ليتني ما استمعت لجعفر بن عوف على الحرة

حكومة شنو دي البتحارب الأطفال يا رعاك الله!

أما أسعد حسن علي فلم أتوقع منه أداء أفضل مما شاهدت.

هذا ما وجدنا عليه آباؤنا .. تنقل لأي مكان تاني .. لا .. هنا بس.

تضم فاتورة المياه لفاتورة الكهرباء .. لا .. ليه لا .. كدا بس!

واحد داير يسمي ولدو المسيح أو إسرائيل .. لا .. ليه لا .. كدا بس!

هيثم شطبوهو من الهلال سجل في المريخ .. لا .. ليه لا .. كدا بس!

لو كنت مكان ولاية الخرطوم لأطلقت على المستشفيات الطرفية التي ستنتقل
إليها حوادث الأطفال اسم جعفر بن عوف عشان ننتهي من الغاغة دي نهائي.

حسين كدي وقع لي موضوع نقل مستشفى جعفر بن عوف ده
انا بصراحة (مع اعتذاري لاصدقائي الاطباء) ما قاعد اثق فيهم وفي مواقفهم
لانو عادي جدا ممكن يكونو دايرين يقعدو جنب عياداتهم وما عايزين يطلعو في الاطراف
ومامون حميدة هدف سهل واعداءه داخل تنظيم المؤتمر الوطني اكتر من خارجه

هل الموضوع فعلا في صالح المواطن والشغلانية دي كلها عوة في ضلف ؟
ولا مامون حميدة ده فعلا مخطئ ويستحق الضرب على يده (طبعا بكي بوردنا ده ) ؟

سلامات يا ملاسي ومحمد ابراهم..

كتبت هذه المداخلة بعد مشاهدة لقاء دكتور جعفر ابن عوف ودكتور الفاتح عمر السيد على الشروق..


تعرف انا موضوع تصفية مستشفي جعفر ابن عوف للاطفال اصابني بحالة من الاحباط والغضب لا يمكن تصورها - كيف

تترك يد سمسار الصحة المدعو مامون حيمدة لينسف كل ما قدمته الايادي الوطنية على قلته بهذه الشراسة والقذارة - انا اتفهم

اصدره قوانين تصب في مصلحة مشافية الخاصة بما انو الــ conflict of interest حاصلة حاصلة

لكن ان تصل به الجرأة والوقاحة والجشع حد تصفية المشافي الرئيسية المملوكة للدولة لاجبار الناس للذهاب لمشافية الخاصة

فهذا ما تعذر علي فهمه:-

ومع احترامي لدكتور المعز بخيت ومعرفتك به ورغم الارقام التى ذكرها الا انها معلومات صحيحة اريد بها باطل لانه يحاول

استغلالها لتصفية مستشفى جعفر ابن عوف فما علاقة عدد الاسرة وزحمة المستشفى بتصفيتها وكيف يتحدت عن مستشفي تعليمي

للسودان كله وهو ينزع منه معظم التخصصات وارسالها لما يسمي بالمناطق الطرفية وهل سكان المناطق الطرفية في حوجة لاخصائي

او اتنين في مستشفي ليست به اي معدات ولا طاقم طبي متكامل ام لمستشفي متكامل وما هي فعالية الاخصائي الذي سوف يوضع

لوحده في مكان ينقصه كل شئ؟؟

الشي الطبيعي والمعروف ان المشافي المتخصصة والتعليمية بتكون فيها كل الاقسام والتخصصات بما فيها الطواري ومن ثم اذا احتاج

المعز او وزيره الكاذب ترقية المشافي الطرفية ان يوفوروا كل الامكانيات للمستشفى الموجود اساسا ومن ثم ابتعاث اطباء المشافي الطرفية

للتدريب في هذا المشفى المتكامل ومن ثم ارجاعهم لمشافيهم الطرفية مش تشليع المشفي الوحيد الموجود بدعوى توزيع التخصصات على المشافي الطرفية...

ثم ياخي الماسكهم منو ما يا ها ديك المشافي الطرفية امشو طوروها وجهزوها عشان المواطن الغلبان دا ما يجي لجعفر بن عوف

هس المواطن الغبان دا ما عندو مكان يمشي ليهو اللهم الا الزيتونة ولا بشاير....وهذا المراد الوصول اليه من قبل هذا السمسار للحد الذي جعلة يزور

ويكذب ويماطل ويتحايل وعندما فضح امره طالب باعتذار من الذين يحاول استغلالهم ...

لعنة الله على البشير وكل اركان حكمه ان سلموا علاج المواطنين البسطاء لهذا الرجل الذي لا يخاف الله ولا يستحي من التضحية بالاف الارواح من الاطفال

والعجّز والفقراء ليضاعف ارصدته في البنوك..

واضافة تعليقا على استياء ملاسي من حديث دكتور ابن عوف - فيا ملاسي انا اتفق معك انه ليس برجل مفوّه ولا كليّم لكنه والله لو كان في اي دولة غير سودان

الكيزان الرجيم هذا لنحتت لامثاله التماثيل... فامثاله عايشين مليونيرات في الريف الانجليزى يشاهدون معاناة السودان من على البعد - اما هو فافنى عمره

وجاب بلاد الله مشرقا ومغربا لانشاء هذا الصرح الوحيد المتخصص لعلاج الاطفال في السودان فياتي سمسار مثل مامون حميدة ليهدمه في ايام معدودات..

تحياتي لكما..

فيما يختص بمواضيع هامة تمس حياة الناس كهذه...يا ريت يا ملاسي تملك المعلومة للناس كاملة حول مادار في الحرة (ولو بصورة مبسطة و مختصرة) و المشكلة موضوع النقاش...(لا يشاهد كل الناس التلفزيون بأنتظام)..
قبل ما تكتب أنطباعك بصورة مبهمة قد لا يفهم منها الكثيرين شيئاُ!!!
...