الزول القاعد جمبي دا ..

أمرو عجيب غريب ..
يتبع .....

مالو بدافر بي كرعينو ولا شنو

أخانا في الله والضحكة الصافية والقلب الطيب الأستاذعبد المنعم شجرابي الذي
هو شجرابي الصحافي الهلالابي الكلس ومعلم الأجيال جيل بعد جيل والكاتب الذي لا يشق له
غبار ولا أية حاجة لجمال إسلوبو الكتابي وقوة حجتو ونجاعة منطقو إذا كتب وإذا تكلم
وإذا حاجج .
هذا الشجرابي الحبوب كان يلازمه في زاويته زولا كالحرباية وأشد تلونا وتلولوا
فهو تارة حكيما حليما منفرج الأسارير حاضر النكتة صانعا للغبطة والبهجة، وتارة أخري
غاضبا ناقما مكفهر الوجه عابس القسمات،محمر العوينات، وأحيانا مفكرا عظيما وفيلسوفاعميقا،
ومحاورا لبقا، وأخري ساذجا مترددا عويرا له حركات وجلكسات ومآرب أخر،
ومرة حبيبا رومانسيا بكايا يفيض حنانا ويذوب ولها، ومرة درويشا صوفيا زاهدا تتدلي من
جيده سبحة لالوبية حتي تلامس مركوبه المصنوع من جلد البعير.
وكان شجرابي يجد هذا الزول المنفصم في ذاتو ومنقسم على نفسو إلى ألف زول في كل
مكان، في السوق وفي المطعم وفي الاستاد وفي المستشفي، وفي الجريدة ..الخ .
وكنا ننتظر زول شجرابي يوميا في سطرين تلاتة ضمن زوايته المقروءة أين ومتي
ما كتبها في أية جريدة، فنعجب ونستعجب ضاربين كف بكف ولسان الحال : لله في خلقه
شئون وحكم.
يتبع ...

هذا بعض مما كان في أمر زول شجرابي الذي كنا ننتظر نوادره وأحاجيه وعجايبه يوميا
عبر سطرين ضمن زاويته المحببة بسبب هذا الزول وغيره.
أما زولي القاعد جمبي دا فهو يختلف تماما عن الزول أعلاه إلا في بعض التفاصيل الصغيرة
فهو أولا لا يحلو له القعاد جمبي إلا عندما أفتح جهاز الكمبيوتر وبالتحديد عندما أدخل المنبر
العام، ولغايةاللحظة دي أنا في حيرة من أمري كيف يعرف أنني دخلت أون لاين لأن المسافة بيننا عندما
أفتح الجهاز لا تسمح له برؤية أي المواقع دخلت ولكنه للعجب والشيطنة تت ترب يقوم حيلو ويجىء
يقعد جمبي مجرد ما فتحت سودانيز أون لاين والعجيبة الأعجب أنو لا يكلف نفسو عناء تعديل وضعو كان
راقد واللا قاعد عندما أفتح أي موقع آخر غير سودانيز أون لاين ( يا ربي يكون عندو سحر؟ )..
المهم الزول دا يبدأ في التنظير والتعليق والإنفعالات مع ما أكتبه ويكتبه بعض المنظراتية
والعوام في المنبر ويندمج مع ذلك لدرجة بعيدة حتي أنه لا يسمح لي بالإنتقال لموضوع آخر
ما لم يكمل هو موضوع البوست الذي تابعه، فأضطر أحيانا كثيرة أقوم أشوف لي شغلة أقضيها
إن شاء الله أخت الملابس في الغسالة أو أغسل باقي عدة الغداء و (دي أكتر شغلة بكرها)، لكن
للصبر حدود فأحيانا عندما أزهج منو شديد وهو يكون قاعد جمبي أعمل نفسي إتفاعلت لي مع خبر
أو موضوع ما وشووووو أشوت ليك التربيزة الصغيرة بطريقة إحترافية لتضربه بالضبط في
نص ساقو، وبينما هو يئن ويتوجع، أقفل الجاهز بحركة سريعة وأعمل ليك فيها ولا جايب خبر الدنيا
، لا وكمان بعد شوية أقوم أعمل شاي بى نعناع وأجغمو ليك بتلذذ ومتعة ولا كأنو في حيوان قاعد جمبي
ضربتو قبل شوية في ساقو .
لكن كمان وللحق الزول دا عندو كباشن وتعليقات كدا لما يقوم عليها قاعد يكيفني لغاية ما أقوم
تنقش تنقش أخش المتبخ أعمل ليهو كباية شاي بى لبن كااااربة (أنه يحب اللبن كالكديس)، وفوق البيعة
أجيب ليهو مع الشاي كيكاية كتا مدخرا لساعة معينة في الليل الهادي عندما أجدع كرسيني في الهواء
الطلق وأقعد أمزمز في الكيكة مع الشاي وأنا في إستمخاخ وشجن شديد مع صوت الأميرة الله يحفظا.
المهم زولي دا عندو أراء بعضها حارق وبعضها ساخر وبعضها نص نص وبعضها الله لا وراكم ليهو في بعض
المنظراتية والعوام والرجرجة ( من الرجة الشديدة ) من أعضاء المنبر ..
سأفتها ليكم هنا بدون مواربة .
يتبع ....

دي وهمة جديدة كمان !!

Quote: أقفل الجاهز

سنة يا الجاهز :)

ياطلحة..!! مش كترتها؟؟....تغسل باقي عدّة الغداء؟؟
و..ياربي الأيام دي الحاصل شنو في برارّي أريزونا دي؟؟
أفتح إي بوست يلاقيّني موضوع غسيل العدّة دا في وشّي

أسعد الله صباحك يا طلحة يا حبيب كما اسعدتني بهذه الرشاقة الحبيبة التي تكتب بها..
كلام في السلك..!

Quote: لكن كمان وللحق الزول دا عندو كباشن وتعليقات كدا لما يقوم عليها قاعد يكيفني

اهم شئ بعدين ما تنسي تدينا تعليقو ورايو في بوستك دا طالما انه متابع شديد

سلام يا طلحة

الزول القاعد جمبك دا لو قرا إنطباعاتك الشخصية وفيضان مكنون النفس دا,,,
خاصة شوتة الطربيزة دا ,,,


غالبا تانى إلا تدقا فى الليق,,

نحن نثنى طلب عضوية الزول القاعد جنب حبينا طلحة عشان تانى يشوف ليهو بلد,,
كامل تضامننا معه أكيد,,

منبر من لا منبر له يسع الجميع,,

تحياتى

اتنين في واحد ..
أو واحد من اتين ..


يازول مرحب بيكـ وبي زولكـ ..
وبي وهماته الوهمتنا بيها دي ...

Quote: Zain Elabdeen سخف رد · أعجبني · متابعة المنشور · ‏الخميس‏، الساعة ‏04:19 مساءً‏

الزول دا شكلو هو الكان قاعد جنبك يا طلحة...

ــــــــــــــــــــــــــــــــــــــــــــــــــ
( .....)

يا شباب بمن فيهم الزول التحت دا .
معليش أنا حردان البوست دا مؤقتا ..

ويا زين العابدين مالك صاري لي كدا ياخ ؟
إتا بتكرهني ليه يا زين ياخ ؟

Quote: معليش أنا حردان البوست دا مؤقتا

اشك في انه حردان.. يكون ياربي الزول قراهو وردّ ليك الطربيزة راجعة؟!

يا حيدورف
بجيك للزول القاعد الجمبي دا بس أخلص الفي يدي دا ..
إستعد للفت ..

غايتو قطع شكـ زمتو أحسن من زمّتكـ!!

للمعلومية ليس فقط :
الزول القاعد جمبي دا خبير جدا في التصنيف بيد أن لديه أراء متطرفة بعض الشىء
في كتابات أعضاء سودانيز اون لاين .. دا فاكيها في نفسو، ودا موهوم، ودا بتاع
جكس، ودا نقتو كتيرة من دون فائدة، ودا ما عارف شنو.. الخ ..
لكن بصراحة وبرغم أنو معاط دائما وخنقة في الغالب أنا قاعد أثق كتير في أرائه
وتعليقاته وإستنتاجاته خصوصا عندما يتعلق الأمر بالحسناوات والجنس الناعم وأحيانا
كثيرة أستعين بيهو لاستبيان بعض غموض الكتابات الناعمة، وقراءة ما بين السطور
ونحو ذلك مما يستغلق على دقنوسي خصوصا بالنسبة للجكس .
هو مثلا من أقترح على كتابة بوست البت سارة علي وحجتو في ذلك كلمتين وحرف جر كالتالي:
( دخلا في أضافيرا) .
وقد كان .......


يتبع ....

يا جماعة الزول التحت الإسمو زين العابدين دا لسه صاري لي
عشان كدا أنا ما بكمل البوست دا ..
إتا بتكرهني ليه يا زين ياخ ..

هههههههه
حافظ أنقابو
الزول القاعد جمبي قال ليك :
هسع إتا ما عامل فيها صحفي في زول قال ليك حاجة ؟
ما على الرسول إلا البلاغ .. ..

Quote: ما على الرسول إلا البلاغ ..

(ما تتضارو ورا الأخوات)

Quote: عندما يتعلق الأمر بالحسناوات والجنس الناعم وأحيانا كثيرة أستعين بيهو لاستبيان بعض غموض الكتابات الناعمة، وقراءة ما بين السطور

ماتخليهوا بدل قاعدين تشلتوا في بعض كدا وعامل ليك غاغة وإنت
عامل لينا غاغة بيهو ...اليخطف كراعو
ويمشي لحدي البوست النسائي داك ويجيب لينا الشمار..
أها بس كمان مايمشي يقول مرسلني طلحة
ويتراشق ويفتح الشنطة و...يدخلك في أضافرينك ويقلب ليك الموضوع برضوا غم وهم..
و..بوستات منبثقة ..وقد سيكون....

طبعا الزول دا في ناس علق لي عليهم من تلقاء نفسو بدون ما أسألو
وبعضهم سألتو أنا منهم ..
وبرضو عندو تعليقات أخري على آخرين منهم البرالمة الجدد .. ربما إستعرضتهم لاحقا ..
مع ملاحظة أن القائمتين بدون ترتيب
ضع الإسم الصحيح من القائمة (ب) أمام ما يناسبه من القائمة( أ)

القائمة ( أ)
* حنكو سنين ولياقتو عالية في كل الأوقات ياخ ( قالها والتمعت عينيه بالاعجاب )
* عندو الفكرة لكن ما قادر يوصلا ( ماطا شلاليفو مقلبا عويناتو ملولحا رأسو )
* عندو مرض حامد ( بسخرية بلا حدود )
* حقاني شديد ( قالها بتأثر ولا أدري لما )
* الزول دا لو بلعب كورة زي ما بكتب والله ولا رونالدو ذاتو ( قالها وبدا لي معجبا )
* تقرأ ليهو قبل ما تنوم طوالي بتجيك الكوابيس ( قالها بجدية متناهية )
* مستر كوبي آند بست ( ثم قال متسائلا : إتوا العالم دي ما بتخجل أصلو؟)
* كلامو زي العزف المنفرد ع العود ( وأردف : يا سلاااااااام ياخ والله متعة)
* ورجغ ورجغ أرررر وروووك ( وإستطرد : دا شنو دا هسع ؟؟)
* سندريلا البورد ياخ ( وسأل جادا : الزولة دي مرتبطة ؟؟) أحمم
* عارف أية حاجة في أية حاجة ( وإستدرك : زي ما قاعد تقول ليهو بالضبط )
* تهذيب وأدب شديد ياخ ( وأضاف : أكيد مكسر ليهو جكسوية جكسايتين )أحمم برضو
* داخل البورد دا يضحك ويتونس ولو لقي شيشة ما بطالة معاهو ( و .. هههههه)
* ممل شديد ياخ ( وأشاح بوجهه ملوحا بيده في زهج شديد )
* الزول دا ما بعرف يكتب بدون ما يسأل سؤال إتا؟ ( قالها ببرود شديد )
* الزول البكتب فوق وتحت دا بتكيف ليهو شديد والله ( وزاد : لكن مرات مرات بتفلسف ) خخخخخخ

القائمة ( ب )
* عمر عثمان جنابو
* عبد الكريم كيكي
* زهير عثمان حمد
* قيقا الراوي
* تاج السر الملك
* .....................
* حيدروف الملقب بحيدر الزين
* جرجير الشهير بود البشرى
* صبري طه
* فايز ود القاضي
* تمبس الملقب بعلاء الدين منصور
* محسن خالد
* ود الصايم الشهير بود الصايم
* هارون دياب
* وهبة الشهير بعبد الوهاب الحاج
* معاوية عبيد الصايم
* ود الباوقة
..........................
ملحوظة : النقط نقط بين قوسين أتركها لفطنة الخبراء

غايتو غير ود القاضي و سندريلا دي * ..................... ما عرفت زول
لكن كخبير مواضيع مستحمية بوصي انك تقوم تاخد ليك لفّة لفّتين دي واحدة
و التانية كان سندريّلا حذفتك اوعى ترسّل ليها تاني :)

هههههههههه
جرجير في ذمتك ورجغ ورجغ دي ما عرفتها لى منو ؟

ثم تعال هنا

Quote: كان سندريّلا حذفتك اوعى ترسّل ليها تاني

إتا بتخاطب فيني واللا الزول القاعد جمبي دا ؟؟ لأنو هو القال الكلام الفوق
دا بما فيه ورجغ ورجغ دي ..
بالنسبة لي أنا فالحسناء الوحيدة الطلبت منها تضيفني كانت سارة علي ورفضت رفضا
قاطعا ونهائيا
تاني أتحداك وأتحدي الزول الجمبي دا لو رسلت لى أية سنيورة في أي منبر في أية
حتة طلبت منها إضافتي ..
ما حصل وحاة خوتك المافيها فايدة .

كان انت كان الجنبك كان الفسباكة التحت ديل دي نصيحة عامة من خبير تأمين كوارث و حد من الأضرار :)
ثم قال ليك حذفتك يعني أولريدي مضاف
فا شنو .. ما تتحسّس ساي يا أخينا

البوست دا فيه جنس "فلق ومداواة"



انا من ناحية انفلقت ..فانلقت
لكن "حسناء" دي ليّست الفلقة دي الكمدة بالرمدة :)




# ود عمي: بطّل لفحي

done يا الحسناء :)

يا جرجير يقولوا ليك مافي حسناء ضافتني من أساسو تقول لي أحلبو ..
ياخ كدا النضوق حلاوة الإضافة دي أول بعدين مرارة الحذف دي بنتصرف معاها..
إتا بتفهم بالقلبا واللا بتفهم بالقلبا أصلو ؟


يا الفاتح أحمد عباس اللى هو تحت .. الزول القاعد جمبي أداك 2 من 3 وقال ليك
إتا عامل إيه ياخ ؟
أقول ليهو شنو ؟؟

يا سارة الزول القاعد جمبي دا قال ليك عندك نفسك تجىء داخلا للزول
دا في بوستيهو كمان؟ ( الزول دا اللى هو أنا العبد المسكين لله ) .
أقول ليهو شنو ؟

Quote: أقول ليهو شنو ؟

قول ليه بدل ادخل في اضافريني..قررت ادخل في البوست دا

طلحة والزول الجمبك ليكم التحية
ولضيوفكم ايضا
سلام ومحبة

حنكو سنين ولياقتو عالية في كل الأوقات- تمبس *وهبة الشهير بعبد الوهاب الحاج
عندو الفكرة لكن ما قادر يوصلا - هارون دياب
عندو مرض حامد-خايف يفهمني غلط
داخل البورد دا يضحك ويتونس ولو لقي شيشة ما بطالة معاهو- ود الصايم
الزول دا لو بلعب كورة زي ما بكتب والله ولا رونالدو ذاتو- تاج السر الملك و *وهبة الشهير بعبد الوهاب الحاج
--------------------------
وهبة الشهير بعبد الوهاب الحاج جوكر ممكن يلعب في عدة مراكز
--------------------
العفو والعافية مقدما لو دخلنا يسار شديد

Rami Mohamed يا الحبيب وحاتك أنا ما ساكي عرس ... مالك آزول عايز تشككني؟

Quote: أنا ما ساكي عرس

وأنا أشهد على كدا
تنظير جا الخرطوم ساكي كيس نايلون ههههههههههههههههههه

ههههههههه
يا فوفو خرتوم شنو كمان البجيها أنا ؟؟؟
الخرتوم دي هي القاعدة تجيني .. وأنا زايغ منها .
منو الغشاك قال ليك كلنا جرجير ؟

الاخ طلحة
والمدعو جرجير
الرجاء حرف البوست عن مساره.ز




:)

دا شنو يا سارة ؟
بقيتي تتكلمي لغات كمان ..
شنو يعني حرف البوست دي ؟؟

يا تنظير يا كيشة الكنتة ما في الخرطوم يا الحكمدار عثمان جركس باشا البرنجي*
الكنتة في الكيس النايلون ههههههههههه

يا سرور هو وينو البوست البحرفوه كمان!!

________________________________________________________
* الحكمدار عثمان جركس باشا البرنجي - مؤسس مدينة الخرطوم الحديثة وأول من اتخّذها عاصمة له
عشان ما تفلقني بأرباب العقائد يا تنظير :)

Quote: طلحة والزول الجمبك ليكم التحية ولضيوفكم ايضا سلام ومحبة حنكو سنين ولياقتو عالية في كل الأوقات- تمبس *وهبة الشهير بعبد الوهاب الحاج عندو الفكرة لكن ما قادر يوصلا - هارون دياب عندو مرض حامد-خايف يفهمني غلط داخل البورد دا يضحك ويتونس ولو لقي شيشة ما بطالة معاهو- ود الصايم الزول دا لو بلعب كورة زي ما بكتب والله ولا رونالدو ذاتو- تاج السر الملك و *وهبة الشهير بعبد الوهاب الحاج -------------------------- وهبة الشهير بعبد الوهاب الحاج جوكر ممكن يلعب في عدة مراكز -------------------- العفو والعافية مقدما لو دخلنا يسار شديد

هههههههههههه والله لكن يا عثمان الشريف لو كتا مكان الزول القاعد جمبي دا
كان أديتك مليون في المية ...
هسع الزول دا مشى يجيب طعمية وجائي لكن أكيد ح يقول ليك بالنسبة لهارون دياب
غلط .. التاج وتامبا ووهبة فيهن لخطبة شوية كدا .
لكن جوكرية وهبة دي والله أوسكار عديل .
تحياتي يا ود الشريف ياخ .

جرجير .. أنا متأكد أنو الزول الجمبي دا قاصدك إتا بى ورجغ ورجغ وررررر أررررر دي
هسع دا شنو كلامك الفوق دا يا نعوم شقير ؟
قوم لف كدا واللا كد ياخ .

Quote: بي كيس النايلون ده زكرتني نكته قالو الجماعه ماشين يجيبو عريس من الحله الجنبهم في نص الطريق الدلوكه طرشقت ماعرفو يعملو صنو لقو ليهم واحد واقف لمبه وشايل ليو جركانه قالو ليو ياخي عليك الله ادينا الجركانه دي دايرين نجيب لينا عريس قا ليهم اتو عريسكم ده الا تجيبو بي جركانه ماتجيبو بي كيس

غايتو يا Rami Mohamed الزول الجمبي دا لغاية هسع قاعد يدردق من الضحك
خلاص انشرط تاني ما بنفع .. هههههههههههههه

يا تنظير دي كانت خدمة مجانية ومعلومة جات عرضا ما هي الموضوع الأساسي
خلينا نرجع ليه؟ قدرت تحصّل الكيس ولاّ لسة مجتهد في الموضوع دا :)

ورجع ورجغ؟
ماف تعبير أحسن من كـدا؟

ورجغ دي قالا هو يا ود الصايم ما أنا .. وبعدين عيبا لي ورجغ .

جرجير اتا لسة ما لفيت ؟

* كلامو زي العزف المنفرد ع العود ( وأردف : يا سلاااااااام ياخ والله متعة)
* تاج السر الملك
* تهذيب وأدب شديد ياخ ( وأضاف : أكيد مكسر ليهو جكسوية جكسايتين )أحمم برضو
* عمر عثمان جنابو
* الزول دا لو بلعب كورة زي ما بكتب والله ولا رونالدو ذاتو ( قالها وبدا لي معجبا )
صبرى طه
* سندريلا البورد ياخ ( وسأل جادا : الزولة دي مرتبطة ؟؟) أحمم
* .....................
* الزول البكتب فوق وتحت دا بتكيف ليهو شديد والله ( وزاد : لكن مرات مرات بتفلسف ) خخخخخخ
* قيقا الراوى

* ورجغ ورجغ أرررر وروووك ( وإستطرد : دا شنو دا هسع ؟؟)
* عارف أية حاجة في أية حاجة ( وإستدرك : زي ما قاعد تقول ليهو بالضبط )
* داخل البورد دا يضحك ويتونس ولو لقي شيشة ما بطالة معاهو ( و .. هههههه)

Quote: الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها او الزول القاعد جنبو

الاخطبوط طلحه كدى القائمه التحت دى ما ناقصه رغم انها زائده .... ؟

ههههههههههه

يا سامي صبري طه دا ياهو الزول الشايل ورقة أسئلتو وحايم بيها ..

يا الفاتح أحمد عباس
وانت تحت كدا كلكل لينا معاك الزول الإسمو زين العابدين دا
خليهو يفك الصرة دي شوية ..
وبالمرة عليك الله أسألوا قول ليهو: إتا بتكره الزول دا كدا ليه يا زين ؟