Post: #1 Title: يا تلفزيون بلاش دعايات مجانيه لتجار الاعشاب وام على والخرف والدجل ده Author: محمد زكريا Date: 02-24-2013, 03:24 PM
كل مره اشوف ناس التلفزيون القومى مستضيفين ناس محل اعشاب وما ادراك وكل واحد مركز على قصة اعشاب طبيعية ومافى اثار جانبية وعشبة اسمها ام على للراجل وللمرا الما عندهم انجاي ووو وفى حلقة جابو واحد قال جاء مخصوص من مصر عشان يشترى من محل سودانى لانه العشبه غير مغشوشة وانه بعد استعملها زادت حيواناته ملايين
والليله جايبين واحد عنده اعشاب بتقضى على الصلع والثعلبة والجلحات الوراثيه واعشاب بتفتح لون البشرة بدون اثار جانبيه واطالة شعر خلال 14 يوم ده شنو الخرف والدجل ده!!!!!!! ارحموا عقولنا ياخ
وده كله فى برنامج وضيف خبير قال ليستفيد المشاهد!!!!! اكتر حاجة غاظتنى تحس انه مقدم البرنامج بيطرح الاسئلة بطريقة بحيث يكون الجواب العشبة التالية او المنتج التالى
واحد اتصل وقال ليهو 5 سنين ما انجب وبمجرد ما استعمل العشبه بعد 40 يوم زوجته حملت اتخيلت ان المتصل تابع لمحل الاعشاب
فيا ناس التلفزيون الدعاية المجانية السمجه دى بدفعوا ليكم فيها بى تحت ولا برضوا تسهيلات و واسطات ومسؤول كبير شريك فى البزنس
بالله فى زول فاهم انا متضايق ليه
Post: #2 Title: Re: يا تلفزيون بلاش دعايات مجانيه لتجار الاعشاب وام على والخرف والدجل Author: محمد زكريا Date: 02-24-2013, 03:31 PM Parent: #1
غلطان انا البخلينى شنو اتفرج على برامجكم يعنى وعند دشلومية قناة
Post: #3 Title: Re: يا تلفزيون بلاش دعايات مجانيه لتجار الاعشاب وام على والخرف والدجل Author: جمال ود القوز Date: 02-24-2013, 07:24 PM Parent: #2
قبلكـ لاحظتها .. وأنا اتجول في زقاقات السوق العربي وفي الميادين .. شغلة الأعشاب دي ملت البلد .. وبلا أي ضوابط او قوانين أو رقابة .. بلد طلقيبه والله .. هل تم اكتشاف الاعشاب الطبيه اليوم .. ماهي موجوده من زمان .. ولماذا لا تحارب الحكومة هذه التجارة .. أعشاب يتم وضعها تحت أشعة الشمس .. وبعضها مكشوف للغبار وخلافه من أشياء .. ولا يعرف أحد ما المقدار الواجب تناوله .. لأن بعض الأعشاب شديدة السميه .. تجارة بلا ضوابط وينادوا عليها بالمايكرفون .. وسط الخرطوم .. شئ عجيب .. كثيراً ماوقفت متعجباً من انتشارها .. وعجبت اكثر من عدم ضبطها .. ومن هذا الصمت المريب .. والآن التلفزيون جاء كمل الناقصه .. وكل يوم شغال ليكـ أعشاب .. ومسوحات .. وحاجات تطول .. وحاجات تقصر .. وحاجات تفعل الأعاجيب .. غايتو بلد همله صحي صحي ..
Post: #5 Title: Re: يا تلفزيون بلاش دعايات مجانيه لتجار الاعشاب وام على والخرف والدجل Author: محمد زكريا Date: 02-25-2013, 08:53 AM Parent: #3
Quote: قبلكـ لاحظتها .. وأنا اتجول في زقاقات السوق العربي وفي الميادين .. شغلة الأعشاب دي ملت البلد .. وبلا أي ضوابط او قوانين أو رقابة .. بلد طلقيبه والله .. هل تم اكتشاف الاعشاب الطبيه اليوم ..
ما بتذكر وين لكن مره سمعت قصة واحد من الجماعة ديل ما عارف جابوه فى الاذاعة ولا التلفزيون ولا يكون كان واقف جنب الجامع الكبير فى الخوطوم المهم الراجل ده قال انه اكتشف دواء لعلاج الايدز نهائياً اتخيل راجل عالم نابغة زى ده واقف بيعرض فى دواء بيقضى على مرض فقد المناعة المكتسبة يعنى لو بس اتصل ب اهيف مركز بحوث ممكن يكون ملياردير لكنه اختار ان يعرض اكتشف من اما الجامع الكبير والعجب العندهم اعشاب لعلاج السرطان والعندهم مقويات جنسيه وووووو
المهم الخطر فى بالى يعنى معقول العالم المتطور ده وامبراطوريات الادويه فى العالم الحديث ديل كلهم لسه ما اكتشفو سحر وسر هذه الاعشااب!!!!!! ولا ما سمعوا لسه بعلماء الاعشاب فى السودان لذلك لابد من تسويقهم عبر القناة القومية الرسمية للتلفزيون السودانى عسى ولعل ان يبلغوا ويسمعّوا عن ثرواتنا القومية هذه عن ثورة التداواى بالاعشاب والعودة الى الطبيعة والبيئة يعنى نحن نسبق العالم فى الاهتمام بالصحة البيئية .... يا سلام ياخ وخصوصاً بتاعة البتخلى الصلع تقوم زى النجيله ولا بتاعة التجاعيد تختفى وبشرة الوجه تبقى زى بشرة الطفل .... يا عالم احترموا عقولنا ووين المختصين والدارسينها والاطباء ليه ساكتين على الاستخفاف بعقل المواطن البسيط
Quote: غايتو بلد همله صحي صحي ..
وما عندها وجيع, اخخخخ من الوجع الاصبح جزء متأصل وصار اسمو عاااااااادى وما بيوجع
Post: #6 Title: Re: يا تلفزيون بلاش دعايات مجانيه لتجار الاعشاب وام على والخرف والدجل Author: محمد زكريا Date: 02-25-2013, 09:13 AM Parent: #4
Quote: عليك الله شوف الشغل ده كيف ...
يا وائل فاروق هسى الزول ده لو اشتغل بالدراما والتمثيل عليك الله ما بجيب قروش اكتر من الدجل البسوى فيهو ده غايتو موهبة و ضاعت ساى وناس السنى دفع الله ما اكتشفوها :) وشابك الزول البساعدوا فى البيع يا دكتور يا دكتور بيع ليهم واخلط لهم والدواء هو بعشرين لكن ادى ليهم ب 15 جنيه قسس اجيبا !! بعدين هسى يعنى الزول ده هو طارح نفسو دكتور ولا شنو يعنى؟
Post: #7 Title: Re: يا تلفزيون بلاش دعايات مجانيه لتجار الاعشاب وام على والخرف والدجل Author: ABDELMAGID ABDELMAGID Date: 02-25-2013, 09:14 AM Parent: #4
Quote: غلطان انا البخلينى شنو اتفرج على برامجكم يعنى وعند دشلومية قناة
YES ; IT' UR OWN FAULT البخليك تتفرج على جنس الهباب ده ! و فِلِم ( تبييض الوجه ! ) و طِب ( السدر ! ) و ( العُشر ! ) و ( الخُرّيم ! ) و ( تسميين العجز و الساقين ! ) ... ... ده قالوا إسموا الطب النبوى الرسالى و دوا العسل و الكى و الحبة السوداء !!!! .... جنس القنوات دى ( مسحناها ! ) زماااااااااااااان ... .......... تحياتى يا محمد زكريا ... and GOOD LUCK ......... عبدالماجد
Post: #9 Title: Re: يا تلفزيون بلاش دعايات مجانيه لتجار الاعشاب وام على والخرف والدجل Author: محمد زكريا Date: 02-25-2013, 09:46 AM Parent: #7
Quote: ABDELMAGID ABDELMAGID
Quote: غلطان انا البخلينى شنو اتفرج على برامجكم يعنى وعند دشلومية قناة
YES ; IT' UR OWN FAULT البخليك تتفرج على جنس الهباب ده ! و فِلِم ( تبييض الوجه ! ) و طِب ( السدر ! ) و ( العُشر ! ) و ( الخُرّيم ! ) و ( تسميين العجز و الساقين ! ) ... ... ده قالوا إسموا الطب النبوى الرسالى و دوا العسل و الكى و الحبة السوداء !!!! .... جنس القنوات دى ( مسحناها ! ) زماااااااااااااان ... .......... تحياتى يا محمد زكريا ... and GOOD LUCK ......... عبدالماجد
اووووووووو السير اليكس فيرجسون :) يازول وين مختفى واخباركم مع الدورى الانجليزى
غايتو كله من العازه الله يسامحها بتستغل فرص وجود الضيوف عشان تحول الى قناة السودان كل ما تشوفنى بتفرج فى قناة افلام ولا قناة ما فيها كورة ولا موسيقى تقول لى عشان ما تجى لقطة محرجة قدام الضيوف اصل الخواجات ما بختشوا اها اقعد اصنقع واتمحن فى القناة السودانية والعجب الضيوف لو سودانيين يقول ليك يا سلاااااااااااااام والله اشتقنا لتلفزيون السودان
تلفزيونات السودان مفلسة ولم تجد غير التسويق لهذا الدجل والنصب على البسطاء حالها كحال حكومة الجبايات والأتاوات دى ,,
تحياتى ياخ,,
Post: #10 Title: Re: يا تلفزيون بلاش دعايات مجانيه لتجار الاعشاب وام على والخرف والدجل Author: مهدي صلاح Date: 02-25-2013, 10:05 AM Parent: #8
شريط الاعلانات في القنوات السودانية ساحة تعرض فيها اعشاب وادوية ومستحضرات تحل وتعالج كل امراض الارض والكواكب المجاورة
Post: #11 Title: Re: يا تلفزيون بلاش دعايات مجانيه لتجار الاعشاب وام على والخرف والدجل Author: محمد زكريا Date: 02-25-2013, 10:45 AM Parent: #10
Quote: إنتو بتشوفو الحاجات دى وين!!!!!
تلفزيونات السودان مفلسة ولم تجد غير التسويق لهذا الدجل والنصب على البسطاء حالها كحال حكومة الجبايات والأتاوات دى ,,
ايمن الطيب سلامات حاول مرة تجرب كيف ممكن نستحمل وتواصل مشاهدة مثل هذه الحلقات فى تلفزيوننا القومى والمستغرب كيف تسمح ادارة التلفزيون بمثل هذه الفقرات لتعرض للمشاهد ده غير برامج والفقرات الاصلاً هى دعاية لبتاعين العده والاثاث والثياب والديكور
Post: #12 Title: Re: يا تلفزيون بلاش دعايات مجانيه لتجار الاعشاب وام على والخرف والدجل Author: محمد زكريا Date: 02-25-2013, 11:57 AM Parent: #10
Quote: مهدي صلاح شريط الاعلانات في القنوات السودانية ساحة تعرض فيها اعشاب وادوية ومستحضرات تحل وتعالج كل امراض الارض والكواكب المجاورة
حكاية الشريط ده كمان قصته براها ياخ معقول تلاته شرايط ماشات فوق بعض يعنى تقراء شنو ما تعرف يمسكك حول من المساككه والاكتر ما يغيظ لامن تجى فقره فيها فنان او ضيف ويكون دايرين يجيبو الاسماء تحت تشوف نصها ونصها مافى يا عالم يا هو شرايطكم بتحجب عننا الشاشه وما بنقراء اسم الفنان والشاعر والملحن والضيف والجهة ولا ارقام التلفون للاتصال وبرضوا الاتصال من المشاهد ده فلم تانى كمان فى الخلاصه نقدر نقول تلفزيون متخصص فقع مرّارة بس
Post: #13 Title: Re: يا تلفزيون بلاش دعايات مجانيه لتجار الاعشاب وام على والخرف والدجل Author: مهدي صلاح Date: 02-25-2013, 12:11 PM Parent: #12
Quote: تلاته شرايط ماشات فوق بعض يعنى تقراء شنو ما تعرف يمسكك حول من المساككه
والله صدقت ... والعجب الشريط الاول ماشي ليك من اليمين لليسار والتحتو عكس من الشمال لليمين والشريط التالت من اليسار لليمين وبالجمبتين: ارقام للـ sms وفي الجمبة التانية شعار الشركة الراعية
Post: #14 Title: Re: يا تلفزيون بلاش دعايات مجانيه لتجار الاعشاب وام على والخرف والدجل Author: سليمان القرشي Date: 03-01-2013, 02:54 PM Parent: #13
والعجيب في واحد ساكن في قناة النيل الازرق سكنه صاحب مركز الشامي للاعشاب دا من تصبح قاعد في البرنامج غايتو بلد همله ساي تسلم ودزكريا
Post: #15 Title: Re: يا تلفزيون بلاش دعايات مجانيه لتجار الاعشاب وام على والخرف والدجل Author: محمد زكريا Date: 03-09-2013, 09:44 AM Parent: #14
Quote: سليمان القرشي والعجيب في واحد ساكن في قناة النيل الازرق سكنه صاحب مركز الشامي للاعشاب دا من تصبح قاعد في البرنامج غايتو بلد همله ساي تسلم ودزكريا
سلا يا سليمان والقنوات الموجودة كمان شغالة لينا بس حاكو حاكو
انا المستغرب فيه وين ناس الشرع وعلماء الدين؟ وين نقابة الاطباء ووزارة الصجة؟ وين ناس حماية المستهلك؟ وين ناس القانون وامن المجتمع؟ هل اصبح الانسان السودانى مثل فئران المختبرات لتجرب عليه كمية من الادوية المضرة؟ وتباع له الاوهام
فليستمر هذا البوست ليفضح كل المتورطين
Post: #16 Title: Re: يا تلفزيون بلاش دعايات مجانيه لتجار الاعشاب وام على والخرف والدجل Author: محمد زكريا Date: 03-10-2013, 02:05 PM Parent: #15
ياناس التلفزيون توقفوا عن الدعاية للجانية اترويج تجارة الاعشاب الخ
Post: #17 Title: Re: يا تلفزيون بلاش دعايات مجانيه لتجار الاعشاب وام على والخرف والدجل Author: محمد زكريا Date: 03-16-2013, 11:38 AM Parent: #16
واخيراً تلفزيون السودان عبر برنامج حزمة ضوء يناقش الموضوع من زاوية كيف تكونوا انتم سبب فى انتشار ظاهرة التداوى بالاعشاب وتنتقدوا انتشارها
هل هى محاولة لمحاربة المنافسين لاصحاب البزنس الذين تنشروا لهم دعاية مجانية عبر برامجكم الاخرى؟
Post: #18 Title: Re: يا تلفزيون بلاش دعايات مجانيه لتجار الاعشاب وام على والخرف والدجل Author: محمد زكريا Date: 03-16-2013, 12:05 PM Parent: #17
اخطر كلام من برنامج حزمة ضوء اتضح انه مافى اى قانون بيحاكم ولا بينظم تجارة التداواى بالاعشاب
Quote: غلطان انا البخلينى شنو اتفرج على برامجكم يعنى وعند دشلومية قناة
هههههههههههههههههه
Post: #20 Title: Re: يا تلفزيون بلاش دعايات مجانيه لتجار الاعشاب وام على والخرف والدجل Author: علي محمد الفكي Date: 03-16-2013, 01:37 PM Parent: #19
الاخ محمد زكريا انت ما سمعت بالمورنغا النبتة الشاملة بتعالج اي حاجة وفي كل حارة وموقف في الخرطوم تسمع المايكرفونات تنادي بيها ..
ومين قال انو دي دعايات مجانية يا محمد دي دعايات مقبوضة الثمن بس بدون اورنيك 15 ولا حتى بي ايصال ذاتو
Post: #21 Title: Re: يا تلفزيون بلاش دعايات مجانيه لتجار الاعشاب وام على والخرف والدجل Author: محمد زكريا Date: 03-16-2013, 04:16 PM Parent: #20
مع نهاية البرنامج افيد شىء من برنامج حزمة ضوء سؤال مباشر من امراة من مدنى عما اذا هنالك فوائد من عشبة ام على اليمنية واجاب الضيف ممثل اتحاد العشابين بانه اكتشف بالامس انها خليط لمجموعة 14 عشب لمعاجة الكثير من الاعراض واكد انه لا يجوز خلط اكثر من 5 اعشاب الدكتور ايضاً اكد انه قد تنشاء مضاعفات من خلط كم كبير من الادوية المهم الخلاصه الفهمتها انها مش كويسه
Post: #22 Title: Re: يا تلفزيون بلاش دعايات مجانيه لتجار الاعشاب وام على والخرف والدجل Author: محمد زكريا Date: 03-16-2013, 04:18 PM Parent: #21
Quote: فى ظمتك هسى ناس التيمان بتقارنوا بالفوضى الحاصلة دى والدجل ده, ديلك ناس حاجاتهم معروفة كانت العسل والبخور وجوز الطيب وفى مجالات محدودة وبسيطة
ياسلام عليك انصفت اهلي التيمان من الفوضي الحاصلة دي
Post: #24 Title: Re: يا تلفزيون بلاش دعايات مجانيه لتجار الاعشاب وام على والخرف والدجل Author: محمد زكريا Date: 03-17-2013, 11:05 AM Parent: #23
وسيستمر النقاش
وكان البرنامج قد عرض لقاءات من الشارع مع باعة اعشاب من الشارع العام وتقاضوا النظر عن اصحاب المحلات الفاخرة وجاءت الصورة معكوسه وكأنه فقط اولئك البسطاء هم جذور المشكلة
مع اشادة ببرنامج حزمة ضوة ومقدمته ايناس محمد والذى يستحقونها برغم تناقض تلفزيون السودان بشكل عام