Post: #1 Title: كيف تختار بنت السودان اليوم شريك الحياة Author: بكرى ابوبكر Date: 02-19-2013, 07:15 AM Parent: #0
Post: #2 Title: Re: كيف تختار بنات السودان اليوم شريك حياتهم؟ Author: الامين موسى البشاري Date: 02-19-2013, 12:13 PM
سلام يا ريس
غايتو زمان كان البنات بقولن: __________________
عشة صغيرة كفاية علينا عشة صغيرة نعرشه ليك برموش عيننا عشة صغيرة نفرشه ليك بحرير ايدينا ما بتغرينا قصور من نور ولا بسحرنا حرير مضفور نحنا طلبنا الكلمة الطيبة .. .. وايضاً :
والعرس بالفاتحة يا ناس حلال .. .. هســـي الزمن دا بقن يقولن:
سجل لي عرباتك سجل لي شركاتك ما أنت العسل ذاتك
ومن ثم تطورت الأماني الى طمع عدييييييييييل يا ريس
جاب لي اللكزس هدية ... ما علاقة شخصية وأمسكي القناية يا هنايه ... بكره الهمر جايه
___ ممكن أهدي الاغنية الاخيرة لصديقي محمد عمر الفكي واهديها للريس شخصياً برضو
Post: #3 Title: Re: كيف تختار بنات السودان اليوم شريك حياتهم؟ Author: حيدر حسن ميرغني Date: 02-19-2013, 01:16 PM Parent: #2
بوست Free Size يناسب اخونا زهير
Post: #4 Title: Re: كيف تختار بنت السودان اليوم شريك الحياة Author: مجاهد محمد الهادي Date: 02-19-2013, 02:29 PM
Post: #5 Title: Re: كيف تختار بنت السودان اليوم شريك الحياة Author: أبو عبيدة البصاص Date: 02-19-2013, 03:02 PM Parent: #4
هههههههههههههه بوست ملغوم من هسي
Post: #6 Title: Re: كيف تختار بنت السودان اليوم شريك الحياة Author: اميرة السيد Date: 02-19-2013, 09:31 PM Parent: #5
Quote: عشة صغيرة كفاية علينا عشة صغيرة نعرشه ليك برموش عيننا عشة صغيرة نفرشه ليك بحرير ايدينا ما بتغرينا قصور من نور ولا بسحرنا حرير مضفور نحنا طلبنا الكلمة الطيبة
>>>>>>>>>>>>>>>>>>>>
تأكد يا عزيزي الأمين بشاري انو نحن لسع ورا الكلام السمح ده .. وان اغلبية السودانيات متمسكات بهذه العادات الجميلو وما بجرن ورا اللكزس والهمر والقصور الفاخرة..
وهنا اورد لك قصة الفتاة البدوية التي تزوجها امير المؤمنين معاوية ابن ابي سفيان , واسمها ميسون، بعد ان رأى جمالها خلال جولاته في البادية وجاءت الفتاة الريفية(ة ميسون) إلى قصر الخلافة ( ومعروف قصور بني امية كانت من الفخامة والروعة بحيث لا نجد حتى مثيلاتها اليوم.. ويوم ما جاء معاوية ابن ابي سفيان وسمع ميسون تردد هذا الأبيات من الشعر:
لبيت تخفق الأرياح فيه احب إلى من قصر منيف وكسيرة من كسر أبي أحب إلى من أكل الرغيف وبعل من عمي كريم أحب إلى من ملك عنيف ولبس عباءة وتقر عيني احب إلى من لبس الشفوف
وطلقها سيدنا معاوية وأرجعها لأهلها في البادية معززة مكرمة .........................
وتأكد ان اي فتاة في هذه الدنيا تحب الكلمة الطيبة وتحب الكلمات التي تبث لواعج الحب والنوى ولا تحب المعاملة العنيفة وحتى وان جاءت من ملك او غني لأن الحجاه والمال ليس من اسباب السعادة ابدا.. والله يديك العافية
Post: #7 Title: Re: كيف تختار بنت السودان اليوم شريك الحياة Author: محمد عوض السيد Date: 02-19-2013, 10:41 PM Parent: #6
للاسف ان معيار الاختيار للزواج اصبح مختل بالسودان وكل فتاة لديها احلامها وطلباتها وكلها تنصب بطلب المال الا قلة ممن رحمهم الله
غايتو لينا كم سنة بنجمع في حق العرس وان شاءالله الامور ماتسؤ اكتر من كدا !!
مع الود والاحترام
Post: #8 Title: Re: كيف تختار بنت السودان اليوم شريك الحياة Author: سناء عبد السيد Date: 02-20-2013, 02:49 AM Parent: #7
ارائم منطقية شديد .. رغم انه الشواهد بتقيف دليل على عكس كلامن .. خصوصاً الجانب المادي و كثرة طلبات بنات السودان و التكاليف الباهظة في مراسم الزواج بتأكد عدم مصداقيتم إلا انهم يكونن استثناء من الكثيرات و ايضاً جانب فارق السن .. كثير من البنات بقوا يتزوجوا رجال يكبروهن بعشرين سنة و اكتر و البتتنازل عن فارق السن و ترضى بشاب صغير ما بتتنازل عن المادة .. يعني باختصار اغلب الفتيات في السودان ببحثوا عن عريس ما عن زوج
Post: #9 Title: Re: كيف تختار بنت السودان اليوم شريك الحياة Author: Abdlaziz Eisa Date: 02-20-2013, 06:07 AM Parent: #8
سلام
كلام بنات في التلفزيون.. شئ للاستهلاك الاعلامي الواقع غير
لو شلت الفيديو ده ومشيت بيهو لواحدة تنكره!!
Post: #10 Title: Re: كيف تختار بنت السودان اليوم شريك الحياة Author: ادم الهلباوى Date: 02-20-2013, 06:11 AM Parent: #9
سلام ياباشمهندس
..
Post: #11 Title: Re: كيف تختار بنت السودان اليوم شريك الحياة Author: نعمات حمود Date: 02-20-2013, 11:16 AM Parent: #10
الاستاذ بكري ... كنت اثناء دراستي بجامعة الجزيرة على علاقة طيبة باستاذ علي وكان من الشمالية كنت احبه جدا يجسد لي الكثير وبيني وبينه حكايات وخاصة في هذه الناحية اختيار الزوج والزواج كان هو محاضر في الدراسات الاسلامية ثقافة اسلامية وكان حد الهوس بحكايا اختيار الزوج الصالح والزواج الصغر وكيف انه زوج بناته وخلفوا في سن صغيرة ..من منطلق حرصه علي كان يزن على اذني بان اتزوج ولا زم ولازم كنت اتمرد عليه بان اختار معاي انت ...حتى عجز ذات يوم قال لي (تعرفي كل ما يمر عليك يوم حتتنازلي اول عايزة جميل ووسيم وعربية وبيت وتاني ما مشكلة صلعة وبنطلون قديم وتاني ما مشكلة بخيط الجلابية لو ممزقة وبغسلها لو ######انة واخر حيكون طلبك مسلم فقط ...)دارت الايام وقابلته وكنت فيعملي بعد مرور سنين سالني وين انتي الان فقلت (مسلم يا عم علي ) فالشروط والطموح يختلف بمرور السن واتساع الافق ....واشباع الرغبات .... لقينا الفلوس ...والعربات ...والبيوت ....فاختلفت احلامنا ... بت السودان داخل السودان تجتهد كثيرا وقد تغيرت سحنتها كثيرا واختلفت طموحاتها وامالها وكثيرا ما احبطتتني صديقاتي بكلام محبط لا ادري ما يجري لبعدي الجغرافي ... وكثيرا ما تحاورت مع بنت السودان خارج الوطن وبالتاكيد الذي افرحني اكثر مما احزنني فقد وجدتها اكثر وعيا واحلامها اكثر من عادية ومتواضعة ولا اريد ان اقول تنازل كثير في كثير من النواحي ...وهذا لمعرفة كثير من الامور وتقديرها ... يا بكري في السودان يصعب اي شي ولا يمكن ان تجيد اختيار اي شي لان الرؤية معتمة في جميع مناحي الحياة ودي ما فلسفة مني ولكن كل شي تغير مغاهيم على قيم على احلام على كلو كلو كلو ... وبرجع ليك
Post: #12 Title: Re: كيف تختار بنت السودان اليوم شريك الحياة Author: ibrahim fadlalla Date: 02-20-2013, 11:27 AM Parent: #11
Quote: ديل غبيين
صيغة منتهي الزعل ....
لاكين ما إنتهيت منهن يا ألتون محمد ..من الفيسبوك
Post: #13 Title: Re: كيف تختار بنت السودان اليوم شريك الحياة Author: العوض المسلمي Date: 02-20-2013, 11:53 AM Parent: #12
انت رائك شنو يا ريس ؟!
Post: #14 Title: Re: كيف تختار بنت السودان اليوم شريك الحياة Author: مها عبدالمنعم Date: 02-20-2013, 12:16 PM Parent: #13
المواصفات اكيد بتختلف من بت لبت ومن اسره لاسره ممكن جدا يكون للاهل تاثير في قصة الاختيار دي الناس عموما بقت بتهتم بالمظهر اكتر من الجوهر وكان خطيبك دا شنو ماكان مش من عيله كويسه وعنده كذا من الشهادات وعنده مال وشنو شنو دا بكون الافضل واحيانا كتيره جدا بتنغصب البت علي القبول بالشي العاوزه المجتمع من القصص الواقعيه انا شاهده عليها البت والولد بعرفهم جدا واصحابي جدا وبحبو بعض اتفقو يكملو حياتن مع بعض بس عاوزين العرس يكون بسيط شديد مافيهو تعقيدات الشيله وسد المال وفطور العريس والقصص دي والبت اشان ترضي قام قال ليها اشان ماتظلمي حق الشيله بديك تشتري بيهو دهب والقصه مشت في امان الله بس ام العريس شافت كيف انه ولدهم يعرس كدا قررت تديها هي قروش الشيله اشان الناس حيقولو عنهم شنو بس ووقعت الخلافات بين الاسره للاسف وصلت التهيد انهم ماحيمشو معاه اذا هو مصر يكون العرس كدا هو اختصر المشاكل ولغي فكرة العرس من اساسه ...للاسف
Post: #15 Title: Re: كيف تختار بنت السودان اليوم شريك الحياة Author: مجاهد محمد الهادي Date: 02-20-2013, 01:13 PM
على فتياتنا أن يعشن حياة العفوية دون التكلف والتظاهر بما ليس فيهن ومنهن .. الشيء الأصيل والصادق هو الذي يدوم.. كنّ كما أنتن.. أرى الصدق من أجمل الأمور التي تخدم الانسان في حياته وخوف المولى في كل حركاتك وسكناتك .. نجاح الحياة الزوجية في النهاية أمر توفيق لا أختلف إطلاقاً على هذه النقطة.. وهو من ضمن نعم كبيرة عظيمة وهبنا اياها المولى الكريم عزوجل.. وفق المولى كل شاب وشابة
Post: #16 Title: Re: كيف تختار بنت السودان اليوم شريك الحياة Author: اميرة السيد Date: 02-20-2013, 03:17 PM Parent: #15
Quote: بت السودان داخل السودان تجتهد كثيرا وقد تغيرت سحنتها كثيرا واختلفت طموحاتها وامالها وكثيرا ما احبطتتني صديقاتي بكلام محبط لا ادري ما يجري لبعدي الجغرافي ... وكثيرا ما تحاورت مع بنت السودان خارج الوطن وبالتاكيد الذي افرحني اكثر مما احزنني فقد وجدتها اكثر وعيا واحلامها اكثر من عادية ومتواضعة ولا اريد ان اقول تنازل كثير في كثير من النواحي ...وهذا لمعرفة كثير من الامور وتقديرها ... يا بكري في السودان يصعب اي شي ولا يمكن ان تجيد اختيار اي شي لان الرؤية معتمة في جميع مناحي الحياة ودي ما فلسفة مني ولكن كل شي تغير مغاهيم على قيم على احلام على كلو كلو كلو ... وبرجع ليك
>>>>>>>>>>>>>>>>>>>>>>>>>>>>>>>>>>>>> عزيزتي نعمات نعم الكلام ونعم الرأي يا نعمات .. كلامك وكلام استاذك كله حقيقة واقعة... والدي دائما يقول لي :" يا بتي اذا عاوزة تتزوجي ما تفتشي في الراجل الوسامة او الغنى لأن الوسامة والغنى لا تدوم مع الأيام والشهور والسنين فكلاهما زائل ولكن ابحثي عن اخلاقه وتصرفاته وطريقة كلامه وتفكيره وثقافته لأن من كان اخلاقه حميدة وصفاته حميدة وثقافته عالية ومشبع بتعاليم الاسلام فسوف يعاملك احسن معاملة واذا اختلفتما في شئ واصبحت الحياة مستحيلة بينكمافسوف يكون الفراق بينكما باحسان وكرامة وتدوم صداقة بينكما... ودائما اقول له:" كلامك ده يا ابوي في القصص والروايات بس لأن الطلاق في السودان يتم بعد حرب والعداء يستمر إلى يوم القيامة.. ولكني وافقته في ان المرء ذو الاخلاق الحميدة سيعامل شريكة حياته وكأنهما شركاء في السراء والضراء... وفعلا زي ما قلتي انت الرؤية مرات بتكون معتمة والاختيار صعب بالنسبة للطرفين، الرجل والمرأة، ولكن هناك شئ واحد أكيد وهو ان الاستعجال في الزواج يودي موارد الهلاك.. وتالله يديك العافية
Post: #17 Title: Re: كيف تختار بنت السودان اليوم شريك الحياة Author: نعمات حمود Date: 02-21-2013, 07:22 AM Parent: #16
Quote: >>>>>>>>>>>>>>>>>>>>>>>>>>>>>>>>>>>>> عزيزتي نعمات نعم الكلام ونعم الرأي يا نعمات .. كلامك وكلام استاذك كله حقيقة واقعة... والدي دائما يقول لي :" يا بتي اذا عاوزة تتزوجي ما تفتشي في الراجل الوسامة او الغنى لأن الوسامة والغنى لا تدوم مع الأيام والشهور والسنين فكلاهما زائل ولكن ابحثي عن اخلاقه وتصرفاته وطريقة كلامه وتفكيره وثقافته لأن من كان اخلاقه حميدة وصفاته حميدة وثقافته عالية ومشبع بتعاليم الاسلام فسوف يعاملك احسن معاملة واذا اختلفتما في شئ واصبحت الحياة مستحيلة بينكمافسوف يكون الفراق بينكما باحسان وكرامة وتدوم صداقة بينكما... ودائما اقول له:" كلامك ده يا ابوي في القصص والروايات بس لأن الطلاق في السودان يتم بعد حرب والعداء يستمر إلى يوم القيامة.. ولكني وافقته في ان المرء ذو الاخلاق الحميدة سيعامل شريكة حياته وكأنهما شركاء في السراء والضراء... وفعلا زي ما قلتي انت الرؤية مرات بتكون معتمة والاختيار صعب بالنسبة للطرفين، الرجل والمرأة، ولكن هناك شئ واحد أكيد وهو ان الاستعجال في الزواج يودي موارد الهلاك.. وتالله يديك العافية
اميرة الاميرة .....مرحبا بك والهم واحد ....هم الغربة ..وهم الاختيار وهم الحياة بعد الاختيار والتنظير .. فعلا المشكلة الاكبر اسباب الاختيار التي اصبحت اكثر من سطحية ...بصورة فاضحة لذلك لهشاشتها سرعان ما يحدث الطلاق حتى صار ظاهرة متفاقمة ...في الغربة مثلا يكون الانسان في نظرته لشريك حياته غير فارس الاحلام على الحصان الابيض او نورالدين وفانوس الامنيات ....فويلات الغربة جميعها تصب في ميزان الرجل ...فالانسان يصبح اكثر عمقا في نظرته للحياة لا يبحث عن رجل اوشريك ليحقق له احلامه بل يبحث عن رجل رفيق يعينه على السير في طريق الحياة ...فكلما نرجوه لا يحمل توقيع العربة والبيت والفلوس .......انسان فقط ....فاهم بامور الحياة العادية البسيطة .....صعبه دي ؟ ولي عوده
ا
Post: #18 Title: Re: كيف تختار بنت السودان اليوم شريك الحياة Author: نعمات حمود Date: 02-21-2013, 08:16 AM Parent: #17
تاني ....
البنت في السودان ولا اعمم ابدا ولكن جل البنات ...يعشن حالة من الاحباط في الاحلام من مكافحةمع الاسرة وانتظارها لها في المساعدة في البيت ...قبل النظر الى احلامها مما يلقي على عاتقها مسئولية كبيرة تجعلها تفكر في (كيفية الخلاص والفكاك )مما هي فيه ...فيكون الشريك واحد من (المخلصيين )اي منقذ لها ولاحلامها الشخصية وهنا تتضاعف مشاكل الرجل ...كمية الاحباط التي تعيشه بت السودان يجعلها مشتتة الرؤى وقد لا تجيد ولاتحسن الاختيار لادنى احتياجات الحياة ناهيك شريك رحلة طويلة بطول العمر رحلة تتطلب اجادة الزوادة ...والرفقة المأمونة ....الخ
بنت السودان اليوم يا استاذ بكري لم تترك لها الظروف خيارات لتختار فهي في حالة من التجريب ...التجريب فقط والتخبط لذلك ترتفع حالات الزواج غير المدروس والطلاق السريع وغيرو من اثار سلبية لهذا الحراك ....
ومن اصلو وين هي الحياة البتشاركوها ؟الله يكون في عونا ...
Post: #19 Title: Re: كيف تختار بنت السودان اليوم شريك الحياة Author: جمال ود القوز Date: 02-21-2013, 08:27 AM Parent: #18
أذكر اني تابعت بعض مقاطع من الحلقة دي .. الاختيار هو لبنة الزواج الأولى .. وأساسه المتين .. وعلى اساس الاختيار يكون الزواج ناجح .. أو فاشل .. الغريبة لازالت بعض الفتيات يدرن في فلكـ الماده .. وماسيقدمه العريس .. وهن ناسيات ان الواحده منهن حين تتزوج الراجل تملكه هو ومايملكـ .. ولايدر بخلدهن ان الله كما أعطى بيده ان يأخذ .. وممكن تصبح تلاقى زوجها بلا مال .. أها حتعمل شنو ؟؟ ...... الزواج ينبني على الإختيار وبس .. سواء من الرجل أو المرأة .. الغريبة السوق راقد سلطة .. والبنات لسه قاعدات ينقن ويعزلن ... في زمن البوره المابتفكها غير الكوره .. تقليل المهور ... وأقلهن مؤونة أكثرهن بركه .. ولايخلو الأمر من دعوة الرجال للاتجاه لخيار المثنى .. لكسر حدة العنوسه .. وشكلو كده زمن الثلاث والرباع .. قرب يجي .. أو حتى جاء والله .. الله يسترنا .....
