Post: #1 Title: ياسر عرمان .. فى ورطة .. إن صحت هذه الرواية ! Author: بريمة محمد Date: 02-28-2013, 00:34 AM
Quote: الوطن - 25/2/2013 طالب مسئولون بارزون بالحركة الشعبية وحكومة جنوب السودان الرئيس سلفاكير ميارديت بفتح تحقيق بشأن اتهامات بالفساد ،فيما وجهت وجهت مفوضية مكافحة الفساد رسمياً خطاب بالاستدعاء بحق رئيس اركان الجيش الشعبى الاسبق اوياى اجاك وياسر عرمان نائب الامين العام للحركة الشعبية والقيادى بقطاع الشمال ، وااكدت مصادر جنوبية فى جوبا ان السلطات تحقق مع موظفين حكوميين يشأن اعمال تجارية يديرها عبدالماجد عرمان احد اشقاء ياسر تتضمن مشروعات لجلب تمويل لمشروع كهرباء جوبا ، ووفقاً للمصادر نفسها فأن مفوضية الفساد تتهم عرمان بتحويل بعض اموال المشروع لنفعته الخاصة واعمال تجارية مشتركة مع رئيس الاركان الاسبق الموقوف على ذمة التحقيقات ، وبحسب المصادر ذاتها فان ياسر عرمان يمتلك بالاشتراك مع الجنرال اجاك عدداً من محطات بيع الوقود بجوبا وبعض عواصم المقاطعات الجنوبية
ما يهمنى هنا ليس ورطة القائد ياسر عرمان وإن كان هى عنوان البوست .. لكن اهيمة الورطة انتهت فى العنوان ... فهو متعود يدخل فى ورطة ثم اخرى ثم يخرج منها مثل الشعرة من العجين .. لكن ما يهم هنا المشروع فى حد ذاته .. مشروع الكهرباء فى جوبا.
بريمة
Post: #2 Title: Re: ياسر عرمان .. فى ورطة .. إن صحت هذه الرواية ! Author: الصادق اسماعيل Date: 02-28-2013, 01:05 AM Parent: #1
Quote: يشأن اعمال تجارية يديرها عبدالماجد عرمان
الخبر مضروب من ساسو لي راسو
عبد الماجد عرمان طالب جامعي في فلوريدا يحمل الجنسية الامريكية ويعمل في اعمال (كاشوال) مثله مثل بقية المهاجرين السودانيين.
غايتو كان ورطات ياسر عرمان كلها زي الورطة الفوق دي ما بتجيهو عوجة تب
Post: #3 Title: Re: ياسر عرمان .. فى ورطة .. إن صحت هذه الرواية ! Author: Deng Date: 02-28-2013, 01:09 AM Parent: #2
العبار بريمة بلل.
طبعا أنت لطشت الخبر المضروب ده من بوست مجاور، وأتيت فتحت بوست أخر هنا لأن ذلك البوست فشل أصحابه تماما في مبتغاهم. أنتم تعتقدون بأن ترديد الأخبار المضروبة والملفقة قد تجد من يصدقها. ولكن نحن لكم بالمرصاد.
Post: #4 Title: Re: ياسر عرمان .. فى ورطة .. إن صحت هذه الرواية ! Author: GAAFER ALI Date: 02-28-2013, 01:27 AM Parent: #3
يا اللوخي بريمة حاي الخبر دا تم عرضه من يومين تلاته هنا في المنبر واتضح انو مضروب واهلو قنعو منو وحتل الي قاع المنبر وانتهينا .... انت تاني جاي ناكتو ريسايكلنج تقيل ركز لينا علي ريفي شرق كادوقلي وعريدة صحبك ول هارون منه..
Post: #5 Title: Re: ياسر عرمان .. فى ورطة .. إن صحت هذه الرواية ! Author: خضر الطيب Date: 02-28-2013, 01:39 AM Parent: #4
سلام بريمه
Quote: إن صحت هذه الرواية !
يكفي انها روايه
كت اوت :
ياخ خليك فى روايات الكاوبوي بجد ممتعه
Post: #6 Title: Re: ياسر عرمان .. فى ورطة .. إن صحت هذه الرواية ! Author: باسط المكي Date: 02-28-2013, 02:34 AM Parent: #5
Quote: الخبر مضروب من ساسو لي راسو
عبد الماجد عرمان طالب جامعي في فلوريدا يحمل الجنسية الامريكية ويعمل في اعمال (كاشوال) مثله مثل بقية المهاجرين السودانيين.
Post: #7 Title: Re: ياسر عرمان .. فى ورطة .. إن صحت هذه الرواية ! Author: Tragie Mustafa Date: 02-28-2013, 04:14 AM Parent: #6
خليك من عبد الماجد عرمان شغال (كاجوال) ولا شغال ملك....منو قال لك ده بيمنع انه تكون مسجله الاعمال دي باسمه؟!
هو اذا كان اخوان انور الحاج(ابراهيم الحاج) وغيره صاروا (خري مري) على الجنوب عاملين فيها مستثمرين!! ديل اصدقاء عرمان فقط....تقولي شنو وتقولي منو؟!
اذا توهمتم انه باسم المعارضه للنظام بنمشي القرف و الفساد فده بعدكم جميعا!!
السؤال مش عبد الماجد بيدرس طيران في منحه مخصصه يفترض لاهل الجنوب الفاتهم قطار التعليم السؤال بيدر طيران ليه؟! ههههههههه عشان ده حيرجنا لموضوع زمان عملوتنا فيه برضو كذابين انه السيد ياسر عرمان (الطائفي الجديد) يمتلك شركة طيران في الجنوب وعملتوا ممكن تبلعونا الستنا.......اها طلع من شدة ما ليه شركه هههههههه لما عايز ليها ناس بيفهموا في الطيران عشان ما يتغشه هههههههههه!
وانتو لسه اقعدوا كمبروا يا طمبارين!
Post: #8 Title: Re: ياسر عرمان .. فى ورطة .. إن صحت هذه الرواية ! Author: بريمة محمد Date: 02-28-2013, 04:20 AM Parent: #6
الاخ الصادق سلام .. انا قلت الخبر انتهى بانتهاء عنوانه .. يعنى ما مركز على الورطة كتير .. وقللت من شأنها ..
Quote: عبد الماجد عرمان طالب جامعي في فلوريدا يحمل الجنسية الامريكية ويعمل في اعمال (كاشوال) مثله مثل بقية المهاجرين السودانيين.
معروف لدينا فى الولايات المتحدة الاخ والانسان المهذب جداً عبد الفتاح سعيد عرمان .. رجل صحفى وكان مراس لصحيفة اجراس الحرية فى واشنطن.
ركز شوية يا حبيب .. خلينى نجيب ليك النجيضة بتاعت مشروع الكهرباء.
بريمة
Post: #9 Title: Re: ياسر عرمان .. فى ورطة .. إن صحت هذه الرواية ! Author: بريمة محمد Date: 02-28-2013, 04:46 AM Parent: #8
هذا الفيديو أحضره كوستاوى قبل ثلاثة ايام للمنبر .. وأختفى الفيديو .. وجدته فى اليوتيوب، فى هذا الفيديو حينما انزله كوستاوى، كتبت تعليق عن كهرياء جوبا ولم اعرف من الذى كان يديرها .. وكان تعليقى هو:
ان الفساد أستشرى فى جوبا .. هل يعقل ان مدينة جوبا التى ترقد على اكبر محزون مائى فى وجه البسيطة يتم أستخدام كهرباء عن طريق الطاقة الشمسية .. وقد تكلف الخلية الواحدة فقط سعر 25 ألف دولار دون الصيانة والتركيب .. فى حين استخراج كيلواواط من الكهرباء المائية لا يكلف نصف الدولار تقريباً .. (سوف أتأكد من سعر الواط المائى).
بريمة
Post: #10 Title: Re: ياسر عرمان .. فى ورطة .. إن صحت هذه الرواية ! Author: بريمة محمد Date: 02-28-2013, 04:53 AM Parent: #9
أنظروا خلايا الطاقة الشمسية .. بكثافة غير معهودة وهى تنم اسراف فى الصرف على الأنارة
شعب الجنوب فى الفقر وتنهب ثرواته ..
بريمة
Post: #11 Title: Re: ياسر عرمان .. فى ورطة .. إن صحت هذه الرواية ! Author: بريمة محمد Date: 02-28-2013, 04:56 AM Parent: #10
العبار دينق
Quote: العبار بريمة بلل.
طبعا أنت لطشت الخبر المضروب ده من بوست مجاور، وأتيت فتحت بوست أخر هنا لأن ذلك البوست فشل أصحابه تماما في مبتغاهم. أنتم تعتقدون بأن ترديد الأخبار المضروبة والملفقة قد تجد من يصدقها. ولكن نحن لكم بالمرصاد.
أنت يا "فسيّة" الديك .. مع الهواء فى اى أتجاه ماشى .. لا يمكن أن تدافع عن الفساد يا العبار دينق .. خليك زول منصف.
بريمة
Post: #12 Title: Re: ياسر عرمان .. فى ورطة .. إن صحت هذه الرواية ! Author: بريمة محمد Date: 02-28-2013, 04:59 AM Parent: #11
خضر
Quote: ياخ خليك فى روايات الكاوبوي بجد ممتعه
رواية الكابوى 2 .. موجوده وبدأنا كتابتها .. لكن احياناً بنعمل "تايم اوت" حينما نشتم رائحة تذكم الانوف مثل هذه ..
بريمة
Post: #13 Title: Re: ياسر عرمان .. فى ورطة .. إن صحت هذه الرواية ! Author: بريمة محمد Date: 02-28-2013, 05:03 AM Parent: #12
هع هع .. البسوس بتعجب فى مواقف ذى دى .. عليك الله يا تراجى علقيهم واسلخيهم سلخ .. وخلى لى انا الشوينان .. نشويهم ليك فى نار أم لهب لما الدخان يقيف مثل دخان شية حبوبة ابوباما فى كينينا لما فاز اول مرة.
بريمة
Post: #14 Title: Re: ياسر عرمان .. فى ورطة .. إن صحت هذه الرواية ! Author: عثمان رضوان Date: 02-28-2013, 12:27 PM Parent: #13
Quote: اذا توهمتم انه باسم المعارضه للنظام بنمشي القرف و الفساد فده بعدكم جميعا!!
It should be stressed and emphasized
Post: #15 Title: Re: ياسر عرمان .. فى ورطة .. إن صحت هذه الرواية ! Author: حيدر حسن ميرغني Date: 02-28-2013, 12:46 PM Parent: #14
ياسر عرمان سياسي فاسد
Post: #16 Title: Re: ياسر عرمان .. فى ورطة .. إن صحت هذه الرواية ! Author: nabielo Date: 02-28-2013, 02:00 PM Parent: #14
Quote: وقد تكلف الخلية الواحدة فقط سعر 25 ألف دولار دون الصيانة والتركيب .. فى حين استخراج كيلواواط من الكهرباء المائية لا يكلف نصف الدولار تقريباً
25 الف دولار الخلية الواااحدة ! ما تكتب و انت طاشم يا زول
تكلفة الخلية الواحدة مع بطاريتها لانارة ( لمبتين) كما في الفيديو لا يزيد عن 25 دولار بسعر الجملة
Post: #17 Title: Re: ياسر عرمان .. فى ورطة .. إن صحت هذه الرواية ! Author: Deng Date: 02-28-2013, 02:57 PM Parent: #16
Quote: أنت يا "فسيّة" الديك .. مع الهواء فى اى أتجاه ماشى .. لا يمكن أن تدافع عن الفساد يا العبار دينق .. خليك زول منصف.
بريمة
العبار بريمة بلل.
واحد قنيط زيك حايم في البورد وهمه الأول هو التقليل من ثورة الهامش في السودان. وأنت شخصيا أهلك مهمشين ولكنك حاشر نفسك حشر وسط العروبويين والأسلامووين. علشان قلة أدبك دي أنا ح أنقل لك جميع بوستاتك العنصرية التي تحط فيها من قدر أهلك السود، اللي ناكرهم ديل.
Post: #18 Title: Re: ياسر عرمان .. فى ورطة .. إن صحت هذه الرواية ! Author: الشفيع وراق عبد الرحمن Date: 02-28-2013, 03:07 PM Parent: #16
Quote: تكلفة الخلية الواحدة مع بطاريتها لانارة ( لمبتين) كما في الفيديو لا يزيد عن 25 دولار بسعر الجملة
معلومة غير صحيحة على الاطلاق يا nabielo للاسف ما تزال الطاقة الشمسية مكلفة جدا والمصيبة الاكبر في البطاريات وصلاحيتها ودي افادة ملم بالامور
تحياتي ول ابا بريمة
Post: #19 Title: Re: ياسر عرمان .. فى ورطة .. إن صحت هذه الرواية ! Author: احمد حمودى Date: 02-28-2013, 03:18 PM Parent: #18
Quote: معلومة غير صحيحة على الاطلاق يا nabielo للاسف ما تزال الطاقة الشمسية مكلفة جدا والمصيبة الاكبر في البطاريات وصلاحيتها
Post: #21 Title: Re: ياسر عرمان .. فى ورطة .. إن صحت هذه الرواية ! Author: Zakaria Joseph Date: 02-28-2013, 05:33 PM Parent: #20
Quote: العبار بريمة بلل.
واحد قنيط زيك حايم في البورد وهمه الأول هو التقليل من ثورة الهامش في السودان. وأنت شخصيا أهلك مهمشين ولكنك حاشر نفسك حشر وسط العروبويين والأسلامووين. علشان قلة أدبك دي أنا ح أنقل لك جميع بوستاتك العنصرية التي تحط فيها من قدر أهلك السود، اللي ناكرهم ديل.
تعرف يا دينق, الزول دى مشكلتو هى انو عندو حقد على الكل بما فيه نفسه و قد اتضح لى من خلال محاولاته لتخريب خيطى عن الجمال الطبيعى فى جنوب السودان بان هذا الرجل لا يستطيع ان يتحكم فى حقده و مستعد يسئ لنفسه اكثر من ما يسئ لغيره. يصيبه الاسهال و الضراط اللا غير متحكم كلما راى شئ جميل عن الجنوب هذه الايام. هذا البديو نشره كوستاوى فى مكان اخر و قام بانزال مداخلة محتواها يتماشى مع نفسياته المحرفة. بالمناسبة, شوارع جوبا تم تنويرها من قبل مجموعة من رجال الاعمال الاميركان هدية لحكومة الجنوب قبل اعلان الاستقلال. اما بشان الخبر, فلاحظ انهم يتحدثون عن رئيس الاركان السابق و اى رئيس الاركان السابق هذا??? لو ملاحظ انهم يتحدثون, و بدون خجل, عن ان كيير استقال ولاة الولايات الحدود مع الشمال و يكررون هذا الكلام الملفق فى تحليلاتهم الصحفية دون الخجل. انا اتصلت الكترونيا باحد الملقبين بالصحفى و المحلل السياسى و الذى يظهر بانتظام ببرنامج خطوط عريضة و سالته عن الهدف من تكرار خبر اقالة الولاة الولايات الحدودية مع الشمال و دى خبر غير صحيح و من المخاطب بهذا الخبر, فرد على و قال: " I really don't know" رئيس هيئة الاكان الجيش الشعبى جيمس هوث ماى موجود فى هذا المصب منذا سنة 2008 و قبله كان القائد اوياى دينق, وزير الاستثمار الحالى و هولاء اخر من يخونوا شعبنا. اظن ان هذه الاخبار مصدرها غالبا ما تكون ديدان النظام فى مجتمعات اللجؤ فى المهاجر و لا يمكن فصلها من ما يتعرض له ياسر عرمان هذه الايام.
Post: #22 Title: Re: ياسر عرمان .. فى ورطة .. إن صحت هذه الرواية ! Author: Tragie Mustafa Date: 02-28-2013, 06:05 PM Parent: #21
الاخ زكريا جوزيف
سلامات
كل زول مسؤل من مواقفه ومداخلاته وكل زول فينا له ارشيف طويل عريض بيدل على انه واقف وين سياسيا
ممكن تحدد شنو في نظرك البتعرض ليه ياسر عرمان هذه الايام؟!
Quote: لا يمكن فصلها من ما يتعرض له ياسر عرمان هذه الايام.
!!
عرمان بيدوس على النوبه و الدرافورين وناس النيل الازرق المعاهو داخل الحركه الشعبيه..... وطفش حتى الشمالين الشرفاء الكانوا حركه شعبيه
وهل لو تحدثنا عن كل هذه الخرمجه نبقى ضمن من وصفتموهم بانه ما يتعرض له عرمان هذه الايام؟!
Post: #23 Title: Re: ياسر عرمان .. فى ورطة .. إن صحت هذه الرواية ! Author: إحسان عبد العزيز Date: 02-28-2013, 06:27 PM Parent: #22
Post: #24 Title: Re: ياسر عرمان .. فى ورطة .. إن صحت هذه الرواية ! Author: Zakaria Joseph Date: 02-28-2013, 06:29 PM Parent: #22
Quote: ممكن تحدد شنو في نظرك البتعرض ليه ياسر عرمان هذه الايام؟
! اختنا تراجى كيفك? اعتفد اننى وضحت لكى مشكلة ياسر عرمان فى هذا البورد عندما تم ترشيحه للرئاسة الجمهورية من قبل الحركة الشعبية لتحرير السودان و لم تكن من الذين ناصروا القرار, بل تبنيتى نفس الخطاب الذى تبنيه اليوم ضد عرمان و دى مؤسف جدا يا تراجى. انا قلت حينه ان مشكلة ياسر عرمان تكمن فى كونه شمالى "جلابى من وسط السودان," فاصبح من السهل إتهامه من اهله بالعمالة و الخيانة و نفس شئ ينطبق على المشككين من كل شئ جلابى "لا اقصدك بالتحديد" فهو غير مرحب به فى قيادة الهامش لانه ليس منهم و الخرطوم هى الجهة التى تستفيد من هذا الصراع الغريب. المشكلة مع من يا تراجى??? اهى مع عرمان ام مع النظام الكافورى? و لو ذهب عرمان اليوم الى اهله و ترك الهامش لوحده هل سيكون ذلك كاف ?
Post: #25 Title: Re: ياسر عرمان .. فى ورطة .. إن صحت هذه الرواية ! Author: Artiga Gilani Date: 02-28-2013, 06:52 PM Parent: #24
بسم الله الرحمن الرحيم
Quote: واحد قنيط زيك حايم في البورد وهمه الأول هو التقليل من ثورة الهامش في السودان. وأنت شخصيا أهلك مهمشين ولكنك حاشر نفسك حشر وسط العروبويين والأسلامووين. علشان قلة أدبك دي أنا ح أنقل لك جميع بوستاتك العنصرية التي تحط فيها من قدر أهلك السود، اللي ناكرهم ديل.
Quote: يصيبه الاسهال و الضراط اللا غير متحكم كلما راى شئ جميل عن الجنوب هذه الايام.
ده نوع جديد من الكتابة .. نورونا عن اسمو يا جماعة
دينق واحد من اتنين يا اما ياسر عرمان دا زى ما قلت انا قبل كده قيادى فى حركة تتبع لدولة الجنوب تنظيماً وتمويلاً وفى الحالة دى مافى مشكلة تجو ناطين فى اى بوست يتحدث عنه لانو من قيادات حركتكم .
يا اما تم فك الارتباط وفى الحالة دى انت ما عندك ساالفة
Post: #27 Title: Re: ياسر عرمان .. فى ورطة .. إن صحت هذه الرواية ! Author: الشفيع وراق عبد الرحمن Date: 02-28-2013, 06:59 PM Parent: #25
Quote: دينق واحد من اتنين يا اما ياسر عرمان دا زى ما قلت انا قبل كده قيادى فى حركة تتبع لدولة الجنوب تنظيماً وتمويلاً وفى الحالة دى مافى مشكلة تجو ناطين فى اى بوست يتحدث عنه لانو من قيادات حركتكم .
يا اما تم فك الارتباط وفى الحالة دى انت ما عندك ساالفة
ده الكلام النجيض يا ارتيقه بالله Cc زكريا معاك
Post: #28 Title: Re: ياسر عرمان .. فى ورطة .. إن صحت هذه الرواية ! Author: Artiga Gilani Date: 02-28-2013, 07:11 PM Parent: #27
بسم الله الرحمن الرحيم الاخ / الشفيع مشكلتنا مع عرمان هى انه بيحارب السودان بقوات دولة اخرى .. وينتظمى لتنظيم دولة اخرى .. وبتمولو دولة اخرى .. اتفقنا مع النظام ام اختلفنا معه فوضع ياسر عرمان وضع شاذ وغير قابل للتعاطف .. ثم انه يتاجر بقضايا الهامش ويتحدث باسم المهمشين وكأنه نال تفويضاً منهم بذلك .. انا من الهامش ولم افوض عرمان للحديث باسمى وحالى حال معظم اهلى البجا ..
اما الاتنين ديل فهما يزيدوننا تأكيداً كل يوم فوق تأكدنا بأن ياسر عرمان ده زولهم ..
سلمت يداك
Post: #26 Title: Re: ياسر عرمان .. فى ورطة .. إن صحت هذه الرواية ! Author: الصادق اسماعيل Date: 02-28-2013, 06:55 PM Parent: #24
الاخت تراجي كيف حالك
ما في زول مسكك من ياسر عرمان، غن شاء الله تمسحي بيهو الواطةن وأنا كلامي واضح قلت ياسر دا إنسان وما معصوم من الخطأ وممكن يكون نزيه وممكن يكون حرامي.
لكن لمن تجي ترددي نفس الكلام البيقولوهو ناس الأمن من غير دليل ودايرنا نتابعك، بنقول ليك لا، لانن ما عملاء بتاعين جهاز الأمن.
هسه عندك دليل على إنو ياسر فاسد مالياً وحرامي جيبهوا لينا عشان كلنا نقود حملة ضدو؟
ما عندك دليل امسكي لسانك عليك وما تتهمي الناس بالباطل وترددي في كلام الأمن؟
هسه يا تراجي دايرانا نصدق كلام من غير دليل ونأمن عليهو؟
طيب امسكي عندك الكلام البيقولوهو عنك:
تراجي مصطفي عميلة اسرائلية وبتقبض قروش؟
تراجي اشترت من قروش ناس دارفور شقة في القاهرة؟
تراجي اشترت بيت في كندل بقروش "سيف دارفور"؟
الخلانا ما نصدق الكلام دا إنو ما عندو دليل، لكن مش لأنو تراجي ملاك ولا ياسر ملاك والا الصادق اسماعيل ملاك؟
عندك دليل جيبهو؟
ما عندك دليل، واصلي انتقاد ياسر فيما هو سياسي ودي وجهة نظرك لها كل الاحترام
Post: #29 Title: Re: ياسر عرمان .. فى ورطة .. إن صحت هذه الرواية ! Author: Zakaria Joseph Date: 02-28-2013, 07:11 PM Parent: #26
Quote: يا اما ياسر عرمان دا زى ما قلت انا قبل كده قيادى فى حركة تتبع لدولة الجنوب تنظيماً وتمويلاً وفى الحالة دى مافى مشكلة تجو ناطين فى اى بوست يتحدث عنه لانو من قيادات حركتكم .
اظنك بتقصد دينق و شخصى. انا تداخلت لان صاحب البوست قلبو فيه حرقص و براهو بيرقص كلما شاف حاجة جميلة عن الجنوب و المسالة ما عندها علاقة بقطاع الشمال و علاقتو بالجنوب. صاحب البوست عايز بقول انو الجنوبين اغبياء لانهم انفقوا مبالغ ضخمة فى تنوير شوارع جوبا بالخلايا الشمسية. هذا ما يريد قوله و هذا يتماشى ما حالتو النفسية فى كتاباته العنصرية و ما تفضل به دينق شاهد على محنة هذا الرجل "See the links"
Post: #31 Title: Re: ياسر عرمان .. فى ورطة .. إن صحت هذه الرواية ! Author: Artiga Gilani Date: 02-28-2013, 07:27 PM Parent: #29
بسم الله الرحمن الرحيم زكريا ما عندك مشكلة ونبقى على دينق براهو
Post: #30 Title: Re: ياسر عرمان .. فى ورطة .. إن صحت هذه الرواية ! Author: Tragie Mustafa Date: 02-28-2013, 07:14 PM Parent: #24
الاخ زكريا
نعم ما ذكرته حقيقه باني لم اناصر ترشيحه لاني اعتقد وقتها قد بذلنا مجهودا مقدر واعني كل المهتمين بشان الوحده (حوار على مستوي القيادات) مش الناس العادين فقط واقنعوا بانه: نعمل معا لنصرة مرشح مسيحي جنوبي لنمر وننجح في اختبار المواطنه الحقيقي!
فوجئنا باختيار الحركه الشعبيه لهذا الياسر وكأنه هنالك من ضللهم بان اهل السودان لن يقبلوا الا بمرشح (مسلم)(عربي)!!
وكانت هذه بداية الهزيمه لكل احلام السودان الجديد.
ثانيا: نجيء لتعبير (جلابي) نعم ياسر عرمان جلابي كامل الدسم! ويتخيل لي جلابي دي شرحنها هنا كثيرا.....بل وصوفنا (لام كول نفسه) من قبل بانه جلابي وقيادات دارفوريه كثيره ......
يتخيل لي شرحناها يا زكريا بانه كل المؤمنين بالسودان القديم هم جلابه!
اها تعالي وقول لي :
كيف ياسر عمران (جلابي)؟!
حاقول لك (جلابي) لانه لسه في اوهام السودان القديم
ياسر عرمان البيحي حزب البعث من المقابر لمينحهم 4 مقاعد في الفجر الجديد هو جلابي!!
بالله يا زكريا بربك انت في المولقع البيضم كل الوان الطيف السياسي السوداني ده لو قالوا لك كم يمثل البعثين من اهل السودان تقول كم؟!
حتلقاهم ولا 0001, and#1642; من شعبنا السوداني! فمن يمجد هذه الفئه ويجيب يوسف الكوده الضلالي ليعيد انتاجهم اليس هو (جلابي) كامل الدسم؟!
تفتكر البيغله شنو يتوحد وينسق مع الاحزاب الحديثه...هل تصدق انت انهم لا زالوا نكرات في الشارع السوداني؟!
تقدر تقول لي بيملع في حاجات زي (قرفنا) و(طرشنا) واتنيلنا ليه بينما يترك حزب قايم بسنونه مثل الحز الليبرالي؟!
عارف ليه لانه بيعرف عادل عبد العاطي جيدا وهو زميله سابقا واتهموا في مقتل الطالب(الاقرع) معا! يعرفه ويعفر قدراته واخلاصه لشعبه ويعرف مدي نجاحات الحزب الوي ينسق مع ناس زي ديل ولا مجموعه لحم راس فيها شعبي وشيوعين وغيرهم باسم قرفنا وكلهم يعلم الفاعلين منهم بعدد الاصابع يعني ما حيخمنا في عددهم بانهم اكثر من جماهير الحزب الليبرالي مثلا؟!
وهذا مجرد مثلا هنالك احزاب كثيره حديثه مؤثره وفاعله ويتجاهلها عرمان ويفضل ان ينسق مع القوي الرجعيه وينفخ فيها الروح!!
ضربنا مثلا آخر انه عرمان فاشل في ادارة التنوع وقلنا لو بيعرف انه يفسح مجالات حقيقه للثقافات السودانيه و الاعراق لراينا هذا في اسما بناته!!
مفعروف لدينا جميعا انه متوج اخت فرانسيس دينق فاين اسماء بناته من تمثيل هذا التصاهر و التنوع؟!
الا يعرف انه اسم مثل باراك حسين اوباما اكثر فعاليه من باراك اوباما؟!
لماذا بخل على ثقافة الدينكا العريقه ان تطل من خلال اسماء بناته؟! لماذا هن (وفاء) و(سناء) عرمان وليس ا( بنج عرمان )ولا( اشول عرمان) مقارنه ب (عبد الله دينق) !!
للاسم دلالته وطالما جعل ثقافته (العربيه)هي المفروضه على زوجته وصغيراته وصارت اسماء بناته عربيه فلماذا نولي امثاله ليديروا لنا تنوعنا بنجاح؟!
الموضع على فكره ليس فلان شمالي ولا فلاني غرابوي ولا فلان نوباوي
المشكله هي الفساد و قهر الزملاء داخل المؤسسات الديمقراطيه وهذه هي امراض عرمان!!
Post: #32 Title: Re: ياسر عرمان .. فى ورطة .. إن صحت هذه الرواية ! Author: nabielo Date: 02-28-2013, 07:28 PM Parent: #30
Quote: معلومة غير صحيحة على الاطلاق يا nabielo للاسف ما تزال الطاقة الشمسية مكلفة جدا والمصيبة الاكبر في البطاريات وصلاحيتها ودي افادة ملم بالامور
Post: #33 Title: Re: ياسر عرمان .. فى ورطة .. إن صحت هذه الرواية ! Author: الصادق اسماعيل Date: 02-28-2013, 08:14 PM Parent: #32
الاخت تراجي
نقاطك التى اثرتيها هي وجهة نظر ويمكن النقاش حولها ولكن لم افهم هذه النقطة
Quote: وطالما جعل ثقافته (العربيه)هي المفروضه على زوجته وصغيراته وصارت اسماء بناته عربيه فلماذا نولي امثاله ليديروا لنا تنوعنا بنجاح؟!
بنفس المنطق
لماذا اسم ابنك "حازم" ولماذا اخترت هذا الاسم العربي دون الاسماء السودانية مثل "ابكر، الطريفي، دلدوم وغيرها.
والسؤال الفوق دا كمثال فقط؟
عشان كده ركزي في المهم
إذا تمّ رفض قبول الحزب الليبرالي في وثيقة الفجر الجديد كما ذكرتي، فهذا موضوع جدير بالنقاش ويحتاج لتوضيح الاسباب والمسؤولية.
لكن ان ننحدر لترديد اكاذيب دون ان نملك ادلة فلماذا نحارب الكيزان من اساسو
Post: #34 Title: Re: ياسر عرمان .. فى ورطة .. إن صحت هذه الرواية ! Author: الشفيع وراق عبد الرحمن Date: 03-01-2013, 06:22 AM Parent: #33
Quote: لا يا الشفيع
صدقني يا نابيلو لا يوجد انخفاض ملموس بالرغم من ان التقتية ليها اكتر من 70 سنة، لكن لم تشهد اي تطور تكنلوجي يزيد كفاءتها ويقلل تكلفتها مقارنة بباقي المنتجات البحصل هو تلاعب بالالفاظ وما تصدق حكاية 20 وات دي، لامن تجي للواقع ح تلقاها لا تزيد عن 2 وات كدي امشي لي اي محل واديهو مواصفات اللمبات او التطبيقات وخليهو يصمم ليك نظام كامل وشوف التكلفة ح تطلع كم وزي ما قلت ليك سابقا، ده كوم والبطاريات وعمر دورتها وملاءمتها للجو ثم منظم الشحن والتوصلات
تحياتي
Post: #35 Title: Re: ياسر عرمان .. فى ورطة .. إن صحت هذه الرواية ! Author: الشفيع وراق عبد الرحمن Date: 03-01-2013, 06:31 AM Parent: #33
الصادق ود اسماعيل سلام وجمعتك مباركة كنا نظنك من العاقلين ياخي عرمان هو طائر الشؤم اينما يحل، يحل الخراب والدمار وصفه احدهم هنا بانه يتألم من وجع لا يحسه اتلصق في الحركة الشعبية ردحا من الزمن ولامن قضوا قرضهم منه كرشوهو ولم يجد له موضع قدم هسه بيكرر في نفس المنوال
ممكن "ما دام بدافع عنه" تورينا هو شغال شنو بالضبط؟ وظيفته شنو؟ بجيب دخل من وين؟ كيف قدر يعلم اولاده في اكبر الجامعات الغربية وبتكاليف لا تقل عن 60 الف دولار سنوياً؟
عرمان فاسد ساسياً ومالياً واخلاقياً والاخيرة دي اسألوا منها بنات الحركة الشعبية
Post: #36 Title: Re: ياسر عرمان .. فى ورطة .. إن صحت هذه الرواية ! Author: Deng Date: 03-01-2013, 07:11 AM Parent: #35
Quote: كيف قدر يعلم اولاده في اكبر الجامعات الغربية وبتكاليف لا تقل عن 60 الف دولار سنوياً؟
أها شوفو زي الأدعائات الفارغة دي.
ياسر عرمان أطفاله أعمارهم صغيرة وهم ليس في سن الجامعات بعد.
فلماذا الأصرار في كتابة مثل هذه الأدعائات الفارغة؟
Post: #37 Title: Re: ياسر عرمان .. فى ورطة .. إن صحت هذه الرواية ! Author: الشفيع وراق عبد الرحمن Date: 03-01-2013, 08:28 AM Parent: #36
Quote: ياسر عرمان أطفاله أعمارهم صغيرة وهم ليس في سن الجامعات بعد.
دينق جيب لينا اعمارهم ومراحل واماكن دراستهم الصورة دي ليها كم سنة؟؟
Post: #38 Title: Re: ياسر عرمان .. فى ورطة .. إن صحت هذه الرواية ! Author: Deng Date: 03-01-2013, 02:39 PM Parent: #37
أنت الذي أدعيت وعليك أن تأتي بأدلتك أو تصمت. بلاش أستهبال كيزاني.
Post: #39 Title: Re: ياسر عرمان .. فى ورطة .. إن صحت هذه الرواية ! Author: الشفيع وراق عبد الرحمن Date: 03-01-2013, 03:35 PM Parent: #38
Quote: أنت الذي أدعيت وعليك أن تأتي بأدلتك أو تصمت.
ولسه يا دينق انا عند ادعائي وما ح اصمت البصارة شنو؟؟؟
راجل عاطل لا يعمل ليس له اي مصدر دخل كيف يستطيع يدرس اولاده في بريطانيا بمبلغ لا يقل عن 60 الف دولار سنوياً
جاوب او قول باص وخلي غيرك يحاول
Post: #40 Title: Re: ياسر عرمان .. فى ورطة .. إن صحت هذه الرواية ! Author: Deng Date: 03-01-2013, 04:09 PM Parent: #39
أثبت لنا أدعائك هذا وهات أدلتك أو أصمت يا كوز.
Post: #41 Title: Re: ياسر عرمان .. فى ورطة .. إن صحت هذه الرواية ! Author: Artiga Gilani Date: 03-01-2013, 04:35 PM Parent: #40
بسم الله الرحمن الرحيم الاخ / الشفيع دينق دا ما عندو اكتر من تلاتة كلمات فى مداخلاتو وما بقدر يزيد فيهم .. ولا ممكن يناقشك ويقنعك او يحاورك .. وهى يا كوز او يا امنجى او يا جبهجى فما تتعب روحك ساى
دمت بخير
Post: #42 Title: Re: ياسر عرمان .. فى ورطة .. إن صحت هذه الرواية ! Author: Kabar Date: 03-01-2013, 05:13 PM Parent: #41
ما بتجيهو عوجة تب
