مجلة سمر...وللجيل الجديد هي عبارة عن مسلسل مدبلج يتم عرضه في مجلة بدلا عن التلفزيون وكانت بتشبه ناس ماريمار ومهند ونور...وكانت زمن العفاف ممنوعة على الاطفال
Post: #10 Title: Re: صور قديمة متنوعة..مجلات..جرايد..سلع غذائية واشياء اخرى Author: احمد سيد احمد Date: 02-12-2013, 11:43 PM Parent: #9
الكروت دي كانت في الاعياد خاصة العيد الاكبر..المغتربين كانوا برسلوها لاهلهم وفي خلفيتها بكتبوا تهاني العيد والتحيات للاهل...ولمن تهز الصورة بتظهر ضمنها صورة اخرى...مثلا واحده الحرم المكي وعند اهتزازها تظهر الحرم المدني
Post: #14 Title: Re: صور قديمة متنوعة..مجلات..جرايد..سلع غذائية واشياء اخرى Author: حمزه بابكر الكوبي Date: 02-13-2013, 01:15 AM Parent: #12
ياسلااااااااااااااااااااام عليك يا احمد سيداحمد والله ماشاءالله سحارتك مليانة واتمنى يكون عندك برضو من المجلات والجرائد جريدتي الصحافة والايام نجوم وكواكب (اول صحيفة رياضية سودانية) مجلة الاذاعة والتلفزيون والمسرح ومن المجلات المصرية مجلة اكتوبر مجلة صباح الخير مجلة الكواكب ومن المجلات اللبنانية الصياد
اضافة ممتعة والله انت يا ابوالسيد للموقع ده
Post: #15 Title: Re: صور قديمة متنوعة..مجلات..جرايد..سلع غذائية واشياء اخرى Author: مصطفى توفيق Date: 02-13-2013, 09:15 AM Parent: #14
ياخى انت مخدر بالزمن القديم بتجيب الحاجات دى من وين ؟
Post: #16 Title: Re: صور قديمة متنوعة..مجلات..جرايد..سلع غذائية واشياء اخرى Author: عبدالله ود البوش Date: 02-13-2013, 09:35 AM Parent: #15
يا سلام عليك يا أحمد متعة ودهشة الله اديك العافية .
Post: #17 Title: Re: صور قديمة متنوعة..مجلات..جرايد..سلع غذائية واشياء اخرى Author: احمد سيد احمد Date: 02-13-2013, 09:54 AM Parent: #16
السلام عليكم جميعا
Quote:
ياسلااااااااااااااااااااام عليك يا احمد سيداحمد والله ماشاءالله سحارتك مليانة واتمنى يكون عندك برضو من المجلات والجرائد جريدتي الصحافة والايام نجوم وكواكب (اول صحيفة رياضية سودانية) مجلة الاذاعة والتلفزيون والمسرح ومن المجلات المصرية مجلة اكتوبر مجلة صباح الخير مجلة الكواكب ومن المجلات اللبنانية الصياد
اضافة ممتعة والله انت يا ابوالسيد للموقع ده
اخ حمزة الحاجات دي انا حفزني ليها قروب عظيم في الفيسبوك اسمو صور السودان القديمة..زفيهو ناس مثقفين شديد وناس عندهم معلومات غزيرة حول السودان وكل شي فيهو واجمل حاجة انو اغلب اولاد مشاهير البلد مشتركين في القروب دا وكل زول بنزل البووم والده او جده الذى كان علما من اعلام البلاد ولو اتكتبت معلومة غلط مثلا مرة في صورة للشاعر المرحوم النور عثمان ابكر ..احد الاعضاء ذكر معلومة عن ميلاده خاطئة طوالي بنت الشاعر اسمها ايزيس دخلت صححت المعلومة وهكذا ابن الكابلي وابن عمر محمد الطيب دكتور ماجد ياسلام زول مهذب وبنزل صور ومعلومات قيمة جدا والاخت سهام عباس وهي الادمن بتاع القروب وسبحان الله زوله موسوعية المعرفة وعندها معلومات ضخمة عن شخصيات سودانية اثرت الحياة العامة..فانا بحب الحاجات القديمة وربنا حباني بذاكرة شويه كويسه يمكن ومن عرفت القروب دا بقيت حريص على اني القى اي صورة قديمة انزلها فيهو طوالي فبقيت متحفز للصور القديمة وفي بيتنا عندنا مقتنيات قديمة كتيرة فالوالدين الله يديهم العافية حريصين شديد وبلمو كل شي...فانت حاجاتك القلتها دي اغلبها موجودة في قروب صور السودان القديمة فانت اشترك فيهو وخش قسم الصور واستمتع بتلقى كل شي مرتبط بالسودان هناك...والاجمل انو الحديث حول اي صورة بجيب استطرادات جميلة جدا وحكاوي وقصص قمة المتعة... وبس شوف دا نموذج واحد...زجاجة لبن كافوري...شوف اثارت ذكريات كيف وجابت معلومات قيمة جدا من الاخ مصطفى النميري...تجد الصورة والتعليقات هنا http://www.facebook.com/photo.php?fbid=101520...66738andtype=1andtheater
الاخ مصطفى توفيق الله يخدر ايامك والله انا بس بلقط من هنا وهنا حاجات بسيطه
ود البوش شكرا للكرتلة هههههههههه والله يديك العافية
Post: #18 Title: Re: صور قديمة متنوعة..مجلات..جرايد..سلع غذائية واشياء اخرى Author: Mohammed Badawi Date: 02-13-2013, 10:01 AM Parent: #16
شكرا جزيلا يا أحمد على هذا الأمتاع .............
توقعت أن أرى زهرة الأغانى لاى من المطربين السودانين ...................
Post: #19 Title: Re: صور قديمة متنوعة..مجلات..جرايد..سلع غذائية واشياء اخرى Author: احمد سيد احمد Date: 02-13-2013, 10:14 AM Parent: #18
مجموعة متنوعة
المصحف دا برضو لقيتو في بيت اخوي
الكبريت دا من قروب سعودي
دا قبل شهرين اتذكرت اني بعرف انسج كنت فقمت نسجتو ونزلت الصورة في صور السودان القديمة
الطرد دا لقيتو ضمن مقتنيات الوالد وفيهو اوراق مهمة
دي من قروب سعودي بتاع حاجات قديمة لفت انتباهي انو نفس شكل الدكاكين الكانت عندنا زمان...لاحظ للبليه الكبيرة بتاعة الببسي
الشنطة برضو من قروب سعودي متخصص في بيع المقتنيات القديمة
دي نزلها الاخ Muttaz Abdul Magidold في صور السودان القديمة وكتب عنها ما يلي: من إرشيف مجلة الفيصل العدد رقم 45 فبراير 19981م في باب (مدينة وتاريخ) كان بعنوان (أم درمان مدينة العلماء) بقلم : د. عباس محجوب
Post: #20 Title: Re: صور قديمة متنوعة..مجلات..جرايد..سلع غذائية واشياء اخرى Author: احمد سيد احمد Date: 02-13-2013, 10:55 AM Parent: #19
سلامات اخونا محمد البدوي زهرة الاغاني موجودة ضمن صور السودان القديمة ممكن نجيبها هنا ....خليك قريب
الصورة دي من قمنا في وش الدنيا لقيناها في البيت
الترامس دي من قروب سعودي
دا كتاب للدكتور التجاني عبد القادر سنة 79 لمن كان في اتحاد طلاب جامعة الخرطوم
Post: #21 Title: Re: صور قديمة متنوعة..مجلات..جرايد..سلع غذائية واشياء اخرى Author: ناصر احمد الامين Date: 02-13-2013, 10:56 AM Parent: #19
بوست جميل جدا يا اخ احمد سيد احمد
Post: #22 Title: Re: صور قديمة متنوعة..مجلات..جرايد..سلع غذائية واشياء اخرى Author: احمد سيد احمد Date: 02-13-2013, 11:37 AM Parent: #21
سلامات اخونا ناصر....والف شكرا على الاضافات المميزة ويدك معانا بالقديم
الالعاب دي قبل ظهور الاتاري 2600 ذو العصايات والاشرطة...كانت منتشرة عند اولاد المغتربين
ودا الاتاري سيد الاسم باشرطتو
Post: #23 Title: Re: صور قديمة متنوعة..مجلات..جرايد..سلع غذائية واشياء اخرى Author: احمد سيد احمد Date: 02-13-2013, 11:41 AM Parent: #22
لوحة الطفل الباكي ....كانت موجدة في كتير من البيوت السودانية
Post: #24 Title: Re: صور قديمة متنوعة..مجلات..جرايد..سلع غذائية واشياء اخرى Author: فتحي الصديق Date: 02-13-2013, 11:55 AM Parent: #23
متابعة يا أحمد ..لكل هذا الجمال الذي جلبته هنا وفي بوستاتك التانية .. شكرا ليك كتييير ياخ .
Post: #25 Title: Re: صور قديمة متنوعة..مجلات..جرايد..سلع غذائية واشياء اخرى Author: Mutaz Suliman Date: 02-13-2013, 12:26 PM Parent: #23
اخي مدثر صديق والله كان عندنا منها كمية كبيرة في التمنيات ماجد دي...وميكي وسمير وميكي جيب وتهم شي الاعلام الكانت بتجي مع لبان سندباد ديك الفيها معلومات كتيرة عن الدول وحاجات عتيقة كتيرة لكن كلها راحت
Post: #29 Title: Re: صور قديمة متنوعة..مجلات..جرايد..سلع غذائية واشياء اخرى Author: Mohammed Badawi Date: 02-13-2013, 02:41 PM Parent: #28
سلامات اخونا محمد البدوي زهرة الاغاني موجودة ضمن صور السودان القديمة ممكن نجيبها هنا ....خليك قريب
أحمد .........فى أنتظار زهرة الاغانى و أتمنى أن تكون للراحل زيدان ابراهيم
فى انتظار مزيد من الامتاع
أقتراح أن يعدل أسم البوست الى ((ركن السودان))
مودتى
محمد
Post: #35 Title: Re: صور قديمة متنوعة..مجلات..جرايد..سلع غذائية واشياء اخرى Author: نافع الكوماوي Date: 02-13-2013, 09:50 PM Parent: #29
ياخي إنت راجل فنان والله الحاجات القديمة دايما بتحسسك بإنو الماضي أحلى وليس القادم كما يقولون
Post: #43 Title: Re: صور قديمة متنوعة..مجلات..جرايد..سلع غذائية واشياء اخرى Author: ابراهيم حموده Date: 02-14-2013, 03:45 PM Parent: #35
أحمد سيد أحمد تحياتي بوست يثير الكثير من الاحاسيس، أول صورة للعلبة الطويلة دي علبة خميرة بيرة أو خميرة جافة كما يقولون وتستخدم في الكثير من الاغراض منها صناعة رغيف الخبز. بعد داك اكياس المخدات المكتوب عليها صباح الخير ونوم العافية متذكر انو في لونين بس منها الوردي والاخضر الفاتح، باقي الحاجات كاميرا البولارويد الفورية يخيل لي النماذج الاولى لانو شكلها كبير وما كومباكت. المسجل اظنو ماركة ناشيونال باناسونيك. ايصال الطبيب بوريك الناس كانوا منظمين كيفن وعندهم بروتوكول في العيادة لتنظيم الدخول ومتابعة حالات المرضى. والله ايام يا زمان بعدين بالمناسبة انا عجوز للدرجة دي
Post: #54 Title: Re: صور قديمة متنوعة..مجلات..جرايد..سلع غذائية واشياء اخرى Author: محمد امين مبروك Date: 02-20-2013, 11:07 PM Parent: #35
Post: #56 Title: Re: صور قديمة متنوعة..مجلات..جرايد..سلع غذائية واشياء اخرى Author: أبوبكر محمد عثمان Date: 02-21-2013, 01:18 AM Parent: #35
ابريق الحديد دا حسي ما اظن موجود
دا البلي استيشن حقنا اهم حاجه فيهو صور الحج من طواف وسعي ومقام سيدنا ابراهيم يعني ثقافه دينيه بطريقه غير مباشره
Post: #30 Title: Re: صور قديمة متنوعة..مجلات..جرايد..سلع غذائية واشياء اخرى Author: طاهر قرشي Date: 02-13-2013, 02:50 PM Parent: #28
شكراً يا أبوحميد على البوست الجميل دا و أحب أشاركك بالفيديو دا ذكريات المتوسطة في التمانينات للعجايز الزيَّنا ديل وأتحداك لو شفتا الزول دا قبل الليلة أيام لها دَرَبُكَّة عدييييل
Post: #31 Title: Re: صور قديمة متنوعة..مجلات..جرايد..سلع غذائية واشياء اخرى Author: احمد حمودى Date: 02-13-2013, 03:46 PM Parent: #30
مشكووور يا ابو احميد مناظر وصور جميلة من زمن داك الزمن الجميل السمح
واصل فى انزال الصور الجميلة ويديك العافية
Post: #32 Title: Re: صور قديمة متنوعة..مجلات..جرايد..سلع غذائية واشياء اخرى Author: حمزه بابكر الكوبي Date: 02-13-2013, 07:01 PM
دي على ما اعتقد يا ابوالسيد كانت علبة خميرة جافة في شكل حبيبات
Post: #33 Title: Re: صور قديمة متنوعة..مجلات..جرايد..سلع غذائية واشياء اخرى Author: احمد سيد احمد Date: 02-13-2013, 08:37 PM Parent: #32
سلامات يا حاتم والله يخليك وان شاء الله نواصل بس خليك قريب
صح يا اخونا حمزة دي خميرة وكانت عبوة كبيرة ما بستخدموها كاملة الا ناس الافران...ممكن تمشي بتاع الدكان يديك منها بمبلغ معين حسب حوجتك....وعلبتها دي كانت بتستخدم ككوز في ازيار السبيل
Post: #34 Title: Re: صور قديمة متنوعة..مجلات..جرايد..سلع غذائية واشياء اخرى Author: أسامة البلال Date: 02-13-2013, 09:42 PM Parent: #33
سلام أحمد
ياخ من زمان بفتش علي استطلاع مجلة العربي المصور عن مدينة عطبرة
ياريت لو عندك المجلة او في أي طريقة تنزل لينا باقي الصور والاستطلاع
خاصة في صور من مدرسة عطبرة الثنوية القديمة
Post: #37 Title: Re: صور قديمة متنوعة..مجلات..جرايد..سلع غذائية واشياء اخرى Author: احمد سيد احمد Date: 02-13-2013, 09:54 PM Parent: #34
Quote: سلام أحمد
ياخ من زمان بفتش علي استطلاع مجلة العربي المصور عن مدينة عطبرة
ياريت لو عندك المجلة او في أي طريقة تنزل لينا باقي الصور والاستطلاع
خاصة في صور من مدرسة عطبرة الثنوية القديمة
عليكم السلام اخونا اسامة ايوه المجلة عندي وفعلا كان في التقرير المصور كم صورة لمدرسة عطبرة الثانوية والنزلتها فوق دي الصفحة الاولى....انا منزلهم في قروب صور السودان القديمة وبفتش فيهم من امس لكن اكيد بلقاهم ليك ان شاء الله بس اديني زمن
Post: #36 Title: Re: صور قديمة متنوعة..مجلات..جرايد..سلع غذائية واشياء اخرى Author: احمد سيد احمد Date: 02-13-2013, 09:50 PM Parent: #30
سلامات محمد بدوي....ان شاء الله تكون حقت زيدان...لكن ما متاكد والله منها....انا شفتها بهناك بس مامتذكر الفنان منو
اخونا طاهر ياخ والله قمة الابداع اغنية جزيرة الكنز بتذكر بالايام الخوالي وكانت دايما ادارة التلفزيون بتوزن بثها مع اقتراب امتحانات الشهادة المتوسطة...زمن جميل بالجد...مسلسلات الاطفال بتاعة زمان مليانه في اليوتيوب ان شاء الله نخصص ليها بوست براها وخليك جاهز
واليكم بعض الصور المتنوعة
ياريت لو كانت مجلة المصارعة...كنت عندي كمية والله في التمنينات لمجلات المصارعة زمن ناس هولك هوغان ونكيتا كولوف وبوب اورتون وداستي رودز وعبدالله الجزار وكمالا واندريه العملاق وجيمي سنوكا...بس في سوق امدرمان لقيت دي فق
Post: #38 Title: Re: صور قديمة متنوعة..مجلات..جرايد..سلع غذائية واشياء اخرى Author: احمد سيد احمد Date: 02-13-2013, 10:45 PM Parent: #36
Post: #41 Title: Re: صور قديمة متنوعة..مجلات..جرايد..سلع غذائية واشياء اخرى Author: محمد امين مبروك Date: 02-14-2013, 03:24 PM Parent: #40
الاستاذ احمد سيد احمد ... جميل هو السودان القديم .. لو غضضت النظر عن (الحقل السياسي) فكل الحقول الأخــري كانت يانعة وناضرة .. ومع ذلك ... ومع ذلك !!! شكرا ابوحميد ع هذا الشجن الدفاق الذي ادخلتنا في اضابيره ... (محمدالأمين-الجديدة جنوب)
Post: #42 Title: Re: صور قديمة متنوعة..مجلات..جرايد..سلع غذائية واشياء اخرى Author: ابراهيم حموده Date: 02-14-2013, 03:31 PM Parent: #1
دي عبوة كبيرة لخميرة البيرة البعملوا بيها الرغيف.
Post: #44 Title: Re: صور قديمة متنوعة..مجلات..جرايد..سلع غذائية واشياء اخرى Author: عصام علي أحمد Date: 02-14-2013, 04:30 PM Parent: #42
الطراده
شكرا لصاحب البوست
Post: #45 Title: Re: صور قديمة متنوعة..مجلات..جرايد..سلع غذائية واشياء اخرى Author: أسامة البلال Date: 02-14-2013, 05:58 PM Parent: #44
شكرا أحمد سيد احمد علي جلب إستطلاع مجلة العربي عن مدينة عطبرة إن شاء الله سأعود بمهلة للتعليق عليه
Post: #46 Title: Re: صور قديمة متنوعة..مجلات..جرايد..سلع غذائية واشياء اخرى Author: Ahmed al Qurashi Date: 02-14-2013, 06:26 PM Parent: #45
شكرا عزيزي أحمد على هذا البوست الرائع
استمتعت كثيرا بمحتواه وصوره
التي شكلت جزء من وجداننا وتاريخنا
دائما اتابع بوستاتك الجميلة
لك كل الود
Post: #47 Title: Re: صور قديمة متنوعة..مجلات..جرايد..سلع غذائية واشياء اخرى Author: احمد سيد احمد Date: 02-14-2013, 07:47 PM Parent: #46
السلام عليكم جميعا وشكرا ليكم كتير على الحضور والمتابعة والاضافة والاثراء
اظرف تعيق حول صور الـ "توتوكورة" في قروب صور السودان القديمة كان كمايلي:
Shibeka Abdin Mohamed Osman @ من قصص توتو كورة واحد زهج من عدم الفوز قام بالزهج لصق التذكرة فى باب الشارع بتاعهم وكان قنعان ولما ظهرت النتايج لقا نفسو فايز بالحداشر مبارة وحاول يقلع التذكرة بدت تتشرط قام قلع الباب ورفعو فى كارو وطيران على مكتب توتو كورة !
Post: #51 Title: Re: صور قديمة متنوعة..مجلات..جرايد..سلع غذائية واشياء اخرى Author: احمد سيد احمد Date: 02-16-2013, 02:08 AM Parent: #50
نواصل ببعض ما تبقى من صور قديمة
ترامس شاي من الزمن الجميل
اشرطة الشيخ كشك -رحمه الله - زمن منصفون
نجوم فريق هارلم بتاع السلة
كاس العالم 1986 المكسيك من مجلة آخر ساعة
الصور ادناه من مجلة رياضية خليجية - اسمها النادي الرياضي - على ما اظن
حمامة لاعب المريخ السابق
الراحل مامون صابون عليه الرحمة
لاعب الهلال عادل العوني
Post: #52 Title: Re: صور قديمة متنوعة..مجلات..جرايد..سلع غذائية واشياء اخرى Author: عادل عبد الرحمن حسن Date: 02-16-2013, 06:10 AM Parent: #51
والله انت ملئ بالجمال ... هل تصدق كنا في الفاشر في ذلك الزمان ..من الساعة 3 بتكون واقفين في الصف بتاع المكتبة ... مجلة ماجد .الصبيان المغامرون الخمسة مجلة الصقر . سمر ميكي ماوس ..الصحافة لأيام .. وكل الأشياء التي ذكرتها وذكروها الإخوان والله بتجي وفي مواعيدها .. وكل الأقاليم ...القطارات وسودانير وكل أنواع المواصلات كانت بتصل في مواعيدها .. آه يا سودان ..اه يا بلد...ياخ لك الود ....
Post: #53 Title: Re: صور قديمة متنوعة..مجلات..جرايد..سلع غذائية واشياء اخرى Author: عوض أبو عيش Date: 02-16-2013, 08:35 PM Parent: #52
شكراً أخي احمد سيد احمد ..
لكن يا حبذا .. الفيديو.. والله الأطفال ديل أنا مشتاق ليهن شديد..
للأسف اليوتيوب فتشت فيهو كتير وما لقيت..
Post: #55 Title: Re: صور قديمة متنوعة..مجلات..جرايد..سلع غذائية واشياء اخرى Author: محمد امين مبروك Date: 02-20-2013, 11:24 PM Parent: #53
يا لمحاسن الصدف .. وجدت الصورة ثم تذكرت ايامنا الجميلة في السودان القديم ايام كنا ضمن مراسلي صباح (انظر الاول من اليمين -الصف الرابع) شكرا احمد لأن الصورة هذه اعادت ذكريات ايام خضــراء مراسلي صباح ترى اين بقية الزملاء في الزحـــام الان .... وبس .. ضاعت احلام الطفولــة