Post: #1 Title: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-19-2013, 01:52 PM Parent: #0
الرحمة والمغفرة ( للحوت )
صوت لن يتكرر قريبا....!!!
ولكنه رحل.... وهذا حال الدنيا
كما رحل كثيرا من العمالقة
الذين شكلوا وجدان هذا الشعب
المسكون بالابداع .....
ولان حواء السودان لم تعقم ابدا
من انجاب المبدعين جيلا ... بعد جيل .
فان هذا الشاب
ومن وجهة نظر شخصية خالصة سيصبح الوريث
الشرعي لعرش ( الحوت ) في قمة الغناء
الشبابي في السودان ....
فهو يمتلك حنجرة ذهبية يستطيع ان يقودها
في كل السلالم الموسيقية.....واداء تطريبي عالي
في جميع لونيات الغناء خاصة اعمال العمالقة الرواد.
مع حضور مسرحي جميل وقبول لدي الشباب...
فقط...
يعيب عليه ترديده لبعض الاعمال الهابطة ....في الحفلات
العامة وايضا في بعض الالبومات .
هو حقا يحتاج الي من يقف بجانبه من رواد الشعر والتلحين
وكبار الفنانين حتي يتبوا المكانة التي يستحقها .
مرة اخري....
وجهة نظر شخصية خالصة
طه سليمان هو الوريث الشرعي لعرش الغناء الشبابي بعد رحيل ( الحوت )
Post: #2 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-19-2013, 01:56 PM Parent: #1
انا والنجم والمساء ... رائعة الراحلين عثمان حسين وبازرعة
Post: #3 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-19-2013, 02:20 PM Parent: #2
بعدسة الفنان الزميل ناجي الملك
Post: #4 Title: Re: انه الوريث الشرعي لعرش ( الحوت ) في قمة الغناء الشبابي Author: محمد كابيلا Date: 02-19-2013, 02:21 PM Parent: #2
Quote: لم ولن تنجب حواء وريث للراحل محمود عبد العزيز وفي مقولة اخرى ( وريث محمود امو وابوهو ما اتلاقو لسه)
أعلاه رأى بعض الناس التحت.. !!
أتفق معه تماما .... ولكن طه سليمان
مبدع وسيكون له شأن فى المستقبل
طبعا إذا حافظ على ذلك المستوى !!
Post: #5 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-19-2013, 02:35 PM Parent: #4
سلامات ياكابيلا يافنان
واحتراما للراي الاخر قلت من البداية :
راي شخصي خالص
المهم...
اتفق معك تماما في ان طه سيكون له شأن
في مسيرة الغناء السودانية...وعليه تطوير نفسه .
تحاياي
Post: #6 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-19-2013, 02:44 PM Parent: #5
غربة وسنين
سلامات
Quote: دي مكانة من الصعب يصلها اي فنان محمود عبد العزيز صوت وكاريزما لن تتكرر فمن الافضل ان يشق كل فنان او مغني طريقه بدون محاولة التسلق على عرش الحوت وبرضو وجهة نظر شخصية يا استاذ هارون موضوعك ممكن يضر بالفنان ده اكتر من ينفعه على الاقل في الوقت الحالي
وايضا رما تفيده اذا استعملها بالطريقة الصحيحة
التي قصدتها انا واستغل امكانياته الفنية لتطويرها
والاعتماد علي نفسه وتجويد اعماله ... هذا فيما يخص الفنان طه
اما عن الحوت فقد سكت الرباب ياحبيب له الرحمة ولمعجبيه وانا منهم
الصبر الجميل
تحاياي
Post: #7 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-19-2013, 02:50 PM Parent: #6
Massy Hilali ·
Quote: لا اشكك في مقدرات طه سليمان فهو فنان من الطراز الاول وله خامه صوتية ممتازه وهو (صديق شخصي لكي لا يحور انحيازي للراحل محمود) ولكن عندما نتحدث عن الراحل محمود اننا نتحدث عن (فكره وظاهرة فنيه متعددة الجوانب).. وايضا (صديق شخصي ومقرب جدا واب) .. وكما تحلو لي تسميتة (يا ود خالتي) ... محمود عبد العزيز ( له الرحمه) بدا اجتياح الساحه الفنيه في نفس الوقت الذي بدا فيه الشاب السوداني بالاستماع الى الفنانين العرب (كاظم الساهر و عمر دياب... الخ) فاستطاع ان يرجعهم الى الفن السوداني كما كان هو جسر الوصل بين اغاني الحقيبه واغاني العمالقه بالشباب.. لذى ليس من المنصف ان يقيم محمود بصوته فقط... محمود مجموعة اشياء جميله اقلها جمالا صوته :)
تحية واحترام لكل ماسطرت
ولكن من حق طه ان يكون ظاهرة ايضا
لك مودتي
Post: #9 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-19-2013, 02:53 PM Parent: #7
Sulaiman Adam Sulaiman · سلامات
Quote: محمود لن يتكرر...
وجهة نظرك تجد مني كل الاحترام والتقدير
تحاياي
Post: #8 Title: Re: انه الوريث الشرعي لعرش ( الحوت ) في قمة الغناء الشبابي Author: حبيب نورة Date: 02-19-2013, 02:51 PM Parent: #6
Quote: لم ولن تنجب حواء وريث للراحل محمود عبد العزيز وفي مقولة اخرى ( وريث محمود امو وابوهو ما اتلاقو لسه)
تحياتي يا دياب
Post: #10 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-19-2013, 02:56 PM Parent: #8
حبيبة وحبيبنا
ياخي مشتاقين ويمين ( الحوت ) قطع فينا كلنا
لكن....
لابد ان تستمر الحياة وقطار الابداع يتواصل
تحاياي ياجميل وابقي واصل
Post: #11 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-19-2013, 02:58 PM Parent: #10
فايت مروح وين او ( كسلا ) رائعة التاج مكي
Post: #12 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-19-2013, 03:07 PM Parent: #11
اتمني الاستماع للنموذجين
بروااااااقة وبعدين نحكم
طه صوت به امكانيات تطريبية هائلة .
Post: #13 Title: Re: انه الوريث الشرعي لعرش ( الحوت ) في قمة الغناء الشبابي Author: معتز القريش Date: 02-19-2013, 03:19 PM Parent: #11
Quote: لا اشكك في مقدرات طه سليمان فهو فنان من الطراز الاول وله خامه صوتية ممتازه وهو (صديق شخصي لكي لا يحور انحيازي للراحل محمود) ولكن عندما نتحدث عن الراحل محمود اننا نتحدث عن (فكره وظاهرة فنيه متعددة الجوانب).. وايضا (صديق شخصي ومقرب جدا واب) .. وكما تحلو لي تسميتة (يا ود خالتي) ... محمود عبد العزيز ( له الرحمه) بدا اجتياح الساحه الفنيه في نفس الوقت الذي بدا فيه الشاب السوداني بالاستماع الى الفنانين العرب (كاظم الساهر و عمر دياب... الخ) فاستطاع ان يرجعهم الى الفن السوداني كما كان هو جسر الوصل بين اغاني الحقيبه واغاني العمالقه بالشباب.. لذى ليس من المنصف ان يقيم محمود بصوته فقط... محمود مجموعة اشياء جميله اقلها جمالا صوته :)
أما رأيي أنا
قوم لف إنت وطه سليمان وطه القرشي ذاتو
Post: #14 Title: Re: انه الوريث الشرعي لعرش ( الحوت ) في قمة الغناء الشبابي Author: Mohamed Foto7li Date: 02-19-2013, 03:26 PM Parent: #13
سلام هارون
والله طه عاجبني وبتفق معاك بس يبعد من الاغاني الهابطة
Post: #15 Title: Re: انه الوريث الشرعي لعرش ( الحوت ) في قمة الغناء الشبابي Author: ناصر احمد الامين Date: 02-19-2013, 03:57 PM Parent: #14
فعلا طه يمتلك خامة صوت ممتازه خالص ولكن حكاية وريث محمود دي انا ما بتفق معاك فيها
طه الان محاصر ما بين (العداد و الجمهور) الجري ورا العدادات هو الخلاهو يغني الاغاني الهابطة دي امثال (حرامي القلوب تلب) و عشان كده جمهورو كلو ناس حفلات ربه سااااكت
محمود كان (ظاهرة) (ثورة) (انتماء) كون شخصيتو الغنائية الخاصة و حافظ عليها و ميزها و طورها. محمود زي (وردي و زيدان و مصطفي) ما حا يتعوضو كلو كلو.
____________________ تحياتي يا صفوه و مشتاقين كتير
Post: #16 Title: Re: انه الوريث الشرعي لعرش ( الحوت ) في قمة الغناء الشبابي Author: Amani Al Ajab Date: 02-19-2013, 04:19 PM Parent: #15
Quote: محمود كان (ظاهرة) (ثورة) (انتماء) كون شخصيتو الغنائية الخاصة و حافظ عليها و ميزها و طورها. محمود زي (وردي و زيدان و مصطفي) ما حا يتعوضو كلو كلو.
لهم الرحمة والمغفرة ..
Post: #21 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-20-2013, 06:16 AM Parent: #16
سلامات استاذة اماني
وشكرا علي المرور
واثراء البوست بخوف الوجع
Post: #19 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-20-2013, 05:56 AM Parent: #15
ابو احمد ياصفوة الصفوة
والشوق بحور
كما قلت طه مشروع لفنان ناجح شامل
يحتاج الي من ياخذ بيده حتي يصل القمة
ورش فنية تضم ملحنين وشعراء ونقاد
وايضا المقربين منه....
الابتعاد عن الاغاني الهابطة امثال حرامي القلوب
ستكون البداية الصحيحة له .
امنياتنا له بالتوفيق
وللحوت بالرحمة والمغفرة
ولك كل التقدير
Post: #18 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-20-2013, 05:52 AM Parent: #14
فتحولي ياجميل
اخبارك
والله طه عاجبني وبتفق معاك بس يبعد من الاغاني الهابطة
------
اتفاق كامل خاصة مسالة الاغاني الهابطة
تحياتي
Post: #17 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-20-2013, 05:50 AM Parent: #13
Post: #20 Title: Re: انه الوريث الشرعي لعرش ( الحوت ) في قمة الغناء الشبابي Author: امير طمبل Date: 02-20-2013, 06:08 AM Parent: #17
أبو دياب صباح الفال يا خال طه سليمان فعلا صوت لا غبار عليه و لكن سينتهي من الساحة قريبا لأنني اعرفه من قرب لانو برضو بحراوي و من اولاد حفرتنا طه سليمان وجد ضالته في الهابط جدا و الهابط كما تعلم أصبح أسرع وسيلة للدخول الي قلوب ملايين الشباب بالسودان ..... دقيت ليهو ما رد و يرن جوالو بشدة طاعني دائما بي وري كاتبني وين و عند ياتو شيخ ووب علي من ناس النظام الطبنجه وري و القاش قدام حرامي القلوب تلب حرامي القلوب قبضو إنها أغنياته التي أشتهر بها الراجل بالمناسبة إشتري سيارة لاند كروزر 2013 فل أبشن أكرر فل أبشن تقولي لي منو و تقولي شنو
Post: #22 Title: Re: انه الوريث الشرعي لعرش ( الحوت ) في قمة الغناء الشبابي Author: Saifelyazal Elmaki Date: 02-20-2013, 06:17 AM Parent: #20
هارون دياب يا صفوة وضيوفه صباحاتكم ندية
المحترم امير طمبل ضحكت حتى ملء شدقيً
Quote: دقيت ليهو ما رد و يرن جوالو بشدة طاعني دائما بي وري كاتبني وين و عند ياتو شيخ ووب علي من ناس النظام الطبنجه وري و القاش قدام حرامي القلوب تلب حرامي القلوب قبضو إنها أغنياته التي أشتهر بها الراجل بالمناسبة إشتري سيارة لاند كروزر 2013 فل أبشن أكرر فل أبشن تقولي لي منو و تقولي شنو
كما ذكر الاخ أمير هل هناك مؤهل لدخول قلوب الناس كما دخلها الراحل محمود عبد العزيز لا لا يا هارون ما في زول مؤهل على الاقل حاليا
Post: #23 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-20-2013, 06:22 AM Parent: #20
صباح الخير ياحبيب
وكيف اصبحت اليوم...؟
عارف يا طمبلاوي انت بالذات
رايك مهم لانك قريب من هؤلاء
الشباب بحكم الجيرة والمجال الفني
انا عندما اتحدث عن طه فاني اتحدث
عن فنان صاحب امكانيات مهولة ، ويمكن
وصف طه الحقيقي هو كما قال الحلنقي عندما
سئل عن تعامله مع طه رغم الغناء الهابط الذي
يواديه اجاب :
طه لؤلوة جميلة تحتاج الي من ينظفها ويصقلها( او كما قال )
اذا....
لاننكر اداء طه لكثير من الاغنيات الغير مقبولة دعنا نسميها
ولكن....
عندما يتغني باغاني الرواد يحلق بك عاليا .
هي دعوة للجميع للوقوف معه
ودعوة له للابتعاد عن الغناء الهابط
ودعوة لك لدعمه بكل خبراتك الجميلة .
ودعوة لله ان يمن عليك بالشفاء العاجل
ايها الحبيب الجميل
---
لقيتني كيف...مع الصباح؟
Post: #25 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-20-2013, 06:32 AM Parent: #23
سيف اليزل
صباحك ناضر
كما ذكر الاخ أمير هل هناك مؤهل لدخول قلوب الناس كما دخلها الراحل محمود عبد العزيز لا لا يا هارون ما في زول مؤهل على الاقل حاليا -----
اعتقد بان طه قد دخل قلوب الكثيرين
وخاصة الشباب وهم الفئة المستهدفة هنا
لن يصل الي ماوصل اليه الحوت كما اتفق الكثيرون هنا
لكن بالدراسة والمثابرة والتمحيص والاختيار الجيد
حتما سيصل ولو بعد حين .
مودتي والاقتباس ماشغال عندي
Post: #24 Title: Re: انه الوريث الشرعي لعرش ( الحوت ) في قمة الغناء الشبابي Author: عمر الفاروق Date: 02-20-2013, 06:25 AM Parent: #20
تحياتي يا هارون .. واسمع كلامي ده وسيبك من قصة رأيي الشخصي وتركت مساحة للاراء و و من هكذا كلام حق مجاملات .. محمود لا عندو وريث لا يحزنون لا رأيك الشخصي لا رأيي انا ولااا رأي اييي زول تاني العقل بيقبلو.. فااا شنو ..قوم خلينا نتكلم عن طه براااهو كده مثلاً بدون ما نجيب سيرة محمود في القصة دي عشان ما تظلم طه .. يعني وريثو دي إنت قصدت بيها شنو ؟ إمكانية صوتية مقاربة ؟؟؟ كلمات أغاني ؟ حضور وقبول؟ كاريزما ؟ أييي واحدة من الفوق دي لو ختيت محمود وختيت طه عشان تعمل نسبة مئوية للمقارنة ح تلاقي نفسك بتدي محمود 100% وبدووون ما تشعر ح تلقى روحك أديت طه 10% بالنسبة لي مقارنته بي محمود ..شوفت كده ورطت طه كيف؟؟؟ لكن مثلاً تقوم تقارن طه بي احمد الصادق بي شكر الله بي بي اوووكي هنا طه يكسب وترجع ليهو ال 100%
بالمناسبة يا هارون انا وعن نفسي برشح ليكم زوب بعتبرو غنااااي شديييد وصدقوني ده الوحيد الممكن اقبل منو يغني غنا محمود -لاحظ انا قلت يغني لكن اصصصلو ما حا اقول ليكم وريث شرعي - الولد السمين اللي ظهر مع محمود وهو بيغني اغنية لهيب الشوق في برنامج مع محمود في قناة الشروق ..وصدقني انا حاسي جداً إنو محمود كان بيرتاح للولد ده وحس فيهو إنو مشروع فنان ..والولد ده صوتو ما عندو أييي علاقة بي صوت محمود لكن كان بيغني اغاني محمود بي إحساس حقو هو برااااهو ويبدو إنو ده الحبب محمود فيهو لأنو دي كانت نفس فلسفة محمود يغني غنا الغير بس بي إحساسو وبصمتو هو .. الولد ده ولد حلو شديييييد وعاجبني شديييد وانا لو لميت في تلفون ليهو بمسكو الدرب وبقول ليهو ركككز انت ود غنااااي شديييد.. ويوما ما ح تتذكرو كلامي ده ..
Post: #26 Title: Re: انه الوريث الشرعي لعرش ( الحوت ) في قمة الغناء الشبابي Author: امير طمبل Date: 02-20-2013, 06:38 AM Parent: #24
Quote: ضحكت حتى ملء شدقيً
الأخ سيف اليزل ياخي ربنا يجعلها ضحكة دائمة شكرا بحجم الكون يا صديقي و دمت
Post: #28 Title: Re: انه الوريث الشرعي لعرش ( الحوت ) في قمة الغناء الشبابي Author: امير طمبل Date: 02-20-2013, 06:59 AM Parent: #26
Quote: صباح الخير ياحبيب
وكيف اصبحت اليوم...؟
عارف يا طمبلاوي انت بالذات
رايك مهم لانك قريب من هؤلاء
الشباب بحكم الجيرة والمجال الفني
انا عندما اتحدث عن طه فاني اتحدث
عن فنان صاحب امكانيات مهولة ، ويمكن
وصف طه الحقيقي هو كما قال الحلنقي عندما
سئل عن تعامله مع طه رغم الغناء الهابط الذي
يواديه اجاب :
طه لؤلوة جميلة تحتاج الي من ينظفها ويصقلها( او كما قال )
اذا....
لاننكر اداء طه لكثير من الاغنيات الغير مقبولة دعنا نسميها
ولكن....
عندما يتغني باغاني الرواد يحلق بك عاليا .
هي دعوة للجميع للوقوف معه
ودعوة له للابتعاد عن الغناء الهابط
ودعوة لك لدعمه بكل خبراتك الجميلة .
ودعوة لله ان يمن عليك بالشفاء العاجل
ايها الحبيب الجميل
---
لقيتني كيف...مع الصباح؟
الحمد لله ماشي في تحسن مستمر عارف يا خال طه سليمان ده بدأ في الأول مع فرقة ال البيت ثم تغير الإسم الي أولاد البيت مره من المرات الرجل عمل ليهو هجمة مرتدة لوحده مشي ضرب ليهو عداد فردي في الصافية إحتج أعضاء الفر قه و طلبو منه عدم الغناء مره ثانية بصورة فردية صراحة الراجل العداد كان بالنسبة ليهو مجزي جدا الراجل صراحة شاور عدد من اصدقائه فطلبو منه ان يمشي في طريقه الجديد و منها الحبيب طه سليمان لم يتوقف من الغناء نهائي تصدق يا خال طه سليمان ده عندو جدول حفلات مليان حتي شهر فبراير القادم و بالمناسبة لا يقرأ الصحف و ما بيشتغل باي كلام حول الناس البتتكلم عن بعض الأغنيات الهابطة التي وجد فيها ضالته و شغال بطريقة لا تزورني لا أزورك و قدمي بمسكو علي
Post: #29 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-20-2013, 07:04 AM Parent: #24
الفاروق ياحبيب
سلامات
طبعا اولا انا وانت متفقين تماما بان الحوت
ظاهرة لن تتكرر .... ومتفقين في اعجابنا بيهو .
انا ماعاوز اكر كلامي ... انا بعتبر انو طه
بامكانه يتبؤ مركز الصدارة بعد رحيل الحوت
لانو المركز فاضي ولازم يكون في اول وتاني واخير وكده...!!!!
مافي اي ملامح شبه بين الحوت وطه ...!!!!
لكن الملم الوحيد المتشابه بينهم هو الموهبة وامكانيات
الوصول للقمة .
انا هنا لا اعقد مقارنة بينهم ولكني اقول هو افضل من يمكن
ان يواصل هذه المسيرة بعد رحيل الحوت..... !!!!
مصطفي بربري او الود السمين كما اطلق عليه
يمين بالنسبة لي ماعندو التكتح اللهم انو جاي من السعودية
وعندو قروش كتيرة ...!!!!
راجع ليك
Post: #82 Title: Re: انه الوريث الشرعي لعرش ( الحوت ) في قمة الغناء الشبابي Author: محمد الكامل عبد الحليم Date: 02-24-2013, 03:22 PM Parent: #2
تحية.....
(انا والنجم والمساء) هي من معلقات الغناء السوداني باذخ الثراء فائق البهاء صادح الغناء...هي لحن من الالحان التي قل أن يجود بها الزمان...صاغها عثمان لحنا أتي به من وادي عبقر الالحان وقذف بها الي اعماق الوجد ليشعلها اصطلاءا في دفئها و في تماوجهابالرجاءات بين النجم والمساء وعبر افلاك المحبين وهم يتبادلون ما فعلت بهم ليالي السهد والعشق والحب وعذاباته الخالدة...
والحال كذلك يجب علي من يرتاد دنياوات الغناء أن يقتفي مثل هذا الاثار وان يبترد بفيوضها قبل أن يطل مقدما ما لديه من أزاهير ودرر ليكتب اسمه مع الخالدين مثل عثمان وبقية العقد الفريد..
مات بالهم عاشق..
Post: #27 Title: Re: انه الوريث الشرعي لعرش ( الحوت ) في قمة الغناء الشبابي Author: walid taha Date: 02-20-2013, 06:46 AM Parent: #1
هارون مُهكّر :)
Post: #30 Title: Re: انه الوريث الشرعي لعرش ( الحوت ) في قمة الغناء الشبابي Author: امير طمبل Date: 02-20-2013, 07:08 AM Parent: #27
Quote: بالمناسبة يا هارون انا وعن نفسي برشح ليكم زوب بعتبرو غنااااي شديييد وصدقوني ده الوحيد الممكن اقبل منو يغني غنا محمود -لاحظ انا قلت يغني لكن اصصصلو ما حا اقول ليكم وريث شرعي - الولد السمين اللي ظهر مع محمود وهو بيغني اغنية لهيب الشوق في برنامج مع محمود في قناة الشروق ..وصدقني انا حاسي جداً إنو محمود كان بيرتاح للولد ده وحس فيهو إنو مشروع فنان ..والولد ده صوتو ما عندو أييي علاقة بي صوت محمود لكن كان بيغني اغاني محمود بي إحساس حقو هو برااااهو ويبدو إنو ده الحبب محمود فيهو لأنو دي كانت نفس فلسفة محمود يغني غنا الغير بس بي إحساسو وبصمتو هو .. الولد ده ولد حلو شديييييد وعاجبني شديييد وانا لو لميت في تلفون ليهو بمسكو الدرب وبقول ليهو ركككز انت ود غنااااي شديييد.. ويوما ما ح تتذكرو كلامي ده ..
الأخ عمر الفاروق تحياتي و تقديري الي شخصك صراحة أول مره أتداخل معاك هنا في الحوش الكبير ده و كنت أتحدث مع الخال هارون دياب علي الهاتف قبل قليل قلت ليهو خايف أكتب حاجة الي الاخ عمر الفاروق يقوم يتحسس مني شوية ههههههههههههههههه لكن بالجد واقفة لي في حلقي بتصلك عبر اي سانحة اخري الفنان السمين العاجبك ده شاب مطرب جديد إسمو مصطفي البربري علي اي حال انت الظاهر عجبتك حلاتو حسب ما كتبت لكن صراحة الولد ده بعيد كل البعد من خارطة الغناء السوداني لكن ساسعي جاهدا حتي أتمكن من إرسال هاتف المطرب ده ياخي فرصة طيبة جدا و باقي الكلام انا قلتو الي هارون دياب لك تحياتي و تقديري و إحترامي
Post: #44 Title: Re: انه الوريث الشرعي لعرش ( الحوت ) في قمة الغناء الشبابي Author: عمر ابراهيم الخضر Date: 02-20-2013, 10:51 AM Parent: #30
هارون يا راقي يا صفوة نحترم رأيك لكن بيني وبينك المشكلة ما في الغناء القبول الذي وجده محمود وحباه به الله لن يجده شخص والحنجرة التي يمتلكها الحوت لن تتكرر اثنين في السودان لن يتكرروا مصطفى ومحمود ربنا يرحمهم. مع كل الود
Post: #53 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-21-2013, 06:00 AM Parent: #44
عمر ابراهيم
سلامات
Quote: هارون يا راقي يا صفوة نحترم رأيك لكن بيني وبينك المشكلة ما في الغناء القبول الذي وجده محمود وحباه به الله لن يجده شخص والحنجرة التي يمتلكها الحوت لن تتكرر اثنين في السودان لن يتكرروا مصطفى ومحمود ربنا يرحمهم. مع كل الود
والله انا معاك في ان الحوت وجد قبول لم ولن يتكرر
وانا اعترفت بذلك في البداية
اما راي فهو عن امكانيات طه سليمان الغنائية
تسلم ياغالي
Post: #54 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-21-2013, 06:02 AM Parent: #53
تسلمي اختي الاستاذة اماني
وشكرا فقد نورتي البوست بوجودك
Post: #49 Title: Re: انه الوريث الشرعي لعرش ( الحوت ) في قمة الغناء الشبابي Author: Amani Al Ajab Date: 02-20-2013, 04:09 PM Parent: #30
عذراً الأخ هارون دياب لم أحييك .. لك تحياتي وتقديري ..
Post: #50 Title: Re: انه الوريث الشرعي لعرش ( الحوت ) في قمة الغناء الشبابي Author: tabaldy Date: 02-20-2013, 04:13 PM Parent: #30
Quote: مصطفي البربري
طه سليمان غناي، بس محمود !!! ربنا يرحمو بي قدر ما أمت معجبيه
كمؤدين بحب أسمع شبارقة، عمر جعفر، فتحي السمري، وبعيش في ماضي عمار السنوسي في فنان من الرميلة بقلد عمار السنوسي أسمو نزار فتحي برضو لو بطل كسل كويس
تحياتي ليك ولي جميع المتداخلين
حبيب نورا
Post: #55 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-21-2013, 06:09 AM Parent: #50
مرحبتين ياتبلدي
وسعيد بوجودك
Quote: شبارقة، عمر جعفر، فتحي السمري، وبعيش في ماضي عمار السنوسي في فنان من الرميلة بقلد عمار السنوسي أسمو نزار فتحي
وناسك ديل كلهم غنايين كل حسب
ذوق جمهوره ... لكن حكاية بقلد عمار السنوسي
ماراكبه عدله.... مقلد يقلد مقلد
عمار السنوسي حتي الان برغم الامكانيات الصوتية
والبدايات القوية والفترة الزمنية الطويلة
لازال يتكي علي اغاني الغير... او ربما اكون غير مواكب
عموما...
لك التحايا
Post: #62 Title: Re: انه الوريث الشرعي لعرش ( الحوت ) في قمة الغناء الشبابي Author: محمد البحر Date: 02-21-2013, 07:11 AM Parent: #30
الحبيب / ابو دياب تحيات يا زول طبعا هى اول حروف اختها فى الراحل الصديق / محمود عبد العزيز بعد سماع خبر وفاته حتى الان برغم متابعتى لكل ما يكتب فى سيرة الراحل واثرت نفسى بان تكون عبرك لك الحب يا صديق.
لقد انهيت القول بانك وضعت (راى الشخصى اخر البوست ) وتلك الجمله من المفترض تقطع قول كل خطيب ) وتحترم على ذلك.
اما من وجه نظرى/ محمود عبد العزيز ( ربنا يرحمو) ظاهرة فريدة فى خارطة الغناء السودانى انسان بطول الوطن اختار اصعب الطرق لقلوب محبيه فنجح فى ذلك وقد علم محمود بان لا غبار هى موهبته فسلك طريق الانسانيه التى اجاده بدرجه قديس. فقد كان محمود من الناس والى الناس بكل درجاتهم الساميه . فمن الصعب لفنان ان يجيد دور الانسانيه مهم كانت قدرته على التحمل فقد جلس محمود على الارض وافترش قطاعات الكرتون فى جنبات اسواق الخضار يتجازب الحديث مع بعض (اولاد الشماس ) ود شوف عين (جوار نادى الخرجين بورتسودان). لقد سلك محمود درب الانسانيه ةقد افلح فيها . فيما يخص الشاب طه سليمان اتفق معك بان طه فنان جيد جدا وانا واحد من المستمعين له بعنايه ولكن اسمح لى بان محمود ......... لن يتكررررررررررررررر يا صفوة
تحياتى محمد البحر
Post: #63 Title: Re: انه الوريث الشرعي لعرش ( الحوت ) في قمة الغناء الشبابي Author: مزمل خيرى Date: 02-21-2013, 11:03 AM Parent: #30
ياهارونا ياخ بالغت بوليغ شديد بالله رسل لى بكرى يشيل البوست حفاظاً على ماء وجهك الملون بالاحمر والاصفر دة الله يرضى عليك .. محمود لن يكون لة وريث ياصاحب صوت محمود خرااافى ولن يتكرر .. مع احترامى طبعا ليك ولى طة
Post: #106 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-27-2013, 02:04 PM Parent: #63
ابو جوان ياحبيب
سلامات
Quote: ياهارونا ياخ بالغت بوليغ شديد بالله رسل لى بكرى يشيل البوست حفاظاً على ماء وجهك الملون بالاحمر والاصفر دة الله يرضى عليك .. محمود لن يكون لة وريث ياصاحب صوت محمود خرااافى ولن يتكرر .. مع احترامى طبعا ليك ولى طة
محمود لن يتكرر ولن نختلف في ذلك
وهو صاحب هذا العرش.... لكن بانتقاله للرفيق الاعلي
حتما سياتي من يتربع عليه ....
واتوقع لطه ذلك التربع .
اما عني فمشتاق ليك كتيييييييير .
سلام
Post: #31 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-20-2013, 07:15 AM Parent: #27
وليد طه
هارون مُهكّر :) --
وحاتك ياني زااااااااااتي
بس مشتاق ليك ياحبه
Post: #34 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-20-2013, 07:22 AM Parent: #31
باقي الكلام انا قلتو الي هارون دياب ------- والله قالو لي يافاروق
الله يجازي محنك ياطمبلاوي
قدر ده....؟
تااااااااااااااااخ
Post: #32 Title: Re: انه الوريث الشرعي لعرش ( الحوت ) في قمة الغناء الشبابي Author: جمال ود القوز Date: 02-20-2013, 07:16 AM Parent: #27
محمود فنان فطري لم تتدخل أي جهة في تشكيله .. ولا يمكن حتى مجرد مقارنته ببعض الفنانين الشباب .. ناهيكـ عن إنهم يكونوا ورثة له .. الحوت متفرد .. وفنان فطري .. لم تتدخل أي جهة في تلميعه او شهرته .. أو صناعته .. الحوت فنان شارع .. أخترق الجماهير ليعتلي خشبة المسرح ويشتهر .. سيظل رقم متفرد .. يصعب على الكثيرين تجاوزه .. وسيظل كوم براهو .. وبعد كده .. كوّم الباقين على مزاجكـ ..
Post: #36 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-20-2013, 07:34 AM Parent: #32
ياجمال منور المنبر
ومرحب بيك كتير
محمود فنان فطري لم تتدخل أي جهة في تشكيله .. ولا يمكن حتى مجرد مقارنته ببعض الفنانين الشباب .. ناهيكـ عن إنهم يكونوا ورثة له .. الحوت متفرد .. وفنان فطري .. لم تتدخل أي جهة في تلميعه او شهرته .. أو صناعته .. الحوت فنان شارع .. أخترق الجماهير ليعتلي خشبة المسرح ويشتهر .. سيظل رقم متفرد .. يصعب على الكثيرين تجاوزه .. وسيظل كوم براهو .. وبعد كده .. كوّم الباقين على مزاجكـ ..
مانحنا متفقين طيب ولا شنو...؟
المهم...
كومت الباقين وبديت بي طه كدي النشوف البعدو منو...؟
سعيد بمرورك الجميل ياجميل
Post: #37 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-20-2013, 07:40 AM Parent: #36
في رائعة الكابلي ... ياشوق يانغم او ( المرايا )
شوف محمدية ده متكيف كيف....؟وطبعا ده سيد الشي زااااااااااااتو
Post: #33 Title: Re: انه الوريث الشرعي لعرش ( الحوت ) في قمة الغناء الشبابي Author: عمر الفاروق Date: 02-20-2013, 07:18 AM Parent: #27
هارون يا حبيب:
Quote: انا هنا لا اعقد مقارنة بينهم ولكني اقول هو افضل من يمكن
ان يواصل هذه المسيرة بعد رحيل الحوت..... !!!!
خليني اقول ليك في الحالة دي إنو خانك التعبير والعنوان وتوصيل الفكرة.. الزول البيواصل مسيرة زول تاني مش لازم يكون عندو أدوات الزول القبلو؟؟ والزول البيكون الوريث الشرعي لي زول مش مفروض يكون أهل لهذه الوراثة والوصايا عشان يكون خير خلف لي خير سلف؟ يلا تعال وريني المقومات العند طه وممكن تكون بتخليهو وريث لي محمود؟؟؟ تعال نمسكا واااحدة واااحدة .. وانت وانا وكلللنا عارفين إنو صوت محمود صوت اسثنائي لا قبلو لا بعدو مننن ايام المديح والحقيبة مروورا بي العصر الذهبي لحدددي الليلة وبعد بكرة صوت محمود العفوي الرباني الهبة الإلاهية اللي اتخلل اعصاب البني ادمين عفوياً صوت مستحيييل يجي فنان بعدو ويتسرب لي وجدان اغلب الناس.. وعليه خلينا نبدا بي فكرتك دي ونمسك صوت طه بعيداً عن مقارنته بي محمود ونسأل سؤال مباشر: هل طه اجمل صوت سوداني في الوقت الحالي ؟؟؟ الإجابة قطعاً لأ..في اصوات كتيييرة اجمل .. هل طه في الوضع الحالي يغني اجمل الاغاني في الساحة؟؟؟ الإجابة قططططعاً لا في ناس كتااار احسن.. هل لطه معجبين بي كميات كبيرة؟ الإجابة نعم ونعم شديييد وطه حالياً صاحب قاعدة جماهيرية كبيرة لكن طبعا ما لي درجة وريث فمعجبي فن طه فئة عمرية محددة تزول بزوال المؤثر..
انا بحب طه شديييد يا هارون لكن الله يرضى عليك وما تزعل مني عدل عنوان البوست وزح محمود منو بعيييد بيبقا الفكرة أحلى .. محمود ده براااااهو يا هارون ..برااااهو .. والله برااااهو
Post: #35 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-20-2013, 07:30 AM Parent: #33
ياعمر
هل طه اجمل صوت سوداني في الوقت الحالي ؟؟؟ الإجابة قطعاً لأ..في اصوات كتيييرة اجمل .. هل طه في الوضع الحالي يغني اجمل الاغاني في الساحة؟؟؟ الإجابة قططططعاً لا في ناس كتااار احسن.. هل لطه معجبين بي كميات كبيرة؟ الإجابة نعم ونعم شديييد وطه حالياً صاحب قاعدة جماهيرية كبيرة لكن طبعا ما لي درجة وريث فمعجبي فن طه فئة عمرية محددة تزول بزوال المؤثر.. -----
طيب ماعاوز اقول ليك راي الشخصي
لكن...
بالنسبة لي الاجابة ( نعم ) لكل التساؤلات الفوق دي
ومرة تانية
انا مثلك تماما محمود لن يتكرر ابدا
ومعاك...
محمود ده براااااهو.....محمود ده براااااهو
وبرضو الاقتباس ماشغال يابكري... فرتكت فهمنا .
Post: #38 Title: Re: انه الوريث الشرعي لعرش ( الحوت ) في قمة الغناء الشبابي Author: يحي قباني Date: 02-20-2013, 07:47 AM Parent: #35
يا هارون دياب سلامات ياخي
اعتقد انه محمود عبدالعزيز ساعدته عوامل أخري كثيره لكسب حب الناس
لا اعتقد أن صوته فقط كافي لتوصيله لمرحلة الكمال الفني الذي أوصله لها الناس
وأرجو كم قبول الرأي و الرأي الآخر ...
Post: #39 Title: Re: انه الوريث الشرعي لعرش ( الحوت ) في قمة الغناء الشبابي Author: جمال ود القوز Date: 02-20-2013, 07:54 AM Parent: #38
Quote: مانحنا متفقين طيب ولا شنو...؟
المهم...
كومت الباقين وبديت بي طه كدي النشوف البعدو منو...؟
سعيد بمرورك الجميل ياجميل
أصلنا متفين ياهارون يا أخوي ..
رأيكـ شنو .. في عصمت بكري ...
يأخ جميل إتــــــــــا ده .. وجميل الصباح الجابنا هنا ده ..
Post: #41 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-20-2013, 08:12 AM Parent: #39
عارف ياود القوز
رأيكـ شنو .. في عصمت بكري ...
الود ده غناي شديد وجضم اغنية محمد ميرغني
ماقلنا ليك الحب طريق ... لامن بهناك .
تمنياتي له بالتوفيق
وتمنياتي لك بكل جميل
وتمنياتي لي ان اجدك دائما قريب
تحاياي
Post: #40 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-20-2013, 08:08 AM Parent: #38
يحي قباني
سلامات يازول يازين
وأرجو كم قبول الرأي و الرأي الآخر ... ----- عليك الله اقراني مداخلة ... مداخلة
تلقاني كما تتمني ... اقبل بالراي الاخر
بل واضعه دائما في موضع الصواب وراي في موضع الخطا .
تحاياي
Post: #42 Title: Re: انه الوريث الشرعي لعرش ( الحوت ) في قمة الغناء الشبابي Author: امير طمبل Date: 02-20-2013, 10:00 AM Parent: #40
غايتو يا خال لأنني قريبك لحم و دم و بعرفك كويس كنت إفتكرت عندك (ضرص) قام ههههههههههههههههههههههه ياخي عصمت بكري شنو كمان ديل أولاد (شداد) بس ولا شنو
عمر الفاروق ما علقت علي كلامي ياخي
Post: #43 Title: Re: انه الوريث الشرعي لعرش ( الحوت ) في قمة الغناء الشبابي Author: طارق جبريل Date: 02-20-2013, 10:22 AM Parent: #42
يا صفوة كيفنك انت الايام دي مالك الزول بتاع قنبلة دة يمين بالله في طهور ولدي ما اجيبو رأيي كعب عارفه بس لا غناي ولا بيطرب ليه زول وامسك في كلام ود الفاروق ياخي بس اسمع «لهيب الشوق»
Post: #45 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-20-2013, 02:15 PM Parent: #42
ياطمبلاوي
عصمت شديد وغناي
بس بالجد شديد هنا مقصود بيها
شديد ولا شديد...
Post: #46 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-20-2013, 02:18 PM Parent: #45
ودجبرين صديقي المسنوح
اشواق كيمان كيمان
ياخوي كلام الفاروق مسكناهو قووووووووووي
عل زولي ده انا بريد غناهو تب....وشايفو
ماسك الدركسون كويس ... بس يتلفت للاشارات
البرسلوها الناس .
ياخي سلم لي علي ناصر كتييييييييييير
Post: #47 Title: Re: انه الوريث الشرعي لعرش ( الحوت ) في قمة الغناء الشبابي Author: عمران حسن صالح Date: 02-20-2013, 02:30 PM Parent: #46
Quote: لم ولن تنجب حواء وريث للراحل محمود عبد العزيز وفي مقولة اخرى ( وريث محمود امو وابوهو ما اتلاقو لسه)
هذا أولاً يعني بالعربي حبيب نورة لقيت منو رد ما يزعلكـ لكن كمان جاء عمر الفاروق وقال كلامو وأنا معاهو قلباً وقالباً وشكلاً زاتو يعني يرفع صوتو عليكـ برفع صوتي معاهو قاليكـ نتلاقى بعدين في الخلا ياني معاهو .... بس كمان البربري ممتع لكن ما ليهو علاقة برقبة محمود الطويلة والنظرة الغريبة والكاريزما الما عارف حقت شنو ديكـ
... الللللللللللللللللللللللله يا محمود ربنا يوسدكـ باردة ربكـ ودعاء الحلوين المالين البلاد يرددوا في غناكـ طرباً وحباً
Post: #48 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-20-2013, 03:07 PM Parent: #47
ان ياوجيه
سلامات
انت عارف ياحبيب مالاقاني زول مامعجب بي محمود
يعني حتي مصطفي سيد احمد في قمة تالقه( له الرحمه )
كثيرون لم يعجبوا به....!!!!
الحوت ( له الرحمه ) حالة عجيبة وغريبة
استطاع ان يمتلك اعجاب الجميع بطريقة
لن يستطيع احد فك طلاسمها ( الكلام ليك ياهيثم كابو ...!!!)
لكن برضو.....
طه غنااااااااااااااااااي
وتحاياي
Post: #51 Title: Re: انه الوريث الشرعي لعرش ( الحوت ) في قمة الغناء الشبابي Author: ياسر احمد محمود Date: 02-21-2013, 00:03 AM Parent: #48
Quote: انا وعن نفسي برشح ليكم زوب بعتبرو غنااااي شديييد وصدقوني ده الوحيد الممكن اقبل منو يغني غنا محمود -لاحظ انا قلت يغني لكن اصصصلو ما حا اقول ليكم وريث شرعي - الولد السمين اللي ظهر مع محمود وهو بيغني اغنية لهيب الشوق في برنامج مع محمود في قناة الشروق
عبّرت عني تماماً يا عمر، فشكراً.
Post: #52 Title: Re: انه الوريث الشرعي لعرش ( الحوت ) في قمة الغناء الشبابي Author: عماد شمت Date: 02-21-2013, 00:58 AM Parent: #51
ياود دياب كمبوارسي
قلنا المحمد لله بقيت كويس ولبست توب العافيه وان شاءالله لابس توب العافيه دائما
تقوم تجي ترمي دراب سااااااكت كده ...انت نسيت انه في ناس بفرقوا بين الحق والباطل ؟؟
امال اسمه عمر الفاروق ليه ؟؟؟ الزول ده ما بعرف يجامل ذي وردي ومابقول كلام ساكت
فما تجيب ليه حاجه في تخصصه خاصة ذي عنوانك ده ..وريث شنو وشرعي شنو ؟؟
تحياتي يا هارون .. واسمع كلامي ده وسيبك من قصة رأيي الشخصي وتركت مساحة للاراء و و من هكذا كلام حق مجاملات .. محمود لا عندو وريث لا يحزنون لا رأيك الشخصي لا رأيي انا ولااا رأي اييي زول تاني العقل بيقبلو.. فااا شنو ..قوم خلينا نتكلم عن طه براااهو كده مثلاً بدون ما نجيب سيرة محمود في القصة دي عشان ما تظلم طه .. يعني وريثو دي إنت قصدت بيها شنو ؟ إمكانية صوتية مقاربة ؟؟؟ كلمات أغاني ؟ حضور وقبول؟ كاريزما ؟
تحياتي اخي عمر الفاروق والله فقدنا نجم حباه الله موهبه وكساه محبه ربنا يرحمه ويحسن اليه ويجعل مثواه الفردوس
Post: #57 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-21-2013, 06:17 AM Parent: #52
عماد شمت
اندي تود سلامات
ارسي ياخي
Quote: قلنا المحمد لله بقيت كويس ولبست توب العافيه وان شاءالله لابس توب العافيه دائما
تقوم تجي ترمي دراب سااااااكت كده ...انت نسيت انه في ناس بفرقوا بين الحق والباطل ؟؟
امال اسمه عمر الفاروق ليه ؟؟؟ الزول ده ما بعرف يجامل ذي وردي ومابقول كلام ساكت
فما تجيب ليه حاجه في تخصصه خاصة ذي عنوانك ده ..وريث شنو وشرعي شنو ؟؟
ياخي الله يسلمك من كل شر
وياخي الفاروق ده حبيبنا ومنور طريقنا
بالصراحة المتناهية والتي تخدم دائما
لكن ياحبيب...
ماتدقونا وتاكلوا قروشنا
الحوت لن يتكرر... وطه فنان قادم بقوة
وبكره تشوف .
وخلينا نشوفك ياجميل
Post: #56 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-21-2013, 06:11 AM Parent: #51
ياسر محمود
Quote: عبّرت عني تماماً يا عمر، فشكراً.
وشكرا لك علي المرور بالبوست
Post: #58 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-21-2013, 06:47 AM Parent: #56
Al-sobaei Nezsar ·
Quote: الاخ دياب والحواتة بصفة خاصة زمان لمن كنت عضو في سودانيز اون لاين كتبت موضوع عن محمود الكلام دا كان سنة 2002 وكان عنوان البوست رأي العملاق يوسف الموصللي في الفنان محمود عبد العزيز البوس في خلال دقائق حقق تجاوب منقطع النظير حتي اتذكر حينها انني لم انم تلك الليلة من انجاز لهذا الفتي في موقع سودانيز اون لاين ولحسادة المغمور يوسف الموصللي وضيق افق المغرطس بكري ابوبكر انحذف البوست وقتها واغلقت عضويتي للابد عرفت بان الشواطين ليست وحدها من تعيق طريقنا إلي الجنة ، وان هناك سلالة من الشياطين تسمي السودانيين هي كذلك تعيق للمواهب الفريدة بان لا تحظي بنصيبها كاملا ، ياااااااااخ كتلتو محمود بي نقتكم الماليها طعم دي وهسي عايزين تنقو في الود ، كل زول فيهم صاحب لونية متميزة عن الآخر ، طه بي صوتو قدر يكسب جمهور لا بأس به مقارنة بعمر الاسطورة الفني ومازال هناك الكثير الكثير ينتظره
اول حاجة سلامات ياخي واديك العافية
تانيا : من حقك انك تقول رايك وهو مقبول عندي
اتفقت ام اختلفت معه ... لان اختلاف الاراء لايفسد للود قضية
بس ياريت نبعد من الكلام الجارح شوية عشان نفيد ونستفيد
اما بخصوص بوستك فانا الوقت داك ماكنت عندي نت زااااتو
فما اقدر افتي في الحكاية .
اما بخصوص طه فانا متفق معك تماما .
ومرحب بيك وبمداخلاتك
تحياتي
Post: #59 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-21-2013, 06:54 AM Parent: #58
Surab Ahmed · Omdurman
Quote: الاخ هارون دياب اتفق معاك 100% وانا من قبيلة الحواتة. انت زول فنان يا هارون بس عيبك الوحيد انك مريخابي ههههههand#1632; شكرا علي هذا البوستand#1632;
وتسلم ياود قلبا....
وهاك سيدا ده
Post: #60 Title: Re: انه الوريث الشرعي لعرش ( الحوت ) في قمة الغناء الشبابي Author: طارق ميرغني Date: 02-21-2013, 06:56 AM Parent: #59
اخي هارون دياب
طه سليمان مؤهل بكل المقاييس
ليكون في المقدمه
اتمني ان يجد ويجتهد ويبعد عن الاغاني الهابطه
يكون مؤهلا لقيادة مطربي الشباب والكهول ايضا
والاخيرين ديل نحن طبعن هههههههههههههههههه
Post: #61 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-21-2013, 07:02 AM Parent: #60
الحبيب طارق
صباح الجمال
Quote: طه سليمان مؤهل بكل المقاييس
ليكون في المقدمه
اتمني ان يجد ويجتهد ويبعد عن الاغاني الهابطه
يكون مؤهلا لقيادة مطربي الشباب والكهول ايضا
والاخيرين ديل نحن طبعن هههههههههههههههههه
شكرا للدعم الجميل
وانا معاك في الاخيرين ديل
بس منو البقنع امير طمبل هههه
حياتي
Post: #64 Title: Re: انه الوريث الشرعي لعرش ( الحوت ) في قمة الغناء الشبابي Author: محمد ابو شيبة Date: 02-21-2013, 11:30 AM Parent: #61
تحياتي هارون دياب اتفق معاك (بدون مقارنة بي محمود ) طه لما ياخد راحتو في الغنا ويكون ما متوتر بطلع طلعات عجيبة طه صاحب حنجرة متميزة جدا
كلام الفاروق عن البربري ما تفوتوهو ساكت ... الزول دا خبير اسمعوا البربري هنا
Post: #65 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-21-2013, 01:50 PM Parent: #64
مرحبتين ابو شيبة
منور المنبر والبوست
Quote: اتفق معاك (بدون مقارنة بي محمود ) طه لما ياخد راحتو في الغنا ويكون ما متوتر بطلع طلعات عجيبة طه صاحب حنجرة متميزة جدا
100% ياجميل
وكدي النشوف البربري بعدين نحكم .
تحاياي
Post: #66 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-21-2013, 01:52 PM Parent: #64
Post: #67 Title: Re: انه الوريث الشرعي لعرش ( الحوت ) في قمة الغناء الشبابي Author: أبوبكر محمد عثمان Date: 02-21-2013, 08:01 PM Parent: #64
الاستاذ هارون دياب - تحيه وسلامات
طه سليمان لا خلاف علي أمكانياته الصوتيه وحضوره ( الجيد ) علي الساحه
خصوصا في المناسبات الخاصه فهو فنان الشباك الاول
ولكن كم احتاج طه سليمان ليظهر ويفرض اسمه علي الساحه الفنيه
احسب من فرقة آل البيت في تسعينيات القرن الماضي
ليتم تغيرها الي اولاد البيت ومن ثم الي الاصايل
بعدها اراد طه سليمان ان يشق طريقه بعيدا عن الفرقه
فاختار الغناء الفردي وفي بيوتات الافراح وهذا ما خلق له شعبيه كبيره وسط فئة
أغلبها من الجنس اللطيف ..
الحوت اكتسب جماهريته من خلال الحفلات العامه التي كان يقدمها في المسارح
والالبومات التي كان يصدرها من حين الي اخر
اصبح الحوت في فتره وجيزه فنان الشباك الاول
يمتلك حضور طاغي في سوق الاغنيه
يمتلك ذخيره من الاغنيات الخاصه تفوق 150 اغنيه
واصدر اكثر من 25 البوم غنائي
هنا تكمن اسطورية الحوت بغض النظر عن الامكانيات الصوتيه التي
لا تحتمل مجرد المقارنه مع الفنان طه سليمان
طه فنان مطرب وله مستقبل ان التفت الي نفسه واجتهد واستعان بذوي الاختصاص في المجال
وخرج من بؤرة ( بيوت الافراح ) والحفلات الخاصه ( انا شخصياً استمتع به كثيرا )
ولكن لا يمكن ان يصل الي عرش الحوت
زي ما قالوا اهلنا ( الخريف اللين من رشاشو بيّن )
يا استاذ معليش ياخ لكن صدقني والله الحوت دا ( قشة كبريته ) بولع مره واحده
Post: #68 Title: Re: انه الوريث الشرعي لعرش ( الحوت ) في قمة الغناء الشبابي Author: ياسر احمد محمود Date: 02-21-2013, 11:47 PM Parent: #67
Post: #69 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-23-2013, 06:30 AM Parent: #67
سلامات ياعزيزي ابو بكر
وشكرا علي هذه الافادة
واثراء البوست بهذه المداخلة
لايمكن لعاقل ان يعقد مقارنة
بين الراحل الحوت واي فنان اخر
والدليل كلامك ده ....
Quote: يا استاذ معليش ياخ لكن صدقني والله الحوت دا ( قشة كبريته ) بولع مره واحده
تحاياي
Post: #70 Title: Re: انه الوريث الشرعي لعرش ( الحوت ) في قمة الغناء الشبابي Author: khaleel Date: 02-23-2013, 07:58 AM Parent: #69
صباحو يا هارونا
الفن لا يورث
اين خليفة عبدالحميد يوسف والكاشف وحسن عطية وابو داوؤد والفلاتية والتاج مصطفي وابراهيم عوض وعثمان حسين ووردي
وكل الرواد
كل وضع بصمته ورحل
Post: #71 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-23-2013, 08:24 AM Parent: #70
سلامات ياهندسة
Quote: الفن لا يورث
اين خليفة عبدالحميد يوسف والكاشف وحسن عطية وابو داوؤد والفلاتية والتاج مصطفي وابراهيم عوض وعثمان حسين ووردي
وكل الرواد
كل وضع بصمته ورحل
محمود كان امتدادا لهم
وطه باذن الله سيكون امتداد
اما الوراثة في القروش بقت مافي ....!!!!
تحياتي
Post: #72 Title: Re: انه الوريث الشرعي لعرش ( الحوت ) في قمة الغناء الشبابي Author: إبراهيم عبد الحليم Date: 02-23-2013, 12:48 PM Parent: #71
هارون يا عزيز
يااخ الراحل محمود ده زى مارادونا لاعب ارتكاز وصانع العاب وبلعب باصات مريحة وممتعة وحريفة. بجيب اقوان واول زول بيشوت ضربة الجزاء والفاولات لثقة المدرب فيهو. مريح لمجلس الادارة ومريح للجماهير والاجمل ما اتضح حاليا عنه رجل اخو اخوان يعول اسر فقيرة ويعلم طلاب ويعالج ناس من جيبو. سيرة عطرة يااااااخ الله يدينا من فضلاته شوية ويعطيهو الجنة.
طه سليمان راجل موهوب جدا ويتمتع بمزايا كتيرة ولفت الانظار بقوة خصوصا ببرنامج اغانى واغانى الاخير بس هو ما صانع العاب وظيفته حاليا فى الملعب آخرى ولديه ممكن بعض الفاولات وكده. لذلك لكى ينتقل لوظيفة صانع العاب بينا وبينك والايام.
التحية لك ولزوارك وبوست ممتع
Post: #73 Title: Re: انه الوريث الشرعي لعرش ( الحوت ) في قمة الغناء الشبابي Author: فتحي عباس نقد Date: 02-23-2013, 07:33 PM Parent: #72
الأخ/ هارون دياب
لك التحية ولجميع المتداخلين
(نعم لن يتكرر مثل المرحوم محمود عبدالعزيز)
حسب وجهة نظري يوجد فنان قريب من محمود وتعالوا أسمعوا
إنه الفنان مصطفى حمزه
Post: #74 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-24-2013, 05:58 AM Parent: #72
وطبعا لامن يجونا اسياد الشي زاااااتو
يبكي ( سكت الكلام )
ابراهيم صديقي الفنان سلامات
Quote: يااخ الراحل محمود ده زى مارادونا لاعب ارتكاز وصانع العاب وبلعب باصات مريحة وممتعة وحريفة. بجيب اقوان واول زول بيشوت ضربة الجزاء والفاولات لثقة المدرب فيهو. مريح لمجلس الادارة ومريح للجماهير والاجمل ما اتضح حاليا عنه رجل اخو اخوان يعول اسر فقيرة ويعلم طلاب ويعالج ناس من جيبو. سيرة عطرة يااااااخ الله يدينا من فضلاته شوية ويعطيهو الجنة.
طه سليمان راجل موهوب جدا ويتمتع بمزايا كتيرة ولفت الانظار بقوة خصوصا ببرنامج اغانى واغانى الاخير بس هو ما صانع العاب وظيفته حاليا فى الملعب آخرى ولديه ممكن بعض الفاولات وكده. لذلك لكى ينتقل لوظيفة صانع العاب بينا وبينك والايام.
التحية لك ولزوارك وبوست ممتع
ياخي والله تحليل رائع من زولا اروع
كفيت ووفيت واديتهم الاتنين حقهم .
للراحل الرحمة ولطه التقدم
وانت ايها الجميل جمال ( تاني ريده )
لك احترامي وقديري وبالتوفيق
Post: #75 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-24-2013, 06:03 AM Parent: #74
سلامات استاذ فتحي
ومصطفي حمزة صوت جميل قريب من صوت ( الحوت )
ظهر بسرعة واختفي باسرع من الظهور .
شكرا لاثراء البوست بالميديا .
تحاياي
Post: #76 Title: Re: انه الوريث الشرعي لعرش ( الحوت ) في قمة الغناء الشبابي Author: عمر الفاروق Date: 02-24-2013, 06:31 AM Parent: #75
هارون يا دياب وكل الحلوين المؤيدين منكم لكلامنا والمعارضين :) كويس جداً إنو ثبتنا قصة محمود ما عندو وريث وعقبالك يا هارون لما تغيير العنوان لي إفراد المساحة لي طه براهو وتزح إسم محمود فالحووت لااا يقارن ولاااا يقرن إسمه مع اييي كائن كان من الفنانين.. بالمناسبة يا هارون انا زمااان كتبت عن ظاهرة طه وعن الكمية المهولة للجمهور اللي غطى المسرح القومي في ليالي امدرمان الثقافية امشي اقراهو وشوف رايي في طه .. طه وغيره من الفنانين اللي ممكن تقول عليهم انو مفروض يمسكو الراية من محمود مااا بيقدرو لأنو كلللهم عندهم هنات وتاريخ لا يشفع لهم بهكذا حمل لراية الفن.. كلهم خشو عبر بوابة الهابط للوصول لي قلوب الناس ..بالتالي كووولهم لو اييي زول فيهم إعتلى قمة الفن السوداني يوما ما فالأرشيف لن يرحمهم وده اووول غلط وقعوا فيه بيأكد ليك إنهم ما مقررين يحملوا الراية دي ..لأنو ببساطة يا هارون لما في يوما ما يجيني ولدي يقول لي طه الفنان الأول في السودان وحامل راية فن وردي ومحمود بقول ليهو يااا ولدي انت ما حضرتو لما كان بيغني حرامي القلوب تللب .. لكن تعال شوف الحوت ربي يرحمو فوق تحت يمين شمال عرس قعدة شريط تلفزيون ما حاول يدخل نفسو في الهابط ..تاريخ ناااصع وارشيف نضيييف يخوول ليهو إنو يقول انا الوريث وحامل راية وردي ..
Post: #77 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-24-2013, 06:45 AM Parent: #76
سلامات ياحبيب
Quote: لكن تعال شوف الحوت ربي يرحمو فوق تحت يمين شمال عرس قعدة شريط تلفزيون ما حاول يدخل نفسو في الهابط ..تاريخ ناااصع وارشيف نضيييف يخوول ليهو إنو يقول انا الوريث وحامل راية وردي ..
وصدقني يافاروق حتي العمالقة
عبرو من هذا الباب اللهم هذا ( الحوت )
حضرت ليهو قعدات وحفلات وجلسات سوا في السودان
او في الدوحة .... يمين ماسمعتوا يوم مش في سكة
الهابط ابدا.....
الشاهد هنا ان اعتبار الغناء الهابط هو طريق المرور
من خلال الحفلات ....!!!!!
اعتقد بان الحوت كان يعلم
بان جواز مروره الي القلوب هو اختياراته الصادقة
للغناء الجاد الرصين .
Post: #78 Title: Re: انه الوريث الشرعي لعرش ( الحوت ) في قمة الغناء الشبابي Author: فتحي عباس نقد Date: 02-24-2013, 08:33 AM Parent: #77
أسمحوا لي كمان بعرض الكاميرا الخفية مع المرحوم/ محمودعبدالعزيز
وهي ظاهرة أيضاً ضمن الفيديو السابق للفنان ( مصطفى حمزة):
والمرحوم محمود كانت روحه رياضية ولم يصدر منه كما شاهدنا مع الكثيرين في تلك الحالات
Post: #79 Title: Re: انه الوريث الشرعي لعرش ( الحوت ) في قمة الغناء الشبابي Author: جمال ود القوز Date: 02-24-2013, 08:47 AM Parent: #78
Quote: ياطمبلاوي
عصمت شديد وغناي
بس بالجد شديد هنا مقصود بيها
شديد ولا شديد...
كلامكـ صحي ياهارون .. الزول ده شديد وغناي .. البمنع شنو يعني ؟ ... هسه نانسي عجاج ماشديدة شدة ككو .. وغناية لمن بي غادي .. يبقى .. ليس هناكـ مايمنع ..
Post: #81 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-24-2013, 02:42 PM Parent: #80
شكرا فتحي علي الكاميرا الجميلة
وحقات عاش الحوت كبيرا ومات كذلك
Post: #83 Title: Re: انه الوريث الشرعي لعرش ( الحوت ) في قمة الغناء الشبابي Author: وليد عبد اللطيف Date: 02-24-2013, 05:12 PM Parent: #81
Quote: يمين ماسمعتوا يوم مش في سكة
الهابط ابدا.....
الحوت لمن يعمل هبوط اتطراري مبااااااااااااااااالغة اسألني انا من تغنى مع الحوت ولولاه لكنت الان فنان كبير وقابض كل الاجواء ( اصعب شي تغني مع فنان يوريك حدود امكانياتك ) تاني مافي كلام غير نقوم الف رحمه ونور تنزل عليه وعجبني تشبيه احد الاخوان هنا بان الحوت شبيه بعود الكبريت طه سليمان الكلام كتير به وبجيك ليهو ياقريبي رغم اني رشحت فنان شاب اخر اسمه الخير بغني مع عقد الجلاد دا برضو عندو كرزما فنية كبيره
Post: #84 Title: Re: انه الوريث الشرعي لعرش ( الحوت ) في قمة الغناء الشبابي Author: Mubarak kunna Date: 02-24-2013, 09:24 PM Parent: #83
سلام
هارون
هارررررررررون حرام عليك وبس
Post: #86 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-25-2013, 06:11 AM Parent: #84
مرحبتين بالاخ مبارك
ومعليش ياذوق نعمل شنو...؟
القلب ومايعشق
تحاياي
Post: #85 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-25-2013, 06:03 AM Parent: #83
كابتن وليد
سلامات وللوليدات
Quote: اسألني انا من تغنى مع الحوت ولولاه لكنت الان فنان كبير وقابض كل الاجواء ( اصعب شي تغني مع فنان يوريك حدود امكانياتك )
Post: #87 Title: Re: انه الوريث الشرعي لعرش ( الحوت ) في قمة الغناء الشبابي Author: وليد عبد اللطيف Date: 02-25-2013, 08:08 AM Parent: #85
Quote: بس رايك في طه مهم ياحبيب .
طه وما ادراك ما طه الود طه منذ نعومة اظافره وصوته كان جميل بس ما كان افضل من صوت شقيقة صديقنا وحبيبنا المرحوم سلام اها طه دا كان اذا عملنا قعده بتاعت تخريج نقوم نحيب طه ومعه بعض من اصدقائة عاملين فيها فنانين و مداحين وبعد ننتهي منهم شقيقة يقول ليم ما تتلفتوا للوراء البيت عدل وكان من بين تلك المجموعه تميز صوت طه سليمان تحت تحت مع بعض قلنا سوف يكون له مستقبل الشافع دا ولكن لم نتخيل بان يصل طه الى هذا المستوى فظهر بين فرقة اولاد البيت مجموعه من شباب شمبات وشوية شوية كان يغني بمفرده الى ان استقل واصبح يغني بمفرده وحتى كنت حريص بان أتي به في حفل زواج شقيقتي رحمة الله عليها حتى هذا الوقت لم تكتمل صورة طه الفنية بالنسبة لي ... صوته فقط كان جميل ولكن اختيارته للغناء كانت ضعيفة وغير موفقه ويظهر بسبب انه كان يريد ان يصل للجمهور اولا لان في تلك الفترة كانت هذه طريقة الغناء في السودان (الساعه خمسه في الخرطوم عصير ... الساعة سته كبس علي الليل الطقس كان جميل .... الليله ماجاني ويلاك لبحري تاني ) في تلك الايام اذكر لم يستطيع الغناء في زواج شقيقتنا لان النظام العام كان واقف ليهو في الخارج لان سمعة طه كانت تقول بانه يغني اغاني هابطة انت عارف ياهارون دياب الاعلام والنظام العام هم ظهور اصوات كثيره في الساحة لان محاربتهم تعمل لهم شهره كبيره في الساحه ولا ننسى كيف كان يحارب الراحل محمود اختصار يا ود دياب طه شكله يبحث عن بصمة له في خارطة الغناء السوداني وهو مجتهد لو ملاحظ حتى عمل اغنية جناي البريدو في فترة الناس تعمل زفات الاعراس باغاني مصريه وخليجية ولكن وجدت رواجها ولا ننسى له الفديو كليب الذي كلفه مبالغ طائله وكل هذه اجتهادات اكيد سوف يجني ثمارها وربنا يوصله الى ما يريد ( انها منطقة بحري سر الهوى تصنع النجوم دائما ) ياود دياب
Quote: ده حظ شنو ده...؟ في الكورة مع ناس سامي
وفي الوتر مع الحوت...؟
ياخي السعيد يبقى زي في الكورة لعبت مع الدحيش وعلى قاقرين وغنيت مع محمود عبد العزيز المافي شنو تاني هههههههههههههههههههههههههههههه
Post: #88 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-25-2013, 02:56 PM Parent: #87
ياسلام علي السرد الجميل ياجميل
راجع ليك برواقة
Post: #89 Title: Re: انه الوريث الشرعي لعرش ( الحوت ) في قمة الغناء الشبابي Author: Dr.Elsadig Abdalla Date: 02-25-2013, 03:41 PM Parent: #88
إتفق معاك تماما ياود دياب
Post: #90 Title: Re: انه الوريث الشرعي لعرش ( الحوت ) في قمة الغناء الشبابي Author: عزيز Date: 02-25-2013, 09:32 PM Parent: #89
الحبيب هارون وضيوفه الكرام
لكم التحية والتقدير
كرومة لا يتعوض وسرور لا يتعوض والكاشف فلتة لن تتكرر ومصطفى سيد احمد فريد ومتفرد ولن يأتي له شبيه وردي فنان افريقيا وعموم آل السودان ولن يكون له وريث ولا حتى عبدالوهاب ومحمود منزل من كون ثاني بصوت ربما يكون عند الملائكة ولا ولن يقارن مع الأجيال السابقة والقادمة!!!!!!!!
وكل هؤلاء سلفوا وتوقفت مساهمتهم الا من اعمال خالدة تخلد ذكراهم. وكل ما سلف احدهم خلفت بطن حواء السودانية بموهبة أثبتت وجودها لم ولن يقف الإبداع عند فنان واحد.
محمود موهبة كبيرة وجميلة ونال حب الجمهور بأعماله الخالدة (رحمة الله واسكنه الفردوس الاعلى) وسيبقى ما بقي الفن في السودان خالداً.
ولكن اسمحوا لي إخوتي..
قد تنازل محمود طواعية عن ملكه. ولان دولة الفن يجب ان تسير ظهرت مجموعة من الأصوات الشابة وكان طه سليمان الاميز بين أقرانه والفيصل كان برنامج اغاني وأغاني وظهر الفارق حينها بين من سيمسك بالمستقبل ومن توقف دفق إبداعه.
تجربة مصطفى ومحمود وكل من سلفوا توقفت عن التطور بفعل غياب أصحابها واتمنى ان نشد بيد من هم في الساحة وندعمهم لمواصلة السير على خطى من سلفوا. فما زال بإمكانهم التطور وتقديم الأجمل. ولنترك التقييم للأجيال القادمة.
طه سليمان مجتهد وصاحب إمكانيات ممتازة والمستقبل أمامه ، لن يخلف احد ولن يخلفه احد فلكل فنان إبداعه ومعجبيه ومازال امام طه الكثير ليقدمه لجمهوره. وما نحن هنا الا فئة قليلة جداً من جمهور فن الغناء ولا يحق لنا محاكمة اي فنان او نفرض تقديرنا الشخصي ليكون حكماً نافذاً. ولنترك لأهل الاختصاص التحليل على أسس علمية.
لكم إخوتي التقدير والتجلة عبدالعزيز خطاب
Post: #91 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-26-2013, 06:22 AM Parent: #90
ومرحبتين ياعزيز
ويسلم يراعك
Quote: كرومة لا يتعوض وسرور لا يتعوض والكاشف فلتة لن تتكرر ومصطفى سيد احمد فريد ومتفرد ولن يأتي له شبيه وردي فنان افريقيا وعموم آل السودان ولن يكون له وريث ولا حتى عبدالوهاب ومحمود منزل من كون ثاني بصوت ربما يكون عند الملائكة ولا ولن يقارن مع الأجيال السابقة والقادمة!!!!!!!!
وكل هؤلاء سلفوا وتوقفت مساهمتهم الا من اعمال خالدة تخلد ذكراهم. وكل ما سلف احدهم خلفت بطن حواء السودانية بموهبة أثبتت وجودها لم ولن يقف الإبداع عند فنان واحد.
محمود موهبة كبيرة وجميلة ونال حب الجمهور بأعماله الخالدة (رحمة الله واسكنه الفردوس الاعلى) وسيبقى ما بقي الفن في السودان خالداً.
ولكن اسمحوا لي إخوتي..
قد تنازل محمود طواعية عن ملكه. ولان دولة الفن يجب ان تسير ظهرت مجموعة من الأصوات الشابة وكان طه سليمان الاميز بين أقرانه والفيصل كان برنامج اغاني وأغاني وظهر الفارق حينها بين من سيمسك بالمستقبل ومن توقف دفق إبداعه.
تجربة مصطفى ومحمود وكل من سلفوا توقفت عن التطور بفعل غياب أصحابها واتمنى ان نشد بيد من هم في الساحة وندعمهم لمواصلة السير على خطى من سلفوا. فما زال بإمكانهم التطور وتقديم الأجمل. ولنترك التقييم للأجيال القادمة.
طه سليمان مجتهد وصاحب إمكانيات ممتازة والمستقبل أمامه ، لن يخلف احد ولن يخلفه احد فلكل فنان إبداعه ومعجبيه ومازال امام طه الكثير ليقدمه لجمهوره. وما نحن هنا الا فئة قليلة جداً من جمهور فن الغناء ولا يحق لنا محاكمة اي فنان او نفرض تقديرنا الشخصي ليكون حكماً نافذاً. ولنترك لأهل الاختصاص التحليل على أسس علمية.
اتفق معك تماما بان قافلة الفن ستسير ويجب هكذا
هي الحياة ... امس في بورسودان غني طه سليمان
وتغني بعد ان ترحم علي محمود باغنية لمحمود
دلالة علي الاستمرارية.
المهم....
مداخلتك اقف امامها بكل احترام وتقدير
ولا اجد لها سوي
تحاياي
Post: #92 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-26-2013, 02:39 PM Parent: #91
Quote: تعبير رهيب (( والله الحوت دا ( قشة كبريته ) بولع مره واحده )) شكرا كثيرا لكاتب التعبير
اوسكار
Post: #93 Title: Re: انه الوريث الشرعي لعرش ( الحوت ) في قمة الغناء الشبابي Author: Mohamed alhabib Date: 02-26-2013, 03:26 PM Parent: #92
الاخ هارون لو ملاحظ فى الساحة الفنية الآن معظم الفنانيين هدفهم الاساسي المادة ودي كانت عند محمود غير موجودة والشئ التاني ندرة وجود الاوركسترا المصاحبة للفنان ... ودي نقطة مهمة جداً فى توصيل الفن للمستمعين
طه سليمان لديه صوت جميل ولكنه يفتقر للاوركسترا....وعشان يقدر يوصل رسالتو بصورة متكاملة لآزم ينتبه للحته دي ..
Post: #96 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-27-2013, 06:32 AM Parent: #93
سلامات محمد الحبيب
واتفق معك بان الماديات طغت
بصورة واضحة ويمكن ظروف المعيشة
وحاجات تانية حامياني ههههههه
بالنسبة للاوكسترا اعتقد بان طه
لديه مجموعة من العازفين الجيدين
لكنه يحتاج الي بعض الديناصورات
لتجويد العمل .
تحياتي
Post: #94 Title: Re: انه الوريث الشرعي لعرش ( الحوت ) في قمة الغناء الشبابي Author: ذواليد سليمان مصطفى Date: 02-26-2013, 10:45 PM Parent: #27
طه سليمان ما ظننت يوما يكون وريث محمود
محمود صوت من لا صوت له ويد لمن لايد له في مساعدة الفقراء والمساكين
Post: #95 Title: Re: انه الوريث الشرعي لعرش ( الحوت ) في قمة الغناء الشبابي Author: Dr.Elsadig Abdalla Date: 02-26-2013, 10:48 PM Parent: #94
طه سليمان صوتو قوي وجميل ..وياريت يمر على البوست ده ..
أهم حاجه يبعد عن الكلمات الهابطه ...ويتجه للكلمات الجاده
Post: #97 Title: Re: انه الوريث الشرعي لعرش ( الحوت ) في قمة الغناء الشبابي Author: عثمان دغيس Date: 02-27-2013, 06:44 AM Parent: #95
الحبيب هرون ... إنت قلبت وتر ولا شنو ؟ ويييين رابطة المريخ سوت ورابطة أهلى شندي ما عارف شنو ؟
ما إختلفنا الود طه صوتو جمييييل وقوي وحضوره أجمل وأروع .. لكن تطريب بي تعريفة ما عندو ... بعدين وقبلين يا هرون الغنا ما صوت ولا حتى تطريب .. الغنا رووووووح ... الفنان هو من تم ريحة روحو في غناه وهدهدة صوته ... محمود كان من النوع ده ... بتحس بي وجع قلبو وتتألم معاه وإنت بتسمع في صوتو .. الشغلة دي مااااا بتناسب طه ولا هو بيناسبها .. وريث بتاع مين يا عمك ؟؟!!
تحياتي للعجب حبيبي
Post: #99 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-27-2013, 07:05 AM Parent: #95
صباح الخير دكتور الصادق
Quote: طه سليمان صوتو قوي وجميل ..وياريت يمر على البوست ده ..
أهم حاجه يبعد عن الكلمات الهابطه ...ويتجه للكلمات الجاده
وهذه دعوة للفنان طه سليمان للمرور
والاستفادة من النصائح القيمة التي قدمت له .
تحياتي ياجميل
Post: #98 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-27-2013, 07:03 AM Parent: #94
مرحبتين ذو اليد
Quote: محمود صوت من لا صوت له ويد لمن لايد له في مساعدة الفقراء والمساكين
شهادة مقدرة
تسلم ياحبيب
Post: #100 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-27-2013, 07:10 AM
هلا وغلا بعثمان دغيس
واشواق كتيره
Quote: الحبيب هرون ... إنت قلبت وتر ولا شنو ؟ ويييين رابطة المريخ سوت ورابطة أهلى شندي ما عارف شنو ؟
ما إختلفنا الود طه صوتو جمييييل وقوي وحضوره أجمل وأروع .. لكن تطريب بي تعريفة ما عندو ... بعدين وقبلين يا هرون الغنا ما صوت ولا حتى تطريب .. الغنا رووووووح ... الفنان هو من تم ريحة روحو في غناه وهدهدة صوته ... محمود كان من النوع ده ... بتحس بي وجع قلبو وتتألم معاه وإنت بتسمع في صوتو .. الشغلة دي مااااا بتناسب طه ولا هو بيناسبها .. وريث بتاع مين يا عمك ؟؟!!
تحياتي للعجب حبيبي
ياحبه الوتر مع الكفر اجمل
وياخي انت سيد الشي زاتو
لكن بصرااااااااحة انا الزول الاسمو
طه ده بطربني عدييييييل وبعدين الفئة
المستهدفة هي فئة الشباب ... صدقني حتي
في الاغاني الجادة جدا تجد الشباب يتجاوب
معاهو بصور جميلة جدا... لكنها لاترقي لعقد
مقارنة مع امكانية وجماهيرية الحوت... زول براااااهو...!!!!
المهم....
بقليل من الجهد سيكون صاحب شأن في هذه المسيرة
التي لم ولن تتوقف .
سلام
Post: #102 Title: Re: انه الوريث الشرعي لعرش ( الحوت ) في قمة الغناء الشبابي Author: garjah Date: 02-27-2013, 10:32 AM Parent: #27
الحبيب هرون
المرحوم الحوت كانت له رسالة
فما هي رسالة طه سليمان؟؟
Post: #103 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-27-2013, 01:53 PM Parent: #102
سلامات ياقرجة
وياخي طولت الغيبة
Quote: المرحوم الحوت كانت له رسالة
فما هي رسالة طه سليمان؟؟
يمين سؤالك ده الاجابة عليهو
تجيب الهوا عدييييييييييل
تحاياي ياجميل
Post: #101 Title: Re: انه الوريث الشرعي لعرش ( الحوت ) في قمة الغناء الشبابي Author: عزالدين آدم علي Date: 02-27-2013, 10:15 AM Parent: #1
أخالفك الرأي أخي وأحترم وجهة نظرك.. فلا مجال لطه سليمان بوجوج جمال مصطفى (فرفور) فطه سليمان أحد من أسهموا في نشر الغناء الرخيص (الهابط) فلا يغف له التاريخ ذلك وهو لايصلح أن يورث (الحوت)
Post: #104 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-27-2013, 01:56 PM Parent: #101
سلامات ياعز الدين
Quote: أخالفك الرأي أخي وأحترم وجهة نظرك.. فلا مجال لطه سليمان بوجوج جمال مصطفى (فرفور) فطه سليمان أحد من أسهموا في نشر الغناء الرخيص (الهابط) فلا يغف له التاريخ ذلك وهو لايصلح أن يورث (الحوت)
وانا ايضا احترم هذا الراي الجميل المؤدب
واتفق معك تماما في ان الحوت ( ظاهرة )
لكن دعني اختلف معك في جمال فرفور
بالنسبة للغناء الهابط ... والله ياعز الدين
عندي بوست قريب عن نماذج لهذا النوع من الغناء
يشيب لها الولدان .
خليك قريب ياحبيب
Post: #105 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-27-2013, 02:01 PM Parent: #104
وهذه مداخلة مهمة جدا من احد المقربين
من الراحل ( الحوت ) الاستاذ محمد البحر
سقطت سهوا في الصفحة 2
لايجب ان تمر مرور الكرام
Quote: الحبيب / ابو دياب تحيات يا زول طبعا هى اول حروف اختها فى الراحل الصديق / محمود عبد العزيز بعد سماع خبر وفاته حتى الان برغم متابعتى لكل ما يكتب فى سيرة الراحل واثرت نفسى بان تكون عبرك لك الحب يا صديق.
لقد انهيت القول بانك وضعت (راى الشخصى اخر البوست ) وتلك الجمله من المفترض تقطع قول كل خطيب ) وتحترم على ذلك.
اما من وجه نظرى/ محمود عبد العزيز ( ربنا يرحمو) ظاهرة فريدة فى خارطة الغناء السودانى انسان بطول الوطن اختار اصعب الطرق لقلوب محبيه فنجح فى ذلك وقد علم محمود بان لا غبار هى موهبته فسلك طريق الانسانيه التى اجاده بدرجه قديس. فقد كان محمود من الناس والى الناس بكل درجاتهم الساميه . فمن الصعب لفنان ان يجيد دور الانسانيه مهم كانت قدرته على التحمل فقد جلس محمود على الارض وافترش قطاعات الكرتون فى جنبات اسواق الخضار يتجازب الحديث مع بعض (اولاد الشماس ) ود شوف عين (جوار نادى الخرجين بورتسودان). لقد سلك محمود درب الانسانيه ةقد افلح فيها . فيما يخص الشاب طه سليمان اتفق معك بان طه فنان جيد جدا وانا واحد من المستمعين له بعنايه ولكن اسمح لى بان محمود ......... لن يتكررررررررررررررر يا صفوة
تحياتى محمد البحر
شكرا يابحرنا وانت تتحفنا بهذه الكلمات القليلة
من الكثير والكثير جدا عن صديقك المقرب الراحل الحوت
فياريت وياريت ماتبخل علي معجبيه بالسرد الممل عن
الجانب الانساني في حياة محمود والذي كنتم انتم شهود عليه
طبعا لا لاختلاف علي جماهيرية محمود الغنائية ولكن يخفي علي
الكثيرين الجوانب الانسانية في حياة هذا الفنان الانسان .
تحاياي وفي انتظارك
Post: #107 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 02-28-2013, 05:56 AM Parent: #105
وشكرا اخي محمد علي الاطراء
Post: #108 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 03-02-2013, 07:13 AM Parent: #107
الراحل الحوت وطه سليمان
الماضي والحاضر
Post: #109 Title: Re: انه الوريث الشرعي لعرش ( الحوت ) في قمة الغناء الشبابي Author: walid taha Date: 03-09-2013, 01:36 PM Parent: #1
كتب هارون
هو يمتلك حنجرة ذهبية يستطيع ان يقودها في كل السلالم الموسيقية.....واداء تطريبي عالي
عليك الله يا هارون الود ده ما بستحق الغتسة الغتستها لبوسيك ده ؟ :) :)
Post: #110 Title: Re: انه الوريث الشرعي لعرش ( الحوت ) في قمة الغناء الشبابي Author: walid taha Date: 03-10-2013, 06:03 AM Parent: #109
يا هارون ما سمعنا منك فى ود المامون ده!
Post: #111 Title: Re: انه الوريث الشرعي لعرش ( الحوت ) في قمة الغناء الشبابي Author: عبدالله على Date: 03-10-2013, 06:57 AM Parent: #110
احمد المامون ، موهوب كان اول المجموعه 16 لنجوم الغد
Post: #112 Title: Re: انه الوريث الشرعي لعرش ( الحوت ) في قمة الغناء الشبابي Author: walid taha Date: 03-10-2013, 09:04 AM Parent: #111
ولاّ هنا رغم أداء الفرقة الغير مقنع
Post: #113 Title: Re: انه الوريث الشرعي لعرش ( الحوت ) في قمة الغناء الشبابي Author: نجلاء قرافي Date: 03-10-2013, 11:51 AM Parent: #112
سيد البوست المحترم هارون دياب وضيوفه الحواتة والجميع تحياتي الحوت ليهو الرحمة والمغفرة خامة براها كدا مافيها شق ولا طق وماكايسين ليهو وريث على الاطلاق بل الليجي واحد يثبت مقدراتو ويملك قلوب الناس زي ما عمل حوتة
وان كان ولا بد من لفت النظر لاحدهم لملء الفراغ الحاصل هسي ارشح الشاب دا وبقوة صوت عريييض ونفس طويل وتلوين للصوت بشكل مذهل اسمو سيف محمد خير احد نجوم برنامج نجوم الغد في الدورات السابقة لو شد حيلو بيكون ليهو شأن
Post: #115 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 03-10-2013, 02:55 PM Parent: #111
عبد الله علي
سلامات يازول يازين
Quote: احمد المامون ، موهوب كان اول المجموعه 16 لنجوم الغد
يستحق هذا المركز وسط مجموعته
لكن...
طه الضرس سيكون ذو شان
صدقني
Post: #114 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 03-10-2013, 02:53 PM Parent: #109
معذرة للاحباب للغياب القسري عن البوست
الحبيب وليد وحاة الله ورسول مكة ليك الشوق
زولك الله مبدع عديييييييييييييييييييل
وهاك ليهو من رابطك زاااااااااتو
Post: #116 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 03-10-2013, 03:00 PM Parent: #114
والف مراحب ببنت العم
الاستاذة الفاضلة / نجلاء قرافي
Quote: سيد البوست المحترم هارون دياب وضيوفه الحواتة والجميع تحياتي الحوت ليهو الرحمة والمغفرة خامة براها كدا مافيها شق ولا طق وماكايسين ليهو وريث على الاطلاق بل الليجي واحد يثبت مقدراتو ويملك قلوب الناس زي ما عمل حوتة
وان كان ولا بد من لفت النظر لاحدهم لملء الفراغ الحاصل هسي ارشح الشاب دا وبقوة صوت عريييض ونفس طويل وتلوين للصوت بشكل مذهل اسمو سيف محمد خير احد نجوم برنامج نجوم الغد في الدورات السابقة لو شد حيلو بيكون ليهو شأن
واتفاق تام فيما يخص الحوت والحواتة
اما بالنسبة للفنان سيف... صدقيني اول مرة
اسمع ليها .... مباااااااااااااااالغة
واكيد هناك الكثير من الاصوات التي اذا
وجدت الفرصة واستقلتها الاستقلال الصحيح
فسوف تجد مكانها في المقدمة .
المهم...
طلعت اضانك نضييييييييييييييفة
وتعرفي تنقي صاااااااااااااح .
تحاياي للاسرة
Post: #117 Title: Re: انه الوريث الشرعي لعرش ( الحوت ) في قمة الغناء الشبابي Author: haroon diyab Date: 03-11-2013, 06:17 AM Parent: #116
