Post: #1 Title: هل أتاك حديث الكوكب النضّاح .. قمره تمطر خمره و حارسها الفضّاح Author: يحي قباني Date: 02-13-2013, 05:49 AM
من سيد عبدالعزيز ...
للكروان كرومة ...
فالكروان بادي محمد الطيب ...
Post: #2 Title: Re: هل أتاك حديث الكوكب النضّاح .. قمره تمطر خمره و حارسها الفضّاح Author: يحي قباني Date: 02-13-2013, 05:51 AM Parent: #1
مسّــــو نوركـــــم
Post: #3 Title: Re: هل أتاك حديث الكوكب النضّاح .. قمره تمطر خمره و حارسها الفضّاح Author: عاطف عمر Date: 02-13-2013, 06:02 AM Parent: #1
تتواصل الأجيال عاصم البنا ومجموعة أغاني وأغاني
______________
سلام يا حبيب
شوقنا إن شاء الله يعشرق لينا
إتصلت علينا ولم نكن حاضرين وعاودنا الإتصال بكم ولم تكونو حاضرين ويزيد الشوق
Post: #4 Title: Re: هل أتاك حديث الكوكب النضّاح .. قمره تمطر خمره و حارسها الفضّاح Author: عوض جاه الرسول Date: 02-13-2013, 06:07 AM Parent: #1
مسوا نوركـ حبيبنا يحي قباني مع الصباح
سيد عبدالعزيز وكرومة ثنائي نادر والكلام عجيييب خلاص
Post: #5 Title: Re: هل أتاك حديث الكوكب النضّاح .. قمره تمطر خمره و حارسها الفضّاح Author: يحي قباني Date: 02-13-2013, 06:10 AM Parent: #4
Quote: شوقنا إن شاء الله يعشرق لينا
سلامتك من العشرقه و العشريق ...
أخوك يا دفعه معشرق بي شيخي بادي
بخاف اسمعه آخر الليل ... أخاف يودر بي ...
Post: #6 Title: Re: هل أتاك حديث الكوكب النضّاح .. قمره تمطر خمره و حارسها الفضّاح Author: يحي قباني Date: 02-13-2013, 06:14 AM Parent: #5
Quote: مسوا نوركـ حبيبنا يحي قباني مع الصباح سيد عبدالعزيز وكرومة ثنائي نادر والكلام عجيييب خلاص
مساك بالخير و الجمال ياود جاه الرسول ...
والله الكلام صحي عجيب ... مكتوب ليهو 100 سنة
ولي يوم الليلة يوجع القلب ....
Post: #7 Title: Re: هل أتاك حديث الكوكب النضّاح .. قمره تمطر خمره و حارسها الفضّاح Author: داليا حافظ Date: 02-13-2013, 06:51 AM Parent: #6
صباح الخير ياقباني
الأغنية حلوة ..
لكن الجابني "مسوا نوركم " بتذكرني بأمي سكينة" حبوبتي" وأحب الناس لي ـالله يرحمها ـ كانت بتقول "مسي النور " ..وكانت مشهورة بيها شديد بأعتبار أنها ما اصبحت دارجة زي زمان وبقى الناس يقولوا "أطفي النور " وهي كانت متمكسة بيها لحد كبير رغم مشغالات أخوالي ليها ..وكنت بحبها عندها ومازالت مرتبطة في ذهني بيها ..ربنا يجيزهاويغفر ليها بقدر ما أدتنا وأثرت فينا ..
Post: #8 Title: Re: هل أتاك حديث الكوكب النضّاح .. قمره تمطر خمره و حارسها الفضّاح Author: عاطف عمر Date: 02-13-2013, 08:10 AM Parent: #7
Quote: لكن الجابني "مسوا نوركم " بتذكرني بأمي سكينة" حبوبتي" وأحب الناس لي ـالله يرحمها ـ كانت بتقول "مسي النور " ..وكانت مشهورة بيها شديد بأعتبار أنها ما اصبحت دارجة زي زمان وبقى الناس يقولوا "أطفي النور "
شكراً وسلامات داليا
أمك سكينة - رحمها الله - صاح وصاح الصاح كمان
مسو نوركم معناها أطفئوا أنواركم مسو كلمة فارسية الأصل تحمل هذا المعنى
ذكر سعادة الفريق إبراهيم أحمد عبدالكريم هذه الجزئية في معرض إستعراضه لثقافة شعراء الحقيبة وإلمامهم بلغات الشعوب حولهم
Post: #9 Title: Re: هل أتاك حديث الكوكب النضّاح .. قمره تمطر خمره و حارسها الفضّاح Author: يحي قباني Date: 02-13-2013, 01:16 PM Parent: #8
زارتنا البركة يا أحلي ناس
وزي ما قلتوا ... المعني هو كده ...
وكل الكلام يخرج بذوق و رقة ....
Post: #10 Title: Re: هل أتاك حديث الكوكب النضّاح .. قمره تمطر خمره و حارسها الفضّاح Author: يحي قباني Date: 02-13-2013, 01:16 PM Parent: #8
زارتنا البركة يا أحلي ناس
وزي ما قلتوا ... المعني هو كده ...
وكل الكلام يخرج بذوق و رقة ....
Post: #11 Title: Re: هل أتاك حديث الكوكب النضّاح .. قمره تمطر خمره و حارسها الفضّاح Author: ناذر محمد الخليفة Date: 02-13-2013, 01:41 PM Parent: #10
صارت :(محااااااااااااااااااانل "شمسُ" )..فنطق بوضوح شديد اللام في الـــ"الشمسية" وزاد عليها بحركة الضمة الظاهرة شديد خالص..
فتأملْ..
..
رحم الله الكروان بادي محمد الطيب والكروان كرومة والعملاق سيد عبدالعزيز..
...
شكراً يحيى قباني يا زول يا جميل..
.
Post: #14 Title: Re: هل أتاك حديث الكوكب النضّاح .. قمره تمطر خمره و حارسها الفضّاح Author: عبد الله فقير Date: 02-13-2013, 05:48 PM Parent: #8
Quote: مسو نوركم معناها أطفئوا أنواركم مسو كلمة فارسية الأصل تحمل هذا المعنى
ذكر سعادة الفريق إبراهيم أحمد عبدالكريم هذه الجزئية في معرض إستعراضه لثقافة شعراء الحقيبة وإلمامهم بلغات الشعوب حولهم
قبانى سلامات شكرا عاطف على المعلومة كانت محيرانى حيرة شديدة خلاص
Post: #15 Title: Re: هل أتاك حديث الكوكب النضّاح .. قمره تمطر خمره و حارسها الفضّاح Author: عاطف عمر Date: 02-13-2013, 07:27 PM Parent: #1
Quote: تواصل الأجيال جميل يا أخ عاطف عمر... لكن بادي "حاج طه" ذلك الكروان البسيط الزاهد... بفطرته أدرك وأجاد مخارج الكلمات والحروف.. ودونك قوله " لم تحيجنا محاسِنْ (سكتة لطيفة) الشمسِ.....(بكسر السين وإخفاء الـــ "الشمسية") وعندما جاء "تواصل الأجيال"... صارت :(محااااااااااااااااااانل "شمسُ" )..فنطق بوضوح شديد اللام في الـــ"الشمسية" وزاد عليها بحركة الضمة الظاهرة شديد خالص.. فتأملْ.. .. رحم الله الكروان بادي محمد الطيب والكروان كرومة والعملاق سيد عبدالعزيز.. ... شكراً يحيى قباني يا زول يا جميل..
يا سلاااااام محمود يا مصطفى محمود يا فناااان تحيات ومحبات
عمرك طويل إن شاء الله جزئية كلامك الخاصة بـ ( مخارج الكلمات والحروف.. ) دي كانت مداخلتي التالية إذ يستوقفني دائماً الحفظ السليم للنصوص الشعرية ... الحفظ السليم مخارجاً ونحواً يستوقففني ذلك عند الكروان بادي .. وعند عوض الكريم عبد الله ومبارك حسن بركات وجيلهم ممن يصح القول أن نصيبهم من التعليم النظامي لم يتعد الخلوة أو المرحلة الأولية ثم تأتي المفارقة جيل المغنيين الذين تخرجوا في أرقى الجامعات حفظ غير سليم .. تقديم وتأخير... مخارج حروف مطموسة ....لخبطة قواعد ونحو ( تضرس ) ... نصب فاعل وجر مفعول به ورفع مضاف إليه
يتكرر نفس الكلام بنفس الكيفية عند جيل المادحين القدامى ...حفظ سليم .. إلتزام بالرواية ويجئنا جيل المغنيين حين يمدحون بما ليس له أول ولا له آخر
________________
تسلم عزيزنا عبد الله فقير
Post: #16 Title: Re: هل أتاك حديث الكوكب النضّاح .. قمره تمطر خمره و حارسها الفضّاح Author: عماد شمت Date: 02-13-2013, 07:43 PM Parent: #15
نعم ايها الحبيب الجميل يحي قباني اتانا حديثك مثل نور الكواكب
كالدرر النفيس يعطر ليالينا وامسياتنا وفي غربتنا بدون اهلنا واحبابنا
واصحابنا ..
كل الزهور والعطور التي تنثرها هنا وهناك نتنسم عبيرها تنعش الروح والفؤاد
التعديل في الاسم قباني
لك مني كل الحب والود
Post: #17 Title: Re: هل أتاك حديث الكوكب النضّاح .. قمره تمطر خمره و حارسها الفضّاح Author: ناذر محمد الخليفة Date: 02-15-2013, 11:42 AM Parent: #16
يحي قباني يا برلوم ..
Quote: طيب يا ناذر
متأسفين
تاني نعمل ( سيرش ) قبال ما مرتكب خطأ فادح زي ده
سامحنا يا غالي
لمن زول يجيب ليهو رابط قريب لي موضوعك في بوستك فدا ما معناهو إنو الموضوع أتطرقوا ليهو قبل كدة .. دا بيعني انو رابط البوست كانو مرجع أو تدعيم ذو صلة بي موضوعك .. يعني أنا لمن تعبت ومشيت الارشيف وجبت ليك رابط الموضوع دا كنت داير ادعم بوستيك بي معلومات زيادة عن الأغنية دي من واقع النقاش الدار بي هناك وأهم من كدة كنت دايرك تسمع الأغنية بالعود الانا منزلا هناك ..!
هسي زاتو الحمد لله لقيت الأغنية بي هناك ما في بفعل الزمن وبي كدة ريحتني وريحت نفسك ..!! أعذرنا يا معلم ..!!
Post: #18 Title: Re: هل أتاك حديث الكوكب النضّاح .. قمره تمطر خمره و حارسها الفضّاح Author: Elmosley Date: 02-15-2013, 11:50 AM Parent: #1
بادي ملك التطريب عليه الرحمة ياااااااه
Post: #19 Title: Re: هل أتاك حديث الكوكب النضّاح .. قمره تمطر خمره و حارسها الفضّاح Author: يحي قباني Date: 02-16-2013, 00:08 AM Parent: #18
Quote: من زول يجيب ليهو رابط قريب لي موضوعك في بوستك فدا ما معناهو إنو الموضوع أتطرقوا ليهو قبل كدة ..
طيب يا ناذر ...
كتر خيرك ... ما قصرت ...
Post: #20 Title: Re: هل أتاك حديث الكوكب النضّاح .. قمره تمطر خمره و حارسها الفضّاح Author: يحي قباني Date: 02-16-2013, 00:09 AM Parent: #19
Quote: بادي ملك التطريب عليه الرحمة ياااااااه
عجيب بادي يا موسيقار ...
ما عنده شبه ...
Post: #21 Title: Re: هل أتاك حديث الكوكب النضّاح .. قمره تمطر خمره و حارسها الفضّاح Author: ناذر محمد الخليفة Date: 02-16-2013, 08:22 AM Parent: #20
يحي ..
Quote: طيب يا ناذر ...
كتر خيرك ... ما قصرت ...
لا والله مقصر معاك ..
لكن حا أديك الأغنية تسمعا عشان يزول شعوري وشعورك بالتقصير ..
قصرت معاك ؟ :
Post: #22 Title: Re: هل أتاك حديث الكوكب النضّاح .. قمره تمطر خمره و حارسها الفضّاح Author: Hamid Elsawi Date: 02-16-2013, 08:42 AM Parent: #21
شكراً قباني و الحقيبة عندها أبعاد كثيرة لو ربطناها بالظروف الاقتصادية و الواقع الاجتماعي و التركيبة النفسية في تلك الايام بوضع الاعتبار للوضع السياسي الذي كان يعيش و يعشعش في النفوس أدركت ذلك أم لم تدرك عموماً الموضوع يحتاج لتحليل عميق ف خليل فرح (عزة) لم يأتي من فراغ
Post: #23 Title: Re: هل أتاك حديث الكوكب النضّاح .. قمره تمطر خمره و حارسها الفضّاح Author: يحي قباني Date: 02-18-2013, 00:01 AM Parent: #22
Quote: شكراً قباني و الحقيبة عندها أبعاد كثيرة لو ربطناها بالظروف الاقتصادية و الواقع الاجتماعي و التركيبة النفسية في تلك الايام بوضع الاعتبار للوضع السياسي الذي كان يعيش و يعشعش في النفوس أدركت ذلك أم لم تدرك عموماً الموضوع يحتاج لتحليل عميق ف خليل فرح (عزة) لم يأتي من فراغ
مرحبتين بالصاوي ...
نعم ... فالفن مرآة الشعوب ...
و الانحطاط الفني الذي آل اليه الحال الآن ( الا من رحم ربي ) ... لم يأتي من فراغ ...
Post: #24 Title: Re: هل أتاك حديث الكوكب النضّاح .. قمره تمطر خمره و حارسها الفضّاح Author: محمد عبد الماجد الصايم Date: 02-18-2013, 06:47 AM Parent: #23
شكرا من القلب ياخ .. ولا أزيد!!
Post: #25 Title: Re: هل أتاك حديث الكوكب النضّاح .. قمره تمطر خمره و حارسها الفضّاح Author: يحي قباني Date: 02-18-2013, 10:03 PM Parent: #24
Quote: شكرا من القلب ياخ .. ولا أزيد!!
انا ذاتي ما داير اكتر من كده ...
اصلوا كلامك بقي زي ( اليورو ) ... غاااالي يا حبيبنا ...
Post: #26 Title: Re: هل أتاك حديث الكوكب النضّاح .. قمره تمطر خمره و حارسها الفضّاح Author: نادر الفضلى Date: 02-18-2013, 11:38 PM Parent: #25
Quote: بادي ملك التطريب عليه الرحمة ياااااااه
خرافى
Post: #27 Title: Re: هل أتاك حديث الكوكب النضّاح .. قمره تمطر خمره و حارسها الفضّاح Author: Hamid Elsawi Date: 02-19-2013, 00:13 AM Parent: #26
Quote: و الانحطاط الفني الذي آل اليه الحال الآن ( الا من رحم ربي ) ... لم يأتي من فراغ ...
صدقت يا قباني الفن عاوز اهتمام و رعاية من مؤسسات الدولة و حتي وقت قريب أيام نميري الدورات المدرسية انجبت نجوم في الغناء و كرة القدم و كذلك مهرجانات الثقافة كانت منافسة حتي للكبار وردي و محمد الامين ... الخ و ايضاً انجبت مصطفي سيد أحمد الذي ولد عملاقاً من البنية السكرية و بلابل الدوح أسفت جداً لما أصاب برنامج أغاني و أغاني من هجوم و لكنه هجوم خارج من مدرسة تحمل عقلية القرون الوسطي و تعيش وسطنا اليوم .... و لكن أجمل الاطفال قادمون لا محالة
لك الود
Post: #28 Title: Re: هل أتاك حديث الكوكب النضّاح .. قمره تمطر خمره و حارسها الفضّاح Author: حبيب نورة Date: 02-19-2013, 01:07 AM Parent: #27
يا سلام عليك
البوست ده كان وين من زمان ؟؟؟
Post: #29 Title: Re: هل أتاك حديث الكوكب النضّاح .. قمره تمطر خمره و حارسها الفضّاح Author: Hamid Elsawi Date: 02-19-2013, 01:14 AM Parent: #27
مسو نوركم المجاره كانت من أجمل ما يميز الفن و أقصد فن الكلمة كلما استمع لهذه الاغنية أتذكر
عمري أضحي مباح في الغرام لا أقصد غير لقاك أرتاح وسري ليك يباح في الظلام تتبسم و ليلي يبقي صباح ********** ليك محي وضاح ليك جبين بي نور ماء الجمال نضاح و الدمـــع فضاح و سر هواي البي تعلمبو دون ايضاح ********* و شكراً قباني مرة أخري علي هذا الابداع فهذا التراث جدير بان نتمعن في جماله و نهتم بتوثيقه
ـــــ
Post: #30 Title: Re: هل أتاك حديث الكوكب النضّاح .. قمره تمطر خمره و حارسها الفضّاح Author: ناذر محمد الخليفة Date: 02-19-2013, 08:03 AM Parent: #29
يحي :
Quote: انا ذاتي ما داير اكتر من كده ...
ود الصائم شكرني أناالنزلت الأغنية ما انت !!
Post: #31 Title: Re: هل أتاك حديث الكوكب النضّاح .. قمره تمطر خمره و حارسها الفضّاح Author: يحي قباني Date: 02-19-2013, 11:23 AM Parent: #30
عارف ....
ما انا شكرته بالنيابة عنك ...
Post: #32 Title: Re: هل أتاك حديث الكوكب النضّاح .. قمره تمطر خمره و حارسها الفضّاح Author: يحي قباني Date: 02-21-2013, 11:06 PM Parent: #31
لو رضاك هلاكي أنا للهلاك أرتاح
ماجنيت في هواك وماعلي جناح
يا جماعة ده كلام ؟؟؟ ... الناس دي بشر ولا جنس آخر غيرنا الكتبو جنس ده ؟؟؟
