تحذير عااااجل ومهم يا شباب .. برجاء عدم التعامل مع طلحة

السلام عليكم
الرجاء عدم التعامل مع هذا الإيميل [email protected] وذلك بعد أن تم إختراقه وأخذ المخترق
ال######## يتسول به شرقا وغربا .. بعد أن منعني من الدخول إليه ..
كما أرجو من أصحاب الخبرة المساعدة في كيفية كنسلته ..

لكم التقدير كله ..

وعذرا لكل من وصلته رسالة مزعجة أو غير مزعجة من الإيميل أعلاه وأكرره تاني [email protected]
هذا الإيميل تم اختراقه بشيطنة شيطان وعاث به تسولا وكلام ورسائل فارغة فرجاء لا تواخذونا .
يتبع .....

سلامات طلحة
الجاتك في ايميلك سامحتك

العزيز طلحة ،، تحياتي وربنا يعوضك وجاتك في رسائلك سامحتك اوع يكون تراوري عملها


تعرف اليومين دي شكلهم قاعدين يتدربوا انا برضو حصلت لي حكايتك دي بس لحقتها بسرعة بواسطة الايميل الاحتياطي ولقيت عفشي كله موجود لم ينقص منه ولا رسالة


مودتي

الرحــال

وصل التحذير حتى عن طريق الجوال..
وعلم ويعمل به إن شاء الله..

وا شماتة البرشلوناب فيك

-
كفارة ياخ

1) راسل مايكروسوفت عبر العنوان
[email protected]
2) أطلب من أصدقائك أن يدخلوا عبر الهوتميل إلى أي رسالة سابقة مرسلة منك وأن يضغطوا على زر
MY Friend Had Been Hacked
الموجود ضمن السطر أعلى الرسالة وقبل عنوان الرسالة.
3) حاول استعادة البريد عبر رابط فقدان كلمة المرور
4) ربنا يعوضك ويعينك

شكرا على المعاضدة يا سليمان لكن بيني وبينك ولا سامحتني ولا حاجة والله .

يا أشرف والله عملية ########ة بشكل .. تصور دا حماني أدخل لإيميلي ..

تحياتي يا أيمنوف وللشباب والأحباب طرفك أجمعين

يا حيدر تخيل الوهم دا رسل لمجموعة من الشباب قال ليهم أنا مورط في تركيا وعايز فلوس .. ههههههه .

شكرا يا هاني يا حبيب لكن شكلي كدا ما ح أقدر على عمليتك دي لأني أجاهل بالتقنية دي .. أكتر حاجة أعملا
أكنسل الايميل القديم وأشتغل بالجديد بس .. فيها مشكلة لو ما عملتا خطواتك دي ؟؟؟؟؟

Quote: شكرا يا هاني يا حبيب لكن شكلي كدا ما ح أقدر على عمليتك دي لأني أجاهل بالتقنية دي .. أكتر حاجة أعملا أكنسل الايميل القديم وأشتغل بالجديد بس .. فيها مشكلة لو ما عملتا خطواتك دي ؟؟؟؟؟

تحياتي طلحة، وربنا يعوضك ويسترك.
الخطوات أعلاه - يمكن - أن تعينك في استعادة البريد المخترق.
ليست إلزامية، وانتَ من تقدر الحاجة لها سواء بأهمية البريد السابق أو البيانات التي فيه.
أجمل الأمنيات لك الآن ومستقبلاً.

أخ طلحة

اوول حاجة أنا داريك تعملا تقوم تشيل حسابك الجديد من البوست قبل ما يتسرق هو برضو ..... أو أكتبو هنا بصورة بصعب لبرامج مسح الايميلات قرايتو زي خت بدل (@) AT بدل (.)DOT

يلا الحصل ليك هو شي عام من مافيا الايميلات ممكن يحصل لاي زول فينا. عموما في حالة الايميل يتسرق في ايميل بندس بين الكونتاكت لست حقك مبرمج لارسال رسائل بصورة دورية من حسابك للكونتاكت.
عشان كدة لو عندك مدخل للايميل, أدخل وحول كل الكونتاكت لحساب جديد في google.... ناس google عندهم حماية أكتر من الأخرين.

وإستخدم لايميل القديم لارسال رسائل فقط. يعني الفيروس ألفي الحساب عايز الكونتاكت عشان يرسل ليهم و في حالة يكون مافي كونتاكت يكون مهمتة انتهت.

حظ سعيد
Khalidkeba

الحبيب خالد كيبا مشكور للاهتمام بالتداخل وقد عملت بنصيحتك وشلت الإيميل الجديد
من البوست لكنه موجود في البروفايل فهل المفروض برضو أشيلو من هناك ؟
من ناحية تانية طريقتك ما فهمتها لأنو أصلا أنا ما قادر أدخل على القديم سرقته .
تحياتي يا ملك .

يالك من زول قاعد ساى في هذه الدنيا

Quote: فرجاء لا تواخذونا

كنت تقول الكلام ده قبل ما ترسل لى رسايلك دى ..
لكن يا طلحة يا حبيب ألبى انا شاكى فى الزول القاعد جمبك دا ..

Quote: يالك من زول قاعد ساى في هذه الدنيا

رشّة من (لا) يملكـ .. لمن (لا) يستحق برضو!!

ود القاضي العارف أية حاجة في أية حاجة ..
غريبة كونك دخلت وما أفتيت لينا في التنكلوجيا دي .. تكون كورتك فكت وبقيت ما عارف أية ..الخ ..
هههههههههه
قلتا لي ماشي ؟؟
طيب ياخ ما تمش كان ماش..
هو مايكل* هيم سيلف مشى اتا المقعدك شنو ؟؟؟؟؟
أسافير هاملة هملة شديدة ياخ .













* مستنير جنوبي حكيم اعتبرو من أفضل وأميز الناس في العالم .

سيكا يا حبيب
أنا برضو شاكي في الزول القاعد جمبي دا ..
معليش للرسالة الجاتك لكن كان ترد علي الجزء الخاص بالألفين دورار على الأقل ياخ ( ان شاء الله ترسل لي نصهن )..

ود الصايم
صاحبك العارف أية حاجة في أية حاجة دا بتعملوا ليهو حفلة الودع متين ؟؟؟

هاااا زول! عمكـ العارف بالله دا ح يودعنا نحن بإذن الله!
قال منتظر المملكة يكون باقي فيها آخر ريـأل ..
يقسموا مع طويل العمر 50/50 بعدين يفكر يتخارج!!

سلام أخ طلحة

طلحة كتب:

Quote: من البوست لكنه موجود في البروفايل فهل المفروض برضو أشيلو من هناك ؟

لا في حالة الايميل داخل البرفيل مهمة بكري حمايتو من مافيا الايميلس

طلحة كتب:

Quote: من ناحية تانية طريقتك ما فهمتها لأنو أصلا أنا ما قادر أدخل على القديم سرقته .

معذرة لتصعيبي الخطوات. كنت قاصد إذا كانت عندك مقدرة الدخول للايميل كنت دايرك تعمل ليك ايميل في Google Gmail و من داخل Gmail ايميل في امكانية جلب الكونتاكت من ايميل تاني، ومنه تقوم تحول كل الكونتاكت "ايمليس أصدقائك وأصحابك" من حسابك الفيهو فيروس إلي حساب ال-Gmail. وبعدا ترجع لحسابك الفيهو فيرس وتقوم تمسح كل الايميلات "الكونتاكت " وكدة تكون منعت الفيروس من إرسال رسائل للكونتاكت "ايمليس أصدقائك وأصحابك". ومنها تستغل الايميل لارسال رسائل بدون ما تحفظ الايميلات فيهو. نتمني أكون استغليت صورة سهلة شوية للخطوات. إذا في صعوبة في استيعاب الخطوات أنا ممكن أعمل صور للخطوات وارفعهم.

في حالة الأيميل باسبورت يكون اتسرق ممكن ترجعو ذي ما حكي الأخ هاني أعلاه، في مرات بيطلبو منك رقم هاتف في أمريكا لارسال كلمة السر الجديدة، لكن بيرجع بيرجع.


كلمني إذا طلبو منك رقم هاتف في أمريكا أو لو عندك أصحاب في أمريكا شيل منهم رقم الهاتف وخليهم يرسلو ليك كلمة السرالجديدة المرسلة لتلفونهم عن طريق ايميل أو التلفون.
حظ سعيد
Khalidkeba

Quote: كان ترد علي الجزء الخاص بالألفين دورار على الأقل ياخ ( ان شاء الله ترسل لي نصهن )

عاد يا طلحة اخوى المثل قال( كان أخوك عسل اعمل منو سندوتش بالجبنة )...
ياخى انا ما فترت كل شهر ارسل ليك الفين دورار .؟؟؟ ياخى الزول القاعد جمبك ما طماع بالشكل ده
بل هو أظرط منك ...

Mwahib Al

Quote: اقلقنى غياب ابوحتوت من البوست اكثر من تهكير ايميلك

ههههههههههه
يكون قايل الرسالة الفيها طلب الفين دورار دي حقيقية فآثر الإختفاء ..
الزول جلدة وانا عارفو يا مواهب .

العزيز طلحه كفاره لتهكير الايميل

سؤال فنى هل هاتفك ينتهى بالرقم ده 50

يا خالد بيكا
ياخ لا أملك إلا أن أقول ليك أحبك شديد
إتا وين من زمان ياخ ..
خليني بس أتفرغ للشغلانية دي وأقوم عليها .

ربنا يديك العافية والصحة وكل أحبابك ..
التوقيع : صاحبك جدا جدا طلحة عبدالله

تحياتي ياطلحة
وربنا يعوضك خير...


_______
ملحوظة مهمة لكل من يمتلك او ح يمتلك إيميل
احفظ ديل :
secret answer1
secret answer2

واكتبهم في ورقة خارجية ..خلي الهكر تاني ياخد إيميلك
ميكروسوفت هارسلف ما ح تقدر تهكرو..

الجي ميل ..اربط حسابك برقم تلفونك.

الف سلامة الاستاذ طلحة

ونصيحة الاخ هاني مفيدة

أخ طلحة صباحك خير,


طلحة كتب:

Quote: يا خالد بيكا ياخ لا أملك إلا أن أقول ليك أحبك شديد إتا وين من زمان ياخ ..

تشكر للمشاعر والاحاسيس الراقية لك نفس الحب وغالبا أكتر.......

ربنا يسهل ليك وكل التوفيق...... إذا في أي حوجة لاي شي نحن تحت الخدمة يا عزيزي.

يا أخ طلحة إنت راجل عظيم ياخي "فاقد الشي لا يعطية" كونك تعطي الحب للاخرين هذا إن دل انما يدل علي عظمتك و لما تملكة من حب في دواخلك، تشكر أخي وربنا يسلم البطن الجابتك.

التوقيع : صاحبك خالص خالد عبدالله

سلامات أخوي طلحة وأنسى طالما لا يوجد ما يخوف مثل معلومات حساب - ارقام مرور الخ

حدث لي نفس الشي وإذا بمن سرق بيانات ايميلي يراسل كل اصدقائي وكل من وجد ايميلو في الكنتاكتس وقال ليهم إنو هو (أنا) في ماليزيا وانو عايز 2500 دولار أمريكا لأني اتسرقت وانو في مكان الشبكة فيهو ضعيفة الخ

Quote: 1) راسل مايكروسوفت عبر العنوان [email protected] 2) أطلب من أصدقائك أن يدخلوا عبر الهوتميل إلى أي رسالة سابقة مرسلة منك وأن يضغطوا على زر MY Friend Had Been Hacked الموجود ضمن السطر أعلى الرسالة وقبل عنوان الرسالة. 3) حاول استعادة البريد عبر رابط فقدان كلمة المرور 4) ربنا يعوضك ويعينك

الطريقة القال هاني دي رغم انها بتبدو معقدة بس حاول تعملا ما صعبة وفيها الحل لكل مخاوفك

ياود الصايم العارف أية حاجة دا بالله متي ما فكر يتخارج ما تقصروا معاهو .

خالد كيبا أشكرك مرة تانية وتالتة ودائما يا فاضل .

يا خالد سيكا كان كل شهر بترسل لي الفين دورار كتا بقيت مليورير وما جيتكم هنا ذاتو .

يا سامي عبد المطلب كفر الله ذونبك عن بكرة أبيها وتلفوني ببدأ ب 7 وبنتهى ب 7 وفي النص تمنيتين وستتين
دا غير مفتاح الامارات ..

يا بشير أحمد مشكور وما تشوف هكرا في إيميل لديك .

شكرا يا عاطف رميتي وربنا لا وراك ياخ .

يا مجاهد الهادي مشكور للنصيحة والتضامن يا حبيب .

ويا هاني إتا برضو ما قصرت معاي ياخ وأنا شاكر ومقدر جدا مجهودك يا عزيز القوم .

شوفته
عشان تتلامظ تانى
:)))
معليش
الجاتك فى ايميلك فديتك
لااااااااااااااااا تحزن

Quote: :)))

بدأت تظهر واحدة .. عملتى ليها شنو ؟

تحياتي يا رانية وشكرا على التضامن ياخ ..

عامل لينا ارضي بايميل لا راح ولا جا ..
ايميلك حايكون فيهو شنو يعني ؟!!


هههههههه غايتو جنس اهميات التقول ايميل محمد البشرى العظيم ..

ههههههههه
العارف أية حاجة
ما تشف
أوعك من الشففان وتحويل كلامي ليك لي .

طلحة كتب:

Quote: يا خالد سيكا كان كل شهر بترسل لي الفين دورار كتا بقيت مليورير وما جيتكم هنا ذاتو .

يا طلحة إنت قاصد الالفيين دولار ديل من الصادق سيكا ولا خالد كيبا :-)

قاصد خالد سيكا يا خالد كيبا

خسارة ..... كدة يا طلحة رجعتني من الطريق وأنا ماشى البنك أحول ليك ألفين شهر تلاتة :-)
تسلم

هياآآآآ خالد كيبا
أنا غلطت فوق .... كتا قاصد خالد كيبا وكتبتها خالد سيكا ..
غلطة مطبعية ياخ ..
أرجع أرجع محل كتا ماش ياخ .

دحين يا طلحة ما قلنا الحكم حكم قرقوش .... و أنت ما إستفزيتني يا أخوي... تاني مافي طريقة إلا تشوف خالد سيكا :-)

Quote: أنت ما إستفزيتني يا أخوي

عليك الله يا أبو الخلد أمسحا في وش الزول القاعد جمبي دا ..
بس أرجع محل ما كتا ماش ياخ .

Quote: الزول القاعد جمبي دا ..

اوع الزول دا يكون خالد سيكا صاحبي ...وتكون إستفزيتو هو كمان.

يا كيبا الله لا يقعدك جمب الزول القاعد جمبي دا .