Post: #1 Title: نداء عاجل : إنقذوا أطفال السرطان في السودان ... Author: وضاحة Date: 02-11-2013, 12:39 PM Parent: #0
أطفالنا فى السودان الأمل الحزين الذى يأمل فيكم الخير يا أهل المروة والخير .. أطفالنا فلذات أكبادن االذين أبتلاهم الحكيم القدير بداء السرطان ... يعيشون مأسأة حقيقية بكل أبعادها في السودان ..فهم يا أحبتي يموتون من الاهمال وعدم الرعاية ... هذه الحقيقة تأكدت منها يقيناً عندما بكى محدثي من موقع الحدث على الهاتف وهو يحاول أن يوصف لي الوضع المزري الذي تعيشه هذه الفئة الغالية على قلوبنا جميعاً ... هل أحكي لكم عن البيئة الغير صحية التي إضظرتهم ظروفهم القاسية أن يعيشوا فيها .. أو سوء الرعاية الصحية .. أو عدم توفر حتى الأدوية الأولية التي يعتمد عليها في العلاج .. أو عن معاناة أسرهم في توفير أبسط ظروف الحياة العادية ...
حان وقت العمل أحبتي .. ولا وقت للكلام .. تبرع أخي الكريم وخاصة الأخوة المقيمين في السعودية وبقية دول الخليج وفي كافة اصقاع الدنيا ... بأي شيء ... حتى بأقل القليل .. لا تستصغر أي مبلغ .. وكما يقول المثل السوداني (إيد على إيد تجدع بعيد). قد تجاوز عدد منسوبي هذا البورد العشرة آلاف حسب علمي .. وزواره بالآلاف يومياً ... ولهم أمثلة باهرة في مواقف كثيرة ... فلو تبرع منا بأقل ما يستطيع لساعدناهم .. وهم في أمس الحاجة لمد يد العون والمساعدة .. أطفال صغار ، وابتلاهم المولى بهذا الداء العضال يعانون وأسرهم الأمرّين ويرفعون الأكف الضارعة لرب السماء في أن يكون في عونهم ، ويسخر لهم أصحاب القلوب الرحيمه من أبناء وطني الميامين ليقدموا لهم شيئاً .. فهلا فعلنا الآن ؟ ... فالوضع لا يحتمل التأخير فكل يوم يسقط عدد من هؤلاء الأبرياء ويمكننا بلا شك أن نفعل ما بوسعنا لإنقاذهم ... وكماقال المصطفي صلى الله عليه وسلم (ما نقص مال من صدقة ، بل تزده ..بل تزده) ..
الموضوع بتاع الاجار خلاص انا حليتوا مع الشباب البساعدونى فى السودان وأن شاء الله كل شهر حا التزم بدفع الاجار المشكلة فى الاحتياجات الاخرة الناس دى محتاجة أكل وشراب وادوية غير متوفرة فى السودان حاليا ومحتاجين أغراض كثيرة لزم الاستراحة دى تظل مفتوحة لانها بتستقبل كل الاطفال القادمين من كل أقاليم السودان أرجوك انتى والاخ العوض أن تقوموا بالزيارة لهم وأن تعيننونى على هذا وارسلوا لى الادوية المطلوبة باذن الرحمن احاول توفيرها وايدينا كلنا مع بعض من أجلهم
سلام يا أخت رانيه ... . . لقد تبرعت بايجار شهر كحل سريع ..انتظرتك لأني عارفة هميمة في هذه المواضيع وعندما لم تظهري قلت يمكن تكوني مشغولة ...كلفت واحد في الخرطوم منذ يوم الخميس الماضي فالتزم بادخال المبلغ في حساب المنظمة يوم الأحد ......اتصلت عليه اليوم وللأسف لم يذهب .....التزم بالذهاب غدا الثلاثاء للبنك ................................
ياأخونا ناس السودان ديل لسع أمشي وتعال بكرة ! .. يوم بكرة ....!!! يومهم بيكون ضائع ساكت !!!!!!!!!!!!!!!
Quote: الاخت الكريمة الدكتورة اولا ربنا يجعل هذا العمل فى ميزان الحسنات واهم عمل هو كان دفع الايجار لكى تستمر الاستراحة وجزاكى الله كل خير
ونحنوا فى انتظار التقرير من الاخت رانية الشيخ بعد الزيارة الى الاستراحة والاخت رانية عنصر نشيط وتعمالنا مها كثير فى اشياء كثيرة علاج
وافطار صائم وربنا يديها العافية وتكون حلقت وصل لكل المغتربين فى دول المهجر وشكرا يادكتورة
العزيز هاشم
أمين يا هاشم وياك
كلامك سليم هاشم من حق كل شخص ان يتاكد انوا فلوسوا مشت للمكان الصحيح لانوا كثيرا من المنظمات فى السودان الناس فقدت المصداقية فيها وكذلك انا فعلت وقد ارسلت الشباب الذينا جمعتنى بهم دروب الخير لرسال شخص للتاكد
وقد اكدوا لى ذلك ووصفوا لى الحال بانهوا حال مزرى ومخيف وبصورة جعلتنى احزن كثيرا
اتخيل الناس دى ماعندها حتى حق الوجبة
نسال الله لهم العافية وان يشفيهم ويفك محنتهم
الكانسر فى الدول المتطورة علاجه ما ساهل فكيف الحال بهولاء الضعفاء الذين لا يجدون اهتمام من الدولة
يا هاشم
هل تتخيل انوا المحكمة حكمت عليهم بخلاء الاستراحة لعجزهم من دفع الاجار
سلام يا أخت رانيه ... . . لقد تبرعت بايجار شهر كحل سريع ..انتظرتك لأني عارفة هميمة في هذه المواضيع وعندما لم تظهري قلت يمكن تكوني مشغولة ...كلفت واحد في الخرطوم منذ يوم الخميس الماضي فالتزم بادخال المبلغ في حساب المنظمة يوم الأحد ......اتصلت عليه اليوم وللأسف لم يذهب .....التزم بالذهاب غدا الثلاثاء للبنك ................................
ياأخونا ناس السودان ديل لسع أمشي وتعال بكرة ! .. يوم بكرة ....!!! يومهم بيكون ضائع ساكت !!!!!!!!!!!!!!!
. .جزاكى الله كل خير على العمل الجميل الرائع
Post: #20 Title: Re: نداء عاجل : إنقذوا أطفال السرطان في السودان ... Author: علي محمد الفكي Date: 02-11-2013, 11:30 PM Parent: #19
Quote: االاخ الغالى بكرى ابو بكر
أرجوك ارفع البوست فوق لو تسمح علشان الاعضاء يقدروا يساهموا ويتابعوا
Post: #21 Title: Re: نداء عاجل : إنقذوا أطفال السرطان في السودان ... Author: علي محمد الفكي Date: 02-11-2013, 11:30 PM Parent: #19
Quote: االاخ الغالى بكرى ابو بكر
أرجوك ارفع البوست فوق لو تسمح علشان الاعضاء يقدروا يساهموا ويتابعوا
Post: #22 Title: Re: نداء عاجل : إنقذوا أطفال السرطان في السودان ... Author: علي محمد الفكي Date: 02-12-2013, 00:54 AM Parent: #21
فوق
Post: #23 Title: Re: نداء عاجل : إنقذوا أطفال السرطان في السودان ... Author: Nagat Sid Ahmed Elshiekh Date: 02-12-2013, 01:21 AM Parent: #22
سلام يافجر المشارق ، فووق لانقاذ اطفالنا وتفير العلاج لهم طالما رفعت الدولة يدها من علاجهم. تسلمي ياهميمة.
Post: #24 Title: Re: نداء عاجل : إنقذوا أطفال السرطان في السودان ... Author: خالد المحرب Date: 02-12-2013, 04:15 AM Parent: #23
أمر الله تعالى المؤمنين الصالحين بالمسارعة إلى الصالحات والمسابقة في عمل الخيرات , قال سبحانه : \" وَلِكُلٍّ وِجْهَةٌ هُوَ مُوَلِّيهَا فَاسْتَبِقُوا الْخَيْرَاتِ أَيْنَ مَا تَكُونُوا يَأْتِ بِكُمُ اللَّهُ جَمِيعًا إِنَّ اللَّهَ عَلَى كُلِّ شَيْءٍ قَدِيرٌ (148) سورة البقرة . ووصف عز وجل المؤمنين المتقين بأنهم هم الذين يسارعون في الخيرات ويتسابقون إلى فعلها , قال تعالى : \" وَالَّذِينَ يُؤْتُونَ مَا آتَوْا وَقُلُوبُهُمْ وَجِلَةٌ أَنَّهُمْ إِلَى رَبِّهِمْ رَاجِعُونَ (60) أُولَئِكَ يُسَارِعُونَ فِي الْخَيْرَاتِ وَهُمْ لَهَا سَابِقُونَ (61) سورة المؤمنون .
وحث النبي صلى الله عليه وسلم على المبادرة والمسارعة في عمل الخير , قبل أن تتغير النفوس وتتقلب القلوب , عَنْ أَبِي هُرَيْرَةَ أَنَّ رَسُولَ اللهِ صلى الله عليه وسلم قَالَ :بَادِرُوا بِالأَعْمَالِ فِتَنًا كَقِطَعِ اللَّيْلِ الْمُظْلِمِ يُصْبِحُ الرَّجُلُ مُؤْمِنًا وَيُمْسِى كَافِرًا وَيُمْسِى مُؤْمِنًا وَيُصْبِحُ كَافِرًا يَبِيعُ أَحَدُهُمْ دِينَهُ بِعَرَضٍ مِنَ الدُّنْيَا.أخرجه أحمد2/303(8017) و\"مسلم\" 1/76 .
فى ميزان حسناتك يا وضاحه جزاك الله خيرا يا ريس الموقع له القدح المعلى فى فعل الخيرات
Post: #25 Title: Re: نداء عاجل : إنقذوا أطفال السرطان في السودان ... Author: طارق ميرغني Date: 02-12-2013, 06:12 AM Parent: #24
في ميزان حسناتك يا دكتوره
كلنا دعم للمشروع
Post: #26 Title: Re: نداء عاجل : إنقذوا أطفال السرطان في السودان ... Author: أيمن محمود Date: 02-12-2013, 06:59 AM Parent: #25
شكرا وضاحة - شكرا رانيا وكل المتداخلين ،،، اتمنى انطلاق حملة قومية لإنشاء مستشفى للسرطان ونحن جاهزين جدا للمساعدة من خلال معرفتي بالعمل الطوعي في بعض البلدان وجدت انو بعض المنظمات الطوعية بكون عندها ويب سايت ، وكل تبرع من اي شخص بكون معروف وممكن اي زول يشيك على تبرعو عبر النت والمنصرفات بتتنزل مباشرة على الموقع - وده كلو عشان المصداقية وثقة الناس في انو قروشهو بتمشي في الاتجاه الصحيح . الموضوع ما يبقي فوره بس او رد فعل آني ،،، خلنوا نمشي لي قدام ونعمل حاجة دايمة لمرضى السرطان !
Post: #27 Title: Re: نداء عاجل : إنقذوا أطفال السرطان في السودان ... Author: إدريس محمد إبراهيم Date: 02-12-2013, 07:31 AM Parent: #26
فوق من أجل هؤلاء الأبرياء المساكين ...وفي ميزان حسناتك دكتوره وضاحه وكل من ساهم في إنجاح هذا المشروع الخيري الكبير ....
أعرف أن بعض أخواننا وخاصة في دول الخليج يعملون مع شخصيات هامة أو لديهم علاقات واسعة وصدقوني أمة محمد لا تزال بخير ... هنالك بعض المحسنين لا يعرفون كيف وأين ينفقون أموالهم ... فالدال على الخير كفاعله ....
صدقوني لو تكاتفت الهمم يمكننا أن نفعل الكثير من أجل هؤلاء .... فالنبدأ الآن كما قالت أختنا وضاحه ولا نستصغر أي مبلغ فنواية تسند الزير .....
شكراً لكم جميعاً .... ولنبدأ معاً هذا النفير من أجل هذه الفئة المستضعفة التي تستحق منا كل الاهتمام والتقدير طالما قصرت الدولة فنحن لها إن شاء الله .....
وأنا سوداني أنا .....
Post: #39 Title: Re: نداء عاجل : إنقذوا أطفال السرطان في السودان ... Author: وضاحة Date: 02-12-2013, 11:47 AM Parent: #27
Quote: فوق من أجل هؤلاء الأبرياء المساكين ...وفي ميزان حسناتك دكتوره وضاحه وكل من ساهم في إنجاح هذا المشروع الخيري الكبير ....
أعرف أن بعض أخواننا وخاصة في دول الخليج يعملون مع شخصيات هامة أو لديهم علاقات واسعة وصدقوني أمة محمد لا تزال بخير ... هنالك بعض المحسنين لا يعرفون كيف وأين ينفقون أموالهم ... فالدال على الخير كفاعله ....
صدقوني لو تكاتفت الهمم يمكننا أن نفعل الكثير من أجل هؤلاء .... فالنبدأ الآن كما قالت أختنا وضاحه ولا نستصغر أي مبلغ فنواية تسند الزير .....
شكراً لكم جميعاً .... ولنبدأ معاً هذا النفير من أجل هذه الفئة المستضعفة التي تستحق منا كل الاهتمام والتقدير طالما قصرت الدولة فنحن لها إن شاء الله .....
وأنا سوداني أنا .....
الغالى ادريس
يا سلااااااام عليك يا ملك يا ريت كل الناس زيك كنا بقينا قوة عظمة اتحدت الصعاب
تسلم يا ملك ودا العشم فى كل سودانى
وأحب مكان بلدى السودان
Post: #38 Title: Re: نداء عاجل : إنقذوا أطفال السرطان في السودان ... Author: وضاحة Date: 02-12-2013, 11:43 AM Parent: #26
Quote: شكرا وضاحة - شكرا رانيا وكل المتداخلين ،،، اتمنى انطلاق حملة قومية لإنشاء مستشفى للسرطان ونحن جاهزين جدا للمساعدة من خلال معرفتي بالعمل الطوعي في بعض البلدان وجدت انو بعض المنظمات الطوعية بكون عندها ويب سايت ، وكل تبرع من اي شخص بكون معروف وممكن اي زول يشيك على تبرعو عبر النت والمنصرفات بتتنزل مباشرة على الموقع - وده كلو عشان المصداقية وثقة الناس في انو قروشهو بتمشي في الاتجاه الصحيح . الموضوع ما يبقي فوره بس او رد فعل آني ،،، خلنوا نمشي لي قدام ونعمل حاجة دايمة لمرضى السرطان !
الاخ العزيز ايمن
زى ما بقولوا اهلنا العافية درجات خلينا فى الاول نحل المشاكل الاساسية وبعدين نشوف موضوع البناء دا
واكيد انت اول واحد حا تكون معنا فى المشروع دا
وان شاء الله المقدر يحققوا ابوى مع دكتور جعفر ابو نعوف نقدر نحققوا مع بعض
يلا همتك معنا يا ملك
Post: #111 Title: Re: نداء عاجل : إنقذوا أطفال السرطان في السودان ... Author: محمد علي عثمان Date: 02-22-2013, 04:08 AM Parent: #38
Quote: [ سلام يافجر المشارق ، فووق لانقاذ اطفالنا وتفير العلاج لهم طالما رفعت الدولة يدها من علاجهم. تسلمي ياهميمة. ]
fowg...................UP
Post: #37 Title: Re: نداء عاجل : إنقذوا أطفال السرطان في السودان ... Author: وضاحة Date: 02-12-2013, 11:39 AM Parent: #25
الناس بالناس مادام الحياء بهم ******* والسعد لا شك تارات وتارات وافضل الناس مابين الورى رجل **** تقضي على يده للناس حاجات لاتمنعن يد المعروف عن احد ******* مادمت مقتدرا فالسعد تارات واشكر فضائل صنع الله إذ جعلت **** إليك لا لك عند الناس حاجات قد مات قوم وما ماتت مكارمهم ****** وعاش قوم وهم في الناس أموات الامام الشافعي
جعله الله في ميزان حسناتك يا وضاحة
Post: #47 Title: Re: نداء عاجل : إنقذوا أطفال السرطان في السودان ... Author: محمد عوض السيد Date: 02-12-2013, 04:14 PM Parent: #37
كامل التضامن مع اطفال السرطان في السودان
وربنا يقدرنا علي فعل الخير .. وسوف انشر الرابط في الفيس لكسب مزيد من التبرعات
مع احترامي
Post: #67 Title: Re: نداء عاجل : إنقذوا أطفال السرطان في السودان ... Author: وضاحة Date: 02-13-2013, 11:47 AM Parent: #47
Quote: كامل التضامن مع اطفال السرطان في السودان
وربنا يقدرنا علي فعل الخير .. وسوف انشر الرابط في الفيس لكسب مزيد من التبرعات
Post: #90 Title: Re: نداء عاجل : إنقذوا أطفال السرطان في السودان ... Author: عماد موسى محمد Date: 02-14-2013, 10:42 AM Parent: #37
الأخت الكريمة د. وضاحة شاكر لك جهدك الكريم وان شاء الله موفقين ونحن حاضرون لأي معونة
Post: #36 Title: Re: نداء عاجل : إنقذوا أطفال السرطان في السودان ... Author: وضاحة Date: 02-12-2013, 11:37 AM Parent: #24
Quote: أمر الله تعالى المؤمنين الصالحين بالمسارعة إلى الصالحات والمسابقة في عمل الخيرات , قال سبحانه : \" وَلِكُلٍّ وِجْهَةٌ هُوَ مُوَلِّيهَا فَاسْتَبِقُوا الْخَيْرَاتِ أَيْنَ مَا تَكُونُوا يَأْتِ بِكُمُ اللَّهُ جَمِيعًا إِنَّ اللَّهَ عَلَى كُلِّ شَيْءٍ قَدِيرٌ (148) سورة البقرة . ووصف عز وجل المؤمنين المتقين بأنهم هم الذين يسارعون في الخيرات ويتسابقون إلى فعلها , قال تعالى : \" وَالَّذِينَ يُؤْتُونَ مَا آتَوْا وَقُلُوبُهُمْ وَجِلَةٌ أَنَّهُمْ إِلَى رَبِّهِمْ رَاجِعُونَ (60) أُولَئِكَ يُسَارِعُونَ فِي الْخَيْرَاتِ وَهُمْ لَهَا سَابِقُونَ (61) سورة المؤمنون .
وحث النبي صلى الله عليه وسلم على المبادرة والمسارعة في عمل الخير , قبل أن تتغير النفوس وتتقلب القلوب , عَنْ أَبِي هُرَيْرَةَ أَنَّ رَسُولَ اللهِ صلى الله عليه وسلم قَالَ :بَادِرُوا بِالأَعْمَالِ فِتَنًا كَقِطَعِ اللَّيْلِ الْمُظْلِمِ يُصْبِحُ الرَّجُلُ مُؤْمِنًا وَيُمْسِى كَافِرًا وَيُمْسِى مُؤْمِنًا وَيُصْبِحُ كَافِرًا يَبِيعُ أَحَدُهُمْ دِينَهُ بِعَرَضٍ مِنَ الدُّنْيَا.أخرجه أحمد2/303(8017) و\"مسلم\" 1/76 .
فى ميزان حسناتك يا وضاحه جزاك الله خيرا يا ريس الموقع له القدح المعلى فى فعل الخيرات
سلام عمو خالد
افتقدناك كثير وينكم علكم بخير انت وخالتوا عفاف
واسعدنى مرورك وكتر خيرك يا ملك
وهمتك معانا انت ود البوش فى عمل الخير
شيلوا عكاكيزكم ديل وامشوا لى على بورداب السعودية
Post: #35 Title: Re: نداء عاجل : إنقذوا أطفال السرطان في السودان ... Author: وضاحة Date: 02-12-2013, 11:32 AM Parent: #23
Quote: سلام يافجر المشارق ، فووق لانقاذ اطفالنا وتفير العلاج لهم طالما رفعت الدولة يدها من علاجهم. تسلمي ياهميمة.
سلام يا غالية
كتر خيرك كتير
Post: #34 Title: Re: نداء عاجل : إنقذوا أطفال السرطان في السودان ... Author: وضاحة Date: 02-12-2013, 11:30 AM Parent: #22
شكرا كتير الاخ على الفكى
Post: #28 Title: Re: نداء عاجل : إنقذوا أطفال السرطان في السودان ... Author: رانيه محمد الشيخ Date: 02-12-2013, 08:20 AM Parent: #19
يا هاشم ازيك كده حيحصل تضارب يا جماعه فى المبالغ وحتجوط الحكايه حاليا فى ناس التزمت بالمبلغ واودعته فى الحساب والتزمت بدفعه فى المستقبل افضل شى نشوف الاحتياجات التانيه شنو ونديها ليهم عينيه غايتو انا مواضيع المبالغ الفى الحساب دى ماااااااااااااااااااااا بتجى على هواى شغلى الخيرى علمنى نجيب الاحتياج عينى عدددددددددددددددددديل وما ندى قروش عشان نضمن انه مشى فى الدرب العديل لكن طبعا ليكم حرية التصرف والاختيار دا مجرد رأى من سنين فى مجال شغلى دا
Post: #29 Title: Re: نداء عاجل : إنقذوا أطفال السرطان في السودان ... Author: طارق عياد Date: 02-12-2013, 09:18 AM Parent: #28
Quote: غايتو انا مواضيع المبالغ الفى الحساب دى ماااااااااااااااااااااا بتجى على هواى شغلى الخيرى علمنى نجيب الاحتياج عينى عدددددددددددددددددديل وما ندى قروش عشان نضمن انه مشى فى الدرب العديل لكن طبعا ليكم حرية التصرف والاختيار دا مجرد رأى من سنين فى مجال شغلى دا
دة كلام سليم ميه في الميه
Post: #30 Title: Re: نداء عاجل : إنقذوا أطفال السرطان في السودان ... Author: Maawya Hussein Date: 02-12-2013, 09:43 AM Parent: #29
Quote: شغلى الخيرى علمنى نجيب الاحتياج عينى عدددددددددددددددددديل وما ندى قروش عشان نضمن انه مشى فى الدرب العديل
ودا كلام غير سليم ..القائمون علي امر المنظمة او المنظمات هم ادري بصرف المبالغ المرسلة اليهم حسب احتياجاتهم واحتياجات المرضي ..اللهم الا في حالات التبرع من الشركات المنتجه بتوزيع منتجاتها علي هؤلاء المرضي
Post: #31 Title: Re: نداء عاجل : إنقذوا أطفال السرطان في السودان ... Author: ود الباوقة Date: 02-12-2013, 09:45 AM Parent: #30
بارك الله فيك يا صاحبة السمو
في موازين حسناتك
ومعك كل الخيرين
Post: #33 Title: Re: نداء عاجل : إنقذوا أطفال السرطان في السودان ... Author: عبيد الطيب Date: 02-12-2013, 10:04 AM Parent: #31
بارك الله في الجميع وخاصة صاحبة "الكورااااااااااااك "والنداء وأصحاب المبادرة وصاحب الحوش حين يكون التعاون والنفير يكون للحياة طعم عندي تار مع هذا الداء الفتّاك شال ست روحي وقرة عيني العام الماضي إنتشر بصورة مخيفة في البوادي والريف لا ندري من اين أتي............؟ شكرا لرقم المنظمة ولرقم الحساب ربنا يجعله في ميزان حسانتكم ويرفع به الشرور "ويكافي البلاء"
Quote: بارك الله في الجميع وخاصة صاحبة "الكورااااااااااااك "والنداء وأصحاب المبادرة وصاحب الحوش حين يكون التعاون والنفير يكون للحياة طعم عندي تار مع هذا الداء الفتّاك شال ست روحي وقرة عيني العام الماضي إنتشر بصورة مخيفة في البوادي والريف لا ندري من اين أتي............؟ شكرا لرقم المنظمة ولرقم الحساب ربنا يجعله في ميزان حسانتكم ويرفع به الشرور "ويكافي البلاء"
محبتي
تسلم اخى العبيد
ربنا يرحم ست روحك و انشاء الله مكانة مع الشهداء واهل الجنة
اسعدنى مرورك ويلا ايد لى ايد تجدع بعيد خليك بتصال مع رانه
تسلم يا كل الخير يلا همتك معنا وخليك بتصال مع رانيه
كل الود
Post: #69 Title: Re: نداء عاجل : إنقذوا أطفال السرطان في السودان ... Author: وضاحة Date: 02-13-2013, 11:54 AM Parent: #31
Quote: بارك الله فيك يا صاحبة السمو
في موازين حسناتك
ومعك كل الخيرين
تسلم يا زوق
Post: #32 Title: Re: نداء عاجل : إنقذوا أطفال السرطان في السودان ... Author: رانيه محمد الشيخ Date: 02-12-2013, 09:53 AM Parent: #30
التفكير دا انقذنى من عمليات نصب كتيره فى زمنا دا مافى اسهل من الكلام والاحتياج بقى ممكن يكون وسيله استعباط ونصب عشان كده على قدر الامكان بنحاول نضمن الطريقه بانفسنا وزى ما قولت ليكى يا maawya اكيد كل زول عندو طريقته البيتبعها وبيرتاح ليها وانا اشتغلت فى المجال دا من 2002 وكنا اول منظمه فى النت تتأسس ولحسى مستمرين الحمدلله هدفنا الخير وبس بلا اى واجهات رسميه يكفى اننا بنساعد بالبنقدر عليه بطريقه بتريح ضمايرنا
Quote: ودا كلام غير سليم ..القائمون علي امر المنظمة او المنظمات هم ادري بصرف المبالغ المرسلة اليهم حسب احتياجاتهم واحتياجات المرضي ..اللهم الا في حالات التبرع من الشركات المنتجه بتوزيع منتجاتها علي هؤلاء المرضي
الغالى معاوية
المشكلة فى منظمات سمعتها ما طيبة علشان كده الناس فقدت الثقة فيهم
خلونا فى الاول نحل المشاكل الموجودة خالينا وبعداك نعمل لجنة ونشوف حا نعمل شنو
وكلنا مع بعض هدفنا الخير باذن الله
وان شاء الله ربنا يوفقنا طالما هدفنا عمل الخير حا نعمل عمل ممتاز وربنا يتقبل مننا
Post: #40 Title: Re: نداء عاجل : إنقذوا أطفال السرطان في السودان ... Author: وضاحة Date: 02-12-2013, 11:55 AM Parent: #28
Quote: يا هاشم ازيك كده حيحصل تضارب يا جماعه فى المبالغ وحتجوط الحكايه حاليا فى ناس التزمت بالمبلغ واودعته فى الحساب والتزمت بدفعه فى المستقبل افضل شى نشوف الاحتياجات التانيه شنو ونديها ليهم عينيه غايتو انا مواضيع المبالغ الفى الحساب دى ماااااااااااااااااااااا بتجى على هواى شغلى الخيرى علمنى نجيب الاحتياج عينى عدددددددددددددددددديل وما ندى قروش عشان نضمن انه مشى فى الدرب العديل لكن طبعا ليكم حرية التصرف والاختيار دا مجرد رأى من سنين فى مجال شغلى دا
الغالية رانيا دا كلام سليم
ويلا همتك معانا وتركت ليك مهم المبالغ المحولة من هارج السودان بعد الاستلام تسلميها بوصولات لناس المنظمة وترفيها لينا فى الموقع علشان الناس الساهمت فى عمل الخير تعرف انوا المبالغ مشت الجه المقصودة
وكده افضل وضمان لك الاطراف وفى ميزان حسناتك
غلبناك معانا يا غالية سامحينا
Post: #45 Title: Re: نداء عاجل : إنقذوا أطفال السرطان في السودان ... Author: رانيه محمد الشيخ Date: 02-12-2013, 02:26 PM Parent: #40
الغاليه وضاحه
كنت بتكلم مع ناذر من شويه وكان مشى مع الاطفال لجرعه المستشفى وجيه راجع حسى بيهم للسكن موضوع ترحيل الاطفال دا محتاج نشوف له حل وقال بيحتاجوا عصاير طوالى يشربوها ومحتاجين خلاط ضرورى شددددددددددددددددديد
صحيح قال انه لقى ظرف سيبينه له فى البوابه فيه قيمة ايجار ال3 شهور قولت له مفروض يكون فى مبلغ نزل فى حسابكم قال ليسه ما عمل شيك على البنك اتاكدى لى من ناسكم هم سلموها باليد ولا فى البنك عشان نشوف الدفعيه حتبقى كيف لمقدم شهور ولا شنو
Post: #46 Title: Re: نداء عاجل : إنقذوا أطفال السرطان في السودان ... Author: محمد حامد Date: 02-12-2013, 03:37 PM Parent: #45
فوق من أجل أطفال معافيين جعله الله في ميزان حسناتكم ووفقكم لفعل الخيرات
كنت بتكلم مع ناذر من شويه وكان مشى مع الاطفال لجرعه المستشفى وجيه راجع حسى بيهم للسكن موضوع ترحيل الاطفال دا محتاج نشوف له حل وقال بيحتاجوا عصاير طوالى يشربوها ومحتاجين خلاط ضرورى شددددددددددددددددديد
صحيح قال انه لقى ظرف سيبينه له فى البوابه فيه قيمة ايجار ال3 شهور قولت له مفروض يكون فى مبلغ نزل فى حسابكم قال ليسه ما عمل شيك على البنك اتاكدى لى من ناسكم هم سلموها باليد ولا فى البنك عشان نشوف الدفعيه حتبقى كيف لمقدم شهور ولا شنو
الاخت رانية انا عرفت من الدكتورة امر اخلاء بواسطة الشرطة من المبنى هل المبنى معروض للبيع ولا الموضوع موضوع
تاخير ايجار فقط لو امكن نعرف الموضوع من كل الجوانب وشكرا --
Post: #50 Title: Re: نداء عاجل : إنقذوا أطفال السرطان في السودان ... Author: علي محمد الفكي Date: 02-12-2013, 08:35 PM Parent: #48
Quote: كنت بتكلم مع ناذر من شويه وكان مشى مع الاطفال لجرعه المستشفى وجيه راجع حسى بيهم للسكن موضوع ترحيل الاطفال دا محتاج نشوف له حل
في ميزان حسناتك اخوي ناذر وياهو دا عشمنا واملنا دائماً حقيقة اثرتي نقطة مهمة جداً يا اخت رانية موضوع الترحيل من السكن الى المستشفى والعكس الاخوة في الخرطوم البورداب وزوار سودانيز النداء موجه اليكم ومن كان له فضل ظهر فليعد به على من لا ظهر له ممكن الناس تعرف جدول الجرعات ودا دورك اختنا رانية وبقليل من التنسيق والترتيب يمكن ان يتناوب الاخوة في الترحيل بسياراتهم او بايجار سيارات
منظمــة بسمات الطوعيه لرعاية اطفال السرطان السلام عليكم ورحمة الله:- وصلنا اليوم تبرع مادي من فاعلة خير عبارة عن الفان ومائة جنيه لسداد الايجار ومبلغ سبعمائة جنيه من فاعل خير ايضاً وابو ان تزكر اسمائهم بمعني الحمد لله الناس استجابت لنداء الاطفال وتبرعت وتم سداد اربعة شهور من قيمة الايجار البالغ 700 ج للشهر المتاخر من شهر ديسمبر الماضي وحتي شهر مارس القادم وجزاهم الله عنا خير الجزاء وربنا يتقبله بالاضافة لبعض الدعم العيني من فواكه وقضيم ودقيق وسكر وبيض وكل دة موجود ع الصفحة للمحافظة علي مبداء الشفافية بيننا وبينكم وسنرفق لكم اشعار توريد البنك بقيمة الايجار وايصال الاستلام من صاحب العقار
Post: #52 Title: Re: نداء عاجل : إنقذوا أطفال السرطان في السودان ... Author: وضاحة Date: 02-13-2013, 00:00 AM Parent: #51
منظمــة بسمات الطوعيه لرعاية اطفال السرطان 6 hours ago جانب من التبرع العيني من فاعلة خير اليوم 13-2-2013
منظمــة بسمات الطوعيه لرعاية اطفال السرطان جهشت هذه الوالدة بالبكاء بعد التقاط هذه الصورة بان لسه انسان السودان بخير ولسان حالها ينطق باجمل الدعاء لفاعلة الخير والتي تبرعت بهذا الدعم العيني وجزاك الله الف خير وجعله في ميزان حسناتنا اجمعين
منقول من الفيس بوك
Post: #53 Title: Re: نداء عاجل : إنقذوا أطفال السرطان في السودان ... Author: وضاحة Date: 02-13-2013, 00:05 AM Parent: #52
نظمــة بسمات الطوعيه لرعاية اطفال السرطان
وردتنا كثير من الاتصالات من داخل وخارج السودان وكل الناس نفسها تساهم مع هؤلاء الاطفال .... بس حابين نوضح حاجة كل الاخوة لديهم اهل ومعارف واقارب داخل السودان نتمني انو يوجوههم ان يجو للسكن الخاص بالاطفال ويشوفو بام عينهم ماذا يدور وماذا يواجه هؤلاء الاطفال من نقص في الاكل والشرب وحتي الكهرباء وهناك نقص حاد لعقار مهم جدا اسمه 6mp دة المصطلح العلمي له وهو معروف في دنيا سرطان الاطفال وله حوجة ماسه ... ونحب ننوه انو كل ماجتنا التبرعات عينية بتفيدنا اكتر بالنسبة للاكل ممكن التبرع يكون 1/ دقيق بانواعة 2/ زبادي اطفال 3/ بيض 4/ فواكه بكل انواعها لانو عندنا مشرفة تغذيه متطوعة اما بالنسبة للايجار حسب العقد المرفق ع الصفحة ماعليهو الا يتصل بصاحب العقار مباشرة بس ننوه انو لازم نكون عارفين انو دفع قدر ايه عشان نعرف ادفع كم شهر ... بالنسبة للحساب بنك تنميه الصادرات حساب رقم 3258 او الاتصال علي الرقم 0915510199,,,,,,,,,,,, احبتي فاعلين الخير مالقصد من هذا الا لان تثقو باننا نتعامل بمنتهي الشفافية ولتقديم اقصي عناية بهؤلاء الاطفال وزويهم
Post: #54 Title: Re: نداء عاجل : إنقذوا أطفال السرطان في السودان ... Author: Ridhaa Date: 02-13-2013, 04:04 AM Parent: #53
Quote: ومحتاجين خلاط ضرورى شددددددددددددددددديد
الأخت رانيه سلام
أنا متبرع بالخلاط ....... بالله شوفي أحسن وأجود خلاط في السوق سعره كم والقروش حاتصلك في نفس اليوم ............ . . رسلي لي في الماسنجر . جزاكي الله كل خير .
Post: #55 Title: Re: نداء عاجل : إنقذوا أطفال السرطان في السودان ... Author: Ridhaa Date: 02-13-2013, 04:05 AM
Post: #56 Title: Re: نداء عاجل : إنقذوا أطفال السرطان في السودان ... Author: وضاحة Date: 02-13-2013, 07:30 AM
Quote: الأخت رانيه سلام
أنا متبرع بالخلاط ....... بالله شوفي أحسن وأجود خلاط في السوق سعره كم والقروش حاتصلك في نفس اليوم ............ . . رسلي لي في الماسنجر . جزاكي الله كل خير .
يا سلااااااااااااااااااااااااااااااااام عليك يا رضى ياخى
ان شاء الله ربنا يرضى عنك دنيا واخرة
قول أأأأأأأأأأأأأأأأأأأأأأأأمين
Post: #58 Title: Re: نداء عاجل : إنقذوا أطفال السرطان في السودان ... Author: وضاحة Date: 02-13-2013, 07:36 AM Parent: #56
ندا عاااااااااااجل لى العوض المسلمى وناذر الخليفة الليلة يوم حوبتكم جات
نزار بورتسودان · بورسودان التجارية · 1,200 من المشتركين
وصلنا اليوم اشعار بتوريد مبلغ 2100 جنيه علي رقم حساب المنظمة وبحمد الله تم دفع الايجار الخاص بسكن الاطفال وعلي حسب علمي انو المبالغ جات من فاعلة خير ابت ان يزكر اسمها وانشالله غداً سنرفع لكم اشعار البنك بالمبلغ وايصال استلام من صاحب العقار ... بس حابي اضيف نقطة نحن كمنظمة لدينا مكتب تنفيذي ومجلس امناء وخطة عام كامل لمشاكل نجدها نحن في حلول خطتنا العلمية تماما من خلال الواقع العايشنو داخل المستشفي يومياً والسكن الخاص بالاطفال هل تعلمو سادتي باننا وفرنا عدد 10 جرادل لاولياء الامور وبقيفو بيها امام الميناء البري يبيعو الموية الباردة لتوفير لقمة له ولطفله هل تعلمو ان الطفل كيف يكون حاله بعد الجرعة الكيمائية وهو راكب المواصلات في زحمة وجو ساخن هل تعلمو ماهي احلام طفل في نزهة عائلية هو بعض اخوانه الاطفال المصابين في حلم انو يقدر يركب عجلة او موتر او حتي مرجيحة وعينو للاطفال الاصحاء وهو ماقادر يتمتع زيهم وهل تعلمو ان كثير من الاطفال ياتو للمستشفي واولياء امورهم لايدرو بانهم مصابين بالسرطان وبياخدو في علاج ملاريا او حمي اويرقان ويكون المرض استفحل في الجسم وكلو لعدم وجود ابسط معينات الكشف المبكر للمرض والبكون نسبة الشفاء منه بنسبة اعلي من استكشافه متاخرا هل تعلمو ان الحيرة تصبح ملازمة لاهل الطفل المصاب في كيفية التعامل مع الطفل واحساسه بانه مريض وعزله تماما عن حياته مما يؤدي الي مرض نفسي اخر يلازمه حتي وفاته مع العلم بان الاطباء اكدوا ان 64% من علاج السرطان نفسي وهل تعلمو كيف يكون احساس طفل مصاب متفوق في دروسه ويكون اول الفصل ومع تقطيع زهابه للدراسه بسبب الجرعات يتدهور مستواه من غير اي مراعاة له من قبل وزارة التربية والتعليم وهنالك الكثير والكثير من المشاكل ... حبيت اسرد الحاجات دي عشان اوريكم ان هم المنظمة ليس ايجار فقط بل كثير من الاحلام والحلول لمشاكل تهم الاطفال المصابين واهاليهم باعتبار انها مشاكل تضامنية نحو مجتمع كامل اعزروني للاطاله ولكن قراءت مداخلاتكم وهزني ماكتبه بعض الاخوة عن المصاقية تجاههكم ..اعزائي اولا واخيرا دة عمل خير والبجزي به الله طالما نيتكم بان التبرع خالص لوجهه الكريم فاعلمو بان الاجر ثابت بازنه تعالي ومن جانبنا حنكون شفيفين في كل مايتعلق بالمسائل الماليه بان نرفع لكم اي اشعار بتحويل مبلغ تبرع واين انصب ... اعزائي حاليا حوجتنا لعربة ترحل الاطفال من والي المستشفي وبعض الرحلات الترفيهية التي نقوم بها نحو الاطفال كجانب نفسي حتي ولو كانت مؤجرة كاضعف الايمان وحوجة لمكيف هواء لانو عندنا مكيف واحد والدنيا سخانة خلاص وياريت شاشه تلقزيون لانو عندنا تلفزيون صغير لوجود الاطفال في السكن لفترات طويلة مجهدين من الجرعات مع العلم باننا لم نترك اي جهة او مؤسسة لم تصلها خطابتنا وردهم دائما مايكون بالاحباط ... ولكم جزيل شكري في وقفتكم معنا نحو هؤلاء الاطفال ابنكم المخلص نزار عباس محمد رئيس منظمة بسمات الطوعية لرعاية الاطفال مصابي السرطان
Post: #59 Title: Re: نداء عاجل : إنقذوا أطفال السرطان في السودان ... Author: العوض المسلمي Date: 02-13-2013, 08:35 AM Parent: #58
دائما فوق
Post: #63 Title: Re: نداء عاجل : إنقذوا أطفال السرطان في السودان ... Author: رانيه محمد الشيخ Date: 02-13-2013, 08:53 AM Parent: #58
اختى وضاحه برضو وجد مبلغ 700 اضافى فى البنك غير 2100 جنيه وبكده بيكون ايجار شهر مارس مدفوع اتمنى الناس تنظم الدفع عشان ما يحصل تدبيل لمبالغ والامور تجوووووووط التنظيم فى الشى دا مهم يعنى الفكره ما الناس كلها تمشى تتبرع وخلاااااااااااااااااص الشغل مفروض يكون مرتب وبطريقه صحيحه التبرعات العينيه مافيها مشكله لكن الماديه بتحتاج تنظظظظظظظظيم عشان نتأكد من انها ماشيه فى الدرب العديل صح ولو الشخص ما حابى يوضح تبرعه علن يراسلنا فى البرايفيت لو حابى انه اتبرع ما يرسل لى قروش لو ما واثق فينا بس يوضح انه اتبرع وكيف ومتين عشان نقدر نتابع تدفق الكاش دا عموما دا رائى وانتو فى الاول والاخر احرار يا حلوين
Post: #62 Title: Re: نداء عاجل : إنقذوا أطفال السرطان في السودان ... Author: رانيه محمد الشيخ Date: 02-13-2013, 08:42 AM
اخى رضا جارى البحث وحعلمك مباشرتا لان افضل نختار خلاط بيسع كميه كبيره للعصير ما حق كبايتين وخلاص
Post: #61 Title: Re: نداء عاجل : إنقذوا أطفال السرطان في السودان ... Author: رانيه محمد الشيخ Date: 02-13-2013, 08:40 AM Parent: #50
اخى على موضوع الترحيل فعليا شغل بالى واليوم ححاول اشوف مع نذار موضوعه ومواعيدهم وعددهم ونشوف زول هايس وكيف نتفق معاه وبكم وبجى اوريكم ان شاء الله
Post: #60 Title: Re: نداء عاجل : إنقذوا أطفال السرطان في السودان ... Author: رانيه محمد الشيخ Date: 02-13-2013, 08:38 AM Parent: #48
اخى هاشم سؤالك حستفسر عليه واجاوبك ان شاء الله يادابى بصحصح وفى الشغل اليوم مفروض نهاية الدوام اغشى نذار الله يهون ويسهلها
Post: #64 Title: Re: نداء عاجل : إنقذوا أطفال السرطان في السودان ... Author: هاشم الادريسى Date: 02-13-2013, 09:37 AM Parent: #60
الاخت رانية لكى التحية نحنوا اتعبناكى معنا لكن انتى خير من يمثلنا فى السودان ولن معكى اعمال كثيرة انشاءالله وربنا يجعلها فى ميزان حسناتك امين يارب العالمين
Post: #65 Title: Re: نداء عاجل : إنقذوا أطفال السرطان في السودان ... Author: هاشم الادريسى Date: 02-13-2013, 09:49 AM Parent: #64
نزار بورتسودان · متابعة · بورسودان التجارية · 1,200 من المشتركين وصلنا اليوم اشعار بتوريد مبلغ 2100 جنيه علي رقم حساب المنظمة وبحمد الله تم دفع الايجار الخاص بسكن الاطفال وعلي حسب علمي انو المبالغ جات من فاعلة خير ابت ان يزكر اسمها وانشالله غداً سنرفع لكم اشعار البنك بالمبلغ وايصال استلام من صاحب العقار ... بس حابي اضيف نقطة نحن كمنظمة لدينا مكتب تنفيذي ومجلس امناء وخطة عام كامل لمشاكل نجدها نحن في حلول خطتنا العلمية تماما من خلال الواقع العايشنو داخل المستشفي يومياً والسكن الخاص بالاطفال هل تعلمو سادتي باننا وفرنا عدد 10 جرادل لاولياء الامور وبقيفو بيها امام الميناء البري يبيعو الموية الباردة لتوفير لقمة له ولطفله هل تعلمو ان الطفل كيف يكون حاله بعد الجرعة الكيمائية وهو راكب المواصلات في زحمة وجو ساخن هل تعلمو ماهي احلام طفل في نزهة عائلية هو بعض اخوانه الاطفال المصابين في حلم انو يقدر يركب عجلة او موتر او حتي مرجيحة وعينو للاطفال الاصحاء وهو ماقادر يتمتع زيهم وهل تعلمو ان كثير من الاطفال ي...مشاهدة المزيد --- شكرا نزار بورتسودان مجهود رائع
Post: #66 Title: Re: نداء عاجل : إنقذوا أطفال السرطان في السودان ... Author: علي محمد الفكي Date: 02-13-2013, 10:18 AM Parent: #65
فوووق
Post: #68 Title: Re: نداء عاجل : إنقذوا أطفال السرطان في السودان ... Author: احمد حمودى Date: 02-13-2013, 11:51 AM Parent: #66
UP
Post: #70 Title: Re: نداء عاجل : إنقذوا أطفال السرطان في السودان ... Author: Mohammed Mahdi Date: 02-13-2013, 03:13 PM Parent: #68
ما خاب ظني في السودانين ابدا
وحق لنا ان نفخر بما فاخر به الشاعر :
لو ما جيت من زي ديل وا أسفاي وا مأساتي وا ذلي
Post: #71 Title: Re: نداء عاجل : إنقذوا أطفال السرطان في السودان ... Author: عبد المنعم سيد احمد Date: 02-13-2013, 03:31 PM Parent: #70
جزاك الله خيرا يادكتورة دعواتكم لشقيقتى وعمى ليتم الله شفائهم فهذا البلاء قد استوطن فى بلادنا لا تحرمونا من الدعاء
Post: #78 Title: Re: نداء عاجل : إنقذوا أطفال السرطان في السودان ... Author: رانيه محمد الشيخ Date: 02-13-2013, 06:41 PM Parent: #48
اخى هاشم المبنى ما معروض للبيع المالك بيحرص يستلم ايجاره اول وباول ولمن يحصل تأخير بيهددهم بالاخلاء وان شاء الله مع المتبرعه التطوعت للالتزام بيه نتمنى المشكله دى تكون اتحليت
Post: #72 Title: Re: نداء عاجل : إنقذوا أطفال السرطان في السودان ... Author: إدريس محمد إبراهيم Date: 02-13-2013, 04:59 PM Parent: #16
قوق من أجل هؤلاء الآبرياء
Post: #73 Title: Re: نداء عاجل : إنقذوا أطفال السرطان في السودان ... Author: إدريس محمد إبراهيم Date: 02-13-2013, 04:59 PM Parent: #16
سلام يادكتور وربنا يديك العافية وانت دائما اهل خير وربنا يجعلوا فى ميزان الحسنات الدواءوصل مشكور
يا دكتور
Post: #77 Title: Re: نداء عاجل : إنقذوا أطفال السرطان في السودان ... Author: رانيه محمد الشيخ Date: 02-13-2013, 06:27 PM Parent: #76
سجلنا الزياره انا والاخ صلاح الدين نادر اليوم للمسكن بحمدالله وفضله وتشرفنا بلقاء الاخ نزار ومحمد اللى استقبلونا بكل صدر رحب يديهم العافيه وبالجد احيهم على مشروعهم الخيرى ومساعيهم التى لا تقدر بثمن ولا توصف فى انشاء مسكن لاستقبال اطفال السرطان البيجوا من خارج الخرطوم لتلقى جرعات العلاج رائى الشخصى ان المسكن فعلا فى حوجه لكثيييييييييييييييييييييير من الاحتياجات ليصبح ملائم لمعيشه الاطفال ومبدئيا حصرتها فى القائمه التاليه 1- مراتب 2- مخدات 3-ملايات 4-الخلاط ( ويعتبر شبه منتهى موضوعه بوعد زميل بتكلفته بعد ايجاد النوع الجيد) 5- الايجار الشهرى ( ويعتبر شبه منتهى بعد التزام فاعلة خير بدفعه شهريا) 6- مكيفين لاقتراب فصل الصيف ( مكيفات مويه) 7- لو فى زول عنده ستاير مستعمله استعمال نظيف وطرابيزات وكراسى حتى لو بلاستيك بيكون مكسب للمسكن لعدم توفرهم فيه 8- التموين الغذائى العينى بكل انواعه 9- ترحيل الاطفال من المستشفى للمسكن والعكس 10- كولر مويه ديل مبدئيا ليكون المسكن شبه مؤهل بالاساسيات للطفل المريض لان اكيد الجانب المعنوى لعلاجه مهم وتوفير مسكن مريح من اوائل هذه المعطيات فى رائى ,.,. قام بتصوير اللقطات صلاح الدين نادر وشاكره لنذار ومحمد انهم سمحوا لينا بالتصوير لعكس فعليا ما اود توضيحه المسكن عباره عن شقه تحوى غرفتين وهول وحمام ومطبخ
Post: #79 Title: Re: نداء عاجل : إنقذوا أطفال السرطان في السودان ... Author: رانيه محمد الشيخ Date: 02-13-2013, 07:03 PM Parent: #77
تم ارسال تبرع ان شاء الله حنستلمه يوم السبت بقيمه 500 جنيه من فاعل خير ربنا يجازى كل خير
Post: #88 Title: Re: نداء عاجل : إنقذوا أطفال السرطان في السودان ... Author: هجو الأقرع Date: 02-14-2013, 10:31 AM Parent: #87
وكمان مخدات و مليات ابشرى بالخير يا رانيه
معليش انا الايام دى مشغول مع مريض ارمى هاتفك
فى الخاص عشان يتواصل ابن اختى معك.
Post: #89 Title: Re: نداء عاجل : إنقذوا أطفال السرطان في السودان ... Author: رانيه محمد الشيخ Date: 02-14-2013, 10:40 AM Parent: #88
اوكى يا روعه حفنه ليك فى الخاص وفى العام لان رقمى دا ياهو حق التواصل الخيرى 0912962490
Post: #82 Title: Re: نداء عاجل : إنقذوا أطفال السرطان في السودان ... Author: رانيه محمد الشيخ Date: 02-13-2013, 08:54 PM Parent: #80
انتى البديتى يا عسل المشوار ونحنا ما سوينا شى وفعلا ايد على ايد حنجدع بعيد ربنا يديكى العافيه ويزيدك من خيره وحبه ,.,. بكره ان شاء الله بحاول اعدى على محل سفنج الباقير اشوف اسعار المراتب ومخدات كيف
Post: #83 Title: Re: نداء عاجل : إنقذوا أطفال السرطان في السودان ... Author: على عبدالله بشير Date: 02-13-2013, 09:13 PM Parent: #82
فى ميزان حسناتك رانية و كل من ساهم و سعى للتخفيف من أوجاع و ألآم هؤلاء الأطفال و المساعدة لأسرهم فى تحمل سكنهم و ما يوفر لهم الراحة بعد أخذ الجرعة ...
يا رانيه اتصل بالعوض والحمد لله التزم بموضوع الترحيل
الحصل شنو فى موضوع المراتب والادوية ؟؟؟؟
Post: #98 Title: Re: نداء عاجل : إنقذوا أطفال السرطان في السودان ... Author: رانيه محمد الشيخ Date: 02-17-2013, 02:28 PM Parent: #97
سورى حبيبتى لتأخير غايتو راسى قربت تتصلع بالجد :)))))) حاليا عندى 3 تبرعات لسكن الاطفال الاول قيمته 325 جنيه والثانى قيمته 500 جنيه والثالث قيمته 500 جنيه وفى متبقى من تبرع سابق فى ذمتى بحوالى 100 جنيه امس اتصل بينى نذار وقال اللمبات حرقت ومفروض اشتريها وامشى اوديها يا عسل غايتو اليوم ضارب معاى شديد بحاول بكره بدرى امر عليه قبال الشغل اتصلت بزول الزميل هجو لكن مافى رد وححاولوا تانى ان شاء الله الخلاط كنت حايمه افتش فى نوع باغ لان اللى لقيتهم الجك زجاج وصعب فى الاستعمال لان لو وقع موضوعه بيكون ضرب برضو بكره ان شاء الله بحاول اشوف نهايته ربنا يسهلها وعلى نهاية الاسبوع دا نكون رتبنا الامور دى وانتهينا منها يا غاليه
Post: #99 Title: Re: نداء عاجل : إنقذوا أطفال السرطان في السودان ... Author: رانيه محمد الشيخ Date: 02-17-2013, 02:43 PM Parent: #95
موضوع الروشيتات بشوف نزار فيها بكره ان شاء الله لمن اصله لانى ما عندى خلفيه فيها لحسى
انا اسفة جدا والله اتعبتك معنا بس لانى بثق فيك كتير وانتى الوحيدة البعتمد عليها فى مثل هذه المواقف
الله يسعدك دنيا واخرة
اعفى لى يا غالية
Post: #101 Title: Re: نداء عاجل : إنقذوا أطفال السرطان في السودان ... Author: رانيه محمد الشيخ Date: 02-17-2013, 03:02 PM Parent: #100
ما تقولى كده انا سعيده انى اساعدكم وداعيه ربى اكون عند حسن ظنكم وما اخذلكم ربك يهونها وانتى بس اامرى وما علينا الا التنفيذ
Post: #102 Title: Re: نداء عاجل : إنقذوا أطفال السرطان في السودان ... Author: رانيه محمد الشيخ Date: 02-18-2013, 12:01 PM Parent: #101
اشتريت الحمدلله الخلاط وتكلفته بمبلغ وقدره 250 جنيه واللمبات عددها اربعه و قيمتها الاجماليه 40 جنيه وان شاء الله ماشيه بعدين اوديهم للسكن مرفق الصور والايصالات
Post: #103 Title: Re: نداء عاجل : إنقذوا أطفال السرطان في السودان ... Author: رانيه محمد الشيخ Date: 02-18-2013, 12:09 PM Parent: #102
لمن اتصلت الصباح بنذار لقيته تعبان وراقد مستشفى عندو ملاريا بدعو الله سبحانه وتعالى يوالى بالعافيه ان شاء الله .,.,.,. اتصل بينى الزول المن طرف الزميل هجو ولظروف مرضيه حصل التأخير دا و ان شاء الله الاربعاء حنمشى نودى المراتب والمخدات
,.,.
اها اديناكم الخلاصه بعد دا نمشى ننقنق فى باقى المواضيع لحين اشعار اخر بإذن الله
Post: #105 Title: Re: نداء عاجل : إنقذوا أطفال السرطان في السودان ... Author: اسامة حسين البشير Date: 02-18-2013, 02:10 PM Parent: #1
الاخت وضااااااااحه وكل المتداخلين تحية واحترام في البدايه اعتذر عن التأخير في المداخله لغيابي عن المنبر الفترة الماضية لظروف العمل واشكرك يا دكتورة على البوست والشكر لكل من تنبى هذا الموضوع الهاااااام وتحية اخص للاخت رانيه الشيخ التي تحركت مع آخرين من اجل دعم دار اطفال مرضى السرطان فكان لاستجابتهم الفورية كبير الأثر في نفوس الاطفال وذويهم القادمين من خارج ولاية الخرطوم واتمنى ان يستمر الدعم لهم بكل اشكاله العينيه او المادية دمتم بخير
Post: #106 Title: Re: نداء عاجل : إنقذوا أطفال السرطان في السودان ... Author: اسامة حسين البشير Date: 02-19-2013, 08:33 AM Parent: #105
السلام عليكم ورحمة الله :- لكل الناس البتسأل عن العقارات التي اصبحت غير متوفرة في البلد بالنسبة للاطفال المصابين هنالك عقارين ومهمين جداً بالنسبه للاطفال سانقل لكم اسمائها من روشته بخط يد الدكتور الخطيب الاخصائي الوحيد في السودان meropenem -(1 gm -500 mg) والعقار التاني 6mercaptoplerine 500mg
Post: #107 Title: Re: نداء عاجل : إنقذوا أطفال السرطان في السودان ... Author: رانيه محمد الشيخ Date: 02-21-2013, 02:09 PM Parent: #106
تم دفع 300 جنيه لاسره فى سكن اطفال السرطان توفيت امس طفلتهم رحمة الله عليها بعد انتهاء الجرعه وما عندهم حق تذاكر الرجوع لبلدهم نسئل الله سبحانه وتعالى لهم الصبر ولطفلتهم الرحمه
Post: #109 Title: Re: نداء عاجل : إنقذوا أطفال السرطان في السودان ... Author: اسامة حسين البشير Date: 02-21-2013, 05:40 PM Parent: #107
تسلمي اختي رانيه وربنا يكتر من امثالك ويا هي المحريه فيك
Post: #110 Title: Re: نداء عاجل : إنقذوا أطفال السرطان في السودان ... Author: Ridhaa Date: 02-22-2013, 02:34 AM Parent: #109
Quote: تم دفع 300 جنيه لاسره فى سكن اطفال السرطان توفيت امس طفلتهم رحمة الله عليها بعد انتهاء الجرعه وما عندهم حق تذاكر الرجوع لبلدهم ......... نسئل الله سبحانه وتعالى لهم الصبر ولطفلتهم الرحمه
ياجماعة يدكم معانا عشان ننقذ الباقين ولو بالقليل. ومانقص مال من صدقة .
Post: #114 Title: Re: نداء عاجل : إنقذوا أطفال السرطان في السودان ... Author: اسامة حسين البشير Date: 02-23-2013, 10:48 PM Parent: #112
تقرير عن الوضع الحالي في استراحة اطفال مرضى السرطان
مناشده للجميع تدعوكم منظمة بسمات لرعاية اطفال مرضى السرطان للمساهمة في دعم هؤلاء الأطفال واسرهم القادمين من الولايات للخرطوم لتلقي العلاج حيث لا قريب لهم بالعاصمه وتم ايجار استراحه لهم بالخرطوم غرب الميناء البري بمبلغ 700ج شهرياً يضاف لذلك يحتاجون للترحيل من السكن إلى مستشفى الذرة والإعاشة من فواكه وحليب وسكر وعصائر وغيرها وهنالك عقارين ومهمين جداً بالنسبة للأطفال سأنقل لكم اسمائها meropenem -(1 gm -500 mg) والعقار الثاني 6mercaptoplerine 500mg للمساهمة في توفير هذه الادوية ودعم المنظمة حساب بنك تنمية الصادرات فرع السجانة بالرقم 3258 او تحويل رصيد للرقم 0915510199 للتواصل 0912358235-- 0915510199-- العنوان غرب الميناء البري.
الاخوة الكرام هذا تقرير مختصر: توفت الطفلة رابحة محمد عبد المطلب اول امس الاربعاء الساعة العاشرة مساء اثر مضاعفات الجرعة الكيمائية اذ انها تعاني من سرطان الدم ا(اللوكيمياء) نسال الله لاهلها الصبر في مبتلاهم وجعلها طائر من طيور الجنة وشفيعة لهم تبلغ من العمر 7سنين و4 شهور وهي من مواليد ابوجبيهة وحضر معها للعلاج عمها ووالدتها وابنت اختها وعجزو عن سداد ثمن تزاكر رجوعهم وبعد الاتصال بفاعلي الخير عن طريق الاخت (رانيا )وتم بحمد الله تسليمهم مبلغ 300 جنيه ....وبحمد الله اتصلو اليوم الجمعة وابلغونا بسلامة وصولهم. كما تم سداد ايجار الاستراحة ووصلنا تبرع اربعة شهور تنتهي في مارس تم بحمد الله تبرع من فاعل خير بمواد عينية كفواكه وزيت ودقيق وايضاً خلاط سعة كبيرة وعدد 4 لمبات سقف ووردتنا كثير من الاتصالات لحلول بعض المشاكل ولكن مافي تنفيذ فعلي ... وكجانب من الشفافية من جهتنا قمنا برفع عقد الايجار واشعار التوريدة بالنسبة للتبرع المادي واقرار الاستلام من مالك العقار ولكن تواجه المنظمة الان بعض المشاكل نختصرها في الاتي :- 1- توفير عدد 2 مكيف هواء لمقابلة فصل الصيف وحقيقة السكن سخن خالص بالذات الغرف .. 2- ملايات ومخدات ومواد نظافة 3- شاشة تلفزيون 4-مراتب 5- عربة ترحيل من والي المستشفي فنرجو من اهل الخير المساهمة حتي تتوفر الراحة الكاملة لهؤلاء الاطفال وذويهم (مانقص مال من صدقة ) وزيارتنا في الاستراحة والوقوف علي الاحوال عن قرب وشكراً للمساهمة ودعم المنظمة حساب بنك تنمية الصادرات فرع السجانة بالرقم 3258 او تحويل رصيد للرقم 0915510199 للتواصل 0912358235-- 0915510199-- العنوان غرب الميناء البري
Post: #115 Title: Re: نداء عاجل : إنقذوا أطفال السرطان في السودان ... Author: رانيه محمد الشيخ Date: 02-24-2013, 11:03 AM Parent: #114
اخى اسامه ونذار موضوع المراتب والمخدات اعتبروا شبه محلول الحكايه مشكله زمنيه لظروف مرضيه وان شاء الله بنحاول نحلها فى خلال الاسبوع دا ويتم تسليمهم يديكم العافيه ويجازى الخيرين وتكون فى ميزان حسناتهم حاول ارسل لوضاحه الروشيته الجابها نذار من الدكتور عشان تقدر تساعدكم فى توفير الدوا وكما قال رسول الله صلى الله عليه وسلم ان الله فى عون العبد ما دام العبد فى عون اخيه وكلنا فى حوجه لعون الله فلا تهاون فى عون اخوانا واطفالنا وكبارنا ونسائنا المحتاجين بإذن الله
سلام أيها الشباب العظيم... طرفي مبلغ جيد صدقة لروح أولادنا الذين حجوا جماعة الى جوار ربهم في حادث حركة مروع في ماليزيا: مريم آلاء وعبد الرحمن عليهم رحمة الله ورضوانه، أبناء دكتور الأطفال ميسرة والدكتورة -ترجمة- هالة وسأقسمه بين احتياجات مركزكم وأطفال مركز تداعي لذا سأحضر 6 مراتب بملاءاتها ومخداتها وأكياسها وبعض المواد التموينية التي ذكرها لي نزار بارك الله فيه الرحمة للشباب الذين فجعونا بغيابهم الجماعي لأهلهم الصبر وحسن العزاء وأن يتقبل الله منهم الصدقة الجارية ونسأل الله الشفاء والعفاء لعيالنا المرضى ونسأله لكم الأجر وخير الجزاء على هذا العمل الطيب.
الاخت الغالية عائشة بارك الله فيك ولروحك الطيبة الملية بالخير لو تسمحى قبل تشترى يا ريت تنسقى مع الاخت رانيه لانوا فى العم هجوا تكفل بشراء المخدات والمراتب يا ريت نستفيد من المبلغ بتاعك فى شى اخر محتاجيين ليه هولاء الاطفال فهم طالبين شراء اشياء اخرى محتاجين ليها فنسقى مع رانية
لكى التحية ويا رب فى ميزان حسناتك
لكى كل الشكر والتقدير
Post: #118 Title: Re: نداء عاجل : إنقذوا أطفال السرطان في السودان ... Author: اسامة حسين البشير Date: 02-24-2013, 05:47 PM Parent: #117
تمام... أنا خالة عائشة يا وضاحة... وبالمناسبة، أم وضاح! يكونش سموك على ولدي أصله بانت له شيبات فهو أكيد اكبر منك...
عموماً... وينك رانية؟ كنت سأقوم بهذا البرنامج غداً واصليني في:
0122086460
أنتظر توجيهاتك.
Post: #121 Title: Re: نداء عاجل : إنقذوا أطفال السرطان في السودان ... Author: عائشة موسي السعيد Date: 02-25-2013, 07:47 AM Parent: #120
؟
Post: #122 Title: Re: نداء عاجل : إنقذوا أطفال السرطان في السودان ... Author: اسامة حسين البشير Date: 02-25-2013, 10:10 AM Parent: #121
الاخت عائشه تحية واحترام اشكرك على تفاعلك مع الموضوع وربنا يجعل ذلك كفاره لشهدائكم عرفت من الاخ نذار مدير المنظمة انك تواصلتي معاهو في هذا الخصوص اتمنى الاتصال به او زيارته بالدار وتسليمه ما ترغبون به من تبرع عيني مع خالص تحياتي
Post: #123 Title: Re: نداء عاجل : إنقذوا أطفال السرطان في السودان ... Author: رانيه محمد الشيخ Date: 02-25-2013, 11:54 AM Parent: #120
ازيك يا خالة عائشه وربنا يجازيكى كل خير اسفه لتأخير ردى ما شوفته الا اليوم وان شاء الله حتصل بيكى
Post: #124 Title: Re: نداء عاجل : إنقذوا أطفال السرطان في السودان ... Author: اسامة حسين البشير Date: 02-25-2013, 12:11 PM Parent: #123
الاخت رانيه الشيخ تسلمي على المجهودات التي تقومين بها وربنا يجعلها في ميزان حسناتك اتمنى تتصلي الآن بالخاله عائشه وتستلمي منها التبرع العيني وتنسقي مع نذار في هذا الأمر دون انتظار الشخص الآخر الذي اعلن تبرعه سابقاً ولا مانع من استلام التبرع منه متى ما توفر ذلك يكون افضل مع تحياتي
Post: #125 Title: Re: نداء عاجل : إنقذوا أطفال السرطان في السودان ... Author: رانيه محمد الشيخ Date: 02-25-2013, 12:42 PM Parent: #124
الشخص المتبرع موضوعه محسوم والظروف الحاصله خارجه من ارادته وانا شايفه ان نديه وقته الكافى ونشوف باقى الاحتياجات وخصوصا قولتوا المكيفات ضروريه ,.,. اخى اسامه عندى استفسار شايفه ان فى شغل حق سراير تابعه لمستشفى جعفر بن عوف تابعه ليكم وبتسائل هل مش السكن كان فيه احتياجات اخرى مهمه محتاجه تغطيه ليه تم تقديم الاولويه لسراير مستشفى جعفر بن عوف عن المسكن؟؟؟؟؟
الشكر لمجهوداتكم يارانياوأسامة ووضاحة ونزار ومن معكم من المساندين والمساندات... اتفقنا على المكيف مع نزار وشاء الله ان عندي مكيف آخر في البيت تكاسل اولادي عن تركيبه وأصبح وجوده "يغيظ" وهناك من يحتاجه أكثر .سيذهب هو الآخر الى المركز ، بس ما تكلمي الجماعة.
Post: #127 Title: Re: نداء عاجل : إنقذوا أطفال السرطان في السودان ... Author: اسامة حسين البشير Date: 02-25-2013, 07:52 PM Parent: #126
سدد الله خطاااك يا خاله عائشه وجعل ما تقومين به في ميزان حسناتك وكفاره لشهدائكم وربنا يكثر من امثالك مع تحياتي
Post: #128 Title: Re: نداء عاجل : إنقذوا أطفال السرطان في السودان ... Author: اسامة حسين البشير Date: 02-25-2013, 07:55 PM Parent: #125
الاخت رانيه سيتم الاستيضاح من الاخ نذار عن الأمر واتفق معك في كل ما ذكرته وستكون الأولويه للسكن مع تحياتي
Post: #129 Title: Re: نداء عاجل : إنقذوا أطفال السرطان في السودان ... Author: اسامة حسين البشير Date: 02-25-2013, 08:21 PM Parent: #128
منااااشده عاجلة نحتاج لغسالة ملابس لسكن اطفال مرضى السرطان لأنهم يحتاجون لغسيل ملابسهم ويتم الآن تجميع الملابس واعطائها لغسال عادي ووجود غسالة بالسكن يريحهم اكثر من معاناة الغسال ننتظر تفاعلكم كما عودتمونا دوماً وربنا يجعل ذلك في ميزان حسناتكم
Post: #130 Title: Re: نداء عاجل : إنقذوا أطفال السرطان في السودان ... Author: إدريس محمد إبراهيم Date: 02-26-2013, 09:53 AM Parent: #129
فوق لأنهم يستحقون فعلاً ....يستحقون منا جميعاً أن نقف بجانبهم .... حتى ولو بمجرد الدعاء لو لم تتح الظروف إلاه .... وقد يجعل الله فيه الفرج لهؤلاء الضعفاء .... جعل الله كل ما تقدموه في ميزان حسناتكم ....
مع خالص ودي وتقديري ؛؛؛؛؛
Post: #131 Title: Re: نداء عاجل : إنقذوا أطفال السرطان في السودان ... Author: إدريس محمد إبراهيم Date: 02-26-2013, 09:59 AM Parent: #130
أخي الكريم ... أختي الكريمة .....
قد تقف الظروف حاجزاً أمام تقديم الدعم المادي أو العيني المباشر .... ولكن أياً منكم قد تربطه علاقة ما بمن يتمكن من تقديم يد العون لهؤلاء ...فلا تتردوا في إخطارهم لهذا النبع الصافي من الصدقات الجارية .... وحتماً سيصيبكم من هذا الخير جانب .... فالدال على الخير كفاعله .... كم أشارت إلى ذلك الأخت وضاحة صاحبة البوست في مداخلتها الأولى ...
ولكم جميعاً خالص ودي وتقديري ؛؛؛؛
Post: #132 Title: Re: نداء عاجل : إنقذوا أطفال السرطان في السودان ... Author: رانيه محمد الشيخ Date: 02-26-2013, 10:46 AM Parent: #131
ان شاء الله الخميس الصباح موعد توصيل المراتب والمخدات للسكن بإذن الله كان مفروض يكون اليوم الصباح لكن التاجيل كان بسببى
Post: #133 Title: Re: نداء عاجل : إنقذوا أطفال السرطان في السودان ... Author: اسامة حسين البشير Date: 02-27-2013, 09:39 AM Parent: #132
تسلمي يا رانية وربنا يجزيك خيراً ويكثر من امثالك
Post: #134 Title: Re: نداء عاجل : إنقذوا أطفال السرطان في السودان ... Author: اسامة حسين البشير Date: 02-27-2013, 09:39 AM Parent: #132
وان شاء الله ما عدمناك ويوم شكرك ما يجى يا عظيمة كما انا سعيدة بيك يا خالة والحمد لله السودان ما زال بخير و انا سعيدة بيكم
ربنا يديك العافية ويملاك صحة يا غالية
قامت الخالة الغالية بمد يد الخير للاطفال فقد اسهمت كما ورد فى صفحة المنظمة على الفيس بوك وكان ذلك هنا
السلام عليكم ورحمة الله : السادة الاعضاء الكرام وصلتنا اليوم في السكن الخاص بالاطفال فاعلة خير وبحمد الله ساهمت بمكيف مشينا السجانة واشتريناه بمبلغ الف ومية ج 1100 وايضا دفعت مبلغ مصنعية التركيب وترحيل المكيف وكل المواد اللازمة لتركيب المكيف وبحمد الله الاطفال الان بايتين تحت المكيف ونسال الله ان يجعلو في ميزان حسناتها ويتقبل منها انه مجيب الدعاء ...
اخى اسامه عندى استفسار شايفه ان فى شغل حق سراير تابعه لمستشفى جعفر بن عوف تابعه ليكم وبتسائل هل مش السكن كان فيه احتياجات اخرى مهمه محتاجه تغطيه ليه تم تقديم الاولويه لسراير مستشفى جعفر بن عوف عن المسكن؟؟؟؟؟
فى انتظارك اخى وسامة
Post: #137 Title: Re: نداء عاجل : إنقذوا أطفال السرطان في السودان ... Author: اسامة حسين البشير Date: 02-27-2013, 10:54 PM Parent: #125
السلام عليكم شايف الناس بتسال عن موضوع السراير ورداً لاستفساراتكم كل الموضوع انو في فاعل خير اتبرع بالسراير دي بعد ما شاف صفحة المنظمة في الفيس وحب يقدم يد المساعدة وفي نفس الوقت كان هناك مناشدة من ادارة برج الأمل للمنظمات للمساعدة في تاهيل قسم الجرعات الخاص بالاطفال وفعلا اتصلنا بفاعل الخير وزي ما واضح بالصورة اما المستشفى تم تسليمهم السراير الخاصه بجرعات الاطفال لاستخدامها لديهم لعدم حوجة الاستراحة لها
Post: #138 Title: Re: نداء عاجل : إنقذوا أطفال السرطان في السودان ... Author: رانيه محمد الشيخ Date: 03-01-2013, 11:41 PM Parent: #137
تم شراء كولر من مبالغ التبرعات المستلم طرفنا بقيمه 775 جنيه بضمان سنه وتسليمه لمسكن اطفال السرطان
بالاضافه لكبابى هديه من المحل للمسكن
Post: #139 Title: Re: نداء عاجل : إنقذوا أطفال السرطان في السودان ... Author: رانيه محمد الشيخ Date: 03-01-2013, 11:49 PM Parent: #138
وتم تسليم 10 مراتب و10 مخدات و10 ملايات للسكن عباره عن تبرع اخينا هجو الاقرع بهم جزاه الله كل خير وفى ميزان حسناته
Post: #140 Title: Re: نداء عاجل : إنقذوا أطفال السرطان في السودان ... Author: رانيه محمد الشيخ Date: 03-01-2013, 11:54 PM Parent: #139
دا ايصال استلام من منظمه بسمات للمشتريات التم تسليمها
Post: #141 Title: Re: نداء عاجل : إنقذوا أطفال السرطان في السودان ... Author: اسامة حسين البشير Date: 03-02-2013, 07:04 AM Parent: #139
سددد الله خطاكم اختي رانيا وكل الشكر للاخ العزيز عضو البورد هجو الاقرع واكثر الله من امثاله ونسأل الله ان يجعل ذلك في ميزان حسناته مع تحياتي
Post: #142 Title: Re: نداء عاجل : إنقذوا أطفال السرطان في السودان ... Author: اسامة حسين البشير Date: 03-02-2013, 09:12 AM Parent: #141
هذه الصور توضح اعلاه ليوم الجمعة 1-3 داخل السكن الخاص بالاطفال المصابين بالسرطان .... وصلنا تبرع من فاعل خير عبارة عن 10 مراتب و10 ملايات و10 محدات وكولر موية صغير ودعوات من اباء وامهات الاطفال بان يجعاه في ميزان حسناته وان يبارك له في اهله وينعم بالصحة والعافية ...السادة الكرام السكن الخاص بالاطفال شبه اكتمل ونتمني منكم مد يد المساعدة في توفير غسالة وتلفزيون والمساهمة في توفير عربة او اضعف الايمان ايجار عربة من السكن والي الجرعات بالمستشفي وهناك كثير من الحالات يكون فترة الجرعات بين الجرعة والاخري قرابة الشهر ولقلة حيلتهم في ثمن التزاكر من الخرطوم الي ولاياتهم يمكثون في الاستراحة ويملاؤن مكانا يكون طفل اخر في حوجة اليه لما سبق نرجو من سيادتكم المساهمة في تزليل معاناة هؤلاء الاطفال وزويهم (مانقص مال من صدقة ) وكما عودتمونا وعودناكم علي الشفافية هانحن نطرح لكم هذه المشاكل املين في تزليلها عبركم ومانحن الا بحلقة وصل بنكم وبين الاطفال ...شكرا للتواصل 0915510199
Post: #143 Title: Re: نداء عاجل : إنقذوا أطفال السرطان في السودان ... Author: وضاحة Date: 03-02-2013, 11:31 AM Parent: #142
اختى الغالية رانيه والعم العزيز هجو
التحاية النواضر يا اهل الخير الف شكر لما قمت به لهولاء الاطفال الابرياء جعله الله فى ميزان حسناتكم والله تعجز الكلمات عن التعبير
غايتوا بس ربنا يديكم العافية والصحة
Post: #144 Title: Re: نداء عاجل : إنقذوا أطفال السرطان في السودان ... Author: رانيه محمد الشيخ Date: 03-02-2013, 11:47 AM Parent: #143
ربنا يديكم جميعا الصحه والعافيه ويقدركم على فعل الخير وفى ميزان حسنات المتبرعين ومحبين الخير اخى اسامه ونذار ومحمد لكم التحيه والتقدير على مجهوداتكم فى محاولة مساعدة الاطفال وذويهم فى مرضهم واحتياجهم لكن لصراحه فى نظرى المسكن بحوجه لمشرف ثابت متواجد باستمرار او بالتناوب لتنظيمه والحفاظ على ادارته واحتياجاته ودى اساس اى شغل ناجح وهو التنظيم والاشراف فالعمل لا يقتصر ابدا على توفير الاحتياجات فقط عارفه الحمل عليكم تقيل وربنا يعينكم ويقدركم عليه لكن لاكتمال الصوره وتنظيمها وللحفاظ على مجهوداتكم وانجازاتكم فكروا فى المشرف الدائم بتوظيف 3 اشخاص لتناوب اليومى على المسكن
يا رانيه موضوع الترحيل انا اتصلت بى العوض وقال لى سلمت 500 جنية ( بالقديم 500 الف)
لى نذار دا موقتاً ونحاول نشوف حل للترحيل بشوف الشباب المعنا فى الخير فى السودان يحاولوا يتفقوا مع بتاع امجاد بسعر معقول بس المفروض اعرف كم مرة الترحيل علشان اوريهم ممكن لو تسمحى تتصلى بنذار وتخبرينى
اكون شاكرة بدعبك معاى يا جميل
Post: #146 Title: Re: نداء عاجل : إنقذوا أطفال السرطان في السودان ... Author: على عبدالله بشير Date: 03-02-2013, 01:44 PM Parent: #145
نسأل الله أن يوفق كل من ساعد هؤلاء المحتاجين بماله أو جهده و نسأل الله أن يشفى جميع المرضى شفاءاً لا يغادر سقماً ...
أثنى أقتراح الأخت رانية بأن التنظيم لأى يعمل يجعل نسبة نجاحه عالية و وجود مشرفين على السكن لأستقبال القادمين للسكن و تنظيمهم ...
الأخت رانية نسأل الله أن يوفقك و يسعدك و يجعله فى ميزان حسناتك و الصور فواتير الشراء تشرح القلب أنه الدنيا ما زالت بخير و هذا هو عهدنا بك منذ أن عرفتك فى هذه المجال و أنتى تتعاملين بوضوح و شفافية الله يوفقك و كل الأخوه اللذين معك ...
Post: #149 Title: Re: نداء عاجل : إنقذوا أطفال السرطان في السودان ... Author: رانيه محمد الشيخ Date: 03-02-2013, 03:29 PM Parent: #146
اخى على يديك العافيه وبرغم بتلقانى بعض الاعتراضات على نشر الوثائق والصور من قبل البعض وفى البعض بتعتقد انى بصعب الامور لانى بطالب بمستندات لاى مدفوعات او مشتريات لكن انا بفضل اخلى مسئوليتى علنيا من اى شغل بما انه اصلا قائم علنا الاعلان للاشياء ما نظام تفاخر لان الحاجات دى ما خاصه بينى ولا بدفعها من جيبى الخاص ولا بتقبل زول يشكرنى عليها لانها ما بتخصنى انا مجرد وسيطه بين المتبرع والمحتاج وحفاظا على سرية شخصية المتبرع بكون انا مجرد واجهه له ما اكتر ودايما بذكر فاعل خير فى كل الاعمال البيتم تنفيذها احترام لرغباتهم وحتى نقاشاتنا بفضلها فى العلن عشان نشارك الكل فيها كان صائبه او خاطئه برغم اعتراض برضو البعض عليها لكن نحنا هنا شغالين شغل جماعى ومن حق الجميع يشارك فى نقاشنا بدون حوارات جانبيه بما ان الجميع بيشارك وبيتعاون فى حل المشاكل واكيد مافى زول مجبور على الشغل معانا ومجاراتنا له طريقتنا بالنسبه له ما مقنعه شغل الخير طوعى وما اجبارى وربنا يقدر الجميع على انجازه باى شكل وباى قناعه وباى طريقه
Post: #147 Title: Re: نداء عاجل : إنقذوا أطفال السرطان في السودان ... Author: رانيه محمد الشيخ Date: 03-02-2013, 03:15 PM Parent: #145
عارفه يا وضاحه موضوع الترحيل دا حاولت افهموا وللاسف ما قدرت حاليا عدد النزلاء فى السكن 5 اسر والفكره حقت ترتيب الجرعات بالنسبه للاطفال ما فى توقيت واحد كلهم يعنى ما ثابته على حسب كلام محمد ونذار يعنى ما قادره اعرف بالضبط عدد الاطفال البتمشى وبتجى يوميا وممكن امجاد تقضى الغرض ولا لا اذا العدد بسيط على حسب الشوفتوا مبلغ 3,000 جنيه شهريا لترحيل اظنه كتير لو اتحسب 100 جنيه ليوم غريبه نذار ما ذكر لى ان عوض سلمه شى.. اخر مره اتكلمنا فى الموضوع الخميس وقال لى ما لمى فى عوض لانه فى عزى بره الخرطوم فكرة الامجاد اظن كويسه لو رتبوا لينا نذار ومحمد عدد الاطفال اليوميا بتمشى والساعه كم عشان يبقى كلامنا مفهوم وواضح حتى للمتبرعين ونرتبها بشكل منتظم
Post: #148 Title: Re: نداء عاجل : إنقذوا أطفال السرطان في السودان ... Author: اسامة حسين البشير Date: 03-02-2013, 03:26 PM Parent: #147
اختي رانيا فكرتك ممتازة واتمنى انه يتم التنسيق ومعرفة عدد الاطفال المترددة على المشفى لاخذ الجرعات حتى يتم تأجير سيارة مناسبه وبتكلفة معقولة
Post: #150 Title: Re: نداء عاجل : إنقذوا أطفال السرطان في السودان ... Author: رانيه محمد الشيخ Date: 03-02-2013, 03:33 PM Parent: #148
يبقى يا اسامه ساعدنا واتناقش مع محمد ونذار وادونا مثلا الاسبوع القادم المواعيد والعدد كيف وبحاول اشوف بتاع امجاد معرفه يبدا معانا اسبوعيا ونشوف التكلفه مبدئيا كيف يعنى كل بداية اسبوع يوضحوا لينا مواعيد الجرعات وعدد الاطفال على حسب الاسر البتجى وبتمشى وبنخلى زول الامجاد يستلمهم ويرجعهم ان شاء الله
السلام عليكم ورحمة الله : مازلنا يا اخوان في انتظار مد يد المساعدة في ماسبق زكره وبحمد الله تم تبرع من فاعل خير للمساهمة في موضوع الترحيل بمبلغ خمسمائه جنيه ونسال الله ان يجعلها في ميزان حسناته ... بالنسبة لموضوع الترحيل هنالك جدول مسبق وموضوع لجرعات الاطفال المصابين والمقيمين بالسكن بالتاريخ وارقام ملفاتهم بالتنسيق مع ادارة المركز القومي للعلاج بالاشعة والطب النووي مالم يحدث طاري وبحسب توجيهات الطبيب والحالات الجديدة لذلك ماحنقدر نتحكم في موضوع ايجار العرية الا تكون 24 ساعة عاملة في خدمة الاطفال وبالامس القريب حدثت مضاعفات فجاءة لاحد الاطفال من اثر الجرعة قرابة الثانية صباحا وهرعنا به لمستشفي سوبا (وزير الصحة ربنا يطراه بالخير التقول هي ناقصة معاناة )واجرنا امجاد بمبلغ مائة جنيه لذلك لابد من ايجار عربة ولمدة 24 ساعة يوميا وجزاكم الله خيرا ووفقنا واياكم لما فيه الخير
Post: #155 Title: Re: نداء عاجل : إنقذوا أطفال السرطان في السودان ... Author: اسامة حسين البشير Date: 03-04-2013, 11:04 AM Parent: #152
حسب افادة الاخ نذار عباس مشرف الدار
الاخ الكريم اسامة لو اطلعت ع البوست حتعرف انو وضحنا انو صعب التحكم في عدد الاطفال المقيمين بالسكن والبذهبو للجرعات فهنالك عدد من الاطفال يصعب التحكم في حالته بعد الجرعة بمعني بعد الجرعة عندو تلاته ساعات نقاهة ففي طفل بحجزو في المستشفي وفي طفل بجي راجع السكن وبرضو تحصل مضاعفات ولعلمك حتي الان هؤلاء الاطفال ماعندهم حوادث بمعني انو المستشفي مابتستقبل اي حالات حوادث بعد الساعة الرابعة ونذهب الي ابن عوف قديما وحاليا مستشفي سوبا بعد ازالة بن عوف ودة كلو غير الحالات البتجي حديثة واصلا مابكونو عارفين انو الطفل مصاب .... لما سبق لابد انو ايجار العربة يكون 24 ساعة متواصلة ملازمة الاطفال ونحنا اتصلنا ببعض السايقين ووجدنا انه هنالك سائقين ساكنين بالقرب من السكن وممكن جدا ناجرهم واسعارهم تتراوح بين 3 مليون و3 مليون ونصف للشهر ولو لاحظت في البوست انو زكرنا مثال بس ليوم اول امس والحالة حدثت بعد الساعة الثانية صباحا
لشحذ الهمم من اجل اعانة هؤلاء الاطفاااااااااال ومساعدتهم
Post: #156 Title: Re: نداء عاجل : إنقذوا أطفال السرطان في السودان ... Author: رانيه محمد الشيخ Date: 03-05-2013, 10:41 AM Parent: #155
UP
Post: #157 Title: Re: نداء عاجل : إنقذوا أطفال السرطان في السودان ... Author: اسامة حسين البشير Date: 03-06-2013, 08:41 AM Parent: #156
فووووووووق
Post: #158 Title: Re: نداء عاجل : إنقذوا أطفال السرطان في السودان ... Author: رانيه محمد الشيخ Date: 03-06-2013, 01:02 PM Parent: #157
توضيح عام ,.,.,. شغل الخير شغل تطوعى اى انسان بيتعاون فيه مشكور حتى لو بدعاء او بكلمه طيبه دايما بنحاول نتجنب اى صراعات وخلافات وبنخت مصلحة المحتاج فوق ذاتنا زاتو ومهما حصل وتعرضنا لمضايقات واساءات وادعاءات من الغير فى نوايانا ما مفروض نتراجع ... انا شخصيا ما بقيف فيها البيحب يتعامل مع شخصنا حبابه ما بيحب اكيد دى حرية شخصيه وبنحترم رغبة وما بنعتبرها اهانه ولا تشكيك فى ذمه وعدم امانه شغل الخير له دروب كتيره شديد وطرق مختلفه وما بتقيف عند زول واحد ولا درب واحد وبالمثل فى تعاملاتنا بختار على اسس كتيره الشخصيات الاواصل معاها والشخصيات الاتجنبها لاسباب بتخصنى وليس لتشكيك فى ذمه وعدم امانه لكن حابه اوضح نقطه منذ الازل بتمنى اقولها فى شغل الخير ,.,.,. اى انسان بينسى معنى شغل الخير فى سلوكياته بقيف عند حدى الوصلته وبشوف الدرب البعده نحنا ما جايين نحب بعض ولا نجكس بعض ولا نتونس لكل مقام مقام والبيلفها يمين بديها له شمال وانا واثقه فى كتير من الظنون لبعض العقليات بيعتبروا العمل الخيرى شوووووووووووو واستعراض وفرصه لتجكيس والشهره والعريس لكن النوايا عالم بيها الله ومافى زول بيقدر يحاسب غيروا عليها عشان كده مفروض نتعامل مع بعض باحترام حتى فى خلافاتنا بغض النظر عن سببها واى انسان مسئول عن قرارته وما مجبور اى شخص اخر على اتباعه اذا ما كان مقتنع بيها واخيرا بسئل ربنا سبحانه وتعالى يصلح الحال وينور بصيرتنا بالحكمه والحق والعدل عشان لا نَظلم لا نُظلم
Post: #159 Title: Re: نداء عاجل : إنقذوا أطفال السرطان في السودان ... Author: اسامة حسين البشير Date: 03-06-2013, 09:15 PM Parent: #158
اختي رانيه تحية واحترام اتمنى ان يظل البوست يحمل الهموم التي من اجلها فتح ... وان لا تشغلنا الخلافات عن الهدف الأساسي من اجل هؤلاء الاطفال المرضى ... اتفق معك في كثير مما ذكرتي ولكن اتمنى أن تحتسبي الأمر لله وأن تكوني نعم المعين لهؤلاء المحتاجين الذين فقدو السند والعضد وهم ينتظرون مصيرهم بصبر جلل ويثقون في امثالك من الخيريين ......... عاوزنك كما عهدناك اختي رانيه وربنا يسدد على درب الخير خطاكم ............. يا دكتورة وضاحة ارمي قدااااااااااااام وعمل االخييييييييير فيهو المتااااااااعب والمصاعب والاطفال هم الضحية لأي خلااااافات قد تحدث بينكم وادارة الدار فلا تتركو هؤلاء الضعفاء لمجرد اختلاف ربما في وجهات النظر ولكل خلاااااااااااف حل وربنا يعينا على ان نوحد الجهود في خدمات هؤلاء المحتاجين
مناشدة اخيره اخي نذار العمل الخيري يحتااااااااج لتعاون وتكاتف وتجرد .ونكران ذات فلا تشتت الجهووووووود في اشياء أخرى ربما تسبب مضايقة لآخرين
مع تحياتي لكم جميعاً
Post: #160 Title: Re: نداء عاجل : إنقذوا أطفال السرطان في السودان ... Author: خالد علي محجوب المنسي Date: 03-06-2013, 09:36 PM Parent: #159
Quote: توضيح عام ,.,.,. شغل الخير شغل تطوعى
جزاكم الله كل خير وبركة العمل كبير وربنا يخلّص النويا من كل رياء اختي رانية أحتسبي الأجر عند الله ولا تنشغلي بما ينقص الأجر
ولصاحبة البوست الفاضلة الخيرة الأجر العظيم والثبات على ما هي جبلت عليه من كرم وبركة
لكل من شارك في البوست ولو بكلمة نسأل الله ثبات الاجر
Post: #161 Title: Re: نداء عاجل : إنقذوا أطفال السرطان في السودان ... Author: على عبدالله بشير Date: 03-06-2013, 10:25 PM Parent: #160
Quote: اختي رانيه تحية واحترام اتمنى ان يظل البوست يحمل الهموم التي من اجلها فتح ... وان لا تشغلنا الخلافات عن الهدف الأساسي من اجل هؤلاء الاطفال المرضى ... اتفق معك في كثير مما ذكرتي ولكن اتمنى أن تحتسبي الأمر لله وأن تكوني نعم المعين لهؤلاء المحتاجين الذين فقدو السند والعضد وهم ينتظرون مصيرهم بصبر جلل ويثقون في امثالك من الخيريين ......... عاوزنك كما عهدناك اختي رانيه وربنا يسدد على درب الخير خطاكم ............. يا دكتورة وضاحة ارمي قدااااااااااااام وعمل االخييييييييير فيهو المتااااااااعب والمصاعب والاطفال هم الضحية لأي خلااااافات قد تحدث بينكم وادارة الدار فلا تتركو هؤلاء الضعفاء لمجرد اختلاف ربما في وجهات النظر ولكل خلاااااااااااف حل وربنا يعينا على ان نوحد الجهود في خدمات هؤلاء المحتاجين
مناشدة اخيره اخي نذار العمل الخيري يحتااااااااج لتعاون وتكاتف وتجرد .ونكران ذات فلا تشتت الجهووووووود في اشياء أخرى ربما تسبب مضايقة لآخرين
مع تحياتي لكم جميعاً
الأخ / أسامة
جزاك الله خيراً على الكلام الطيب قرأت مداخلة الأخت رانية أعلاه و رانية الكل هنا يعرفها تسعى لعمل الخير بكل ما تملك ومنذ أن عرفتها أول مرة أجدها تكتب بهذا الأنفعال و من خلال حديثك أخى أسامة هنالك شئ خطأ ... الله العالم ما هو و أين ...؟؟ رانية : الشفافية و الوضوح أسلوبها تبرئ ذمتها بهذه الطريقة ( فاعل خير تبرع بكذا و جبنا كذا وكذا و هاهى المستندات أمامكم ) هذه هى طريقتها و بالطريقة دى البتبرع مطمئن و من يجرى و ينفذ معها يفترض أن يكون راضى و مرتاح الضمير لهكذا طريقة يا جماعة الخير الموضوع ما فيه شوفونى أنا بعمل و بسوى ... هو عمل خير و مساعدة لمرضى أو محتاجين أياً كان نوع الحوجة و الناس بتتفاكر و بتشوف الشئ الصاح و يتفقوا عليه و يتعمل ... لكن الخلافات الفارغة لا معنى لها ... وفق الله كل من سعى لفعل الخير
Post: #162 Title: Re: نداء عاجل : إنقذوا أطفال السرطان في السودان ... Author: اسامة حسين البشير Date: 03-09-2013, 11:04 AM Parent: #160
up
Post: #163 Title: Re: نداء عاجل : إنقذوا أطفال السرطان في السودان ... Author: نزار عباس Date: 03-09-2013, 05:07 PM Parent: #162
تسلم يااسامة واختلاف الراي لايفسد للود قضية ومهما كثرت النقاشات انا متاكد انو حيكون في مصلحة الشي البنعمل فيهو ودة كلو من اجل هولاء الاطفال المحتاجين لينا فعلاً ويجب انو مانلتفت لصغائر الامور ولك شكري
Post: #164 Title: Re: نداء عاجل : إنقذوا أطفال السرطان في السودان ... Author: نزار عباس Date: 03-09-2013, 06:03 PM Parent: #163
السلام عليكم ورحمة الله ابائي واخواني واخواتي عساكم طيبين اولا لابد من كلمة شكر في حق الاخ بكري ابوبكر لنيلي عضوية هذا المنبر والذي هو مفخرتنا اكيد . بصفتي رئيساً لمنظمة بسمات الطوعية لرعاية الاطفال المصابين بالسرطان وهو منصب تكليفي اكثر من هو تشريفي واشكر كل الناس الساهمت ووقفت مع المنظمة لتقديم كل الحلول لكثير من المشاكل التي تواجه هذه الارواح الطاهرة وشكر خاص للاخ اسامة والاخت وضاحة والاخت رانيا واللذين اولو الاموضوع جل اهتمامهم ووجب علي ان اخبركم بكافة التفاصي المتعلقة بالسكن الخاص بالاطفال المصابين في تقرير مصغر كالاتي :- اولا :- كانت تعاني المنظمة من متاخرات في الايجار البالغ 700 ج للشهر من شهر 12 وبحمد الله تم دفع ايجار اربعة شهور من جملة الايجار يعني الاستراحة مدفوع ايجارها حتي شهر مارس الحالي من قبل (فاعلي خير) تانياً :- تم دعم السكن الخاص بعدد 10 مراتب و10 مخدات و10 ملايات وكولر موية صغير وبعض المواد العينية التمونية كفواكه وزيت وسكر ودقيق لم يتبقي منه شيئاً حاليا من قبل (فاعلي خير ) ثالثاً :- تم دعم السكن بعدد 1 (واحد) مكيف هواء ماركة ابسال صغير لواحدة من الغرف من قبل (فاعلة خير ) ومكيف اخر في حاجة لصيانة . رابعاً :-تم استلام المبالغ الاتية (300) عبر الاخت رانيا من فاعل خير للمساهمة في قيمة تزاكر لاسرة توفي طفلها .و(500)ج من فاعل خير للمساهمة في قيمة توفير ترحيل الاطفال من السكن والي المستشفي وبالعكس . وحاليا الاحوال كالاتي :- لدينا حوجة الان لشاشة بلازما لشغل الاطفال بعد تناول الجرعات والفراغ الذي يكونون فيه ... لدينا حوجة لغسالة ملابس وتوفير الايجار للشهور القادمة ايضا حوجة لدولاب حديد وعدد 10 كراسي اطفال وبعض الالعاب وعدد 2 تربيزة لكولر الموية وحوجة المطبخ ولدينا حوجة ايضا لعربية ترحيل للجرعات والمقابلات من السكن للمستشفي والعكس ...بالنسبة للمساهمة في العلاجات والادوية حنرفع ليكم الروشتات للحالات الاماقادرة تجيب علاجتها وكما عودنا منبركم العامر بالمشاركة في مثل هذه الحالات نتمني المشاركة في تزليل هذه المشاكل طمعا في اجره (مانقص مال من صدقة ) وشكرا
Post: #166 Title: Re: نداء عاجل : إنقذوا أطفال السرطان في السودان ... Author: اسامة حسين البشير Date: 03-10-2013, 12:10 PM Parent: #164
مبروووك العضوية اخي نذار ... بخصوص ما ذكرت اتمنى ان يكون التركيز على سداد ايجار الاستراحة للشهور لقادمة بواقع700ج للشهر الواحد الاجتهاد في ايجار سيارة بسعر مناسب لهم للترحيل من السكن للمستشفى والعكس توفير الاحتياجات اليومية من حليب وسكر وفواكة وخلافه توفير غسالة ملابس لهم ... اما موضوع الشاشة البلازما فأرى عدم الحوجه الماسه لها الان ويمكن ان يساهم اي شخص بما يستطيع في هذا حتى ولو جهاز تلفاز عادي مستعمل مع تحياتي
Quote: السلام عليكم ورحمة الله ابائي واخواني واخواتي عساكم طيبين اولا لابد من كلمة شكر في حق الاخ بكري ابوبكر لنيلي عضوية هذا المنبر والذي هو مفخرتنا اكيد . بصفتي رئيساً لمنظمة بسمات الطوعية لرعاية الاطفال المصابين بالسرطان وهو منصب تكليفي اكثر من هو تشريفي واشكر كل الناس الساهمت ووقفت مع المنظمة لتقديم كل الحلول لكثير من المشاكل التي تواجه هذه الارواح الطاهرة وشكر خاص للاخ اسامة والاخت وضاحة والاخت رانيا واللذين اولو الاموضوع جل اهتمامهم ووجب علي ان اخبركم بكافة التفاصي المتعلقة بالسكن الخاص بالاطفال المصابين في تقرير مصغر كالاتي :- اولا :- كانت تعاني المنظمة من متاخرات في الايجار البالغ 700 ج للشهر من شهر 12 وبحمد الله تم دفع ايجار اربعة شهور من جملة الايجار يعني الاستراحة مدفوع ايجارها حتي شهر مارس الحالي من قبل (فاعلي خير) تانياً :- تم دعم السكن الخاص بعدد 10 مراتب و10 مخدات و10 ملايات وكولر موية صغير وبعض المواد العينية التمونية كفواكه وزيت وسكر ودقيق لم يتبقي منه شيئاً حاليا من قبل (فاعلي خير ) ثالثاً :- تم دعم السكن بعدد 1 (واحد) مكيف هواء ماركة ابسال صغير لواحدة من الغرف من قبل (فاعلة خير ) ومكيف اخر في حاجة لصيانة . رابعاً :-تم استلام المبالغ الاتية (300) عبر الاخت رانيا من فاعل خير للمساهمة في قيمة تزاكر لاسرة توفي طفلها .و(500)ج من فاعل خير للمساهمة في قيمة توفير ترحيل الاطفال من السكن والي المستشفي وبالعكس . وحاليا الاحوال كالاتي :- لدينا حوجة الان لشاشة بلازما لشغل الاطفال بعد تناول الجرعات والفراغ الذي يكونون فيه ... لدينا حوجة لغسالة ملابس وتوفير الايجار للشهور القادمة ايضا حوجة لدولاب حديد وعدد 10 كراسي اطفال وبعض الالعاب وعدد 2 تربيزة لكولر الموية وحوجة المطبخ ولدينا حوجة ايضا لعربية ترحيل للجرعات والمقابلات من السكن للمستشفي والعكس ...بالنسبة للمساهمة في العلاجات والادوية حنرفع ليكم الروشتات للحالات الاماقادرة تجيب علاجتها وكما عودنا منبركم العامر بالمشاركة في مثل هذه الحالات نتمني المشاركة في تزليل هذه المشاكل طمعا في اجره (مانقص مال من صدقة ) وشكرا
تهنئتي لك بنتنا وضاحة في يوم المرأة العالمي تمنياتي أن تتكلل جهودكم بالنجاح وتمنياتي بغد أفضل لجميع نساء وأطفال السودان
Post: #167 Title: Re: نداء عاجل : إنقذوا أطفال السرطان في السودان ... Author: إدريس محمد إبراهيم Date: 03-11-2013, 09:04 AM Parent: #165
Quote: السلام عليكم ورحمة الله ابائي واخواني واخواتي عساكم طيبين اولا لابد من كلمة شكر في حق الاخ بكري ابوبكر لنيلي عضوية هذا المنبر والذي هو مفخرتنا اكيد . بصفتي رئيساً لمنظمة بسمات الطوعية لرعاية الاطفال المصابين بالسرطان وهو منصب تكليفي اكثر من هو تشريفي واشكر كل الناس الساهمت ووقفت مع المنظمة لتقديم كل الحلول لكثير من المشاكل التي تواجه هذه الارواح الطاهرة وشكر خاص للاخ اسامة والاخت وضاحة والاخت رانيا واللذين اولو الاموضوع جل اهتمامهم ووجب علي ان اخبركم بكافة التفاصي المتعلقة بالسكن الخاص بالاطفال المصابين في تقرير مصغر كالاتي :- اولا :- كانت تعاني المنظمة من متاخرات في الايجار البالغ 700 ج للشهر من شهر 12 وبحمد الله تم دفع ايجار اربعة شهور من جملة الايجار يعني الاستراحة مدفوع ايجارها حتي شهر مارس الحالي من قبل (فاعلي خير) تانياً :- تم دعم السكن الخاص بعدد 10 مراتب و10 مخدات و10 ملايات وكولر موية صغير وبعض المواد العينية التمونية كفواكه وزيت وسكر ودقيق لم يتبقي منه شيئاً حاليا من قبل (فاعلي خير ) ثالثاً :- تم دعم السكن بعدد 1 (واحد) مكيف هواء ماركة ابسال صغير لواحدة من الغرف من قبل (فاعلة خير ) ومكيف اخر في حاجة لصيانة . رابعاً :-تم استلام المبالغ الاتية (300) عبر الاخت رانيا من فاعل خير للمساهمة في قيمة تزاكر لاسرة توفي طفلها .و(500)ج من فاعل خير للمساهمة في قيمة توفير ترحيل الاطفال من السكن والي المستشفي وبالعكس . وحاليا الاحوال كالاتي :- لدينا حوجة الان لشاشة بلازما لشغل الاطفال بعد تناول الجرعات والفراغ الذي يكونون فيه ... لدينا حوجة لغسالة ملابس وتوفير الايجار للشهور القادمة ايضا حوجة لدولاب حديد وعدد 10 كراسي اطفال وبعض الالعاب وعدد 2 تربيزة لكولر الموية وحوجة المطبخ ولدينا حوجة ايضا لعربية ترحيل للجرعات والمقابلات من السكن للمستشفي والعكس ...بالنسبة للمساهمة في العلاجات والادوية حنرفع ليكم الروشتات للحالات الاماقادرة تجيب علاجتها وكما عودنا منبركم العامر بالمشاركة في مثل هذه الحالات نتمني المشاركة في تزليل هذه المشاكل طمعا في اجره (مانقص مال من صدقة ) وشكرا
الأخ / نزار
تحية طيبة ...
نبارك جهودك المقدرة أخي نزار ... ونبارك لك العضوية التي تستحقها ....
بالنسبة للموضوع أعلاه أخي نزار أود أن أقول شيئاً .... لامسته شخصياً .... أكيد بتعرف عائلة الأخ / مصطفى قرافي ... الذي كلف زوجته وزميل له للاتصال عليك لتوفير ما تحتاجونه ... عندما رأيت كما يرى الجميع أن الغسالة في الوقت الحاضر أهم من التلفزيون قام مصطفى مشكوراً ..بتكليف زوجته بتوفيرها ...وعندما اتصلت عليك ...أصريت أخي نزار بأن الشاشة أهم في الوقت الحاضر ... رأي صديقي وهذه حقيقة من الصعوبة جهجهة زوجته خاصة وأ بين يديها طفلة في العام الثاني من عمرها ولذا اقترح عليها دفع مبلغ مليون جنيه للمساهمة حتى في توفير الوجبات لهؤلاء الصغار حالياً ووعد بشراء الغسالة والشاشة عندما يحضر للخرطوم التي يعمل في مشاريع خارجها .... لكنها فوجئت أيضاً برفضك الكاش .... مما أضطرهم لشراء وجبات معلبة ومواد تموينية وخلافه على أن يأتوا بمثلها أسبوعياً حتى يحضر صاحب الشأن ...
ويا نزار أعذرني فقد وصلني كل الكلام الذي قلته لهم والذي لا أريد الخوض في تفاصيله حالياً حفاظاً على مشاعر الآخرين ... حقيقة أرى إنك بهذه الطريقة قد تبعد دون قصد بعض من يرغبون في عمل الخير ... وكما تعلم أن أبواب الخير واسعة وليست مقتصرة على مكان محدد .... وهنا أيضاً لا أود الخوض في أية تفاصيل حفاظاً على هذه اللحمة الجميلة .... أعذرني أخي نزار إذ كان لابد أن أورد ما أقول من أجل الهدف الأسمى والأغلى وهو مصلحة هؤلاء الصغار .....
ولك أخي الكريم وللجميع خالص الود والتقدير ؛؛؛؛
Post: #168 Title: Re: نداء عاجل : إنقذوا أطفال السرطان في السودان ... Author: إدريس محمد إبراهيم Date: 03-11-2013, 11:50 AM Parent: #167
Post: #169 Title: Re: نداء عاجل : إنقذوا أطفال السرطان في السودان ... Author: اسامة حسين البشير Date: 03-11-2013, 12:23 PM Parent: #167
Quote: الأخ / نزار
تحية طيبة ...
نبارك جهودك المقدرة أخي نزار ... ونبارك لك العضوية التي تستحقها ....
بالنسبة للموضوع أعلاه أخي نزار أود أن أقول شيئاً .... لامسته شخصياً .... أكيد بتعرف عائلة الأخ / مصطفى قرافي ... الذي كلف زوجته وزميل له للاتصال عليك لتوفير ما تحتاجونه ... عندما رأيت كما يرى الجميع أن الغسالة في الوقت الحاضر أهم من التلفزيون قام مصطفى مشكوراً ..بتكليف زوجته بتوفيرها ...وعندما اتصلت عليك ...أصريت أخي نزار بأن الشاشة أهم في الوقت الحاضر ... رأي صديقي وهذه حقيقة من الصعوبة جهجهة زوجته خاصة وأ بين يديها طفلة في العام الثاني من عمرها ولذا اقترح عليها دفع مبلغ مليون جنيه للمساهمة حتى في توفير الوجبات لهؤلاء الصغار حالياً ووعد بشراء الغسالة والشاشة عندما يحضر للخرطوم التي يعمل في مشاريع خارجها .... لكنها فوجئت أيضاً برفضك الكاش .... مما أضطرهم لشراء وجبات معلبة ومواد تموينية وخلافه على أن يأتوا بمثلها أسبوعياً حتى يحضر صاحب الشأن ...
ويا نزار أعذرني فقد وصلني كل الكلام الذي قلته لهم والذي لا أريد الخوض في تفاصيله حالياً حفاظاً على مشاعر الآخرين ... حقيقة أرى إنك بهذه الطريقة قد تبعد دون قصد بعض من يرغبون في عمل الخير ... وكما تعلم أن أبواب الخير واسعة وليست مقتصرة على مكان محدد .... وهنا أيضاً لا أود الخوض في أية تفاصيل حفاظاً على هذه اللحمة الجميلة .... أعذرني أخي نزار إذ كان لابد أن أورد ما أقول من أجل الهدف الأسمى والأغلى وهو مصلحة هؤلاء الصغار .....
ولك أخي الكريم وللجميع خالص الود والتقدير ؛؛؛؛
في انتظار تعقيبك اخي نذار ... وظللت اكرر لك كما هو في البوست اعلاااااااه ...... ارى ان الغسالة والمكيف والاساسيات من مشرب ومأكل اهم من شاشه بلازما ويمكن اي شخص لديه تلفزيون مستعمل فائض مممكن يتبرع به للدار .. فليس من الاولويات الشاشه البلازما؟؟؟
Post: #170 Title: Re: نداء عاجل : إنقذوا أطفال السرطان في السودان ... Author: على عبدالله بشير Date: 03-11-2013, 01:10 PM Parent: #169
Quote: الأخ / نزار
تحية طيبة ...
نبارك جهودك المقدرة أخي نزار ... ونبارك لك العضوية التي تستحقها ....
بالنسبة للموضوع أعلاه أخي نزار أود أن أقول شيئاً .... لامسته شخصياً .... أكيد بتعرف عائلة الأخ / مصطفى قرافي ... الذي كلف زوجته وزميل له للاتصال عليك لتوفير ما تحتاجونه ... عندما رأيت كما يرى الجميع أن الغسالة في الوقت الحاضر أهم من التلفزيون قام مصطفى مشكوراً ..بتكليف زوجته بتوفيرها ...وعندما اتصلت عليك ...أصريت أخي نزار بأن الشاشة أهم في الوقت الحاضر ... رأي صديقي وهذه حقيقة من الصعوبة جهجهة زوجته خاصة وأ بين يديها طفلة في العام الثاني من عمرها ولذا اقترح عليها دفع مبلغ مليون جنيه للمساهمة حتى في توفير الوجبات لهؤلاء الصغار حالياً ووعد بشراء الغسالة والشاشة عندما يحضر للخرطوم التي يعمل في مشاريع خارجها .... لكنها فوجئت أيضاً برفضك الكاش .... مما أضطرهم لشراء وجبات معلبة ومواد تموينية وخلافه على أن يأتوا بمثلها أسبوعياً حتى يحضر صاحب الشأن ...
ويا نزار أعذرني فقد وصلني كل الكلام الذي قلته لهم والذي لا أريد الخوض في تفاصيله حالياً حفاظاً على مشاعر الآخرين ... حقيقة أرى إنك بهذه الطريقة قد تبعد دون قصد بعض من يرغبون في عمل الخير ... وكما تعلم أن أبواب الخير واسعة وليست مقتصرة على مكان محدد .... وهنا أيضاً لا أود الخوض في أية تفاصيل حفاظاً على هذه اللحمة الجميلة .... أعذرني أخي نزار إذ كان لابد أن أورد ما أقول من أجل الهدف الأسمى والأغلى وهو مصلحة هؤلاء الصغار .....
ولك أخي الكريم وللجميع خالص الود والتقدير ؛؛؛؛
تحياتى لكم جميعاً
الأخ أدريس ما أوردته أعلاه كلام كونه يصدر من شخص هو مؤسس لجمعية خيرية أو منظمة مجتمع مدنى و هو رئيسها و هدفها الذى قامت من أجله هو خدمة المحتاجين سوى كانوا مرضى بسرطان أو أى مرض آخر أو فى أى مجال من ضروب الخير فكون رئيس المنظمة يتعامل مع فاعلى الخير بهذه الطريقة الفظه شئ يدعو للأستغراب و لماذا السيد الرئيس يرفض أستلام التبرع النقدى ..!!!؟؟؟ أذا هو عايز يبرئ ذمته أكيد معه ناس قائمين على هذا العمل و المفروض يكون فى شخص أمين للمال و بمستندات المنظمة قائمة على ما يقدمه الخيرين من مال و أشياء عينيه و و جبات و غيره فيا أخ نزار أتمنى أن لاتحرم الناس الأجر بهكذا تصرفات .. و لا أرى ضرورة لشاشة بلازما ... أى تلفزيون عادى 21 بوصة و لو مستعمل بأدى الغرض
يا أخوى راجع نفسك و اقعد مع الناس المعاك و قدموا ما ينفع الناس لكن الكلام القاله أخونا أدريس دا كلام خطير و بخلى ناس كثير تحجم عن تقديم شئ لمنظمتكم ..
Post: #171 Title: Re: نداء عاجل : إنقذوا أطفال السرطان في السودان ... Author: رانيه محمد الشيخ Date: 03-11-2013, 01:40 PM Parent: #169
اخى اسامه انا لمن مشيت السكن لقيت فيها تلفزيون ولمن طلبوا الشاشه قولت ليهم فى تلفزيون يعنى ما ضرورى اخى محمد قال لى ان فيه مشكله قولت له مش ممكن يتصلح قال لى اى يعنى الموضوع ما معضله
ولصراحه انا شخصيا لحد هنا حقيف وباقى القروش العندى من التبرعات حتواصل مع محمد واشوف بتجيب شنو اجيبوا واخلى ذمتى لان الطريقه دى ما بتخارج معاى بقيت واهو صاحب الشأن جيه بنفسه وبقى عضو وممكن يدير قضيته بطريقته الخاصه وربنا يوفقهم ان شاء الله
Post: #172 Title: Re: نداء عاجل : إنقذوا أطفال السرطان في السودان ... Author: اسامة حسين البشير Date: 03-11-2013, 02:45 PM Parent: #171
Quote: اخى اسامه انا لمن مشيت السكن لقيت فيها تلفزيون ولمن طلبوا الشاشه قولت ليهم فى تلفزيون يعنى ما ضرورى اخى محمد قال لى ان فيه مشكله قولت له مش ممكن يتصلح قال لى اى يعنى الموضوع ما معضله
ولصراحه انا شخصيا لحد هنا حقيف وباقى القروش العندى من التبرعات حتواصل مع محمد واشوف بتجيب شنو اجيبوا واخلى ذمتى لان الطريقه دى ما بتخارج معاى بقيت واهو صاحب الشأن جيه بنفسه وبقى عضو وممكن يدير قضيته بطريقته الخاصه وربنا يوفقهم ان شاء الله
اختي رانيه تحية واحترام هذا الموضوع ستتم مناقشته ويجب ان يستمر الدعم للدار حتى ولو اصبح هنالك خلااااااف حول شخص نذار ... ؟؟؟ لا تتركي مجهوداتك في خدمة المحتاجين فهم الاحوج لنا جميعاً ويجب ان تنظري للموضوع من كل جوانبهوتوصلي المساعدات لهم بالطريقة التي ترينها انسب سنتواصل لاحقاً مع تحياتي
Post: #173 Title: Re: نداء عاجل : إنقذوا أطفال السرطان في السودان ... Author: رانيه محمد الشيخ Date: 03-11-2013, 02:54 PM Parent: #172
اخى اسامه الاطفال ربنا بيرعاهم اكيد والخير ما بيقيف عند زول زى ما ربنا قدرنا وساعدنا حيسخر غيرنا اكيد للمساعده وصاحب الشأن بذاته بقى هنا يعنى اصلا مافى مشكله الناس تتخاطب معاه مباشرتا والخير يستمر نحنا كنا وسطاء بينهم وبين الناس هنا حسى مافى حوجه لكده وبالعكس كده افضل فشنو عليك الله خليها كده وربك يوفق الجميع فى دربه الحكايه لا محتاجه تحنيس لا الحاح وانا حبيت اوضح النقطه دى عشان اكون خليت مسئوليتى
الاخوة الاعزاء فتحت هذا البوست من اجل لفت النظر لقضية اطفال استراحة منظمة بسمات الخيرية لرعاية اطفال السرطان .. وما خاب ظني فيكم والله فقد تسابقتم للخير .. ومن خلال دعمكم تم حل كثير من المشكلات بالدار التي تستضيفهم من سداد الايجار المتاخر وشهر قادم وتاسيس الدار وتوفير كثير من احتياجاتها والدعم المعنوي لهؤلاء الاطفال .. وقد كنت وسيط في كثير من الاتصالات لتوفير الدعم لعدم معرفة الناس بكيفية توصيل الدعم .. والان وقد اصبح الامر واضح ومعروف وايضاً مدير المنظمة اصبح من عضوية المنبر ..
عليه اخلي مسؤوليتي من الان وارفع يدي تمام عن اي امر يتعلق بهذه المنظمة ..
وخالص شكري وتقديري لكم لتضامنكم وسرعة استجابتكم .. واسال الله ان يتقبل منا ومنكم .. ودوماً في دروب الخير نلتقي باذن الله ..
Post: #175 Title: Re: نداء عاجل : إنقذوا أطفال السرطان في السودان ... Author: اسامة حسين البشير Date: 03-11-2013, 08:57 PM Parent: #174
الاخت وضااااااحه اظن اتكلمتك معاك في هذا الأمر اكثر من مرة وطالما انتي مصره انك تتركي مساعدة هؤلاء الاطفال فهذا قرارك وعمل الخير لن يتوقف عندي ولا عندك وامة محمد ما زالت بألف خير كما قال صلى الله عليه وسلم : الخير فيّ وفي امتي إلى يوم القيامه
واشكرك على ما قدمته لهؤلاء الأطفال وربنا يوفق الجميع لعمل الخير. مع تحياتي
Post: #176 Title: Re: نداء عاجل : إنقذوا أطفال السرطان في السودان ... Author: نزار عباس Date: 03-12-2013, 00:31 AM Parent: #175
السلام عليكم ورحمة الله الوالد الكريم ادريس سلام من الله عليك قريت مداخلتك وحابي اوضح انو فعلا زارتنا زوجة صديقك
Post: #178 Title: Re: نداء عاجل : إنقذوا أطفال السرطان في السودان ... Author: اسامة حسين البشير Date: 03-12-2013, 08:34 AM Parent: #176
Quote: السادة الكرام عساكم طيبين وبخير حابين نخص بالتحية العم والوالد ادريس وحابين نوضح رد لتساؤلاتكم والعم ادريس فعلا زارتنا زوجة صديقك بالسكن الخاص شافت بعينها مايدور في السكن ردينا علي كل تساولاتها بمنتهي الشفافية وكان اصرارنا علي اهمية الشاشة بس من خلال الواقع المعاش داخل السكن ولفترات ماضية طويلة ونعلم تماما مدي اهمية الشاشة بالنسبة للاطفال ونعزي ذلك للفراغ الكبير البعيشو الاطفال في السكن بعد ىالجرعات والتلفزيون الفي السكن حالتو تعبانه شديد وكل مرة بنمشي نصلحو والسبب هم الاطفال نفسهم واهاليهم والشاشة بتكون في مكان ابعد شوية منهم وبنقدر نتحكم فيها علي الاقل ووجود الشاشة اهم من الغسالة لان الاطفال ومرافقيهم بجو ينزلو في السكن لفترة العلاج المابتفوت اربعة او خمسة ايام وبكون معاهم غياريت تلاته حوجتنا يها حاليا في غسيل الملايات فقط يبقي الشاشة اهم ...اما بالنسبة لعدم قبولنا التبرعات المادية راينا انو كل مازارنا المتبرع او مندوبه وشاف مايحدث بام عينة ممكن جدا التبرع العيني بكون اعلي قيمة من المادي وعلي الاقل هو مشي بنفسو وجاب التبرع واطمن علي تبرعو مشي في الاتجاه الصحيح ..بالعكس لدينا امانة للمال يديرها احد الاخوان بحكم دراسته وعمله علي اكمل وجه وماعندنا اي مانع في تقبل الدعومات المادية ...الاخت وضاحة والاخت رانيا لانعلم سبب انسحابكم بس نحنا شايفين مهما كانت الاسباب فانها تتضاءل امام معاناة ومشاكل هؤلاء الاطفال والمفروض تكون في شفافية في النقاش حتي الناس ماتقيف عند حاجات صغيرة وبعيدة عن الغاية وعمل الخير ليس مرهونا باحد ولابقيف علي احد وناس الخير كتار رجاء صغير :- يصادف يوم 30 -3 الجاري اليوم العالمي للطفل ونحن كمنظمة رتبنا لاحتفالية تبداء من الثانية عبارة عن برامج ترفيهية بمشاركة بعض رموز الفن وفرق الكوميدياء ومشاركات فرق الاطفال بقيادة بابا ربيع ونتمني من الجميع المشاركة بالعاب وهدايا وملابس وماديا ايضا لتوفير بعض معينات الاحتفالية بهدف مواساة الاسر في مصابهم الجلل في حجم المعاناة عبر رحلة علاج طويلة .. وفي انتظار مساهماتكم
الاخ نزار نعلم ما قمت به من اجل هؤلاء الأطفال وشايفك بتأكد كلام هؤلاء المتداخلين انه الشاشه البلازما اهم عندك من المأكل والمشرب وتوفير حق ايجار السيارة والسكن والغسالة والدواء لهؤلاء الاطفال أي زول عاوز يتبرع ما مفروض تشترط عليهو يجيب شاشه بلازما او خلافه الواحد ما بصدق زول يجيهو يقدم ليهو عمل خير كمان تشترط عليهو ؟؟؟ خلي الناس براحتها وتقدم العاوزة تقدمو ثانياً: ما اعلمه الترفيه مهما كان شكله لا يمكن ان يكون على حساب الاساسيات وذي ما زكرت ليك في مداخلات عديدة لماذا الاصرار على الشاشه البلازما؟؟؟ وقيمة البلازما ممكن تساهم في سداد ايجار اربعه شهور قادمه؟؟؟ بس للاسف البلازما عندك اهم من كل شي على العموم ربنا يوفقك ولغاية هنا انا بتوقف عن التطرق لهذا الموضوع والسلام ختاااااااااااام
Post: #177 Title: Re: نداء عاجل : إنقذوا أطفال السرطان في السودان ... Author: نزار عباس Date: 03-12-2013, 01:01 AM Parent: #175
السلام عليكم ورحمة الله
Post: #179 Title: Re: نداء عاجل : إنقذوا أطفال السرطان في السودان ... Author: إدريس محمد إبراهيم Date: 03-12-2013, 12:19 PM Parent: #177
Quote: السادة الكرام عساكم طيبين وبخير حابين نخص بالتحية العم والوالد ادريس وحابين نوضح رد لتساؤلاتكم والعم ادريس فعلا زارتنا زوجة صديقك بالسكن الخاص شافت بعينها مايدور في السكن ردينا علي كل تساولاتها بمنتهي الشفافية وكان اصرارنا علي اهمية الشاشة بس من خلال الواقع المعاش داخل السكن ولفترات ماضية طويلة ونعلم تماما مدي اهمية الشاشة بالنسبة للاطفال ونعزي ذلك للفراغ الكبير البعيشو الاطفال في السكن بعد ىالجرعات والتلفزيون الفي السكن حالتو تعبانه شديد وكل مرة بنمشي نصلحو والسبب هم الاطفال نفسهم واهاليهم والشاشة بتكون في مكان ابعد شوية منهم وبنقدر نتحكم فيها علي الاقل ووجود الشاشة اهم من الغسالة لان الاطفال ومرافقيهم بجو ينزلو في السكن لفترة العلاج المابتفوت اربعة او خمسة ايام وبكون معاهم غياريت تلاته حوجتنا يها حاليا في غسيل الملايات فقط يبقي الشاشة اهم ...اما بالنسبة لعدم قبولنا التبرعات المادية راينا انو كل مازارنا المتبرع او مندوبه وشاف مايحدث بام عينة ممكن جدا التبرع العيني بكون اعلي قيمة من المادي وعلي الاقل هو مشي بنفسو وجاب التبرع واطمن علي تبرعو مشي في الاتجاه الصحيح ..بالعكس لدينا امانة للمال يديرها احد الاخوان بحكم دراسته وعمله علي اكمل وجه وماعندنا اي مانع في تقبل الدعومات المادية ...الاخت وضاحة والاخت رانيا لانعلم سبب انسحابكم بس نحنا شايفين مهما كانت الاسباب فانها تتضاءل امام معاناة ومشاكل هؤلاء الاطفال والمفروض تكون في شفافية في النقاش حتي الناس ماتقيف عند حاجات صغيرة وبعيدة عن الغاية وعمل الخير ليس مرهونا باحد ولابقيف علي احد وناس الخير كتار رجاء صغير :- يصادف يوم 30 -3 الجاري اليوم العالمي للطفل ونحن كمنظمة رتبنا لاحتفالية تبداء من الثانية عبارة عن برامج ترفيهية بمشاركة بعض رموز الفن وفرق الكوميدياء ومشاركات فرق الاطفال بقيادة بابا ربيع ونتمني من الجميع المشاركة بالعاب وهدايا وملابس وماديا ايضا لتوفير بعض معينات الاحتفالية بهدف مواساة الاسر في مصابهم الجلل في حجم المعاناة عبر رحلة علاج طويلة .. وفي انتظار مساهماتكم
الأخ / نزار
تحية طيبة ...
أولاً الحمد لله على كل حال .... ويا أخي نزار أنا ممكن أكون بمثابة أخوك الأكبر ...يعني ما في داعي للعم إدريس والوالد إدريس ..سمح .... وبعدين وبصراحة أكثر ووضوح مصطفى ده علاقتنا علاقة عمر بأكمله ولن أزيد .... وأكرر المهم في الموضوع والأساسي يا نزار طريقة معاملتك وجهجهة الناس العايزه تعمل الخير ... أما مربط الفرس والذي كان بمثابة القشة التي قصمت ظهر البعير في الموضوع إن مصطفى قد نقل لي كل الكلام الذي قلته لزوجته وبحذافيره ...ونحن على اتصال يومي ببعض حيث إنه ينفذ مشاريع في النيل الأزرق ....الكلام ده بصراحه يا نزار وبكل الوضوح ما جميل في حقك أبداً ..يعني بحاول ما أقول ليك عيب في حقك وكان مستبعد يصدر منك ...ولأني ما عايز أجرح مشاعر الآخرين أرجو أن لا تضطرني أن أصرح بكل ما قلته هنا ...وعشان الناس ما يتجه تفكيره للمكان الخطأ ...أنت لم تتجاوز حدودك مع زوجة صديقي وإلا فالله وحده يعلم ماذا كانت ستكون ردة الفعل .... لكن أصر كمان وكمان إنو الموقف برمته ما كان جميل أبداً منك ....وإنت أكيد فاهم أنا قاصد شنو زي جوع بطنك يا نزار ....يعني ولأني بنظر للهدف الأسمى ما عايز أوقف أي عمل يأتي من وراءه خير لهؤلاء الصغار ... ولكن مثل ما تقوم به حقيقة قد يضطرني لذلك وفي أقرب فرصة ... لأن عمل الخير أبوابه لا تقتصر على هذا المكان ....
والله من وراء القصد ؛؛؛؛؛
مع خالص ودي وتقديري ؛؛؛؛
Post: #180 Title: Re: نداء عاجل : إنقذوا أطفال السرطان في السودان ... Author: نزار عباس Date: 03-12-2013, 03:23 PM Parent: #179
السلام عليكم ورحمة الله :- صديقي اسامة انا ماعارف ليه التفكير بس في شخصي لاني ماانا براي الفي المنظمة دي وابدا ماكانت الشاشة اهم من الادوية والماكل والمشرب والترحيل بس لما زوجة مصطفي خيرتنا بانها تساهم بشنو بين الغسالة والشاشة قلنا ليها الشاشة وياصديقي ادريس بصراحة اكتر انا حابي اعرف السبب شنو النتقول انا عارفة زي جوع بطني وكل النقاش الذي دار بيننا وزوجة مصطفي صديقك كان بحضور اعضاء المنظمة ومااظن شخصا خرج برة اطار الموضوع اصلاً ...وانا شايف انو الموضوع بتاع النقاش دة اخد من اكتر من حقو ونحنا كمنظمة نعرف تماما مانفعله فارجوكم دعو سفاسف الامور والتفتو لما جئناكم من اجله ويااسامة السكن بهمنا والاكل والشراب والدواء وايضاً يهمنا تنفيذ برامج التوعية الصحية واحتفالنا باليوم العالمي للطفل لايخرج من هذا الموضوع لاننا بنستهدف اكثر من 200 طفل واسرهم والحضور ودي حاجة ماساهلا لما تعرف الناس بمخاطر المرض وكيفية الوقاية ... وعموما حابي اقول ياريت ماتشتتو تفكير الناس وتبعدو عن القضية الاساسية وكل من يحب يساهم يدلو بدلوه وانتو عرفتو عنواننا وكل مايحصل داخل السكن ودي دعوة مجانية لحصد الاجر والثواب فابدا مافي داعي لكل هذه الجلبة ...ومانحن الا بهمزة وصل بينكم والاطفال والاعمال بالنيات
Post: #181 Title: Re: نداء عاجل : إنقذوا أطفال السرطان في السودان ... Author: نزار عباس Date: 03-12-2013, 03:48 PM Parent: #180
ياجماعة الخير بكل مقاماتكم السامية ملاحظ انو كل المداخلات اصبحت في موضوع خارج عن الهدف الاساسي واذا اختلفت وجهات النظر شايف انو الناس بتعملا سبب وتنسحب ..القصد من كل الموضوع انك تساهم في تزليل مشاكل بتعترض طريق الاطفال نحو فترة علاجهم الطويلة جدا وباختصار حابي اوضح مانحنا البنشترط علي فاعلي الخير باي شي بالعكس نحنا حابين نطمئن الناس البتبرع انها تبرعها ماشي في المصب الصحيح وكفي ... لذلك ارجو منكم سادتي انا نترك النقاشات جانبا وباااااااااااااااب الخير فاتح كان انت ولاغيرك ولاغيري وامثلة كتيرة جدا في مجتمعنا محتاجة وقفات ووقفات ماطفال السرطان وحدهم والغاية منها كسب الاجر والثواب ... جزاكم الله خيرا واعفو لينا اذا فهمتو غلط بس اتمعنو قبل ردكم علي اي تساول او طرحه لان منبركم مقروء جدا واي راي قد يوثر علي الناس ولا تقفو سدا بينكم وبين عمل الخير .. ونحنا ماضين بالسفينة بالرغم من قساوة الرياح بس متاكدين انو ربنا حينصرنا لاننا متوكلين عليه وهو اعلم بما في النفوس ولكم ودي واحترامي وتقديري
Post: #182 Title: Re: نداء عاجل : إنقذوا أطفال السرطان في السودان ... Author: نزار عباس Date: 03-12-2013, 03:49 PM Parent: #180
ياجماعة الخير بكل مقاماتكم السامية ملاحظ انو كل المداخلات اصبحت في موضوع خارج عن الهدف الاساسي واذا اختلفت وجهات النظر شايف انو الناس بتعملا سبب وتنسحب ..القصد من كل الموضوع انك تساهم في تزليل مشاكل بتعترض طريق الاطفال نحو فترة علاجهم الطويلة جدا وباختصار حابي اوضح مانحنا البنشترط علي فاعلي الخير باي شي بالعكس نحنا حابين نطمئن الناس البتبرع انها تبرعها ماشي في المصب الصحيح وكفي ... لذلك ارجو منكم سادتي انا نترك النقاشات جانبا وباااااااااااااااب الخير فاتح كان انت ولاغيرك ولاغيري وامثلة كتيرة جدا في مجتمعنا محتاجة وقفات ووقفات ماطفال السرطان وحدهم والغاية منها كسب الاجر والثواب ... جزاكم الله خيرا واعفو لينا اذا فهمتو غلط بس اتمعنو قبل ردكم علي اي تساول او طرحه لان منبركم مقروء جدا واي راي قد يوثر علي الناس ولا تقفو سدا بينكم وبين عمل الخير .. ونحنا ماضين بالسفينة بالرغم من قساوة الرياح بس متاكدين انو ربنا حينصرنا لاننا متوكلين عليه وهو اعلم بما في النفوس ولكم ودي واحترامي وتقديري
Post: #183 Title: Re: نداء عاجل : إنقذوا أطفال السرطان في السودان ... Author: إدريس محمد إبراهيم Date: 03-12-2013, 10:15 PM Parent: #182
Quote: فارجوكم دعو سفاسف الامور والتفتو لما جئناكم من اجله [/QUOTE
الأخ / نزار
لك التحية ؛؛؛
شوف يا خوي الواضح ما فاضح ....لا أنت بتعرفني ...ويمكن تكون سمعت اسمي عرضاً كما إني لا أعرفك ....فما في داعي للتجريح أول حاجه .... هؤلاء الناس لا يكذبون وما أتوا لخلق المشاكل بل للمساعدة ولوجه الله تعالى ....فهل من سفاسف الأمور أن تقوم بتشويه صورة إنسانه ما عرفنا عنها إلا كل الخير والنزاهة التامة .... إنسانه عندما سألتها عتك قالت بكل نبل الدنيا هو صاح معاملته صعبه شوية ولكن استغفر الله لا أستطيع أن أشكك في ذمته ..... وهي التي دلت الناس عليك بإعطائهم رقم هاتفك يا نزار ..... ولكتك ويا لأسف قلت فيها ما لم يقله مالك في الخمر ....لم تتورع أبداً ولم تراعي ضنيرك وبهتها يا رجل وتأتي هنا لتصف شجبنا المستور حتى الآن لكلامك السيء جداً في حق هؤلاء الشرفاء بسفاسف الأمور .....ولامن أقول ليك إنت عارف غلطتك وين زي جوع بطنك فأنا أعني ما أقول .... وأكررها هنا لك مرة أخرى .... عيب كده والله يا نزار ....ولعلمك حتى الآن أنا لم أخبرها بما قلته عنها حفاظا على مشاعرها .... وهي الآن قد قهمت إتها المقصوده ولن تتركني حتى أخبرها .... ويا زول أنا ما عندي مانع لو دي رغبتك أجي أرش كل كلامك هنا .... إن الله لا يستحي من الحق ....
شوف فقدت المنظمة وضاحه صاحبة البوست والتي حتى قبل أمس كانت تحدثني عن تعيين أخصائية تعذية للدار .... وفقدت رانيه ... وأسامه .... وما عارف قبل كده فقدتوا مين ولا ماشيين نفقدوا مين .... وبصراحه إنت السبب المباشر في كل هذا التردي أياً كان موقعك أو تأثيرك في هذا الكيان .... ولكن العبرة بالنتائج والتي تتحدث عن نفسها بكل وضوح .....
كان ممكن أراسلك عبر الخاص .... ولكن لأن هذا شأن عام وليس حكراً على أحد فضلت الوضوح هنا .... وأنا على أتم الاستعداد للمزيد من هذا الوضوح من أجل مصلحة هرلاء الصغار الأبرياء ....
مع خالص ودي ...
Post: #184 Title: Re: نداء عاجل : إنقذوا أطفال السرطان في السودان ... Author: إدريس محمد إبراهيم Date: 03-12-2013, 10:15 PM Parent: #182
Quote: فارجوكم دعو سفاسف الامور والتفتو لما جئناكم من اجله [/QUOTE
الأخ / نزار
لك التحية ؛؛؛
شوف يا خوي الواضح ما فاضح ....لا أنت بتعرفني ...ويمكن تكون سمعت اسمي عرضاً كما إني لا أعرفك ....فما في داعي للتجريح أول حاجه .... هؤلاء الناس لا يكذبون وما أتوا لخلق المشاكل بل للمساعدة ولوجه الله تعالى ....فهل من سفاسف الأمور أن تقوم بتشويه صورة إنسانه ما عرفنا عنها إلا كل الخير والنزاهة التامة .... إنسانه عندما سألتها عتك قالت بكل نبل الدنيا هو صاح معاملته صعبه شوية ولكن استغفر الله لا أستطيع أن أشكك في ذمته ..... وهي التي دلت الناس عليك بإعطائهم رقم هاتفك يا نزار ..... ولكتك ويا لأسف قلت فيها ما لم يقله مالك في الخمر ....لم تتورع أبداً ولم تراعي ضنيرك وبهتها يا رجل وتأتي هنا لتصف شجبنا المستور حتى الآن لكلامك السيء جداً في حق هؤلاء الشرفاء بسفاسف الأمور .....ولامن أقول ليك إنت عارف غلطتك وين زي جوع بطنك فأنا أعني ما أقول .... وأكررها هنا لك مرة أخرى .... عيب كده والله يا نزار ....ولعلمك حتى الآن أنا لم أخبرها بما قلته عنها حفاظا على مشاعرها .... وهي الآن قد قهمت إتها المقصوده ولن تتركني حتى أخبرها .... ويا زول أنا ما عندي مانع لو دي رغبتك أجي أرش كل كلامك هنا .... إن الله لا يستحي من الحق ....
شوف فقدت المنظمة وضاحه صاحبة البوست والتي حتى قبل أمس كانت تحدثني عن تعيين أخصائية تعذية للدار .... وفقدت رانيه ... وأسامه .... وما عارف قبل كده فقدتوا مين ولا ماشيين نفقدوا مين .... وبصراحه إنت السبب المباشر في كل هذا التردي أياً كان موقعك أو تأثيرك في هذا الكيان .... ولكن العبرة بالنتائج والتي تتحدث عن نفسها بكل وضوح .....
كان ممكن أراسلك عبر الخاص .... ولكن لأن هذا شأن عام وليس حكراً على أحد فضلت الوضوح هنا .... وأنا على أتم الاستعداد للمزيد من هذا الوضوح من أجل مصلحة هرلاء الصغار الأبرياء ....
مع خالص ودي ...
Post: #185 Title: Re: نداء عاجل : إنقذوا أطفال السرطان في السودان ... Author: نزار عباس Date: 03-12-2013, 11:03 PM Parent: #184
السلام عليكم ورحمة الله ... اخي الكريم انا ماداير اخش في جدلات بس وجهة نظري لو كنت انا شفيف في طرحي للمواضيع دة بعزي لاني سمعت كتير جدا عن مايدور في دهاليز منظمات سبقتنا في المجال واشخاص لاتتوقع او تتخيل في يوم من الايام انو يكون عديم الزمة ودة سبب مباشر في عدم مواصلة منظمتهم وتبداء بالانهيار ...واكيد ماحاكون اصلا وقاطعا اني اصف اي حد باي كلام في نوع من عدم الاحترام وسبق وقلت اني شاكر جدا للاخت رانيا ووضاحة واسامة علي وقفتهم النبيلة متمنيا من الله ان يجزيهم خير الثواب علي ماقدموه ومهما وصلت درجة الاختلاف بيننا في شكل طرحنا للمواضيع صدقني الهدف هو مصلحة هؤلاء الابرياء وكونهم ينسحبو مانهاية الدنيا لانو الخير بابو مفتوح واذا حابين ينسحبو او ذي مابتقول خسروني فاقول ليهم دة عمل خير وربنا البجزي بيهو وماعشاني انا ومع اني متاكد اني مااسات لحد بس يمكن الضغط تحت ظروف صراحة لا يتحملها حد ويوميا ممكن تخلي الزول شوية متوتر ...بالرغم من ذلك نطلب السماح اذا فهمنا اي حد خطأ ولكم العتبي حتي ترضو ...والله عالم انا بكون مبسوط كيف لما القي زول هميم بمشاكل الاطفال ديل وبقدم ليهم المساعدة ... والله والله والله العظيم ماحاقدر اوصل ليكم احساس انا عايشو لي فترة احساس طفل مصاب بنوم من غير عشاء او ام مات طفلها بين يديها او طفل ليهو زمن محروم من امو والحلة والاصحاب بسبب ثمن تزكرة بس ...فارجوكم كل الحابي اقولو اعفو لينا واذا غلطنا في حد بكون من جهد الاجتهاد مااكتر ودعونا نسير بالسفينة ...ولكم محبتي