أمريكا الشمالية دي بلد العجايب والغرايب. والله صحي.
بعض الوظائف عند العلوج ديل تحيرك !!!. يعني ممكن تلقالك واحدة سايقا ليها كورجة بتاعت كلاب، وتتنزه في حديقة. تحتار، تقول المرا دي الكلاب ديل قاعدة تحلِبِن ؟؟؟، وتزداد حيرة عندما تعلم إنوا الكلاب ديل حقات علوج تانيين بس هي عاملة ليهِن بيبي سيتِيق علي بال إسيادهن يرجعوا من العمل !!!.
يعني دي وظيفتا البتاكل منها عيش. عايشة علي ضهر الكلاب. والله صحي...
Post: #2 Title: Re: تشيلن وتِتجلبطن سااااكت يا النسوان، وماكن خابرات شِئ. عووووع... Author: معاوية المدير Date: 02-12-2013, 00:28 AM
مرّة واحدة من بنات اللصفر ديل شلتها مشوار. وقفتني جنب محل وقالت لي، بس دقيقة. بعد شويّة جات شايلا ليها سِميكة سغيرووونة وجميلة في كيس. قلت ليها إشتريتيها بكم ؟. قالت لي، ما إشتريتا، دي سمكتي كنت في إجازة، لمدة إسبوع وجبتها المحل دا يعملوا ليها بيبي سِتينق علي بال ما أرجع. قلت ليها بتدفعي عليها كم في اليوم ؟ قالت لي سبعة دولارات.
قلت مقدرة يا قول حبوبتي.
أها في المداخلة الجاية دي تعالوا شوفوا الأعجب من دا كلو !!! ! ! !
حكى لي أحدهم أنه إشتغل أغرب وظيفة وهي قباض صارقيل. قباض صارقيل يعني طلعت وظيفة !!! الصارقيل الواااااحد دا. يعني الراجل كان بياكل عيش علي ضهر الصارقيل، كان الصارقيل عندو ضهر.
يا بكري أرفع لينا البوست دا فوق. أوّل مرّة أطلب مِنّك حاجة
قلت ليهو الصارقيل دا بتقبضوهو ليه ؟؟؟ قال لي صاحب المزرعة بيبيعو ! يبيعو ؟؟؟!!! قال لي إنت قايلوا هيّن ؟ علبة الصارقيل الواحدة بأربعين دولار. قلت ليهو، يعني أغلى من علبة الماكنتوش !!؟
قلت ليهو، طيّب الصارقيل دا بيقبضو بيهو السمك، زي عندنا في البلد ؟ قال لي، لا. قلت ليهو طيّب بيعملو بيهو شنو ؟؟؟ قال لي بيعملو بيهو................
أها يا عبد العظيم أخوي، الصارقيل العِفينان دا بيشتروا بالمال اللحمر دا يسوبوا شنو ؟ قال لي أسكت ساكت الخواجات ديل عندهم المِحن والهوايل. قتلو في ضُمّتك بيسوبوا شنو؟؟؟
قال لي بيعملوبوا مستحضرات التجميل بتاعت النسوان !!!
يا سامي أخونا سجيمان الله يطرا بالخير ما قصّر مع الحيوي، وكمان عمران قال ليك كلو صارقيل، والفرق بين ذآك وهذا أنّ الذي نتحدث عنه يُرى بالعين المجردة بينما الأخر لا يُري بالعين المجردة.
فى عالم هنا تأكل شيـة دود وتمسـح خشمها وتحمد ربهـا.. ويأكلوا بعض أجزاء الحميــر والحصين - مرات يشووها ومرات يحمروهـا.. وفى وجبات لو زكرناها ليك تانى كلما شفت كلمة سودانيز فى اى حتة حتقول اووع.. عشان كدا نعفيكم منهـا.
Quote: قالت لي، ما إشتريتا، دي سمكتي كنت في إجازة، لمدة إسبوع وجبتها المحل دا يعملوا ليها بيبي سِتينق علي بال ما أرجع. قلت ليها بتدفعي عليها كم في اليوم ؟ قالت لي سبعة دولارات.
دي ألذ واحدة يا معاويه!
شكرا ليك على البوست المرح ده
Post: #24 Title: Re: تشيلن وتِتجلبطن سااااكت يا النسوان، وماكن خابرات شِئ. عووووع... Author: عبد المنعم سيد احمد Date: 02-12-2013, 03:38 PM Parent: #23
لكن رانية السودانية شغلها نضيف لا صارقيل بعد اليوم كيفنك ود المدير
Post: #25 Title: Re: تشيلن وتِتجلبطن سااااكت يا النسوان، وماكن خابرات شِئ. عووووع... Author: عبد المنعم سيد احمد Date: 02-12-2013, 03:40 PM Parent: #24
فى عالم هنا تأكل شيـة دود وتمسـح خشمها وتحمد ربهـا.. ويأكلوا بعض أجزاء الحميــر والحصين - مرات يشووها ومرات يحمروهـا.. وفى وجبات لو زكرناها ليك تانى كلما شفت كلمة سودانيز فى اى حتة حتقول اووع.. عشان كدا نعفيكم منهـا.
disgusting
سلآمات يا ابو الريش.
سأل رجل اعرابي، ماذا تأكلون في البادية ؟ قال، نأكل كل شئ إلا أُم حبينٍ. قال الرجل، فلتهنأ لأُم حبينٍ العافية.
دحين يا ابو الريش أخوي الصينيين ديل أُم حبينٍ زاتا كان لموا فيها بيضربوها، وشوفُن حايكنسوا تلفزيون السودان كيف!!!. غايتو أنا قايل أخير تضايروا إرشيف التلفزيون...