Post: #1
Title: الخرطوم .. عاصمة الضُبّان !!
Author: صلاح أبودية
Date: 02-18-2013, 01:11 PM
Parent: #0
يا دى الكسوف زى ما بقولوا ..
الزبالة فى كل مكان فى الخرطوم ..
والضبان عامل حفلة فى كل كوم ..
والله العظيم تشترى حاجة من السوق الضبان يباريك لغاية البيت ..
ويفتح معاك الكيس .. وهاك .. لقمة بى لقمة !!
ولو حاولت تعمل حريف وتقوم ترش مبيد حشرى ..
يا دوووب إنت تعبت الظاهر ريحة المبيد الحشرى دى الكود المتفق عليه بين الضبابين !!
أها ولو عملت فيها شفت وإستعملت الجريدة كسلاح أبيض فى هذه الحرب ..
أولادك حا يشكوا فى صحتك النفسية .. ومعاهم حق !
يعنى يشوفوا أبوهم لافى الجريدة زى الماسورة وساكى ليهو ضبانة دايروم يقولوا عليهو شنو ؟
وبالذات لمن الضبانة الثقيلة دى ترك فى قفا أمهم ..
طبعاً لو حلفت بدين أبوك إنك قاصد الضبانة ما حا يصدقوك !!
|
Post: #2
Title: Re: الخرطوم .. عاصمة الضُبّان !!
Author: صلاح أبودية
Date: 02-18-2013, 01:35 PM
Parent: #1
قبل يومين إشتريت لى بطيخة ..
أصلو أنا بحب البطيخ شديد ..
وقلت أخلى البطيخة دى فى ضهرية العربية لغاية ما الضبان ينوم ..
قمت بالليل بعد ما حضرت كورة الريال نزلت براااحة وجبت البطيخة ..
وغلطتى مشيت جبتا السكينة من المطبخ ..
الظاهر الضبان عامل كمين مع السكينة (ذكاء ذبابة)..
أها وقولة شخخخخ ..
عينك ما تشوف إلا النور !!!
لغاية اليوم بحاول أقنع فى الولية إنو أنا خاتى السكينة تحت المخدة عشان الضبان ما قادرة تصدق كلامى !!
وقالت لى لو ما رجعت السكينة دى فى المطبخ أنا حا أمشى بيت ناس أمى !
|
Post: #3
Title: Re: الخرطوم .. عاصمة الضُبّان !!
Author: صلاح أبودية
Date: 02-19-2013, 09:04 AM
نجيب ليكم الصور ولّ نخليها بعد الفطور ؟
|
Post: #4
Title: Re: الخرطوم .. عاصمة الضُبّان !!
Author: أيمن الطيب
Date: 02-19-2013, 09:23 AM
Parent: #3
سلامات عزيزى أبودية,,
فى غرفة عناية مكثفة بمستشفى كبير,,
ضبان وناموس وكدايس ,,
وحدثنى من لا أشك بحيدثه أبدا أنهم كانو
يشاهدون الفيران فى غرفة عناية مركزة
فى مستشفى إستثمارى اليوم فيه بالملايين
تخرج من الجحور والأركان ومافى زول مالى عينا,,
صحة بيئة منعدمة تماما وبلد عبارة عن كوشة
كبيرة وناس النفايات شغالين تش ترش..
تحياتى..
|
Post: #5
Title: Re: الخرطوم .. عاصمة الضُبّان !!
Author: صلاح أبودية
Date: 02-19-2013, 10:47 AM
Parent: #4
الأخ أيمن
تحياتى
Quote: وحدثنى من لا أشك بحيدثه أبدا أنهم كانو
يشاهدون الفيران فى غرفة عناية مركزة
فى مستشفى إستثمارى اليوم فيه بالملايين
تخرج من الجحور والأركان ومافى زول مالى عينا, |
قبل يومين كان فى بوست مفتوح عن حالة فى أحدى المستفيات ..
يقول صاحبه أن الفيران أكلت قدم أحد المرضى الذى أجرى عملية لأحدى قدميه ..
عارف الكارثة وين ؟
الفيران أكلت الرجل السليمة !!
(اللهم نسألك بكل إسم هو لك أن تشفى هذا المصاب شفاء لا يغادر سقماً )
|
Post: #6
Title: Re: الخرطوم .. عاصمة الضُبّان !!
Author: صلاح أبودية
Date: 02-19-2013, 07:52 PM
Parent: #5
Quote: Mohammed Ali
يا ابودية انت قصدك عاصمة الضباب هههه
ما تنبز لينا خرطومتا ياخي
الضبان الفي الدنيا كلو الظاهر ساكن الخرطوم
|
محمد علي من الفيس بوك
ساكن ساي !!
ده عندو رقم وطني عديل كده !
شكرًا للمتابعة
تحياتي
|
Post: #7
Title: Re: الخرطوم .. عاصمة الضُبّان !!
Author: Mohamed Foto7li
Date: 02-19-2013, 08:07 PM
Parent: #6
Quote:
وقلت أخلى البطيخة دى فى ضهرية العربية لغاية ما الضبان ينوم .. |
ههههههههههههههه
ربنا يديك العافية
|
Post: #10
Title: Re: الخرطوم .. عاصمة الضُبّان !!
Author: صلاح أبودية
Date: 02-20-2013, 10:24 AM
Parent: #7
Mohamed Foto7li
الله يعافيك
ولك التحية والإحترام
|
Post: #8
Title: Re: الخرطوم .. عاصمة الضُبّان !!
Author: Al-Shaygi
Date: 02-19-2013, 08:25 PM
Quote:
الخرطوم .. عاصمة الضُبّان !!
|
غايتو ضُبان دي كان قروها جماعتنا هنا بيركبوا ينكبوا عليكم بالآلاف (ضُبان عندنا جمع ضب ولحمه من أحب اللحوم لأهل الصحراء).....
Quote:
وقلت أخلى البطيخة دى فى ضهرية العربية لغاية ما الضبان ينوم ..
|
آل ينوم آل.....
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #9
Title: Re: الخرطوم .. عاصمة الضُبّان !!
Author: ديامي
Date: 02-20-2013, 06:42 AM
Parent: #8
الاخ ابو دية
رجع السكينة المطبخ
انسى البطيخ
ولا تدع حمار النوم يتهور
لن يصدقك احد لو رميتها عليهو
|
Post: #13
Title: Re: الخرطوم .. عاصمة الضُبّان !!
Author: صلاح أبودية
Date: 02-21-2013, 08:57 AM
Parent: #9
ديامى
لك التحية والإحترام
Quote: رجع السكينة المطبخ
انسى البطيخ
ولا تدع حمار النوم يتهور
لن يصدقك احد لو رميتها عليهو |
Done
|
Post: #11
Title: Re: الخرطوم .. عاصمة الضُبّان !!
Author: صلاح أبودية
Date: 02-20-2013, 11:05 AM
Parent: #8
الشايقى ..
بطيخى خليهو ..
والله ملاحك الأخدر ده تانى إلا تأكلوا تحت البطانية !!
ياخ ده فى الشاشة الضبان راكى فيهو !!
|
Post: #12
Title: Re: الخرطوم .. عاصمة الضُبّان !!
Author: Elmosley
Date: 02-20-2013, 01:03 PM
Parent: #11
Quote: عارف الكارثة وين ؟
الفيران أكلت الرجل السليمة !! |
طبعا الضبان معاهو حق
انت قايلو كيشه ولا شنو
|
Post: #14
Title: Re: الخرطوم .. عاصمة الضُبّان !!
Author: aosman
Date: 02-21-2013, 09:26 AM
Parent: #12
صلاح, الحمام (WC) عندكم حفرة؟
|
Post: #16
Title: Re: الخرطوم .. عاصمة الضُبّان !!
Author: صلاح أبودية
Date: 02-21-2013, 10:53 AM
Parent: #14
aosman
| Quote: صلاح, الحمام (WC) عندكم حفرة؟ |
حفرة شنو ياخ ..
نحن لسه بنشيل الأبريق ونمشى نطلع الخلاء !!
نخت واحد هنا ونزح نعاين ليهو ونخت التانى وهكذا !!
وما بين هذا وذاك بندق فى الإبريق هوي يا ليلى .. هوي
مع حرصنا الشديد على عدم مواجهة القبلة ..
ولا بأس من رمى الحصحاص على بعض الطيور المارة لتمضية الوقت !!
|
Post: #15
Title: Re: الخرطوم .. عاصمة الضُبّان !!
Author: صلاح أبودية
Date: 02-21-2013, 10:08 AM
Parent: #12
أستاذنا الكبير الموصلى
لك التحية والإحترام
Quote: طبعا الضبان معاهو حق
انت قايلو كيشه ولا شنو |
ضبان تفتيحة زى ما بقولوا
عينو للطازج البوديهو للفطيس شنو
تانى
(نسأل الله للمصاب الشفاء التام بإذن واحد أحد)
وأن لا يجعل حديثنا هذا فى عداد الإستهزاء بالمرض ولا بالمريض شفاه الله
اللهم يا غفور
|
Post: #17
Title: Re: الخرطوم .. عاصمة الضُبّان !!
Author: حماد الطاهر عبدالله
Date: 02-21-2013, 11:09 AM
Parent: #15
| Quote: الخرطوم .. عاصمة الضُبّان !! |
المقصود ( الذباب) لسكان الخليج كيما لا تختلط الأمور ويفكر بعضهم لزيارة السودان من أجل
( الضبان) جمع (ضب) وهو من أفضل وجبات البراري لبعضهم.
والحق يقال فإن توافر ( الذباب) بالخرطوم لاحظه كبار المستثمرين الأجانب، ومنهم السعودي
الشيخ/ سليمان الراجحي، حيث ذكر في جمع من الناس ومنهم سودانيين، بأنك تشتري نصف كيلو
لحمة ومعه كيلو من ( الذباب)؟؟،
فيا من يفكرون في جلب المستثمرين للسودان، إن لم تهمكم صحة البيئة للسودانيين، فأفعلوها
من أجل المستثمرين، وبقية الملاحظات طرف وزير الإستثمار د. مصطفى إسماعيل.
|
Post: #18
Title: Re: الخرطوم .. عاصمة الضُبّان !!
Author: صلاح أبودية
Date: 02-21-2013, 07:54 PM
Parent: #17
Quote: Mohamed S Mus
ههههههههه . ضبان السودان سياحة بالنسبة لمرقوت امريكا .
Tuesday at 12:55am |
محمد
من الفيس بوك
لاحول ولا قوة إلا بالله
ما تذكرني ...
أيام الله لا عادها The f. Bugs
|
Post: #19
Title: Re: الخرطوم .. عاصمة الضُبّان !!
Author: صلاح أبودية
Date: 02-24-2013, 10:48 AM
Parent: #17
حماد الطاهر
تحياتى
Quote: المقصود ( الذباب) لسكان الخليج كيما لا تختلط الأمور ويفكر بعضهم لزيارة السودان من أجل
( الضبان) جمع (ضب) وهو من أفضل وجبات البراري لبعضهم. |
أول مرّة أعرف إنو الضبان جمع ضب !
وكمان أفضل وجبات البرارى ؟
طيب الضبان بياكل شنو عندهم ؟؟؟
|
Post: #20
Title: Re: الخرطوم .. عاصمة الضُبّان !!
Author: seham Abdeljleil
Date: 02-26-2013, 04:40 PM
Parent: #19
سلامات يا صلاح تعرف مره وانا جايه جديده من السودان للسويد نسابتي أطفالهم جو جارين من غرفه كانو بيحضروا في فليم المهم اخر صريخ وجري يأخالتوا تعالي يا خالتو ا ألحقينا والله افتكرتا في مصيبه والا حاجه دخلتا الغرفة لقيت في زبابه وحيده في روحها المسكينه حاسه بالضياع وبتفتش للبطلعا والله ضحكتا وقلتا ليهم شكلكم ياربي حيكون كيف في السودان وهم من اتولدوا ماجوا السودان.......
|
Post: #21
Title: Re: الخرطوم .. عاصمة الضُبّان !!
Author: حماد الطاهر عبدالله
Date: 02-26-2013, 07:09 PM
Parent: #20
| Quote: أول مرّة أعرف إنو الضبان جمع ضب ! |
دي لغتهم التي سمعنا بعضها، ومنها زعران.
والقال ليك ( ضبانهم) جيعان منو، يا أخي باقي الكبسة براهو كافيهو.
وبالمناسبة حتى كوشتهم ما فيها (ضبان)، عشان برشوه بمبيدات حشرية
فتاكة، ولو عايز تشوف ( الضبان) إلا تمشي ( التندل) على مسافة أميال.
|
Post: #22
Title: Re: الخرطوم .. عاصمة الضُبّان !!
Author: طارق ميرغني
Date: 02-26-2013, 07:28 PM
Parent: #21
بوست ظريف ودمو خفيف اخي صلاح
ضحكتنا والله وخففت علينااحباطات سوادننا الشغيغ
|
Post: #23
Title: Re: الخرطوم .. عاصمة الضُبّان !!
Author: عبدالعزيز الفاضلابى
Date: 02-26-2013, 08:29 PM
Parent: #22
والبعوض يستلم الوردية من الضبان
امام المستشفي الصيني ـ تجري فيه عمليات ولادة ـ تجد سوق للبهائم.
في عطبرة ـ امام المطاعم تلقي سوق البهائم
واكوام الزبالة امام المحلات والمطاعم تعوج ليك دربك.
سألت اولاد عمي ـ وين ناس البلدية وناس المحلية.
ليه ما بيمروا من هنا عشان يوقعوا غرامات علي الناس المخالفين.؟
قالوا لي:
في مطعم سمك هنا لايرتاده الا موظفي البلدية والشرطة
واللبيب بالاشارة يفهم.
كنت في استراحة موقف شندي عطبرة بمدينة بحري , شربت زجاجة ماء وخرجت خارج الصالة لالقي بها في صندوق نفايات فلم اجد.
سألت احد الشبان :
ياخي الزجاجة دي ارميها وين؟
قال لي: انت ما من البلد دي.
سألت ثانٍ فقال لي:
ياخ انت زول راق خلاس.
سألت صهري :
وين سلال النفايات
أجابني :
كانت موجودة لكن الناس بسرقوها .
فتأمل كما يقول اخونا ملاسي.
|
Post: #24
Title: Re: الخرطوم .. عاصمة الضُبّان !!
Author: الطيب رحمه قريمان
Date: 02-26-2013, 10:33 PM
Parent: #23
صلاح ابو دية
طيب منظرين شنو .. ؟
23 سنة و ما قادرين على ابادة الضبان و تنظيف العاصمة ... !!
ابقى انت راجل يا صلاح ابو دية و اقتل الضبان .. !!
بس ما مطلوب منك اكثر من كده .
|
Post: #26
Title: Re: الخرطوم .. عاصمة الضُبّان !!
Author: حماد الطاهر عبدالله
Date: 02-27-2013, 01:43 PM
Parent: #25
| Quote: منتظرنكم تجوا عشان نشرّك بيكم للضبان |
والله العظيم ضحكت!
|
Post: #27
Title: Re: الخرطوم .. عاصمة الضُبّان !!
Author: صلاح أبودية
Date: 03-04-2013, 12:59 PM
Parent: #26
شكراً حماد
تحياتى
|
Post: #28
Title: Re: الخرطوم .. عاصمة الضُبّان !!
Author: أمير محمد ادريس
Date: 03-04-2013, 02:00 PM
Parent: #27
منتظرنكم تجوا عشان نشرّك بيكم للضبان
ـــ
عشان الناس يكون عندها فكرة !
---------------
ياخ حركات الغتاته دي ما تخليها
بالجنبه : انت من سكان الشعبية شمال أو كنت منهم ولا تشابه علي ...
|
Post: #29
Title: Re: الخرطوم .. عاصمة الضُبّان !!
Author: صلاح أبودية
Date: 03-05-2013, 09:00 AM
Parent: #28
الأخ أمير
لك التحية والإحترام
| Quote: ياخ حركات الغتاته دي ما تخليها |
المخرج عاوز كده يا أمير !
| Quote: بالجنبه : انت من سكان الشعبية شمال أو كنت منهم ولا تشابه علي |
ناس الشعبية شمال حبايبنا وقرايبنا ..
بينا وبينهم شارع الزعيم ..
نحن ناس جنوب يا أمير !!
إنت من شمال ؟
|
Post: #30
Title: Re: الخرطوم .. عاصمة الضُبّان !!
Author: صلاح أبودية
Date: 03-06-2013, 09:40 AM
Parent: #20
سهام عبدالجليل
تحياتى وإحترامى
Quote: دخلتا الغرفة لقيت في زبابه وحيده في روحها المسكينه حاسه بالضياع وبتفتش للبطلعا والله ضحكتا
وقلتا ليهم شكلكم ياربي حيكون كيف في السودان وهم من اتولدوا ماجوا السودان. |
لا يا سهام
نحن هسى إطورنا شوية ..
للناس البجوا أول مرة السودان وإنت داخل المطار أثناء ما بتكتب فى الورقة الخدره ديك برسلوا ليك ضبانتين ..
واحدة بترك ليك فى آخر القلم والتانية بترك ليك فى طرف نخرتك !
الأولى بتعرفك ساكن وين وبتكلم الجماعة الباقين !
التانية بضوقك وتعمل ليك دعاية حسب طعمك !
|
Post: #31
Title: Re: الخرطوم .. عاصمة الضُبّان !!
Author: أمير محمد ادريس
Date: 03-13-2013, 05:01 PM
Parent: #30
ناس الشعبية شمال حبايبنا وقرايبنا ..
بينا وبينهم شارع الزعيم ..
نحن ناس جنوب يا أمير !!
إنت من شمال ؟
-------------
تحياتي الاخ صلاح
معليش ما انتبهت للمداخله بتاعتك
انا من مواليد الشعبية شمال بس رحلت منها وكنا ساكنين جنب اسرة المهندس كمال نورالدائم ( ما عارف الاسم صاح ولا انا غلطان لانو الفترة طولت ) وخالهم المرحوم أبودية ( ثنائي العاصمة ) الله يرحمة ,
علشان كده انا سالتك ختيت احتمال تكون قريبهم .
لك كل الود والاحترام
|
Post: #32
Title: Re: الخرطوم .. عاصمة الضُبّان !!
Author: صلاح أبودية
Date: 03-14-2013, 10:00 AM
Parent: #31
أمير محمد إدريس
لك التحية والإحتــــرام
Quote: انا من مواليد الشعبية شمال بس رحلت منها وكنا ساكنين جنب اسرة المهندس كمال نورالدائم
( ما عارف الاسم صاح ولا انا غلطان لانو الفترة طولت ) وخالهم المرحوم أبودية ( ثنائي العاصمة ) الله يرحمة ,
علشان كده انا سالتك ختيت احتمال تكون قريبهم . |
نعم
كمال نورالدائم الإسم صحيح يا أمير ..
وهو إبن خالتى والمرحوم إبراهيم هو خالنا عليه رحمة الله
وأنا برضو كنت ساكن فى الشعبية جنوب ورحلت منها !!
|
Post: #33
Title: Re: الخرطوم .. عاصمة الضُبّان !!
Author: أمير محمد ادريس
Date: 03-14-2013, 11:05 AM
Parent: #32
ربنا يرحم الخال ابراهيم
وتحياتي لأبناء خالتك جميعا ولك أخي صلاح كل الود والاحترام
|
|
