أقول يا أبو الشباب : البت سارة علي رسلت ليها طلب صداقة فشنو عملت أضان جلد .. كبرت مني اللفة .. عملت نايمة .. أو بصيغة أدق أبت عديل كدا .. وعاملة فيها صاحبتي و يا أستاذ ويا زول كويس ويا بطل ويا نجم ويا ويا ويا .. أتاريها قاعدة تكاوي بي جرجير الشهير بمحمد البشرى الخضر .. وأنا مصدق .. تماما كما يقول المثل القديم : البت تتقدم ليها فتقول ليك إتا كويس وأية حاجة لكن أنا عايزة أقرأ . المهم خلاصة القول وما يستفاد منو ... سارة علي رفضت تضيفني وأنا رفضت أضيف حافظ أنقابو .. انعل أبو البوك فيس وأية حاجة وهم . ......................
ملحوظة مهمة : غبت عن البورد تلات أربعة أيام لظرف طارىء ولا علاقة للأمر بالموضوع أعلاه .. كما إنني لن أواصل في البوست بتاع الزول القاعد جمبي رغم أنو والله كان كويس وفيهو نكت وطرائف عددا . لكن مزاج كدا ما ح اواصل فيهو .
Post: #2 Title: Re: رفضت تضيفني عندها .. شيل حال ذاتي Author: خالد عبدالوهاب Date: 02-23-2013, 12:50 PM Parent: #1
شفت زمااان يا طلحة انا مرة رسلت ريكويست لي واحدة ... وهي ابت تضيفني اها بعد زي تلاتة سنة كده جاني تنبيه بانو فلانة وافقت على طلب الصداقة قمت طوالي مشيت بروفايلها والغيت الصداقة !!
ههههه يا خالد عبد الوهاب تلات سنين شنو البنتظرا أنا كمان .. طوالي وبعد ساعة واحدة بس قلتا ليها في سري .. الله يسامحك .. إتا قالوا ليك أنا بلعب في الحاجات دي كمان .
يا حيدر أنا معذور بالنسبة لحافظ انقابو لأنو جاني في ظرف حرج جدا .. وبعدين بصراحة أنا الرجال الضايفن عندي في حكم العدم أو يكادوا لا يروا بالعين المجردة .. حسناوات بس يا صاحب .
ويا زين العابدين الصاري لي وبتكرهني في ذمتك ما تجيني تحت البوست دا .. الفيني مكفيني ياخ .. .................... صاحبي حيدر الزين إتا ما بتجيب إلا الأخبار الما كويسة ياخ ؟
يا حيدروف صاحبك العارف أية حاجة في أية حاجة دا لو جا ناطي هنا ح أمش طوالى اتعلق باستار الكعبة عشان ربنا يتوب على من غضبو ياخ ؟ لكن زين دا ما عارفو بكرهني كدا ليي ؟؟؟؟؟؟
يا زاتوووو ياخ يوم الليلة دور الكرشة .. أصبر أكتر من كدا لى متين؟؟
يا محمد عوض فتحي للبوست يسميه المثقفاتية اتساق ذات أو نحو ذلك .. وبعدين ياخ الأسافير دي ما مضمونة، يقوم المستغطي يبان ذات بوست فتكتر سكاكين الشمات .. وقديما قيل : السعي للموت ولا انتظاره.
يا قيقا الراوي خايف والله أصدقكم إتا وعمر الفاروق في حتة عايزين تبطلوه مع سارة دي أقوم أندم .. بالنسبة للاتهام في ( دينك ) فدا بيتوقف على دينك المقصود .. وفي كل الأحوال أنا شايف حقو تهب لنجدة دينك لأنو الدين أيا كان مو لعب ياخ .
Post: #76 Title: Re: رفضت تضيفني عندها .. شيل حال ذاتي Author: عمر علي حسن Date: 02-24-2013, 06:30 PM Parent: #30
Quote: عاقلة يا بت عمّي :)
يا ود البشري بركم بتجيبو الشبك لي رقبتكم .. حسع يجيب ليك زوله داك ويقول ليه نقبقبو تاني .. كدي اسال طلحة ده بالراحه .. قول ليه .. هي صفوه ؟
عمر علي حسن
Post: #31 Title: Re: رفضت تضيفني عندها .. شيل حال ذاتي Author: Ahmed musa Date: 02-23-2013, 07:22 PM Parent: #26
Quote: يا طلحة ياخى انا فى واحد كرهنى الفيس رسل لى ثلاثة مرات ورفضة اضيفوا شكلوا مصًر
زى دا اعمل معه ثنو؟
ياستّي حاضر .. قوت إت ..!
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ سارة علي دي منو يا اخوانا عشان نكون في الصورة ..
يا أحمد موسي أنا غايتو من قبل تلاتة أربعة أيام ما شايف ليها أية لطافة.. دي غتيتة أكتر من ياسر طيفور والزول القاعد جمبي دا .
Post: #41 Title: Re: رفضت تضيفني عندها .. شيل حال ذاتي Author: Ahmed musa Date: 02-23-2013, 07:53 PM Parent: #40
Quote: يا أحمد موسي أنا غايتو من قبل تلاتة أربعة أيام ما شايف ليها أية لطافة.. دي غتيتة أكتر من ياسر طيفور والزول القاعد جمبي دا .
والله يا طلحة برغم إنو الموقف موقف حق وصراحة ..لكن الخواف ربي صداقته اها فيما يخص غتاتة ياسر طيفور فدي انا معاك 100% ومعاه حميدة كمان تبع البيعة اها فيما يخص أختي سارة دي فأعفيني أخوي من كلمة حق ... لانو صداقتي ليها رهييييفة ... ممكن كلمة حق توديها التوج ...وآخد ون بلوك يعيدني للمشى العريض
Post: #42 Title: Re: رفضت تضيفني عندها .. شيل حال ذاتي Author: Ahmed musa Date: 02-23-2013, 07:54 PM Parent: #40
Quote: يا أحمد موسي أنا غايتو من قبل تلاتة أربعة أيام ما شايف ليها أية لطافة.. دي غتيتة أكتر من ياسر طيفور والزول القاعد جمبي دا .
والله يا طلحة برغم إنو الموقف موقف حق وصراحة ..لكن الخواف ربي صداقته اها فيما يخص غتاتة ياسر طيفور فدي انا معاك 100% ومعاه حميدة كمان تبع البيعة اها فيما يخص أختي سارة دي فأعفيني أخوي من كلمة حق ... لانو صداقتي ليها رهييييفة ... ممكن كلمة حق توديها التوج ...وآخد ون بلوك يعيدني للمشى العريض
Post: #43 Title: Re: رفضت تضيفني عندها .. شيل حال ذاتي Author: علي محمد الفكي Date: 02-23-2013, 07:56 PM Parent: #42
عارف يا طلحة السبب انك مريخابي وبي كدا ود البشرى بقت يدو ظاهرة زي الهلال يوم في الاسبوع الرابع للمتاز
Post: #44 Title: Re: رفضت تضيفني عندها .. شيل حال ذاتي Author: علي محمد الفكي Date: 02-23-2013, 08:03 PM
ههههههه البوست بقى 2 في 1 طلحة شال حالو بي نفسو واحمد موسى دردق نفسو لي شيل الحال لكن بصراحة 3 مرات كثيرة يا وضاحة غايتو الدين قال بعد الجرس الثالث طوالي توقف المحاولات يا احمد
ــــــــــــــــــــ انتو الوش الاخضر دا وين ما لقيتو
يا أحمد موسي أنظر لدخلتا الضاحكة الفوق دي وشوف ليك غتاتة ما شفتها قبل كدا.
يا علي الفكي جرجير الملقب بود البشرى اتضح أن ليهو يد ورجل ورأس في الموضوع .
Post: #46 Title: Re: رفضت تضيفني عندها .. شيل حال ذاتي Author: Ahmed musa Date: 02-23-2013, 08:26 PM Parent: #45
Quote: واحمد موسى دردق نفسو لي شيل الحال
والله الموضوع ما دردقة ياعلي ... الموضوع بس أنا إندهشت وماداير اتكلم عن الموضوع لان البوست ده لطيف بجد لمن أراد إدعاء مايريد من بطولات ...الحق في إدعاء مايُريد ... ولنا إحترام آراء بعضنا البعض وجه الدهشة شنو البطولة في إنو زميل يرسل ليك طلب صداقة وترفض انك تستجيب ليه .؟؟ هل هذا فعل يحتاج لكل هذه الإحتفالية ...؟!!! ....لا اظن ..... إلا إن كان ...!!!
يا أبو حميد ياخ اتا ما بتعرف الظروف والملابسات في عدم اضافتك شنو لكن قطعا ما أظنها سوء طوية أو نوايا خبيثة عشان كدا حاول إختلق أي عذر خصوصا عندما يتعلق الأمر بالبنات والنساء لأن وضعهن أكثر حساسية في الحاجات دي.. عن نفسي والله لم أعرف أن وضاحة تقصدك لغاية قبل كلامك الأخير دا مع اتفاقي معاك أنو الإحتفاء برفض صداقة زول ما حبابو طبعا .. لكن برضو لو فتشت كويس ممكن تلقي عذر لكلام دا .. عذر على الأقل يخليك ما تزعل من البت دي ياخ .. وشكرا التوقيع أخوك الفي هم شرق ( يمكن قراءتها الممكون وصابر)
Quote: والله ياشفشنكو مبالغه محل ماتمشي يدوك في راسك ياخي حننتي عديل كده
خخخخخ والله يا Rami إتا ذاتك حننتني على نفسي بى كلامك الفوق دا .. ما كنت قايل نفسي مظلوم قدر دا ياخ .. لكن ولا يهمك مني .. الشواكيش حقت الرجال على وزن السجن حق الرجال ..
Post: #49 Title: Re: رفضت تضيفني عندها .. شيل حال ذاتي Author: Ahmed musa Date: 02-23-2013, 09:34 PM Parent: #48
Quote: عن نفسي والله لم أعرف أن وضاحة تقصدك لغاية قبل كلامك الأخير دا مع اتفاقي معاك أنو الإحتفاء برفض صداقة زول ما حبابو طبعا .. لكن برضو لو فتشت كويس ممكن تلقي عذر لكلام دا .. عذر على الأقل يخليك ما تزعل من البت دي ياخ ..
والله يا طلحة بجد أنا كنت بقول جايز زعلانة من شئ من موقف من راي ومن حقها يمكن شكلي ماعاجبها لغتي بذيئة الخ ومن حقها ... لكن فرحتها بالقصة دي مازعلتني ...بس حيرتني انا قدمت ليك طلب صداقة رفضتي ...الموضوع منتهي ... فرحتك بالموضوع ده غريبة ومحيرة بجد
Quote: يا أبو حميد ياخ اتا ما بتعرف الظروف والملابسات في عدم اضافتك شنو لكن قطعا ما أظنها سوء طوية أو نوايا خبيثة عشان كدا حاول إختلق أي عذر خصوصا عندما يتعلق الأمر بالبنات والنساء لأن وضعهن أكثر حساسية في الحاجات دي..
CC لطلحة اخوي في ازمته الاخيرة .. :)
Post: #50 Title: Re: رفضت تضيفني عندها .. شيل حال ذاتي Author: حافظ انقابو Date: 02-23-2013, 09:57 PM Parent: #49
Post: #58 Title: Re: رفضت تضيفني عندها .. شيل حال ذاتي Author: سارة علي Date: 02-24-2013, 00:41 AM Parent: #57
معليش يا طلحة خليني أرد على وضاحة اول.. يا وضاحة دايرة تصلي لي شنو؟ الموضوع ما محتاجة تطلعي بيه مداعي في البوستات!!
أجي؟
Post: #59 Title: Re: رفضت تضيفني عندها .. شيل حال ذاتي Author: طلحة عبدالله Date: 02-24-2013, 07:13 AM Parent: #58
والله يا وضاحة بالغت عديل كدا .
Post: #60 Title: Re: رفضت تضيفني عندها .. شيل حال ذاتي Author: HAIDER ALZAIN Date: 02-24-2013, 07:25 AM Parent: #59
Quote: والله يا وضاحة بالغت عديل كدا .
مرقت نفسنا من البوست دا رغم انه الواحد مستمتع بكتابتك والنكت العجيبة و جاي يتونس ويشمت فيكـ للألف..!!
بالله في ناس كدا
Post: #61 Title: Re: رفضت تضيفني عندها .. شيل حال ذاتي Author: سارة علي Date: 02-24-2013, 07:44 AM Parent: #60
اعندي نفسك شعورك دا يا حيدر الزين طولت من ونسة الضحكنجية عمر الفاروق وقيقا وتمبس وأبو حتحوت ومن لف لفهم.. وكنت جاية احكي ليكم ملابسات الموقف بالتفصيل مع الاستاذ المبجل طلحة:) سلام متأخر لكل ناس البوست ولكل من وقف مع طلحة في محنته االفيسبوكية
Post: #62 Title: Re: رفضت تضيفني عندها .. شيل حال ذاتي Author: عاطف رميتي Date: 02-24-2013, 08:04 AM Parent: #61
كامل التضامن مع الاخ طلحة
Post: #63 Title: Re: رفضت تضيفني عندها .. شيل حال ذاتي Author: طلحة عبدالله Date: 02-24-2013, 08:43 AM Parent: #60
والله يا حيدروف وضاحة ختت سيد البوست وأي زول دخل البوست في موقف باييييييييييخ .. ليي كدا يا بت الناس ياخ ؟؟؟؟
Post: #64 Title: Re: رفضت تضيفني عندها .. شيل حال ذاتي Author: حيدر حسن ميرغني Date: 02-24-2013, 08:52 AM Parent: #63
Post: #65 Title: Re: رفضت تضيفني عندها .. شيل حال ذاتي Author: محمد عبد الله الامين Date: 02-24-2013, 11:55 AM Parent: #64
يا سارة الغتيتة.. الأستاذ المبجل واللا المنجل دي تاني ما بتشيل فيني .. ما خلاص انكشفت .
يا عاطف الحبيب .. شكرا لتضامنك وما تشوف شاكوش في رأس لديك .
يا حيدر حسن .. الكورة دي قطع شك يا رابطنها يا كمان رابطنها .
يا محمد عبدالله .. الخال وهبة ساعتئذ حتماولا بد مشغول في تعرية سمكة .. حاول مرة تانية هههههه
نجىء لى ناس دوري المظاليم التحت ديل :
يا زهجان الذي خرج ولم يعد .. ياخ سارة دي كويسة لكن بس هسع متنكرة في شكل غتيتة..
يا أبو أحمد اللى هو أبو حمد.. راجع ردي لزهجان الذي راح في مكان غير معروف
عثمان صديق يا حبيب .. سارة مغرر بها من واحد رشاشة مسكين اللى هو ود عمها المدعو جرجير أدعو ليها بالهداية.
يا محجوب .. انقابو فعلا يحتاج التضامن ومعاهو بيبسى بارد .. هههههه وأتا عامل ايه ياخ ؟
Seeda Meme تحياتي وتشكراتي ع الطلة .. ما نعدمك .
Post: #68 Title: Re: رفضت تضيفني عندها .. شيل حال ذاتي Author: Ahmed musa Date: 02-24-2013, 05:13 PM Parent: #66
أسحبه إرضاء للأخ طلحة ولكل من يهتم .. أعلن إعتذاري له وللقراء وأعلن خروجي من هذا البوست مع إحتفاظي بالرد على ماجاءت به وضاحة دي أو أيّاً كان إسمها في مكان آخر إن لم تفارق دربي ... وإن اخطأت بحقها فلتأتي بخطائي وانا مستعد للإعتذار ...
وضاحة منشان الله ياخ... خليك كما عهدناك فاكهة في البورد .... بس اتلومتي في المتر و الأخ أحمد مافي داعي للخاص في العام ... مهما كانت الدوافع زي ما بتقولو يا ناس القانون... لو سحبتو تكون كده
والله يا جماعة (سارة وأحمد ذاتو) أنا لم أطالب بى سحب أية حاجة أنا فقط قلتا لأبى حميد رجاء وقصدت عدم الإسترسال في الأمر دا لا أكتر ولا أقل .. وفي السياق والله أنا شاكر جدا يا أحمد على إستجابتك الثرة بالمسح عديل بدل عدم الإسترسال .. ويا سارة ما تدفري ياخ .. هسع أنا وين طالبت أحمد يسحب ..؟؟ واللا بس ما لقيتي ليك زول ترشيهو ؟
Quote: يا ود البشري بركم بتجيبو الشبك لي رقبتكم .. حسع يجيب ليك زوله داك ويقول ليه نقبقبو تاني .. كدي اسال طلحة ده بالراحه .. قول ليه .. هي صفوه ؟
عمر علي حسن
يا ريس بالغت لكن .. مداخلتك دي إستعرت ليها كاشفة ذهب من الجيران وبعدين ركبت ليها تاكسى عشان أمش أجيبا من مكان إتا دفنتها في نصصصص الصفحة التانية.. طالبك حق تاكسى على الأقل .. و شيك لا .. أوكاش بس .. واتا عامل ايه يا ريس يا فخيم ؟ ................ بالمناسبة بروف شداد علاقتو باجهزة الموبايل قديما وجديدا يسمع ويتكلم بس .. تاني الحبة ما بعرفا في التنكلوجيا دي ..
يا وضاح مالك جادي معاي كدا ياخ .. يا استاذ ومعليش وما عارف شنو .. أنا قصدت أرد ليك التحية بس والله .
Post: #82 Title: Re: رفضت تضيفني عندها .. شيل حال ذاتي Author: احمد الأمين على إدريس Date: 02-24-2013, 08:01 PM Parent: #81
Quote: أنا قصدت أرد ليك التحية بس والله .
تعريف الاعتذار الخجول لعناية ود البشرى وقيقراوى ..
بعدين يا طلحة ياخ شن جاب الغتاتة للوضوح والصراحة هدى سارة وباريحية نادرة ردت عنك وعنى واخرين لوضاحة اي نعم قالتليها اجى ولا ما اجى لكن بما يعدل بوست وكم صفحة .. ما قريبة ود البشرى ..إذن لا غرابة .
غايتو لتجاوز اثار الرفض انا بقترح تقدم طلب لدينا خالد انها تقدم ليك طلب اضافة وبعداك ترفضو غير كدا لا انقابو لا كتيبة من الترفض اضافتهم بتحلك , وكمان لو طلب طلب الاضافىة اترفض فتمسحها فى وش الزول الجمبك وتواصل شيل الحال ببوست تانى
المهم ياخ السلام عليكم ورحمة الله وبركاته يا طلحة والكهل بقوليك جهز مادة البوست من هسع دى مع عصام الحاج الناشف دا والتحية لسارة على وكل الناس الفى البوست اللطيف
هههههه يعني يا أحمد الأمين إدريس جيت وبى ضربة رجل واحد قلت كل الكلام اللى هم مش قادرين يقولوا .. صدقني لو زدت كلامك الفوق دا سطرين تاني كان دخلت قلتا ليك سلام يا سيد البوست ..
يا ريس عدم معرفة البروف أعتقد إنها عن جهل أما اتا فظنيتك زاهد فيها راسو عديل ..
ياجرجير الشهير بود البشرى اللففان دا تمش تلفو هناك .. هنا تعتذر بس وتتخارج واللا بكلم ليك الزول القاعد جمبي دا يكلم ليك قيقا الراوي يجىء يقب قبك .
Post: #87 Title: Re: رفضت تضيفني عندها .. شيل حال ذاتي Author: وضاح عبدالرحمن جابر Date: 02-25-2013, 06:58 AM Parent: #86
Quote: يا وضاح مالك جادي معاي كدا ياخ .. يا استاذ ومعليش وما عارف شنو .. أنا قصدت أرد ليك التحية بس والله .
ههههههههههه يديك العافية ياااخى ... مرات كلمات هظار ممكن تتاخد بسخونه شويه وبما انو البوست .. (عجاجاتو قايمه) .. فما دايرين نزيدها عشان كده كبينا ليييك كمية حسن نيه
Post: #88 Title: Re: رفضت تضيفني عندها .. شيل حال ذاتي Author: أيمن الطيب Date: 02-25-2013, 07:49 AM Parent: #87
يا طلحة سلامات يا عزيز...
عزاك يا صاحب إنو بورد بأكمله ماسك ضنب ضب ولا أزيد,,,
* معلومة مجانية لحملة الشهادات العربية والأجنبية, الضب لدية خاصية التخلص من ضنبو أول ما الشغلة تكتم..
