Post: #1
Title: عِبارات وجُمَل سودانية اندثرت...حلوقك ابو الشهيق قطع روقك؟
Author: احمد سيد احمد
Date: 02-14-2013, 02:01 PM
Parent: #0
زمان كان في عبارات ومقولات تردد كثيرا....زي :
حلوقك ابو الشهيق قطع روقك
سنه يا انا....
الكظب - بالظا زي زمان ما بالضاد - حرام والقبر قدام والكفن جديد والسرير حديد
حلاة لق لق لق
بيبسي بارد....في حالة احرجوك بقولوها ليك
قدرك ولا لحم سدرك
|
Post: #2
Title: Re: عِبارات وجُمَل سودانية اندثرت...حلوقك ابو الشهيق قطع روقك؟
Author: احمد سيد احمد
Date: 02-14-2013, 02:05 PM
Parent: #1
في الكورة بتاعة دافوري الحلة..بعد العزله وخلاس الدافوري يبدا...يجو اتنين متاخرين يقوموا يقولوا ليهم خلاص اتسامو....يلا يتماسكو من الكتوف كدا ويجوا لرئيسين العزلة...يقولوا ليهم اتسامينا...او مرات بقولو الرز الرز...يقوم رئيسين العزله يقولوا ليهم حباب التيوز...اها يقوموا يقولوا:
من الحربة الماشه يومين للسيف القاطع جبلين....
وفي عبارات تسامي كتيرة منها ما كان خادش للحياء
ويعزل كل زول الديرو
****
لمن سنك يتكسر تقوم تجدعوا للشمس وتقوليها :
يا عين الشمش هاك سن الحمار واديني سن الغزال
|
|