Post: #1 Title: نظرة سريعة على نظام ويندوز 8 Author: Maawya Hussein Date: 02-14-2013, 10:53 PM Parent: #0
Post: #2 Title: Re: نظرة سريعة على نظام ويندوز 8 Author: Maawya Hussein Date: 02-14-2013, 11:18 PM Parent: #1
اختلف الناس حول نظام تشغيل ميكروسوفت الجديد ويندوز 8 منهم من يري ان ميكروسفت عادت بهذا النظام الي الواجهه وامسكت بزمام انظمة التشغيل من جديد بعد واجهتها منافسه شركة من شركتي ابل وقوقل والبعض الاخر يري ان نظام ويندوز 8 نظام فاشل ولايستحق هذه الضجة الاعلاميه وبعض الناس يتريث دائما قبل الدخول الي عوالم الكترونيه مجهولة .. هنا نلقي نظرة سريعه علي هذا النظام لاكتشاف بعض مميزاته وعيوبه ان وجدت ..
Post: #3 Title: Re: نظرة سريعة على نظام ويندوز 8 Author: Maawya Hussein Date: 02-14-2013, 11:34 PM Parent: #2
بعض المميزات والخواص
اولا: ويندوز 8 مبني علي نظام ويندوز 7 بالكامل فمستخدم ويندوز 7 لن يشعر باختلاف كبير بين النظامين الهم الا في واجهة المستخدم الحديثه (بالامكان ارجاع واجهه 8 الي ويندوز 7 وxp )
ثانيا :وهو الاهم ويندوز 8 يمتاز بالثبات والامان فالنظام مدمج معه برنامج انتي فيروس قوي قادر علي حماية الجهاز بامان (windows defender )
ثالثا :واجهة المستخدم البسيطة والشاملة والتي تتيح للمستخدم الوصول السريع لاغراضه او اعماله والتنقل بينها بسهولة
رابعا :نظام البحث حيث تم تطويرة بشكل كبير وجميل
خامسا :سهولة الانتقال بين اللغات ففي ويندوز 8 يمكن للمستخدم تغيير لغه الواجهه متي ما اراد فقط بعد تنزيل ملف اللغه المجاني من الانترنت
سادسا :المتجر او سوق الادوات فاصبح من السهولة بمكان الان الحصول علي الاودات المستخدمة في انظمة او اجهزة الجوال واستخدامها في جهاز الكمبيوتر
سابعا :ويندوز 8 داعم للمس وسهل التسطيب
والكثير
Post: #4 Title: Re: نظرة سريعة على نظام ويندوز 8 Author: Maawya Hussein Date: 02-14-2013, 11:51 PM Parent: #3
بعض الصور والخصائص في ويندوز 8 1- واجهة المستخدم اوالمفضلة فمنها يمكن للمستخدم الذهاب مباشرة الي برامجه او صورة او صفحة الانترنت او الايميل الخاص ..ويمكن تغذية الواجهه والتغيير فيها علي حسب متطلبات المستخدم
Post: #5 Title: Re: نظرة سريعة على نظام ويندوز 8 Author: Maawya Hussein Date: 02-15-2013, 00:00 AM Parent: #4
2- ادوات الجهاز ..حيث يمكن الوصول اليها بتحريك الماوس في اتجاه الزاوية اليمين
1- للبحث في الجهاز 2- خاصية الشير او تبادل الملفات 3-العودة الي واجهة المستخدم 4-الاجهزة الموصلة مع الجهاز 5 -السيتينق
Post: #6 Title: Re: نظرة سريعة على نظام ويندوز 8 Author: Maawya Hussein Date: 02-15-2013, 00:03 AM
3- خاصية البحث والمعلمة بالرقم 1 في الصورة السابقه
حيث يمكن البحث عن اي برنامج او ملف او ميديا اوابلكيشن من داخل الجهاز
Post: #7 Title: Re: نظرة سريعة على نظام ويندوز 8 Author: Maawya Hussein Date: 02-15-2013, 00:08 AM Parent: #6
4- تثبيت او ارسال او ازالة البرامج من الجهاز
فمثلا استخدمت خاصية البحث للبحث عن برنامج internet explorer فعند النقر بيمين الماوس علي البرنامج تظهر خيارت ادني الشاشه لتثبيت او تشغيل او الغاء تثبيت البرنامج
Post: #8 Title: Re: نظرة سريعة على نظام ويندوز 8 Author: Maawya Hussein Date: 02-15-2013, 00:12 AM Parent: #7
5- السيتينق اقرب الي واجهة استارت في الويندوز القديم
Post: #9 Title: Re: نظرة سريعة على نظام ويندوز 8 Author: Maawya Hussein Date: 02-15-2013, 00:22 AM Parent: #8
فمن اراد ان يستخدم ويندوز 8 ولكنه يريد المحافظة علي شكل ويندوزة القديم عليه اما تعطيل قائمة الميترو من الرجستري او استخدام برنامج سهل ومميز يعيد لك الامور الي نصابها
Post: #10 Title: Re: نظرة سريعة على نظام ويندوز 8 Author: عمر التوم Date: 02-15-2013, 00:38 AM Parent: #9
Dear Maawya, thanks for your great efforts, the challenges now for I.T pros are: how to deploy the product, train the end user, and make sure it is fully compatabile with your Apps.
Post: #13 Title: Re: نظرة سريعة على نظام ويندوز 8 Author: Maawya Hussein Date: 02-15-2013, 12:22 PM Parent: #10
سلام يا عمر التوم ..مفروض ميكروسوفت علي الاقل تهدي لينا الـ surface الجديد دا علي خدماتنا دي :)
Post: #17 Title: Re: نظرة سريعة على نظام ويندوز 8 Author: elhilayla Date: 02-15-2013, 11:02 PM Parent: #13
شكراً يا باشمهندس والله تستاهل إتنين ____ الحليلة
Post: #11 Title: Re: نظرة سريعة على نظام ويندوز 8 Author: زياد جعفر عبدالله Date: 02-15-2013, 02:15 AM Parent: #3
يا معاوية... مع العالم المستهبلة دي..بنتظر واشوف (شيل التمساح) في المجربين :) هسي يطلعوا لينا فيهو كم خازوق زي اللآي فون 5 ... ناس كتار منتقدنو
Post: #12 Title: Re: نظرة سريعة على نظام ويندوز 8 Author: Ehab Eltayeb Date: 02-15-2013, 02:34 AM Parent: #11
1000 شكر يا معاوية علي المعلومات القيمة
وبالذات امكانية استخدام الويندوز القديم .. تكون تحصلت علي امكانيات الويندوز الجديد مع احتفاظ الجهاز بشكله الكلاسيكي المعهود
كل التحايا,,,,,,,,,,,
Post: #19 Title: Re: نظرة سريعة على نظام ويندوز 8 Author: Maawya Hussein Date: 02-15-2013, 11:24 PM Parent: #11
سلامات يا زياد ..مستحيل في العالم دا تلقي الناس كلها متفقه علي شيء واحد ..في ناس بتنتقد قبل ما تجرب وتشوف وفي ناس بتنتقد من اجل الانتقاد وفي ناس بتاعين تنظير ..اهم حاجه تجرب وتحكم بي نفسك ..ويندوز 8 حاليا بقي (شر - خير ) لابد منو ..ميكروسوفت نعت الاكس بي الي مثواه الاخير وطورت فيستا بي 7 ودمجت ويندوز 7 مع الويندوز 8 وقررت انها تتخلي عن شكل الويندوز القديم دون عودة ..مواكبه للتطور ورغبه في الحفاظ علي اسم ميكروسوفت في سوق الالكترونيات .. حاليا او من ديسمبر 2012 كل الاجهزة المطروحة في السوق تحمل نظام ويندوز 8 ..فشأنا ام ابينا حا نستخدم نظام ويندوز 8 ومايليه في السنين القادمة
فحاول واكب من بدري :)
Post: #14 Title: Re: نظرة سريعة على نظام ويندوز 8 Author: نيازي مصطفى Date: 02-15-2013, 05:28 PM Parent: #1
شكرا يا معاوية .. نزلته بعد البوست بتاعك الماضي ولكن طبعا لغاية الان معتمد على 7 في انتظار ان تشوف لينا الكراك :)
Post: #15 Title: Re: نظرة سريعة على نظام ويندوز 8 Author: Emad Eldeen Ali Date: 02-15-2013, 10:31 PM Parent: #14
علي المستوى العملي البحت لا يوجد ما هو اقوى استقرار من ويندوز XP ويا حبذا لو كان 64 بت علي انتي فايروس اوريجنال قمه الأداء المذهل مع الثبات تقدر إنك تواصل بيه سنين وسنين من غير اي شخشخه, من الاخر ال XP اخر الرجال الشرفاء
بالنسبه للكرور والخموم البعديه مايكروسوفت اتوجهت توجه تجاري بحت, نظام تشغيل يلبي احتياجات معظم الناس والتركيز بقى علي الميديا, يعني تتصفح نت تحضر فلم تسمع اغنيه وبس, كدي جرب خش فى الجخانين الجوه ديك, مع اول دبل كليك * إنت خاشي الجخنون الفلاني, إنت متأكد؟ قول ليه Yes * يا باشا بس ياخي إنت خاشي الجخنون ده ياخ, متأكد؟ Yes * يا زول هوووووي قلت ليك ياخ إنت داير تفتح البتاعه دي , جادي إنت؟ Yes * أحسن ليك؟؟؟
إلي الان كل البنوك والشركات الكبيره بتعتمد نظام XP وحتى البرامج الضخمه والتخصصيه, ياخي مهما حصلت فيه من مشاكل بتقدر تعالجها وبتلقى ليها حل اي نظام بعديه إلا تشلع ومن الأول عشان حضرة الناظر.
النسخه الأصليه من XP سعرها حصل 500 دولار إذا لقيت, ودي اريح حاجه نزل XP مع كل التحديثات من مايكروسوفت ودلع نفسك
تحياتي
Post: #16 Title: Re: نظرة سريعة على نظام ويندوز 8 Author: عمر التوم Date: 02-15-2013, 10:46 PM Parent: #15
Quote:
علي المستوى العملي البحت لا يوجد ما هو اقوى استقرار من ويندوز XP ويا حبذا لو كان 64 بت علي انتي فايروس اوريجنال قمه الأداء المذهل مع الثبات تقدر إنك تواصل بيه سنين وسنين من غير اي شخشخه, من الاخر ال XP اخر الرجال الشرفاء
بالنسبه للكرور والخموم البعديه مايكروسوفت اتوجهت توجه تجاري بحت, نظام تشغيل يلبي احتياجات معظم الناس والتركيز بقى علي الميديا, يعني تتصفح نت تحضر فلم تسمع اغنيه وبس, كدي جرب خش فى الجخانين الجوه ديك, مع اول دبل كليك * إنت خاشي الجخنون الفلاني, إنت متأكد؟ قول ليه Yes * يا باشا بس ياخي إنت خاشي الجخنون ده ياخ, متأكد؟ Yes * يا زول هوووووي قلت ليك ياخ إنت داير تفتح البتاعه دي , جادي إنت؟ Yes * أحسن ليك؟؟؟
إلي الان كل البنوك والشركات الكبيره بتعتمد نظام XP وحتى البرامج الضخمه والتخصصيه, ياخي مهما حصلت فيه من مشاكل بتقدر تعالجها وبتلقى ليها حل اي نظام بعديه إلا تشلع ومن الأول عشان حضرة الناظر.
النسخه الأصليه من XP سعرها حصل 500 دولار إذا لقيت, ودي اريح حاجه نزل XP مع كل التحديثات من مايكروسوفت ودلع نفسك
تحياتي
شكرا عماد... وفيت وكفيت
Post: #18 Title: Re: نظرة سريعة على نظام ويندوز 8 Author: عمر التوم Date: 02-15-2013, 11:11 PM Parent: #16
Quote: سلام يا عمر التوم ..مفروض ميكروسوفت علي الاقل تهدي لينا الـ surface الجديد دا علي خدماتنا دي :)
بس باقي لك بياكل عيش مع الروبوت والتفاحة .....الماركت بتاع مايكرسوفت عندو سوء تغذية عديل كدة ولو ما شدو حيلهم الجمهور ببيع طوالي...
Post: #23 Title: Re: نظرة سريعة على نظام ويندوز 8 Author: Maawya Hussein Date: 02-15-2013, 11:55 PM Parent: #18
بالعكس يا عمر ... كل المواقع المتخصصه بتشير الي انو السيرفس حا يضرب الايباد في السوق
في مميزات كتيرة موجودة في السيرفيس وما متوفرة في الايباد خاصه في النواحي العمليه ..فالسيرفس ممكن عادي توصلو بي التلفزيون بي الطابعه بي الكيبورد بي الفلاش والادوات البنستخدما نحن يوميا بالاضافه لي انو ممكن تنشيء داخل السيرفيس كم حساب او اكاونت زي الكمبيوتر العادي ودا خلاف انو ملحق مع النظام برنامج الاوفيس وملحقاته ..
السيرفيس اقرب للعمليه والايباد اقرب للالعاب والميديا ..الايباد اقرب ما يكون للاطفال والسيرفيس للكبار
Post: #24 Title: Re: نظرة سريعة على نظام ويندوز 8 Author: Maawya Hussein Date: 02-16-2013, 00:02 AM Parent: #23
Post: #21 Title: Re: نظرة سريعة على نظام ويندوز 8 Author: Maawya Hussein Date: 02-15-2013, 11:46 PM Parent: #15
يا عماد قارن نوعية الاجهزة الكانت شغاله بي ويندوز اكس بي ..وبي ويندوز 7 و8 وحا تعرف الفرق بين الانظمة دي ..ويندوز اكس بي كان بيشتغل بي رامات 250 ميقا و20 قيقيا هارديسك وكرت شاشه لايتعدي الـ250 وبروسيسر اسرع ما فيهو بانتيوم 3 ...حاليا الحدود الدنيا للاجهزة البجي معاها ويندوز 7 و8 ..4-8 قيقا رام 500 لي تيرا هارديسك قيقا لي 4 قيقا كرت شاشة dual core processor و quad core processor
Post: #20 Title: Re: نظرة سريعة على نظام ويندوز 8 Author: Maawya Hussein Date: 02-15-2013, 11:38 PM Parent: #14
سلامات يا الحليله وايهاب
___
كيفك يا نيازي ..لو سمعت كلامي من الزمن داك واشتريت كان افضل ..الويندوز كان معروض لفترة شهرين بي 40 دولار الان بي 200 دولار :( يعني افضل كتير تشتري ليك جهاز جديد مع ويندوز 8 بدل الابقريد
Post: #22 Title: Re: نظرة سريعة على نظام ويندوز 8 Author: rani Date: 02-15-2013, 11:55 PM Parent: #20
حصلونا بلنك تنزيل وتفعيل لل 8 كل اللنكات الموجودة في النت ضاربة
Post: #25 Title: Re: نظرة سريعة على نظام ويندوز 8 Author: الحاج حمد الحاج Date: 02-16-2013, 06:34 AM Parent: #22
شكرا يا معاوية يا مفيد..ربنا يديك العافية.
Post: #26 Title: Re: نظرة سريعة على نظام ويندوز 8 Author: صلاح عباس فقير Date: 02-16-2013, 08:52 AM Parent: #25
معاوية السلام عليكم، وخالص الشكر!
الحين بالي مشغول بهذا السؤال، وياريت لو كان الجواب عاجل: هل ممكن أثبت وندوز أكس بي + وندوز 7 يعني: هل الجهاز حيكون بطيء!
لأنو في برنامج (قالب البحوث) معمول على إكس بي!
شكراً لك!
Post: #27 Title: Re: نظرة سريعة على نظام ويندوز 8 Author: Maawya Hussein Date: 02-16-2013, 10:35 AM Parent: #26
سلامات يا عباس
ممكن جدا ...قسم الهارديسك بتاعك لي اتنين او تلاتة بارتيشن (غالبا بيكون مقسوم لي اتنين ) اعمل الاكس بي في البارتشن الجديد ..بعد تفتح الجهاز كل مرة تختار انك عاوز تشتغل بي اكس بي ولا 7 ..
او ممكن تستخدم برنامج Windows XP Mode المجاني من ميكروسوفت
Post: #28 Title: Re: نظرة سريعة على نظام ويندوز 8 Author: Maawya Hussein Date: 02-16-2013, 10:37 AM Parent: #27
يا راني لسه الويندوز 8 طازة فمافي تفعيل مضمون ..
شكرا الحاج حمد
Post: #29 Title: Re: نظرة سريعة على نظام ويندوز 8 Author: Mohammed Abuzaid Date: 02-16-2013, 10:53 AM Parent: #28
يديك العافية يا هندسة
في البداية غلبنا مع الويندوز 8 ده غلبة شديدة
دائما الواحد بيتخوف ويمل من الجديد لكنه رائع جدا
كل الود والاحترام
Post: #30 Title: Re: نظرة سريعة على نظام ويندوز 8 Author: عمر التوم Date: 02-16-2013, 02:02 PM Parent: #29
Quote: سلامات يا عباس
ممكن جدا ...قسم الهارديسك بتاعك لي اتنين او تلاتة بارتيشن (غالبا بيكون مقسوم لي اتنين ) اعمل الاكس بي في البارتشن الجديد ..بعد تفتح الجهاز كل مرة تختار انك عاوز تشتغل بي اكس بي ولا 7 ..
بس في الحالة دي لازم ...تنزل ال اكس بي في الاول وبعدين الويندوز 7 على البارتشين التاني, بس الافضل الطريقة التانية المذكورة من قبل الاخ معاوية windows xp mode او ممكن تستخدم ال VirtualBox نفس فكرة ال windows xp mode بس عندك الخيار انك تنزل نظم تشغيل مختلفة , وانا بانصح بيه للشخص العايز يجرب الويندوز 8 بدون ما يخش في معمعة الفورمات واعادة تثبيت البرامج الرابط التالي بيوضح كيفية تثبيت الويندوز 8 على الVirtualBox Windows 8 on VirtualBox والخطوات هي نفسها لكل نظم التشغيل المختلفة . تحياتي --------------------------------------------- معليش معاوية لخبطنا ليك تسلسل افكارك
Post: #31 Title: Re: نظرة سريعة على نظام ويندوز 8 Author: amir jabir Date: 02-16-2013, 05:23 PM Parent: #30
Quote: اولا: ويندوز 8 مبني علي نظام ويندوز 7 بالكامل فمستخدم ويندوز 7 لن يشعر باختلاف كبير بين النظامين الهم الا في واجهة المستخدم الحديثه (بالامكان ارجاع واجهه 8 الي ويندوز 7 وxp )
Post: #32 Title: Re: نظرة سريعة على نظام ويندوز 8 Author: Maawya Hussein Date: 02-16-2013, 07:25 PM Parent: #31
سلامات محمد ابوزيد وعامر جابر وناجي حسن ..
Quote: بس في الحالة دي لازم ...تنزل ال اكس بي في الاول وبعدين الويندوز 7 على البارتشين التاني
ليه يا عمر التوم
Post: #33 Title: Re: نظرة سريعة على نظام ويندوز 8 Author: Maawya Hussein Date: 02-16-2013, 07:48 PM Parent: #32
في الويندوز 7 و8 في اداة مدمجة مع النظام خاصة بتقسيم الهارديسك Disk Management
بعد تقسيم الهارديسك ممكن ننصب الاكس بي في البارتشن الجديد ..الاكس بي حا يفرض نفسو كدفولت في البوتينق حا نستعين بي اداة EasyBCD ممكن ننزلا من هنا
___
في الصورة اعلاة ما اضفت الاكس بي للجهاز عشان كدا ما ظهر في البوتين ..
Post: #34 Title: Re: نظرة سريعة على نظام ويندوز 8 Author: عمر التوم Date: 02-16-2013, 09:31 PM Parent: #33
Quote: ليه يا عمر التوم
الحبيب معاوية طبعا الافضل والامثل عمل بارتشن تاني وانزال نسخة الويندوز الاقدم فالاحدث , عشان ما تتأثر ال Boot Files الخاصة بالويندوز 7 لانو في اغلب الاحوال بعد تثبيت ال اكس بي واعادة تشغيل الجهاز لاول مرة ماحايقدر يشوف نظام التشغيل وتظهر ليك الرسالة التالية Error Loading Operating System في الحالة دي حاتضطر انك تعيد تشغيل الجهاز بقرص الويندوز 7 وتدخل على الكوماند برومبت وتعمل Fixmbr, Fixboot,and RebuildBcd وبعد كده تعيد تشغيل الجهاز , في المرحلة دي ويندوز 7 حايشتغل طبيعي وبعدها تبدا تشوف موضوع ال EasyBCD عشان تضييف ال اكس بي لل windows boot manager list.
,والله يامعاوية انا بكتب في الكلام ده نفسي انقطع ...مالنا - ومال عزيزنا القارئ - بالقراية ام دق دي عشان كده الاسهل هو ال WINDOWS XP MODE وبعدو ال Third Party Virtualization Applications تحياتي
Post: #35 Title: Re: نظرة سريعة على نظام ويندوز 8 Author: عمر التوم Date: 02-16-2013, 09:47 PM Parent: #34
الاخ معاوية انا شايف انك احسن تكمل النظرة السريعة على الويندوز 8 , السمات, والمميزات عشان يكون في مرجع اولي متكامل والناس ممكن بعدها تسأل وتستفسر عشان تعم الفائدة.
ده اقتراح غايتو تحياتي
Post: #36 Title: Re: نظرة سريعة على نظام ويندوز 8 Author: Maawya Hussein Date: 02-16-2013, 10:50 PM Parent: #35
سلامات يا عمر ..ان شاء الله في اليومين الجايات اجرب عملية التشغيل دي في جهاز واديك النتيجة العمليه للفايدة العامه ..
البوست مفتوح لكل الاراء والنقاشات والاستفسارات ..ومنكم نستفيد ان شاء الله
Post: #37 Title: Re: نظرة سريعة على نظام ويندوز 8 Author: Maawya Hussein Date: 02-17-2013, 10:48 AM Parent: #36
استخدام خاصية البحث في ويندوز 8
مثلا داير ابحث عن Apps للفيس بوك او يوتيوب او اسلامي في الـ Store
Post: #38 Title: Re: نظرة سريعة على نظام ويندوز 8 Author: Maawya Hussein Date: 02-17-2013, 10:53 AM Parent: #37
من الاب الجميله في الاستور +IM
بديك كل مواقع التواصل والمسنجرات في صفحة واحدة
Post: #39 Title: Re: نظرة سريعة على نظام ويندوز 8 Author: Maawya Hussein Date: 02-17-2013, 11:22 AM Parent: #38
كيفية اضافة وتغيير لغة العرض في الجهاز
من control panel نضغط علي clock language and region منها لي add language
