Post: #1
Title: بالله في السودان في حزب اسمو حزب البعث العربي الاشتراكي ؟!
Author: أيمن محمود
Date: 02-24-2013, 10:29 AM
Parent: #0
(امة عربية واحدة...ذات رسالة خالدة)
بالله ياتو جناح - دمشق والا بغداد ؟
رئيسو منو ؟
واهدافو شنو ؟
بس ما تقولو لي - وحدة - حرية - اشتراكية ، والانشاء دي ؟!
|
Post: #2
Title: Re: بالله في السودان في حزب اسمو حزب البعث العربي الاشتراكي ؟!
Author: Mohammed Maher
Date: 02-24-2013, 10:35 AM
ما سمعت بالرفيق بدر الدين مدثر امين سر القيادة القطرية
كانو بقولو ليهو حزب البهجة زمان
|
Post: #3
Title: Re: بالله في السودان في حزب اسمو حزب البعث العربي الاشتراكي ؟!
Author: أيمن محمود
Date: 02-24-2013, 10:43 AM
Parent: #2
| Quote: ما سمعت بالرفيق بدر الدين مدثر امين سر القيادة القطرية |
القيادة القطرية دخلها شنو في الموضوع ؟؟!!
بن جاسم ده عملها ظاهرة والله !
| Quote: كانو بقولو ليهو حزب البهجة زمان |
لا لا يا اخ ! ،،، داك براهو (حزب البهجة والمسرة)
|
Post: #4
Title: Re: بالله في السودان في حزب اسمو حزب البعث العربي الاشتراكي ؟!
Author: محمد البشرى الخضر
Date: 02-24-2013, 10:48 AM
Parent: #3
اربعة كمان مش واحد كان ما عجبك
و النكتة الأربعة موقعّين على الفجر الجديد البتكلّم عن افريقانية الهوية ولاّ التوجه نحو افريقيا
|
Post: #7
Title: Re: بالله في السودان في حزب اسمو حزب البعث العربي الاشتراكي ؟!
Author: أيمن محمود
Date: 02-24-2013, 11:31 AM
Parent: #4
محمد البشرى الخضر
| Quote: اربعة كمان مش واحد كان ما عجبك |
عرفنا جناح دمشق وجناح بغداد وجناح باعوضة .... الرابع بس ما تقول لي جناح شمال ؟!
| Quote: و النكتة الأربعة موقعّين على الفجر الجديد البتكلّم عن افريقانية الهوية ولاّ التوجه نحو افريقيا |
ظنيتو ده البسموهو المثقفين (عدم الاتساق مع الذات) أو نحو ذلك !
حيدر حسن ميرغني
Quote: معليش برضو مفروض نحترم خيارات بعضنا في المسائل دي
وكل حزب مرهون بما يقدمه لابما يحمل من اسم
في المنبر ده في اعضاء لهذا الحزب
انا اكثر زول ناقرتهم لكني تأسفت على ذلك |
ليس هنالك عدم احترام لاعضاء هذا الحزب
انما هو رأيي في اسم هذا الحزب وتوجهاته .، والذي ربما كما تقول لايعبر عن توجه الحزب وقناعات أعضائه وأهدافهم؟
Mohammed Maher
| Quote: يعني ح يغيرو الشعار من امة عربية واحدة الي امة افريقية واحدة ؟ |
CC لأعضاء هذه الاحزاب (الحزب)
-----------
يذكرني هذا الحزب بحزب اللجان الثورية - لا أدري لماذا ؟!!
|
Post: #5
Title: Re: بالله في السودان في حزب اسمو حزب البعث العربي الاشتراكي ؟!
Author: حيدر حسن ميرغني
Date: 02-24-2013, 10:49 AM
Parent: #3
اخونا ايمن
معليش برضو مفروض نحترم خيارات بعضنا في المسائل دي
وكل حزب مرهون بما يقدمه لابما يحمل من اسم
في المنبر ده في اعضاء لهذا الحزب
انا اكثر زول ناقرتهم لكني تأسفت على ذلك
|
Post: #6
Title: Re: بالله في السودان في حزب اسمو حزب البعث العربي الاشتراكي ؟!
Author: Mohammed Maher
Date: 02-24-2013, 10:56 AM
Parent: #5
Quote: اربعة كمان مش واحد كان ما عجبك
و النكتة الأربعة موقعّين على الفجر الجديد البتكلّم عن افريقانية الهوية ولاّ التوجه نحو افريقيا |
يعني ح يغيرو الشعار من امة عربية واحدة الي امة افريقية واحدة ؟
|
Post: #8
Title: Re: بالله في السودان في حزب اسمو حزب البعث العربي الاشتراكي ؟!
Author: محمد عبد الله الامين
Date: 02-24-2013, 11:36 AM
Parent: #6
ايام الجامعه اذكر كان لهم نشاط في اركان النقاش وداخل التجمع ....
ومشهورين بالكتابة في جدران الشوارع .....
|
Post: #9
Title: Re: بالله في السودان في حزب اسمو حزب البعث العربي الاشتراكي ؟!
Author: نور الدين عثمان
Date: 02-24-2013, 12:19 PM
Parent: #8
اقصر عليك الطريق :
ده حزب ود الباوقة فبل الكوزنة والاكل فى المطاعم الفاخرة ممكن تسالوا مباشرة وهو حا يديك كل التفاصيل ...
تحباتى
|
Post: #15
Title: Re: بالله في السودان في حزب اسمو حزب البعث العربي الاشتراكي ؟!
Author: أيمن محمود
Date: 02-24-2013, 03:31 PM
Parent: #9
نور الدين عثمان
| Quote: ده حزب ود الباوقة فبل الكوزنة والاكل فى المطاعم الفاخرة ممكن تسالوا مباشرة وهو حا يديك كل التفاصيل ... |
انا ما متاكد - بس حسب الكلام المكتوب في سودانيزاونلاين انو ود الباوقة كان في العراق - بعثي - ومسمي على عدي والا قصي ما عارف !
--------
شكلو السمك ابو الفين ريال ممغصك شديد 
|
Post: #10
Title: Re: بالله في السودان في حزب اسمو حزب البعث العربي الاشتراكي ؟!
Author: قيقراوي
Date: 02-24-2013, 12:27 PM
Parent: #8
حزب البعث موجود في السودان وناشط في وسط الشباب
في التمنينات كان ليو وجود كبير جداً، خاصة عندنا في النيل الابيض
وله نضالات ضد دكتاتورية نميري سيسجلها التاريخ .. ولو انكرها الناس
---------
التوجهات القومية والعروبية تحديداً تبنتها النخب السودانية في متاهتها الهويولوجية منذ مملكة سنار
وفي الستينات كانت موجوجة
|
Post: #11
Title: Re: بالله في السودان في حزب اسمو حزب البعث العربي الاشتراكي ؟!
Author: عبد الناصر الخطيب
Date: 02-24-2013, 12:50 PM
Parent: #10
Quote: حزب البعث موجود في السودان وناشط في وسط الشباب
في التمنينات كان ليو وجود كبير جداً، خاصة عندنا في النيل الابيض
وله نضالات ضد دكتاتورية نميري سيسجلها التاريخ .. ولو انكرها الناس
|
صاحب البوست ومتداخليه الاكارم
تحية طيبة ,,,
كلام قيقراوي دي سليم والواحد بتذكر شخبطتهم في الجدران
زمن نميري ونشاطهم ما قبل الانتفاضة ...
وبتذكر الزول الكان بجعّر باعلى صوت ايام الانتخابات للجمعية التأسيسية
( الرمز غزالة والبعث أصالة ) وبعد ما ضلمت تاني الواحد بتذكر زملاء وزميلات دراسة
أعزاء من ناس ( أمة عربية واحدة ذات .........) ...
والبعرفوا رغم نصيبهم من النضال ضد نميري ما فازوا باى مقعد في انتخابات 1986
رغم اجتهادهم واهتمام مجلة الدستور العراقية بالشأن السوداني ( وقيادتو القطرية ) ...
والبعرفوا زملاء أعزاء كلموني عنو كحزب قومي إشتراكي وبي أفكار عن الوحدة
العربية سألتهم هل على طريقة القوميين العرب ( الناصريين ) قالوا ... لا على طريقة
ميشيل عفلق !!! وكنت عوز زمن عشان أقراء عن الزول ده وافكاروا شنو وووو
برنامج ما لقيت لى وقت
المهم هو حزب موجود في السودان حتى لو حظوا قليل ....
متابعتي لمصيروا في العراق ونسختوا كلوحة جدارية تزين بهو الدكتاتورية في سوريا
بيجيني إحساس انو مصيروا المحتوم في المتحف زيو وزي الحزب ....
في زمن كانت الكلمة كافية لتعريف الحزب الشيوعي السوداني العتيد
البرضوا مشي ....................المتحف
جاء كلام عن حزب البهجة في البوست الحزب ده سمعنا بي بعد الانتفاضة في موجة فرحت الناس بالحياة الديمقراطية
وسمعنا أنو حزب المراحيم الدكتور عوض دكام وزيدان إبراهيم .......... وكلها طلعت محض ضحك وهزار
تحياتي
|
Post: #12
Title: Re: بالله في السودان في حزب اسمو حزب البعث العربي الاشتراكي ؟!
Author: أيمن محمود
Date: 02-24-2013, 02:11 PM
Parent: #8
محمد عبد الله الامين
| Quote: ومشهورين بالكتابة في جدران الشوارع ..... |
قصدك بيكتبو في جدران المباني ... مش جدران الشوارع 
امة عربية واحدة ذات رسالة خالدة
|
Post: #13
Title: Re: بالله في السودان في حزب اسمو حزب البعث العربي الاشتراكي ؟!
Author: عمار عبدالله عبدالرحمن
Date: 02-24-2013, 02:36 PM
Parent: #12
عزيزي ايمن
حزب البعث العربي الأشتراكي ,, موجود في السودان منذ الخمسينات
واسهم في الحياة السياسية السودانية سلبا وايجابا ,
فقد كان فاعلا في تحالف القوى الاشتراكية في الستينات
وشارك في انقلاب مايو , وايضا في الحركة التصحيحة مع الشيوعين
ثم شارك في العمل النضالي ضد نظام مايو وكانت له اسهامته في كل المجالات السياسية
سواء في العمل النقابي او المدني ,,
وايضا شارك في النضال ضد حكومة البشير وعصابته (سواء عسكريا او نضال مدني)
كان لهم وجود مقدر فاعل في حركة رمضان العسكرية , ,
لا أظن مهتم بالشأن السياسي او التاريخي السوداني , يتجاهل وجود حزب البعث وعموم الحركات القومية ,,
|
Post: #14
Title: Re: بالله في السودان في حزب اسمو حزب البعث العربي الاشتراكي ؟!
Author: وضاح عبدالرحمن جابر
Date: 02-24-2013, 03:25 PM
Parent: #13
والله الواحد ما داير يصغر من شانهم ولا يقلل من تاريخهم القالوه الشباب
لكن بس نكون واقعيييين شويه
اربع احزاب بعث عربي فى السودان؟
وموقعه كلها على وثيقة الفجر ؟
وواحد منهم بطالب بطرد حزب الامه ؟
هسع ده ما فلم كرتون
|
|