Post: #1 Title: حبيب نورة ....طلب خاص (محمود عبد العزيز) Author: Nader Abu Kadouk Date: 02-25-2013, 00:40 AM Parent: #0
صديقي العزيز يس.....
طلب خاص جدا.....الكتابة عن حبيبنا محمود عبد العزيز.......
طبعا كان ممكن اطلب منك الحاجة دي عبر التلفون او الاميل.......
عارف انك ح تعتذر......
عارفك مهتمي بمشروعك الادبي و ما عندك زمن.....و تجميع المعلومات محتاج زمن كتير..........
لكن هنا ممكن الاقي دعم و مساعدة من البورداب......
عارفك بتحب الحوت شديد......و عارف امكانياتك في تطويع القلم....
الحوت بستاهل الكتير .......ارجو ان لا تبخل عليهو..........
ودي يا حبيب...............
Post: #2 Title: Re: حبيب نورة ....طلب خاص (محمود عبد العزيز) Author: Nader Abu Kadouk Date: 02-25-2013, 00:53 AM Parent: #1
Post: #3 Title: Re: حبيب نورة ....طلب خاص (محمود عبد العزيز) Author: حبيب نورة Date: 02-25-2013, 01:31 AM Parent: #2
حااااضر يا نادر يا صديق
من العين دي قبل العين دي _ محمود عوّقتنا فوتُّو _ كان بدري عليه . الكتابة عن محمود موجعة شديد :(
يا حليلو ياخ
أديني يومين وبشرح ليك تفاصيل كل شئ
أبقى عافية
Post: #4 Title: Re: حبيب نورة ....طلب خاص (محمود عبد العزيز) Author: Nader Abu Kadouk Date: 02-25-2013, 01:42 AM Parent: #3
Quote: حااااضر يا نادر يا صديق
من العين دي قبل العين دي _ محمود عوّقتنا فوتُّو _ كان بدري عليه . الكتابة عن محمود موجعة شديد :(
يا حليلو ياخ
أديني يومين وبشرح ليك تفاصيل كل شئ
أبقى عافية
و انا في الانتظار يا حبيب....................
اسمع دي يا جميل...............
Post: #5 Title: Re: حبيب نورة ....طلب خاص (محمود عبد العزيز) Author: حبيب نورة Date: 02-25-2013, 01:47 AM Parent: #4
محمود ده زول برّااااااااااحة كده يا نادر وحتى جيتو كانت براحة . " برّاحة جا . يتدبّى زي " نقُر الأصابع لمّا ترتاح للموسيقى " . برّاحة زي تنمِيل الحواس لما تفتُر من محاحاة النغم . وبضجيجٍ لم تعثر عليه صلصلةِ الأجراسِ العظيمةِ أتى . بنواحٍ متّصِل لم تجُد به قرائح النائحات المكلومات جاء . ولكنه أتى . برّااااحة جا . مثل إنتظار اليباب الملول للغيم طُولاً، مثل تململ الواحاتِ من وطءِ المطر . برّاحة جا . كان حِس الفقارى المتعبين والمصلوبين في صفوف الرغيف، وكانت ضحكتُه موية الفول للمساكين والجعانين آخر النهار، وكان الضُّل . وكأنه أستمع لنصيحةِ شيخي الإمام عبد العزيز محمد داؤود إذ قال " غنّي _ الغنا بنفعك " . وما نسانا من صالح الغناء .
إييييييييييييه يا محمود :(
ــــــــــــــــــــــ
أرسلت لك رسالة في المسينجر، هل قرأتها ؟
Post: #6 Title: Re: حبيب نورة ....طلب خاص (محمود عبد العزيز) Author: Nader Abu Kadouk Date: 02-25-2013, 02:01 AM Parent: #5
Quote: محمود ده زول برّااااااااااحة كده يا نادر وحتى جيتو كانت براحة . " برّاحة جا . يتدبّى زي " نقُر الأصابع لمّا ترتاح للموسيقى " . برّاحة زي تنمِيل الحواس لما تفتُر من محاحاة النغم . وبضجيجٍ لم تعثر عليه صلصلةِ الأجراسِ العظيمةِ أتى . بنواحٍ متّصِل لم تجُد به قرائح النائحات المكلومات جاء . ولكنه أتى . برّااااحة جا . مثل إنتظار اليباب الملول للغيم طُولاً، مثل تململ الواحاتِ من وطءِ المطر . برّاحة جا . كان حِس الفقارى المتعبين والمصلوبين في صفوف الرغيف، وكانت ضحكتُه موية الفول للمساكين والجعانين آخر النهار، وكان الضُّل . وكأنه أستمع لنصيحةِ شيخي الإمام عبد العزيز محمد داؤود إذ قال " غنّي _ الغنا بنفعك " . وما نسانا من صالح الغناء .
إييييييييييييه يا محمود :(
يا سلام عليك يا جميل.......
واصل و اتحفنا......
قريت الماسنجر و في الانتظار......
Post: #7 Title: Re: حبيب نورة ....طلب خاص (محمود عبد العزيز) Author: حبيب نورة Date: 02-25-2013, 02:14 AM Parent: #6
نأمل في الإنعتاق من هذا الوجع
سأواصل كان بقيت حي
Post: #8 Title: Re: حبيب نورة ....طلب خاص (محمود عبد العزيز) Author: محمد علي عثمان Date: 02-25-2013, 02:33 AM Parent: #5
Quote: محمود ده زول برّااااااااااحة كده يا نادر وحتى جيتو كانت براحة . " برّاحة جا . يتدبّى زي " نقُر الأصابع لمّا ترتاح للموسيقى " . برّاحة زي تنمِيل الحواس لما تفتُر من محاحاة النغم . وبضجيجٍ لم تعثر عليه صلصلةِ الأجراسِ العظيمةِ أتى . بنواحٍ متّصِل لم تجُد به قرائح النائحات المكلومات جاء . ولكنه أتى . برّااااحة جا . مثل إنتظار اليباب الملول للغيم طُولاً، مثل تململ الواحاتِ من وطءِ المطر . برّاحة جا . كان حِس الفقارى المتعبين والمصلوبين في صفوف الرغيف، وكانت ضحكتُه موية الفول للمساكين والجعانين آخر النهار، وكان الضُّل . وكأنه أستمع لنصيحةِ شيخي الإمام عبد العزيز محمد داؤود إذ قال " غنّي _ الغنا بنفعك " . وما نسانا من صالح الغناء .
إييييييييييييه يا محمود :(
كلمات تساوي كتاب ، شكرا نادر أبو كدوك ، شكرا حبيب نورة
لك الرحمة يا محمود ، تركت فراغا كبيرا
Post: #9 Title: Re: حبيب نورة ....طلب خاص (محمود عبد العزيز) Author: حبيب نورة Date: 02-25-2013, 02:45 AM Parent: #8
Quote: كلمات تساوي كتاب ، شكرا نادر أبو كدوك ، شكرا حبيب نورة
لك الرحمة يا محمود ، تركت فراغا كبيرا
تسلم يا حبيب
الحوت يستحق
شكراً على الإطراء
Post: #10 Title: Re: حبيب نورة ....طلب خاص (محمود عبد العزيز) Author: Nader Abu Kadouk Date: 02-25-2013, 04:31 PM Parent: #9
Post: #12 Title: Re: حبيب نورة ....طلب خاص (محمود عبد العزيز) Author: Nader Abu Kadouk Date: 02-25-2013, 06:35 PM Parent: #11
Quote: مرحباً بكم في ملتقى أحباب محمود ، هدية إلى كل من يحب الحوت
حاضرين يا هاني....
تشكرات يا جميل..............
Post: #13 Title: Re: حبيب نورة ....طلب خاص (محمود عبد العزيز) Author: Nader Abu Kadouk Date: 02-25-2013, 10:53 PM
لن ننساك يا حوت......
Post: #14 Title: Re: حبيب نورة ....طلب خاص (محمود عبد العزيز) Author: عمر مصطفى مضوي Date: 02-26-2013, 08:27 AM Parent: #13
بين كل حين وحين يا سيدي يبعث الله في الناس رجلاً منهم يجدد أفراحهم ويمسح بطرف نبله مسحة الأسى التي مست إنسانيتهم . فيعود الناس أبكارا كما ولدتهم أمهاتهم او كما كانوا قبل النزول بيضا لا تسود صفحات حياتهم خطايا الماضي أو وصايا الوعاظ . فيمشي الفرح بينهم كأنه واحد منهم وقد كان محمود عبد العزيز هذا الفرح الذي بر به الخالق عباده ليعينهم على احتمال الحياة والإنقاذ وأشياء أخرى لا نعلمها الله وحده يعلمها . واحتمل ككل المكلفين من عباد الله في ذلك كبدا عظيما وكانت له قدرة عظيما على اعتصار ذلك الكبد وتحويله إلى موسيقى يحن لها الطير قبل الإنسان وإلى سلوك صوفي حنين توجه ملكا على قلوب الشعب الشفيفة . فحملناه معنا رسما ومغنى وذكريا نحن إليها زمان الوجع واللحظات العصيبة . وغنينا معه فنانا وأنساناً ونموذجا لحب الحياة والتغني لها وللحبيبة والوطن . ثم مضى كما يمضي كل المكلفين بني وطني. ونفرط نحن في الحزن عليهم ظناً منا أنهم لم يكملوا بعد ما جاءوا من أجله غير أن للقدر رؤاه واختياراته ورسالته وهي أشكروا الله أن قيض لكم من بينكم هذا المحمود الذي أشجاكم حيناَ من الدهر ثم مضى كما يمضي الخريف واللحظات والناس والاشياء .
Post: #15 Title: Re: حبيب نورة ....طلب خاص (محمود عبد العزيز) Author: Nader Abu Kadouk Date: 02-26-2013, 04:55 PM Parent: #14
Quote: بين كل حين وحين يا سيدي يبعث الله في الناس رجلاً منهم يجدد أفراحهم ويمسح بطرف نبله مسحة الأسى التي مست إنسانيتهم . فيعود الناس أبكارا كما ولدتهم أمهاتهم او كما كانوا قبل النزول بيضا لا تسود صفحات حياتهم خطايا الماضي أو وصايا الوعاظ . فيمشي الفرح بينهم كأنه واحد منهم وقد كان محمود عبد العزيز هذا الفرح الذي بر به الخالق عباده ليعينهم على احتمال الحياة والإنقاذ وأشياء أخرى لا نعلمها الله وحده يعلمها . واحتمل ككل المكلفين من عباد الله في ذلك كبدا عظيما وكانت له قدرة عظيما على اعتصار ذلك الكبد وتحويله إلى موسيقى يحن لها الطير قبل الإنسان وإلى سلوك صوفي حنين توجه ملكا على قلوب الشعب الشفيفة . فحملناه معنا رسما ومغنى وذكريا نحن إليها زمان الوجع واللحظات العصيبة . وغنينا معه فنانا وأنساناً ونموذجا لحب الحياة والتغني لها وللحبيبة والوطن . ثم مضى كما يمضي كل المكلفين بني وطني. ونفرط نحن في الحزن عليهم ظناً منا أنهم لم يكملوا بعد ما جاءوا من أجله غير أن للقدر رؤاه واختياراته ورسالته وهي أشكروا الله أن قيض لكم من بينكم هذا المحمود الذي أشجاكم حيناَ من الدهر ثم مضى كما يمضي الخريف واللحظات والناس والاشياء .
شكرا عمر على طيب الكلام.......
تسلم يا حبيب
Post: #16 Title: Re: حبيب نورة ....طلب خاص (محمود عبد العزيز) Author: احمد محمد بشير Date: 02-26-2013, 05:05 PM Parent: #15