Post: #1
Title: الجالية السودانية بمكة المكرمةالاحتفال بالذكرى 57 لإستقلال السودان
Author: أيوب خليل
Date: 02-19-2013, 06:24 AM
تدعوكم الجالية السودانية بمنطقة مكة المكرمة وضواحيها وفي ظل إحتفالاتها بالذكرى 57 لإستقلال السودان
لخضور إحتفالها بذكرى إستقلال السودان وذلك يوم الخميس 11/04/1434هـ ، المكان : قاعة التميز بالمعيصم الزمان الساعة التاسعة مساءاً
وعليه تُهيب بجميع أبناء الجالية السودانية بالمنطقة الغربية وجميع الروابط والجمعيات ومنظمات المجتمع المدني بالمُشاركة في هذه المناسبة ونسأل الله ان يعيدها على بلادنا وهي تنعم بالأمن والعزة والسؤدد..
الولاء للسودان أولاً وثانياً وثالثاً وأخيراً.
وان الوفاء للسودان والانتماء للسودان يعلو على كل وفاء وولاء..
التحية لأجيال حملت الراية. وقاتلت في ظلها من أجل السودان استقلاله ووحدته
وأجيال رفعت الراية مُعلنة استقلال السودان مرادفاً لوحدة ترابه..
التحية لجيل البطولات الذي مضى بعد ان سجل تاريخاً ناصعاً والتحية لجيل التضحيات الذي حمل العبء ينافح عن الوحدة ويبني المستقبل ويصون الإستقلال.
ويسطر التاريخ مولد شعبنا
يا إخوتي غنو لنا اليوم
يا نيلنا ....
يا أرضنا الخضراء يا حقل السنا
يا مهد أجدادي ويا كنزي العزيز المقتنا
يا إخوتي غنو لنا اليوم
كرري ..
كرري تحدث عن رجال كلأسود الضارية
خاضو اللهيب وشتتو كتل الغزاة الباغية
والنهر يطفح بالضحايا بالدماء القانية
ما لان فرسان لنا بل فر جمع الطاغية
يا إخوتي غنو لنا اليوم
وليذكر التارخ أبطلا لنا
عبد اللطيف وصحبهو
غرسو النواة الطاهرة
ونفوسهم فاضت حماسا كالبحار الزاخرة
من أجلنا ارتادوا المنون
ولمثل هذا اليوم كانوا يعملون
غنو لهم يا إخوتي ولتحيا ذكرى التاريخ
يا إخوتي غنو لنا اليوم
إني أنا السودان أرض السؤدد هذه يدي
ملأى بألوان الورود قطفتها من معبدي
من قلب إفريقيا التي داست حصون المعتدي
خطت بعزم شعوبها آفاق فجر أوحد
فأنا بها وأنا لها
وسأكون أول مقتدي
يا إخوتي غنو لنا اليوم
وكــل عـام وأنتم بخـير ،،،
|
Post: #2
Title: Re: الجالية السودانية بمكة المكرمةالاحتفال بالذكرى 57 لإستقلال السودان
Author: محمد الهادى عبد الرحيم
Date: 02-19-2013, 09:26 AM
Parent: #1
مع الاعتذار والتقدير للاستاذ ايوب
كم مره تحتفل الجاليه والكيانات والقنصليه باستقلال السودان ؟؟
احتفال استقلال السودان عادة من داخل البرلمان ويوم 19 ديسمبر من كل عام واعتقد هذا (كفاية)
السودانيين بالخارج كل على هواه
الاحتفال يفقد قيمته اذا تعدى يوم الاستقلال الحقيقي !!
الجاليه تحتفل بعد مرور (شهرين كاملين) من تاريخ الاستقلال !!
بعدين اصلا هو وينو الاستقلال من اصلو !!
جاليه كلها فتن ومشاكل وتناحر وخلافات وانشقاقات ولجنه جاليه ليها (20) سنه واكثر
اولئك يحتفلون بالاستقلال وهؤلاء يحتفلون من جهه اخرى
لك الله ايها الوطن !!
السودان فى هاويه سحيقة الان !!
الجميع يتفرج !!
اها يعنى حيعملوا شنو يوم الخميس ؟؟؟
هم (القنصليه) ماقالوا مافى كيانات ولاتجمعات ولا احتفالات
كيف الجاليه تحتفل !!
معليش اخى ايوب ذى ماقال السودانى ايام الانتخابات لبابكر حنين (خلينى افشفش شويه) !!!
مودتى وتقديرى مره اخرى وخذوا راحتكم واحتفلوا ان شاء الله حتى صباح الجمعه !!!
البلد فى هاوية وحروبات ومشاكل لايعلم عواقبها الا الله
كل مناطق التماس النيل الازرق وجنوب كردفان ودارفور تشهد حروب ضروس وبعض القوم يحتفلون !!
وانتم تحتفلون بعيد الاستقلال !!
|
|