Post: #1
Title: كل رأي غير رأيي، النار أولي به !!
Author: أمين محمد سليمان
Date: 02-18-2013, 06:04 PM
Parent: #0
أزعم أن جل مشاكلنا نابعة من هذا الرأي !!
ال(نا) في كلمة (مشاكلنا) ضمير مستتر تقديره سودانيين... بورداب ....أصحاب ...الخ .....أي تجمع بشري زاد عن اتنين و كان غالبيته سودانيين !!
|
Post: #2
Title: Re: كل رأي غير رأيي، النار أولي به !!
Author: أمين محمد سليمان
Date: 02-18-2013, 06:05 PM
Parent: #1
الاتفاق التام أو الموت الزؤام !!
|
Post: #3
Title: Re: كل رأي غير رأيي، النار أولي به !!
Author: أمين محمد سليمان
Date: 02-18-2013, 06:07 PM
Parent: #2
الأول : غايتو الزول ده حيوان عديل كده !!
- التاني : ليه مالو ؟!
الأول : بالله ده كلام يقولو ؟!
التاني : ياخي كونو رأيك مخالف لرأيو ... ما بخليه حيوان ...لانو ....
التاني مقاطعا :
يا زول أقول ليك كلام ؟!! إنت ذاتك حيوان !!
|
Post: #4
Title: Re: كل رأي غير رأيي، النار أولي به !!
Author: حيدر حسن ميرغني
Date: 02-18-2013, 06:07 PM
Parent: #1
نعم يا اميننا
قاتل الله التعصب للرأي والإصطفاف الشين للمُرائين
|
Post: #5
Title: Re: كل رأي غير رأيي، النار أولي به !!
Author: أمين محمد سليمان
Date: 02-18-2013, 06:10 PM
Parent: #4
أي زول يختلف معاي في رأيي ده - ولا أي رأي تاني - يا يبلع رأيو ... يا كمان يركز لحرب لا تبقي و لا تذر !!
بالله يا اخوانا لو زول عندو تفسير للمسألة دي يدينا ... لانو القصة دي استغلقت علي ظاهر باطن !!
|
Post: #6
Title: Re: كل رأي غير رأيي، النار أولي به !!
Author: أمين محمد سليمان
Date: 02-18-2013, 06:10 PM
Parent: #5
أي مجموعة من الناس إلّمْ يفهمو و يتفهمو أن إختلاف الرأي مرغوب و مطلوب و أنه سنة الله في أرضه، النار أولي بهم !!!
|
Post: #7
Title: Re: كل رأي غير رأيي، النار أولي به !!
Author: بدرالدين الطائف
Date: 02-18-2013, 06:12 PM
Parent: #4
| Quote: الاتفاق التام أو الموت الزؤام !! |
سلام يابروف.
فى مكان أخر ناقشنا حكاية إنه إختلاف الرأى أاصبح يفسد كل الود بين الناس.
أتفق معك يا حبيب.
|
Post: #8
Title: Re: كل رأي غير رأيي، النار أولي به !!
Author: محمد حامد
Date: 02-18-2013, 07:01 PM
Parent: #7
| Quote: بالله يا اخوانا لو زول عندو تفسير للمسألة دي يدينا ... لانو القصة دي استغلقت علي ظاهر باطن !! |
سلام يا بروف
الحاجة دي مغروسة فينا
شكل التربية بتاعتنا والسلطة المطلقة عند الكبير- تقرأ الأب- هو البيحدد الصح في الأسرة وهو الرأيو صح وبيحدد مستقبل أي فرد بي الأم زاتها وكل واحد جاي يمثل دور الأب دا لأنو في ظنو إنو الفرد (الكامل).
الأبو بيستمد سلطتو من أعراف (مخلوطة) بي تفسيرات دينية مملوكة لناس تانية هي وحدها وضعت النصوص دي وهي الختمتها بالشمع وكتبت عليها لا إجتهاد تاني ولا رأي (تسليم) بس
الإتنين عايشين في وسط سياسي أغلبية فتراتو من إستقلال السودان - حتى فترة المهدية كحكم وطني- إستبدادية وحدها تمتلك صكوك الوطنية والآراء الصحيحة وما سواها خونة ومارقين وعملاء
بالفهم دا جينا للعالم - قول البورد- في ذهننا إنو أي راي تاني معناتو مبني على أنقاض رأينا وليس لكي يعززه أو يقوم الحتات الخطأ فيهو
يبقى محتاجين الكتير عشان نتصالح يا بروف
|
Post: #9
Title: Re: كل رأي غير رأيي، النار أولي به !!
Author: العوض المسلمي
Date: 02-18-2013, 07:03 PM
Parent: #7
يا بروف امين سلام
وما رائك في القول الشهير ليس الفتي من يقول كان ابي
ولكن الفتي من يقول هانذا ؟؟؟
يا امين الخوف من الاخرين والشعور بالدونية سبب ريس لهذا الفهم
في راي ان هذه الكلمة دليل ضعف
|
Post: #10
Title: Re: كل رأي غير رأيي، النار أولي به !!
Author: منتصرمحمد زكى
Date: 02-18-2013, 08:24 PM
Parent: #9
أمين يابروف
سلامة العودة ياخ
المشكلة في الفاولات يعني طرح الرأي بأسلوب مستفز أو خشونة غالبا تكون
غير مقصودة بس نظام إنو الرأي ده شبه قاطع وخط الرجعة بكون صعب بالحيل
حتى لو تبين له أن رأيه خطأ .. يعني ممكن نقاش جاد يتحول لي دافوري بسبب
فاول كبير أو ضربة في الأنكل ...
|
Post: #11
Title: Re: كل رأي غير رأيي، النار أولي به !!
Author: محمد حيدر المشرف
Date: 02-18-2013, 09:22 PM
Parent: #10
البعد عن المدنية يا أمين ..
والله صحى ..
نحنا من الشعوب القليلة التى تعيش على وجه هذه البسيطة ومازالت بعيدة عن المدنية ..
والمدنية تهذب الانسان وتعلمه التعايش مع الآخر ..
البداوة ياها محاربة الآخر والاعتداد المتضخم بالقبيلة والذات الى آخر صفاتنا والحمدلله ..
|
Post: #12
Title: Re: كل رأي غير رأيي، النار أولي به !!
Author: أمين محمد سليمان
Date: 02-18-2013, 09:55 PM
Parent: #11
سلام يا حلوين
ساعود إن شاء الله لكل المدخلات القيمة حالما يرخي الرجل الأبيض قبضته !!
حتي ذلك الحين بالله 'أولي' الفوق دي أنا قاصد بيها 'أولى' و لا أظنها تغيب عن فطنة أحد..... لكن للضمان كده عذرا علي هذا الخطأ .... إعتذار خاص للبشرى لانو كتابة الألف المقصورة ياء بتبلو ... الإعتذار موصول للحبشي، حبيبنا محمد E سليمان لانو - بنفس سبب الخطأ في كتابة الألف المقصورة ياء - ممكن يجي يبلك ببوست !!! 
|
Post: #14
Title: Re: كل رأي غير رأيي، النار أولي به !!
Author: محمد البشرى الخضر
Date: 02-18-2013, 11:15 PM
Parent: #12
أولا يا بروف اعتذارك غير مقبول, انا اعتذارات سودانيز دي ولاّ بتدخل ذمتي بمليم أحمر
دا من ناحية ومن ناحية تانية إيه اللي "أزعم" دي!!
تزعم ساي كدا انت بدون دليل او براهين
جيب كوتاتك و روابطك ومسنجراتك ولغاية اس ام اس معاك حتى تعال ازعم بي راحتك :)
|
Post: #13
Title: Re: كل رأي غير رأيي، النار أولي به !!
Author: أيمن محمود
Date: 02-18-2013, 10:40 PM
Parent: #11
| Quote: البعد عن المدنية يا أمين .. |
- المسألة متعلقة بالعقلية ( طريقة التفكير) - mentality وليس لذلك علاقة بالقدرات الذهنية
والعقلية المتطورة يقابلها (البلم) الذي لايزيله القلم !
- المدنية خلقت نظام معين لطريقة التفكير (بعد تنقيح متواصل وتراكمي) ارتضاها ويشترك فيها الغالبية ، والشذوذ عنها يضر بالفرد بالاساس !
حضور (الدين) القوي في حياة الناس (بشكله الحالي) يشجع على عدم تبنى العلم (العلمانية) كأسلوب حياة !
-----------------------------------
في المجتمع السوداني تحديدا تجدا الاتي:
1- مجموعة من نفس المستوى (علمي ، اقتصادي ، اجتماعي ، ...الخ)
من الصعوبة جدا يتم اتفاق بينهم ،،، أي واحد بكون همو الاول يفرض رأيو وعايز يظهر!
2- مجموعة فيها واحد او أكثر من مستوى أعلى (علمي ، اقتصادي ، اجتماعي ، ...الخ)
،،،، الرأي الاكثر اتباعا - هو رأي الاعلى مستوى ، بغض النظر عن سفاهة قوله غالبا!
3- حالة صاحب الرأي في اللحظة ! .
ممكن يكون مستواه العلمي ، الاقتصادي او الاجتماعي أعلى - بس في لحظة النقاش مثلا كان هدومو وســـخانة !
4- التنميط
----------------------------------
اعتق الشعب السوداني (ده) ياخ !
|
Post: #15
Title: Re: كل رأي غير رأيي، النار أولي به !!
Author: أيمن محمود
Date: 02-18-2013, 11:30 PM
Parent: #13
Quote: Abubakr Ahmed Abbas
مرة، يh عمر محجوب، بروف أمين دا، في سودانيات، سألتو سؤال ساهل ومباشر، ردّ عليّ بضيق بالآخر وقال لي: "ماشين رحلة السبلوقة"
إن شاء الله، يا عمر، دي، تكون مناسبة أنتزع فيها قبول يالآخر ولو البروف معنوياتو كويسة يمكن يكتب لي إعتذار. |
لا لا - معنوياتو كويسة خالص !
-----------------------------
سمعنا بالعداوات العابرة للبوستات
بس العداوات العابرة للقارات الاسفيرية دي او مرة تمر علي !
|
Post: #16
Title: Re: كل رأي غير رأيي، النار أولي به !!
Author: القلب النابض
Date: 02-19-2013, 01:12 AM
Parent: #15
والله صدقت يا بروف ...تختلف مع زول في الراي طواااالي يستقزك ..يست######ك ... ويكتب ليك باستعلاء ابو العريف ..يعني ما بيخت ولا 1% انو رأيو دا ممكن يكون غلط ...
وبعد ما يقول ؤأيو يكب ليك كوز موية بارد في راسك ( شخصياً) ...ويمد رجلية بابتسامة المنتصر ...ومن جواوو يقول ليك تاني تجي الحلة ,,,
وبعد كدة واحدين كدة يقولوا ليك كمان (زي حالتي مثلاً) قال مسمية روحها القلب ...قال ...
تحياتنا يا بروف ..
استدراك :
والله يبارك فيك للمباركة الزمان ديك ..الدكتوراة اتمقلبنا عملناها جد .. لكن البروف دي بنجازفها في بورد بكري دا ( على قولك )
|
Post: #17
Title: Re: كل رأي غير رأيي، النار أولي به !!
Author: محمد درار
Date: 02-19-2013, 08:45 AM
Parent: #16
السلام عليكم ورحمة الله
المشكلة يا بروف المجتمع نفسه
يعني لو سكت يقولوا عليك ضعيف وما عندك رأي .
ولو وافقت محدثك في كلامه معناه انو الزول دا منطقك وبيفهم اكثر منك.
ولو كنت اخر زول بيتكلم وبيرفع صوته معناه انت منطقت واخرصت "خصمك".
ومعناه الناس حتسمع ليك انت (ان شاء الله خوف ساي)
وعندنا الزول العندو القوة /السلطة هو صاحب الرأي السديد مهما شطح.
وبرضو صاحب الشهادة الكبيرة معناه صاحب الرأي القيم في اي حاجة.
ونقدس اشخاص و أي كلام غير كلامهم فهو سخف.
و نسكت في اشياء يجب ان نكون نحن من يتكلم فيها (ودا عيب كبييير).
---------
وبالله كدي مروا على المنتديات السودانية يكاد لا يخلو منتدى من فيلم فيلمين 
---------------
يا بروف قدر ما انا فتشت لتجمع او قروب لمنظري علم اجتماع سودانيين ما لقيت الحكاية شنو؟؟؟
الناس البيتخرجوا ديل بيمشوا وين ؟؟؟؟؟؟
|
Post: #18
Title: Re: كل رأي غير رأيي، النار أولي به !!
Author: طلحة عبدالله
Date: 02-19-2013, 09:35 AM
Parent: #17
السلام عليكم
الأسوأ يجيك من يأنس في نفسه الأسودية ( من أسد) ويخلي رأيك بعيد ويقعد ينتر فيك اتا آخر شتيمة وقلة أدب
رغم انك لا شتمتو ولا حتي جبت سيرتو ذاتو وإحتمال كبير جدا تكون ما خاتيهو في بالك لما قلتا رأيك .
يقيني انو أي واحد بنط بى رأسو عشان يشتم ويقل أدبو لمجرد ضيقو برأي التاني دا عبارة (شوال فاضي) كما يقول وهبة
وإحتمال برضو يكون ما بقدر ينوم لو ما إشتم وأخد شلوتين تلاتة على قفاهو .. لأنو إذا شتمت ليك زول شىء طبيعي أنو يخم
شتيمتك دي ويكبها ليك في رويسك ولو في طريقة يقد ليك عينك ..
هو في حاجة أسهل من الشتيمة وقلة الأدب في الأسافير دي ؟؟ أبدا لا والله .
وتحياتنا إلى البروف أمين .
|
Post: #19
Title: Re: كل رأي غير رأيي، النار أولي به !!
Author: وليد التلب
Date: 02-19-2013, 09:48 AM
Parent: #18
البي بي أمين *
النار دي محمدة الناس ذاااتها خلي الاراء
ــــــــــــــــــــــــــــــــــــــــــــ
البي بي ان انجلش يابرالمة وتقرأ ايضا ( البروف البلال أمين )
|
Post: #20
Title: Re: كل رأي غير رأيي، النار أولي به !!
Author: جمال ود القوز
Date: 02-19-2013, 09:58 AM
Parent: #19
| Quote: يا زول أقول ليك كلام ؟!! إنت ذاتك حيوان !! |
حسم وبالضربة القاضية ..
وتطبيق مبدأ يا معي .. يا ضدي ..
وبهذه الزواية المنعرجه شديدة الإنغلاق ..
فيه الكثير من التجنى ..
على قبول الرأي الآخر ..
بل ومحاولة إخراسه وكبته ..
فالحياه كلها خذ وهات ...
معاً نحو رأي سايبري راشد وسديد ..
|
Post: #21
Title: Re: كل رأي غير رأيي، النار أولي به !!
Author: طارق جبريل
Date: 02-19-2013, 10:05 AM
Parent: #20
يا بروف كيفنك
انا بتفق مع ابو حتوت
ياخي ما جايب ليك ولا رابط واحد ولا كوت ولا حتى (ههههههه)
شغلك ما مكرب ياخ
أسانيدك موغلة في الجدل البيزنطي
تليشة:
عليك الله يا بروف اسانيدك دي موش بتطلعني من كوني كنت طُلبة إلى مثقف
|
Post: #22
Title: Re: كل رأي غير رأيي، النار أولي به !!
Author: دينا خالد
Date: 02-19-2013, 01:36 PM
Parent: #21
كتب : بدرالدين الطائف
تاريخ التسجيل: 09-01-2013
مجموع المشاركات: 333
Quote:
سلام يابروف.
فى مكان أخر ناقشنا حكاية إنه إختلاف الرأى أاصبح يفسد كل الود بين الناس. |
ههههههههههههههههههههه ... تستاهل يا بروف ... والله انا لما اتكيفتا
تانى اعمل فيها مهم وغايب وكدا .....
ـــــــــــــــــــــــــــــــــ
اما تعليق التلب
Quote:
النار دي محمدة الناس ذاااتها خلي الاراء
|
فجعلنى اضحك بالصوت العالى ... صحكتتتتا كما لم اضحك
من خمسة ايام ... شكرا يا تلب ياخ ....
ياااا بروف !! البركة بالشوفة وكدا .. مشتاقين جد جد مش بتاعت المستهبلين ديل ....
|
Post: #23
Title: Re: كل رأي غير رأيي، النار أولي به !!
Author: أمين محمد سليمان
Date: 02-19-2013, 04:16 PM
Parent: #22
يا حيدره يا ضرغام يا اجام يا ليث يا قسورة ... سلام يا صديق | Quote: نعم يا اميننا قاتل الله التعصب للرأي والإصطفاف الشين للمُرائين |
يا حيدر، قطار البل بتحرك من محطة التعصب دي تحديدا ... عندنا مشكلة كبيرة جدا في التعصب لرأينا لدرجة قد تمنعنا من فهم وجهة نظر المخالف و بالتالي معظم النقاشات يا بقت حوار طرشان ولا حوار دقشمان !!
|
Post: #24
Title: Re: كل رأي غير رأيي، النار أولي به !!
Author: أمين محمد سليمان
Date: 02-19-2013, 04:26 PM
Parent: #23
سلام يا بدرنا | Quote: سلام يابروف. فى مكان أخر ناقشنا حكاية إنه إختلاف الرأى أاصبح يفسد كل الود بين الناس. أتفق معك يا حبيب. |
والله لو أصبح يفسد كل الود و خلاص ... مافي مشكلة ... الود يطير ياخي ... المشكلة إنو بفسد أجواء الحوار و بعدم إمكانيات حل مشاكل البلاد بصورة سلمية علي المستوي العام و بسمم علاقات الناس علي المستوي الخاص زي ما حاصل هنا في بورد من لا بورد له و باقي المنتديات السودانية ....
-------------
دينا يا ستهم .... بدرنا قاصد إنو نحن إتناقشنا في نفس الموضوع في سودانيات ما هنا... عشان تاني ما تضحكي ساي !!!
|
Post: #25
Title: Re: كل رأي غير رأيي، النار أولي به !!
Author: تيسير عووضة
Date: 02-19-2013, 04:35 PM
Parent: #24
| Quote: والله لو أصبح يفسد كل الود و خلاص ... مافي مشكلة ... الود يطير ياخي |
ـــــــــ
كاتبي المفضل لكل الأرباع ..
|
Post: #26
Title: Re: كل رأي غير رأيي، النار أولي به !!
Author: أمين محمد سليمان
Date: 02-19-2013, 04:53 PM
Parent: #24
حبيبنا محمد حامد ... سلام ياخي | Quote: سلام يا بروف الحاجة دي مغروسة فينا شكل التربية بتاعتنا والسلطة المطلقة عند الكبير- تقرأ الأب- هو البيحدد الصح في الأسرة وهو الرأيو صح وبيحدد مستقبل أي فرد بي الأم زاتها وكل واحد جاي يمثل دور الأب دا لأنو في ظنو إنو الفرد (الكامل). الأبو بيستمد سلطتو من أعراف (مخلوطة) بي تفسيرات دينية مملوكة لناس تانية هي وحدها وضعت النصوص دي وهي الختمتها بالشمع وكتبت عليها لا إجتهاد تاني ولا رأي (تسليم) بس الإتنين عايشين في وسط سياسي أغلبية فتراتو من إستقلال السودان - حتى فترة المهدية كحكم وطني- إستبدادية وحدها تمتلك صكوك الوطنية والآراء الصحيحة وما سواها خونة ومارقين وعملاء بالفهم دا جينا للعالم - قول البورد- في ذهننا إنو أي راي تاني معناتو مبني على أنقاض رأينا وليس لكي يعززه أو يقوم الحتات الخطأ فيهو يبقى محتاجين الكتير عشان نتصالح يا بروف |
أكاد اتفق معاك بنسبة قد تزيد عن 100% ... كلامك ده بالظبط هو رايي الشخصي في الموضوع .
قبل فترة بسيطة ... كتبت الكلام ده :
مستحيلات العرب الثلاث : الغول و العنقاء و الخل الوفي, و مستحيلات السودانيين الثلاث : الديمقراطية و العنقاء و الخل الوفي، فالغول موجود راكز و حاكم البلد من الاستقلال إذا استثنينا فترات بسيطة مدت فيها الديمقراطية رأسها ثم اغتيلت كما تغتال كل الأشياء الجميلة في بلادي . و أنا - و لا أعوذ بالله من كلمة أنا - أعتقد أن المشكلة ما في العسكر و لا في الأحزاب ولا الجهات التي تآمرت لوأد الديمقراطية في مهدها، المشكلة فينا نحن في عضمتنا لانو إذا صلح حالنا لصلح حال العسكر و الأحزاب و لما تامر علي الديمقراطية المتامرون و لا سطا عليها اللصوص !! و أنا - و لا أعوذ بالله من كلمة أنا - أعتقد اننا نحن شعب غير ديمقراطي بكل ما تحمله الكلمه من معني ، يتم تربيتنا - إلا من رحم ربي - علي نبذ كل قيم الديمقراطية و اولها حقك في الاختيار ! نمط التربيه العاديه في البيت السوداني عموما يقوم علي الطاعه ما علي المفاكره و علي راي الأب في الزمن الخدو مشلخ و راي الأم في زمنا الخدو ساده : فاولاد ناس هناي ديك صعاليك ما تمشي معاهم ..... الكليه الفلانيه أحسن من العلانيه .... و كان ما عرست بت عمك ما بعفو ليك .... و إحتمال تكون اول مره شاوروك في أمر ذي قيمه لمن بقي عندك عيال !! فاهلك هم من يختارو أصحابك و الجامعه و ياتو كليه ومرتك الحا تعرسا و لو استطاعو لاختارو لك قلبك الذي بين جنبيك، و يتم تسويق كل هذه الأمور تحت شعار إنت ما عارف مصلحتك ... فتنشأ حقيقه ما عارف مصلحتك و دي ما المشكله الأكبر ، المشكله الأكبر إنك بتنشأ بنظره ما فيها إحترام و لا حتي إعتراف بالاخر المختلف في نفس بيئتك و محيطك الاجتماعي :فالحايم مع اولاد ناس هناي ديك صعلوق و الجامعات التانيه تا فهه و الما عرس بت عمو ما راجل !! أما الناس الخارج بيئتك و محيطك الاجتماعي فديل أصلا ما بشر !! نحن كشعب ما مربين علي الاعتراف بالاخر المختلف، أيا كان نوع الاختلاف ! ما مربين علي التسامح مع المختلف معانا في رايو ولا علي أن يعذر بعضنا بعضاً فيما اختلفنا عليه، و ده بتجلي في الغالب الأعم من نقاشاتنا الأسفيرية، ما بنعرف نختلف بمودة و لا نتجادل باحترام.!
شكرا ياخي علي تطابق الرؤي
|
Post: #27
Title: Re: كل رأي غير رأيي، النار أولي به !!
Author: أمين محمد سليمان
Date: 02-19-2013, 05:01 PM
Parent: #26
العوض يا حبيبنا الأساسي ... ياخي لعلك بخير ... و سئيلي الله الشوق هد حيلنا ... | Quote: يا بروف امين سلام وما رائك في القول الشهير ليس الفتي من يقول كان ابي ولكن الفتي من يقول هانذا ؟؟؟ يا امين الخوف من الاخرين والشعور بالدونية سبب ريس لهذا الفهم في راي ان هذه الكلمة دليل ضعف |
ياخي مداخلتك دي استغلقت علي ظاهر باطن ... فلو جيت أديت أخوك لزة عشان أفهم بيها أكن لك من الشاكرين و لصنيعك من الممنونين !!
|
Post: #28
Title: Re: كل رأي غير رأيي، النار أولي به !!
Author: العوض المسلمي
Date: 02-19-2013, 05:47 PM
Parent: #27
حبيبنا الغالي امين والله نحن بالاكتر
اصعب شئ انه يطلب منك احد تفسير كلامك ..
غايتو ....
بقوليك نحن السودانيين عندنا الفخر بانفسنا ولو علي حساب ابائنا .. وده ناتج من تربيتنا التي تمعن في الاعتداد بالنفس .. وفي راي انه الامر هذا ناتج من جهل الكتيرين بان نصف رائك عند اخيك ..
ياربي قدرت اوضح ؟
|
Post: #29
Title: Re: كل رأي غير رأيي، النار أولي به !!
Author: أمين محمد سليمان
Date: 02-19-2013, 06:58 PM
Parent: #28
شكرا يا العوض علي التوضيح و الابانة .... | Quote: حبيبنا الغالي امين والله نحن بالاكتر اصعب شئ انه يطلب منك احد تفسير كلامك .. غايتو .... بقوليك نحن السودانيين عندنا الفخر بانفسنا ولو علي حساب ابائنا .. وده ناتج من تربيتنا التي تمعن في الاعتداد بالنفس .. وفي راي انه الامر هذا ناتج من جهل الكتيرين بان نصف رائك عند اخيك .. ياربي قدرت اوضح ؟ |
الاعتداد بالنفس في عضمو ما حاجة كعبة ... المشكلة لمن اعتدادنا بنفسنا و برأينا يحجبو عننا أراء الناس التانية و ما نشوف غير رأينا و ما نسمع غير وجهة نظرنا ... و خليك من نص رأينا ... كان عملنا ربع ولا نص ربع بنكون ما قصرنا .
--------------
بالجمبة كده ... إنت سيدنا المحل ده أبى بالله واحد ولا الحاصل شنو ؟!!
|
Post: #30
Title: Re: كل رأي غير رأيي، النار أولي به !!
Author: أمين محمد سليمان
Date: 02-19-2013, 07:07 PM
Parent: #28
ما عارف كيف مداخلتي للعوض نزلت قبل مداخلتو !!!
|
Post: #41
Title: Re: كل رأي غير رأيي، النار أولي به !!
Author: أشرف الرحال
Date: 02-22-2013, 03:55 PM
Parent: #30
الاخ امين ،،، تحياتي يا بروف
| Quote: أي زول يختلف معاي في رأيي ده - ولا أي رأي تاني - يا يبلع رأيو ... يا كمان يركز لحرب لا تبقي و لا تذر !! |
اكيد اي تجمع من 2 لفوق ده واقعه وده الحاصل فيهو ومقسم للاتي :-
1- اتباع وهتيفة(شللية وقطيع)
2- مخالفة ومعارضة
3- الممسكون بالعصاية من الوسط
المجتمع السوداني ملئ بهذه النماذج
مودتي
الرحـــال
|
Post: #44
Title: Re: كل رأي غير رأيي، النار أولي به !!
Author: محمد الكامل عبد الحليم
Date: 02-22-2013, 04:41 PM
Parent: #30
تحية...
اذا جاز لي تلخيص الأسباب أجد أنها تربوية ثقافية سياسية( وازيد عليها فكرية كمان) وما بين القوسين لزوم فتح الباب امام الجدل حول الفكر الاحادي ...شفتو الكلام ده كيف..
اعتقد وفي غياب الذهنية الحوارية الناتج عن المسببات اعلاه يمكننا والراي لكم أن نناقش كيفية معالجة هذه الازمة...لأن مشاكل واقعنا الماثل في تقديري يعود الي انعدام الثقافة الحوارية..
لكن اذا اقترن نقاشنا بساس يسوس...(تبقي واطاتنا اصبحت)....اذا لم تكن قد اصبحت بالفعل..
كلامي يخضع للتصحيح (اللغوي) مثلما يخضع لاي رأي مخالف..
احترامي للجميع دون فرز..
|
Post: #31
Title: Re: كل رأي غير رأيي، النار أولي به !!
Author: عاطف عمر
Date: 02-19-2013, 08:31 PM
Parent: #1
| Quote: حتي ذلك الحين بالله 'أولي' الفوق دي أنا قاصد بيها 'أولى' و لا أظنها تغيب عن فطنة أحد..... لكن للضمان كده عذرا علي هذا الخطأ .... إعتذار خاص للبشرى لانو كتابة الألف المقصورة ياء بتبلو ... الإعتذار موصول للحبشي، حبيبنا محمد E سليمان لانو - بنفس سبب الخطأ في كتابة الألف المقصورة ياء - ممكن يجي يبلك ببوست !!! |
حبيبنا يا بروف
الله يقطع الغيبة وسنينها
إيه تغيب عن فطنة. ؟؟؟
وإيه قصة للضمان كدا عذراً ؟؟؟
لا فطنة ولا شاى بالنعناع
تقوم يا عمك
تمشي للمداخلة الأولى
تضغط على أيقونة تعديل
تعدل العنوان زى ما إنت عاوز
إنت مفكر وناشط وصحافي وكشاف أعظم والباحثون عن الشهرة على أكتاف ( أخطائك ) كثر ...
بكرة القريبة دي ح ( يرشوك بيها ) زى الترتيب
__________________
أقول قولي هذا وأحيي حبيبنا بكري - قدس الله سره وسر صلعته الشريفة - ( الحقوق محفوظة لكم )
فهو بمنعه المكتبة عن عزيزتنا إسمارت جعلها تبحت وتبحت وتبحت
حتى خرجت باكتشاف التعديل أعلاه
|
Post: #32
Title: Re: كل رأي غير رأيي، النار أولي به !!
Author: أمين محمد سليمان
Date: 02-19-2013, 10:06 PM
Parent: #31
الله يسلمك و يديك العافية يا منتصر | Quote: أمين يابروف سلامة العودة ياخ المشكلة في الفاولات يعني طرح الرأي بأسلوب مستفز أو خشونة غالبا تكون غير مقصودة بس نظام إنو الرأي ده شبه قاطع وخط الرجعة بكون صعب بالحيل حتى لو تبين له أن رأيه خطأ .. يعني ممكن نقاش جاد يتحول لي دافوري بسبب فاول كبير أو ضربة في الأنكل ... |
مافي game بيخلو من الفاولات، لكن لمن القصة تكون شلاليت و طواالي... بتبقي في حاجة غلط !!
نحن بنقدس رأينا أكتر من أي مقدس ... و زي ما تفضلت : خط رجعة ده مافي ...
مره يا منتصر في واحد من البوستات دخلت في نقاش طويل مع واحد من الاخوان ... في اخر البوست قال لي ياخي أنا اقتنعت بكلامك ... قريت المداخلة كم مرة و ما كنت متأكد الزول ده بستهزأ بي ولا فعلا إقتنع بكلامي، رغم إنو النقاش كان جادي جدا و تم بمنتهي الادب ... شكيت في كلامو لانو في سودانا الشقيق ده ما قابلني زول بيقتنع برأي زول !!
|
Post: #33
Title: Re: كل رأي غير رأيي، النار أولي به !!
Author: أمين محمد سليمان
Date: 02-19-2013, 10:15 PM
Parent: #32
محمد حيدر يا حبيبنا ... سلام ياخي ...| Quote: البعد عن المدنية يا أمين .. والله صحى .. نحنا من الشعوب القليلة التى تعيش على وجه هذه البسيطة ومازالت بعيدة عن المدنية .. والمدنية تهذب الانسان وتعلمه التعايش مع الآخر .. البداوة ياها محاربة الآخر والاعتداد المتضخم بالقبيلة والذات الى آخر صفاتنا والحمدلله .. |
ياخي كلامك ده المني بالجد ...غالبا لانو حقيقي !!
تعرف يا دوك ... نحن بنتعايش مع الاخر طالما هو متفق معانا .... الكركبة بتجي لمن الاخر ده يكركب ... و هذا لعمري 'أتفه' الايمان !!
|
Post: #34
Title: Re: كل رأي غير رأيي، النار أولي به !!
Author: أمين محمد سليمان
Date: 02-20-2013, 03:19 PM
Parent: #33
| Quote: أولا يا بروف اعتذارك غير مقبول, انا اعتذارات سودانيز دي ولاّ بتدخل ذمتي بمليم أحمر دا من ناحية ومن ناحية تانية إيه اللي "أزعم" دي!! تزعم ساي كدا انت بدون دليل او براهين جيب كوتاتك و روابطك ومسنجراتك ولغاية اس ام اس معاك حتى تعال ازعم بي راحتك :) |
يا البشرى ياخ كيف ما تقبل إعتذاري ؟! وين المياسرة و المدارة بتاعت رحاب ياخي ؟!!
بعدين عليك الله خليني أزعم براحتي ... ما ياها البلد كلها بتزعم... في زول قاعد يجيب روابط و كابشرات ؟!
|
Post: #35
Title: Re: كل رأي غير رأيي، النار أولي به !!
Author: أمين محمد سليمان
Date: 02-20-2013, 04:04 PM
Parent: #34
سلام يا أيمن و لعلك بخير ياخي Quote: - المسألة متعلقة بالعقلية ( طريقة التفكير) - mentality وليس لذلك علاقة بالقدرات الذهنية والعقلية المتطورة يقابلها (البلم) الذي لايزيله القلم ! - المدنية خلقت نظام معين لطريقة التفكير (بعد تنقيح متواصل وتراكمي) ارتضاها ويشترك فيها الغالبية ، والشذوذ عنها يضر بالفرد بالاساس ! حضور (الدين) القوي في حياة الناس (بشكله الحالي) يشجع على عدم تبنى العلم (العلمانية) كأسلوب حياة !
-----------------------------------
في المجتمع السوداني تحديدا تجدا الاتي: 1- مجموعة من نفس المستوى (علمي ، اقتصادي ، اجتماعي ، ...الخ) من الصعوبة جدا يتم اتفاق بينهم ،،، أي واحد بكون همو الاول يفرض رأيو وعايز يظهر! 2- مجموعة فيها واحد او أكثر من مستوى أعلى (علمي ، اقتصادي ، اجتماعي ، ...الخ) ،،،، الرأي الاكثر اتباعا - هو رأي الاعلى مستوى ، بغض النظر عن سفاهة قوله غالبا! 3- حالة صاحب الرأي في اللحظة ! . ممكن يكون مستواه العلمي ، الاقتصادي او الاجتماعي أعلى - بس في لحظة النقاش مثلا كان هدومو وســـخانة ! 4- التنميط |
مداخلتك عميقة و سمينة و شحمانة و فيها نقط كتيرة و مختلفة، متفق مع أغلبها و حتي النقاط المختلف معاها، الاختلاف جاي من ال irrelevancy بتاع النقطة لكن ما بالضرورة إختلاف وجهة نظري معاها ...
يعني مثلا ، لمن تقول (حضور (الدين) القوي في حياة الناس (بشكله الحالي) يشجع على عدم تبنى العلم (العلمانية) كأسلوب حياة !) ده ممكن يكون كلام سليم في عضمو لكنو - حسب رأيي - irrelevant في قصة عدم تقبلنا للرأي الاخر، (الدين) أي دين ما بيدعو لشخصنة الامور و حدة الاختلاف و التنميط و باقي عللنا البنتكلم عنها دي ... و لو جيت للواقع و أخدت منبر من لا منبر له بتاع أبصلعة حبيبنا ده, بتلاقي العلل دي عندنا كلنا بغض النظر عن خلفياتنا الثقافية و العلمية و الدينية ...الخ ... المسألة مسألة mentality - تماما كما تفضلت - فينا كلنا إلا ما رحم ربي !
| Quote: اعتق الشعب السوداني (ده) ياخ ! |
يا عم أيمن ياخي ... لمن نجيب مشاكلنا و نتناقش حولها بغرض معرفة مكان الخلل و محاولة إيجاد حلول بنعمل كده حبا في البلد دي و ناسها ... وطنية و إنتماء ما شيل حس و تركيز علي السالب .... مسالة تعصبنا لرأينا و عدم تقبلنا لبعض و الشخصنة و التنميط دي مسائل حقيقية و مشاكل تمشي بين الناس اعرفها تماما و شايفها كل يوم في رقبتي قبل ما أشوفها في باقي الناس ... و واضح إنو ده ما رأئي براي ... كل من تداخل في البوست - بما فيهم إنت ذاتك - أمن علي وجود العلل دي فينا ...يبقي واجبنا إنو نتكلم عنها و نناقشها و نشوف لينا ليها حلول و لو نظرية ...
و لمن أتكلم عن (الشعب السوداني الشقيق ) بالتأكيد ما بتكلم عن كل الناس و لا بستثني رقبتي من السالب، ما حنك اسافير لكين لاني أعلم تماما إنو أمراضنا دي أنا مصاب بيها قبل أي زول !
بالمناسبة : شفت الوش الأخضر ذي الأسنان البارزة لكن حبيت أوضح ليك المسألة لانو دي تاني مره تقول لي الكلام ده !!
|
Post: #36
Title: Re: كل رأي غير رأيي، النار أولي به !!
Author: أمين محمد سليمان
Date: 02-20-2013, 04:16 PM
Parent: #35
| Quote: لا لا - معنوياتو كويسة خالص ! ----------------------------- سمعنا بالعداوات العابرة للبوستات بس العداوات العابرة للقارات الاسفيرية دي او مرة تمر علي ! |
يا أبو يمن ... أبو بكر أحمد عباس من خارج الأستديو الكتب لي : | Quote: مرة، يh عمر محجوب، بروف أمين دا، في سودانيات، سألتو سؤال ساهل ومباشر، ردّ عليّ بضيق بالآخر وقال لي: "ماشين رحلة السبلوقة" إن شاء الله، يا عمر، دي، تكون مناسبة أنتزع فيها قبول يالآخر ولو البروف معنوياتو كويسة يمكن يكتب لي إعتذار. |
ده حبيبنا ( بكة الذي باركنا حوله) و يعرف اختصارا ب(بكة) ... أحد أعمدة الاسافير السودانية، عميق و بلال بدرجة فارس و اليوم البجي يكتب هنا بخلي ليه المكان ده و أمشي !!
-----------
بالجمبة كده : يا بكة امبارح لقيت منك تلفون اتنين إلا صباحا كده ... ما تشوفني عميق كده ... أنا بشر ياخي أكل الطعام و أمشي في الأسواق و أنوم بالليل !!
|
Post: #37
Title: Re: كل رأي غير رأيي، النار أولي به !!
Author: أمين محمد سليمان
Date: 02-20-2013, 06:12 PM
Parent: #36
قلبنا النابض ... سلام يا دوك | Quote: والله صدقت يا بروف ...تختلف مع زول في الراي طواااالي يستقزك ..يست######ك ... ويكتب ليك باستعلاء ابو العريف ..يعني ما بيخت ولا 1% انو رأيو دا ممكن يكون غلط ... وبعد ما يقول ؤأيو يكب ليك كوز موية بارد في راسك ( شخصياً) ...ويمد رجلية بابتسامة المنتصر ...ومن جواوو يقول ليك تاني تجي الحلة ,,, وبعد كدة واحدين كدة يقولوا ليك كمان (زي حالتي مثلاً) قال مسمية روحها القلب ...قال ... تحياتنا يا بروف .. استدراك : والله يبارك فيك للمباركة الزمان ديك ..الدكتوراة اتمقلبنا عملناها جد .. لكن البروف دي بنجازفها في بورد بكري دا ( على قولك ) |
الاستعلاء و الاستفزاز و اعلان الحروبات نتيجة إختلاف الرأي يا دوك ممارسة أساسية لم ينج منها إلا ما رحم ربي .. و ما رحم ربي - الانا بعرفهم - ما بتجاوزو أصابع اليد الواحدة ...
تختلف مع زول، تتمسح و ترجى البل حسب قدرة المختلف معاه و درجتو في سلم البل التعليمي !!
بالنسبة للدكتوراة فانا معتبرها دقسة منك ما كانت محتاجة قديد عيون و القراية أم دق ... لو كنتي كلمتيني برغبتك في الحصول علي دكتوراة ... كان جازفتها ليك ببوست ... و لو مستعجلة شديد بمداخلة !! ما عارف مالكم مصعبين الدنيا دي ؟!!
|
Post: #38
Title: Re: كل رأي غير رأيي، النار أولي به !!
Author: بدرالدين الطائف
Date: 02-20-2013, 06:22 PM
Parent: #37
Quote: مرة، يh عمر محجوب، بروف أمين دا، في سودانيات، سألتو سؤال ساهل ومباشر، ردّ عليّ بضيق بالآخر وقال لي: "ماشين رحلة السبلوقة"
إن شاء الله، يا عمر، دي، تكون مناسبة أنتزع فيها قبول يالآخر ولو البروف معنوياتو كويسة يمكن يكتب لي إعتذار. |
يا بروف بكة ده ما متعود يصطاد فى الموية العكره لكن ممكن تقول ده لفت نظر ونقطة بيلمها ليك لليوم الاسود.
مشاركات بابكر بكة من موقع الفيسبوكاب إضافة حقيقة للبورد.
غايتو بكرى ابوبكر ده بيبالغ عديل.
|
Post: #39
Title: Re: كل رأي غير رأيي، النار أولي به !!
Author: وضاح عبدالرحمن جابر
Date: 02-20-2013, 06:34 PM
Parent: #38
عشان عدم التكرار دى مشاركتى
مــصــادر الــمــعــرفـة
|
Post: #40
Title: Re: كل رأي غير رأيي، النار أولي به !!
Author: أمين محمد سليمان
Date: 02-22-2013, 03:29 PM
Parent: #39
سلام يا حلوين
شغلتنا أموالنا و أهلونا من هذا البوست، بالله أعفو لينا التأخير في الردود !!
|
Post: #42
Title: Re: كل رأي غير رأيي، النار أولي به !!
Author: أمين محمد سليمان
Date: 02-22-2013, 04:00 PM
Parent: #40
أخونا محمد درار ... سلام ياخي و مرحب بيك في منبر من لا منبر له !!| Quote: السلام عليكم ورحمة الله المشكلة يا بروف المجتمع نفسه يعني لو سكت يقولوا عليك ضعيف وما عندك رأي . ولو وافقت محدثك في كلامه معناه انو الزول دا منطقك وبيفهم اكثر منك. ولو كنت اخر زول بيتكلم وبيرفع صوته معناه انت منطقت واخرصت "خصمك". ومعناه الناس حتسمع ليك انت (ان شاء الله خوف ساي) وعندنا الزول العندو القوة /السلطة هو صاحب الرأي السديد مهما شطح. وبرضو صاحب الشهادة الكبيرة معناه صاحب الرأي القيم في اي حاجة. ونقدس اشخاص و أي كلام غير كلامهم فهو سخف. و نسكت في اشياء يجب ان نكون نحن من يتكلم فيها (ودا عيب كبييير). --------- وبالله كدي مروا على المنتديات السودانية يكاد لا يخلو منتدى من فيلم فيلمين --------------- يا بروف قدر ما انا فتشت لتجمع او قروب لمنظري علم اجتماع سودانيين ما لقيت الحكاية شنو؟؟؟ الناس البيتخرجوا ديل بيمشوا وين ؟؟؟؟؟؟ |
يا درار ... طالما الناس متفقة ما بتكون في مشكلة، و ممكن عادي يشبكوك يا شفيف يا رائع ... مشاكلنا بتبتدئ لمن الناس تختلف مع بعض .... إختلاف الرأي عندنا كانو طعن في الاخر... و لو اختلفت معاي في رأي فكأنما أسئت لي و من هنا بجي البل، و اللي ممكن يستمر سنينا عددا و يتشعب و يتداخل و فجأة كده تلقي نفسك في حرب تخلو من الأخلاق و الحد الأدني من شرف الخصومة. و لو عاينت لكل الحروبات الاسفيرية بتلقي منشأها إختلاف رأي لا أكتر لا أقل ... و زي ما تفضلت الكلام ده في كل منابر الحوار السودانية.
و معاك بنسأل عن ناس علم الاجتماع السودانيين، غايتو أنا بعرف منهم حبيبنا محمد جمال و عندو كتابات كتيرة في هذا الاتجاه ( بالمناسبة الزول ده وين ؟!!)... و في زول تاني في المنبر ده رغم إنو ما متخصص علم إجتماع لكني مصنفو عالم إجتماع رسمي و شعبي و هو حبيبنا محمد النور كبر ..
نحتاج التحاور حول هذا الموضوع من الكل لاني - رغم إنف محمد البشرى - أزعم إنو جل مشاكلنا جايه من عدم قدرتنا علي الاختلاف في الرأي .
-------------
اعطني قدرة علي الاختلاف بمودة ... أعطيك شعبا راقيا !!!
|
Post: #43
Title: Re: كل رأي غير رأيي، النار أولي به !!
Author: أمين محمد سليمان
Date: 02-22-2013, 04:19 PM
Parent: #42
طلحة يا أخطبوط ... عليكم السلام و رحمة الله | Quote: السلام عليكم الأسوأ يجيك من يأنس في نفسه الأسودية ( من أسد) ويخلي رأيك بعيد ويقعد ينتر فيك اتا آخر شتيمة وقلة أدب رغم انك لا شتمتو ولا حتي جبت سيرتو ذاتو وإحتمال كبير جدا تكون ما خاتيهو في بالك لما قلتا رأيك . يقيني انو أي واحد بنط بى رأسو عشان يشتم ويقل أدبو لمجرد ضيقو برأي التاني دا عبارة (شوال فاضي) كما يقول وهبة وإحتمال برضو يكون ما بقدر ينوم لو ما إشتم وأخد شلوتين تلاتة على قفاهو .. لأنو إذا شتمت ليك زول شىء طبيعي أنو يخم شتيمتك دي ويكبها ليك في رويسك ولو في طريقة يقد ليك عينك .. هو في حاجة أسهل من الشتيمة وقلة الأدب في الأسافير دي ؟؟ أبدا لا والله . وتحياتنا إلى البروف أمين . |
المشكلة كمان يا طلحة لمن نكون كلنا انسين في نفسنا ( الأسودية) القلتها دي ... المسائل دي لو كانت بسيطة و نادرة ممكن نقول إنو دي حوادث معزولة، لكن لمن يكون الفلم ده مدور كل يوم و كل يوم عندو ابطال جداد بتبقي المسالة إتجاة عام و trend و ظاهرة تستحق النقاش.
الغريبة كلنا نعرف إنو الشتائم و قلة الأدب ما صعبة علي زول، لكننا - إلا ما رحم ربي - بنستعملها في أول ملف بتاع خلاف في رأي !!
---------------
شايفك مختلف معاي في الرأي حول الحضري بهناك، اركز لشتيمتي الجايك !!
|
Post: #45
Title: Re: كل رأي غير رأيي، النار أولي به !!
Author: أمين محمد سليمان
Date: 02-22-2013, 04:47 PM
Parent: #43
وتر* يا حبيبنا | Quote: البي بي أمين * النار دي محمدة الناس ذاااتها خلي الاراء ــــــــــــــــــــــــــــــــــــــــــــ البي بي ان انجلش يابرالمة وتقرأ ايضا ( البروف البلال أمين ) |
يا زول نار شنو المحمده الناس ؟!!
ياخي والله رحمة ربنا دي يوم القيامة تحيرنا عديل !!
-------------
*وتر ان انجلش يابرالمة وتقرأ ايضا ( وليد التلب الرافضي ) !!
|
Post: #46
Title: Re: كل رأي غير رأيي، النار أولي به !!
Author: عثمان مكي
Date: 02-22-2013, 04:53 PM
Parent: #45
والله يا نوتة مشتاقين حليلك و حليل أيامك و أيام الخرطوم أما كانت خرطوم
|
Post: #47
Title: Re: كل رأي غير رأيي، النار أولي به !!
Author: أمين محمد سليمان
Date: 03-01-2013, 11:35 PM
Parent: #46
سلام يا حلوين و معذرة علي التاخير في الرد ... و ادونا خاطركم نسالم عثمان مكي دا ... الزول دا اخر مرة لاقيتو بكون قبل الف سنة مما تعدون !!
| Quote: والله يا نوتة مشتاقين حليلك و حليل أيامك و أيام الخرطوم أما كانت خرطوم |
عثمان مكي يا صديقي ...
يا حليلي و ساي ... ياخي يا حليل البلد ذاتها !!
البركة في أبصلعة اللمانا ده !! برسل ليك في الخاص إن شاء الله !!
|
Post: #48
Title: Re: كل رأي غير رأيي، النار أولي به !!
Author: خالد عبدالوهاب
Date: 03-02-2013, 05:34 AM
Parent: #47
يابروف
بكّة ده ماعندو جواز ولا شنو ؟!
|
Post: #49
Title: Re: كل رأي غير رأيي، النار أولي به !!
Author: أمين محمد سليمان
Date: 03-04-2013, 01:16 AM
Parent: #48
القوز يا جمال
الأصلع طارق جبريل
دينا خالد محمد خالد
تيسير - ستهم كلهم - عووضة
أشرف الرحال
العميق محمد الكامل
أبا أسيل عاطف عمر
بدرنا الطائف
الغالي خالد
و من خارج الأستديو :
بكة الذي باركنا حوله
عمر محجوب
الصادق عبدالله
مافي أي مزاج لكلام جادي ... ح أصبن البوست ده لحدي ما المزاج ينصلح ...أعود بعدها للردود إن شاء الكريم .... (فمن عفا وأصلح فأجره على الله) ..
|
|