Post: #1
Title: اجراء حكومي جدييييييد لنج مباااالغة (عدم ممانعة السفر )!!!!!!
Author: Haytham Ghaly
Date: 02-24-2013, 09:12 AM
Parent: #0
هل تصدقوا انو الكلام دا حقيقي وما هظار
والله انا كنت متوقع انو الحكومة دي حا تعمل كدا
|
Post: #2
Title: Re: اجراء حكومي جدييييييد لنج مباااالغة (عدم ممانعة السفر )!!!!!!
Author: محمد بابكر محمد
Date: 02-24-2013, 09:18 AM
Parent: #1
سلامات الاخ Haytham Ghaly
اصلو مابصدق
|
Post: #3
Title: Re: اجراء حكومي جدييييييد لنج مباااالغة (عدم ممانعة السفر )!!!!!!
Author: أيمن محمود
Date: 02-24-2013, 09:22 AM
Parent: #2
عقبال عدم الممانعة على العودة !
---------------
يا جماعة انتو جادين ؟!
|
Post: #4
Title: Re: اجراء حكومي جدييييييد لنج مباااالغة (عدم ممانعة السفر )!!!!!!
Author: خالد عبدالوهاب
Date: 02-24-2013, 09:29 AM
Parent: #3
الاخ هيثم غالي
ماذا تعني بعدم ممانعة السفر ؟؟
اذا كنت تعني عدم سفر الفتيات في اعمار معينة الا بموافقة ولي امرهن فيما يعرف ب( عدم ممانعة ولي امر الفتاة من سفرها)
فهذا اجراء قديم جدا جدا
تحياتي
|
Post: #6
Title: Re: اجراء حكومي جدييييييد لنج مباااالغة (عدم ممانعة السفر )!!!!!!
Author: مصعب عوض الكريم علي
Date: 02-24-2013, 09:33 AM
Parent: #4
عدم ممانعة الاب من سفر ابنه القاصر .
طلبت اولادي زيارة وان مقيم بالمملكة .. في الاجراءات قالوا لازم تجيب خطاب عدم ممانعة من الاب . في حين انا طالب الزيارة !!
|
Post: #15
Title: Re: اجراء حكومي جدييييييد لنج مباااالغة (عدم ممانعة السفر )!!!!!!
Author: Haytham Ghaly
Date: 02-24-2013, 10:26 AM
Parent: #6
Quote:
عدم ممانعة الاب من سفر ابنه القاصر .
طلبت اولادي زيارة وان مقيم بالمملكة .. في الاجراءات قالوا لازم تجيب خطاب عدم ممانعة من الاب . في حين انا طالب الزيارة !! |
ازيك يا مصعب
عااااادي يا مصعب والله في اجراءات في بلدنا تحير الما بتحير
وكلها ما عندها لازمة غير انها تحسسك انك مستعبد عند الحكومة وبس
|
Post: #13
Title: Re: اجراء حكومي جدييييييد لنج مباااالغة (عدم ممانعة السفر )!!!!!!
Author: Haytham Ghaly
Date: 02-24-2013, 10:21 AM
Parent: #4
Quote: اذا كنت تعني عدم سفر الفتيات في اعمار معينة الا بموافقة ولي امرهن فيما يعرف ب( عدم ممانعة ولي امر الفتاة من سفرها)
فهذا اجراء قديم جدا جدا
|
خالد سلامات ياخي
يا زول فتوات شنو وولي امر شنو الكلام دا للشباب كلهم
البنات منهم والاولاد بدون فرز
|
Post: #5
Title: Re: اجراء حكومي جدييييييد لنج مباااالغة (عدم ممانعة السفر )!!!!!!
Author: أيمن دياب
Date: 02-24-2013, 09:30 AM
Parent: #3
مرحبا جلي..
اها مجاني ولا برسوم؟؟
وبطلع من وين النصيبة ده؟
والله حيكومتنا دي الشغلانية بقت ما قادرة عليها.. ولا قادرة تخليها..
|
Post: #10
Title: Re: اجراء حكومي جدييييييد لنج مباااالغة (عدم ممانعة السفر )!!!!!!
Author: منتصر صلاح
Date: 02-24-2013, 09:47 AM
Parent: #5
دة لي سببين
اولا اكيد فيها رسوم .. يعني دايرين يحلبو المواطن الغلبان
كمان وكمان .
تانيا تسهيل الهروب الجماعي للشباب اللي طالعين من جحيم
السودان الايام دي وبيعتقدو انو طردهم - اي الشباب - برة البلد
بيمنع الثورة الجايةوبالتالي يكنكشو في السلطة باندياح.. والله اعلم .
صاحب البوست سلام
|
Post: #18
Title: Re: اجراء حكومي جدييييييد لنج مباااالغة (عدم ممانعة السفر )!!!!!!
Author: Haytham Ghaly
Date: 02-24-2013, 10:37 AM
Parent: #10
Quote: تانيا تسهيل الهروب الجماعي للشباب اللي طالعين من جحيم
السودان الايام دي وبيعتقدو انو طردهم - اي الشباب - برة البلد
بيمنع الثورة الجايةوبالتالي يكنكشو في السلطة باندياح.. والله اعلم .
|
مرحب حبابك منتصر
طعا الحكومة قاصدة عكس كلامك دا وهو تصعيب السفر
لانو في الفترة الاخيرة دي حسو انو الشباب كلهم فارين
وهم كمان متوقعين ليهم بعد شوية حرب شاملة وكدا
طيب اذا الشباب ديل سافروا الحا يكشوهم ويحاربوا ليهم منو؟؟؟؟؟
اولاد ميكي بتاعنهم ديل ناس محمد نافع وامثالو
|
Post: #16
Title: Re: اجراء حكومي جدييييييد لنج مباااالغة (عدم ممانعة السفر )!!!!!!
Author: Haytham Ghaly
Date: 02-24-2013, 10:32 AM
Parent: #5
Quote: مرحبا جلي..
اها مجاني ولا برسوم؟؟
وبطلع من وين النصيبة ده؟
|
ايمن دياب سلامات ياخي
اولاً انا ما اسمي جلي ..
اسمي هيثم غالي ... غاااالي يا دياب ياخي
اي شي في البلد دي بقى غالي مالك داير تحرمي الغلاة انا بس يا ايمن
طبعا اكيد بي رسوم وكمان من العيار التقيل 400 الف . الف ينطح الف يا ايمن
اركزوا يا عملات ود الباوقة
|
Post: #8
Title: Re: اجراء حكومي جدييييييد لنج مباااالغة (عدم ممانعة السفر )!!!!!!
Author: Mahir Mohammed Salih
Date: 02-24-2013, 09:38 AM
Parent: #3
هيثم كيفك أنشاء الله تمام
أعتقد بأن تأشيرة الخروج نفسها هى بمثابة عدم ممانعة للسفر ،، أو ربما هذه التأشيرة خاصة
بالضرائب والرسوم وخلافه ،، ففى هذه الحالة بس يجو ناس الجهة الأمنية يضيفوا ممانعة جديدة
فى جوازات المغتربين أذا كانت هنالك ممانعة للسفر ويقولوا ليك أمشىء راجع الحتة الفلانية
ويا ريت تكون الجهة الفلانية قاعدة فى المغربين حتى لا يتبهدل الناس
وأقول ده كله ضياع لوقت المغتربين ولا توجد مثل هذه الممارسة ألا فى السودان فى تصورى الشخصى
أنا فى بلدى أسافر وقت ما أنا عاوز وأذا كان هنالك حظر يكون فى المطار فقط .
مجال عملى يتطلب أن أسافر مع أصحاب الشركة التى أعمل بها ولديهم طائرة خاصة ،، نقوم
فوووووووووووووو ألى أية جهة فى الصباح ونرجع بعد أنتهاء المهمة التى أتينا من أجلها
ألا السووووووودان بلدى الأصلى ،،فلا يمكننى أن أرجع فووووووووو مع أصحاب الشركة لأننى لابد
وأن أراجع المغتربين عشان تأشيرة الخروج وكمان ذادت ليها حتة تانية كمان
يا أخوانا يا جماعة من فضلكم فكروا واسعا بعض الشىء ولا تكونوا ممن يرون فقط أرنبة أنفهم
مع التحية للجميع هنا
ماهر
|
Post: #19
Title: Re: اجراء حكومي جدييييييد لنج مباااالغة (عدم ممانعة السفر )!!!!!!
Author: Haytham Ghaly
Date: 02-24-2013, 10:42 AM
Parent: #8
| Quote: أعتقد بأن تأشيرة الخروج نفسها هى بمثابة عدم ممانعة للسفر |
مرحبتين اخ ماهر
هو حسب ما قال صديقي انو اجراء جديد رسمي يعني قبل مرحلة التأشيرة
التاشيرة يا ماهر واقصد تاشيرة الخروج دي هي فعلا عدم ممانعة للسفر لكن الداير يقنع الديك منو؟؟؟
وتأشيرة الخروج نفسها منافية لحقوق الانسان لانو اي زول من حقو يغادر بلدو او يدخلها في اي وقت يشاء
طيب عدم ممانعة السفر دي منافية لي شنو بتكون ؟؟؟؟؟؟؟؟
اكيد منافية لاخلاق الانسان زاتو
|
Post: #12
Title: Re: اجراء حكومي جدييييييد لنج مباااالغة (عدم ممانعة السفر )!!!!!!
Author: Haytham Ghaly
Date: 02-24-2013, 10:18 AM
Parent: #3
| Quote: يا جماعة انتو جادين ؟! |
ايمن سلامات
والله يا اخوي جدين لمن ...............
بس ادي ربك العجب يا اخوي
النقط الفوق دي تعني بي هناك
طبعا انتو قايلنها حاجة تانية
|
Post: #11
Title: Re: اجراء حكومي جدييييييد لنج مباااالغة (عدم ممانعة السفر )!!!!!!
Author: Haytham Ghaly
Date: 02-24-2013, 10:15 AM
Parent: #2
محمد بابكر سلامات
والله يا اخوي صدق طوالي
دي حكومة الغرائب والعجائب
تحياتي
|
Post: #7
Title: Re: اجراء حكومي جدييييييد لنج مباااالغة (عدم ممانعة السفر )!!!!!!
Author: Haytham Ghaly
Date: 02-24-2013, 09:38 AM
Parent: #1
في اتصال هاتفي مع احد اصدقائي وكنت قد اوكلت اليه القيام ببعض التوثيقات في بعض الشهادات وكانت المهاتفة كالاتي:
انا :كيف يا شاب تمام
هو :الحمد لله لكن شهاداتك دي طلعت .....
انا :ليه الحاصل شنو؟؟؟
هو :ياخ اي محل زحمة شديييدة وبعد تحصل الشباك تلقى ليك موظف قاعد هنا بس عشان يعاكس الناس
انا :هم لسة في معاكستم دي ؟؟؟
هو :ياخ ديل عندهم شنو غير العكاس غايتو الله يصبرنا نحن القاعدين هنا ديل
انا :طيب ياخ انت الصابر ليها شنو ما تتخارج من البلد دي؟؟؟؟
هو :ياخ اتخارج بي وين ؟؟؟ والله كمان مع الاجراءات الكتيرة الشافتا عيني دي ما اظن زاتو نتخارج
انا :الاجراءات دي ما من زمان الناس اتعودت عليها وللا زادوها؟؟؟
هو :المشكلة انو الناس كلهم بقو مسافرين والله لو شفت وزارة الخارجية والله تحلف تقول تاني مافي شاب فضل والعجب المغتربين كمان
انا :لا حول ولا قوة الا بالله !!! يعملوا شنو ياخ ما خلاص اتقفلت في وشيهم كل السبل
هو :المشكلة انت ما عارف انو عملوا حاجة جديدة ؟؟؟
انا :اها عملوا شنو جديد؟؟؟؟
هو :عملوا اجراء اسمو عدم ممانعة السفر !!!
انا :كيف كيف كيف ؟؟ عدم شنو؟؟؟
هو :عدم ممانعة السفر
انا :اها دا يعني شنو وياتو جهة بتعملو؟؟؟؟
هو :والله الجهة انا ما عارفا لكن بدوك ورقة باعتبارا من حكومة السودان بانها ما عندها مانع انك تفرتق من البلد دي
انا :هههههههههههه واوع يكون فيهو رسوم كمان؟؟؟؟
هو :والله انت متفاءل كيف يعني اجراء زي دا الحكومة ما حا تعمل فيهو رسوم؟؟
انا :اها رسومو كم؟؟؟
هو :رسومو 400 جنيه ( اربعمية الف جنيه بالقديم)
انا :لا حول ولا قوة الا بالله ياخ الناس ديل ما بخجلوا اربعمية الف لي شنو اصلو؟؟؟
هو :ايي والله يسووا شنو اي زول عايز يسافر مضطر يدفعا.. يا زول ما نكتر عليك يللا الله معاك
انا :اوكي يا حبيبنا الله معاك.
هل تصدقوا يا جماعة
اجراء جديد يبقى من اغلى واهم الاجراءات
اذا ما عملتو ما حا تسافر
واذا عملتو تكاليف سفرك دقت السما
الحكومة دي اي شي بتحاول تطلع منو قروش
حتى محاولة هجرة شبابا الما قدرت استثمرت طاقاتهم لبناء الوطن والاستفادة منهم
هي الان تضيف عليهم عبءاً جديد وايصال مطبوع في اي مطبعة جديد برسم اربعمية جنيه جديد
والله حراااام
|
Post: #9
Title: Re: اجراء حكومي جدييييييد لنج مباااالغة (عدم ممانعة السفر )!!!!!!
Author: مصعب عوض الكريم علي
Date: 02-24-2013, 09:45 AM
Parent: #7
يا جماعة سمعتوا بي حاجة اسمها تدني وظيفي ؟
|
Post: #14
Title: Re: اجراء حكومي جدييييييد لنج مباااالغة (عدم ممانعة السفر )!!!!!!
Author: محمد بابكر محمد
Date: 02-24-2013, 10:24 AM
Parent: #9
| Quote: رسومو 400 جنيه ( اربعمية الف جنيه بالقديم) |
سبحان الله
كل يوم نشوف فن جديد
الله يكون فى العون
|
Post: #17
Title: Re: اجراء حكومي جدييييييد لنج مباااالغة (عدم ممانعة السفر )!!!!!!
Author: مصعب عوض الكريم علي
Date: 02-24-2013, 10:33 AM
Parent: #14
التدني الوظيفي يعني : مهنتك في الجواز (محاسب) ( محامي) (مهندس) .. وجاتك تاشيرة بمهنة (عامل تربية مواشي ) ، ( عامل معماري) وغيرها .
ده اسمو : تدني وظيفي .. لازم تراجع مدير الجوازات وتشرح ليهو الحاصل عشان يوافق تتدنى وظيفياً !
|
Post: #20
Title: Re: اجراء حكومي جدييييييد لنج مباااالغة (عدم ممانعة السفر )!!!!!!
Author: محمد بابكر محمد
Date: 02-24-2013, 10:43 AM
Parent: #17
| Quote: لازم تراجع مدير الجوازات وتشرح ليهو الحاصل عشان يوافق تتدنى وظيفياً ! |
وإحتمال دى تتعمل بالقروش
يعنى عشان تدنى وظيفياً لازم تدفع قروش
كلام عجيب والله
سلامات يا مصعب
|
Post: #21
Title: Re: اجراء حكومي جدييييييد لنج مباااالغة (عدم ممانعة السفر )!!!!!!
Author: Haytham Ghaly
Date: 02-24-2013, 11:02 AM
Parent: #17
Quote: ده اسمو : تدني وظيفي .. لازم تراجع مدير الجوازات وتشرح ليهو الحاصل عشان يوافق تتدنى وظيفياً !
|
ههههههههههههههههههههههههههههههههههههههههه
والله كتلتوني بالضحك
فعلاً شر البلية ما يضحك
يعني تاني اي مغترب في السعودية ممكن نناديهو ايها المتدني وظيفياً
طبعاً الا من رحم ربي
|
Post: #23
Title: Re: اجراء حكومي جدييييييد لنج مباااالغة (عدم ممانعة السفر )!!!!!!
Author: مصعب عوض الكريم علي
Date: 02-24-2013, 11:11 AM
| Quote: والله كتلتوني بالضحك |
لسه بجيك راجع
|
Post: #24
Title: Re: اجراء حكومي جدييييييد لنج مباااالغة (عدم ممانعة السفر )!!!!!!
Author: محمد درار
Date: 02-24-2013, 11:13 AM
Parent: #9
إن شاء الله ما تنفعهم
|
Post: #22
Title: Re: اجراء حكومي جدييييييد لنج مباااالغة (عدم ممانعة السفر )!!!!!!
Author: طاهر قرشي
Date: 02-24-2013, 11:10 AM
Parent: #7
Quote: انا :اها رسومو كم؟؟؟
هو :رسومو 400 جنيه ( اربعمية الف جنيه بالقديم)
|
إنا لله !!
هو القلع دا إلا تبقى رباطي؟!
|
Post: #25
Title: Re: اجراء حكومي جدييييييد لنج مباااالغة (عدم ممانعة السفر )!!!!!!
Author: Haytham Ghaly
Date: 02-24-2013, 11:42 AM
Parent: #22
Quote: دا اروع قرار و اجراء حكومى تقوم به عكومة الانقاذ طوال عمرها المديد, القرار دا بفيد الازواج المنفصلين اغلب الطلاقات بسبب من ان الزوجة تريد البقاء فى الغرب و الرجل يرفض الامر بحجة تربية الابناء فى الوطن اها غالبية الامهات يفضلن العيش مع ابنائهن فى الخارج فلكى لا تحصل المشاكل و يتم حرمان الزوج من اولاده بسفرهم لا يسمح لهم بالمغادرة الا بموافقة الاب بالطبع لا ينطبق القرار على السودايون حاملى الجنسيات الاخرى ان دخلوا البلاد بجوازات اجنبية
|
المداخلة المقتبسة دي من الفيس بوك باسم عبدالعزيز الميكي او المكي والميكي دي لان الاسبلن بتاع الاسم المكتوب بيدي النطق دا
المهم يا عبدالعزيز بي ياتو طريق دا اروع قرار؟؟؟؟
ودخل الغرب شنو هنا؟؟؟؟
بالنسبة للناس المتزوجين اجراء موافقة الوالد دا اجراء قدييييييييم من زماااااان
يا جماعة انتو بقيتو ما بتعرفو صليحكم من عدوكم
والله الاجراء دا فيهو حقارة مبالغ فيها من الحكومة تجاه الشعب
|
Post: #26
Title: Re: اجراء حكومي جدييييييد لنج مباااالغة (عدم ممانعة السفر )!!!!!!
Author: عبدالكريم أحمد الامين
Date: 02-24-2013, 12:20 PM
Parent: #25
** هيثم غالى..
## سلام ومساءك خير..
## غايتو القرار فيهو حاجه ناقصه :- هل الورقه بتاعت عدم المُمانعه بتحتاج لملف بخمسه الآف ؟؟ وهل بها دمغة سماح بالمغادره بعشره الآف + صوره من الجواز + صورتين شخصيتين ؟؟
## تنبيه:- لايسمح بإحضار الملف وصورة الجواز والصورتين الشخصيتين والدمغه "سعرها الرسمى 5الف" ,, إلا من محل الحاج المجاهد الوطنى اللواء طبيب تاجر عبدالله حسن أحمد البشير وأخوانه ,, او التاجر الغيور الوطنى الوزير المُتعافى ,, أو من محلات اللمبى وزير اللأدفاع ..
## غايتو بتكون دى إجراءات إتعملت لإستفادة جماعه مُعينه .... ياالفاتح جبره ورطتنا تشيل وتدى الناس دى فى الأفكار الجهنميه دى ياصديقى ,, غايتو الضريبه الجايه بتكون رسوم لدخول منزلك وحيركبوا ليها عداد من الصين ...
(ودام الود بين الجميع)
|
Post: #27
Title: Re: اجراء حكومي جدييييييد لنج مباااالغة (عدم ممانعة السفر )!!!!!!
Author: Haytham Ghaly
Date: 02-24-2013, 12:36 PM
Parent: #26
Quote:
** هيثم غالى..
## سلام ومساءك خير..
## غايتو القرار فيهو حاجه ناقصه :- هل الورقه بتاعت عدم المُمانعه بتحتاج لملف بخمسه الآف ؟؟ وهل بها دمغة سماح بالمغادره بعشره الآف + صوره من الجواز + صورتين شخصيتين ؟؟
## تنبيه:- لايسمح بإحضار الملف وصورة الجواز والصورتين الشخصيتين والدمغه "سعرها الرسمى 5الف" ,, إلا من محل الحاج المجاهد الوطنى اللواء طبيب تاجر عبدالله حسن أحمد البشير وأخوانه ,, او التاجر الغيور الوطنى الوزير المُتعافى ,, أو من محلات اللمبى وزير اللأدفاع ..
## غايتو بتكون دى إجراءات إتعملت لإستفادة جماعه مُعينه .... ياالفاتح جبره ورطتنا تشيل وتدى الناس دى فى الأفكار الجهنميه دى ياصديقى ,, غايتو الضريبه الجايه بتكون رسوم لدخول منزلك وحيركبوا ليها عداد من الصين ...
(ودام الود بين الجميع) |
مرحب حباب عبدالكريم
والله يا عبدالكريم كل الحاجات القلتها ممكن تكون داخل القرار العجيب دا
اذا كان عشان تأشيرة الخروج في المغتربين ببيعوا ليك ملف اصفر كدا بي 15 جنيه يعني الملف دا لو نطط تكلفة طباعتو وورقو واي شي ما بتفوت ليها جنيه واحد يعني الاربعتاشر جنيه التانيات ديل ربح
وللاسف حكومتنا بتنظر للموضوع دا كدا من جانب الاستثمار وعاملين فيها انهم ناجحين في مجال الاستثمار كمان
واسع الايام دي كمان الطفل المعجزة طالع في الكفر في وزارة الاستثمار
حاجة تحير
مهزلة هانة
|
Post: #28
Title: Re: اجراء حكومي جدييييييد لنج مباااالغة (عدم ممانعة السفر )!!!!!!
Author: د.نجاة محمود
Date: 02-24-2013, 01:21 PM
Parent: #27
سلامات
قبل كم سنة سافرت انا وصديقتي من ماليزيا وهي بصحبتها اولادها
طلب مني زوجها ان اقوم بعمل اجراءات الخروج معي لانها عيش في الاقاليم
اها مشيت اعمل تاشيرة الخروج عملوا لي انا ورفضو لصديقتي قال الا زوجها يرسل عدم ممانعة اصطحاب الاطفال
ولاحظ انها جاية في اجازة وكدا من زوجها وقاطع ليهم تذكرة الرجعة المهم طلع لينا رسالة من السفارة هنا وديتهاليهم وقلت ليهم انتوا بتساعدوا الرجال يهربوا من اولادهم
الضابط ناداني جوة قالي يا بت العم نحنا بنحميكم من الرجال غير المسؤولين الواحدة تسوق اولادها ليه وتبقى مشردة وبعد داك الا ناس السفارة يحلو المشكلة ويرجعوها
قال في كيسات كثيرة جدا مثل هذه ولذلك عملوا الاجراء دا لحماية المرأة واولادها
والله اعلم
|
Post: #29
Title: Re: اجراء حكومي جدييييييد لنج مباااالغة (عدم ممانعة السفر )!!!!!!
Author: Haytham Ghaly
Date: 02-24-2013, 01:34 PM
Parent: #28
يا دكتورة نجاة سلامات
الاجراء الجديد دا يا دكتورة ما عندو علاقة لا بالزوجة ولا بالاولاد
دا عندو علاقة بس بي عرقلة اجراءات السفر للشباب لانو الناس كلها بقت مارقة من البلد
وغير كدا في واحد من جهابزة الكيزان ومتخصص تأليف رسوم الف ليهم الرسوم الجديدة والاجراء الجديد دا
والله العظيم يا دكتورة من جات حكومة الانقاذ الوطني دي ما حصل طلعوا قرار كان القصد منو فايدة للمواطن
واتحدى اي زول يقدر يجيب لي قرار طلعتو الحكومة دي في مصلحة المواطن
|
Post: #30
Title: Re: اجراء حكومي جدييييييد لنج مباااالغة (عدم ممانعة السفر )!!!!!!
Author: أيمن دياب
Date: 02-24-2013, 02:56 PM
Parent: #29
Quote: ولاً انا ما اسمي جلي ..
اسمي هيثم غالي ... غاااالي يا دياب ياخي
اي شي في البلد دي بقى غالي مالك داير تحرمي الغلاة انا بس يا ايمن
|
معليش يا غالي ما شفت (الاتش)..
طبعا الرسوم دي لازم تمر على حاجة اسمها المجلس التشريعي..
لكن ناس المجلس التشريعي كلهم (ناس بصمة) وما حصل عارضوا قرار عشان مصلحة المواطن..
وبالجد الحكومة في زنقة وورطة.. وخزائنها خاوية على عروشها..
|
Post: #31
Title: Re: اجراء حكومي جدييييييد لنج مباااالغة (عدم ممانعة السفر )!!!!!!
Author: مرتضي عبد الجليل
Date: 02-24-2013, 03:11 PM
Parent: #30
هيثم يا غالي سلام,
انا غادرت السودان من 12 سنة ولما جيت مارق قالو لي لازم خطاب عدم ممانعة من الجهة الانا كت شغال فيها؟علما باني قدمت إستقالتي وخطاب قبولها ,وارفقتها مع الجواز للإجراء ت. رجعوا ورقي وقالو لي لازم تجيب لينا خطاب عدم ممانعة لسفرك من الجهة المختصة؟الكلام دا ليهو إطناشر سنة!! هل من جديد في الموضوع؟؟
عموما الواحد فقد القدرة علي الإندهاش مع عمايل السلطة الشغالة بيع وشراء في ابسط حقوق الشعب!
وتسلم يا غالي.
|
Post: #32
Title: Re: اجراء حكومي جدييييييد لنج مباااالغة (عدم ممانعة السفر )!!!!!!
Author: Haytham Ghaly
Date: 02-25-2013, 08:12 AM
Parent: #31
الاخ مرتضى عبدالجليل سلامات ياخ وعساك بخير
الاجراء الزمان دا يا مرتضى كان للموظفين عموماً يعني يا تبرز شهادة اجازة يا عدم ممانعة سفر من جهة العمل الخاصة بك
اما الجديد دا فهو لكل الناس اي زول مسافر الى الخارج بغرض العمل مطلوب منو يعمل عدم الممانعة الجديد دا ودا كلو عشان
الاربعمية الف دي .
الله يصبرنا ويصبر الشعب السوداني
|
|