Post: #1
Title: قاضي واحد أحرج الإنقاذ وجهجهها!
Author: Hussein Mallasi
Date: 02-15-2013, 05:46 PM
Parent: #0
وجد أمامه قانوناً يقضي بالقطع من خلاف على مرتكب جريمة الحرابة؛
ثم وجد أمامه متهم ثابته عليه أركان جريمة الحرابة؛ لأسباب - قدرها - ضرب عرض الحائط
بالتجميد غير المعلن لبعض نصوص مواد القانون الجنائي المتعلقة بعقوبات بعض الجرائم الحدية؛
وحكم على المتهم بالقطع من خلاف. تم تأييد الحكم من محكمة الاستئناف؛ والمحكمة العليا؛ حتى
الدستورية .. فمن ذا الذي يجرؤ على نقض حكم مستند على نص صريح ووقائع وإثبات مكتمل العناصر؟!!
|
Post: #2
Title: Re: قاضي واحد أحرج الإنقاذ وجهجهها!
Author: Hussein Mallasi
Date: 02-15-2013, 05:48 PM
Parent: #1
قضاة الاستئناف ما حيقدروا يقولوا ليهو ليه حكمت بالقانون القدامك!
|
Post: #3
Title: Re: قاضي واحد أحرج الإنقاذ وجهجهها!
Author: Hussein Mallasi
Date: 02-15-2013, 05:50 PM
Parent: #2
قضاة المحكمة العليا لقوا القانون الحكم بيهو صحيح!
|
Post: #4
Title: Re: قاضي واحد أحرج الإنقاذ وجهجهها!
Author: Hussein Mallasi
Date: 02-15-2013, 05:52 PM
Parent: #3
المحكمة الدستورية لقت القانون دستوري ومافي قانون تاني لغاهو!
|
Post: #5
Title: Re: قاضي واحد أحرج الإنقاذ وجهجهها!
Author: Hussein Mallasi
Date: 02-15-2013, 05:59 PM
Parent: #4
والحال كذلك يا الإنقاذ الإسلامية .. معقول 23 سنة ما نظرت
وحكمت في السودان قضية حرابة أو سرقة الحدية غير القضية أعلاه!!
|
Post: #6
Title: Re: قاضي واحد أحرج الإنقاذ وجهجهها!
Author: حيدر حسن ميرغني
Date: 02-15-2013, 06:11 PM
Parent: #5
ده من سوء حظ المتهم ياحسين
|
Post: #7
Title: Re: قاضي واحد أحرج الإنقاذ وجهجهها!
Author: Hussein Mallasi
Date: 02-15-2013, 06:12 PM
Parent: #5
فيا الإنقاذ .. واحد من اتنين .. يا إما المحاكم الجنائية تطبق القانون القدامها فيما يتعلق
بجرائم الحدود وبالتحديد في زنى المحصن؛ الردة؛ الحرابة؛ والسرقة الحدية؛ يا تشوفوا
حل للقوانين دي تفادياً للإحراج والجهجهة الحاصلة دي.
|
Post: #8
Title: Re: قاضي واحد أحرج الإنقاذ وجهجهها!
Author: Hussein Mallasi
Date: 02-15-2013, 06:25 PM
Parent: #7
فيا الإنقاذ .. ركيب سرجين وقيع .. ولو بعد 23 سنة!
|
Post: #9
Title: Re: قاضي واحد أحرج الإنقاذ وجهجهها!
Author: دينا خالد
Date: 02-15-2013, 06:33 PM
Parent: #7
هل صح الخبر بانه بالامس تم تنفيذ حكم بقطع اليد على مدان
بالقطع قابع فى السجن 9 سنوات ؟؟؟؟
انا سمعت انه بالامس تم تنفيذ فى كوبر .... فاذا صح الخبر
تكون دى كارثة .... !!
هل صحيح انه بالامس تم تنفيذ حكم بقطع اليد على احد الغبش؟؟؟
الاحكام دى يا حسين بتصدر حسب القوانين ولكن يوقف تنفيذها
باجراء قانونى برضو اسمه مع وقف التنفيذ (جيب هنا الوش البعجبك)...
فهو ليس اول قاضى الاحكام صدرت فى ال 23 سنه بالكوم والردوم ...
من الاف القضاة ....
المشكلة انو تطبيق الحد بكون على الضعفاء والمساكين ...
الكثير من الذين تنطبق عليهم شروط الحرابة وحد السرقة
يتبخترون منعمين مرفهين يركبون العربات الوثيرة والفاخرة ....
ــــــــــــــــــــــــــــــــ
القاضى الجهجهم داك الحكم بالرجم على المرا ....
كوبر غايتو فيها بتاع مقصلة ودكاترة بقطعوا لكن الرجامين ديل
يلقوهم وين ؟؟؟
|
Post: #10
Title: Re: قاضي واحد أحرج الإنقاذ وجهجهها!
Author: Hussein Mallasi
Date: 02-15-2013, 06:55 PM
Parent: #9
التنفيذ ليس في كوبر بل في مستشفى ساهرون؛
تانياً .. لو على الرجامين الله ما كتر إلا منهم .. وبصات الوالي قاعدة.
ثم تالتاً .. لا وقف تنفيذ ولا من يحزنون.
|
Post: #11
Title: Re: قاضي واحد أحرج الإنقاذ وجهجهها!
Author: Hussein Mallasi
Date: 02-15-2013, 06:57 PM
Parent: #10
رابعاً .. التنفيذ كان حداً للحرابة .. اليد اليمنى والقدم اليسرى ولم يكن حداً للسرقة.
|
Post: #12
Title: Re: قاضي واحد أحرج الإنقاذ وجهجهها!
Author: دينا خالد
Date: 02-15-2013, 07:04 PM
Parent: #11
ادن ويا للكارثة ...
فالخبر صحيح ؟؟؟
ـــــــــــــــــــــــــــــ
شنو علاقة تفعيل الاحكام دى مع الاحتقان السياسى الحاصل ؟؟
|
Post: #13
Title: Re: قاضي واحد أحرج الإنقاذ وجهجهها!
Author: عبدالمنعم الطيب حسن
Date: 02-15-2013, 07:24 PM
Parent: #12
كلما الح الوضع السياسي ضاغطا على الانقاذ ،
كلما تفننت في تعذيب الشعب ، واذلاله ،
ولن تعدم قضاء باعوا ضمائرهم ،
رهن الاشارة ،
واشباه صحفيين ، يزينون لها باطلها ،
ويدافعون لاخر بؤس / بوست
|
Post: #14
Title: Re: قاضي واحد أحرج الإنقاذ وجهجهها!
Author: ثروت سوار الدهب
Date: 02-15-2013, 07:55 PM
Parent: #13
يقال ان التفيذ حصل بالفعل
او كما قال الاخ ملاسي
بواسطة اطباء
ننتظر معلومات اكثر دقة
|
Post: #15
Title: Re: قاضي واحد أحرج الإنقاذ وجهجهها!
Author: Hussein Mallasi
Date: 02-15-2013, 08:01 PM
Parent: #14
التنفيذ تم في مستشفى الرباط وليس ساهرون .. فعذراً.
|
Post: #16
Title: Re: قاضي واحد أحرج الإنقاذ وجهجهها!
Author: Hussein Mallasi
Date: 02-15-2013, 08:10 PM
Parent: #15
يا ثروت .. في (السوداني) الصادرة اليوم صفحة كاملة عن الأمر.
|
Post: #17
Title: Re: قاضي واحد أحرج الإنقاذ وجهجهها!
Author: محمد إبراهيم علي
Date: 02-15-2013, 08:15 PM
Parent: #15
| Quote: شنو علاقة تفعيل الاحكام دى مع الاحتقان السياسى الحاصل ؟؟ |
اكيد له علاقة
وهناك رسالة مرسلة لما يعرف بجبهة الدستور الاسلامي التي تزمع قيام مليونية تطبيق الشريعة يوم 20 فبراير
ان يا اخوانا الشريعة مطبقة فما تضرسونا :)
|
Post: #18
Title: Re: قاضي واحد أحرج الإنقاذ وجهجهها!
Author: أحمد قلوب
Date: 02-15-2013, 08:54 PM
Parent: #12
| Quote: شنو علاقة تفعيل الاحكام دى مع الاحتقان السياسى الحاصل ؟؟ |
ده السؤال ؟؟؟
|
Post: #19
Title: Re: قاضي واحد أحرج الإنقاذ وجهجهها!
Author: وليد محمد المبارك
Date: 02-15-2013, 09:01 PM
Parent: #18
نعم تمت في مستشفى الرباط الجامعي وتحت اشراف طبي كمان
الزول قالو في ضواحي كردفان قطع الطريق بالكلاشنكوف على عربة وسرق ركابها بالاكراه
طيب خلاس الزول السرق ركاب عربية بالاكراه بقطعوا يدو
طيب البسرق ملايين الملايين جوه الخرطوم دي برقوه ليه ؟
|
Post: #20
Title: Re: قاضي واحد أحرج الإنقاذ وجهجهها!
Author: أحمد قلوب
Date: 02-15-2013, 09:08 PM
Parent: #18
هل هى محاولة لتفريغ الاحتقان السياسى بتخويف المعارضين بالحدود ام لطمأنة الموالين المتشددين بأن الحكومة تطبق الشريعة ؟
|
Post: #21
Title: Re: قاضي واحد أحرج الإنقاذ وجهجهها!
Author: وليد محمد المبارك
Date: 02-15-2013, 09:11 PM
Parent: #20
المستشفى جامعي
فياترى حضر العملية دي كم طالب وطالبة ؟
|
Post: #22
Title: Re: قاضي واحد أحرج الإنقاذ وجهجهها!
Author: وليد محمد المبارك
Date: 02-15-2013, 09:16 PM
Parent: #21
اخطر مافي الامر الانتقائية في تنفيذ الاحكام
وصدق محجوب حين قال
صحيت بالمؤذن وحالتك تحزن
مرقت وسرقت الوبال
معكز ملكز بسيخة ونعال
مكتف ملتف بأغلظ حبال
وغيرك بخزن جميع الغلال
يسرق ويهرب جمال
باسمه اللواري تهد الكباري تباري الجبال
سيادته يتدبر شئونه الأماسي
يرش الحديقة ويرص الكراسي
ما بين الغواني ورنين الخماسي
تعاين تشوفه تقول دبلوماسي
يمضي ويرضي ويهدي المحال
كمان لو تلاحظ صديقه المحافظ
وقالوا الملاحظ عيونه الجواحظ تباري الريال
حليلك بتسرق سفنجة وملاية
وغيرك بيسرق خروف السماية
وفى واحد لو تصدق بيسرق ولاية
ودا أصل الحكاية وضروري النضال
ضروري النضال
|
Post: #23
Title: Re: قاضي واحد أحرج الإنقاذ وجهجهها!
Author: Hussein Mallasi
Date: 02-15-2013, 09:16 PM
Parent: #20
الاحتقان لا يُفرغ بالتخويف وطمأنة المتشددين لا تتم بحادثة واحدة خلال 23 سنة.
|
Post: #24
Title: Re: قاضي واحد أحرج الإنقاذ وجهجهها!
Author: Hussein Mallasi
Date: 02-15-2013, 09:22 PM
Parent: #23
إن لم يكن اجتهاداً من القاضي؛ فالراجح أن مفتياً أفتي لهم
أن لا سبيل لانخفاض سعر الدولار إلا بتنفيذ أحكام الحدود.
|
Post: #25
Title: Re: قاضي واحد أحرج الإنقاذ وجهجهها!
Author: Hussein Mallasi
Date: 02-15-2013, 09:32 PM
Parent: #24
ولكن ..كيف يكون اجتهاداً مع وجود نص!!
|
Post: #26
Title: Re: قاضي واحد أحرج الإنقاذ وجهجهها!
Author: عبد الحميد حسين
Date: 02-15-2013, 09:43 PM
Parent: #20
الأسباب قدرها المامور ووقع عليها ومررها عبد المامور ..
عدم تنفيذ هذا الحكم لثلاثين عام فى هذه البلاد التي تنام وتصحو على القتل والظلم والفساد والأغتصاب
ومئات الالوف من قاطعي الطريق الذين مروا بالمحاكم ولم يمروا .وكل هذا شبهة قوية جدا كانت من المفترض ان
يأخدها هذا القاضي ال######## فى صالح هذا المجرم الصغير المسكين .. هذا اذا كان يقصد وجه العدالة
ولانه وفى كل الاحوال لم يفعل اكثر من الوف غيره
فلماذا يصيبة (شرع الله ) فى نسختة الكيزانية دون غيرة من عباد الله السودانيين..
هذا القاضي لم يعرف بقانون الحرابة بالصدفة وفى هذا الحادث فقط ..ولا اظنه هبط على محكمتة اليوم من كوكب آخر ..
فهو يعيش بين الناس ويسمع ويري ويعرف ما يجعل جرم هذا الرجل هينا وصغيرا .. وهذا الحكم غير مبرر عدلا ولا اخلاقا
|
Post: #27
Title: Re: قاضي واحد أحرج الإنقاذ وجهجهها!
Author: وليد محمد المبارك
Date: 02-15-2013, 09:49 PM
Parent: #26
فلماذا يصيبة (شرع الله ) فى نسختة الكيزانية دون غيرة من عباد الله السودانيين..
|
Post: #28
Title: Re: قاضي واحد أحرج الإنقاذ وجهجهها!
Author: ناصر احمد الامين
Date: 02-15-2013, 09:50 PM
Parent: #26
Quote: طيب خلاس الزول السرق ركاب عربية بالاكراه بقطعوا يدو
طيب البسرق ملايين الملايين جوه الخرطوم دي برقوه ليه ؟ |
|
Post: #29
Title: Re: قاضي واحد أحرج الإنقاذ وجهجهها!
Author: مرتضى احمد عبد القادر
Date: 02-15-2013, 10:35 PM
Parent: #28
أها الدكاترة قطعو بأمر قضائي ولا الدكاترة تابعين للبوليس والشغله تعليمات !! ولا العساكر نفذو الحكم والدكاتره بعداك قامو بالإسعافات !
|
Post: #30
Title: Re: قاضي واحد أحرج الإنقاذ وجهجهها!
Author: زياد جعفر عبدالله
Date: 02-15-2013, 11:02 PM
Parent: #29
| Quote: ولكن ..كيف يكون اجتهاداً مع وجود نص!! |
يا ملاسي..سيدنا عمر بني الخطاب أجتهد مع النص في سهم المؤلفة قلوبهم و تعطيل حد السرقة في عام الرمادة
...
الحصل دا جريمة تضاف لجرائم الانقاذ في الشعب السوداني برأيي
|
Post: #31
Title: Re: قاضي واحد أحرج الإنقاذ وجهجهها!
Author: Nagat Sid Ahmed Elshiekh
Date: 02-16-2013, 01:12 AM
Parent: #30
| Quote: طيب البسرق ملايين الملايين جوه الخرطوم دي برقوه ليه ؟ |
بئس القوانين ....
علي القاضي العدل في تطبيق حد من حدود الله مثل السرقة لسارقي عرق وقوت الشعب ....
دي أبشع جريمة تضاف لجرائم الانقاذ البشعة .
شكرا ملاسي .
|
Post: #32
Title: Re: قاضي واحد أحرج الإنقاذ وجهجهها!
Author: د.نجاة محمود
Date: 02-16-2013, 01:40 AM
Parent: #31
سرعان ما ننسى الضحايا الذين روع بهم وسلبوا مالهم
وننظر في رحمة للمجرم
اي زول يروع بامنيين يحاكم بالشريعة
ويقطع او يصلب حتى يعم الامن البلاد
عفارم على القاضي
|
Post: #33
Title: Re: قاضي واحد أحرج الإنقاذ وجهجهها!
Author: القلب النابض
Date: 02-16-2013, 02:01 AM
Parent: #32
والله يا دكتورة نجاة انا ماعارفة الناس دي بتدافع عن حرامي بسرق تحت تهديد السلاح ..يقطع الطريق مما يسبب في ندرة السلع والدواء للمحتاجين
بيرفع سلاح في وجه المواطن الامن ويحرمه من حقه في استخدام الطريق لحاجاته السلمية ....والسفر والعلاج والتجارة ..
بيفتكروا من حقه يستخدم بندقية ثمنها ملايين الجنيهات عشان ينهب لوري سفري مليان بضائع ومواطنين ...
الناس دي يتفكر كيف ما عارفة ..حقوق الانسان ياها دي ...البيروع الامنين ...البينهب حقهم يستحق الكلام دا ...
عشان بكرة ما يظهر زول تاني يعمل نفس العملة دي ....
الناس ما عارفة مدى المعاناة التي يتسبب فيها النهب المسلح ...يتسبب في ندرة السلع الضرورية مما يزيد من اسعارها ويتضرر اهل الولاية كلها ...
يتسبب في انعدام الادوية لرفض سائقي اللواري الذهاب الى تلك المناطق ...
يتسبب في رفع اسعار الترحيل لان اصحاب اللواري لايقبلوا المجازفة والذهاب لمناطق ربما يغدر بهم ( ناس النهب المسلح)
النهب المسلح لا يعرف ضرره الا من عاش ظروفه ...
تحياتي لك دكتورة نجاة
|
Post: #34
Title: Re: قاضي واحد أحرج الإنقاذ وجهجهها!
Author: Elmuiz Haggaz
Date: 02-16-2013, 02:55 AM
Parent: #33
Quote: الناس ما عارفة مدى المعاناة التي يتسبب فيها النهب المسلح ...يتسبب في ندرة السلع الضرورية مما يزيد من اسعارها ويتضرر اهل الولاية كلها ...
يتسبب في انعدام الادوية لرفض سائقي اللواري الذهاب الى تلك المناطق ...
يتسبب في رفع اسعار الترحيل لان اصحاب اللواري لايقبلوا المجازفة والذهاب لمناطق ربما يغدر بهم ( ناس النهب المسلح) |
بالله؟ اول مرة اعرف انه معاناة الشعب السودانى دي كلها سببها النهب المسلح!!يعنى هسا لو كنا بنقطع ايدينهم من زمان دا كله ما كان حصل علينا؟
يا أمة ضحكت من جهلها الامم دي عقوبات وحشية لا تمت للإنسانية بصلة، يستحيل استيراد عقوبات من ماض مر عليه أكثر من الف وأربعمائة عام وتطبيقها في واقع مختلف وجديد والادعاء بكل ثقة ان هذا هو الإسلام الحق.
|
Post: #35
Title: Re: قاضي واحد أحرج الإنقاذ وجهجهها!
Author: مجدى محمد عبد الله
Date: 02-16-2013, 03:15 AM
Parent: #33
سلام حسين وضيوفة
قال صلى الله عليه وسلم
" إِنَّمَا أَهْلَكَ مَنْ كَانَ قَبْلَكُمْ أَنَّهُ إِذَا سَرَقَ فِيهِمُ الشَّرِيفُ تَرَكُوهُ , وَإِذَا سَرَقَ فِيهِمُ الضَّعِيفُ قَطَعُوهُ , وَالَّذِي نَفْسِي بِيَدِهِ لَوْ كَانَتْ فَاطِمَةُ
ابْنَةُ مُحَمَّدٍ سَرَقَتْ لَقَطَعْتُ يَدَهَا "
الدغمسة شفناها باقي الهلاك ربنا يعجل بيه
دمتم
|
Post: #36
Title: Re: قاضي واحد أحرج الإنقاذ وجهجهها!
Author: حبيب نورة
Date: 02-16-2013, 03:20 AM
Parent: #30
يا ولاد ال######ة
|
Post: #38
Title: Re: قاضي واحد أحرج الإنقاذ وجهجهها!
Author: د.نجاة محمود
Date: 02-16-2013, 03:56 AM
Parent: #37
ولله يا دكتورة بقيت ادهش لسلوك الناس دي
اها رايكم شنو في حق سيد اللوري والسواق والعمال؟
يخلوهم ساي عشانناس الحكومة بختلسوا المال العام؟
منطق عجيب الكيزان ديل منكم وفيكم ما دام الناس بتقيف مع المجرم وتتناسى الام الضحية ورعبها وخوفها
في زول متخيل شعور الجماعة ديل لماالزول دا جاهم بالكلاشنكوف وقفهم؟
|
Post: #39
Title: Re: قاضي واحد أحرج الإنقاذ وجهجهها!
Author: kamal omer
Date: 02-16-2013, 06:24 AM
Parent: #38
النظام وجد قوانين تتماشى مع ما ( يراه ) منهجه و طرحه الفكري
العيب على الذين كانوا قبله في سدة الحكم ، لم يمتلكوا الشجاعة لمراجعة هذه القوانين
فعلاً القاضي دخل ( الجماعة ) في أمراً ضيق
آلاف القضايا التي تتطابق وقائعها مع التي أمامنا ، لم يجرؤ قاضي واحد للحكم فيها بهذه القوانين و إن حدث يتم التعديل في مرحلة لاحقة ، ولم يُطالب أهل النظام بتعديل هذه الأحكام
المطلوب مراجعة هذه القوانين
لا ألوم أهل ( الإنقاذ) إنما الحكومة الديموقراطية التي تلت الإنتفاضة لجبنـهـــا في عدم إعادة النظر في هذه القوانين
المضحك ، وليس المقام مقام ضحك ، أن من سن و شرع هذه القوانين بُحسب اليوم مع المعارضة
|
Post: #40
Title: Re: قاضي واحد أحرج الإنقاذ وجهجهها!
Author: عبدالمنعم الطيب حسن
Date: 02-16-2013, 07:14 AM
Parent: #39
الرجل من ضواحي كردفان اذن ....
ياله من ضعيف ، عند هذه الحكومة الموهومة ،
لو كان من ضواحي شندي ، او حتى الكرفاب ؛
لكان للحكومة كلام تاني ،
جريمة في حق الشعب ، ترتكبها هذه الانقاذ
جريمة اخرى ؛ وجديدة؛ وليست اخيرة ،
شكرا وليد ،
نعم الضعيف يسرق سفنجة وملاية ،
ويُصلب ،
والغني يسرق ، تصدق ولاية
ويترقى ،
والشعب الهُمام ( يطيل حبالهم لا لكي يطيل حياتهم ، ولكن لتكفيهم لينشنقوا )
مهما طال ليل الظلم لابد ان يعقبه صباح ؛
باهي لونه هذه المرة ...
|
Post: #41
Title: Re: قاضي واحد أحرج الإنقاذ وجهجهها!
Author: مجاهد عبدالله
Date: 02-16-2013, 09:33 AM
Parent: #40
إذا كان إقامة هذا الحد عدلاً فإن العدل لا يمكن أن يكون من دون أساس وأساس العدل هو المساواة..
هذا القاضي يجب أن يتذكر ان قنطرة المظالم هي آخر قناطر الصراط إن كان يعلم ذلك..
وكذلك فليعلم كل من يريد أن يقف بجانب هذا القاضي ان يتحسس موضع النار التي يضعها تحت قدميه
وليعلم القاضي ان الخطأ في الحكم بالبراءة خيرٌ من الخطأ في الحكم بالعقاب...
تحياتي ملاسي
|
Post: #42
Title: Re: قاضي واحد أحرج الإنقاذ وجهجهها!
Author: Hussein Mallasi
Date: 02-16-2013, 11:14 AM
Parent: #41
يتداولون اسماً لطبيب بحسبانه القائم على عملية القطع؛ بينا لم
يهتموا - أبداً - بتداول اسم شناق سجن كوبر وغيره من الشناقين!
|
Post: #43
Title: Re: قاضي واحد أحرج الإنقاذ وجهجهها!
Author: عبد الحميد حسين
Date: 02-16-2013, 11:14 AM
Parent: #41
| Quote: اي زول يروع بامنيين يحاكم بالشريعة |
الشريعة ما بناباها ..الا الفيكم اتعرفت من زمان جدا ...
والكلام هنا ليس عن ما أقترفة هذا الرجل .. ويستحق عليه العقاب بدون أعتراض من آي كان
لكن السؤال هو .لماذا جمدت أحكام القطع من خلاف بحق كل المجرمين طوال 30عام ونفذت بحق هذا المجرم فقط
اين وجه العدالة اذا كانت هناك عدالة حقيقية ..
أما القاضي فقد استحق التقريع..لانة ببساطة أختار تنفيذ الحكم بطريقة انتقائية ..واذا كان محكوم بنص القانون ( مما اختلفنا على شرعيتة)
فلا اظن انها الحالة الحدية الوحيدة التي مرت على طاولته طوال هذه السنوات ..
واذا كانت حكمه منسوب للظروف السياسية (وهذا الغالب الأعم) فهذا العفارم غير مستحقة
|
Post: #44
Title: Re: قاضي واحد أحرج الإنقاذ وجهجهها!
Author: adil amin
Date: 02-16-2013, 11:56 AM
Parent: #43
يا حسين ملاسي
يظهر الانقاذ عايزة تركب الظلط ذى نميري
الدستور الانتقالي الحالي حدد على المحكمة الدستورية العليا ان تشرف على القوانين النافذة في البلاد وفقا للمادة الاتية
Quote:
IV ـ إصدار الأحكام حول دستورية القوانين والإنماء جانباً أو شطب القوانين أو بنود القوانين التي لا تنسجم مع الدستور القومي، دستور جنوب السودان ودساتير الولايات.
|
قاونون شنو اللقاه هذا المتطفل على القضاء امامه..ده بكون لقى فتوى مرسلو ليه باس ام اس
والدستور القومي قائم على الاعلان العالمي لحقوق الانسان وليس الشريعة الاسلامية والقوانين النافذة حاليا مافيها حدود اصلا..
والقانون الحدي انتهى مع قوانين 1983 وكمان ما تنسى في قوانين سبتمبر تخريب الاقتصاد وجرائم الفساد الجسيم يتقطع من خلاف..وجل اهل الحكم فادسدين ومخربين للاقتصاد...
والاصل في القانون العدل وليس الحد
واذا كانت كما تكرمت الانقاذ من ما جاءت ما حاكمت مسؤل بهذا الحد او تخريب الاقتصاد....
يبقى الامر ينتظروا الهلاك
(((انما اهلك الذين من قبلكم كانو اذا سرق فيهم الشريف تركوه واذا سرق فيهم الضعيف اقامو عليه الحد)))
وان شاء الله ما يسلطم ابدا على احد بعده...يا مجيب يا معين...
ولكن الكيزان يستخدمون هذه القوانين من1983 لازلال السودانيين اكرر ((السودانيين))
|
Post: #45
Title: Re: قاضي واحد أحرج الإنقاذ وجهجهها!
Author: تبارك شيخ الدين جبريل
Date: 02-16-2013, 02:01 PM
Parent: #44
Quote: الشريعة ما بناباها ..الا الفيكم اتعرفت من زمان جدا ...
والكلام هنا ليس عن ما أقترفة هذا الرجل .. ويستحق عليه العقاب بدون أعتراض من آي كان |
الحكم طبعًا غير دستوري ... ويقوم على قانون غير دستوري ... السؤال إن كانت هنالك محكمة دستورية مستقلة تستطيع تجاوز التفسير الكيزاني للدستور؟
إن بطش ربك لشديد ... إنه هو يبدئ ويعيد ...
ونحن - الشعب - حقنا ما بنخليهو ... لو ما الليلة ... بكرة القريبة ...
.... المهم ....
|
Post: #46
Title: Re: قاضي واحد أحرج الإنقاذ وجهجهها!
Author: وليد محمد المبارك
Date: 02-16-2013, 04:16 PM
Parent: #45
الرئيس ذات نفسو قال البلد فيها فساد
والفساد المقصود فساد مالي
والفساد المالي يعني سرقة
وسرقة بالملائين من مسئولين
ما سمعنا بي زول قطعوا اصبعو حتى
|
Post: #49
Title: Re: قاضي واحد أحرج الإنقاذ وجهجهها!
Author: Nagat Sid Ahmed Elshiekh
Date: 02-16-2013, 05:19 PM
Parent: #46
Quote: الرئيس ذات نفسو قال البلد فيها فساد
والفساد المقصود فساد مالي
والفساد المالي يعني سرقة
وسرقة بالملائين من مسئولين
ما سمعنا بي زول قطعوا اصبعو حتى |
شكرا وليد....
والله لو حقيقة في شريعة وطبيق حد السرقة بعدل كان كل الجماعة ديل ماشين بكراع واحدة .
|
Post: #47
Title: Re: قاضي واحد أحرج الإنقاذ وجهجهها!
Author: Hussein Mallasi
Date: 02-16-2013, 05:08 PM
Parent: #44
كدأبه .. عادل أمين يشرع بأن القوانين النافذة حاليا ما فيها حدود أصلاً .. فتأمل!
|
Post: #48
Title: Re: قاضي واحد أحرج الإنقاذ وجهجهها!
Author: Hussein Mallasi
Date: 02-16-2013, 05:13 PM
Parent: #47
فعلاً مشكلة عويصة ولا يعلم فداحتها إلا من كابدها.
|
Post: #50
Title: Re: قاضي واحد أحرج الإنقاذ وجهجهها!
Author: عوض محمد احمد
Date: 02-16-2013, 06:09 PM
Parent: #30
ايام شريعة المقبور النميرى كان يشرف على احكام القطع الدكتور ك ز و قد عاش بعدها منبوذا من زملائه
|
Post: #51
Title: Re: قاضي واحد أحرج الإنقاذ وجهجهها!
Author: Hussein Mallasi
Date: 02-16-2013, 06:29 PM
Parent: #50
هو يا بروف أساساً في زول كان مالي عينو عشان ينبذوهو وللا ما ينبذوهو.
|
Post: #52
Title: Re: قاضي واحد أحرج الإنقاذ وجهجهها!
Author: أحمد أبكر
Date: 02-16-2013, 06:29 PM
Parent: #30
| Quote: شنو علاقة تفعيل الاحكام دى مع الاحتقان السياسى الحاصل ؟؟ |
والله يا دينا ختفتيها من خشمي قبل ما اصل لمداخلتك
إحتمال كبير هي تهدئة لجماعة ساهرون
وشوفوا الحكم دا تم إنتقاءو كيف؟
حد الحرابة دا مش فيهو إختيارات؟ أحدها (أن يقتلوا)
لو كان إختاروا (القتل) وتم إعدام الراجل الأغبش دا ، كانت الدعاية ما بقت قوية
لأن المات فات ،
وكمان لو البشير عايز يلتف على الحكم دا زي ما قاعد يعملها من ربع قرن من الزمان ، كان عملها
كان ممكن يأمروا القضاة المسيسين ديل ويخلوهم يحكموا عليه بالإعدام عديل ،
وبعد داك يقولوا حكم الإعدام لازم يتم التصديق عليه من رئيس الجمهورية -حسب القانون
وبعد داك البشير يخت الحكم في الدرج ويتلفت وينتظر إلى ما شاء الله له من الإنتظار
السيناريوهات كتيرة ,, لكن الشغل اللى تم دا مقصود ومبرمج
|
Post: #53
Title: Re: قاضي واحد أحرج الإنقاذ وجهجهها!
Author: أحمد أبكر
Date: 02-16-2013, 06:51 PM
Parent: #52
وبرضو كان ممكن يدوه لي مرسي يسجنو في مصر
أو يدوه للقطريين يسجنوه
ويكونوا نفذوا الخيار الثاني في الحرابة (أو ينفوا من الأرض)
يعني لو عايرين ينستروا من فضيحة الإنتقائية دي كان غطغطوها
لكن
الإنقاذ إختارت أكثر الإختيارات إثارة ً
وكل ذلك بغرض الدعاية المقصودة
|
|