الخبر فيها ( خبث ) معهود عند الكيزان
التحية لأهلنا في منطقة الكباشي و العوض المسلمي

العوض سلامات
ياخي تقبل أسفي و مسؤولية اي رد فيه شي من التجاوز تتحملها صياغة السيدح المغرضة

ولا يهمك يا سيف فلم نعتاد منك تقليل شأن الاخرين ..
فقط اردت تنبهك ...
شكرا يا دكتور

أهـلاً بيك أخ كمال

Quote: سبحان الله أثناء ما بنزل في مداخلتي إنت نزلت مداخلتك غايتو أنا ما حبيت أسميها ( كضبة ) ، لكن صياغة الخبر فيها ( خبث ) معهود عند الكيزان

الكيزان كذّابين بإحترافية عالية
علينا أن نسمي كذبهم كذباً وإجرامهم إجراماً
مرحباً بك إضافةً للوعي هنا ..

يا جماعة العوض بقى يشوت لوين?

اجمع يا سيدح
وورينا مركز غسيل الكلي بتاع الكباشي الاتبرع بيهو السفير الامريكي عملت لينو فيهو شنو هههههههه