زواج الكبر..خطر قادم يهدد أجيال قادمة

عدد الأطفال الذين يولدون لآباء أكبر سناً يتمتعون بذكاء أقل من أقرانهم لآباء أصغر سناً.

كثير من الأبناء لأباء في كبار السن يتعرضون أكثر بعدد من الأمراض الصحية
أبرزها
تأخير النطق..الصرع

السنوات الأخيرة ذاد بصورة كبيرة يبدو ان الظروف الإقتصادية من أبرز الأسباب

سلامات يا طمبل,,

Quote: السنوات الأخيرة ذاد بصورة كبيرة يبدو ان الظروف الإقتصادية من أبرز الأسباب

أبرز الأسباب وأكبرها,, بدون عودة ذهب الزمن الذى يتزوج الشباب فى فى عشرينياتهم,,,

فى بوست صلاح عبدالله قلت عرس الكبر,,
وهنا فى بوست منفصل نقاش مفتوح..

الزول دا عرس ولا شنو؟؟؟

الحاصل شنو يا بلد!!!
بعدين كلم صاحبك الطويل خالس داك الكلام دا !!

ممكن صور؟؟؟

تحياتى..

Quote: فى بوست صلاح عبدالله قلت عرس الكبر,, وهنا فى بوست منفصل نقاش مفتوح.. الزول دا عرس ولا شنو؟؟؟ الحاصل شنو يا بلد!!! بعدين كلم صاحبك الطويل خالس داك الكلام دا !! ممكن صور؟؟؟

حبيبنا أيمن الطيب
ياخي شوق كده بالأطنان
مالك يا أيمون عاوز تمشكلني مع حبيبنا صلاح عبدالله
تصدق دي صدفة غريبة فعلا أمس كتبت الكومنت دي في احدي البوستات
لكن وحاتك الديامي أبو شنب بعيد كل البعد من الفلم ده رغم إنه لحق نفسه
لكن بيني و بينك جاء في بالي واحد اخونا مسردب ليهو 27 سنة من قصة العرس دي
قالو الايام دي حايم من حلاق لي حلاق و من صيدلية لي صيدلية
ياخي خلينا نشوفك في البلد الضيقة دي
محبتي التي تعلمها

طبعا القصة لو بقت اولاد المزاد واولاد الديم النتيجة
بتكون معروفة ياايمن اولاد ا لديم بطقطقوا حناكيش
المزاد لما راسهم يسخن ....


قلنا نجيب (القشقش) كان يجينا صلاح عبدالله طالع ....

Quote: طبعا القصة لو بقت اولاد المزاد واولاد الديم النتيجة بتكون معروفة ياايمن اولاد ا لديم بطقطقوا حناكيش المزاد لما راسهم يسخن

هههههههه تصدق يا محمد العكس هو الصحيح
ياخي أنت ما سمعت بحري سر الهوي الديامة ديل
هرمو بقينا ندقسهم أسال صلاح عبدالله بديك النجيضة
طبعا دي جرجرة أنا متاكد راح يجي و يقول ليك
سيبك من الفارات
ياخي نورتني يا ولدنا هنا

تحياتي وسلامات يا أمير

Quote: عدد الأطفال الذين يولدون لآباء أكبر سناً يتمتعون بذكاء أقل من أقرانهم لآباء أصغر سناً.

أولاً بالتبادي
الكلام دا أبحاث علمية ولا كلام ونسة ساااى كدا ؟؟
كان أبحاث علمية ممكن نعرف المصادر ؟؟
تانياً
في مواضيع زى دي التعميم ما بينفع
بمعنى ( آباء أكبر سناً )
الكبر هنا مقياسو شنو
في مجتمع ما عمر 30 سنة بيكون فات فيهو الفوات
وفي مجتمع تاني عمر 40 سنة دا عز الشباب

كدي الله يرضى عليك ألحقنا بالمصادر وبالإحصائيات

Quote: أولاً بالتبادي الكلام دا أبحاث علمية ولا كلام ونسة ساااى كدا ؟؟ كان أبحاث علمية ممكن نعرف المصادر ؟؟ تانياً في مواضيع زى دي التعميم ما بينفع بمعنى ( آباء أكبر سناً ) الكبر هنا مقياسو شنو في مجتمع ما عمر 30 سنة بيكون فات فيهو الفوات وفي مجتمع تاني عمر 40 سنة دا عز الشباب كدي الله يرضى عليك ألحقنا بالمصادر وبالإحصائيات

الأخ عاطف عمر صباحك نور
من كم يوم بحكم عملي بجريدة الشرق قرأت دراسة منشورة علي احد صفحات الجريدة
يبدو أنها دراسة أمريكية أسترالية لكن علي ما أذكر أن المقصود بتلك الحالات بالنسبة
للأباء الذين تجاوز عمرهم ال 50 سنة غايتو للضمان بحاول ان أنسخ الدراسة هنا
حتي تعم الفائدة للجميع ,,,,, بس وحاتك ما ونسة
تسلم علي مرورك الجميل

اعرف احدهم ولده ابوهوا وكان عمره حوالي 70 سنه


هذا الولد كان ثالث الشهاده السودانيه في سنه من سنوات اخر الثمانيات..


هو الان طيبيب عبقري في احد دول اوروبا!!!!


تحياتي لي صاحب البوست وضيوفه

ياعمك طمبل سلامات
عرس كبر عرس جماعي المهم عرس والسلام

زمان الناس كانت بي صحتها وتاكل ثلاثة وجبات لبن وعسل وما بينهما هسي مع البوش وابو عديس انشاء الله ما يعرسو ذاتو
هو الحياة دي بعزقة ولا شنو يا طمبل
ابو سبعين سنة زمان يعادل ابو عشرين سنة في هادا الزمن

تخريمة
بالنية وشباب الزمن حنية وعرس مافي انشاء الله الماضاقو يضوقو كان صغير ولا لما يكبر

Quote: من كم يوم بحكم عملي بجريدة الشرق قرأت دراسة منشورة علي احد صفحات الجريدة

أولا بتفق مع عاطف عمر بأنه في مثل هذه الأدعاءات لابد بدعمها بدراسات علمية منشورة في مجلات علمية معترف بها عالميا وثانيا يعني كلامك طلع كلام جرايد ساي, ومقال واحد أشير إليه في جريدة لا يكفي ان يكون دليل كافي للتعميم

طمبل يا صديق
يعنى نحصل نعمل الثالثه سريع صخ

الليله ما تنسا

اضافة على كلام عاطف عمر ومحمد الامين
ولغاية ما يجيكم صلاح عبدالله

المسالب المتوقعة لحمل الكبيرات وليس الازواج الكبار
ويجب هنا التفريق بين الحالتين
حيث لا مشكلة في زواج الرجل كبير السنة
اللهم الا احتمالات ارهاق غدة البروستاتا
ودي برضها مقدور عليها
وبالتالي نقدر نقول ان الفارة امير طمبل داقس بس

اما حمل كبيرات السن ففيه بعض المخاطر
وجميعها يتم حاليا معالجتها باجراءات سابقة للحمل
حقن وخلافه

طمبلاوى يا حبيب السلام عليكم ورحمة الله يعنى خلاص لما كبرنا بقيتو تفتحولينا كدا
قنا دى فرصه نصيدك فيها ونقول سلام يا خ مشتاقين والله
الزواج يا امير اخوى الفايده فيه انك تتزوج صغير حتى ترى ابناءك وبناتك وهم كبروا
وتخرجو من الجامعات واشتغلوا وانت لس صغير حتى تستمتع بهم وترى نجاحك فيهم قبل ما تلحق امات طه
اما قصة تتزوج وانت كبير وبعد شويه يتقدم بك العمر واولاد يا دوب محتاجين رعايه منك
وانت بقيت محتاج رعليه فى ذات نفسك
دا موضوع يطول شرحو فى ناس عاوزه تتزوج زواج متعه وبس ولا يهمه من يخلفهم ديل يطلعوا شنو


عمك خالد المحرب

السلام عليكم ورحمت الله تعالي وبركاته امير وزواره الكرام
يجماعه اي زول داير اعرس الايام دي اقل حاجه اقنع ليه من ميه مليون واحتمال تكون اكتر من كده علي حسب الناس الحتناسبم
ياخي انا سمعت بي واحده جابوا ليها دهب ساكت بي مليار جنيه بعدين الواحد داير صاله بي كم وفنان بي كم ودهب بي كم
وي كلها فشخره مافي ليها اي داعي دا غير الوليمه البعملا العريس لي اهلوا ومعارفوا
حسع زواج الكبر بقي مامشكله لنو مافي ناس بعرسوا من اصلا الشباب عارفين الارقام الفلكيه المطلوبه يعني الواحد لو داير اعرس الايضيع نص
عمروا يلم في القروش عشان في لحظات اتفشخر بيها قدام الناس وبعداك غالبا مايحصل الطلاق لنو المستوي الظهر بيه دا مامستواه ولي اسباب كتيره
بيحصل الطلاق منها مشكله السكن غالبا مايسكنا مع اهلوا وتحصل الدرما الحقيقه
اجمل حاجه في الزواج عند اخوانا المصرين عندهم العريس عليه الشقه والعروس عليها تفرش الشقه من الابره للتلاجه وبعدين العزومه بتاعتم شربات كركدي
وحفله وموضوع انتهي

الخال أمير طمبل..والله مشتاقين وين أنت من فعاليات الدوحة..ما ظاهر

و الله ضحكتني بي قصة صحبك المسردب من 27 سنة..و حسة لافي من حلاق ل حلاق....

بس ما وريتنا الصيدلية دخلها شنو في الموضوع...

Quote: تخريمة بالنية وشباب الزمن حنية وعرس مافي انشاء الله الماضاقو يضوقو كان صغير ولا لما يكبر

Quote: ومقال واحد أشير إليه في جريدة لا يكفي ان يكون دليل كافي للتعميم

الأخ aosman
جمعتك مباركة و يومك سعيد
شاكر ليك جدا علي طلتك هنا
منتظر برضو رأي أهل العلم لإثراء الحوار
تحياتي و إحترامي

Quote: اعرف احدهم ولده ابوهوا وكان عمره حوالي 70 سنه هذا الولد كان ثالث الشهاده السودانيه في سنه من سنوات اخر الثمانيات.. هو الان طيبيب عبقري في احد دول اوروبا!!!!

أخوي الأمين
سلامات يا زول يا طيب
بس عمك ده ما أظنو و عمرو سبعين سنة ده بيكون
من زمان متزوج و محافظ و من النوع البينوم بعد صلاة العشاء مباشرة
بس الجيل ده يا حبيبنا بعد السبعين ما ظنيتو يقدر يقبل زاتو
تحياتي و تقديري و إحترامي

Quote: ياعمك طمبل سلامات عرس كبر عرس جماعي المهم عرس والسلام زمان الناس كانت بي صحتها وتاكل ثلاثة وجبات لبن وعسل وما بينهما هسي مع البوش وابو عديس انشاء الله ما يعرسو ذاتو هو الحياة دي بعزقة ولا شنو يا طمبل ابو سبعين سنة زمان يعادل ابو عشرين سنة في هادا الزمن تخريمة بالنية وشباب الزمن حنية وعرس مافي انشاء الله الماضاقو يضوقو كان صغير ولا لما يكبر[ حبيبنا متولي سلامات يا صديقي قلت لي زمان الناس هداوة بال ...هسة كمان يا حبيبنا المافي شنو الصيديليات بقت تتوفر فيها كل التسهيلات هع هع هع هع

---

Post: #22 Title: Re: زواج الكبر..خطر قادم يهدد أجيال قادمة Author: معتز القريش Date: 02-22-2013, 02:32 PM Parent: #20 Quote: الاخ/أيمن طمبل تحية طيبة يوجد بالفعل ارتباط احصائي قوي جداً بين (متوسط عمر الزواج) و(النسبة المئوية لغير المتزوجين) في السودان وهي نتيجة منطقية قمت باحتساب معامل الارتباط الإحصائي بين هذين المتغيرين ووجدته قريب جداً من الواحد الصحيح حيث أنه كلما اقترب المعامل من الواحد اصبحت العلاقة بين المتغيرين متينة وإذا اقترب من الصفر كانت العلاقة ضعيفة uncorrelated معامل الارتباط:0.9762 ويتبع المعادلة الخطية التالية: ص=1.6289س-5.5382 حيث ص:النسبة المئوية لغير المتزوجين س:متوسط العمر عند الزواج الأول بالسنة أما فيما يتعلق بمعيار الخطورة هنا فأعتقد أنه نسبي أما بخصوص معاملات الارتباط بالذكاء والصحة والظروف الاقتصادية فيمكن احتسابها أيضاً بصورة مشابهة ولكم التقدير إن شاء الله كان فاهم حاجة أعرس بعد العمر دا هههههههههه

---

Post: #23 Title: Re: زواج الكبر..خطر قادم يهدد أجيال قادمة Author: امير طمبل Date: 02-22-2013, 06:23 PM Parent: #22 Quote: طمبل يا صديق يعنى نحصل نعمل الثالثه سريع صخ محمد البحر يا صاحي أذيك و منور البوست ما شاء الله عليك قلت لي فكرت في التالتة كمان خليك مع الجوز ديل احسن ليك بعدين انت لسة يا حبيبنا (صبي) ما حصلت مرحلة (المساعدات) ياخي شرفتني هنا

---

Post: #24 Title: Re: زواج الكبر..خطر قادم يهدد أجيال قادمة Author: امير طمبل Date: 02-22-2013, 07:00 PM Parent: #23 Quote: اضافة على كلام عاطف عمر ومحمد الامين ولغاية ما يجيكم صلاح عبدالله المسالب المتوقعة لحمل الكبيرات وليس الازواج الكبار ويجب هنا التفريق بين الحالتين حيث لا مشكلة في زواج الرجل كبير السنة اللهم الا احتمالات ارهاق غدة البروستاتا ودي برضها مقدور عليها وبالتالي نقدر نقول ان الفارة امير طمبل داقس بس اما حمل كبيرات السن ففيه بعض المخاطر وجميعها يتم حاليا معالجتها باجراءات سابقة للحمل حقن وخلافه أبوسادنرا مساء الخيرات يا شفت أنا ما تكلمت عن القدرات الجنسية أو إرهاق غدة البروستاتا الدراسة التي ذكرت جزء منها تتحدث عن الإنجاب بالنسبة للكوامر و صحة الأطفال المولودين و مقارنتهم بالأطفال المولديين من أباء صبيان و ليس كوامر أكل الدهر عليهم و شرب .... و عندنا مثل بيقول ان كبر ابنك خاويهو فمتي يخاوي الكوامر ابنائهم لا أظن انه توجد فرصة لذلك فهادم اللذات بالمرصاد... ياخي نورت البوست يا (بركوتا)

---

Post: #25 Title: Re: زواج الكبر..خطر قادم يهدد أجيال قادمة Author: امير طمبل Date: 02-22-2013, 07:32 PM Parent: #24 Quote: طمبلاوى يا حبيب السلام عليكم ورحمة الله يعنى خلاص لما كبرنا بقيتو تفتحولينا كدا قنا دى فرصه نصيدك فيها ونقول سلام يا خ مشتاقين والله الزواج يا امير اخوى الفايده فيه انك تتزوج صغير حتى ترى ابناءك وبناتك وهم كبروا وتخرجو من الجامعات واشتغلوا وانت لس صغير حتى تستمتع بهم وترى نجاحك فيهم قبل ما تلحق امات طه اما قصة تتزوج وانت كبير وبعد شويه يتقدم بك العمر واولاد يا دوب محتاجين رعايه منك وانت بقيت محتاج رعليه فى ذات نفسك دا موضوع يطول شرحو فى ناس عاوزه تتزوج زواج متعه وبس ولا يهمه من يخلفهم ديل يطلعوا شنو الزول الكلس ود القبائل عمنا خالد المحرب (أب أحمد) تحياتي تسبقها أشواقي الي شخصكم الجميل شاهد ربي الخلقني شوق كميات إنت لسة ما شاء الله تبارك الله شباب و رياضة حتي في الصقرية عكازك فوق نحن يا عمنا خالد المحرب ده فهمنا للقصة الحمد لله علي نعمة الابناء و ربنا يفرح بابنائك كمان و كمان تحياتي النواضر لكل افراد الاسرة الكريمة و بالله ما تحرمنا من طلتك تحية بطول النيل الخالد الي شخصك الجميل

---

Post: #26 Title: Re: زواج الكبر..خطر قادم يهدد أجيال قادمة Author: امير طمبل Date: 02-22-2013, 08:57 PM Parent: #25 Quote: يجماعه اي زول داير اعرس الايام دي اقل حاجه اقنع ليه من ميه مليون واحتمال تكون اكتر من كده علي حسب الناس الحتناسبم الأخ عبدالله عبدالعزيز مساء الخير و الطيبة كلامك الفوق ده الله يسلمك كان قبل فترة من الزمان هسة يا حبيبنا تبدل الحال و صارت تكاليف الزواج تتحتمل العروس أو أهلها بكل التفاصيل الكتيرة دي و كثير من البنات أصبحن اليوم بفضل أوضاع بعضهن يتحملن أغلبية التكاليف غايتو كان الله في عون بناتنا متوسطات الدخل شكرا علي المرور يا جميل

---

Post: #27 Title: Re: زواج الكبر..خطر قادم يهدد أجيال قادمة Author: شرف الزاكي Date: 02-22-2013, 09:10 PM Parent: #26 امير يا حبيب تحياتي لك ولضيوفك الكرام اذا كان ما تفضلت به في هذا البوست نتيجة دراسة فالواقع اثبت غير ذلك والادلة والشواهد كثيرة كمثال شخصيا اعرف احد اقاربي انجبه والده في سن متأخرة جدا فكان حاد الذكاء ونابغة وموفق اكاديميا واجتماعيا كن بخير يا حبيب

---

Post: #28 Title: Re: زواج الكبر..خطر قادم يهدد أجيال قادمة Author: jini Date: 02-22-2013, 09:44 PM Parent: #27 المشكلة بقت يا خوى في عدم وجود الزواج نفسه او الطلاق ان وجد الزواج او القناعة بان الزواج اختراع فاشل الحكاية بقت راجل مرة يا ابشرة جنى

---

Post: #29 Title: Re: زواج الكبر..خطر قادم يهدد أجيال قادمة Author: محمد محمود محمد Date: 02-22-2013, 11:18 PM Parent: #28 الأخ أمير ...تحياتي ______أخونا انور زول لذيذ جداً...(تمتام)..وفي نفس الوكت بخيييييل جداً... وده السبب ال منعو من الزواج لمّن حصل 50 سنة...المهم.... أكبر أولادو لما حصّل سن المدرسة واحد من أصحابنا بيحاول يقنعو يدخّلوا مدرسة خاصة ...وأنور رافض تماماً ...قال ألاّ مدارس الحكومة بس!!!صاحبنا قال ليه (ياخ الولد ده بينفعك ..وانت ماشي على كُبُرْ) ...رد أنور (ينفعني في شنو؟)..قال لبهو (ياخ لما تكبر ح يدخّلك الحمام ويطلّعك من الحمام)..بسرعة رد أنور (هو دخّيييييل الحمام دايرلو مدرسة خاصة؟)...أستاااااذ يا أبونورة..

---

Post: #30 Title: Re: زواج الكبر..خطر قادم يهدد أجيال قادمة Author: امير طمبل Date: 02-23-2013, 09:11 AM Parent: #29 Quote: الخال أمير طمبل..والله مشتاقين وين أنت من فعاليات الدوحة..ما ظاهر و الله ضحكتني بي قصة صحبك المسردب من 27 سنة..و حسة لافي من حلاق ل حلاق.... بس ما وريتنا الصيدلية دخلها شنو في الموضوع... حبيبنا شريف كميات من الأشواق يا قريبي وحاتك لي زمن من فعاليات الدوحة عامل إستراحة محارب شوية لكن قبل فترة كنت مشارك مع الشباب في رابطة الدوحة لمتنا بدحل الحمام أما موضوع الصيديلية يا حبيبنا ده يطول شرحو بس سمعت الأيام دي في صيدلية في شارع المطار التجاري عندهم مقوي اسمو (الريشي) حكاية غريبة قالو ده كان الواحد ما يقوم ينفش ريشو ههههههههههه ياخي خلينا نشوفك يا حبيبنا

---

Post: #31 Title: Re: زواج الكبر..خطر قادم يهدد أجيال قادمة Author: امير طمبل Date: 02-23-2013, 09:11 AM Parent: #29 Quote: الخال أمير طمبل..والله مشتاقين وين أنت من فعاليات الدوحة..ما ظاهر و الله ضحكتني بي قصة صحبك المسردب من 27 سنة..و حسة لافي من حلاق ل حلاق.... بس ما وريتنا الصيدلية دخلها شنو في الموضوع... حبيبنا شريف كميات من الأشواق يا قريبي وحاتك لي زمن من فعاليات الدوحة عامل إستراحة محارب شوية لكن قبل فترة كنت مشارك مع الشباب في رابطة الدوحة لمتنا بدحل الحمام أما موضوع الصيديلية يا حبيبنا ده يطول شرحو بس سمعت الأيام دي في صيدلية في شارع المطار التجاري عندهم مقوي اسمو (الريشي) حكاية غريبة قالو ده كان الواحد ما يقوم ينفش ريشو ههههههههههه ياخي خلينا نشوفك يا حبيبنا

---

Post: #32 Title: Re: زواج الكبر..خطر قادم يهدد أجيال قادمة Author: امير طمبل Date: 02-23-2013, 09:24 AM Parent: #31 Quote: إن شاء الله كان فاهم حاجة أعرس بعد العمر دا ود القريش سلامات و أشواق متعددة هو أنت كمان عندك النية تعرس رابعة ولا شنو؟ إنت تاني يا حبيبنا ما عندك حل خلاف تشوف ليك مصلاية ناااااااعمة و سبحة شيرازية و تقيم الليل كلو صلاة و تسبيح خصوصا أنت معاك السكر و الضغط بس في حاجة محيراني شديد الواحد يكون صابر ليهو اكثر من ربع قرن من زمان فجأة كده يقرر أنو يفكر في الزواج بالله مش حاجة تحير يكون ده من شنو تفتكر

---

Post: #33 Title: Re: زواج الكبر..خطر قادم يهدد أجيال قادمة Author: امير طمبل Date: 02-23-2013, 09:31 AM Parent: #32 Quote: امير يا حبيب تحياتي لك ولضيوفك الكرام اذا كان ما تفضلت به في هذا البوست نتيجة دراسة فالواقع اثبت غير ذلك والادلة والشواهد كثيرة كمثال شخصيا اعرف احد اقاربي انجبه والده في سن متأخرة جدا فكان حاد الذكاء ونابغة وموفق اكاديميا واجتماعيا الأخ شرف الزاكي يسعد نهارك شاكر ليك جدا علي مرورك هنا و إثراء البوست عادة بعض الدراسات في كثير من الأحيات قد لا تكون نتائجها ليست بالقدر المطلوب ... و قريبك ما شاء الله عليه صبر و نال لكن يبقي السؤال قريبك ده تجاوز ال50 ربنا يحفظ ليهو إبنه و يعلي مراتبو كمان و كمان تحياتي و نورتني هنا

---

Post: #34 Title: Re: زواج الكبر..خطر قادم يهدد أجيال قادمة Author: امير طمبل Date: 02-23-2013, 09:42 AM Parent: #33 Quote: المشكلة بقت يا خوى في عدم وجود الزواج نفسه او الطلاق ان وجد الزواج او القناعة بان الزواج اختراع فاشل الحكاية بقت راجل مرة يا ابشرة الوريف جني سلام و شوق و محبة في الله شايفك يا حبيب نظرتك قاسية شوية فيما يخض موضوع الزواج و لييه فكرة الزواج بقت إختراع فاشل حسب معلوماتي أن راجل المرة بقي مرغوب و مطلوب عشان كده الغنايات بقو يردوو (راجل المره شنطة خضراء) و في رواية اخري (راجل المرع حلو حلا) تحياتي ليك يا جميل

---

Post: #35 Title: Re: زواج الكبر..خطر قادم يهدد أجيال قادمة Author: أبو ساندرا Date: 02-23-2013, 10:09 AM Parent: #34 غايتو من فوائد الزواج ، على حسب الزواج الذي في بالك إحتمال أن يرعوي الزوج الكومر ويعتق الناس من شروره وآثامه ويعرف درب الحلال الوضاء

---

Post: #36 Title: Re: زواج الكبر..خطر قادم يهدد أجيال قادمة Author: امير طمبل Date: 02-23-2013, 10:26 AM Parent: #35 Quote: زول لذيذ جداً...(تمتام)..وفي نفس الوكت بخيييييل جداً... وده السبب ال منعو من الزواج لمّن حصل 50 سنة...المهم.... أكبر أولادو لما حصّل سن المدرسة واحد من أصحابنا بيحاول يقنعو يدخّلوا مدرسة خاصة ...وأنور رافض تماماً ...قال ألاّ مدارس الحكومة بس!!!صاحبنا قال ليه (ياخ الولد ده بينفعك ..وانت ماشي على كُبُرْ) ...رد أنور (ينفعني في شنو؟)..قال لبهو (ياخ لما تكبر ح يدخّلك الحمام ويطلّعك من الحمام)..بسرعة رد أنور (هو دخّيييييل الحمام دايرلو مدرسة خاصة؟)...أستاااااذ يا أبونورة.. الأخ محمد محمود نهارات السعادة تمتام و بخيل كمان ياخي ده حالة خاصة جدا ما قابلتني في الدراسة يعني زولك ده بعد الخمسين ولدو حصل سن المدرسة يعني الولد لما يكون وصل مرحلة الجامعة بيكونو عملو ليهو سبيل في الحلة و بتو لما تصل مرحلة الزواج بيكون مكتوب في كرت الدعوة كريمة المرحوم فلان هههههههههههههه الله يستر الحال بس بالله تحياتي كمان للاستاذ ابو نورة

---

Post: #37 Title: Re: زواج الكبر..خطر قادم يهدد أجيال قادمة Author: امير طمبل Date: 02-23-2013, 12:59 PM Parent: #36 Quote: غايتو من فوائد الزواج ، على حسب الزواج الذي في بالك إحتمال أن يرعوي الزوج الكومر ويعتق الناس من شروره وآثامه ويعرف درب الحلال الوضاء بروكتا يا ديامي تصدق مافي شخصية معينة في بالي لما كتبت البوست ده القصة كلها قرأتها علي صفحات جريدة الشرق دراسة حول الموضوع و قلت اكتبها هنا حتي تعم الفائدة ..... و شايفك أشرت في تعليقك الي أحد الكوامر و شكلو من اولاد دفعتك أنا ما عرفتك قاصد بالظبط منو لكن جاء في بالي واحد أخونا كده لكن ده حسب معلوماتي غير الدقيقة إن ظروفه المادية و ووضعه المالي حاليا لا يسمح له بالتفكير في الفلم ده الا في حالة واحدة أن تكون العروس (مرطبة) و عندها غيبوبة من المال حتي تستطيع أن تجاري الصرف الكبير الي روميو اقصد الكومر بالجمبة كده تصدق انا ما فهمت عليك بس خمنت ساي و جاريتك رغم علمي و معرفتي بيك إنك ما بتخش (سااااااكت) ولا شنو تحية بحجم الكون

---

Post: #38 Title: Re: زواج الكبر..خطر قادم يهدد أجيال قادمة Author: امير طمبل Date: 02-23-2013, 01:08 PM Parent: #37 خلاف ده كلو المجتمع السوداني قام بتأليف عدد من النكات حول موضوع زواج الكبار و هاكم الأمثلة عجوز يبلغ من العمر فوق ال 70 سنة تزوج ممن هى فوق الثمانين وفى ليلة الزفاف الاولى قام بتقبيل يدها وقال لها تصبحين على خير وفى الليلة الثانية قبل رأسها وقال لها تصبحين على خير وفى الليلة الثالثة عندما هم بتقبيل خدها قالت له بلاش الليلة دى لحسن تعبانة من الليلتين اللى فاتوا

---

Post: #39 Title: Re: زواج الكبر..خطر قادم يهدد أجيال قادمة Author: Mohamed E. Seliaman Date: 02-23-2013, 01:11 PM Parent: #37 قبل فترة وزع علينا في المسجد مطوية فيها جدول يشرح العلاقة بين عمر الأم ومتلازمة داون حاجة قريبة من التالي: Quote: According to the National Association for Down syndrome, "80% of babies born with Down syndrome are born to women younger than 35. The average maternal age is 28 years old." The likelihood of a woman under 30 years of age giving birth to a child with Down syndrome is less than 1:1000, but increases the older the woman gets (see chart below), with an incidence of about 1:112 at 40 years of age. An annual occurence of Down syndrome of about 9% is seen in women 35 years of age or older, but about 25% of babies with Down syndrome are born to women in this age group. 20-25% of babies conceived with Down syndrome survive past birth. Notification rates to the National Congenital Anomaly System (NCAS) in England and Wales for Down syndrome increased with an increase in maternal age ranging from 3 per 10,000 births for mothers aged 20 to 24 years; 13 per 10,000 for mothers aged 35 to 39 years and 38 per 10,000 for mothers aged 40 years and over لكن العلم عند الله ونسأل الله الذرية الصالحة للمسلمين

---

Post: #40 Title: Re: زواج الكبر..خطر قادم يهدد أجيال قادمة Author: Mohamed E. Seliaman Date: 02-23-2013, 01:13 PM Parent: #39 الجدول في الرابط http://www.mothers35plus.co.uk/down.htm

---

Post: #41 Title: Re: زواج الكبر..خطر قادم يهدد أجيال قادمة Author: امير طمبل Date: 02-23-2013, 01:20 PM الأخ محمد نهارك سعيد وشكرا لمرورك هنا و مدنا ببعض المعلومات التي قد تثري الموضوع و نحن في إنتظار مشاركة أهل الإختصاص من الأطباء و غيرهم شكرا جميلا

---

Post: #42 Title: Re: زواج الكبر..خطر قادم يهدد أجيال قادمة Author: معتز القريش Date: 02-23-2013, 03:30 PM Parent: #41 Quote: بس في حاجة محيراني شديد الواحد يكون صابر ليهو اكثر من ربع قرن من زمان فجأة كده يقرر أنو يفكر في الزواج بالله مش حاجة تحير يكون ده من شنو تفتكر هوووووي يا أمير بطل جلكسات

---

Post: #43 Title: Re: زواج الكبر..خطر قادم يهدد أجيال قادمة Author: عبد الله فقير Date: 02-23-2013, 04:11 PM Parent: #42 امير سلامات غايتو انت ودراستك دى ضيقتوها علينا خالص خالص

---

Post: #44 Title: Re: زواج الكبر..خطر قادم يهدد أجيال قادمة Author: معتز القريش Date: 02-23-2013, 04:35 PM Parent: #43 Quote: مافي شخصية معينة في بالي لما كتبت البوست ده القصة كلها قرأتها علي صفحات جريدة الشرق دراسة حول الموضوع و قلت اكتبها هنا حتي تعم الفائدة ..... أميييييييييير يا جباااااااااااااااااان هههههههههههههههههههه هاي

---

Post: #45 Title: Re: زواج الكبر..خطر قادم يهدد أجيال قادمة Author: امير طمبل Date: 02-24-2013, 01:24 PM Parent: #44 Quote: هوووووي يا أمير بطل جلكسات ود القريش جلكسات شنو ياخي ده واقع معاش بطريقة البورداب هنا والله صحي

---

Post: #46 Title: Re: زواج الكبر..خطر قادم يهدد أجيال قادمة Author: امير طمبل Date: 02-24-2013, 01:36 PM Parent: #45 Quote: امير سلامات غايتو انت ودراستك دى ضيقتوها علينا خالص خالص الأخ عبدالله فقير سلامات ياخي إن شاء الله ما تقولي بس إتاخرت شوية من موضوع العرس ده علي العموما ربنا يسهل الأمور بس كمان لازم تحصل المولد ده قبل فوات الاوان لكن شكلك بيقول بتعاين للتانية ولا شنو عطرت البوست يا جميل

---

Post: #47 Title: Re: زواج الكبر..خطر قادم يهدد أجيال قادمة Author: حسن مهدي Date: 02-24-2013, 01:59 PM Parent: #46 Quote: الاخ/أيمن طمبل تحية طيبة يوجد بالفعل ارتباط احصائي قوي جداً بين (متوسط عمر الزواج) و(النسبة المئوية لغير المتزوجين) في السودان وهي نتيجة منطقية قمت باحتساب معامل الارتباط الإحصائي بين هذين المتغيرين ووجدته قريب جداً من الواحد الصحيح حيث أنه كلما اقترب المعامل من الواحد اصبحت العلاقة بين المتغيرين متينة وإذا اقترب من الصفر كانت العلاقة ضعيفة uncorrelated معامل الارتباط:0.9762 ويتبع المعادلة الخطية التالية: ص=1.6289س-5.5382 حيث ص:النسبة المئوية لغير المتزوجين س:متوسط العمر عند الزواج الأول بالسنة أما فيما يتعلق بمعيار الخطورة هنا فأعتقد أنه نسبي أما بخصوص معاملات الارتباط بالذكاء والصحة والظروف الاقتصادية فيمكن احتسابها أيضاً بصورة مشابهة ولكم التقدير ------- ... مصدر البيانات الخام:الجهاز المركزي للإحصاء متوسط العمر عند الزواج الأول -النسبة المئوية لغير المتزوجين السودان قبل 9 يوليو 2011م:25.6 -37.1% جمهورية السودان الحالية:25.7 -36.4% تفاصيل الولايات: غرب دارفور:21.8 -28.9% (الأقل) جنوب دارفور:22.5 -31.5% النيل الأزرق:23.1 -31.0% جنوب كردفان:23.4 -32.7% شمال دارفور:23.5 -33.8% شمال كردفان:24.3 -32.8% القضارف:24.5 -35.5% كسلا:24.9 -34.1% النيل الأبيض:25 -35.2% سنار:26.2 -38.9% البحر الأحمر:26.7 -38.2% الجزيرة:27.3 -39.8% الخرطوم:28.5 -41.5% نهر النيل:29.9 -42.0% الشمالية:30.9 -44.1% (الأعلى) مشاركة اسامه العوض .. فيسبوكيه

---

Post: #48 Title: Re: زواج الكبر..خطر قادم يهدد أجيال قادمة Author: امير طمبل Date: 03-03-2013, 09:50 AM Parent: #47 Quote: مشاركة اسامه العوض .. فيسبوكيه الأخ حسن مهدي تسلم يا جميل و صراحة دراسة الفيسبوكي ده ما فهمت عليها تحياتي

---

Post: #49 Title: Re: زواج الكبر..خطر قادم يهدد أجيال قادمة Author: محمد فضل الله المكى Date: 03-03-2013, 11:06 AM Parent: #48 Quote: [ حايم من حلاق لي حلاق و من صيدلية لي صيدلية[/QUO إقتربت من الرجل !!!! Post: #50 Title: Re: زواج الكبر..خطر قادم يهدد أجيال قادمة Author: امير طمبل Date: 03-04-2013, 08:34 AM Parent: #49 Quote: إقتربت من الرجل !!!! ههههههه عمنا محمد ود فضل الله بركة بالطلة هنا يا عزيز انت برضو عرفتو ولا شنو تحياتي

---