دي يفهموها كيف !! السودان ينتقد الدعوة لمؤتمر لدعم الجنوب ..

يعني يا يتفقوا معانا يا يموتوا .....

Quote: وقال مروّح حسب (سونا) أمس، إن الإعلان عن مؤتمر اقتصادي لدولة جنوب السودان من الراجح أن يكون المقصود تأمين عون طارئ لدولة الجنوب لمنع اقتصادها من الانهيار. وأضاف بأن اقتصاد جنوب السودان يعاني من مصائب حقيقية بسبب وقف إنتاج النفط

ببساطة مروح بقول لأمريكا وغيرها ..الناس ديل جعانين ومرضانين وبلدهم قربت تنهار ...خلوهم على كدا لحدي ما راسهم يجي ويفتحوا الماسورة

سلام عبد الحميد
حكومه الكيزان يتمنون فشل الجنوب و يسعووووون له بكل بقوه(حركات شفع) .....لكن دوله جنوب السودان حلقت بعيدا عن فشل الدوله السودانيه
وستنجح

وعليك السلام أخ وليد ...
هناك فكرة متوهمة يقول بها علنا واستطاع فرضها (الخال الرئاسي) ومنبره ويتبناها سرا تيار كبير فى اوساط حكامنا الكيزان تقول
ان الجنوب القوي المستقر بالضرورة يخصم من استقرار السودان المتبقي ..لذلك فعلى الجنوب ان يستمر ضعيف ومحتاج
وخاضع وفقير الى الأبد ..فأي محاولة لمساعدة الجنوبيين ولو كانت دعوه فقط مثل هذه الدعوه الأميريكية تقابل بأستنكار واستهجان
كما فعل المدعو مروح (وهو طبعا خادم سلطان يأمره السلطان ان يقول فيقول) ...

سلام يا عبدالحميد

انا زاتو قريت العنوان دا قبيل واتحيرت زاتو الزول ممكن يعلق يقول شنو؟؟

في حتة ممكن نفهمها انو العالم فرتقت ليهم اللمة بتاعت المانيا
لكن ديل بعذرهم، دولة رئيسها مطارد وما زال بقصف في مواطنيه بالطيران
بالضرورة العالم تقيف ضد تمويلكم يا كيزان

لكن سلفا مالو؟؟ لا مطارد لا يحزنون

كتير هو المحير والمدهش فى سياسيات هذا النظام ..
ومن مشاكلهم الأساسية(التي لاحدود لها ولا عداد) ان لسانهم يسبق عقلهم ..دائما
والتكتيكي المتغير مقدم عندهم على الأستراتيجي الدائم
فالجنوب ليس الحركة الشبيعة التي تعاديهم ..لكن المواطن الجنوبي
الذي يفهم من مثل هذه التصريحات الغبية ان كل مواطني السودان ضده ولايريدون
له أي خير من أي مكان جاء ...

تحياتي ابن عوف وشكرا على المرور والتوقيع ...