Post: #1
Title: للولد ..دراسة الطب فى كندا وامريكا وغرينادا؟ والا فى مامون حميدة...؟
Author: Awad Omer
Date: 02-15-2013, 07:50 PM
Parent: #0
للولد ..دراسة الطب فى كندا وامريكا اوغرينادا؟ والا فى مامون حميدة...؟ ارجو المساعدة..
لا اطرح مقارنة هنا.......لانه....طبعا المقارنة البحتة ...لا تستقيم او لا توجد اصلا ...
المحددات ؟ هى ...فترة الدراسة ...التكيف ...الخ..
المعطيات......؟ الثانوى غربى ..لكن ..بدون تاثر اللغة العربية نهاىا .. واللهجة المحلية احسن من ناس جلاكسى وناس همبريب ... ولحد ما الثقافة السودانية موجودة ..او البوتنشيال على الاقل موجود....
|
Post: #2
Title: Re: للولد ..دراسة الطب فى كندا وامريكا وغرينادا؟ والا فى مامون حميدة..
Author: ابراهيم عوض عمر
Date: 02-15-2013, 08:10 PM
Parent: #1
التحايا العطرة
عوض عمر ؟ يا له من إسم
دى Up
وبالتوفيق للابن إن شاء الله
|
Post: #3
Title: Re: للولد ..دراسة الطب فى كندا وامريكا وغرينادا؟ والا فى مامون حميدة..
Author: Awad Omer
Date: 02-15-2013, 08:22 PM
Parent: #2
جزيل الشكر يا ابنى ....على المرور...
كدى اجدع لينا راى...فى المتاهة دى....
|
Post: #4
Title: Re: للولد ..دراسة الطب فى كندا وامريكا وغرينادا؟ والا فى مامون حميدة..
Author: وائل فاروق
Date: 02-15-2013, 08:44 PM
Parent: #3
العزيز عوض عمر ,
بعد السلام ,
عشان نجاوبك لازم تفاصيل زياده :
1. أنت عاوزو دكتور ولا هو داير يتدكتر ؟
2. ما هو العائد المرجى من الاستثمار فى الطب ؟
3. هل سيعمل كطبيب فى السودان و لا بره السودان
4. لو بره السودان فى الغرب و لا الخليج
5. الولد امكانيتو كيف (يعنى شاطر عديل كده و لا عادى )
6. أنت جيبك كيف ؟
7. أهلو وين (أمو و أبو تحديدا)
________________________________
الشغلانية دى حساباتا كثيرة لكن أهم عامل الطالب نفسو.
راجنك للنجيضة .....
وائل .
|
Post: #5
Title: Re: للولد ..دراسة الطب فى كندا وامريكا وغرينادا؟ والا فى مامون حميدة..
Author: Awad Omer
Date: 02-15-2013, 09:31 PM
Parent: #4
Quote: العزيز عوض عمر ,
بعد السلام ,
عشان نجاوبك لازم تفاصيل زياده :
1. أنت عاوزو دكتور ولا هو داير يتدكتر ؟
2. ما هو العائد المرجى من الاستثمار فى الطب ؟
3. هل سيعمل كطبيب فى السودان و لا بره السودان
4. لو بره السودان فى الغرب و لا الخليج
5. الولد امكانيتو كيف (يعنى شاطر عديل كده و لا عادى )
6. أنت جيبك كيف ؟
7. أهلو وين (أمو و أبو تحديدا)
________________________________
الشغلانية دى حساباتا كثيرة لكن أهم عامل الطالب نفسو.
راجنك للنجيضة .....
وائل . |
اولا اشكرك شكرا جزيلا ....يا وائل .. والله وقعت لى فى جرح...
,
عشان نجاوبك لازم تفاصيل زياده :
1. أنت عاوزو دكتور ولا هو داير يتدكتر ؟ ................... هو وامه... الاتنين مصرين على الكترة دى...
2. ما هو العائد المرجى من الاستثمار فى الطب ؟...... اعتقد....عائد كتير...مالى ..و ذاتى ..ونفسي
3. هل سيعمل كطبيب فى السودان و لا بره السودان ؟......برة
4. لو بره السودان فى الغرب و لا الخليج؟...فى الغرب لفترة...ثم الخليج
5. الولد امكانيتو كيف (يعنى شاطر عديل كده و لا عادى ) ؟ سوبر شاطر..ما شاء الله...
6. أنت جيبك كيف ؟...فى السودان مافى مشكلة ...وفى الغرب ...دفرة منى ..والباقى..ستيودنت لون
7. أهلو وين (أمو و أبو تحديدا)؟ ...ممكن الغرب.... وممكن السودان
________________________________
الشغلانية دى حساباتا كثيرة لكن أهم عامل الطالب نفسو.
راجنك للنجيضة .....
وائل .
|
Post: #6
Title: Re: للولد ..دراسة الطب فى كندا وامريكا وغرينادا؟ والا فى مامون حميدة..
Author: وائل فاروق
Date: 02-15-2013, 10:41 PM
Parent: #5
بناء على افادتك نديك الخلاصة
ولدك يقعد قبلو و انت تتبالى بالقروش , قوول لى لىى؟
1. الدراسة فى السودان حتكلفك حوالى 10000 دولار فى السنة ( توتال 50000$) أقل حاجة (بما فيها مصاريف الجامعة و المصاريف الشخصية ) و لم أحسب عربية أتوس (10000$) و البنزين بتاعا !
2. بعد الخمسة سنين الود حيكون عايز support سنتين لغاية ما يكمل امتحانوتو و يبدأ العداد يكب .
3. بعد السنتين عايز على الاقل خمسة سنين لغاية ما يكمل التخصص (و ده بأعتبار أنو عبقرى عديل كده و ما عندو أى عوارض)
4. مهما كان شاطر فرصو فى وجود الوظائف المنافسة عليها عالية بيكون أقل بس لآنو درس فى السودان .
_______________________________________________________________
انت أتكلمت عن جامعات الكاريبين على ما أعتقد و ما جامعات أمريكا عديل (عشان كده الرد مفصل على الكاريبى)
1. التكلفة حوالى 15000 دولار فى السنة + المنصرفات (5000 فى السنة تقريبا)
2. الطالب لمن يخلص الجامعة بيكون أمتحن المعادلة الآمريكية لآنو اصلا المقرر مبنى عليها , يعنى السنتين بتاعت التجهيز لو قرا فى السودان ما حتضيع و العداد حيكب أسرع (سنتين زيادة من الدخل)
3. تذاكر السفر ليكم ساهلة لو قعدتو قبلكم (بافتراض انك فى أمريكا )
_______________________________________________________________
فرص خريج من السودان و خريج من الكاريبى بعد امتحان ال usmle فى المنافسة على الوظيفة واحد , لكن خريج الكاريبى فى الغالب بيحصل على الامتحانات مع التخريج . و الاتنين فرصهم فى منافسة خريجين امريكا أقل
عشان أولاد امريكا بيكونو فى الغالب عندهم سنادات وجناحات تانية يعنى الواحد غالبا عمل premedicine , و بيكون عنده كم بحث أثناء العمل وال cv بيكون كارب .
________________________________________________________________
الولد كان شاطر زى ما قلت ما تخاف عليه . شوفو هو عايز شنو و فى النهاية حيصل براهو من غير دفر . و كان أصلو داير دفر حتدفر لمن جازك يقطع ......
(ده مجرد رأى و قالو : الشقى يشوف الشقى فى روحو و السعيد يشوف الشقى فى غيرو , اها أنا روحو !!)
|
Post: #7
Title: Re: للولد ..دراسة الطب فى كندا وامريكا وغرينادا؟ والا فى مامون حميدة..
Author: smart_ana2001
Date: 02-15-2013, 11:42 PM
Parent: #6
سلامات اخ عوض عمر.
مع انى ما قريت طب و ما عندى اولاد على وش جامعات...لكن كلام د. وائل دقيق جدا.
لو ولدك شاطر شديد -اتوكل على الله -و خليه يقرا فى امركيا. ويكون عندوا فرصة اكبر فى التخصصات النادرة.
لو نص نص خليه يقرا فى مامون حميدة و يجى بعدها امريكا ينافس مع الاجانب
|
Post: #8
Title: Re: للولد ..دراسة الطب فى كندا وامريكا وغرينادا؟ والا فى مامون حميدة..
Author: Ammar Makki
Date: 02-16-2013, 10:37 AM
Parent: #7
ما عارف لي مالك ما ختيت إنكلتره كخيار
مع إنو أكتر واحدة مناسبة من جميع النواحي فمن النواحي المالية في الغالب بتكون أرخص من أمريكا
دا غيرإنو الجامعات البريطانية أفضل جامعات في العالم بعد الجامعات الأمريكية طبعا
ثالثا بريطانيا قريبة نسبيا من السودان فلو حبيتو تزورو ولا هو يجيكم في الإجازة ما حتكون إشكالية كبيرة عكس أمريكا , الموضوع حيكون صعب شوية عشان بعيدة ومكلفه
في ميزة في بريطانيا ما موجودة في أمريكا الا وهي التأمين الصحي
فالإنقليز متفوقين كتير على موضوع التامين الصحي دا على الامريكان
فلو ولدك مرض ساي لا قدر الله في امريكا دي مشكلة كبيرة حتى لو عندو تأمين
أصحابنا المشو أمريكا بحكو لي اثناء فتره الماستر الواحد بكون شايل هم لو عيا ساي في أمريكا حسابتو كلها بتتلخبت
عكس بريطانيا تدخل إي مسشقى حكومي وتعمل اي نوع من أنواع الفحوص ولا العمليات جنيه إسترليني واحد ما بتدفع ولا بسئلوك انته منو ولا جاي من وين ولا جنسك شنو
على كل حال اي خيار بره السودان حيكون أفضل
|
Post: #9
Title: Re: للولد ..دراسة الطب فى كندا وامريكا وغرينادا؟ والا فى مامون حميدة..
Author: Osama Khalid
Date: 02-16-2013, 11:06 AM
Parent: #8
سلام الافضل يدرس بالخارج و أفضل يكون قريب منكم .
|
Post: #10
Title: Re: للولد ..دراسة الطب فى كندا وامريكا وغرينادا؟ والا فى مامون حميدة..
Author: حماد الطاهر عبدالله
Date: 02-16-2013, 01:20 PM
Parent: #9
الناس النصحوك فوق أخذوا في الإعتبار حسابات وتركوا أخرى ومنها:
الولد جنسيتو شنو، أمريكي؟ كندي؟ ولا سوداني فقط؟
وغربة الأسرة مستديمة بتجنيسها ولا عايزين يرجعوا السودان؟
وبإختصار إن كانت الغربة مستديمة والولد مجنس غربيا خير له الدراسة بالغرب.
أما أن كانت الأسرة لم تزل سودانية والولد سوداني، وسيتحتم عليه يوما ما العيش
بالسودان، حتى ولو كان يحمل الجنسية الغربية فخير له أن يدرس بالسودان فقط ليكون
له قاعدة معلومات من الأهل، والأصدقاء والزملاء وأمراض المناطق الحارة، وذلك سيفيده كثيرا
مستقبلا، وستكون أخلاقه اقرب ل ( محمد أحمد الزمان)، ذلك من واقع تجربتي الشخصية مع أبنائي
وبناتي المولودين ومتعلمين التعليم العام بدول الخليج، أما الجامعات فبالسودان، وليست
جامعة المامون هي منتهى المطاف، فهناك جامعة الرباط، وجامعة العلوم والتقانة وغيرهما.
|
Post: #11
Title: Re: للولد ..دراسة الطب فى كندا وامريكا وغرينادا؟ والا فى مامون حميدة..
Author: elhilayla
Date: 02-16-2013, 02:46 PM
Parent: #10
الأخ عوض عمر
وضيوفك الأكارم
ذي ماقال ليك دكتور وائل الشقي أشوف في روحو
والسعيد أشوف في خيو
كل الإخوان السبقوني إدوك كلام ذي الدهب
وأنا ما عندي زيادة كتيرة شديد دكتور وائل
والباشمهندس اسمارت ومعهم الأساتذة
مجمعين علي برة السودان بشروط وأنا كمان معاهم
لأسباب لا تخرج مما ذكروا
ولو داير تقفل الباب دا سريع وتخرج من المتاهة دي
اتمني ان يمر شخصان من هنا ليدليا بدلوهما
البروف طبيب عوض محمد احمد
والدكتور طبيب عزان سعيد
وكان سمعت نصيحتي تعرش البيت علي ما يتفضل
به بروف عوض ودكتور عزان
والجماعة الاتنين ديل كان ما مرور من هنا اقترح
عليك
To take the move to approach them
________
الحليلة
|
Post: #12
Title: Re: للولد ..دراسة الطب فى كندا وامريكا وغرينادا؟ والا فى مامون حميدة..
Author: Awad Omer
Date: 02-16-2013, 07:54 PM
Parent: #11
الاعزاء الكرام ...وائل.. اسمارت..عمار ..اسامة ..حماد..الحليلة.....اشكركم جزيلا على الدلو...المليان بتاعكم دة....
لكن بعد ان دققت فى اجاباتكم شديد ...باكاتى قاموا اتجهجهو زيادة..ما عرفت اشتتها ..والا ارجعها وراء ...كمان تلقى القون صفاية...
يا وائل ..ماقدرت افهم الكوت دة كويس..!!!! لانه انا اطلعت على تلاتة من الكارىبيان مثال : St. George ////.http://www.sgu.edu
Quote:
2. الطالب لمن يخلص الجامعة بيكون أمتحن المعادلة الآمريكية لآنو اصلا المقرر مبنى عليها , يعنى السنتين بتاعت التجهيز لو قرا فى السودان ما حتضيع و العداد حيكب أسرع (سنتين زيادة من الدخل) |
|
Post: #13
Title: Re: للولد ..دراسة الطب فى كندا وامريكا وغرينادا؟ والا فى مامون حميدة..
Author: Awad Omer
Date: 02-16-2013, 08:05 PM
Parent: #12
| Quote: لو ولدك شاطر شديد -اتوكل على الله -و خليه يقرا فى امركيا. ويكون عندوا فرصة اكبر فى التخصصات النادرة. |
طبعا كلام اسمارت دة اهم حاجة.... االتخصصات النادرة
لانه كان نقطها وانت جاى من الكارىبى والا مامون ..مابتشوف ناس الجراحة الصابيشبيتاليتيز ..او الكارديولوجى ...واللذى منه..........امكن تشوف ناس جلديىة .. او عيون ..وكدة
|
Post: #14
Title: Re: للولد ..دراسة الطب فى كندا وامريكا وغرينادا؟ والا فى مامون حميدة..
Author: Awad Omer
Date: 02-16-2013, 08:16 PM
Parent: #13
بعدين .....premedicine....دة زاتو الجاب لى الجهجهة دى كلها ....مع انه المعلم بتاعى .....والله ..نجاضة عديل ...ما شاء الله...
عند صاحبى بنته نجاضة عديل لما كانت فى الثانوى كل مادة طوالى أأأأ/ ب ب + او - قامت قرت اربعة سنوات premedicine وفى النهاية ما قدرت تدخل الطب .....يعنى تطلع بتاعت علوم او معلمة ....
|
Post: #15
Title: Re: للولد ..دراسة الطب فى كندا وامريكا وغرينادا؟ والا فى مامون حميدة..
Author: Dr.Elsadig Abdalla
Date: 02-16-2013, 08:46 PM
Parent: #14
تحياتي
..لو الولد عندو جواز أوروبي ممكن يساعد كتير ..
في ايرلندا دراسة الطب غاليه..مثلا كلية الطب تبع كلية الجراحين الملكيه عاوزه ليها 30 لي 40 ألف يورو في السنه ..
معظم العرب الدارسين هنا من الامارات والكويت وحكوماتهم بتدفع ليهم ..
فائدة الشهاده من جامعه اوروبيه عموما وبريطانيا وايرلندا خصوصا بتأهلو للتسجيل في المجلسين الطبي البريطاني والايرلندي ثم العمل هنا .
تمنياتي بالتوفيق
|
Post: #16
Title: Re: للولد ..دراسة الطب فى كندا وامريكا وغرينادا؟ والا فى مامون حميدة..
Author: وائل فاروق
Date: 02-16-2013, 09:42 PM
Parent: #12
السلام يا عوض عمر :
http://www.sgu.edu/school-of-medicine/medscie...-programoutline.html
اللنك الفوق ده للمنهج بتاعم . أغلب الطلبة فى term 5 بيمتحنو usmle step 1 و فى year 5 يمتحنو step 2 and CS .
فى السودان ممكن ولدك برضو يعمل كده لكن فى العادة اغلب الناس بتكون مشغولة بحاجات غير القراية .
بالنسبة للتخصصات الدقيقة فى ناس من دفعتنا من السودان عملو جراحة و قلب و قاسترو و كل التخصصات فى أمريكا .
أنا ما كان قصدى التخصص بقدر المستشفى , يعنى فى مستشفيات الشغل فيها بيكون عاوز CV معين .
شغلانية يتخصص شنو دى بالمناسبة بدرى عليها شديد . هو زاتو ما حيكون عارف 3 سنة بعد ما يتخرج .
__________________________________________________________________
لكن لو داير return on investment , ولدك ده ما تقريهو طب !
وائل ......
|
Post: #17
Title: Re: للولد ..دراسة الطب فى كندا وامريكا وغرينادا؟ والا فى مامون حميدة..
Author: Sharif Nasirladeen
Date: 02-17-2013, 06:56 AM
Parent: #16
السلام عليكم أخي عوض عمر..
أولا أتمنى التوفيق لأبنك..من مداخلاتك في البوست ده فهمت أنك بتكون عايش في أمريكا..
أنا درست في أمريكا في جامعة جنوب كاليفورنيا..الجامعة اللي درست فيها من الجامعات القلائل
اللي فيها كلية طب في ولاية كاليفورنيا..من واقع أحتكاكي لطلبة الطب بقول ليك أنو دراسة الطب
كتخصص في أمريكا ما بلصعوبة ديك زيها و زي دراسة أي تخصص تاني مع شوية مجهود زيادة..
بس المشكلة الكبرى في أمريكا خاصة لتخصص الطب و القانون هو الدخول و القبول للكلية..كانو معانا زمايل طلبة و طالبات
أمريكان و برضو طلاب من أصول باكستانية مع أنهم مواليد أمريكا يعني أمريكان برضو..المهم كانو بيدرسو تخصصات زي العلوم
و الأحياء على أمل أن يدخلو الطب بعد التخرج..المهم الناس ديل غير دراسة العلوم قضو برضو وقت طويل جدا يمتحنو و يجهزو لل
Mcad exam
عن قرب شفت أجتهادهم و أصرارهم للدخول للطب..ما خلو جامعة في أمريكا فيها كلية طب ما قدمو ليها..في النهاية من العدد الكبير داك طالب واحد أصلو من الهند أسمو عمران هو اللي أتقبل..
الداير أصل ليها أنو دراسة الطب في أمريكا حبالو طويلة و ممكن الطالب بعد ما يضيع السنوات الطويلة دي كلها ما يلقى طريقة في القبول للكلية..نسيت أقول ليك أنو الطلاب ديل معدلاتهم stright A..غير الانشطة الطلابية اللي بيشتركو فيها..
في جزء منهم بعد ما لقى طريقة في أمريكا مشو كلية الجراحين الملكية في أيرلندا..و فاكر في واحد أصلو أيراني كان مشى البهاما..
أتمنى التوفيق لأبنك..
|
Post: #18
Title: Re: للولد ..دراسة الطب فى كندا وامريكا وغرينادا؟ والا فى مامون حميدة..
Author: Ammar Makki
Date: 02-17-2013, 09:02 AM
Quote: لكن لو داير return on investment , ولدك ده ما تقريهو طب !
|
100% Agree
|
Post: #19
Title: Re: للولد ..دراسة الطب فى كندا وامريكا وغرينادا؟ والا فى مامون حميدة..
Author: Awad Omer
Date: 02-17-2013, 03:04 PM
Parent: #18
الاعزاء.... الاخوان ...وائل.. اسمارت..عمار ..اسامة ..حماد..الحليلة....الصادق....شريف.......مع حفظ المقامات
والله يا جماعة انتو ما عارفين العملتو...دة. قدرو شنو ؟ الله يديكم الفى نياتكم... انشاء الله..
يعنى من الانسايت بتاعكم ...دة ...خاصة ..اخوي ..وائل وشريف ...قدرت اقدر اشياء كثيرة ممكن تساعادنى كثيرا فى الجدضشمنت ...بتاعى .....ياخ والله .. الكابتن دة عامل لى ازمة كبيرة..وضغوط شديدة كمان ..خاصة انه اوكامبو مؤيد القرار ..وفارضو كمان ...
وائل ....... فى واحد ولد صاحب صاحبنا بدا الدراسة فى الكاريبيان ...قطعها فى النص وجاء يكمل فى كلية طب خاصة فى الخليج ..ما عرفت السبب بالضبط ...شنو....لكن ليس اسريا على اى حال .....انما ..سمعت من طرف خفى انه الكواليتى فيها مشكلة... والبروبغاندا عن هذه الجامعات زايدنها شوية كوز... وكلها مش ريال ...وفى مشاكل فى الافلييشان مع الجامعات والمستشفيات الامريكية...وامكن البورد......زاتو.
| Quote: الداير أصل ليها أنو دراسة الطب في أمريكا حبالو طويلة و ممكن الطالب بعد ما يضيع السنوات الطويلة دي كلها ما يلقى طريقة في القبول للكلية..نسيت أقول ليك أنو الطلاب ديل معدلاتهم stright A..غير الانشطة الطلابية اللي بيشتركو فيها.. |
والله...ياشريف ...دة زاتو المجنن بوبى .......عشان كدة انا فتحت السيرة دى...." كندا وامريكا اوغرينادا؟ والا مامون حميدة.. "...ولليلة ما قادر اخت الكورة فى الواطة...كلو كلو !!
|
Post: #20
Title: Re: للولد ..دراسة الطب فى كندا وامريكا وغرينادا؟ والا فى مامون حميدة..
Author: Muhib
Date: 02-17-2013, 03:10 PM
Parent: #19
الاخ عوض ..انا من اهل العوض ولا افهم في الطب او الهندسه ولكن متالم من اجلك وفي حيرتك ..
حقيقي اتمني ان تجد مخرج لك وللولد ..انا ضد تلقين الابناء الرغبات الدراسيه ومع ان يدرس الابناء ما يرغبون فيه ..
لك المحبه وصلاتي مرفوعه من اجلكم ..
|
Post: #21
Title: Re: للولد ..دراسة الطب فى كندا وامريكا وغرينادا؟ والا فى مامون حميدة..
Author: Awad Omer
Date: 02-17-2013, 03:19 PM
Parent: #20
الاخ العزىز محب ....باركك الله ...
انا برضو من اهل العوض .....عشان كدة... مباشرة....لمست منك التعاطف والمودة المبذولة بصدق...
جزيل شكرى....
|
Post: #22
Title: Re: للولد ..دراسة الطب فى كندا وامريكا وغرينادا؟ والا فى مامون حميدة..
Author: Awad Omer
Date: 02-17-2013, 04:14 PM
Parent: #21
نسيت اقول ليكم ...وعشان المساهمة بتاعتكم تكون فى الاطار او مع الكونتيكست بتاع الغلوتية دى... :-
.انه اانا امكانياتى للسودان ما فيها مشكلة ..... خاصة وانه فى واحد تانى جاى طائر من وراء و شايت ضفاري ...السنة البعد الجاية ..وبرضو بنفس الالحاح والاصرار من نفسه ولنفس الاتجاه ... و كمان بدعم من اوكامبو .... امكن تكون كوانسيدانس ساي ..
خوفى من امريكا وكندا:" أنو دراسة الطب حبالو طويلة و ممكن الطالب بعد ما يضيع السنوات الطويلة دي كلها- ..4 سنوات بريميد - يطلع بتاع كيمياء والا احياء - وما يلقى طريقة في القبول فى الطب مع انه معدلو فى الثانوى فى حدود straight A....
خوفى كمان من الكاريبيان " مشكلة.....البروبغاندا عن هذه الجامعات زايدنها شوية كوز... ...وفى مشاكل فى الافلييشان مع الجامعات والمستشفيات الامريكية...وامكن البورد......زاتو. "
|
Post: #23
Title: Re: للولد ..دراسة الطب فى كندا وامريكا وغرينادا؟ والا فى مامون حميدة..
Author: وائل فاروق
Date: 02-17-2013, 07:47 PM
Parent: #22
العزيز عوض :
الله يسهل على أولادك , انت هين !!
_________________________
you have to be realistic :
________________________
الطب محل ما تقبل دربو طويل . و شهاده البكالريوس ما هى حتى ربع الطريق ...
انت خيارتك واضحة لو أصلك ما ناوى تخش فى الرسك بتاع ال premedicine .
Sudan or somewhere else apart from north america >
_____________________________________________
طيب بتبقى الخيارات وين : السودان , الهند , ماليزيا ,اوروبا الشرقية , اوروبا الغربية , الكاريبى ......
الشغالنية لو مافيها أى فاكتورز تانية , يعنى دكتور و يشتغل فى أمريكا بعد يتخرج لو ده أنا شخصيا ما
بقرا فى السودان . و لو ولدى و لا بتى و أنا فى محلك ده غالبا أرسلو دولة زى Slovakia . عشان
اوتوماتكالى بيكون عندو حق التسجيل فى اى من دول الاتحاد الاور وبى (فى حالة عندو جواز اوروبى ) .
بالاضافة لانو ممكن يمتحن ال usmle و يشتغل فى امريكا .
أرجع و أقول أهم حاجة الطالب نفسو .....
يعنى اغلب الدكاترة السودانين الفى أمريكا و لا اوروبا قرو فى السودان و فى النهاية كلنا شغالين ....
وائل .....
________________________________________
اللنك ده لى جامعة فى سلوفاكيا .....
http://www.fmed.uniba.sk/index.php?id=2063
|
Post: #24
Title: Re: للولد ..دراسة الطب فى كندا وامريكا وغرينادا؟ والا فى مامون حميدة..
Author: مدثر صديق
Date: 02-18-2013, 06:37 AM
Parent: #23
| Quote: اغلب الدكاترة السودانين الفى أمريكا و لا اوروبا قرو فى السودان و فى النهاية كلنا شغالين .... |
كلام وائل ده مهم
و اريد ان ازيد عليه انى لاحظت ان اغلب خريجي الجامعات السودانية بنجحوا في امتحانات الزمالة البريطانيةاو الايرلندية من اول محاولة او تاني محاولة .....يعني لو درس في مامون حميدة انا اراها افضل ...بالاضافة لانوا سنيين الجامعة من السنيين البتشكل فيها الكتير لدى الانسان ....
|
Post: #25
Title: Re: للولد ..دراسة الطب فى كندا وامريكا وغرينادا؟ والا فى مامون حميدة..
Author: Awad Omer
Date: 02-18-2013, 10:46 AM
Parent: #24
Quote: العزيز عوض :
الله يسهل على أولادك , انت هين !!
_________________________
you have to be realistic :
________________________
الطب محل ما تقبل دربو طويل . و شهاده البكالريوس ما هى حتى ربع الطريق ...
انت خيارتك واضحة لو أصلك ما ناوى تخش فى الرسك بتاع ال premedicine .
Sudan or somewhere else apart from north america >
_____________________________________________
طيب بتبقى الخيارات وين : السودان , الهند , ماليزيا ,اوروبا الشرقية , اوروبا الغربية , الكاريبى ......
الشغالنية لو مافيها أى فاكتورز تانية , يعنى دكتور و يشتغل فى أمريكا بعد يتخرج لو ده أنا شخصيا ما
بقرا فى السودان . و لو ولدى و لا بتى و أنا فى محلك ده غالبا أرسلو دولة زى Slovakia . عشان
اوتوماتكالى بيكون عندو حق التسجيل فى اى من دول الاتحاد الاور وبى (فى حالة عندو جواز اوروبى ) .
بالاضافة لانو ممكن يمتحن ال usmle و يشتغل فى امريكا .
أرجع و أقول أهم حاجة الطالب نفسو .....
يعنى اغلب الدكاترة السودانين الفى أمريكا و لا اوروبا قرو فى السودان و فى النهاية كلنا شغالين ....
وائل .....
________________________________________
اللنك ده لى جامعة فى سلوفاكيا .....
|
شكرا مدثر...وشكرا وائل علي الافاضة ...
انا والله عايز اسهلها... لكن.. ابت كلو كلو..تسهل ....وكمان ما تفكر انا شاطح شوية.... انا عايز اخت الحاجات كلها فى التربيزة. ..عشان .بعدين اعمل السلطة الصعبة دى ..
يعنى الهند وماليزيا ما بيعطو فرص للاجانب فى الجامعات الحكومية المربوطة بالتدريب مع الدراسة .يمكن تلقى فرص كثيرة فى الدكاكينى الخاص زى طب شندى او طب كسلا كدة..
بعدين بريتسلافا دى ما متاكد منها... وما عارف زول قراها ...انا جربت العلاج الطبيعى عندهم بالطين
|
Post: #26
Title: للولد .. الطب فى كندا وامريكا وغرينادا؟ والا مامون حميدة/ قطر/البحرىن
Author: Awad Omer
Date: 02-18-2013, 04:27 PM
Parent: #25
من بعض الناس سمعت انه تركيا فيها طب كويس ....بس مافى تفاصيل ...
طبعا ساهل جدا تلقى الصورة وردية وادق التفاصيل عن اى جامعة او كلية ....لو استعملت القوقل .....لكن طبعا انا بركز على الخبرات من اهل الذكر و اخبار الناس والاصدقاء واصحابهم ومعارفهم وكمان علمهم من المهنة .... الانسايت والتجارب الشحصىة بتاعت الناس القرو فيها ...دى تديك ما يخفى فى شياطين التفاصيل...
طبعا مما مكن اسال عن :
Harvard University
Johns Hopkins University
Stanford University
......الانسايت يا جماعة ركزو لينا شوية على الانسايت ...ليس من رائ...كمن سمع او قوقل....
ياناس قطر والبحرين ....ما تجدعونا شوية معاكم ....كاتلين الجدادة وخامين بيضها.... ..وعندكم من اعرق الانستيتوتنز فى العالم :.... ( The royal college of surgeons of ireland (Bahrain) .........Weill Cornell medical college (Qatar)
|
Post: #28
Title: Re: للولد .. الطب فى كندا وامريكا وغرينادا؟ والا مامون حميدة/ قطر/الب
Author: Mahjob Abdalla
Date: 02-18-2013, 04:58 PM
Parent: #26
الاخ عوض عمر
في كندا ايضا عندهم الـ Pre-Medicine
و بعدها التقديم لكليات الطب و حقيقة ما مضمون مهما كان الطالب مستواهو كويس انو بعد الاربع سنين يتم قبولو للطب بالاضافة للتكلفة العالية.
في حالة الطلاب الاجانب وجدت اطباء ليبيين كتار درسو هنا و اذا كان لي ان اخمن اظن في حالة استثناء (حسب الدفع) حيث يتم قبولهم في كليات الطب مباشرة حسب شروط دولهم التي ابتعثتهم.
في الصعيد الاخر معظم السودانيين هنا برجعو ابنائهم و بناتهم اللسودان بخصوص دراسة الطب و بعدها يرجعو ينافسو في امتحانات المعادلة.
|
Post: #27
Title: للولد .. الطب فى كندا وامريكا وغرينادا؟ والا مامون حميدة/ قطر/البحرىن
Author: Awad Omer
Date: 02-18-2013, 04:33 PM
Parent: #1
ياناس قطر والبحرين ....ما تجدعونا شوية معاكم ....كاتلين الجدادة وخامين بيضها.... ..وعندكم من اعرق الانستيتوتنز فى العالم :.... ( The royal college of surgeons of ireland (Bahrain) .........Weill Cornell medical college (Qatar)
|
Post: #29
Title: للولد .. الطب فى كندا وامريكا وغرينادا؟ والا مامون حميدة/ قطر/البحرىن
Author: Awad Omer
Date: 02-18-2013, 07:55 PM
Parent: #27
ياناس قطر والبحرين ....عندكم اولاد سودانيين بيقروا فى الجامعتين ديل ؟.... ( The royal college of surgeons of ireland (Bahrain) .........Weill Cornell medical college (Qatar)
|
Post: #30
Title: Re: للولد .. الطب فى كندا وامريكا وغرينادا؟ والا مامون حميدة/ قطر/الب
Author: Awad Omer
Date: 02-18-2013, 08:04 PM
Parent: #29
Quote: الاخ عوض عمر
في كندا ايضا عندهم الـ Pre-Medicine
و بعدها التقديم لكليات الطب و حقيقة ما مضمون مهما كان الطالب مستواهو كويس انو بعد الاربع سنين يتم قبولو للطب بالاضافة للتكلفة العالية.
في حالة الطلاب الاجانب وجدت اطباء ليبيين كتار درسو هنا و اذا كان لي ان اخمن اظن في حالة استثناء (حسب الدفع) حيث يتم قبولهم في كليات الطب مباشرة حسب شروط دولهم التي ابتعثتهم.
في الصعيد الاخر معظم السودانيين هنا برجعو ابنائهم و بناتهم اللسودان بخصوص دراسة الطب و بعدها يرجعو ينافسو في امتحانات المعادلة. |
الاخ محجوب ...تحياتى للمرور الجميل ...
طبعا اذا فى جماعة بتاعين مامون حميدة لسع بعكو بهناك فى كندا .. ويغسلوا صحوون .....وما قادرين يباصو الامتحان .....كدة تكون انتهيت منى عديل ...وخليتنى فى السهلة ....
لانه فى جماعة قالو انهم بنجحوا من قولت تيت فى بريطانيا......كيف؟
|
Post: #39
Title: Re: للولد .. الطب فى كندا وامريكا وغرينادا؟ والا مامون حميدة/ قطر/الب
Author: Amani Al Ajab
Date: 02-19-2013, 07:15 PM
Parent: #30
الأخ عوض عمر
لك التحية والتقدير ..
هل ابنك عاوز اشتغل في أمريكا ؟
إذا كانت الأجابة بنعم له خيارين :
الدراسة في أمريكا أنا عندي ولدي premedicine
لكي يضمن الإلتحاق بكلية طب لابد أن تكون نسبة
شهادته 3.7 إذا كان في جامعة ممتازة أو 3.9 إذا
في جامعة متوسطة ..
ايضاً لابد من التركيز على الجامعة ومستواها لان
ذلك له إعتبار عند التقديم لكلية الطب ..
كما ذكرت الحبيبة اسمارات التخصصات النادرة
لا يستطيع أن يتخصص فيها إلا إذا درس في أمريكا ..
أيضاً هناك مستشفيات لا توظف الأطباء أصحاب
الشهادات الأجنبية ..
الخيار الثاني أن يدرس في مامون حميدة ويعادل
بعد ذلك شهادته مع الإعتبار ما ذكر أعلاه ..
|
Post: #33
Title: Re: للولد .. الطب فى كندا وامريكا وغرينادا؟ والا مامون حميدة/ قطر/الب
Author: وائل فاروق
Date: 02-18-2013, 08:48 PM
Parent: #29
العزيز عوض عمر :
ما بعرف أى زول درس فى جامعات الخليج الجديدة دى . لكن عليك الله أعفص اللنك الملحق ده و شوف من طرف فى كم
زول بيدرس فى كورنيل قطر خريج من السودان ........
و بعد ده ناس تقول ليك السودانين ما مؤهلين : حسبنا الله و نعم الوكيل !!!
http://qatar-weill.cornell.edu/aboutUs/fa/residentFaculty.html
وائل ....
|
Post: #31
Title: Re: للولد .. الطب فى كندا وامريكا وغرينادا؟ والا مامون حميدة/ قطر/الب
Author: Osama Khalid
Date: 02-18-2013, 08:09 PM
Parent: #27
معليش الكلام كتر عليك ,. لكن من تجربتي ناس دفعتي موجودين في كل الاماكن و بحمد الله كل واحد فيهم ناجح في تخصصه يعني قصه التخصصات النادرة صعبة للخريجين من السودان دى ما تركز عليها شديد , ووائل خير مثال لذلك . لكن برضو مصر لو ولدك عنده اي فرصة يدرس بره افضل ليه .مثلا في بريطانيا فرصة البيقرو طب كبيرة و خاصة لو عنده جنسية .
|
Post: #32
Title: Re: للولد .. الطب فى كندا وامريكا وغرينادا؟ والا مامون حميدة/ قطر/الب
Author: Awad Omer
Date: 02-18-2013, 08:32 PM
Parent: #31
|
| Quote: لكن برضو مصر لو ولدك عنده اي فرصة يدرس بره افضل ليه .مثلا في بريطانيا فرصة البيقرو طب كبيرة و خاصة لو عنده جنسية . |
تحياتى اخى اسامة....
كله الا مصر دى ..لانها بتعدل الخير بتاع الداخل ....
لكن ممكن .تركيا ...كجزء او ياد من الاتحاد الاوربى....
غايتو ...الشقى ...
|