ونسة سكران عامل فيها بتاع جكس #

بحبك ما بداريها وحركات المثقفاتية اللي ما عندم غير الخيال والجرسة بالله أسكت أسمعني للنهاية تمام
وأنا قمت بكل طيب خاطر قلت خلاص أسكت
أها شوفوا +++=

أمكن لأنها غامضة عشان كدا نحن بنحبها (أجملُ ما في حبٍّ عنيف، أن يمارس وجوده برقّةٍ متناهية)قول للشاعر أنسي الحاج
صحي نحن عيانين لانو بنحب البت الغامضة والغريبة الاطوار والصامتة ومجانين عايزين نتعرف عليها وكمان نتعامل معها ليه التعامل معها هي بالتحديد ماغيرا بأ ي طريقة في أي شيء أو أية مشكلة حتى لو ما كانت زميله أو محبوبه قول جكس عديل كدا شنو يعني لأنو النوع دا من النسوان نادر يا شاب وممكن تكون بتخبئ وراها حاجات عجيبة زي يا زول بتكون ملكة من ملكات الليل ما تشعر بيهو أحساس فريد بالانوثة ما قصة دهب ومكياب وتياب أخر صيحة وحنة لحدي الركبة وظهور عجيب في حفلات الاعراس بهدوم من القرن السابع عشر الميلادي يا خي دي أنا بعرفا ليك من وسط مليون وما بتدلي بأية أقوال عن بيتها أو زوجها أو عن الآخرين مما عرف باسم "شمارات النسوان اليومية" من نقل أخبار الجيران والأقارب وكل تفاصيل الأحداث من ساعة خروج الزوج وحتى عودته، الزي دي بتكون شغالة في نفسا هاك يا حنه ودخان ودلكة بتكون يا ود تحفة كوم من نسوان ما مرة واحدة كل يوم بطعم جديد ودا اللي بخليك تتعلق بيها أكتر و الغموض دا بيجعلك في حالة من حالات الانجذاب ودايما قاعد في البيت لأنك كل يوم عندك مفاجاة ودا في حالة وجود حاجة جواك ليها أسمع مني أنا بتاع جكس قديم وما أزال ممارس للهوية
وطبعا أنت وهم جدا وما عارف أنو نحن بنحب الصمت ليه وأحسن ما تكون زوجتك فصيحة والعكس صحيح، ووأنت لو بتقرأ ح تعرف والشيء دا أكدتو أحدث دراسة اجتماعية ديل قالوا في أبحاث المرأة أن المرأة التي تعتمد الصمت الفعال، أي التي تكتفي بالتعبير عن الغضب والاستياء بنظرات حادة وثاقبة عندها يترجم الآخرون هذا الصمت على أنه ثقة في النفس وقوة غامضة، ولا يدل عن ضعف وإنما تتملكهم الحيرة من ردة الفعل المنتظرة، وينطبق هذا الوضع على الزوج أيضا، عندها تدرك أن للصمت قوة خارقة توقف الآخرين عند حدهم حدهم قالوا حد شنو يا فردة كلمة رقيقة وحضن خلاص المعركة أنتهت والقضية ماتت أنت ما عندك تجربة بي خليني أثقفك !!!؟
وقلة الكلام مرتبطة دائما بالحذر دا سبب نجاح أختيار المرة السكوته ودي يا خوي وسيلة قوية ممكن تكون سبب في نجاحك لتطويع بنات حوا أسمع أنا عندي أتنين علي سنة الله ورسولو في أثيوبيا حكايات تعرف أنت ح تموت لو سافرت معي لان نوعك عنصر رخو ما زينا والله أنت مشكلة الدورس دي في بلدن غير السودان بقروش والناس فاتحين مكاتب مستشار أسرة ومتخصص في العلاقات الزوجية وناس بمنحوارخصة لقيادة الحياة الزوجية عرفت يا دقوس ياوهم
وهاك دي المرة اللي بتطبق أسلوب الصمت مع الحذر وعندما تغضب تثير اهتمام من حولها حيث تركز أكثرالتأثير العاطفي لمحور النقاش مما يثير اهتمام الآخر بها لأنها في حالتها دي أضاعت عليك فرصة أنك ترصد الأخطاء التي كان من المؤكد أنو ح تقع فيها لو بدأت الحوار بالطريقةالأنفعالية وبثرثرة ودي طريقة شائعة عند السودانيات خليك فاهم اللعب !!! عشان ما تحرجنا بعدين فهمتا
وكمان هي لما تسكت ح يضعك بموقف دفاع وأنت تقوم تبرر بالأعذار زي بوح السكران بالأسرار ما كان ليقولها لها لولا غموضها وفي الحالة دي ح تخلق يا ود روح زوجية جديدة كان من المفروض أن تبدأ منذ زمن الزواج الأول لانو هي بس مشغولة بيك !؟؟؟
عرفت قيمة المرة الصامتة والغامضة أمشي جيب ليك نجاضه!؟ السكوت دا نعمة كبيرة دا فيهو وقار واحترام للمرة ، فالنساء عامة معروفات بحبهن للكلام و قعدات الونسه والكلام والقيل والقال ودا يما ضيع كتيرات وخل كل الدنيا تقول (الثرثارات وإن كن جديرات بحب الزوج فهن لسن بجديرات باحترامو)ياخي الرجة ما حبابا.
لكين المرة اللي بتسمع أكثر مما تتكلم ووتعرف قيمة الصمت والرد بكلمات محددة وبدون ما تطنش أو تشعرك بأنو كلامك أي كلام أو تتعالي عليك هي ياها أبقي عليها عشرة لانو ح تثير انتباهك وتجذبك بغموضوا وأنت بتحاول تتقرب ليها عشان غموض العسل حسي وسط العسل بتشوف حاجة
لا والله ما بشوف
عشان كدا أعرف قيمة الغامضة والسكوته
دي يا شاطر خلاصة تجربة في الخارج والداخل أستفيد أنت عشاءك شنو الليله ؟!!#

ابوالزهراء ياحبوب
بوست هادف وجميل زي دا
ليه عنوانو يكون كدا بدي
انطباع انو كتابتك جوه البوست
تترنح .
تعرف ياحبيب اي انسان في الدنيا
معرض للمعصية ودي سنه الحياة
لكن الجهر بالمعصية ماصاح
في حاجات خاصة بالانسان اخليها
مستورة وربنا يصلح حالنا جميعا
ويهدينا لما فيه الخير وهو القادر
علي كل شي .
وربنا يديك بنت حلال هدية
ورضية بقدر دواخلك النقية
تسلم

أبو الزهراء .. قواسيب من الود ..
انا ياخى بريدك جدا وصدقنى من زمن بكرى موقفنى بالشباك انا بقرأ ليك وكتاباتك
بتعجبنى .. انا جيت أسلم عليك يا اخسّاوى نساء وتبريد .. قسم الجكس .. وعندى مشاكل
انسانية ومجتمعية بحتاج لى خبرتك الكبيرة فى ترويض الجكس واستخراج الفحم الجيرى
من باطن الارض ...
الا صْح يا أبو الزهور انت عانس ؟ ولّه مستزوج

ابو الزفت

Quote: عرفت يا دقوس ياوهم

اديلو!!















----------

بس الدقوس الوهم دا ما يكون قارئك العزيز على ألبك ..
اللهو انا!؟


اما ما دار محور سؤالكم عنه (العشاء شنو؟):
قرض .. نحن الحموداب ابان عشاياً قرض
ما عاوز اقول ليك رد الكولونيل (اقرا العقيد .. وليس على العقيد حرج) في قصة الجنرال القصيرة لماركيز [ليس لدى الكولونيل من يكاتبه]

اهو انت احسن منو .. ولاقي ليك ناس تكاتبم
حبيبي اكتب لي .. وانا اكتب ليك
الحاصل بي .. والحاصل بيك
وهكذا ...