Post: #1
Title: الاولى فى العالم:السودان ينشى مدارس لتخريج العرسان
Author: بكرى ابوبكر
Date: 02-12-2013, 04:04 PM
الخرطوم: الصحافة:andnbsp; وجه النائب الاول للرئيس علي عثمان محمد طه بإنشاء مركز لتأهيل الشباب المقبلين على الزواج وفق أسس علمية واجتماعية للحد من حالات الطلاق وبناء أسر مستقرة.andnbsp;
وبحث طه لدى لقائه بالقصر الجمهوري امس وزيرة الرعاية والضمان الاجتماعي أميرة الفاضل، الترتيب لاحصان 3 الاف من الائمة والدعاة من كل ولايات السودان في الاول من ابريل القادم برعايته.andnbsp;
واوضح المدير العام للصندوق الخيري لمساعدة الشباب على الزواج، حسب الله صالح، عقب اللقاء ان النائب الاول وجه بتعميم التجربة على كل شرائح المجتمع الاخرى، ووصف اللقاء مع طه بأنه مثمر.
|
Post: #2
Title: Re: الاولى فى العالم:السودان ينشى مدارس لتخريج العرسان
Author: الامين موسى البشاري
Date: 02-12-2013, 04:09 PM
Parent: #1
ممكن نسجل يا ريس؟
بس المرة دي تشعلق لي البوست فووووووووق وما تعمل لي زي المرة الماضية 
..
.
__
يا ريس موضوع تأهيل العرسان دا موجود هنا في السعودية كمان
وفي دورات مخصوصة للمقبلين على الزواج
بل اصبح كشف ما قبل الزواج ضرورة حتى يتم الزواج
تفادياً للأمراض الوراثية
|
Post: #3
Title: Re: الاولى فى العالم:السودان ينشى مدارس لتخريج العرسان
Author: Kostawi
Date: 02-12-2013, 04:09 PM
Parent: #1
السمستر بكم?
في دراسات معملية ولا نظري ساكت?
|
Post: #4
Title: Re: الاولى فى العالم:السودان ينشى مدارس لتخريج العرسان
Author: Hani Arabi Mohamed
Date: 02-12-2013, 04:52 PM
Parent: #3
هل سيلفّ المعلمون ويدورو حول الحقائق ، أم سيتكلمون مباشرة ؟
يعني الكلام حيكون من نوع:
إحم إحم ... لا مؤاخذة ،
ولا توش؟
=========================
الموضوع مهم فعلاً ... لكن للأسف التطبيق سيكون غالباً فاشل لأن السودان أساساً بلد فاشل
|
Post: #5
Title: Re: الاولى فى العالم:السودان ينشى مدارس لتخريج العرسان
Author: صديق الموج
Date: 02-12-2013, 04:53 PM
Parent: #3
قول عرسو ياكلو شنو؟
تاكلو السم انتو،،،
|
Post: #6
Title: Re: الاولى فى العالم:السودان ينشى مدارس لتخريج العرسان
Author: ود الباوقة
Date: 02-12-2013, 04:56 PM
Parent: #5
نسال الله ان يجعله في موازين حسناته
شكرا اخي بكري بارك الله فيك
لنقل الاخبار المفيدة
|
Post: #7
Title: Re: الاولى فى العالم:السودان ينشى مدارس لتخريج العرسان
Author: Balla Musa
Date: 02-12-2013, 05:01 PM
Parent: #6
يعلموهم/ن الرباية والسماحة وركوب الخير!
|
Post: #8
Title: Re: الاولى فى العالم:السودان ينشى مدارس لتخريج العرسان
Author: صديق مهدى على
Date: 02-12-2013, 05:04 PM
Parent: #6
طبعا الشئ دا انتبه ليهو شيخ على اخيرا و شاف لا بد من ادخال هذا فى
اسلوب الاستقطاب الاخوانى. يعنى يجمعوا الناس فى زريبة كبيرة و يقولوا
ليهم كل واحد يجب عليه ان يتحمل بقدر المستطاع والا السجن للاثنين خوفا
من تشويه سمعة الانقاذ السياسية و الاجتماعية.
|
Post: #9
Title: Re: الاولى فى العالم:السودان ينشى مدارس لتخريج العرسان
Author: Nagat Sid Ahmed Elshiekh
Date: 02-12-2013, 05:15 PM
Parent: #8
تأهيل تكبير تحليل الله أكبر ....
قول بعد التخرج من مدرسة التأهيل والتكبير منو البشيل الشيل ..
يا عثمان ياخي ما تفتحوا لينا معاهد لدرء الفساد ومعاهد أخري لتدريب الحواة جمع حاوي لكي يمط المرتب الشهري عشان ما يتم ليهو أسبوع دي المعاهد المحتاجين ليها الآن .....
|
Post: #10
Title: Re: الاولى فى العالم:السودان ينشى مدارس لتخريج العرسان
Author: جمال ود القوز
Date: 02-12-2013, 05:24 PM
Parent: #9
طيب ياريس ..
مافي كورسات للناس السكند هاند الزينا ديل ..
ولا الخبره تكفي ..
انا قلت الواحد ممكن يطور نفسه ....
كان التحق بالكورسات حقت العرسان دي.....
|
Post: #11
Title: Re: الاولى فى العالم:السودان ينشى مدارس لتخريج العرسان
Author: عبد الحفيظ فخر الدين
Date: 02-12-2013, 05:38 PM
Parent: #10
يعني التخريج بيكون زواج جماعي ..
والشهادات قسيمة
و الروبات قرمصيص ..
يأخ دا احسن تخريج ..
|
Post: #12
Title: Re: الاولى فى العالم:السودان ينشى مدارس لتخريج العرسان
Author: بكرى ابوبكر
Date: 02-12-2013, 08:37 PM
Parent: #11
|
Post: #13
Title: Re: الاولى فى العالم:السودان ينشى مدارس لتخريج العرسان
Author: ALZOLZATOO
Date: 02-12-2013, 11:07 PM
Parent: #12
ازيك ياريس
اعتقد ان كثرة حالات الطلاق هي لاسباب اقتصادية وليس لجهل احد الطرفين
الاجيال السابقة لنا كانوا اكثر استقرارا وتقديس للحياة الزوجية على الرغم من محدودية التعليم
كدي خليهم يوفروا للناس الخدمات المجانية من صحة وتعليم وخدمات وفرص وظيفية مريحة للشباب
شوف كان ما اي واحد عرس مثنى وثلاث ورباع كيتا في دينا خالد
تحياتي
زاتوووو
|
Post: #14
Title: Re: الاولى فى العالم:السودان ينشى مدارس لتخريج العرسان
Author: الزنجي
Date: 02-13-2013, 08:21 AM
Parent: #13
يا شيخ علي
ان غلبك سدها وسع قدها
بلد ماشة بالناكوسي
|
Post: #15
Title: Re: الاولى فى العالم:السودان ينشى مدارس لتخريج العرسان
Author: شمس الدين التوم
Date: 02-13-2013, 08:35 AM
Parent: #14
ياجماعة الخير شوف فيها
1/ تعلم من بعد
2/ اتحاد معلمين
3/ دراسة مفتوحة علي (وزن جامعه مفتوحة)
4/ تعليم كبار
وتحياتي يا باش مهندس
|
Post: #16
Title: Re: الاولى فى العالم:السودان ينشى مدارس لتخريج العرسان
Author: حمد عبد الغفار عمر
Date: 02-13-2013, 08:52 AM
Parent: #15
سلام يا ريس
طيب البسقط في الإمتحان النهائي
ما يعرس ول كيف؟
أنا يا دوب فهمت حكاية
يدعوكم آل فلان لتأهيل إبنهم فلان على كريمة السيد فلان
|
Post: #17
Title: Re: الاولى فى العالم:السودان ينشى مدارس لتخريج العرسان
Author: عبدالكريم أحمد الامين
Date: 02-13-2013, 09:15 AM
Parent: #16
| Quote: Moawia Abdullahدا مشروع مأكله بفن نشاذى ,,,,,,,,,,والله يعنى الناس ديل بستخفو بعقول البشر والا شنو امور الطلاسيم والاتجاهات العكسية دى تعنى شنو .. ... والله ما فضل الا يعلمنا دخول الحمام (الفساد الفساد الفساد) |
** الأخ معاويه عبدالله .
** سلام ومساءك خير..
## أها الموضوع دا لو فيهو تكوين لجان منبثقه ومنبعجه وشنو ماعارف من مُسميات اللجان ,, أنا برشح نفسى أكون مسؤول من الشئون الماليه للمشروع عشان نحصل لينا كده من المال السائب ...
## هل هنالك إى إحتمال أن يكون هنالك قوى أمين عايزين يعوضوهو فى المشروع دا عن مافاته من ربح أو خساره ؟؟؟
## وزى ماقال أغلب المُتداخلين :- وفروا الصحه والتعليم والأمن ووظائف للخريجيين وحافظو على المال العام من النهب المصلح والسرقه المُقننه بالتجنيب ,, وبعد داك كان لقيتو فى قضايا طلاق تكون دى إبتلاءات ....
(اللهم أنقذنا مِمن أتوا لإنقاذنا)
(ابو محمد فؤاد)
^
^
^
** ود أبوبكر ..
** سلام ومساءك خير..
|
Post: #18
Title: Re: الاولى فى العالم:السودان ينشى مدارس لتخريج العرسان
Author: مجاهد نايل
Date: 02-13-2013, 09:26 AM
Parent: #16
الجماعه ديل ذي ما إنتو عارفين قالو ما بفكوها إلا القيامه تقوم
و الشعب الفضل دا بى حالتو دي ما بواصل الجكه دي معاهم
النوع الماداير يعرس .. و النوع البطلق من تاني يوم ... و النوع البِلد و يعمل يع
ف بالكتير كدا لحدي ألفين و تسعين الشعب بكون خلاس ... بح
و طبعاً الإستنساخ لسه بدري علينا ليهو ..
ف فكرة الإستيولاد دي ياها الانسب للمشروع الحضاري ... و كمان فيها حسنات على قول ودالباوقه
.......
هي الجامعات بقت هلا هلا
و الله يعملو معهد للشغله دي إلا يقفلو جريدة الدار
|
Post: #19
Title: Re: الاولى فى العالم:السودان ينشى مدارس لتخريج العرسان
Author: د.نجاة محمود
Date: 02-13-2013, 10:32 AM
Parent: #18
Quote:
هذا المشروع سبقت فيه ماليزيا حيث اعدت دبلوم للتأهيل للراغبين في الزواج مدته 9 أشهر وادي ذلك الي انخفاض نسبة الطلاق من 43% الي 3% في اعتقادي ان الفكرة تستحق النظر اليها بجدية وقد قمت منذ مدة بانشاء محموعة لهذا الغرض باسم الارشاد الاسري ورابطها علي الفيس بوك هو:
http://www.facebook.com/groups/116184128485503/[/QUOTE]
كلامك صيح في ماليزيا يوجد كوس وقراية ام دق قبل الزواج ولا يتم الزواج الا بمروره
وفي كورس من المناهج الاضافية اسمو بيرنتنق قد تشرفت بتدريس مجموعتين عدددهم فاق 150 طالب وطالبة
ذا الكورس في الجامعةالاسلامية
ودي خطوة ممتازة يا مولانا اتمنى تستمر ويكون الكشف الطبي اجباري كمان
لازم نشجع كل ما هو فيه نفع للمجتمع رفض الحاجاة ساي كدا والسخرية منها بتوري بالجد نحنا شعب صعب شديد
|
Post: #20
Title: Re: الاولى فى العالم:السودان ينشى مدارس لتخريج العرسان
Author: Hatim Alhwary
Date: 02-13-2013, 12:45 PM
Parent: #19
يا راااااجل
أنا شايف احسن تستعينو باأفكار القائد الاممي الراحل القذافي
لانو في مسالة الطلاق دي اكتشف اكتشاف خطير
إكتشف انو السبب الرئيسي للطلاق هو " الزواج"
بطلوا زواج وارتاحو
لووووووول
|
|
|
