Post: #1 Title: التمساح ده عمل حركة مجنونة عشان يفترس الأسد ده Author: Osman Musa Date: 02-19-2013, 05:01 PM
بحاول أجيب الفيديو ( Crocodile Attacks Lion )
Post: #2 Title: Re: التمساح ده عمل حركة مجنونة عشان يفترس الأسد ده Author: الطيب شيقوق Date: 02-19-2013, 05:07 PM Parent: #1
عثمان ازيك يا سكر
لكل افة صرافة
Post: #3 Title: Re: التمساح ده عمل حركة مجنونة عشان يفترس الأسد ده Author: فيصل محمد خليل Date: 02-19-2013, 05:15 PM Parent: #2
لكن ما قدر علي
الاسد تاني لو اديتو مية جنية ما بيقطع البحر دا
ازيك
Post: #4 Title: Re: التمساح ده عمل حركة مجنونة عشان يفترس الأسد ده Author: Osman Musa Date: 02-19-2013, 05:17 PM Parent: #2
حولا . من شوية في سيرتك يا ود شيقوق مع الدغور . سلامات . عارف يا الطيب ده ياهو الحجر شراب سيتيت وأتو . عليك الله شوف كيف أستدرجو وكيف خمشو . التمساح يا الطيب يطل هو الحيوان الاخطر والاصعب والاحرف . والبصلو في مكانو قيامتو قامت .. تحياتي
Post: #5 Title: Re: التمساح ده عمل حركة مجنونة عشان يفترس الأسد ده Author: Osman Musa Date: 02-19-2013, 05:33 PM Parent: #4
عزيزنا فيصل سلامات ومشكور علي الفيديو وفوق المية جنية يا فيصل لو وقعتلو لوتري تاني ما حيجي . ياخ شوف نامبو كيف . وشوف كيف الجماعة قاموا صوف . ياخ ده كوركودايل متين وأبن ستين ألف عفريت
Post: #6 Title: Re: التمساح ده عمل حركة مجنونة عشان يفترس الأسد ده Author: Osman Musa Date: 02-19-2013, 06:33 PM Parent: #5
نامبو وقامبو وتاني نامبو وقامبو وبتخيل لو لا الشربكة الحصلت لي ضنب التمساح من الأسد التاني الهارب ما كان الأسد الأول المفترس قدر يتملص ديك الملصة التاريخية . يا جماعة الحجر شراب سيتيت . ... غايتو لقطة مدرسة
Post: #7 Title: Re: التمساح ده عمل حركة مجنونة عشان يفترس الأسد ده Author: Ahmed al Qurashi Date: 02-19-2013, 06:50 PM Parent: #6
عثمان ازيك
يا أخي التمساح دا كيف الأسد يكتلو
دا جلدو حديد دربكين ما يقدو خلي أنياب الأسد
أسد عاقل أحسن يهرب بجلدو ويا روح ما بعدك روح
Post: #8 Title: Re: التمساح ده عمل حركة مجنونة عشان يفترس الأسد ده Author: Osman Musa Date: 02-19-2013, 08:26 PM Parent: #7
عزيزنا د / أحمد سلامات والله يا أحمد بلحيل بتذكر حادثة أفتراس جمل عمنا العبادي . العبادي ده كان صاحب مال وحلال وكانت الدنيا ضاحكة معاو ضحك ما وقفو الا تمساح جزيرة الزيداب الختف جملو . الحادثة دي يا أحمد كانت سنة 1966 ونحن في المدرسة الأولية سنة ثانية . عمك العبادي كان متعود يحمم جمالو ( برود الجمال ) في النيل بعد جز الوبر وبعض الحربشات لزوم العرض وكدي . أها أتاريو دأك النهار تمساح الجزيرة العشاري قانص . وقانص لي منو يا أحمد ؟ قانص لي أبوحريرة طاوي البعاد . ومن دون الجمال والله يا أحمد بتذكر خمشة أبوكريق وبتذكر دم أبوحريرة يبق بق من بين الموج وبتذكر بعض النتف من دوبيت العبادي في حبيبو طاوي البعاد . .. التمساح صعب يا أحمد .. تحياتي
Post: #9 Title: Re: التمساح ده عمل حركة مجنونة عشان يفترس الأسد ده Author: Osman Musa Date: 02-20-2013, 00:03 AM Parent: #8
التمساح شافهم من بعيد وهم نازلين . وأردين الشراب وعمليهم فيها ميت
Post: #10 Title: Re: التمساح ده عمل حركة مجنونة عشان يفترس الأسد ده Author: عزالدين عباس الفحل Date: 02-20-2013, 03:47 AM Parent: #9
Osman Musa ،
ســلام ، لِـكُـل فـارس كـبـوة ،
عزالدين عباس الفحل ابوظبي
Post: #11 Title: Re: التمساح ده عمل حركة مجنونة عشان يفترس الأسد ده Author: Osman Musa Date: 02-20-2013, 02:02 PM Parent: #10
عزيزنا عزالدين الفحل سلامات الأسد فارس أكيد ملك و فارس بس برضو يا الفحل الحجر شراب سيتيت فارس الفرسان . كان يحكي لينا أستاذ اللغة الأنجليزية عن قصة أستاذ اللغة الأنجليزية الأنجليزي في مدرسة عطبرة الثانوية وعن كتابتو لكتاب عن البطل الذي قام بقتل تمساح الدامر الشهير في الخمسينات . وقال الكتاب بتتخللو صور حقيقية للبطل وصور للتمساح من مقتلو وحتي تقليقو في بوابة سجن الدامر . وخلي صاحبك أسامة يحكي ليك عن هجمات تمساح كبوشية العجيب .
Post: #15 Title: Re: التمساح ده عمل حركة مجنونة عشان يفترس الأسد ده Author: معتز القريش Date: 02-20-2013, 05:05 PM Parent: #11
أكيد الأسد دا ما جعلي
Post: #17 Title: Re: التمساح ده عمل حركة مجنونة عشان يفترس الأسد ده Author: hamid brgo Date: 02-20-2013, 06:46 PM Parent: #15
Quote: أكيد الأسد دا ما جعلي
هو كذلك..! فقط عمل بنهج جدكم المك نمر
______________________________________________________ اقترح اطلاق اسم الأسد على احد شوارع الخرطوم تخليدا له و تزييفا للتاريخ عندما تملك السلطة يمكنك تصوير أكثر المواقف جبنا في التاريخ في قوالب البطولة ثم تجبر الاخرين على دراستها و الايمان بها لكن تبقى الحقيقة حقيقة
Post: #18 Title: Re: التمساح ده عمل حركة مجنونة عشان يفترس الأسد ده Author: Osman Musa Date: 02-21-2013, 00:40 AM Parent: #15
موسيقارنا العزيز معتز القريش سلامات مافي شك الأسد ملك البر وأبوكريق ملك النهر وأكيد أي لاعب بجيد اللعب في أرضو أحسن من اللعب في أرض الخصم . .. تحياتي
Post: #26 Title: Re: التمساح ده عمل حركة مجنونة عشان يفترس الأسد ده Author: حسن التوم Date: 02-22-2013, 04:46 AM Parent: #11
رفيق ميز /اولاد العازة (صنعاء ) ...ورئيس ميزنا لدورة واحدة وتاني ما خلينا يتنيها {لظهور علامات الهزال وسؤ التغذية في كل أفراد الميز وحتى عاطف السمين } الزول السمح /عثمان عبدالرحيم ....ليك وحشة وحكايات تروى للجفران من بعدنا ....لكن خلينا في حكاية تمساحك أو كروكدايلك كان حق السودان أو أمريكا ...... زمان كان بحكوا لينا عن واحد إسمو أبنعوف في الشمالية ...من شدة نيشانو كان بخت ولدو طعم للتمساح ...ولمن التمساح يقرب علي الولد ...طاخ ...يقوم نايشو ليك ... والحكايات الماعندها حد عن العريس أوالعروس الختفم التمساح بي ضنبو !!!! ولمن أحكي حكاوي زي دي الآن لولدي (حمودي ) هو في قريد ثري بدل ما يبحلق عويناتو من الدهشة {زينا زمان }....تأدباً يضحك بسخرية بدل (دووووول ) حقتنا زمان ....وهاك يا علم ..(تلات أرباعو إنجليزي والربع عربي مكسر لزوم عشان تفهم يا أبوي ) { يا أبوي إنت ما شفت مستر/ستيف إيرون الكروكدايل هنتر ... كيف بمسك أكبر كروكدايل بي عقلة حبل {نوت مور زان فايف فيت } ....ولمن بقيت أنا الغبيان أبحلق في عويناتي تأكد تماماً لِ (حمودي ) انني أصبحت أسيراً لمعلوماته التي لاأعلمها عن (تمساح أبكبلو ) ... وبي كليك كلكين على الكمبيوتر دخل على صفحة (Steve Irwin __Crocodile Hunter ) أها يا عثمان !!! عينك ما تشوف إلا العجب ...أن كنت قايل الراجل أمريكي طلع أسترالي ..قول واحد ....وما تقول لي تمساح توتي وألا الدامر .... أتخن تمساح كان عشاري والا عشرين ركو كلو علي حبل بي عقلة لا يتجاوز محيطها أكتر من دخول قدوم التمساح فيها ....وطبعا ما زال (حمودي) قابض الجو {أبوي لوك !! االكروكودايل لو داير تقبضو بالحبل من إتز ماوس أول حاجة تخليهو يفتح خشمو هوايل ...آفتر ذات خشمو بوجعو لأنو الفكين سريع ما يتعبوا ...آفتر ذات إيزي تو كاتش إت } .... وياريت لو حمودي فكاني بعد اللكشرة دي .....يا زووول !!! ده وراني كيف {البحر بشيل عوامو }.... ما الزول صياد التماسيح ده زاتو أنقر كيف مات في يوم 4 سبتمبر 2006 ؟؟ هذا عندما حاول إيروين أن يسبح فوق { الشفنيين ..sting ray } وخزه بشوكته التي لايتعدى طولها8 بوصات عند القلب {الشقي قالوا تعتر ليهو ### } وكان ممكن يحيا لو ما إنتزعها في الحال والشوكة تشبه الصنارة ...... وبرضو تقول لي يا عثمان الغبيان !!! تمساح توتي والدامر والمحمية !!!! و{عثمان عبدالرحيم أشطر رئيس ميز ...يطلع ميزو في الشهر 50 ريال يمني ....ومحمد علي 400 ريال .... وأبو يمن داخل ميدان التحرير بي دبابة وده ما سلاح }
Post: #31 Title: Re: التمساح ده عمل حركة مجنونة عشان يفترس الأسد ده Author: Osman Musa Date: 02-22-2013, 06:47 PM Parent: #26
Post: #13 Title: Re: التمساح ده عمل حركة مجنونة عشان يفترس الأسد ده Author: hamid brgo Date: 02-20-2013, 04:07 PM Parent: #8
يعني عشان كدا ود الباوقة شابكنا في البشير الاسد النتر على كل اطالب الزميل واصل علي طه بتغيير صورة البروفايل الي تمساح
Quote: الحادثة دي يا أحمد كانت سنة 1966 ونحن في المدرسة الأولية سنة ثانية
. نشجب ذكر التواريخ
______________________________ عثمان مشتاقين من طرف واحد
Post: #19 Title: Re: التمساح ده عمل حركة مجنونة عشان يفترس الأسد ده Author: Osman Musa Date: 02-21-2013, 01:36 AM Parent: #13
عزيزنا حامد برقو سلامات وينك يا عزيز ماك باين في الساحة ؟ تابعت يا حامد حديث ممتع لأستاذ أسترالي عايش في أمريكا ومهتم بالشغلة دي . الزول كان بتكلم في قناة فوكس المشهورة عن سرعة وقوة وحجم وطريقة التمساح النيلي حقنا في هجمتو علي الصيد . وقال : التمساح النيلي في الموية قوتو قوة جبارة . تحياتي
Post: #12 Title: Re: التمساح ده عمل حركة مجنونة عشان يفترس الأسد ده Author: Osman Musa Date: 02-20-2013, 03:25 PM Parent: #4
###
Post: #14 Title: Re: التمساح ده عمل حركة مجنونة عشان يفترس الأسد ده Author: قسم الفضيل مضوي محمد Date: 02-20-2013, 04:21 PM Parent: #12
Post: #20 Title: Re: التمساح ده عمل حركة مجنونة عشان يفترس الأسد ده Author: ناصر جامع Date: 02-21-2013, 05:19 AM Parent: #16
Post: #21 Title: Re: التمساح ده عمل حركة مجنونة عشان يفترس الأسد ده Author: الحاج حمد الحاج Date: 02-21-2013, 07:52 AM Parent: #20
Quote: وأكيد أي لاعب بجيد اللعب في أرضو أحسن من اللعب في أرض الخصم .
يا عثمان صاحبك الأسد دا تاني لو نهائي كاس ما يجي يلعب هنا!
Post: #23 Title: Re: التمساح ده عمل حركة مجنونة عشان يفترس الأسد ده Author: Osman Musa Date: 02-21-2013, 02:27 PM Parent: #16
عزيزنا ناصر سلامات وألف شكر علي جلب الفيديو البديع عجيبة الحياة يا ناصر ... تحياتي
Post: #22 Title: Re: التمساح ده عمل حركة مجنونة عشان يفترس الأسد ده Author: Osman Musa Date: 02-21-2013, 01:38 PM Parent: #14
عزيزنا قسم الفضيل سلامات وألف شكر علي جلب الفيديو العجيب عرأك صعب و مرير من أجل الحياة . شايف التمساح برضو دخل عودو وبتخيل تدخل التمساح ومحاولتو جر البفلو من كراعو + حظ البفلو السمح وقوتو شربك حكاية الجماعة . والله يا قسم الفضيل دي من أصعب معارك الحياة . تحياتي
Post: #24 Title: Re: التمساح ده عمل حركة مجنونة عشان يفترس الأسد ده Author: قسم الفضيل مضوي محمد Date: 02-21-2013, 04:03 PM Parent: #22
عملت مداخلة كتيرة طشت وين ما عارف ؟؟؟
المهم كان ناسخها للاحتياط في ملف وورد والمداخلة هي:
بمناسبة التمساح دي – حكى واحد من مروي (والعهدة على الرواي) قال إنو في حلتهم في شخص اسمو (مكي) مشى لي وداعية (المرأة البترمي الودع) لجيل التسعينات والألفينات
– المهم المرأة رمت الودع وشافت الودع وقالت ليه انت ح يأكلك تمساح – أخونا مكي قرر من ديك انو تاني ما يمشي البحر أبدا – بعد فترة من الزمن بدأ الفضيان في النيل وفي واحد من ناس الحلة موية النيل وصلت البابور حقو – فقال عمل نفير وساق مجموعة من ناس الحلة عشان يرفعوا البابور في المكان العالي عشان الموية ما تشيلو – مع الجماعة كان يوجد صاحبنا مكي فقاموا قالوا ليه تعال في المكان الفيهو الموية عشان نرفع البابور – فقال ليهم مكي أنا الوداعية قالت لي التمساح ح يأكلك – فقالوا ليه خلاص خليك في المكان المقابل للموية وما تدخل الموية وبدأو في رفع البابور –
فجأة شافوا تمساح كبير جدا متجه نحوهم فقاموا جاريين ورموا البابور – مكي لم يتمكن من الهرب فقام التمساح بأخذه ومشى بيه البحر وطبعا أكله – بعد فترة قام أهالي المنطقة بصيد التمساح ومن ثم قتله وتوزيع لحمه على أهالي القرية – القصة دي حقيقية وواقعية وهي موجودة في التراث المروي وقد تم ذكر القصة في مدحة لأولاد الماحي على ما أظن.
ربنا يرحم الأخ مكي –
ومن الأشياء الغريبة في هذه القصة أنو التمساح ما بياكل الشخص اللفي ضفة النهر ولكن يقوم بضربه بذيله ومن ثم يمسك به ويتخلص منه بأكله نسأل الله السلامة.
في قصة عن جدي لوالدي تتعلق بالتمساح سأقوم بحكايتها في وقت لاحق … ودمتم بخير ..............
مصدر الصورة: الفيس بوك
Post: #25 Title: Re: التمساح ده عمل حركة مجنونة عشان يفترس الأسد ده Author: Osman Musa Date: 02-22-2013, 00:59 AM Parent: #24
عزيزنا ناصر جامع سلامات قرد ذكي و ممسوخ مسخة عجيبة . ألف شكر يا عزيزنا مع التحية
Post: #27 Title: Re: التمساح ده عمل حركة مجنونة عشان يفترس الأسد ده Author: Osman Musa Date: 02-22-2013, 01:37 PM Parent: #25
عزيزنا الحاج حمد زول بحري الشعبية مدينتنا الفارهة . سلامات بفتش يا حاج حمد عن حديث للباحث الأستاذ المرحوم الطيب محمد الطيب في ندوة عن تماسيح النيل وعن هجوم تمساح توتي الشهير . تحياتي
Post: #28 Title: Re: التمساح ده عمل حركة مجنونة عشان يفترس الأسد ده Author: Osman Musa Date: 02-22-2013, 02:01 PM Parent: #27
عزيزنا الأستاذ حسن التوم والله الشوق بحر الدجاجة كانت بي ريال والدباب بين الحصبة والتحرير بي ريال وحزمة الرداعي كانت بي خمسة ديك يا حسن أيامات الشباب كانت أيامات عسل . حقيقة الشوق بحر يا شقيق . أستاذ اللكشرة حمودي يا حسن عارفو ! عارفو ولدك يا حسن طالع علي جدو الأستاذ الفنان عثمان حسين لكاشر عثمان حسين يا حسن الراقدة في المكتبات تيراب للغناء تكفي العالم كلو . حمودي يا حسن أبن الأستاذ المكافح المسكين أكيد حيكون زي جدو . ياخ ليك وليه والأسرة الكريمة التحيات الكبار
Post: #29 Title: Re: التمساح ده عمل حركة مجنونة عشان يفترس الأسد ده Author: Osman Musa Date: 02-22-2013, 02:51 PM Parent: #2
ATTACK LINK http://www.youtube.com/watch?v=D52Pr9... While playing with Live Crocodile in Nile River Bedouin home attack occurs The Great Pyramids, Valley of the Kings and Queens, Luxor Temple, King Tut's Tomb, Cruise down the Nile River, Cairo Egypt, Nile River life, Mysteries of Egypt. Take a trip with us through all of Egypt to see it's splendors in High Definition. Buy "Do You Know the Way" on
Google Play
Post: #30 Title: Re: التمساح ده عمل حركة مجنونة عشان يفترس الأسد ده Author: عبدالمحمود محمد عبدالرحمن Date: 02-22-2013, 04:04 PM Parent: #29
. سلام ياعثمان قبلة الموت .. بين الوحش المائي والآخر البري
. وزي ما قال الشاعر:
Never smile at a crocodile No, you can't get friendly with a crocodile Don't be taken in by his welcome grin He's imagining how well you'd fit within his skin
Post: #32 Title: Re: التمساح ده عمل حركة مجنونة عشان يفترس الأسد ده Author: Osman Musa Date: 02-23-2013, 00:30 AM Parent: #30
عزيزنا عبدالمحمود سلامات وألف شكر علي اللقطة الرهيبة . غايتو حمار الوحش بتاعك ده تاني لو موية النيل أتقلبت Pepsi ماحيجي . ده لو مرق من الكماشة دي . لو بتلاحظ يا عبدالمحمود التمساح شايف التمساح بعد كسرو للفك التحتاني للحمار وكتم نفسو . برضو عندو محاولة لكسر الرقبة . صدقني يا عبدالمحمود دي من الصور النادرة جدا في التاريخ . لك التحية
Post: #33 Title: Re: التمساح ده عمل حركة مجنونة عشان يفترس الأسد ده Author: عزالدين عباس الفحل Date: 02-23-2013, 06:20 AM Parent: #32
عزيزنا عزالدين الفحل سلامات الأسد فارس أكيد ملك و فارس بس برضو يا الفحل الحجر شراب سيتيت فارس الفرسان . كان يحكي لينا أستاذ اللغة الأنجليزية عن قصة أستاذ اللغة الأنجليزية الأنجليزي في مدرسة عطبرة الثانوية وعن كتابتو لكتاب عن البطل الذي قام بقتل تمساح الدامر الشهير في الخمسينات . وقال الكتاب بتتخللو صور حقيقية للبطل وصور للتمساح من مقتلو وحتي تقليقو في بوابة سجن الدامر . وخلي صاحبك أسامة يحكي ليك عن هجمات تمساح كبوشية العجيب .
20-02-2013, 02:02 PM
Osman Musa
عزالدين عباس الفحل ابوظبي
Post: #34 Title: Re: التمساح ده عمل حركة مجنونة عشان يفترس الأسد ده Author: Osman Musa Date: 02-23-2013, 01:21 PM Parent: #33
عزيزنا ود الفحل سلامات في الزيداب يا عزالدين عندنا مكان في رأس جزيرة أولاد حمد نا لله . المكان ده مرتع ومعرض لتماسيح النيل كلو في نهارات الصيف يا عزالدين بتلموا زي العندهم حفلة تعارف . وأي زول ممكن يشوف المنظر ده كان من شرق النيل أو من جهة غرب النيل . تجمع التماسيح زمان في ديك الجزيرة أنا بعتبرو أكبر تجمع للتماسيح في العالم . السر شنو ما تعرف . والعجيبة يا عزو أهلنا أولاد حمدنا لله كان بكونوا دأعكين الطواري عادي علي بعد مسافة ربع كيلو من حلبة التماسيح الكاسرة . تحياتي
Post: #35 Title: Re: التمساح ده عمل حركة مجنونة عشان يفترس الأسد ده Author: Osman Musa Date: 02-24-2013, 03:53 AM Parent: #34
نتابع
Post: #36 Title: Re: التمساح ده عمل حركة مجنونة عشان يفترس الأسد ده Author: عزالدين عباس الفحل Date: 02-24-2013, 04:14 AM Parent: #35
عزيزنا ود الفحل سلامات في الزيداب يا عزالدين عندنا مكان في رأس جزيرة أولاد حمد نا لله . المكان ده مرتع ومعرض لتماسيح النيل كلو في نهارات الصيف يا عزالدين بتلموا زي العندهم حفلة تعارف . وأي زول ممكن يشوف المنظر ده كان من شرق النيل أو من جهة غرب النيل . تجمع التماسيح زمان في ديك الجزيرة أنا بعتبرو أكبر تجمع للتماسيح في العالم . السر شنو ما تعرف . والعجيبة يا عزو أهلنا أولاد حمدنا لله كان بكونوا دأعكين الطواري عادي علي بعد مسافة ربع كيلو من حلبة التماسيح الكاسرة . تحياتي
Osman Musa
عزالدين عباس الفحل ابوظبي
Post: #37 Title: Re: التمساح ده عمل حركة مجنونة عشان يفترس الأسد ده Author: Osman Musa Date: 02-25-2013, 01:25 AM Parent: #36
يا عزو بعد السلامات .. نرجع لللقطة الرهيبة لقطة أفتراس التمساح لحمار الوحش المسكين اللقطة حقيقة مدهشة . لاحظ ! لاحظ ثبات التمساح نص في الموية ونص في الحجرة ولاحظ تثبيتو لحمار الوحش بي حجمو و عتاوتو دي كلها ولا حظ كسر الحنك .
