سنة يااااااا الإنتباهة؟؟ (توجد صورة)..

اعتدت أن أذهب صباح كل جمعة "مبكراً" إلى بني مالك لشراء الكسرة قبل الزحمة..

وتقوم تعرج كدا على كباشي...تشيل ليك لحمة سواكني "شد بلد"..

ومرات تشيل منه "عفشة" لزوم الكمونية ..حاكم أنا من دول الكمونويلث وكدا..

تدلف بعد داك إلى الفرن المجاور...تشيل داك يا العيش البلدي السوداني المدور الساااااخن داك..

لفت إنتباهي...سوداني "مدقر" ليهو سفة معبرة جداً وشايل ليهو جريدة..كحلتها بطرف عيني كدا...

الإنتباهة الما بتغباني ديك..ياها زااااااااااااتا...

المدهش إنها تُباع في بقالة واحد مصري...

توووووووووش انقشطتا ليكم في البقالة..

ومعطتا ليكم عدد واحد "إنتباهة" زي الترتيب..

أها طبعاً وبحكم إنه الواحد عامل فيها أفندي مثقف وكدا...عندي اشتراك في المدينة والشرق الأوسط والحياة..

الليلة بالمناسبة "الشرق الأوسط" ما لقيتها..

بس جيت وضعت ليكم الإنتباهة في الرصة أدناه ، بينما انهمكت المدام في الإعداد لغداء الجمعة...

اتفضلوا...غداء وإنتباهة...





وحياكم الله..

..

.

الصورة مهداة إلى الصديق "دينق"...

مع صحن ملوخية ..

..

.

تنيه:

الدخول إلى هذا البوست والمشاركة فيه..لا تعني بالضرورة إنه الواحد/ة يعني خلااااااااص بيموت في دباديب الإنتباهة وخطها...

إنه حب البلد...وريحة البلد...وجو البلد...والله العظيم صحي..

بس عشان نكون واضحين ...

..

.

صباح الكمامينو يا ود مصطفي

مافيش حد احسن من حد

والانتباهة اتفق الناس او اختلفوا حولها لكنها مشرقة وبها رأي قوي وصريح ولايعرف المداراة

تقروها بالعافية

الأخ عبد اللطيف السيدح...

حياك الله يا أخي..

Quote: والانتباهة اتفق الناس او اختلفوا حولها لكنها مشرقة وبها رأي قوي وصريح ولايعرف المداراة

إنت شايف كدا...غيرك شايف غير كدا...

صاح ولا ما صاااااح؟؟؟

هسي يجيك واحد كدا يقول ليك: من أمِن العقاب..أساء الأدب...وخال رئاسي وشنو وشنو وشنو...

المهم أنا كنت واضح جداً في تحديد أهداف البوست من البداية..



تحياتي وشكراً لحضورك المبكر..

..

الإنتباهة: الجيش يدحر الـ....

السكري: يدحر متعة الملوخية بالكسرة...

لكن أنا كمان النصيحة لله بالغتَ عدييييييل...

لبعتها لبع شين..

..

..

.

الله بعوضك الريالات الدفعتها يا محمود ..
صحيفة صفراء اسهمت بقدر كبير في تمزيق بلادنا والى الآن تلعب في نفس الدور القذر .
لك التحية .

العزيز نيازي مصطفى...

كيفك يا أخي..

Quote: الله بعوضك الريالات الدفعتها يا محمود .. صحيفة صفراء اسهمت بقدر كبير في تمزيق بلادنا والى الآن تلعب في نفس الدور القذر .

تصدق بالله يا نيازي؟؟

المحتوى والخط والدور بتاع الإنتباهة ما كانوا حضوراً لحظة شراء الصحيفة....

والله كان ممكن أشتري أي جريدة قدامي...المهم جريدة سودانية..

الإنتباهة بريالين بس...لكن عملت جو مختلف خالص في البيت..

وتصفحتها كم مرة...الشي صغيرونة خالس خالس..

..

.

التعديل لإضافة حرف التاء لإسم الجريدة...كانت مكتوبة الإنباهة..سنة يا النخنخة؟؟

..

لماذا لم تنتبه الانتباهة أن السودان
مقطوع تللتو في اللوقو بتاعها
يامحمود

Quote: لماذا لم تنتبه الانتباهة أن السودان مقطوع تللتو في اللوقو بتاعها يامحمود

قادر الله يا موصلي..

أبشرك...من ناحية إنها انتبهت..أرقد قفا..بتكون انتبهت تب..لو ما "فرحانة" زاتو بالحركة دي..

..

.


تسلم يا فنان...

..

.