على هذا السوداني مغادرة السعودية فورا (فيديو)

http://youtu.be/mL8IpdILlOQ
انتشر هذا الفيديو على الكثير من المنتديات السعودية و هناك من يطالب السلطات بالتعرف على هذا الشخص و القبض عليه و معاقبته
كما حدث اكثر من مرة في قضايا تم تصوير احداثها و انزالها على اليوتيوب.
قد يكون هذا الشخص قد تعرض لاستفزاز شديد لكن معالجته للموضوع كانت خاطئة تماما خصوصا أن خصومه مجرد اطفال.
اتخارج يا زول لحدي الأمور ما تهدأ و تتأكد من أن احدا لم يتعرف عليك ثم عد.

دقاهم دق العيش ياخ عاين هو برغم لمن!! ياخ الناس ديل مادايرين حديد أبدا-الحديد بعيق ياخ لا حوله ولا قوة لا بالله

العرب حقارين, كان لمو فيك,منفرد, رسول الله ما بفكك منهم.
الافضل مواجهتهم بالدرش.
الموقف الفى الصورة دا اسمو, stand your ground

عفيت منو،
شافع قليل أدب جاي بي حزام؟
ربنا يغطي عليهو ويتخارج من البلد ديك سالم

زولنا فقد اعصابو .. المفروض اي واحد تحصل ليهو
حاجة زي دي يحاول يضبط نفسو ويطول بالو والشيطان
بكون في قمة نشاطو ، العرب - السعودييين بالذات - معروفين
كل واحد مجهز ليهو حديدة في عربيتو والاخطر اذا لمو في الواحد
كمجموعة .
غايتو نصيحة سيف ما ترميها واطة يا زول .. اتخارج

الشرطة فى السعودية متشدده شديد فى موضوع الضرب ما بقبلوه نهائي سواء كان من سعودى ولا اجنبي
عشان كده الواحد يعمل حسابو

وقله ادب شفعهم معروفه وبتهيج الزول وبتنرفز
لكن ما دام فى بلدهم فالواحد يبعد قدر الامكان عن الاحتكاك بيهم

وان بقت دفاع عن النفس .. فخلاص سجن سجن غرامه غرامه .. ما فى حل تانى

سلام يا دفعة و عبرك للمتداخلين ..

أظرف يا حاجة يا دكتور سيف ( عضة ) زولنا لأصبعو بعد المحطو التانية تقريبا ..
و كأني به يقول .. أحيييييييييييييييي أنا الما كتلتكم ..
ـ
و مع ذلك يا سبف و رغم أن الموقف إستفزازي فبرضو الواحد لازم يخت أعصابو في فريزر ..
المحاكم هنا لا تعرف الإستقزاز الشديد كسبب مخفف للعقوبة في أي جريمة ..
وياما في السجون و القبور من ناس فقدت أعصابها في لحظة غضب ..

دكتور سيف سلام عليك علي ضيوفك

تسلم البطن الجابتو ،عفيت منو .
العرب عموما مستفزين مابينفع معاهم الا أسلوب كلمة كلمتين
وتمعط طوالي من طرف ، أنا غايتو برد لي بطني .

Quote: تكريم أفراد من مرور الرياض بعد القبض على المفحط بسيارة العمال المدينة - جدة الإثنين 04/02/2013 تكريم أفراد من مرور الرياض بعد القبض على المفحط بسيارة العمال بتوجيهات من صاحب السمو الملكي الأمير محمد بن نايف وزير الداخلية كرمت الإدارة العامة للمرور أفراداً من مرور الرياض ضبطوا شابا اعتدى على مركبات عدد من العمال وقام بالتفحيط بها والكتابه عليها بعد ملاحقة دامت 4 أيام من لحظة انتشار المقطع . ورغم أن المعلومات عن الجاني كانت غير متوفرة ، وقليلة إلا أن رجال الأمن تمكنوا من الإيقاع بالجاني البالغ من العمر 25 عاماً في فترة وجيزة ، حيث تم القبض عليه بعد عرض مقطع اليوتيوب على لجان متخصصه والتي قامت بتحديد ملامحة الشخصية ونشر الدوريات السرية في أماكن تواجد المفحطين والقبض عليه . وكانت المدينة قد نشرت خبر القبض على الجاني يوم الخميس الماضي ولاقى الخبر أصداء كبيرة ، خاصة مع نشر مقطع الفيديو لمحاولة الجاني الاعتداء على سيارات العمال والتفحيط بها .

ممكن تكون حالة مشابهه للخبر اعلاه او تحرش نتيجة احتكاك في الشارع رغم ان الامن السعودي اصبح حاسم جدا في الامور

راجل ولد ابوه ........

ديل مايجو إلا بالعين الحمراء .....ز

المفحط الذى يسلب السيارات للتفحيط بها ... تم التعرف عليه