Post: #1 Title: عشرة الف، وعشرة خمسة سنين .. افتكر بعد دا كفاية تأليف وعشرة!! Author: قيقراوي Date: 02-22-2013, 08:34 PM Parent: #0
Post: #2 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: ALZOLZATOO Date: 02-22-2013, 09:03 PM Parent: #1
حبيبنا
بتخيل لي عشرة قيقا مابطالة
انا حليت ليك مشكلة الالف فضل العشرة ان شاء الله واحد يلاقي ليها حل حتى لو بلدي
ياخي نورنا الله ينور عليك
تحياتي التي تعلم
زاتوووو
Post: #3 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: أشرف الرحال Date: 02-22-2013, 09:15 PM Parent: #2
Quote: عشرة الف، وعشرة خمسة سنين .. افتكر بعد دا كفاية تأليف وعشرة!!
الاخ قيقراوي ،، تحياتي ليك وانت تكمل الـ 5 سنوات اليوم الجمعة وكمان العشرة الف ناقصة ليها 63 لسع عشان كده ما كفاية كملها وبعد داك نقول ليك برضو ما كفاية
مودتي
الرحـــال
Post: #10 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: قيقراوي Date: 02-23-2013, 08:45 AM Parent: #3
اشرف الرحال انت كدا
------------
بس تصدق انو بعد السنين دي كلها، والورجغة في الفاضي والمليان دي .. وبعد خمسة سنين في الجامعة وما يقارب عشرين سنة مزاولة لمهنة المحاسبة .. وعمر نبوة بي حالو ونيف حياة عامة .. بعد دا كلو لسة عندي مشكلة رياضية في استيعاب المعادلة البسيطة دي: 1+1=2 كيف يعني!؟
يعني لو قمت انا مشيت الملجة، واشتريت لي بتيخة كبيرة بعشرة جنيه، ؤ واحدة سغيرة بي 5 جنيه .. اجي البيت افكها فيهم، اقول ليهم اشتريت ليكم بتيختين طوالي!؟
Post: #4 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: قيقراوي Date: 02-22-2013, 09:36 PM Parent: #2
يا ذاتو البوست دا كان مفترض صامت ياخي
----------
التشكل في داخل النص على مسئولية صاحبه واهو اشرف حل ليك موضوع الخمسة
وانا فسرت ليك فوق قصة الخمسة في اللتنين
Post: #5 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: سامى عبد المطلب Date: 02-22-2013, 09:46 PM Parent: #4
خمسه سنين معاك يا زينه الايام قرابه العشره الف مشاركه وعشره خمسه سنوات من شخص مميز
مبروووك سودانيزاونلاين
Post: #6 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: فردوس جامع Date: 02-23-2013, 00:05 AM Parent: #5
قيقراوي يا صديق التحايا مثنى و ثلاث و رباع :)
شكراً لكونك هنا... و دي معاها جائزة أكتر زول كتابته مطلسمة و مغلفة بفلسفة جميلة! مرات كده أقرأ مداخلاتك و بحس إني ما فاهمة آي حاجة و أقوم إتحسس ثقافتي و أقراها تاني حتى البعد الشخيت في نهاية المداخلة و برضو أكون مسطحة , كَيفْ (مرادف لي مزاج) ساي بطلع من البوست فاهمة :)
Post: #7 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: محمد على طه الملك Date: 02-23-2013, 00:37 AM Parent: #6
تستحق مكتبة .. والله صحي.. إن ما اخاف الكضب أول ناس تداخلت معاهم بحدة اول ظهوري كنت أنت وتبارك .. ولا زالت غصتها في الحلق على الرغم من إدماني لأسلوب كتابتكما إلي الحد الذي تبنيت فيما بعد مبتدعاتكم في طريقة رسم حروف عاميتنا .. هنيئا لك هذا العطاء الذي ظللت تحفه بحسن الخلق .. ؤ مرات مرات ( لياقة مفروكة ) .. دي عشان اكف بيها عين ود البشرى ومن يلف لفه.
Post: #8 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: زهير عثمان حمد Date: 02-23-2013, 01:02 AM Parent: #7
أخي قيقا تحياتي ونبارك لك هذا العمر المجيد العدد المقدر من المشاركات وأنشالله عقبال المائة عام والمليون مشاركة لك كل الود يا صديقي وكل عام وأنت بصحة وعافية وفي أبهي الحالات زهير
Post: #9 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: خالد عبدالوهاب Date: 02-23-2013, 05:03 AM Parent: #8
احصائياتك دي ناقصة يامعلم
ورينا وقفوك كم مرة ؟ ودو ليك كم بوست الخور ؟ اعتذرت كم مرة ؟ اعتذرو ليك كم مرة ؟ عملت شكلة كم مرة ؟
قلت المافي شنو كم مرة ؟
الخ
Post: #11 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: أمير محي الدين محمد Date: 02-23-2013, 09:56 AM Parent: #9
ياقيقراوي معليش البوست صامت بس غلبني أمسك خشمي علي غايتوا الأنا عارفوا ناس برارّي أريزونا ديل المداخلة رقم عشرة ألف* دي كانو بيعملوا ليها توم وشمار...أكتر من كدا فــ أمسك فيها قوّي وما تفكها بأخوي وأخوك ـــ * لو ما إتزامنت مع مكتبة تسّر الناظرّين وتكيد الأصدغاء..أحرد ياأبوي ــــ يا ود البشرى ..ياود البشرى.. هل تسمعني ؟؟** لو داخل من تلفون عندي وش أخضااار لافي ما محتاج ليهو هسي ــ ** آآآي شكبزورفر
Post: #12 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: حيدر حسن ميرغني Date: 02-23-2013, 10:07 AM Parent: #11
غايتو انا يوم رصيدي دقا في التمنيات دي عملوا لي بوست وهاك ياتهاني وتبريكات وعمر مديد وعييك
- يوم طهور بس ومنها ما انتصب لي بوست في الحوش ده
Post: #13 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: ALZOLZATOO Date: 02-23-2013, 10:12 AM Parent: #12
خمسة وخميسة ياقيقا
ربنا يمتعك بالصحة والعافية وتمتعنا بالكتابة
انا مشكلتي لمن ارد في بوست مابعاين في المرايات لوولز
تحياتي
زاتوووو
Post: #14 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: محمد عبد الله حرسم Date: 02-23-2013, 10:15 AM Parent: #12
قيقراوي
تاريخ التسجيل: 22-02-2008 مجموع المشاركات: 9940
قيقا يا اجمل الناس عندى
عقبال نبارك ليك مكتبة ال عشرة الف اتحلت والخمسة سنوات اتحلت والباقى انت وريتم
مشتاقين وكل سنة وانت اجمل واغلى وانبل واسعد
على جنبة :
المافى شنو
Post: #31 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: قيقراوي Date: 02-24-2013, 12:15 PM Parent: #14
شاعرنا الجميل حرسم الشوق من بحر الفائض .. دميرتو تسوي شو شو
Quote: المافى شنو
مافي مكتبة ...
---------
ولا عضوية سودان فور اوول .. بس!
Post: #15 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: محمد عبد الماجد الصايم Date: 02-23-2013, 10:32 AM Parent: #12
ههههههههههههههههههه يا دوووب عشرتالاف!!
حقو تاخد ليكـ لفة ساي كـدا!!
Post: #16 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: سامى عبد المطلب Date: 02-23-2013, 10:41 AM Parent: #15
ما شاء الله 33000 الف .... شغال تفحيط انت
والحاله دى مشاركات حمودى العسل بره الحساب ....!
Post: #17 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: قيقراوي Date: 02-23-2013, 10:51 AM Parent: #16
آي ياخي افتح الباب دا .. وكتر لي منو الواحد محتاج رفع معنويات مع النفسيات العاملينا لينا بكري وحسن موسى (مشترك) دي .. 42 سنة وخدمة 5 سنوات برونيتاريا رثة مع الشغل و النفاذ .. ؤ بلا اي انجاز ثقافي يذكر .. وانا يتيم!؟ لايف إز نوط فيييييييييييير كلو كلو! ياهو عسف الراسمال المعتاد، ومؤامرتو التاريخيه على الشغيلة
Post: #18 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: محمد عبد الماجد الصايم Date: 02-23-2013, 10:55 AM Parent: #17
ههههههههههههههههه@ سامي! تعرف أيام الهكر ديكـ .. الواحد بقعد يتونس معاهو ويجازف ليهو قريب ميتين وخمسين مداخلة في اليوم!!
طبعا الزمن داكـ قيقا لسع ما بقى ناشط!!
Post: #32 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: قيقراوي Date: 02-24-2013, 10:14 PM Parent: #18
Quote:
ههههههههههههههههه@ سامي! تعرف أيام الهكر ديكـ .. الواحد بقعد يتونس معاهو ويجازف ليهو قريب ميتين وخمسين مداخلة في اليوم!!
طبعا الزمن داكـ قيقا لسع ما بقى ناشط!!
ابقى ناشط بي وسن عاد مع ناس آمنة عبد الكريم .. يخرب (بيت)م!!
مع النفسيات دي: ستة شهور، كانت عندي 50 مداخلة والله صحي!
والله يا سامي، جبارتكم بقت بي اجراءات ابصلة الجديدة دي .. كان لحقت دفعتكم دي جابت ليها آمنة عبد الكريم* كان زول عرفكم مافي لكن الشقي يشوف في ي ي نفسو .. حظي كدغيغ بس (بكسر الباء)
----------
* اقرأ هكر خاتي ليو صورة بت نجااااضة .. شدة الحرامي السرق التلفزيون .. ؤ ليالي الحلمية شغااااالة!!! والبورداب يشيلو ويوصفوا في بيوتم!!! حولاااااا
غايتو الشكر لمنى خوجلي، دانيا المكي، وبريمة محمد .. وقدامى الصحاب لنا الله واصدقاء ... وعيشة السوق انحنا
كان لقيت رابط بوست الترحيب حقي بجيبو او البعتر فيو، يناول .. وله الثواب كله
Post: #19 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: محمد البشرى الخضر Date: 02-23-2013, 10:58 AM Parent: #17
والله يا قيقرا المعلّم حيّرنا عديل كدا في عدم مكتبتك دا كل النظريّات أفشلها كان بي عدد المداخلات كان بي محتواها, الله كريم يا زول عدم المكتبة ما كتلّو زول
و مبروك العام الخامس و العشرة ألف و ما افتكر كفاية عُشرة و نعم كفاية تأليف
____________________
تشكر يا أميرنا لكن البوست جاد وبه مسحة حزن ما فالوش الأخضر لا يناسب الموقف و الوشوش التانيات الأصفر الحزين و الأزرق أبو دمعة ما بريدهن الله واحد فمشّيها اسكتو المرة دي :)
Post: #20 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: Nazik Eltayeb Date: 02-23-2013, 11:55 AM Parent: #19
يا قيقا مبروك العشرة الف مداخلة مقدماً
Quote: يعني لو قمت انا مشيت الملجة، واشتريت لي بتيخة كبيرة بعشرة جنيه، ؤ واحدة سغيرة بي 5 جنيه .. اجي البيت افكها فيهم، اقول ليهم اشتريت ليكم بتيختين طوالي!؟
تقول اشتريت بتيختين واحدة كبيرة واحدة صغيرة ....المافي شنو ؟ بعد ورجغتك الكتيرة دي غالبك تضيف 4 كلمات و تريح نفسك و تريحنا حتقول الاربعة كلمات ما ضمن المعادلة اقول ليك لا ، انت ما شايف علامة يساوي فيها جزئين افقيين (=) و علامة زائد فيها جزئين افقي ورأسي (+) يعني برضو يا قيقا 1+1= 2 تحياتي و احترامي
Post: #34 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: قيقراوي Date: 02-25-2013, 10:51 AM Parent: #20
الصديقة نازك
Quote:
تقول اشتريت بتيختين واحدة كبيرة واحدة صغيرة ....المافي شنو ؟ بعد ورجغتك الكتيرة دي غالبك تضيف 4 كلمات و تريح نفسك و تريحنا حتقول الاربعة كلمات ما ضمن المعادلة اقول ليك لا ، انت ما شايف علامة يساوي فيها جزئين افقيين (=) و علامة زائد فيها جزئين افقي ورأسي (+) يعني برضو يا قيقا 1+1= 2 تحياتي و احترامي
ياخي ما هو عشان الورجغة الكتيرة دي عاوزين نرحل كيبلر 22 بي ذاتو! الكوكب دا اتملأ بالورجغة .. في الدين، السياسة .. الاقتصاد ودا اكبر دليل على انو كوكب فارغ .. اسي جاييكم حس ول خبر من جهة جيرانا ديلاك
-----------
سمعنا قالو من شدة حبهم للهدوء .. بمشوا يشتروا (ياربي!؟) شرايط كست فاااضية .. ويقعدوا في حلاقات يسمعوها!
والعهدة على الراوي الكوني (اقري الزنان قيقا قمبلة)
Post: #33 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: قيقراوي Date: 02-25-2013, 08:37 AM Parent: #19
Quote:
و مبروك العام الخامس و العشرة ألف و ما افتكر كفاية عُشرة و نعم كفاية تأليف
انا ذاتي قلت كدا ..
بخصوص (التاليف) دي يا عمك على الاقل .. كفاية ورجغة ياخي! ندي فرصة لغيرنا .. ونتراجع لدكة الاحتياطي .. نسمع (اقرا "نقرا باضنينا").. ونراقب .. ونتأمل! احتمال كبير ربك رب الخير يلهمنا نظرية كااااربة* في أي حاجة او اي مجال .. ما مهم المهم .. ننجز بيها باكورة انتاج ثقافي يليق المافي شنو!؟
الله احسن واكرم من برجوازي مطعم الباشا، وكمونة باريس الاشتراكية الامبريالية المترسملة في سودان four all!! انا عارفم -كراسماليين- مستهدفني -ثقافياً- كـ[يتيم ] برونيتاريا رثة لكن الله في
Post: #30 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: قيقراوي Date: 02-24-2013, 10:13 AM Parent: #12
Quote: غايتو انا يوم رصيدي دقا في التمنيات دي عملوا لي بوست وهاك ياتهاني وتبريكات وعمر مديد وعييك
- يوم طهور بس ومنها ما انتصب لي بوست في الحوش ده
وانت قايلني لقطت الفكرة من وين؟ يازول علي بالحلال كل الغثاء البنكتب فيو دا من وحي مطعم الباشا، والبقية اكلشيهات جااااهزة .. صور، ومعاني، وامنيات نتماهى فيها .. ونتمها جك موية ساي .. ان لزم الامر!
--------
اتذكر كوييييس انو ود الصائم هو مفترع البوست يا حنين وبالتحديد ركز على (المحتوى) .. لانو الـ10 الف ما كانت الرقم الاعلى للتأليف حينها .. اعتقد انو كاكات حمودي همسلف كانت اكتر منها!! لكن الجوهر فوق الشكل يا حنين ياخي بالجد حقيت الشكر لكن ليه بطلت البوستات من نوع "محسن خالد يحلق عالياً مع ابن بطوط" .. ونحوها اكتب ياخي .. اكتب حتى تكتب عند الناس كتاباً المافي شنو!؟
Post: #29 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: قيقراوي Date: 02-23-2013, 11:36 PM Parent: #11
Quote:
* لو ما إتزامنت مع مكتبة تسّر الناظرّين وتكيد الأصدغاء..أحرد ياأبوي
انا ذاتي قلت كدي يا أمير!؟
---------
المكتبة انا قنعت منها .. بعد دا كان زمااااان .. فقد هرمنا .. هرمنا ياخي
كان جاتني غايتو بغني ليها عهد جيرون:
ياااا. بنت عشرين، ماذا تريدين من موعودِ خمسين!؟ قد كان لي فيك قبل هذا اليوم هواً .. اطيعه .. وحديث ذو افانين وهكذا ...
لكن كمان لا مانع لدينا من نزع المكتبات الغير منتجة، زي حقت خال (حمور) وحمووودي طعما شنو اسي ... بس (بكسر الباء)
ربنا يرحم د. مجدي الشيخ ويبشبش الطوبة التحت راسو مر عام كااامل على غيابه ما أشد الاسى يا حبيبنا
Post: #28 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: قيقراوي Date: 02-23-2013, 10:31 PM Parent: #9
Quote:
احصائياتك دي ناقصة يامعلم
ورينا وقفوك كم مرة ؟ ودو ليك كم بوست الخور ؟ اعتذرت كم مرة ؟ اعتذرو ليك كم مرة ؟ عملت شكلة كم مرة ؟
قلت المافي شنو كم مرة ؟
الخ
تسأل سؤال، التقول ماك من هنا!
وقفوني مرة واحدة .. ومع الجماعة .. عرس يعني اتنين .. وبنفس المناسبة بالمناسبة اسكت كب ما بتذكر .. غايتو الا اعتذار ود البشرى الخجول داك ثم ذاتو احسن، باقي انا من مدرسة اليمامة بنت كليب (اريد ابي حياً)
سؤال الشكلة دا حسب .. فماهو شكلة قد يبدو للغير انو صراع/حوار خشن ... اللخ اللخ
اسكت كب ..المافي شنو هو
-----------
اها دوري جا في الاسئلة؟
Post: #25 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: قيقراوي Date: 02-23-2013, 04:27 PM Parent: #8
Quote: ونبارك لك هذا العمر المجيد العدد المقدر من المشاركات وأنشالله عقبال المائة عام والمليون مشاركة
اصلو شنو؟ دبيب انا يا ابو الزهراء ..دبيب!؟
-----------
نسأل الله السلامة!
Post: #24 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: قيقراوي Date: 02-23-2013, 02:06 PM Parent: #7
Quote: إن ما اخاف الكضب أول ناس تداخلت معاهم بحدة اول ظهوري كنت أنت وتبارك ..
لا دا استهداف واضح للخضر .. نحنا نشتكيك لآمنة مختار بس
----------
عادي يا ملك قلبي الشمال ياخي .. ياخي الريس طبارك الذي. (بس خلاس .. ليس بيده اي شيء هو!) دا بنقرن في اي زول من طرف .. اتذكر مرة انشبك ليك فيني (اجي يا الخروف!؟ .. اجي يا الخروف وكررها ثلاث .. حتى قلنا ليته سكت) .. ما اتفكيت منو الا بي : بااااااااااااااااع! والله صحي اخدر شديد الزول دا .. (ساريي) عديل كدا!
لكن برضو ارحم من الحبشي .. يا زول الحبشي ما فكاني منو الا موت اخوي .. عاد دي طريقة دي عاد مطعم الباشا دا مكتبة -للاجيال القادمة- ساي ما عندنا فيو .. نقعد نكمل اخوانا فك شبك ساااي؟
ما متذكر تفاصيل (الخشونة) دي والله .. ولا قادر اتخيل انك ممكن تكون خشن ذاتو لكن متذكر غلاط عن الحزب الشيوعي في بوست آدم صيام .. لمن كان شايلني الشباب .. وقاري الكتاب .. كتاب ماركس (اقرأ راس المال).
تحياتي يا عزيز والله لو لمطعم الباشا دا فائدة واحدة انو تلمو بيكم .. لكفاه فائدة معاصرة ولكن اكثرنا لا يشكرون .. ومن لا يشكر الناس .. لا يشكر الله فشكراً بكري ان جعلت هذا ممكناً
Post: #21 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: قيقراوي Date: 02-23-2013, 12:05 PM Parent: #6
فردوس يا صديقة التحايا مثنى وثلاث ورباع .. والى ما لا نهاية ما لا نهاية القريبة دي؟ ما دام تحايا ساي .. اسكت كب بس المافي شنو
Quote: شكراً لكونك هنا... و دي معاها جائزة أكتر زول كتابته مطلسمة و مغلفة بفلسفة جميلة! مرات كده أقرأ مداخلاتك و بحس إني ما فاهمة آي حاجة و أقوم إتحسس ثقافتي و أقراها تاني حتى البعد الشخيت في نهاية المداخلة و برضو أكون مسطحة , كَيفْ (مرادف لي مزاج) ساي بطلع من البوست فاهمة :)
انا لا أكتب النصوص .. النصوص هي التي تكتبني. [اللغة سور] [النسق، نزق قال الفوضوي]
او كما (غالت) كاتبتي المفضلة (مشترك معاك)
-----------
نفعنا الله بعلمك يا دكتورة .. ومدنا بمدٍ منه متصل سعيد بمعرفتك، والتواجد هنا مع امثالكم ياخي التحية لبكري ذاتو ان جعل هذا ممكناً بس ابصلعة دا كان عاوز مثل تحيتك دي كلموهو يعمل لي مكتبة .. او بالعدم كان بذارو دا كملهم، يصحح الوضع الملتوث دا ويقلع مكتبة البروف وحمووودي مافي ليهن اي داعي مكتبات مليانة غثاء وكاك كاك ساي .. مكتبة دي ول قفص جداد!؟
تحياتي للمعاك وكوني بخير دائماً
مطعم الباشا دا ضياع زمن ساااي لكن ما تنقطعي كلو كلو .. ولا تسوينا درب كمان!
Post: #22 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: سامى عبد المطلب Date: 02-23-2013, 01:13 PM Parent: #21
قيقا راوى الذى قضى نحبه شهيداً مزمناً بين الاسافير
Quote: الواحد محتاج رفع معنويات مع النفسيات العاملينا لينا بكري وحسن موسى (مشترك) دي .. 42 سنة وخدمة 5 سنوات برونيتاريا رثة مع الشغل و النفاذ .. ؤ بلا اي انجاز ثقافي يذكر .. وانا يتيم!؟
ما لمو فيك ادوك حقنه الوعى الثورى اياها ....؟
Post: #23 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: سامى عبد المطلب Date: 02-23-2013, 01:21 PM Parent: #21
Quote:
ههههههههههههههههه@ سامي! تعرف أيام الهكر ديكـ .. الواحد بقعد يتونس معاهو ويجازف ليهو قريب ميتين وخمسين مداخلة في اليوم!!
طبعا الزمن داكـ قيقا لسع ما بقى ناشط !!
تهكيرات قوم عند قوم فوائد ....
نشاطو ده لا عمل ليهو مكتبه ولا حتى بقاهو رئيس حزب ..... هسع بيش ده بيكتب شنو فى ال CV ....؟
معليش يا قيقرنا لكن القرايه للبروف ابصلعه مضارها اكتر من نفعها .... بتخلى عندك رغبات شريره فى بل اى زول وتقرأ اى حاجه ....!
Post: #26 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: حمد عبد الغفار عمر Date: 02-23-2013, 04:41 PM Parent: #23
كفاية كيف ؟
ياخ في ناس انت يا دوب بقيت كاتبهم المفضل تقول ماشي ؟
وبعدين قووول بكري وافق يديك مكتبة ، يلقى زمن وين عشان ينقل ليك مواضيعك دي فيها (10) ألف ؟
أصصصصصلهن خمسة سنين في المنبر دا والحيل بموت
اختشي يا قيقراوي
Post: #27 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: طلحة عبدالله Date: 02-23-2013, 05:24 PM Parent: #26
Quote: عشرة الف، وعشرة خمسة سنين .. افتكر بعد دا كفاية تأليف وعشرة!!
يا قيقا بدون ما تتكلم لغات الناس حاسة بيك ياخ .. من جانبي بقول ليك كما قال حمد عبدالغفار الفوق دا : كل سنة واتا طيب .
Post: #35 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: أمير محمد ادريس Date: 02-25-2013, 10:55 AM Parent: #27
كل سنة وانت طيب يا قيقا
تحياتي وتقديري يا حبيب الشعب
Post: #39 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: قيقراوي Date: 02-26-2013, 10:32 AM Parent: #35
ايوا كدا يا امير الامراء
Quote: تحياتي وتقديري يا حبيب الشعب
دا العادي بتاع اخوك
---------
كتر من النوع دا بالله اسكت كب بس المافي شنو؟ انا الولد البيدور الشكرة .. هيييييييييع
Post: #38 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: قيقراوي Date: 02-25-2013, 10:45 PM Parent: #27
Quote:
Quote: عشرة الف، وعشرة خمسة سنين .. افتكر بعد دا كفاية تأليف وعشرة!! يا قيقا بدون ما تتكلم لغات الناس حاسة بيك ياخ .. من جانبي بقول ليك كما قال حمد عبدالغفار الفوق دا : كل سنة واتا طيب .
ؤ بكري دا ما ناس ول كيف!؟ ما حاسي بي كلو كلو .. رغم انو صوتنا بح عديل في وطن من لا وطن لهو دا!
---------
سؤال في الدين:
انت بكري دا مريخابي ول هلالابي؟
وانت طيب يا حبيب
Post: #36 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: قيقراوي Date: 02-25-2013, 01:24 PM Parent: #26
Quote: ياخ في ناس انت يا دوب بقيت كاتبهم المفضل تقول ماشي ؟
قالوا (قرررررررررب) .. ودا اعجاب خجول ساي!
--------
Quote: اختشي يا قيقراوي
اكتر من كدي يا ابا نعيمة؟
اسي انتا ما شايف حاجاتي كلها خجولة .. اعتذاري، خجول .. الاعجاب ذاتو خجول طبعي كدا انا .. اصلو
ثم ياخي مش قالوا الاختشوا ما أتوا مطعم الباشا دا ذاتو هم!
(سم سانين): وكان في نقطته رقم (3): بكري خليو بس هو يعمل المكتبة .. اقنعو لي انتا يأسسا كلات البوستات وشغيلة الاسافير (اقرا [البرونيتاريا]) قاعدين .. ضحوة واااحدة بنأثثا ليكم انت قايل المافي شنو هو؟
Post: #37 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: معاوية الزبير Date: 02-25-2013, 07:38 PM Parent: #36
يا قيقاكوستا انت مكتبات الأسافير الزايله دي داير بيها شنو مكتبتك محفوظة في قلوبنا، وبعد شوية نعملا في سيديهات ونختها فوق راس الدولاب، تبقى لي أولادنا ذكريات ولينا حنين ------------- "إعجاب موارب"
Post: #40 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: قيقراوي Date: 02-27-2013, 10:58 AM Parent: #37
Quote: ونختها فوق راس الدولاب، تبقى لي أولادنا ذكريات ولينا حنين
دولابك جمبو الشماعة في ايدك ما احلى الساعة في جيدك عقدك سماعة طبيبة حبيبة .. وبتشارك الناس آلاما واوجاعا
من "تبتبات" شاعر الشعب لاولاد وبنات الشعب
جيلاً جاي حلو الشهد صبايا وفتية يمرحوا في صباح الغد عيونم برقهن لماع .. سؤالم رد اللخ اللخ
ياخي اجمل الاطفال قادمون ساعة فساعة عشان كدا ان مصر على موضوع المكتبة دا جيلنا دا فاشل يا صديقي .. افشل ما يكون فشلنا حتى في استكناه اننا محض جيل انتقالي .. حتى الانتقال فشلنا في اننا نقل وطن موحد لي بكرة اسي اولادي ح يشرحوا لاولادم كيف انو صرة جدهم مدفونة في دولة (شقيقة)؟ كلموا بكري يعمل لينا مكتبة ياخي نساعدم في مهمتم التاريخية دي باعتذار خجول ان شاء الله!
--------
تشكر يا صديق لكن المواربة لي شنو المافي شنو .. خليها (مفتوحة) ياخي او كما قال (المحسن) للشحادة الدعت ليو بالرزق الحلال (بس)!
Post: #41 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: قيقراوي Date: 03-03-2013, 02:01 PM Parent: #40
---------
9999
ماشين في السكة .. نعد
Post: #42 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: قيقراوي Date: 03-03-2013, 02:57 PM Parent: #41
واحد يجيب لينا "حققنا احلااااااااااااامنا .. " بصوت وردي
-----------
بعد كدا دخلنا مرحلة السكوت الانتخابي ........
Post: #43 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: جميلة ابراهيم السيد Date: 03-03-2013, 03:58 PM Parent: #42
Quote: افتكر بعد دا كفاية تأليف وعشرة!!
افتكر افتكارك دة خطاء وافتكر لو عارف الناس الاول ما تفتح الموقع بتعمل سيرش لاسمك من ضمن كتابهم لكل الارباع -عدا ربع البصل- ما بتفتكر كفاية
Post: #45 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: قيقراوي Date: 03-04-2013, 00:53 AM Parent: #43
جميلة يا جميلة
آي اقعدوا كبرو لي راسي، لمن يوم اقوم افكر واقدر .. طيب انا المقعدني مع الوهم ديل شنو وكت انا خطيييير كدا؟
تحياتي يا صديقة وتشكرات كميات
----------
دي النص:
خلي بالك الواحد ورقو زاد في سنة ونص ورجغت قدر برطمة التلاتة سنة ونص الاولى!
Post: #44 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: محمد البشرى الخضر Date: 03-03-2013, 09:10 PM Parent: #42
تستاهلها يا قريبك لكن سؤال ما لهوش لازمة كدا: اي احلام الإتحققت دي ابوي ؟ لا اتمكتبت لا اتفرولت ؟
Post: #46 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: أمين محمد سليمان Date: 03-04-2013, 00:59 AM Parent: #44
Quote: يا زول اكتب كتابتك وانت ساكت مكتبة بكري تطير اسع يديك مكتبة ترفع لينا القزاز وتكلمنا بالرموز عوس عواستك دي وانا ضامن ليك مكتبة في قلوب الجميع بالمناسبة حساباتك غلط اما ما عارف انت شغال محاسب كيف اي مداخلة ليك اضربها في اتنين من حيث العدد فقط ومن حيث المضمون فلا تحسبن
بالله يا شمس ده كلام ده ؟! نحن قيقراوي ده بنعالج فيه لينا الف سنة مما تعدون .... تجي تكتب ليه كلام زي ده ترجعنا الفين سنة لوراء !!!
Post: #47 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: جميلة ابراهيم السيد Date: 03-04-2013, 06:53 AM Parent: #46
Quote: جميلة يا جميلة
آي اقعدوا كبرو لي راسي، لمن يوم اقوم افكر واقدر .. طيب انا المقعدني مع الوهم ديل شنو وكت انا خطيييير كدا؟
تحياتي يا صديقة وتشكرات كميات
----------
دي النص:
خلي بالك الواحد ورقو زاد في سنة ونص ورجغت قدر برطمة التلاتة سنة ونص الاولى!
انت كمان ماتنداح شديد
ما شايف البروف "نكنتك" ليه يجي ماشي فينا يدينا العجاجه
حاول خليك خطير واكتب نصوص مستغلقة ومستقلغة وما تشرحا للعامة
وكل حين ومين ورجغ
اما البرطمة فكاتب في مقامك بعاين في معدتو انصحك تبعد عنها في المرحلة المقبلة
Post: #50 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: قيقراوي Date: 03-06-2013, 11:18 PM
قلبي معاك يا جميلة
----------
ربنا يتولى عادل بواسع رحمته .. ويجملكم بالصبر الجميل
Post: #48 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: قيقراوي Date: 03-06-2013, 12:45 PM Parent: #46
Quote:
Quote:
يا زول اكتب كتابتك وانت ساكت مكتبة بكري تطير اسع يديك مكتبة ترفع لينا القزاز وتكلمنا بالرموز عوس عواستك دي وانا ضامن ليك مكتبة في قلوب الجميع بالمناسبة حساباتك غلط اما ما عارف انت شغال محاسب كيف اي مداخلة ليك اضربها في اتنين من حيث العدد فقط ومن حيث المضمون فلا تحسبن
بالله يا شمس ده كلام ده ؟! نحن قيقراوي ده بنعالج فيه لينا الف سنة مما تعدون .... تجي تكتب ليه كلام زي ده ترجعنا الفين سنة لوراء !!!
انت يا امين ما شايفني لا اكلف نفسي عناء الرد عليك منذ انضمام حمور للمنبر دا ذاتو (الكان قبل انضمامنا اللتنين)!؟ او كما (غال) مع ود الصائم
الاعراب كانت تردد: فالج لا تعالج!
زمااااان قبل كم قرن مما تعدون، لمن كنت شاب واتمتع بشعور طيب جداً جداً .. قامت جوليا روبرتس زارتني ... في المنام طبعاً .. طردتها ليك .. واردفت لا فض فوهي: اني اخاف الله رب العالمين (المافي شنو .. عرفتها ليك طمعانة في شعري يوما داك) حكيت الحلم دا(ول كابوس هو؟) لهشام ابو الجوز صاحبي، قال لي : ياخي انت حتى في النوم فاكيها في روحك!؟
اها دايرني ازور في احلام رسمية ول كيف .. وانت عارفني كيف انا في المسائل التوثيقية دي (دغيغ) وصارم جداً! انا قالوا عندي حبة ببلعا ، والعهدة على ابو السا -رفراف قلبي الشمال- وقيل من النضارة القصة دي .. ودا حسب الحاقدين (لهم الرماد) ابو الجوز و ياسر واك واك .. اصحابي وشلة حفر الباطن .. كان ياسر بتصل بابو الجوز عشان يسأل مني جيت ول لسة (كنت في المدينة العسكرية 60 كيلو منهم) .. وبالتحديد بسأل سؤال فلسفي: ؤ لابس النضارة!؟ عشان يكركس فكرياً*
---------
* الكركاسة في فقه الطلبة هي قطعة البطانية، او حتى التيوب بتاع كفر العربات عديييل مرات .. وتستخدم كحشوة واقية من الجلد و مصطلح "الكركاسة الفكرية" من صكي شخصياً .. نجرتو ليكم اسع دي .. (المافي شنو .. نحن طيبين ؤ انتو تستاهلوا والله) وما عندو علاقة بي مصطلح (فكر) المعروف .. بل هو درع واقي من (حش الافكار) وباقي البكتش البضيف كلمات بذيئة لي (الافكار) ديك انتو قايلين (بنات الافكار) البتطلع بت حرام دي بتجي من وين اول .. وما هو من جنس الاغتصابات الفكرية دي!
اتعلم يا ماو شوف الكلام يا زي كلام شمس دا .. ول الصمت ابلغ
Quote: المناسبة حساباتك غلط اما ما عارف انت شغال محاسب كيف اي مداخلة ليك اضربها في اتنين من حيث العدد فقط ومن حيث المضمون فلا تحسبن
مع انو جاء في صيغة البل بما يشبه المدح!! بعد ما انتهى من مهنيتي كلو كلو .. صيرني كاتباً سوياً تعرف انو (كاتب) دي بداية السلم المهني في مهنة المحاسبة يا شمس؟ لكن مقبولة منك .. انا بحب الاطراء اصلاً .. اياً كان (الموضوع) طبعي كدا!
Post: #49 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: أمير محمد ادريس Date: 03-06-2013, 01:10 PM Parent: #48
بالله يا شمس ده كلام ده ؟! نحن قيقراوي ده بنعالج فيه لينا الف سنة مما تعدون .... تجي تكتب ليه كلام زي ده ترجعنا الفين سنة لوراء !!!
________________________________
ده شنو يا قيقاالكلام ده حقيقي ولا البروف حاقد على حبيب الشعب غايتو زي ما قال شمس والست جميلة اسكت وكب كتابتك ساكت
رغم انف الحاقدين ستظل حبيب الشعب
Post: #51 Title: Re: عشرة الف، وعشرة خمسة سنين .. افتكر بعد دا كفاية تأليف وعشرة!! Author: جميلة ابراهيم السيد Date: 03-07-2013, 04:53 AM Parent: #49
Quote: قلبي معاك يا جميلة
----------
ربنا يتولى عادل بواسع رحمته .. ويجملكم بالصبر الجميل
