Post: #1
Title: تلفزيون السودان الصيني
Author: عمر الفاروق عبد الله الشيخ
Date: 02-10-2013, 10:18 AM
Parent: #0
آخر تقاليع الحكومة الإنقاذية بيع تلفزيون السودان للصين وبدون الخوض في التفاصيل تخيل معي الحدوتة العجيبة انه المواد لا تخضع للرقابة الحكومية السودانية وممكن نلاقي معظم البرامج وقد تم تصيينها وكمثال برنامج أسماء في حياتنا السوداني سيتم تصيينه ويقدمه واحد صيني اسمه عمر شن يانغ جوزلي ويقوم بعمل حلقات عن ماو وشواين لاي والشاعر الصيني لي باي والفاصل الغنائي يقدم اغنيات للمغنية الصينية سا دينغ دونغ بجانب الراحلة فاطمة الحاج.
وعشان الحكاية شراكة فيفتي فيفتي ممكن نشرة الاخبار تكون مشتركة صينية سودانية خبر عن البشير وخبر عن الرئيس الصيني جين تاو وخبر لنافع وآخر لرصيفه الصيني أما المسلسلات فستكون صينية علي ان يتم دبلجتها بالسوداني وذلك لضآلة الانتاج الدرامي السوداني والتتر الخاص بالمسلسل يكون مشترك اعداد شن شان بينغ .. مونتاج عامر ابو الفتوح مساعد مخرج صيني واخراج شكر الله خلف الله.
وطالما الدوري الممتاز قد تم احتكاره بواسطة قناة النيلين فيمكن للقناة الفضائية السوداصينية ان تقوم ببث الدوري الصيني من شنغهاي يعني كلتشي لمن يحترف في الصين عادي تشوفوه في الدوري الصيني مبثوثا من قناة السودان الصينية!!
برنامج عالم الرياضة السوداني البايخ المكرر كل نهار جمعة يمكن تحليته بفقرات من الاكروبات الصينية ويمكن استضافة خبير تحكيم صيني بجانب الخبير السوداني لشرح قانون التحكيم ومحلل رياضي صيني للتعليق علي مباراة هلال بكين ضد مريخ قوانزو.
اما ناس معاهد تعليم اللغات فحيغنوا من دورات تعليم اللغة الصينية للناطقين بغيرها ولا نستبعد ادخال المنهج الصيني في مرحلة الأساس من العام القادم بس ياربي شفعنا حيتعلموا يكتبوا اللغة الصينية دي كيف؟!!
أما الدعايات التي تسيطر عليها شركات الإتصالات سوداني وخليك سوداني يمكن تحويلها الي سوداني وخليك صيني وبجانب دعاية اوشاعات يا عمدة اوشاعات 25ب قرش بث تتكلم 3 ساعات حيضاف ليها شن شان شن 10 ساعات بون ين!
برنامج صحتك الذي يقدمه البروف مامون حميدة يوم الجمعة حيستضيف دكتور سوداني وآخر صيني في حلقة عن علاج الأمراض المستعصية بإستخدام الإبر الصينية، المذيعة الصينية شنغ شينغ ستقدم سهرة منوعات مشتركة صينية سودانية محورها العلاقات الأزلية بين السودان والصين.
أما برامج المسابقات الرمضانية فستكون كل الجوائز المقدمة Made in China من السيارة للموبايل بس علي الفائزين ملء استمارة الإشتراك باللغة الصينية واللي يعيش كتير في عهد الإنقاذ يشوف أكتر!!
مقدمة البرامج الصينية شنغ شينغ
|
Post: #2
Title: Re: تلفزيون السودان الصيني
Author: عمر الفاروق عبد الله الشيخ
Date: 02-10-2013, 11:15 AM
يجينا مذيع النشرة الجوية الصينية ويشبكنا ليك شوان شي بيانغ ومعناتها الفاصل المداري يمر جنوب سور السين العظيم ويتوقع فيضانات شمال الفاصل المداري
|
Post: #3
Title: Re: تلفزيون السودان الصيني
Author: عمر الفاروق عبد الله الشيخ
Date: 02-10-2013, 11:22 AM
Parent: #2
| Quote: لعل السبب هو استطرادات عمر الجزلي واستضافته لنفسه عبر جهاز قومي لتظل الشخوص في حيرة من افلاكه النرجسية...وما البديل الا فضائية صينية(فاضية) |
محمد عبد الحليم محمد عبر الفيسبوك لك التحية
|
Post: #4
Title: Re: تلفزيون السودان الصيني
Author: ياسر منصور عثمان
Date: 02-10-2013, 11:28 AM
Parent: #3
شينغ فاي لي..
دي بالعربي يعني ...ممكن اهدي؟؟
|
Post: #5
Title: Re: تلفزيون السودان الصيني
Author: عمر الفاروق عبد الله الشيخ
Date: 02-10-2013, 11:46 AM
Parent: #4
Quote: شينغ فاي لي..
دي بالعربي يعني ...ممكن اهدي؟؟ |
اخي ياسر شي شي ودي معناها شكرا بالعربي
بس ياريت تشوفوا لينا لحس الكوع بالصيني شنو؟
|
Post: #6
Title: Re: تلفزيون السودان الصيني
Author: Zakaria Fadel
Date: 02-10-2013, 12:06 PM
Parent: #5
والله يا فاروق اتمنى ان يباع اليوم قبل الغد
حتى نستمتع بنشرة اخبار حقيقية لا تبدأ باخبار الرئيس و شلته
حتى تتم الاستعانة بمن يملكون الموهبة...لا من يملكون (الواسطة)....
وحتى تتم المحافظة على الوظيفة ..بالتطور الشخصي في امتلاك المعلومة (والحرفية) المهنية وليس بمجرد تقارير يكتبها زميلك....
شاهدت (قبل عدة اعوام) مقابلة اجراها عوض ابراهيم عوض في تلفزيون السودان مع المغني البريطاني يوسف اسلام باللغة الانجليزية...
وكانت بكل المقاييس فضيحة (بمعنى الكلمة)...
ليست الفضيحة في ضعف الامكانت التقنية (كانت الترجمة غائبة) وكان سعادة الدكتور عوض يسأل و يترجم في نفس الوقت
ولكن كانت الفضيحة ان المذيع لم يجمع المعلومات الكافية عن ضيفه..بل لم يكن يعرف ابسط المعلومات عن يوسف اسلام (كات استيفنس)
مما جعل يوسف يصححه في كثير من الاشياء التي ذكرها المذيع عنه....
هذا هو حال مذيعي التلفزيون ذوي الخبرة
|
Post: #7
Title: Re: تلفزيون السودان الصيني
Author: ALZOLZATOO
Date: 02-10-2013, 12:26 PM
Parent: #6
حبيبنا عمر
يعني خلاص تاني مافي انقلابات
تحياتي
زاتوووو
|
Post: #11
Title: Re: تلفزيون السودان الصيني
Author: عمر الفاروق عبد الله الشيخ
Date: 02-11-2013, 10:43 AM
Parent: #7
| Quote: يعني خلاص تاني مافي انقلابات |
يمكن يقلبها واحد صيني
تحياتي الزول زاتو
|
Post: #8
Title: Re: تلفزيون السودان الصيني
Author: عمر الفاروق عبد الله الشيخ
Date: 02-10-2013, 12:31 PM
Parent: #6
| Quote: والله يا فاروق اتمنى ان يباع اليوم قبل الغد |
اخي زكريا لك التحية وعلي نفس المنوال محتاجين نبيع باقي القنوات لكوريا واليابان وج افريقيا
|
Post: #9
Title: Re: تلفزيون السودان الصيني
Author: مصطفى توفيق
Date: 02-10-2013, 12:58 PM
Parent: #8
احسن عشان نشوف مذيعات صينيات بدل مذيعاتنا بتاعين استعراض موضة التياب
|
Post: #10
Title: Re: تلفزيون السودان الصيني
Author: عمر الفاروق عبد الله الشيخ
Date: 02-10-2013, 01:36 PM
Parent: #9
| Quote: احسن عشان نشوف مذيعات صينيات بدل مذيعاتنا بتاعين استعراض موضة التياب |
تحياتي اخي مصطفي
شيه نا
المؤهلات العلمية: تخرجت من جامعة سيتشوان للمعلمين
برامجها التلفزيونية: تخييم سعيد، ووجهك يبدو مألوفا
ولدت شيه نا في 6 مايو 1981 في مقاطعة سيتشوان جنوب غربي الصين، وتعتبر الآن إحدى أفضل مقدمات برامج المنوعات
مرشحة للعمل بتلفزيون الصودان الصيني
|
|