بعجبوني ناس بور تسودان برقصوا وما بغطوا دقونهم

والله يا فايز ود القاضي أنا مبسوط من ناس بور تسودان وحاليا ًاشاهد على فضائية البحر الأحمر مهرجان البحر الأحمر السياحي ويعطر الحف الفنان عاصم البنا وقبله كان جمال فرفور .
ويبدو أن الجميع منطرب لدرجة كبيرة حيث ترى الجميع يرقص طرباً لدرجة أن الوالي نفسه باخد ليه جفله بعض الأحيان وهو قاعد في كرسيه.
ما شاء الله صدق أهلنا حين قالوا البرقص ما بغطي دقنه. إنشاء الله ترقد في الفضاية يا ود القاضي!!

ويا ريت كل ولايات السودان تستطيع تستفيد من خصوصياتها وتستغلها لصالح حاجاتها !!


بحيراوي

تحية أستاذ البحيراوي .

هو إيللا أول أيام كان بجبجب عدييييل ..لكن الظاهر هرشو ..:)

يا حليل أيام النادي العالمي ، وحفلات النادي العالمي ...الهسه إستعمروا الكيزان لما خلينا ليهم .

نادي الروتاري بقي إتحاد نساء الكيزان .

ونادي التنس / إتحاد طلاب الكيزان .

يا حليل بورتسودان عروس البحر البناتها بقوا لابسين خيم سودا .