البشير:السودان سوف يصنع القطارات قريبا

لا جديد
سوي كذبة جديدة تضاف لكذبة السابق

Quote: البشير:السودان سوف يصنع القطارات قريبا

دي زي حكاية الزول الـ لِقا مرتو نايمة مع واحد
قال ليها: إنتي بعد كِدا بتشربي السجاير
معليش يصنع قطار الشوق ماشي
لكن القطر البنمشي بيهو اتبرا ـ دي شوية مامهضومة.
ناس الحكومة ديل لما يعملوا تصريحات زي دي التقول بلِفُّوها
في الريفيرا قبل مايصلوا التلفزيون

والسكة حديد دى لقوها وين الامريكان دمروها ؟؟ هناك فى امريكا ؟ ولا دمروها منك وعيينك تعاين ؟
اختشى ....











ـــــــــــــــــــــــــــــــــــ
ليه قطارات ؟؟ ... مااا تصنعوا اسلحة !!
الحرب الحرب .. يكاد عقلى يذهب ....

لو لسع حيفضل سودان

ابقو اعملو العايزينو

Quote: والسكة حديد دى لقوها وين الامريكان دمروها ؟؟ هناك فى امريكا ؟ ولا دمروها منك وعيينك تعاين ؟ اختشى ....

اغنتني الاستاذة دينا عن التعليق ........ولكن ميكافيلي نفسه يحذر من خطوة اختلاق التآمر "conspiracy "المبالغة فيه .......لان كثرة تكرار خلق عدو اجنبي ومؤامرة خارجية ، في حالة ما انكشف فانه يدمر كل الايدلوجية الميكافيلية .......وعلي ذلك فان البطل يعيش في اخر ايامه ..والفيلم سيئ الاخراج ودخلناه زمان في كتم ....... عشان كدة تلاقي الحضور كلو بقول قدييييييييييييمة

يا بكري ابوبكر

ويا أخوة وأخوات

إحتمال الرئيس (قاصد) أن أمريكا كانت سبب في (الحصار) والذي بدوره تأثرت به السكك الحديدية كما هو في سودانير وغيرها؟؟

.
.
.
وينك يا ود الباوقة

(عشان تقرأ كلامي ده)

أردم....

يكون قطر عجيب للمغادرة

هو انتو صنعتوا طيارات يعني
بقت على القطارات

و الله حيرتنا يا البشير
صناعة قطارات مرة واحدة
لو بتقدر رجعو لينا السودان زى ما كان سنة 89 تكونو ما قصرتو
قال يصنعو قطارات

عليك الله ياحضرة الرئيس انت جادي
تصنع قطارات في السودان
انت مش قلت مانازل انتخابات تاني
طيب مالك بتجيب كلام الانتخابات وتخدير الناس
وانت عارف سلفا انو الناس ماح يصدقوك فيه وانت عارف انو كلامك ده ماصاح
بلاي عليك الله كمل لينا ترعتي كنانة والرهد الكملتو قروشنا كل مرة شايلين مننا قروش لحفر كنانة والرهد
كمل لينا المدينة الرياضية
كمل لينا المطار الجديد
دي كلها ماعايزة اي تكنلوجيا ومصانع كبيرة وليس لامريكا دخل في مدخلاتها او مخرجاتها

Quote: و الله حيرتنا يا البشير صناعة قطارات مرة واحدة لو بتقدر رجعو لينا السودان زى ما كان سنة 89 تكونو ما قصرتو قال يصنعو قطارات

الاخ عادل حمزة
سلام

فعلا نريد ارجاع البلد زي ما كانت عليه قبل الانقلاب الاجرامي..

ياخي روعة بالجد
انا كنت مفكر بنفس الكلام عندما قرأت عنوان البوست..

الحكومة سياستها تهدم ثم تبنى....مشروع الجزيرة مثال(((سنعيده سيرته ألأولى))..السكة حديد ماكانت كويسة الخربة منو؟؟؟؟؟؟؟؟؟؟؟؟

تناقض عجيب.......

تحياتى وتقديرى للجميع.

** أسـمـع كـلامك أصدقك ,, أشوف عمايلك أكذبك ##
## خلاص أقنعتنا أنو الأمريكان سبب دمار السكك الحديديه ,, طيب إنتو دمرتوا السودان كلو ماتتخارجوا وتريحونا من الكذب والرقيص والفساد والحروب والنهب المُصلح ##
** قال نصنع قطارات قال ,,, بتين يعنى بعد الخمسه وعشرين السنه الجايه **
## حكمه والله وحكايه ##
## الناس البتخموهم للإحتفالات دى مامصدقينك خلينا نحنا!!!!!!! ##
(اللهم أنقذنا مِمن أتوا لإنقاذنا)

نعم عملوا قطر عجيب البيودي السودانين و ما يجيبوهم
هو القطر الا يطلع دخان للوراء و يقوك فوووووووك !!!!

Quote: البشير:السودان سوف يصنع القطارات قريبا

بالله يا البشير ما تنسي معاك
كبري من بورتسودان لي جدة

Quote: الأمريكان كسروا السكة حديد ودمروها

أولاً الشجاعة الكبرى تكمن في الاعتراف الصريح بدمار السكة حديد السودانية,

ثانياً: السكة حديد ليس من صنع (بوينج) الأمريكية وأسرع القطارات في العالم الآن من صناعة (صينية) , كما توجد صناعة قطارات متطورة جداً في روسيا وفي (المجـر) ......

(من الذي دمر السكة حديد السودانية مع غيرها من مرافق الدولة ؟؟؟؟؟) , هذا السؤال تجيب عليه فطنة القارئ

أحمد الشايقي

يبدو انها ستكون قطارات صينية تركيب زى عربات جياد السؤال وينها السكة حديد زاتها الله يرحمها

البشير:السودان سوف يصنع القطارات قريبا
تانى سوف ..
فسوف تصفو الليالى بعد كُدرتها و كل دورٍ إذا ما تم ينقلبُ

ماشاءالله ماشاءالله ترامات وقطارات انشالله يكون tgv والاير وير ... يالبشير نحنا جعانين في كرشني دي كان ناجح صلحح مشروع الجزيره الخربتو ده

ليس على الله ببعيد

والسلام عليكم ورحمة الله

يكون قصدو إنتاج قطارات ذي دي في جياد بلكوأدر السودانية والوصفات الانتاجية الصينية الكورية المسروقة "Patent counterfeiting " ......




مشاريع لحل مشكلة الموصلات في السودان ....

1. مترو انفاق الخرطوم
2. تصنيع القطارات في جياد
3. ....still to come

نيل المطالب ليس بالتمني .... تصنيع القطارات عايز علوم وتكنولوجيا تصنيع ووصفات انتاجية "Patents"...... بعين الواقع الناس بتموت من الفشل الكلوي في السودان ناتج من تلوث مياه الشرب بمياة مصارف الإخراج "البلاعات"..... وين يا حسرة من تصنيع قطارات...اللة عليك يا بلدي وانسان بلدي.

Quote: البشير:السودان سوف يصنع القطارات قريبا

في 1997م في بورسودان رصيف الميناء الشمالى كان في كمية من رؤوس القطارات بشحنو فيها
في باخرة السالتوا قال لى مسفرنها للصيانة !!! ما حبيت أعلق صيانة شنو البسفروا ليها قطارات
لأنو المنطق الأسلم والأوفر يجيبو القطع ويصينوها داخل ورش السكة حديد ...
ممكن باعوها وده الأقرب للمنطق ...

حتى السنوات ديك كان للسكة حديد دور فاعل ومقدر في
النقل كناقل أكتر توفير وأقل كلفة وكبير الحمولة .... يعني حمولة قطر البضاعة لو أتوزعت علي
شاحنات ممكن تتفوق فقط في السرعة لكين في العدد والتكلفة والوقود وووو...
كلها لصالح النقل بالسكة حديد




تحياتي

انتو يا جماعة ما عندكم اي sense of humor

قصة يصنعوا قطارات دي قول احتمال ، لكن قصة مادايرين علاقات مع الامريكان دي كضب فيها

Quote: الصوارمي الكفار البيض ديل وقت جو لحدي عندكم لماذا تستشهدوا فيهم لتدخلو الجنة ؟!!! مالي أراكم تكرهون الجنة ؟!!!

استغفر الله العظيم

يا جماعة إنتو فاكرين الصناعة صعبة زي زمان؟ هسي الناس في عرض البحر قاعدين يصنعوا, يعني التصنيع ما مشكلة, الواحد بشتري مصانع ويقع تصنيع, لكن السؤال: هل يمكن للسودان أن نياهم في صناعة القطارات بتكنلوجيا سودانية خالصة أو تنتج قطارات بمواصفات غير متوفرة في القطارات الأخرى؟

تقرير لمراسل (رويترز) في 20 فبراير 2013 يكشف بالصور واقع السكة حديد :

Quote: Sudan eyes railway revival to help transform its economy February 20, 2013 By Ulf Laessing ATBARA, Sudan, Feb 20 (Reuters) - On rail tracks in Atbara, Sudan's main railway city, stray engines and empty coaches from trains built in Europe, India and the United States, some more than 50 years ago, stand still in the scorching heat. The trains broke down years ago and many of the coach windows have been smashed, while the tracks they stand on are derelict. Sudan was once home to Africa's largest railway network, with more than 5,000 kilometres (3,100 miles) of track running from the Egyptian border to Darfur in the west, Port Sudan on the Red Sea coast and Wau in what is now South Sudan.

في خطوط السكك الحديدية في عطبرة، المدينة الرئيسية للسكك الحديدية محركات وعربت قطارات متوقفة وفارغة التي بنيت في أوروبا والهند والولايات المتحدة،قبل أكثر من 50 عاما لا زالت متوقفة دون حراك في الحرارة الحارقة ومحطمة منذ سنوات،، بينما الخطوط مهجورة وكان السودان موطنا لاكبر شبكة سكك حديدية في أفريقيا ، لنحو ا كثر من 5،000 كيلومتر (3،100 ميل) من مسار يمتد من الحدود المصرية إلى دارفور في الغرب والى بورتسودان على ساحل البحر الأحمر وواو في ما هو الآن جنوب السودان.

Quote: Today, after decades of mismanagement and neglect, most of the country's rail track is out of service. But the government, with the help of Chinese money and expertise, wants to rebuild it and restore some of the industry's former glory. Modernising the railways, Khartoum hopes, will boost the export of livestock and products such as cotton and gum arabic - an edible gum taken from acacia trees and used in soft drinks and drugs. That would help support Sudan's economy, which has been plunged into crisis by the loss of most of the country's oil production since it split from South Sudan in 2011.

اليوم، وبعد عقود من سوء الإدارة والإهمال، فإن معظم قضبان السكك الحديدية في البلاد خارج نطاق الخدمة. لكن الحكومة، بمساعدة من المال والخبرات الصينية،تريد إعادة بنائها واستعادة بعض من المجد السابق في هذه الصناعة.وسوف تعزز تصدير الثروة الحيوانية والمنتجات مثل القطن والصمغ العربي - وهو الصمغ الطعام مأخوذة من أشجار السنط وتستخدم في المشروبات الغازية واالادوية . ومن شأن ذلك أن يساعد في دعم اقتصاد السودان،والذي يعاني من ازمة لفقدان معظم إنتاج النفط في البلاد منذ انفصال جنوب السودان في عام 2011.

Quote: "We need the railway," said transport minister Ahmed Babiker Nahar. "Road traffic is expensive. The railway is cheaper, faster, safer and has a bigger capacity. Livestock arrives in better condition by rail." The government's plan will require considerable investment. State railway operator, the Sudanese Railway Corp., has just 60 trains left in operation. And they cannot travel at more than 40 kilometres an hour because the British-designed wooden sleepers and tracks, mostly laid between 1896 and 1930, are too weak.

وقال وزير النقل احمد بابكر نهار. "حركة المرور على الطرق مكلفة. والسكك الحديدية أرخص وأسرع وأكثر أمنا، ولها أكبر القدرات. المواشي jصل في حالة افضل عن طريق السكك الحديدية."وخطة الحكومة تتطلب استثمارات كبيرة. الدولة مشغل السكك الحديدية، ولدى هيئة السكك الحديدية فقط 60 قطارا ولا تستطيع التحرك سوى أكثر من 40 كيلومترا في الساعة وذلك لأن التصميم البريطاني للسمارات الخشبية ، وضعت معظمها بين عامي 1896 و 1930، وهي ضعيفة جدا.

Quote: "The entire rail network is broken down," said Makawi Awadh Makawi, head of the Sudanese Railway Corp. "We have no passenger trains operating anymore and transport only 10 percent of the cargo traffic in Sudan." Most goods are transported along Sudan's poor road infrastructure. Makawi said China, Sudan's biggest aid donor and one of the biggest investors in the African country, and South Korea had agreed to replace and repair old freight and passenger trains. Khartoum is also in talks with Ukraine about buying trains and railway track.

وقال مكاوي عوض مكاوي، رئيس لشركة السكك الحديدية السودانية ان شبكة السكك الحديدية منهارة بأكملها ،"ليس لدينا قطارات ركاب تعمل الآن، وتنقل فقط 10 في المئة من حركة الشحن في السودان." ويتم نقل معظم السلع على طول الطريق البنية التحتية الفقيرة.وقال مكاوي تعتبر الصين، أكبر المانحين للسودان و المستثمرين في البلاد الأفريقية، ووافقت كوريا الجنوبية على استبدال وإصلاح قطارات الركاب والشحن القديمة . وتجري الخرطوم محادثات أيضا مع أوكرانيا بشأن شراء قطارات.وقال انه لم يكشف عن تفاصيل العقود القطار.

Quote: Chinese firms have also invested in Sudan's gold industry. "We have a contract with the Chinese for 100 passenger and 100 cargo cars and another deal for 50 cars for oil tanks," said Nahar, adding that South Korea had delivered 13 locomotives so far.

تستثمر الشركات الصيتية ايضا في صناعة الذهب وقال نهار ”لدينا عقد مع الصينيين لمدنا بـ 100 عربة ركاب و 100 للبضائع و صفقة أخرى 50 عربة خزانات النفط"، مضيفا ان كوريا الجنوبية قد سلمت 13 قاطرات حتى الآن.

عامل صيني يمر بجانب عوارض خراصانية يتم تصنيعها في بحري

Quote: Work to renew the rail tracks started last year when China's Shanghai Hui Bo Investment Co (SHIC) opened a plant in north Khartoum, opposite the Sudanese capital's main train station, and is producing 1,200 concrete sleepers a day, according to its Sudanese manager Sharaf Nasser Within two years, officials hope to renew between 1,000 and 2,000 kilometres of track across the country. In a first sign of progress, a daily cargo train has started running from Khartoum to Atbara, some 300 kilometres north of the capital, from where a line to Port Sudan is now being rebuilt.

بدا العمل في تجديد المسارات التي السكك الحديدية العام الماضي عندما افتتحت شانغهاي هوى بو للاستثمار مصنعا في الخرطومبحري ، مقابل محطة القطار الرئيسية، وينتج 1200 العوارض الخرسانية في اليوم، وفقا لمدير المصنع ناصر شرف .في غضون عامين، يأمل المسؤولون أن يجدد بين 1،000 و 2،000 كيلومتر من مسار السكة حديد في جميع أنحاء البلاد. في أول بادرة من التقدم، قبدا طار البضائع اليومي يتحرك من الخرطوم لعطبرة، نحو 300 كيلومترا الى الشمال من العاصمة، ومنها بدأ اعادة بناء خط بورتسودان.

جياد تاني ؟
جياد المتهم الأول والرئيس في حرق خطوط سكك الحديد وقطارات السودان .؟ جياد أستولت وسرقت وحرقت تلك القطارات والخطوط بدون رحمة وتمييز بين الشغال والمعطل ؟ والسؤال منو البائع ؟ وكم كان الثمن ؟ ومن قبض الثمن ؟
الشفيع

Quote: Among the few occupied buildings is a large colonial-style villa, used as a Sudan army post. The railway's decline began in the 1980s when the late President Jaafar Nimeiri, fighting economic turmoil, ordered layoffs and cut funds for the railway after failing to break the power of the Communist Party and the trade unions, which frequently ordered rail strikes, paralysing the economy. More than 20,000 workers were fired within a decade, most of them after a strike in 1989 after President Omar Hassan al-Bashir came to power in an Islamist coup.

- انهيار السكة حديد بدا منذ الثمانينات وفشل النميري في كسر قوة الحزب الشيوعي ونقابة العمال التي تامر باضرابات مستمرة
- البشير خلال فترة حكمه شرد اكثر من 20 الفا من العمال.

Quote: "This regime (under Bashir) destroyed the railway," said Kamal Hussein, a Communist Party member who was fired in 1989 after working as a railway accountant in Atbara and Khartoum for 23 years and now works for a private firm. "I was fired for political reasons. I had to leave the company housing," said Hussein, who still thinks of the railway as one big family. "The railway was the engine of the economy." .

كمال حسين عضو الحزب الشيوعي والذي تم عزله من عمله كمحاسب في عطبرة وفي الخرطوم عام 1989 والان يعمل في شركة خاصة يقول " هذا النظام تحت حكم البشير دمر السكة حديد وتم فصلي عن العمل لاسباب سياسية وعلي مغادرة سكن الشركة ولا يزال حسين يعقد ان السكة حديد هي اسرة واحدة كبيرة ان السكة حديد هي ماكينة الاقتصاد .

Quote: "It's not possible for the railway to make a comeback. It will only get worse," said Amir Abdel Hafith, a worker who had just finished his day shift. He makes only 350 Sudanese pounds ($50 based on the black market rate) a month, not enough to pay for food and housing when inflation in Sudan is running at 43 percent. The state railway company, he says, is giving priority to repairing and maintaining trains owned by private companies, including oil companies, rather than the bulk of train stock which is state-owned, because private companies pay well

aosman كتب:

Quote: يا جماعة إنتو فاكرين الصناعة صعبة زي زمان؟

أكيد الصناعة هي نفس الشي بنفس التعقيد لكن الإنتاج أصبح أسهل وأسرع .....

Quote: هسي الناس في عرض البحر قاعدين يصنعوا, يعني التصنيع ما مشكلة,

ما هي العلاقة بين عرض البحر والتصنيع وصعوبة التصنيع

Quote: , يعني التصنيع ما مشكلة, الواحد بشتري مصانع ويقع تصنيع,

إنت جدي يا aosman؟

Quote: نعم عملوا قطر عجيب البيودي السودانين و ما يجيبوهم هو القطر الا يطلع دخان للوراء و يقوك فوووووووك !!!!

فيصل


>>>>>>>>>>
خالد كيبا ده جاب ليهو فيديو فيهو آخر خمسة دقايق متعة السنين والله
شكرا خالد وياريت تكون الحاجات الزي دي مترجمة
يا ريت

Quote: نعم عملوا قطر عجيب البيودي السودانين و ما يجيبوهم هو القطر الا يطلع دخان للوراء و يقوك فوووووووك !!!!

فيصل


>>>>>>>>>>
خالد كيبا ده جاب ليهو فيديو فيهو آخر خمسة دقايق متعة السنين والله
شكرا خالد وياريت تكون الحاجات الزي دي مترجمة
يا ريت

عمران كتب؛

Quote: خالد كيبا ده جاب ليهو فيديو فيهو آخر خمسة دقايق متعة السنين والله

متعك الله بسنين كتيرة يا أخوي عمران .... الله يجيبك لينا ويحقق ليك أماني المتعة .....
"الألمان عندهم مثل بيقول ""Den Wald vor lauter Baeumen nicht sehen"" ما قادر يشوف الغابة من كترة الشجر " طبعا انحنا من زحمة الأشياء ما حاسين بمتعة من حولنا

Quote: شكرا خالد وياريت تكون الحاجات الزي دي مترجمة

إنت يا عمران الكلام دا ما واضح ليك :-) ..... لسو الحظ اهلنا الألمان بركزو في الألماني شديد .... لكن نحاول نصور انحنا ونعلق المره الجاية.

تخريمة: يلا يا عمران القطر ده في قطارات تانية في ألمانيا بتخليهو قطر درجة تانية .... وتخيل إنت ممكن تكون راكبو من الرياض لي جدة لو وحدك وبسعر تذكرة الفرد الواحد.

هنا ليك حاجة تانية وده برضو موديل قديم.

تشكرا مجددا

ونتمني ليك يوم سعيد