بيان من السفارة السودانية بالرياض حول طردها مواطن لارتدائه صورة البشير

هل نري مثل هذا البيان؟؟
هذا أقل مايجب..
وأقل واجب..

وقد أصبح الموضوع حدث كل مجلس ومنتدي..

اين البيان
من الذى قام بعملية الطرد
عاوزين تفاصيل اوفى

لو تكرمت

اللهم اجعل كيدهم في نحرهم .

آمييييييييييييين
يوسف الخضر
تحياتي

وين أخونا علي الكرار ؟؟






يا ود الباوقة

.

ألا يري السيد السفير أن هذا الموضوع من حقوق هذه الجالية..
وقد أخذ حيزا كبيرا وشغل الناس شغلا عظيما..
أدخل السفير من ذي قبل نفسه والسودان ونحن كجالية..
أدخلنا في حرج عظيم..
ذلك حينما قبل أن يكتب شيكات مليونية بأسمه من مواطن سعودي..
وبرر ذلك في بيان أصدره علي صحيفة الخرطوم..
بأنّ ذلك كان حفاظا علي حقوق سوداني ( وااااحد ) بس..
أستحق منه كل هذه المجازفة والخروج عن العرف الدبلوماسي..!!!
ألا يستحق علي الأقل..
أشاعة طرد مواطن لأرتدائه صورة الرئيس..
وما يناله ذلك من هيبة ومكانة رئيس الدولة..
أو حزبها الحاكم..
أو الاهانة التي تعرض لها هذا المواطن..
أو تساؤلات هذه الجالية..
لا يستحق أيا من ذلك بيانا يوجه السفير باصداره؟؟
أو الأعتذار لهذا المواطن وهو ( معلوم للسفارة)؟؟؟
او توضيحا لما التبس أن كان هنالك مجالا للألتباس؟؟
أم انّ السيد السفير لا يراعي الحقوق التي لا تتسم بالمليونية؟؟

مازلنا في الأنتظار.

مازلنا في الأنتظار..
ونأسف لغيابنا عن البوست لظروف خاصة..
نامل أن تنتهي خلال أيام..
لنبدا هذا البوست ورديفه..
فعذرا للتأخير.

ود الخال سلامات
طبعاً كلامك صحيح من حيث المبدأ والمتعارف عليه
ولكن فى زمن الصور المقلوبة طبيعى ان يحدث ما هو كائن الان
لا يهمنى ان السفير طرد احد المواطنين ولا يهمنى سبب الطرد لانو الصورة مقلوبة فى كل شىء
يعنى الوجعة بس فى الطرد دا
ياخ هى وينها السفارة ووين دورها لكل المواطنين السودانيين المقيمين بالمملكة
وين حكومة الارهابى المطلوب دولياً من كل قضايا البلد وهموم مواطنيها

عموماً ما يهمنى هو استخدامك لتعبير الجالية وانت وانا وراعى الضان فى الخلا يعلم انه لا وجود لجالية سودانية بالرياض ولن تكون
والاسباب معلومة للجميع وكل المخططات والمحاولات لارساء وهم وجودها لن تفلح ولن تصيب
شان كدا دحين با ابن خالى شوفوا ليكم فرية غيرها وصفوا حساباتكم بيناتكم بعيد من قضايانا والحشاش فيكم اليملا شبكتو
ودحين كان جابتلها كتال ما تشيل هم اهلنا وناسنا هنا كتار وبيسدوا عين الشمس حرم البيحدرلك ساى نقدلو عينو لا تقولى سفير ولا غيرو
انت بس سل سيفك وابقى مارق ونحن ما بنقصر تب معاك
بس انت ابقى مارق
وما تبقى رقراق ابقا يا ضل يا شمس

و هل يملك السفير الحق فى طرد سودانى من وطنه حتى يصدر بيان

هذه قضية ان صحت يجب أن تطيح بالسفير و لكن !!!!!
سعادة السفير منتهى الصلاحية منذ عامين و شغال بالتجديد كل 6 شهور

أرمى لى قدام

تحياتى

Quote: ود الخال سلامات طبعاً كلامك صحيح من حيث المبدأ والمتعارف عليه ولكن فى زمن الصور المقلوبة طبيعى ان يحدث ما هو كائن الان لا يهمنى ان السفير طرد احد المواطنين ولا يهمنى سبب الطرد لانو الصورة مقلوبة فى كل شىء يعنى الوجعة بس فى الطرد دا ياخ هى وينها السفارة ووين دورها لكل المواطنين السودانيين المقيمين بالمملكة وين حكومة الارهابى المطلوب دولياً من كل قضايا البلد وهموم مواطنيها عموماً ما يهمنى هو استخدامك لتعبير الجالية وانت وانا وراعى الضان فى الخلا يعلم انه لا وجود لجالية سودانية بالرياض ولن تكون والاسباب معلومة للجميع وكل المخططات والمحاولات لارساء وهم وجودها لن تفلح ولن تصيب شان كدا دحين با ابن خالى شوفوا ليكم فرية غيرها وصفوا حساباتكم بيناتكم بعيد من قضايانا والحشاش فيكم اليملا شبكتو ودحين كان جابتلها كتال ما تشيل هم اهلنا وناسنا هنا كتار وبيسدوا عين الشمس حرم البيحدرلك ساى نقدلو عينو لا تقولى سفير ولا غيرو انت بس سل سيفك وابقى مارق ونحن ما بنقصر تب معاك بس انت ابقى مارق وما تبقى رقراق ابقا يا ضل يا شمس

ودالعمة وائل..
تحياتي وجميل أن ألتقيك في ثنايا هذا البوست..
فمشاغل الحياة وتعقيداتها هنا قد باعدت رغما عنا..
وان كنت منا علي بال كبير..
قصدت بالجالية ياوائل المغتربين السودانيين..
لا التنظيم الذي أزعم انّ احد أسباب تأجيل قيامه..
هو السفارة التي تستمتع بأموال الجالية وملايينها..
الغريب أن كثيرين لا يعلمون أنّ المكونات ( المختلفة ) بالرياض..
قد تراضت فيما بينها علي النظام الأساي للجالية..
خلال فترة امتدت عدة اعوام من اللقاءات المستمرة..أسبوعيا..
وقد مهرت ذلك الميثاق بتوقيعاتها..ومعها سفير السودان في حينه
الكارب..
وأقول لك مؤكدا ( الجميع ) بلا استثناء..
وقدمت كل الأطراف تنازلات أدت لهذا التوافق..
وهناك لجنة تمهيدية موجودة..
لكن من يعلّق الجرس..
وهذا المغترب تتعقد مشاكله وقضاياه في كل يوم؟؟
اما بخصوص هذا البوست وموضوعه..
فخلينا نتفق علي انّ هذا الحدث ليس بهيّن أبدا..
ولا أنظر له من منظور انّ الطرد تم لارتداء صورة البشير..
أو صورة المهدي..( علي الأقل في حواري معك الآن)..
لكن دعنا نتفق علي انّ هذا أمر شائن..
ليس من حق القنصل ولا السفير ولا الغفير..
وأنّ المبادئ لا تتجزأ..
وعلي كل المؤمنين بحق الأنسان أن يعبّر عن رأيه..
وباستحقاق هذا الانسان السوداني لأن يستمتع بكامل حقوقه..
وكرامته..
خصوصا ممن يفترض انهم هنا لصيانة هذه الحقوق..
أن يقفوا وقفة قوية لأدانة هذا السلوك ..
ودم بألف خير.

مازلنا في الانتظار.

مازلنا في الانتظار.

Quote: اللهم اجعل كيدهم في نحرهم . آمييييييييييييين يوسف الخضر تحياتي

أهلين يوسف..
ألم تر في عنواني وموضوعي..
ألا هذا؟

Quote: و هل يملك السفير الحق فى طرد سودانى من وطنه حتى يصدر بيان هذه قضية ان صحت يجب أن تطيح بالسفير و لكن !!!!! سعادة السفير منتهى الصلاحية منذ عامين و شغال بالتجديد كل 6 شهور أرمى لى قدام تحياتى

في دول أخري..
ليس السفير فحسب..
لكن عندنا..
2,300.000 ريال تورد فى حساب سفيرنا بالرياض ياخارجية سفيرنا شغال شنو؟

2,300.000 ريال تورد فى حساب سفيرنا بالرياض ياخارجية سفيرنا شغال شنو؟

وينجو..
بل ويصدر بيانا علي الصفحة الاولي لصحيفة الخرطوم ..
الحق هنا مليوني...
والحق هنا ( موضوع طرد المواطن السوداني عوض )..
أخلاقي..
كل يدافع عن ما يراه أهم.
تحياتي.

؟؟؟؟؟؟؟

واللة حيرتنا

نبارى فيك ما بين التلاتة بوستات لحدى هسع ما طلعنا بى شئ والرياض لينا فيها 22 سنة السفارة عبد اللة الازرق طردنى من السفارة وقلع منى الجواز كمان ( قوى ولا ماقوى دا عبد اللة الازرق شفت القناصل وقوتهم) دا فى السبت 19-10-1991 وكمان قال مابستحق يكون عندى جواز بس عشان قلت ليهو انت جايبنك تحل مشاكلنا فى نقاش ضريبة وتحويل الزامى وخلانى ملطوع 5ساعات برة فى الشمس ( وخليتو لى اللةوربنا ياخد لى حقى منو وابدا ماعافى ليهو) وزول جاب لى خبر مافى وجزاء اللة خير محاسب فى السفارة الوقت داك اسمو الفاضل وهو حقيقى فاضل .
العايز اقولو الطرد لاجديد لاشئ وعادى بس ورينا انت عايز تقول شنو؟

هي ليست سفارة السودان

انما هي سفارة المؤتمر اللاوطني


ولكن ستصبح سفارة السودان عندما يتم تفكيك النظام الشمولي خاص الجبهجية


الذين سيتم اخراجهم من كل مؤسسات وقطاعات الدولة عند اسقاط نظامهم الفاسد

Quote: اين البيان من الذى قام بعملية الطرد عاوزين تفاصيل اوفى لو تكرمت

الأخ كمال..
الذي قام بالطرد القنصل الذي تم تعيينه (بالأجماع الوطني)..
ولانه درس في اوكسفورد وكان أول الدفعة..
وبيتحدث خمسة لغات..
ورغم انه من بقعة في أقصي الحدود الجنوبية..
ولا ينتمي للمؤتمر الوطني..
فقد تم تعيينه قنصلا تاكيدا لمعاني القومية التي يدافع عنها..
والسبب أنه يري انّ صورة البشير ضد القومية السودانية..
في مناسبة مقدسة هي احتفال الاستقلال..
لم يسمح فيها برفع صورة الازهري احتراما للقومية كذلك..
مش لو رفع العلم بتاع الاستقلال.. لو حارب مع المهدي ذاتو..
قال ما بسمح بي صورتو تدنس قداسة المناسبة..
لانو الأزهري ذاااتو كان رئيس حزب..
وما بسمح لبتاعين الأتحادي الديمقراطي تاني اطلعوا المسرح بالسفارة..
ويرددوا عاش ابوهاشم عاش ابوهاشم..
ولو قالوا كده ما بضحك واصفّق خاصة (في احتفال الأستقلال)..
لانو ده ضد القومية..
وأشمعنا يعني..
لما السفير امسك الشيكات بأسمو..
وصدّيق الموج بتاع الحركة الشعبية يكتب عنو في المنبر ده..
يقوم يطلّع بيان (في الصفحة الأولي)..
ويدافع عن نفسو..
ولمان البشير الناس كلها هنا تتكلم أنو ..
أي زول يرفع صورة البشير في السفارة بطردوهو..
وتصبح القصة حديث الجالية والمنتديات..
ليه السفير ما يطلّع بيان؟؟؟
يعني الرئيس ده عشان طيبان؟؟؟
يعني سفارة الرياض..
واوكامبو..
وأسرائيل والشيطان الرجيم عليهو؟؟
أنشاءالله بركة الله كلكم تحصلوا القذافي وحسني..
ولا يعني عايزين أيّ واحد بعد سنة..
في الأنتخابات القادمة لو جا أصوّت للمؤتمر الوطني..
أجي وهو خجلااااااان..
لأنو جايّ أصوّت لي حزب ضد القومية؟؟
يعني يا سعادة السفير ..
بتاع القروش الكتييرة داك..
عشان تحافظ علي حقوقو (المالية)..
جازفت بينا كلنا وبالسودان وسمعتو..
وقبضت الشيكات بأسمك..
رغم أنو لا القوانين..
ولا الاعراف الدبلوماسية..
ولا اللوائح المرعية في هذا الأطار..
تسمح ليك بذلك....
ده كلو عشان خاطر حقوق مواطن سوداداني وااااااحد..
حتي أمكن انو ما مقيم هنا..!!!!
هسة حدث زي ده..
من ناحية المواطن ..
فيهو مواطن سوداني أسمو عوض عبدالهادي..
ناشط ومساهم في كل المناسبات والأحداث القومية..
وقيادي معروف..
ومن ناحية الضرر المتوقع لدي ايّ عاقل..
لما قمت به في حادثة الشيكات..
هنا توجد فائدة متوقعة من أصدارك للبيان
وحفاظ علي هيبة ومكانة الرئيس..
وحقوق المواطن عوض..
علي أقل تقدير أستيضاح من المواطن لما حدث..
ولو عبر موظف صغير بالسفارة..
لتدلل لنا علي احترامك للمواطن السوداني وحقوقه..
وبالتالي لهذا السودان الذي أنت هنا ممثل له..
لتحافظ علي مصالحه وسمعته وحق وكرامة مواطنه..
سيدي السفير..
من المصالح والحقوق ما هو أثمن من المال.

فوق

معليش ياخوانا..
المشاغل بس..
اها البيان طلع ولا لسة؟

سعادة السفير..
كثيرون يتساءلون..
هل حقا ممنوع صورة السيد الرئيس لديكم بالسفارة؟؟
وهل كذلك شعار المؤتمر؟؟
وفي حال تعللكم بالقرارات الأخيرة التي هي محل كل احترام..
ألم تذكر تلك القرارات حول الانشطة المعنية بالأيقاف..
ألم تذكر عبارة ( التي تمارس خارج السفارة)؟؟؟
بمعني أنّ ما يمارس من نشاط داخل حرم السفارة لا غبار عليه؟؟
بمعني آخر انّ السفارة وحرمها ذات سيادة...
بمعني آخر هل منع مواطن مؤيّد للبشير من ارتداء صورته بالسفارة
في احتفال رسمي ومناسبة قومية بصفته الرئيس الحالي..
وشعار حزبه باعتباره الحزب الحاكم..
ليس شعار النازية ولا معاداة السامية..
هل هذا المنع مقدمة لمنع البشير شخصيا من دخول السفارة؟؟
وهل تستغرب معي انّ البشير وحكومته..
رغم هذا التصرف المهين جدا..
مازالوا صابرين عليكم؟؟؟
وهل طرد مواطن سوداني بهذه الطريقة من حق هذا الموظف ( القنصل )؟؟
ألا يستحق هذا المواطن أعتذارا أو اتصال؟؟
ولاّ لازم يكون قرأ طب يعني؟؟؟؟
وليه ناس المعارضة ديل يمسحوا بيكم الواطة في الأعلام ده..
وبعد ده ما بتطردوهم والسلام زي ماشايف فوق في الصورة..
يعني الواحد عشان ما يحقروهو بالسفارة دي ..
لازم ايقي معارضة ولا كيف؟؟
حيرتونا والله.

صباح الخير.

فوق حتي صدور البيان أو الاعتذار للمواطن السوداني عوض عبدالهادي.

اخي يوسف
عندما تقول بيان من السفارة السودانية بالرياض هذا يعني بانه فعلا صدر البيان وانت تدعونا لمتابعته
ولكني لا اتفق معك في محاولة جذب القراء بهذا الاسلوب سواء اخطأت السفارة او اصابت.
وكان الاجدر ان تقول :
ترقبوا بيان
او نطالب توضيح السفارة
او نطالب السفير باصدار بيان.......الخ
ربما كان هذا حلا مجديا لمشكلة المواطن نفسه ودافع قوي مننا جميعا للسفارة لاصدار البيان الذي تبحث عنه.