Post: #1
Title: مجموعة عقد الجلاد بحديقة عبود ببحري دعماً لمشاريع الراحل حميد28 فبراير
Author: Mohamed Abdelgaleel
Date: 02-24-2013, 08:27 AM
يسر مجموعة عقد الجلادأن تدعوكم لحضور حفلها المقام
المكان: حديقة عبود بالخرطوم بحري
الزمان: 28 فبراير 2013م
وذلك في إطار دعم مجموعة عقد الجلاد لمشاريع الراحل
المقيم الشاعر/ محمد الحسن حسن سالم حميد
|
Post: #2
Title: Re: مجموعة عقد الجلاد بحديقة عبود ببحري دعماً لمشاريع الراحل حميد28 فب
Author: Mohamed Abdelgaleel
Date: 02-24-2013, 09:44 AM
Parent: #1
شكرا مجموعة عقد الجلاد وأنتم تثبتون دائما
أن الفن لا يمكن إلا أن يكون ملتزماً بقضايـا
الوطن
|
Post: #3
Title: Re: مجموعة عقد الجلاد بحديقة عبود ببحري دعماً لمشاريع الراحل حميد28 فب
Author: Mohamed Abdelgaleel
Date: 02-25-2013, 01:06 PM
Parent: #2
أنا ماشي
من قرف المدن
أنا ماشي
يا هادي الحزن
من لا نِي منك
لا نفد
من لا نِي واقف
لا قعد
ماشيبي بالفي
للأبد
زي غصن وردِ
جريح
وحيد
وين ما يلاقي الطين
قبض
أو فرع حنّة
طفشبو ريح
وبعيد بعيد
والشوق نبض
في أحلى إيد
بت ناس قبض
أنا ماشي
لا خوف
لا جُبُن
لكني راجع
في زمان
لا آهة فيهو
ولا غبن
حميد
|
Post: #4
Title: Re: مجموعة عقد الجلاد بحديقة عبود ببحري دعماً لمشاريع الراحل حميد28 فب
Author: Mohamed Abdelgaleel
Date: 02-26-2013, 09:40 AM
Parent: #2
كان ضحوية ... وكنّا نسنّد في المحروت
فجأة يدوي مكبر صوت
قال الريس مار بي فوقنا
من شغلتنا قلعنا عروقنا
إن شغلتنا بلا ماروقنا
فكّينالو حبل واسوقنا
وإنماسكنا يطمّن روقنا
قمنا جميع الحلة مرقنا .. البيشوفنا يقول وا شوقنا
كان ضحوية .. وكانت عين شمش الله قوية
وكان الريس في عربية .. واقف طولو تحت شمشية
هللنالو وهلجنالو .. ولوحنالن بالطورية
فرّ عبايتو وهزّ عصايتو .. وهزّو بنادقن الضابطية
صفقنالن صفقة قوية
زغردنالن .. وهّدن عندنا خمسة دقائق
قدمنالو كتاب الله درقة وسيف .. تبروقة هدية
قفة تمودة .. وفاس دهبية
وكنا قبل بيّتنا النية
وبين بنتين علّينا اليافطة .. اليافطة ام زيق الدمورية
وانعبينا هتافاً واحد :
( الجابرية تحي الثورة ..
دايرين بوسطة ومدرسة وسطى
والشفخانة وسوق منضبطة )
روح باسم .. قام خاطبنا بنهج الثورة الصارم وحازم
أمّن لازم من شفخانة والتعمير بالعون الذاتي
أمّن لازم من شفخانة ومدرسة وسطى
والتعمير بالعون الذاتي .. إلا البوسطة دي ينظر فيها
اما السوق .. السوق منضبطة
وبالتأكيد .. للتجار الأسعار واضحة
للمستهلك باينة وواضحة .. وإن جاملتوهن تبقى الغلطة
إنكيفنا .. رفعنا إيدينا وهزيناهن بالتأييد :
( لا تفريط في قوت الشعب ..
سحقاً سحقاً للرجعية
الجابرية ضراع الثورة ..
بالإنتاج حا نبني بلدنا )
وكانوا في جيهة ونحنا في جيهة
هُن إنهببو بالكابات .. وما همانا الصيف وعرقنا
فات الريس وانفرتقنا
انفرقنا على الجابرية .. كلنا ننضم وما صدقنا
------------------------------------
------------------------------------
------------------------------------
محمد الحسن سالم حميد
|
Post: #5
Title: Re: مجموعة عقد الجلاد بحديقة عبود ببحري دعماً لمشاريع الراحل حميد28 فب
Author: Mohamed Abdelgaleel
Date: 02-26-2013, 12:43 PM
Parent: #4
نسمة
يا رب الخليقة
سكِّت الأطفال
دقيقة
ونبكي
خُشّع ..
حول في حول ...
ظاهر الحال
ماهو مخفي ...
وفالنا فيك
ما فيهو قول
يا المبرِّد
والمدفِّي ..
نسمة
يا رب الفصولْ
نسمة
كل راس ساعة
تكفي ...
نسمة واحدة
لألفِ زولْ
محمد الحسن سالم حميد
|
Post: #6
Title: Re: مجموعة عقد الجلاد بحديقة عبود ببحري دعماً لمشاريع الراحل حميد28 فب
Author: Elmosley
Date: 02-26-2013, 12:46 PM
Parent: #2
نل التوفيق للعقد الفريد
في مشروعهم المجيد
|
Post: #7
Title: Re: مجموعة عقد الجلاد بحديقة عبود ببحري دعماً لمشاريع الراحل حميد28 فب
Author: Mohamed Abdelgaleel
Date: 02-27-2013, 08:23 AM
Parent: #6
الأستاذ الفنان الموصلى .. تحياتي
ظلت مجموعة عقد الجلاد تراهن
(بأغاني البكرة الماها تمني ولا
ممنوعة)
----------
مدِّيت يميني
أساعِدَه
ردَّت يسارَه
تباعِدَه ؟!
وقالت لِي
أبوي ..!
وفِّر ضُراعك
للبلد ؟
وأدخُر مُرُوَّتَك
آولد
لي يوم بحين !
أحفض كرامتك
تحفضك ؟
الموت !
ولا العيش المهين ؟
الموت
نَفاد الما نَفَد
الموت
حياة الميِّتين
أَخَتاها جنِّة
معَ الفِقَر
وأدخُل
جحيم المتعَبين
وإن ما قِدرْتَ
علي دا
أبوي !
رب لك دقين ؟!
|
Post: #8
Title: Re: مجموعة عقد الجلاد بحديقة عبود ببحري دعماً لمشاريع الراحل حميد28 فب
Author: عبدالمنعم العوض
Date: 02-27-2013, 11:42 AM
Parent: #7
وناس بي هني وناس بي هناك
بيناتنا هبار الشراك
كدبنا في الكرو في رجاك
عاد ماشي مننا وين رجاك
خليت وليداتك براك
كيف بي قفاك؟!
يااخوي وليداتك كتار
وحملك تقيل
جيش من بطان
وحروم كتار
لابسات طرق وناس من زمان
ناس حمتو عيوشة ست الدار
وعم عبدالرحيم
والسرة بت عوض الكريم
كترة رجال وكترة حريم
حملك تقيل وعلينا دين
وكل البلد عليها دين
الشورة كيفن شن نسوي مع الولد
الكت شايلو حمل بلد
وتمر الهبوب بقضى الغرد؟؟!
كرموش وصيص
خاتين بصيص
عفنون مرض
وفي بعضهم راقدين قرض
يا زينا انت رجعت وين؟
عتر لك الحجرآآآآآالبخيت
وانت التعتر لي مصايبنا
المحتربي فوقنا زي حيبي العوارض
يا الديمي ماك ساكت تعارض
و الخوازيق ليها رافض
عرضحالك للوطن
يا الماك مدغمس
وماك مدهنس
وماك مدلس
وماك مملس
خطو واضح ..وفكو عارض
لفيت بي وين... واللا وين؟
ياالجيتنا في نفس الزمان
وادركت لي وتر المكان
وشفعك رهين
|
Post: #9
Title: Re: مجموعة عقد الجلاد بحديقة عبود ببحري دعماً لمشاريع الراحل حميد28 فب
Author: هشام الطيب
Date: 02-27-2013, 02:55 PM
Parent: #8
لي قدام ..
|
Post: #10
Title: Re: مجموعة عقد الجلاد بحديقة عبود ببحري دعماً لمشاريع الراحل حميد28 فب
Author: عبدالمنعم العوض
Date: 02-28-2013, 11:05 AM
Parent: #9
السكن الخاص بحميد والذي لم يكتمل وفكرة ان يحول الان الي مركز ثقافي يحتوي على تراثه الخالد.
|
Post: #11
Title: Re: مجموعة عقد الجلاد بحديقة عبود ببحري دعماً لمشاريع الراحل حميد28 فب
Author: عبدالمنعم العوض
Date: 02-28-2013, 11:07 AM
Parent: #10
هكذا ترك الراحل حميد رحمه الله مركز اشراقة لرعاية الامومومة والطفولة والذي كان يحلم باكتماله .
|
Post: #12
Title: Re: مجموعة عقد الجلاد بحديقة عبود ببحري دعماً لمشاريع الراحل حميد28 فب
Author: saidahmed shami
Date: 02-28-2013, 11:11 AM
Parent: #11
أشايِل بي فَرَح عَينيك تَرَح دُنياي
عَساي أقدَر واكُون خآيِل مَع السِكه العَليها خُطاي
وأمِش صابِر كمان خابِر شِنو الجَرِح النَتَح جُواي
شُنو الحارِيهو لوباكِر طَلَع بالصُحصُحُن ضَواي
وأجيك في مُقتَبَل عِشقي وأوَج الشوق
وأصابِر في تُراب راجِي السِحابي الفوق
أصنقِع للتِرَيّه يرقرِقِن عَينيّ انا المَحرُوق
أنده يامَطَر حِس الشُدَر مَخَنوق
والطين إنهَجر قُمرينا حِرم القوق
لاتَسقِي البَحر تَدشُر رِعود وبِروق
لاترمي العُشَر ورِمت الخَلا المَعَيوق
لو قوات بَشَر لابشتَهِنو النوق
ترِّع في مَتَر كاشحِلها المارُوق
وفِسراع يامَطَر صَبر الرُخُس مَمحُوق
من قَبل الفِغَر ومايَحَوِطَك مَخلُوق
أنزِل ياقَدر يارحمة الله الفوق
بَدُور ياقوس قُزح من لونا طير جَني
يزور شَبال كَشَح وَدعاتو رَجَني
جارات بالطِرَح جارات صَبق جَني
يسالمِن في مَرَح يَحكِن معاي عَني
إيدين للبَلح وايدين بيسقني
يدني الفَرَح بَعدين يَنَقِني
باب الحِن فَتَح ماسده ريح مني
وادخل من فرحتي تقول طفل مشيول يهِز بسام
فَرِع ليمون مع النَسام
اقَلِب فوق ضُهور الشوق واغني سلام
سلام يااهلي البِتَرموا السام يقوم نَفاج وصال ووِأم
سلام ياهلي البتنحَر نوق إذا مازارا ضيف في منام
سلام ياعِزه ياتاريخ وياروعة غلابه قُدام
سلام يالبَركل المسكون وحارساتنو كم درغام
سلامات يالكُرو وياخيول بعانخي الحُرّه دون لَجام
سلام يانوري والطربول ويامَروي القديمي سلام
ويارضِ قُريره وَرّت خيره بَرَّت طَيره بالأنغام
ويام الشمشِ وين ماتمشِ ليك الغيمه ترعي غرام
ونِتحرَكا تَمرُق فينا تَمرُق فينا من لاوونا من قُرقابنا من شمارنا من إحرام
من ليمونه في الاماتونج لازيتونا في أرض الشام
هَباد القَمِيري سلام سلام بالصِح سلام الله وهيط والخطوه لي قِدام
بلد زي نيلا بالا طوييل بلد حانان بلد راحام
وكَدِي فوق الرَضِي السالام
وزولا يا زولا مافي كلام
امان مو عديل امان مُو اصيل اماني واماني ماهو تمام
وامان مو غتيت ومو النَجام
إذا ضاقت خِليقتو وقام
وشعبِ متل دا لابنغَش ولابِيَهَقلو الحُكام
|
Post: #16
Title: Re: مجموعة عقد الجلاد بحديقة عبود ببحري دعماً لمشاريع الراحل حميد28 فب
Author: Osman Musa
Date: 03-03-2013, 02:33 PM
Parent: #10
عزيزنا محمد عبدالجليل
الشكر الجزيل لمجموعة عقد الجلاد علي ما قامت به .
والله يا أخ محمد الشاعر الكبير حميد مفروض تقوملو البلد كلها من حدها لي حدها بس تقول
شنو في دي دولة .
تخيل يا محمد دي صورة بيت أكبر شاعر في البلد . مات في الشارع ساكت وفي عربية زول بعد نزولو
من بص .
غايتو يا محمد عبدالجليل لو عايز تقوم بي أي شيء لعزيزنا حميد والله أنا معاك وأنا عارفك يا صديق
وده في رقبتك ..
لك التحية
|
Post: #13
Title: Re: مجموعة عقد الجلاد بحديقة عبود ببحري دعماً لمشاريع الراحل حميد28 فب
Author: Mohamed Abdelgaleel
Date: 02-28-2013, 11:16 AM
Parent: #9
عبدالمنعم العوض وهشام الطيب .. الضاربين لواءكم
عند معاني حميد وأشعاره ورهاناته و:
ما دام المطر بيصب أكيد إنو البحر ما راق
وما دام العكار من طين كمان من طين يجي الرواق
.. ازف موعد عقد الجلاد
يسر مجموعة عقد الجلادأن تدعوكم لحضور حفلها المقام
المكان: حديقة عبود بالخرطوم بحري
الزمان: 28 فبراير 2013م
وذلك في إطار دعم مجموعة عقد الجلاد لمشاريع الراحل
المقيم الشاعر/ محمد الحسن حسن سالم حميد
|
Post: #14
Title: Re: مجموعة عقد الجلاد بحديقة عبود ببحري دعماً لمشاريع الراحل حميد28 فب
Author: Mohamed Abdelgaleel
Date: 03-02-2013, 10:14 AM
Parent: #13
شكراً يا سيد أحمد شكرا يا عبدالمنعم .. أمانة يا حميد ما ختيت ليك جنس نضم
ومضيت إلى ربك راضيا مرضيا إن شاء الله .. الوطن ما زال يوح وحيحاً
يهري الكُباد .. ولكن هنالك من يقرأون ويؤملون و(لا يخون بصائرهم الإنتباه)
لو كان فيكم من حضر الأمسية من أعضاء المنبر نرجو ألا يبخل علينا
بمختصر مفيد عما حدث في أمسية عقد الجلا
|
Post: #15
Title: Re: مجموعة عقد الجلاد بحديقة عبود ببحري دعماً لمشاريع الراحل حميد28 فب
Author: Mohamed Abdelgaleel
Date: 03-03-2013, 11:55 AM
Parent: #14
والبتشوفو
من أطلال ..
دي كانت
ذات وطن
حَلاّلْ
بيوت ناساً
كُرام وعُزاز ..
سَوا سَوا
في رخا
واملاق
منطقوا
لوعة الإخفاق ..
ـ قدر ما ظنّو
في الجايين ـ
تمطّقو
روعة الإنجازْ
( حويش × حويش ..
سكنّا الدّيشْ ..
أوضنا
بقت نقاط تفتيشْ)
محمد الحسن سالم حميد
|
Post: #17
Title: Re: مجموعة عقد الجلاد بحديقة عبود ببحري دعماً لمشاريع الراحل حميد28 فب
Author: عبدالرحمن أحمد السعادة
Date: 03-03-2013, 02:41 PM
Parent: #15
تحية لك أخي محمد عبد الجليل
وأنت تنداح في رقة القوافي مع القوافي
|
Post: #18
Title: Re: مجموعة عقد الجلاد بحديقة عبود ببحري دعماً لمشاريع الراحل حميد28 فب
Author: Mohamed Abdelgaleel
Date: 03-05-2013, 08:43 AM
Parent: #17
لك الشكر والتحية أخي عبدالرحمن السعادة .. تلقيت قبل قليل نبأ
أن حفل مجموعة عقد الجلاد بحديقة عبود ببحري دعماً لمشاريع
حميد قد كان قمة في الروعة وأكتظت الحديقة بالحضور ..
كما تلقيت وعداً بأن أتلقى بعض (تفاصيل ماحدث) في تلك ألأمسية
الله ..
يا ربَّ
العالمين
الما جحدنا نِعِمْتُو
في الشُوف والسمع
راحة الولادي
ولا قلوبنا عِمَن
ولا غيَّرنا دين !
في الجابُو
ما قصَّر حَمُد
في الشالُو
ما قلنَّا لُو
وين
ماشيبو ؟
وين ؟!
...
...
عدَلت نعال
مقلوبة
في الجيهِة اليمين
حدَرت يسار
زمناً مو دا
الحيكومة
كانت بت حلال
بي حالَه
بي حرب الجنوب
بي قِلَّة المال
في الجيوب
كانت رخيِّة العيشِة
إلاَّ تَرَا العوِين
الكِبْرُوا
كِبْرُوا مليَّسِين !؟
عِلِمُن يطير !؟
إن كان هُو
ما صلَّح عوج
ما فادنا شي
ومحَق القبيل
لمِّينا
هِينْ × هِين × هِين
محمد الحسن سالم حميد
|
Post: #19
Title: Re: مجموعة عقد الجلاد بحديقة عبود ببحري دعماً لمشاريع الراحل حميد28 فب
Author: Mohamed Abdelgaleel
Date: 03-06-2013, 10:45 AM
Parent: #18
...
...ْ
ويا محبوبة
في وضع
خريف ..
شالع دجلو ..
وكضباً راعدْ
بيت راكوبة ..
وحوشو
صريف ..
سَوّسْ مِرْقو ..
وسقفو يناهدْ
أحسن
تحت المطرة
نقيف ..
بي كفيك ..
كفّي ..
والسّاعدْ
وراسنا ...
نضاري
الطفل الواعدْ
لامن
يبقى سمانا
نضيف ..
من تخويف ..
تسويف ..
من زيف
ونلقى الوطن
الحِنْ ..
مو الطاردْ
واللا الموت
الدغري
الواحدْ
محمد الحسن سالم حميد
|
|