في المنبر تحننو وفي الفيس تجننو

أصالة عن نفسي وانابة عن كثير من الاعزاء اصدقائي واصدقاء أصدقائي بالفيس بوك

الناس هناك رابة ومبسوطة وهاك يا صور واغاني وفيدوهات وطرب

نفس الزول تلقاهو فاكي اللعب وحاتيهو قرض في الفيس بوك

تجي تلقاهو يبدو عليه الوقار وسمت العلماء والفطاحلة في المنبر

ناس في الفيس بوك ضاحكين ومبتسمين وشاتلينو دقاق

وهنا بالله مكشرين وعاملين فيها عضلات تبش تقول ليهو السلام عليكم يحدر ليك لما تعرف حاجة

هناك لايكات وحركات وحبكانات وريدة شديدة

وهنا معيار وكفار وكيزان واكوات وتوثيق

لا والله بالجد يا ناس

هناك الزول ممكن يتجرأ ويتهور ومثلا يخت ليهو صورة

لو سكروهو ما ممكن يختها هنا

ههههههههههه

اب







____
في عناصر اساسية لو ما التزمتها في بوستاتك اخير تقعد في الفيس بهناك
اولا اختيار الموضوع
ومواكبة الموضة
اها الموضة اليومين ديل
العنصرية
الدين
والمك نمر او الهوتو عموما


هسة انا رفعتو ليك عشان العشرة والخوة بس

داون





















_________________________

أسعد ..إزيك يا شقي...
هسي الرفعة دي برضها عشان الخوة والزمالة..
أبقى أسأل عن "دروبنا"...

ربما لانه في الفيسبوك هنالك فرصة اختيار للاصدقاء
وهنا اسخف اغبياء العالم يمكنه ان يتداخل معك
في اي خيط تفترعه و يملاك قرف و طمام بطن
هنا الرفقة بالغصب و هناك اي في الفبسبوك
يمكنك ان تتخلص من كل من تكره من السخفاء
و اشباه البشر و هذا مستحيل هنا
و ياليت الفرصة تحتاح لنا هنا لنمنع من لا نريد ان نتحاور معهم من المرور
علي ما نكتب حتي و لا رؤيته
فالمسألة يا استاذ سعد ليست موضوع يحننو و يجننو
هنا الورم و وجع الوش اجباري
و هنالك اختياري
هو الفرق بين الحرية و الاستبداد
و لا كيف
ممكن يكون زي كلامي دا ما عاجبك لكن كتبناهو ليك
اها ح تعمل شنو
تتحنن
و لا تتجنن
ما بحلك من الورم و فقع المرارة
و هذا للتجربة


طه جعفر