Post: #1
Title: سودانيو الداخل VS سودانيي الخارج
Author: الطيب مصطفى
Date: 02-19-2013, 09:06 AM
Parent: #0
هل هنالك فرق بين السودانيين الفي الداخل والسودانيين الفي الخارج من ناحية القيم الأخلاقية؟
أعتقد أن هناك فرق ، لأن معظم السودانيين المهاجرين خارج السودان خاصة أولئك الذين من الله عليهم بالخروج من السودان منذ عقود مازالوا يحتفظون بسمات الشخصية السودانية الأصيلة التي تختزن في داخلها مجموعة من القيم النبيلة والصفات الكريمة التي لازمت الزول السوداني وأكسبته ميزة فريدة خاصة أينما حل وأرتحل. أما أولئك الذين بقوا في السودان سيما خلال سنوات الأنقاذ ( العجاف) فقد أضطروا ( إلا من رحم الله) إلى معايشة الواقع الأليم والتأقلم معه ومسايرة الواقع المر مما أثر بشكل كبير في المنظومة الأخلاقية لديهم ( ومرة أخرى أقول إلا من رحم الله) فتغيرت كثيراً من عاداتهم وطباعهم وقيمهم الأخلاقية . هنالك العديد من الشواهد والأمثلة تقف دليلاً شاهداً على هذا الإدعاء.... نواصل بإذن الله...
|
Post: #2
Title: Re: سودانيو الداخل VS سودانيي الخارج
Author: جمال ود القوز
Date: 02-19-2013, 09:30 AM
برضو وجهة نظر ..
لكن أعتقد الأصح أن الأجيال الأقدم لازالت تحتفظ بكثير من القيم والاخلاقيات ..
سواء في الداخل او في الخارج ..
نعم للحالة الاقتصادية مفعولها الأكيد على القيم والأخلاقيات ..
وبرضو هي معادلة نسبية .. لايصح كثير من جوانبها ..
لعدم وجود قاعدة القياس التي تعطيكـ النسبة الصحيحة ..
فلكل زمان حال ملازم له ..
وناس تتاقلم مع تلكـ الاحوال ..
والانسان ابن بيئته ..
أحياناً تلتمس الأعذار لكثير من التصرفات التي تراها ..
لعلمكـ التام بعدم توفر مطلوبات ومناخ وبيئة ..
تعطيكـ الأفضل الذي تنشده ..
ربنا يصلح الحال ..
|
Post: #3
Title: Re: سودانيو الداخل VS سودانيي الخارج
Author: الطيب مصطفى
Date: 02-19-2013, 12:48 PM
Parent: #2
شكراً أخ جمال على المرور والتعليق
أذكر قبل فترة سأل أحد رجال الأعمال السعوديين بعض الأخوة السودانيين الكانو بشتغلو معاه أنتو السودانيين الهناك ديل جو من وين ... يعني قريب من كلام الطيب صالح القالو في الجماعة حصل طبعاً الراجل ده مشى السودان عشان يعمل إستثمار وكان راسم صورة زاهية للشخصية السودانية من خلال الناس الأشتغلو معاه.. ويبدو إنهم وروه الويل وسهر الليل
|
Post: #4
Title: Re: سودانيو الداخل VS سودانيي الخارج
Author: النعمان خوجلى
Date: 02-20-2013, 02:51 PM
Parent: #3
الاخ الطيب كيف حالك واحوالك
نفس قصة المستثمر السعودى حدثت قبل عدة سنوات ايام وزير الاستثمار الذى دمر مشروع الجزيرة والخطوط الجوية السودانية الشريف ود بدر فقد حكاها الدكتور بشير عمر وزير المالية الاسبق فى ندوة عن افاق الاستثمار بالجزيرة فى فندق قصر المدينة اقامتها رابطة محلية ودمدنى بجده فقد افاد ان وفدا من رجال الاعمال رافق وزير التجارة السعودى فى زيارة للسودان وطرحت عليهم الخارطة الاستثمارية فكان كلما يطلب رجل اعمال مشروعا يستفرد به مسئولا كبيرا بانه سوف يدعمه ويسهل له المشروع على ان يكون شريكا معه فاقسم رجل الاعمال بانه ان لم يكتن مرافقا للوزير لقطع زيارته وعاد فى اول طائرة الى جده من سوء وفساد بعض المسئولين فى السودان.
ورغم ذلك نقول ان البلد بخيرها الا من ابا وهم الذين يسعون للكسب باية صورة دون النظر للحلال والحرام فافسدوا واستغلوا السلطة ومن لم تكن له سلطة تاجر فى المحرمات نسأل الله السلامة
|
|