البفوت ريدتنا يمشي لكين أكيد برحع تاني لينا #

في عالمنا دا نتعرف على أناس نحبهم نتصادق معهم وتمر بنا الأيام ولكن هل وقفنا يوماً مع أنفسنا وتسائلنا هل هذه الصداقة وتلك المحبة في شنو وفق كم يا من كنت معي تحدثيني لساعات طويلة عن المستقبل وقيم الاسرة وكيفية خلق تجربة مختلفة عن كل التجارب يا من جاهدت نفسك والاسرة وناس كتار لإرضائي يا من حاولت أن تفهمي مع من تتعاملين ونجحت بعض الشيء في تعملي زي ما بقولوا ناس السياسة أختراق دون أن أتكلم كلمة واحدة يا من أحبتني بقلبها كله هزمها العمر والعائلة يا من بذلت مشاعرها ، وأحاسيسها ، وأنكسرت تحت طغيان العائلة يا من تكون أول من يشاركني كل اشيائي يا من هي أنثي الخيال والحلم وروحي ونصفي الآخر بحق يا من كانت سلوي النفس ومتعة النظر
لدي سؤال ؟ إلى متى ستظلين تمارسين هذا التردد والخوف والانزواء ؟ ما معني أن تخفي مشاعرك بحجة أن العمر قد سري لم يعد يحتمل أن نؤسس أسرة ، والأحاسيس قد غابت لان أفق الامل أقل نحاول سرقة سويعات للمرح والبهجة والاهتمام لا تهتم فأنا بخير أنها معاناة أخر العمرMenopause (يا خي شوف واحدة تكون قريبه لك في العمر) سوف أظل أسعد دوماً لرؤياك ؟ أنه التناقض بعينه!
سوف أسألك أيضا مجموعة أسئلة وبعدها أقرر ح أعمل شنو !هل ستظلين قلقةً علي ، تحملين همي ، وتخففين من غمي ؟ هل تثقين بمقبل الأيام ؟
هل سنظل كما نحن بدون تغير في شيء حتي أنجرفنا المجنون للمشاعر ؟
شنوح يحصل قولي ما تخافي علي أنا أصلو هالك وأنت عارفة كدا؟
بالله أنت لو حدث إنو في يومً من الصباح واحد منا لقي التاني فارق الحياة !؟
ماذا لو افترقنا خلينا بعض شكل الدنيا في عيوننا ح يكون كيف ؟
الذكريات اللي بتعذب والذكرىات الرأئعةح نكون أكتر أتنين مأزومين بجد! ما أنا برضو في ضياع ؟
أنا ما خيالي ولا مجنون بس خلاص القصة لازم تكون ليها نهاية لكنها هل بتشفع لينا عند الله ؟
وما تكون دنيوية كيف !؟نحن ما بس زي الالات لا بنتلُو آية من كتاب الله ولا سجدنا لله مرة و لا عملنا حاجة لله عشان يبارك لينا الله صحبتنادي!؟؟؟!
وكمان ما رفعنا يدينالله دي لو كانت هي خالصة ليهو عاملين ناس من كوكب أخر عايزين حاجاتنا تمشي بقوة الدفع العاطفي والاغراء المتبادل أها خلاص حصل الملل والخوف لو كانت زي أحلامنا كانت حاجاتنا شافت النور بقت ممكن وتكون ضيء الباقي من العمر وفوق النور وسط الدنيا كلها وإن كانت غير ذلك ، فإننا لسنا بحاجة إليها حسي نحن محتاجين لكل ثانية لا النصيحة بتنفع ولا نتناصح أخ العلاج ما عارف لكين فهمي كمل عديل كدا، ما بكت عيوننا أبدا دمعة خوف من الله ساي !
بكينا على أشياء كثيرة ########ة ، لكننا لم نبكِ على ساعاتنا اللي ضيعناها ونحن قاعدين في هوسنا وممارسات الجاهلية الاولي أوقاتنا فاتت كلها بالمعاصي .. أيامنا كانت كعبه ولطخناها بكل شيء كعب ما قعدنا في مكان عشان نتزود بالايمان واليقين دا كان شيء مستحيل لم نقعد في مجلس ٍ يتلى فيه قرآنا الا المناسبات الرسمية
هل فكرنا أنا وأنتي يوماً أن نعمل حاجة مفيدة عشان نحس بالرضا ؟ هل اتفقنا على أن نصلح من أنفسنا ؟؟
وهل وهل ؟ يا وين نحن الدرك الاسفل من النار دا المكان طبعاا ثقافة غريبه عليك أصرخ بأعلى صوتي ما خلاص البقي بقي ،تصادقنا لنزداد تعلقاً ببعض ، ولم نتصادق لنعبد الله دي حقيقة أنتي ما كضدابه
أها ما جا وقت النوم ختيت رأسي على المخدة والله شعرت بالخوف تذكرت غضب رب العباد و ظلمة القبر
يا ربي أضلها زي ماضللتني وأذقها من العذاب ضعفين ! دا تبرير العاجز أسوي شنو دي ما ح تمشي مني والنهاية بالجد تعيسة جدا والدعا ما من قلبي أنا العليل بيها !!!!!!!!!!!!
أمعقول دا ! لا !لا بد أنو كابوابيس التخمه لكين ، كل ما تخيلتها بعقلي حقيقة أثبتها الله تعالى في كتابه الكريم ، حيث قال على لسان صديق نادم :{ يا ويلتي ليتني لم أتخذ فلاناً خليلاً لقد أضلني عن الذكر بعد إذ جاءني وكان الشيطان للإنسان خذولاً }
معقول أن تكون هذه هي النتيجة ؟ !
تعالي نسوي حاجة تشفع لينا ونحاول نتغير إلى الأفضل ،
بالجد كدا أنا بحبك وعايز نهايات العلاقة ما تكون كمان مأساوي وأنتي تضحكي وتقولي (البفوت ريدتنا يمشي لكين أكيد برجع تاني لينا)

*أعمل شنو أنا مع المجنونه دي .!!!!!
عبث الكبار مصيبة وصمت الاخرين يعني القبول باختلال قيم المجتمع
حاولوا حلوها معي#

الحبيب ابو الزهراء مساك سعيد
نحن لمن صمتنا ما كنا متوقعين انو قيم المجتمع حتختل .... الزوله دى اختاها وفارق دربها
انت زول شفاف وضميرك حى .... ( الضمير الحى ده كان نتح علا الضرس المسوس )
والزوله دى ساقتك لدورب الانجراف العاطفى وانتا الدروب دى بتودرك
ربنا يديك على قدر نيتك ...

الاخ والابن سامي
حفظك الله بعقلك وجعلك من عباده الذكرين وشكرا للمرور في البداية لك كل الاجلال علي هذا الطرح والفهم العميق للامر
تحياتي ودمت لي صديق
زهير

Quote: البفوت ريدتنا يمشي لكين أكيد برحع تاني لينا #

أبو الزهور
غناها خوجلى عثمان _ الله يرحموا _

البفوت ريدتنا يمشي برضوا نفرح لجديدو

كناية عن الروح الطيبة والروح الرياضية معا
وممكن كناية عن التجدد ....

---------
الدوران بدون طائل في حته وأحدة من غير ما تقصد بفوت عليك فرص كتيرة
ممكن تكون أفضل وأجمل ... والفاتك أوعه تسكو _ حكمة قديمة _



تحياتي